བོད་དོན་འཐབ་རྩོད་པ་བསྟན་འཛིན་བརྩོན་འགྲུས་ལགས་ཀྱིས་བོད་མི་མང་སྤྱི་འཐུས་གྲོས་ཚོགས་ནང་གི་རྩོད་རྙོག་ནི། ཆོལ་ཁ་དང་ཆོས་ལུགས་ཀྱི་རྩོད་རྙོག་མིན་པར་མི་ཚང་གཉིས་ཀྱི་རྩོད་རྙོག་རེད་ཟེར།
ཕྱི་ཚེས་ ༧ ཉིན་འོད་དཀར་དྲ་ཚིགས་ཀྱི་གོ་སྒྲིག་འོག་ལྷོ་ཕྱོགས་སྦེལ་ཀོབ་བདེ་སྐྱིད་སླར་གསོའི་ཚོགས་ཁང་ནང་། འབྱུང་འགྱུར་བཀའ་བློན་ཁྲི་པ་འདེམས་བརྐོ་ཞེས་པའི་བརྗོད་གཞིའི་སྟེང་བགྲོ་གླེང་ཚོགས་འདུ་ཞིག་བསྐོངས་འདུག་ལ། བགྲོ་གླེང་ཚོགས་འདུའི་སྟེང་གདན་ཞུའི་བགྲོ་གླེང་བ་རྣམས་ནི་བོད་མི་མང་སྤྱི་འཐུས་ཚེ་རིང་གཡུ་སྒྲོན་དང་སྦེལ་ཀོབ་ལུགས་ཟུང་བསམ་འགྲུབ་གླིང་གི་གཞིས་མགོ་ཟུར་བ་དང་ལྡི་ལི་དོན་གཅོད་ཁང་གི་དྲུང་ཆེ་བཀྲ་ཤིས་དབང་འདུས། བོད་དོན་འཐབ་རྩོད་པ་དང་རྩོམ་པ་བོ་བསྟན་འཛིན་བརྩོན་འགྲུས་དང་བོད་ཀྱི་གཞོན་ནུའི་ཚོགས་གཞོན་ཟུར་བ་བློ་བཟང་ཡེ་ཤེས་བཅས་ཡིན་འདུག
ཉིན་དེར་བོད་མི་མང་སྤྱི་འཐུས་ཚེ་རིང་གཡུ་སྒྲོན་ལགས་ཀྱིས་ད་ལྟ་སྤྱི་ཚོགས་ནང་དུ་འབྱུང་འགྱུར་གྱི་བཀའ་བློན་ཁྲི་པར་གཞོན་སྐྱེས་ཤིག་དགོས་པ་རེད་ཟེར་བ་དང་བུད་མེད་ཅིག་དགོས་པ་རེད་ཟེར་མཁན་སོགས་ཡོད་ནའང་། བཀའ་བློ་ཁྲི་པ་དེ་སྲིད་བྱུས་ལག་བསྟར་བྱེད་མཁན་ཡིན་སྟབས། ངས་ཤེས་ཡོན་དང་དཔལ་འབྱོར་ཕྱོགས་ནས་སྔར་དང་མི་འདྲ་བར་གསར་ཏུ་གཏན་འབེབས་གནང་ཐུབ་མཁན་ཞིག་དགོས་པ་གལ་ཆེན་པོར་མཐོང་གི་ཡོད་ཅེས་གསུངས་པ་དང་། ལྡི་ལི་དོན་གཅོད་དྲུང་ཆེ་བཀྲ་ཤིས་དབང་འདུས་ལགས་ཀྱིས་ ༢༠༡༡ ལོའི་བཀའ་ཁྲི་དེ་དེང་སང་དྲ་རྒྱ་ཁག་དང་གསར་ཤོག་ཁག་བཅས་སུ་ཤུགས་ཆེར་གླེང་གི་འདུག་ལ། སྔོན་དང་མི་འདྲ་བར་བཀའ་ཁྲི་ལ་གཞོན་སྐྱེས་ཤིག་དགོས་པ་རེད་ཟེར་མཁན་ཤུགས་ཆེན་པོ་རེད། སྔོན་མ་བཀའ་ཁྲི་ལབ་ན་ང་ཚོ་བོད་ཀྱི་སྤྱི་ཚོགས་ནང་དུ་ལོ་དྲུག་ཅུ་ཡན་མ་གཏོགས་མིག་ལམ་ལ་ཤར་གི་མེད་པ་དང་། ལོ་དྲུག་ཅུ་མ་ལོན་པ་དག་གི་དོ་བདག་སྒེར་གྱིས་ཀྱང་བཀའ་ཁྲི་འཇོན་གི་མ་རེད་བསམ་བསྡད་ཡོད།
