ཀན་ལྷོ་བསང་ཆུ་རྫོང་གི་སྒྱུ་རྩལ་ཚོགས་པ་ལོ་གསར་གྱི་འཁྲབ་སྟོན་བྱེད་པར་སུད་སིར་འབྱོར་འདུག
ཕྱི་ཚེས་ ༨ ཉིན་ཞིན་ཧྭ་གསར་ཁང་གིས་གནས་ཚུལ་ལྟར་ན། བསང་ཆུ་རྫོང་གི་གླུ་གར་ཚོགས་པ་དེ་སུད་སིའི་ ལེ་ཁུ་ རྫུ་རི་ཆུ་ ཞེས་པར་འབྱོར་ཏེ། ཕྱི་ཚེས་ ༦ ཉིན་བོད་ལྕགས་སྟག་ལོའི་ལོ་གསར་གྱི་གླུ་གར་འཁྲབ་སྟོན་བྱས་ཡོད་འདུག་ལ། འཁྲབ་སྟོན་མཛད་སྒོ་དེར་སུད་སིར་ཡོད་པའི་རྒྱ་རིགས་སློབ་མ་དང་རྒྱ་རིགས་མང་ཚོགས། རྒྱལ་སྤྱིའི་གྲོགས་པོ་འདྲ་མིན་སོགས་མི་གྲངས་ ༣༥༠ བསླེབས་ཡོད་པར་བཤད།
འཁྲབ་སྟོན་པ་རྣམས་ཀྱིས་སོ་སོར་འདི་ལྟའི་འཁྲབ་སྟོན་གྱི་གོ་སྐབས་ཤིག་རག་པར་དགའ་སྤོབས་ཆེན་པོ་བྱུང་ཚུལ་གླུ་གར་ཚོགས་པ་དེའི་མགོ་ཁྲིད་ཀྱིས་བཤད་འདུག
སུད་སིར་ཡོད་པའི་རྒྱ་ནག་གཞུང་ཚབ་པ་ ལིང་ཅན་ཆོན་ ཟེར་བས་ཁོང་ཚོར་འཚམས་འདྲི་བྱས་ཡོད་ལ། གླུ་གར་ཚོགས་པ་འདིས་ད་དུང་ Liechtenstein ཞེས་པའི་ས་གནས་ནས་ཀྱང་འཁྲབ་སྟོན་བྱ་རྒྱུ་ཡིན་འདུག
གླུ་གར་ཚོགས་པ་འདིས་བོད་ལྕགས་སྟག་ལོའི་ལོ་གསར་ཁྱེར་ནས་ཡུ་རོབ་ལ་བསླེབས་ཡོད་འདུག
ཁོང་ཚོ་ནམ་རྒྱུན་འཁྲབ་སྟོན་པ་ཞིག་ཡིན་ནམ། ཡང་ན་རྒྱ་ནག་ཀྱིས་དམིགས་བསལ་བཀོད་བསྒྲིགས་བྱས་པ་ཞིག་ཡིན་ན།
གལ་སྲིད་གནས་ཚུལ་དེ་ཚོ་ཤེས་ན། ཁོང་ཚོའི་དམིགས་ཡུལ་དེ་ཡང་ཤེས་ཐུབ་ཀྱི་རེད།
ཁོང་ཚོ་སླེབས་པ་དེ་ཁོང་ཚོ་བསམ་བཞིན་དུ་འོང་བ་ཡིན་ནམ། ཡང་ན་རྒྱ་དམར་ཀྱིས་ཁོང་ཚོ་མི་འདོད་བཞིན་དུ་བཏང་ཡོད་ན།
ང་ཚོ་བོད་པ་ཚོར་མིའི་ཀླད་པ་ངོ་མ་ཞིག་ཡོད་པ་ཡིན་ན། ཀན་ལྷོ་བསང་ཆུ་རྫོང་གི་སྒྱུ་རྩལ་ཚོགས་པ་ལོ་གསར་གྱི་འཁྲབ་སྟོན་བྱེད་པར་སུད་སིར་འབྱོར་བ་རྣམས་ལ་ངོ་རྒོལ་བྱེད་ཉེན་གྱི་མ་རེད། ཁོ་ཚོ་ག་རེས་བཏངས་པ་དང་གང་ཞིག་བྱེད་དུ་བཏང་བ་ཡིན་པ་ནི། ཞིན་ཧྭ་གསར་ཁང་གི་གསལ་བསྒྲགས་དང་སུད་སིའི་རྒྱ་ནག་གཞུང་ཚབ་ཀྱིས་འཚམས་འདྲི་བྱས་པ་དག་གིས་ཤེས་ཤེས་པ་རེད། གལ་སྲིད་ང་ཚོས་ཁོ་ཚོར་ངོ་རྒོལ་འདྲ་བྱས་པ་ཡིན་ན་རྒྱ་གཞུང་གི་དགོས་དམིགས་བླ་ལྷག་ཏུ་གྲུབ་ཅིང་། བོད་པ་དེ་ཚོ་སེམས་ཕམ་ནས་ལོག་འགྲོ་གི་རེད། དེ་ལས་ང་ཚོ་བོད་རིགས་སྤུན་ཟླ་ནང་ཚོགས་རྣམས་ཕན་ཚུན་ཐུག་འཕྲད་ཀྱིས་སྐྱིད་སྡུག་གི་སྐད་ཆ་འདྲ་བཤད་ཀྱིན་བསྡད་པ་ཡིན་ན་ཕན་ཚུན་གྱི་དངོས་ཡོད་གནས་ཚུལ་མང་པོ་ཞིག་རྒྱུས་ལོན་བྱུང་སྟེ་དོན་དངོས་ཀྱི་བོད་རིགས་སྤུན་ཟླ་ཆགས་ནས་འབྱུང་འགྱུར་གྱི་ལས་ཀ་མང་པོར་མཉམ་ཞུགས་བྱ་ཐུབ་ཀྱི་རེད།