ང་ཚོའི་མང་གཙོ་ནི་༧གོང་ས་མཆོག་གིས་མར་གསོལ་རས་སུ་གནང་བ་རེད། མི་ལོ་ལྔ་བཅུའི་ཉམས་མྱོང་སྟེང་ནས་མི་མང་གིས་ཀྱང་གཞོན་སྐྱེས་དགོས་ཀྱི་འདུག་ཅེས་མང་གཙོ་ཚད་ལྡན་གྱི་ཕྱོགས་སུ་གོམ་པ་སྤོ་གི་འདུག ངས་དཔེ་ཞིག་བཞག་ནས་ཞུས་ན་ང་རང་བཀའ་ཁྲི་ལ་གཞོན་སྐྱེས་དགོས་ཟེར་མཁན་ཞིག་ཡིན། འཛམ་བུ་གླིང་གི་འགྲོ་སྟངས་ལྟར་དྲུང་ཆེ་དང་གཞུང་གི་ལས་ཀ་གལ་ཆེན་བྱེད་མཁན་དག་ལོ་བཞི་བཅུའི་ཡན་དང་ལོ་དྲུག་ཅུ་ལས་མ་བརྒལ་བ་དགོས་པ་རེད། ལོ་དྲུག་ཅུ་ལས་བརྒལ་བ་ཚོའི་སེམས་ཀྱིས་ལྕོགས་ཀྱང་ལུས་པོས་མི་ལྕོགས་པ་དང་། གཞུང་གི་ལས་བྱེད་ལ་ལོ་དྲུག་ཅུ་མ་བརྒལ་བ་དགོས་ན་བཀའ་ཁྲི་ལ་དེ་བས་ཀྱང་དགོས་པ་རེད་ཅེས་དང་། ཡང་ཁོང་གིས་གཙོ་ཆེ་ཤོས་མ་འོངས་པའི་བཀའ་ཁྲི་དེ་༧་གོང་ས་མཆོག་བཀའ་གསུང་ཅི་སྒྲུབ་བྱེད་མཁན་ཞིག་དང་། རབ་བྱུང་ན་༧གོང་ས་མཆོག་གིས་བཀའ་སློབ་མ་གསུང་སྔོན་དུ་གྲ་སྒྲིག་བྱེད་ཐུབ་མཁན་ཞིག་དགོས་པ་རེད་ཅེས་གསུངས་ཡོད།
གཞོན་ནུའི་ཚོགས་གཞོན་ཟུར་བ་བློ་བཟང་ཡེ་ཤེས་ཀྱིས་དེ་རིང་འདིར་རྒན་པ་ཚོས་བཀའ་ཁྲི་རྒན་པ་དང་གཞོན་པ་ཚོས་གཞོན་པ་དགོས་ཀྱི་འདུག་གསུངས་སྟབས། ངས་མ་འོངས་པའི་བཀའ་ཁྲི་དེ་ཡང་སྤྱི་འཐུས་གྲོས་ཚོགས་ལྟར་ཁག་གཉིས་འབྱུང་རྒྱུ་རེད་དྲན། ཁ་སང་སྐུ་ཚབ་ཚོགས་པ་བོད་ལ་མ་ཕེབས་སྔོན་ལ་རྒྱ་ནག་གིས་༧གོང་ས་མཆོག་གིས་བོད་ཀྱི་ཚབ་བྱེད་མི་ཐུབ་ལ་བཙན་བྱོལ་བོད་གཞུང་གིས་ཀྱང་བོད་མི་མང་གི་ཚབ་བྱེད་མི་ཐུབ་ཅེས་བཤད་ཀྱིན་འདུག དེར་བརྟེན་མ་འོངས་པའི་བཀའ་ཁྲི་གསར་བའི་ངོས་ནས་བཙན་བྱོལ་བོད་གཞུང་འདི་གཞུང་ཚད་ལྡན་ཞིག་དང་མང་གཙོ་ཚད་ལྡན་ཞིག་ཡིན་པ་མཚོན་ཐུབ་དགོས་པ་རེད། འདི་གདམ་ནོར་མ་ཡོང་བ་བྱ་རྒྱུ་གལ་ཆེན་པོ་རེད་ཅེས་གསུངས་ཡོད།
བོད་རང་དབང་འཐབ་རྩོད་པ་དང་རྩོམ་པ་བོ་བསྟན་འཛིན་བརྩོན་འགྲུས་ལགས་ཀྱིས་དེ་རིང་བགྲོ་གླེང་འདིར་བཀའ་མོལ་མང་ཆེ་བ་བཀའ་བློན་ཁྲི་པའི་སྐོར་ཆགས་སོང་། ངས་བསམ་ན་སྤྱི་འཐུས་སྐོར་གལ་ཆེན་པོ་རེད་དྲན་གི་ཡོད་རེད། གང་ཞེ་ན། ང་ཚོའི་གྲོས་ཚོགས་ནང་ལས་ཀ་བྱེད་བདེ་བོ་མེད་པའི་དཀའ་ངལ་འཕྲད་ཡོད། ད་ང་ཚོས་འགྱུར་བ་གཏོང་ན་གྲོས་ཚོགས་ནང་གཏོང་དགོས་ཀྱི་འདུག
ལོ་སྔོན་མའི་ཕྱི་ཟླ་དགུ་བའི་གྲོས་ཚོགས་ནང་མི་གཅིག་གི་ལམ་གྲོན་ཐད་ནས་རྙོག་དྲ་ལངས་ཏེ་གྲོས་ཚོགས་འཚོགས་མ་ཐུབ་པའི་དཀའ་ངལ་འཕྲད་ཡོད་པ་རེད། འདི་ལ་རྒྱ་གར་ཙམ་མིན་པར་ཕྱོགས་མཐའ་ཁག་ན་ཡོད་པའི་བོད་མི་རྣམས་ཀྱིས་སེམས་ཁྲལ་བྱེད་ཀྱིན་ཡོད། བོད་མི་ཚོས་འདི་ཆོལ་ཁ་ཆོས་ལུགས་ཀྱི་རྩོད་རྙོག་རེད་དྲན་བསྡད་ཡོད་མོད། དོན་དངོས་ཐོག་དེ་འདྲ་མ་རེད། གྲོས་ཚོགས་ནང་ལ་ཆབ་སྲིད་ཀྱི་དཀའ་ངལ་ཞིག་འཕྲད་ཀྱི་ཡོད་པ་དེ་ནི་མི་ཚང་གཉིས་ ཀྱི་རྩོད་རྙོག་རེད། འདི་མི་མང་གིས་ཤེས་དགོས་པ་རེད། འདི་དངོས་ཡོད་གནས་ཚུལ་ཡིན་ལ་ང་འདིའི་ཆེད་དུ་གྲོས་ཚོགས་ནང་ལྟ་གི་འགྲོ་མྱོང་། མི་ཚང་གཉིས་ཀྱི་རྙོག་དྲ་དེ་མི་མང་གིས་ཤེས་དགོས་པ་གལ་ཆེན་པོ་རེད། འདི་གྲོས་ཚོགས་ནས་ཐག་གཅོད་ཐུབ་རྒྱུ་ཁག་པོ་རེད། མི་མང་གིས་འདི་ལ་བསམ་བློ་བཏང་ནས་ཐག་གཅོད་དགོས་པ་རེད། སྤྱིར་བཏང་མི་མང་ངོས་ནས་སྤྱི་འཐུས་དང་བཀའ་ཁྲི་ལ་འོས་བླུག་ནས་བ་གླང་བཞིན་རིའི་སྒང་ལ་བཏང་ནས་ལྟ་གི་མེད་པ་འདི་ནོར་འཁྲུལ་རེད། སྤྱི་འཐུས་ཀྱིས་ག་རེ་ལས་གི་འདུག མ་འཇོན་པ་ག་རེ་འདུག་བསམ་བློ་གཏོང་དགོས་པ་དང་ཡོ་བསང་བྱེད་དགོས་པ་རེད། རང་གིས་འོས་བླུག་པ་དེས་ནོར་འཁྲུལ་ག་རེ་བྱེད་ཀྱི་འདུག དེ་བསྒྱུར་བཅོས་ཐད་བོད་གཞུང་ལ་སྐད་ཆ་ག་རེ་ཞུས་ན་ཕན་གི་ཡོད་མེད་ལ་བསམ་བློ་གཏོང་དགོས་ཞེས་གསུངས་ཡོད།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
འོ་དྲ་གྲོགས་བློ་བཟང་ལགས། མཚམས་འདྲེལ་བཀྲ་ཤིས་བདེ་ལེགས་དང་ཆབ་ཅིག་ཁྱོད་དྲི་བ་ཞིག་ཡོད། གོང་དུ་ཁྱོད་ཀྱི་བཀྲ་ཤེས་སྒྲོལ་མ་ལ་ལེན་འདེབས་བྲིས་པའི་ནང་དུ། རྒྱ་དམར་ནག་གཉིས་ཀྱི་འདོད་དོན་སྒྲུབ་སྟེ་སྤྱི་ཚོགས་འདི་ཞི་བདེ་དང་ལྷིང་འཇགས་མེད་པ་བཟོ་མཁན་མི་ངན་འཇུ་ཆེན་ཐུབ་བསྟན་ཁོ་ན་ལས་གཞན་སུ་ཡོད། ཞེས་འཁོས་འདུག། འཇུ་ཆེན་ཐུབ་བསྟན་སྐོར་ངས་མི་ཤེས། རྒྱལ་དམར་ནག་གཉིས་ཟེར་བ་གང་ལ་གོ་དགོས་སམ།
མི་ཚང་གཉིས་ཀྱི་རྙོག་གྲ་རེད་ལབ་ན་ག་རེ་ལབ་ལེ་རེད??????????