ཁོང་ཚོར་གོ་སྐབས་ཕྲན་བུ་སྤྲད་པ་རེད། དོན་དངོས་སུ་འདི་ནི་ཁོ་ཚོའི་ཐོབ་ཐང་རེད། བོད་ནང་གི་ཟློས་གར་ཚོགས་པ་སུ་འདྲ་ཞིག་ཡིན་ནའང་ཕྱི་རྒྱལ་འགྲོ་བ་དང་ཕྱི་རྒྱལ་ལ་སོང་ནས་འཁྲབ་སྟོན་བྱེད་རྒྱུའི་ཐོབ་ཐང་སྔ་མོ་ནས་ཡོད་འོས་པ་རེད། དེའི་ཕྱིར་རང་གི་ཐོབ་ཐང་རང་ལ་སྤྲད་པར་རྒྱ་ནག་གཞུང་ལ་ཐུགས་རྗེ་ཆེ་ཞུས་དགོས་དོན་ཡོད་པ་མ་རེད། ཕྱི་རྒྱལ་ལ་འགྲོ་ཆོག་པ་ཁོ་ཚོའི་ཐོབ་ཐང་རེད། འདི་ཁྲིམས་འགལ་གྱི་གནད་དོན་གཅིག་ལྷག་ཡོད་པ་ནི་ཟློས་གར་ཚོགས་པ་འདི་བཞིན་རྒྱ་ནག་གིས་ཆབ་སྲིད་དྲིལ་སྒྲིག་ལ་བེད་སྤྱོད་བཞིན་པ་དེ་རེད། བོད་མི་འདི་ཚོ་བསམ་བློའི་རང་དབང་ཡོད་པ་མ་རེད། ཐ་ན་རང་གི་ཐོབ་ཐང་རང་ལ་སྤྲད་པར་ཐུགས་རྗེ་ཆེ་ཞུ་དགོས་ཐུག་པ་ལྟ་བུ་རེད།
རྒྱ་ནག་གཞུང་དང་འབྲེལ་ནས་ཡོང་པ་ཡིན་ན་འདྲ་སྒེར་གྱི་ཚོགས་པ་ཞིག་གི་ངོས་ནས་ཡོང་བ་ཡིན་ན་འདྲ། མི་བརྒྱ་འཚོགས་སྟོང་འདུས་ཡོད་སར་ཁོང་ཚོའི་འཁྲབ་སྟོན་བྱེད་སྐབས་མི་མཐུན་པའི་རྣམ་འབྱོར་དང་ངོ་རྒོལ་བྱེད་མི་ཉིན། བོད་མི་གཅིག་སྒྲིལ་དང་ཆ་མཐུན་ལ་ཧ་ཅིང་གནོད་ཀི་རེད་ རྒྱ་ནག་གིས་ཕྱི་སྡོད་བོད་མི་དང་གཞིའི་བཞུགས་བོད་གཉིས་་ལ་བསམ་བློ་ཁ་ཁར་གཏོང་བས་དམིགས་ཡུད་ཡིན་སྲིད་
ཁོང་ཚོ་འདིར་ཡོང་ནས་གླུ་གར་འཁྲབ་སྟོན་བྱེད་བཞིན་ཡོད་་པ་རེད། ལོ་གསར་བའི་ལེགས་སྐྱེས་ཡོ་རོབ་མི་མང་ལ་གླུ་གཞས་འཁྲབ་སྟོན་གྱི་རྣམ་པའི་སྟེང་ནས་ཁྱེར་ཏེ་ཡོང་ཡོད་པ་ཡིན། འོན་ཀྱང་འདི་ཚོ་་གནད་དོན་མ་རེད། ཁོང་ཚོས་ཅི་ཞིག་བྱེད་ཀྱི་ཡོད་མེད་དང་གང་དུ་སོང་བ་དང་འགྲོ་རྒྱུ་ཡིན་མིན་ཡང་གཙོ་བོ་མ་རེད། གཙོ་བོ་ཁོང་ཚོ་སུ་ཞིག་གི་མགྲིན་ཚབ་བྱས་ནས་ཡོང་ཡོད་མེད་དང་། ཁོང་ཚོ་ཡོང་དགོས་པའི་དམིགས་ཡུལ་གྱི་སྟེང་ན་གནད་དོན་ཡོད་པ་རེད།
འདི་ལ་ཐབས་ཤེས་གཅིག་རང་གཅིག་ཡོད་པ་རེད། སུད་སིར་གནས་སྡོད་ཀྱི་བོད་མི་རྣམས་གྱིས་ཁོང་ཚོར་སྣེ་ལེན་ལེགས་པོ་བྱེད་དགོས་པ་རེད། ཁོང་ཚོར་གསོལ་སྟོན་བྱམས་དགོས་པ་རེད། དེ་ནས་ཁོང་ཚོ་ཡོང་བའི་རྒྱུད་རིམ་འདྲི་དགོས་་པ་རེད། ད་གཟོད་ང་ཚོའི་བསམ་བློ་གཏོང་ས་ཞིག་དང་ལས་དོན་སྒྲུབ་ཕྱོགས་ཤིག་རྙེད་ཀི་རེད། འདིའི་མིང་ལ་དམག་དོན་གཞུང་ལུགས་ནང་དུ་༼འཛིན་སླད་དུ་ཅུང་ཙམ་མངགས་པ་༽ཞེས་གསལ་བ་རེད། ཐབས་འདི་བཀོལ་དགོས་པ་རེད།