སྤྱི་འཐུས་སྒྲོལ་མ་མཆོའི་མི་ཚང་དང། སྤྱི་འཐུས་བསོད་ནམས་སྟོབས་རྒྱལ་མི་ཚང་གཉིས་རེད་དམ????????????གཞན་གང་རེད། ཤེས་ན་གསལ་བཤད་དགོས་ལེ་རེད།ཆོལ་ཁའི་རྙོག་གྲ་རེད། ང་ཚོ་ཁམས་པ་ལ་སྡུག་པོ་གཏང་གིས། ང་ཚོས་ཨར་རྟེན་གི་མི་འདུག ཅེས་གྲོས་ཚོགས་ནང་བྷིར་ནས་ཡིན་པའི་བླ་མ་ཨོ་རྒྱན་རྒྱོ་རྒྱག་རིན་པོ་ཆེ་དེས་བཤད་མ་སོང་ངམ???????
ད་ཆོལ་ཁའི་རྙོག་གྲ་མ་རེད་ལབ་ག་རེ་ལབ་ལེ་རེད་དམ????????????? ག་དུས་ཡིན་ཡང་མ་ཤེས་ཤེ་མདོག་རང་རེད། འདི་འདྲའི་སྐྱག་རྫུན་འདྲ་མིན་གིས་མ་ཤེས་ཤེ་མདོག་བྱེད་དུས་རྒྱ་མའི་མིག་ནང་ང་ཚོའི་ལས་འགུལ་པ་ཚོ་ཇེ་ཆུང་འགྲོ་བཞག་ས་རེད།
མི་ཚང་གཉིས་ཀྱི་རྙོག་གྲ་རེད་ལབ་ན་ག་རེ་ལབ་ལེ་རེད??????????
སྤྱི་འཐུས་སྒྲོལ་མ་མཆོའི་མི་ཚང་དང། སྤྱི་འཐུས་བསོད་ནམས་སྟོབས་རྒྱལ་མི་ཚང་གཉིས་རེད་དམ????????????གཞན་གང་རེད། ཤེས་ན་གསལ་བཤད་དགོས་ལེ་རེད།ཆོལ་ཁའི་རྙོག་གྲ་རེད། ང་ཚོ་ཁམས་པ་ལ་སྡུག་པོ་གཏང་གིས། ང་ཚོས་ཨར་རྟེན་གི་མི་འདུག ཅེས་གྲོས་ཚོགས་ནང་བྷིར་ནས་ཡིན་པའི་བླ་མ་ཨོ་རྒྱན་རྒྱོ་རྒྱག་རིན་པོ་ཆེ་དེས་བཤད་མ་སོང་ངམ???????
ད་ཆོལ་ཁའི་རྙོག་གྲ་མ་རེད་ལབ་ག་རེ་ལབ་ལེ་རེད་དམ????????????? ག་དུས་ཡིན་ཡང་མ་ཤེས་ཤེ་མདོག་རང་རེད། འདི་འདྲའི་སྐྱག་རྫུན་འདྲ་མིན་གིས་མ་ཤེས་ཤེ་མདོག་བྱེད་དུས་རྒྱ་མའི་མིག་ནང་ང་ཚོའི་ལས་འགུལ་པ་ཚོ་ཇེ་ཆུང་འགྲོ་བཞག་ས་རེད།
མི་ཚང་གཉིས་ཀྱི་རྙོག་གྲ་རེད་ལབ་ན་ག་རེ་ལབ་ལེ་རེད??????????
སྤྱི་འཐུས་སྒྲོལ་མ་མཆོའི་མི་ཚང་དང། སྤྱི་འཐུས་བསོད་ནམས་སྟོབས་རྒྱལ་མི་ཚང་གཉིས་རེད་དམ????????????གཞན་གང་རེད། ཤེས་ན་གསལ་བཤད་དགོས་ལེ་རེད།ཆོལ་ཁའི་རྙོག་གྲ་རེད། ང་ཚོ་ཁམས་པ་ལ་སྡུག་པོ་གཏང་གིས། ང་ཚོས་ཨར་རྟེན་གི་མི་འདུག ཅེས་གྲོས་ཚོགས་ནང་བྷིར་ནས་ཡིན་པའི་བླ་མ་ཨོ་རྒྱན་རྒྱོ་རྒྱག་རིན་པོ་ཆེ་དེས་བཤད་མ་སོང་ངམ???????
ད་ཆོལ་ཁའི་རྙོག་གྲ་མ་རེད་ལབ་ག་རེ་ལབ་ལེ་རེད་དམ????????????? ག་དུས་ཡིན་ཡང་མ་ཤེས་ཤེ་མདོག་རང་རེད། འདི་འདྲའི་སྐྱག་རྫུན་འདྲ་མིན་གིས་མ་ཤེས་ཤེ་མདོག་བྱེད་དུས་རྒྱ་མའི་མིག་ནང་ང་ཚོའི་ལས་འགུལ་པ་ཚོ་ཇེ་ཆུང་འགྲོ་བཞག་ས་རེད།
༄༅། རྒྱལ་ཞེན་པ་བསྟན་འཛིན་བརྩོན་འགྲུས་ལགས་ལ་གུས་བཀུར་ཡོད། ཡིན་ཡང་ཁོང་གིས་ “གྲོས་ཚོགས་ནང་ལ་ཆབ་སྲིད་ཀྱི་དཀའ་ངལ་ཞིག་འཕྲད་ཀྱི་ཡོད་པ་དེ་ནི་མི་ཚང་གཉིས་ཀྱི་རྩོད་རྙོག་རེད།” ཞེས་གསུང་དུས་མི་ཚང་གཉིས་པོ་དེ་དབང་ཆ་ཐབ་རྩོད་པ་དང། ད་ལྟའི་སྤྱི་འཐུས་རྣམས་མི་ཚང་གཉིས་ཀྱི་ཨབ་ཕྲུག་རེད་གསུང་གི་ཡོད་རེད་པས། སྤྱི་འཐུས་ཚང་མ་མི་ཚང་གཉིས་ཀྱི་བཀོད་བྱུས་འོག་འགྲོ་གི་ཡོད་རེད་པས། “སྤྱི་འཐུས་ཚོར་རྒྱ་དམར་ནང་བཞིན་དོགས་ཟོན་བྱེད་དགོས་པ་མཐོང་གི་འདུག” ཞེས་ཡང་གསུང་འདུག་པས་སྐད་ཆ་དེ་ཚོ་ཐལ་ཆ་ཆེ་དྲག་མ་རེད་པས། འདི་ལྟ་བུའི་བཀའ་མོལ་གནང་ནས་དོན་ཅི་ཞིག་འགྲུབ་རེ་ཡོད། ཡང་ན་དྭོགས་གཞི་ཅན་གྱི་སྤྱི་འཐུས་རྣམས་ཀྱི་མཚན་ཨ་རུ་ར་ལག་འཐིལ་སྟེང་དུ་བཞག་པ་ལྟར་མིང་འདོན་གནང་ན་ཕན་ངེས་ཅན་རེད།
དྲྭ་གྲོགས་བློ་བཟང་ལགས། རྩོམ་འཁྱར་འདི་འདྲ་ཞིག་ཡོད་རབས་ཀྱི་གཏམ་གོ་མྱོང་། འོན་ཀྱང་མཐོང་མ་མྱོང་། ཉིད་ལ་དཀའ་ཚེགས་རེད་དེ་ཉིད་ལ་ཡོད་ན་འདིར་ཚང་མ་འགོད་རོགས། ཤེས་རྟོགས་ཀྱི་ཆེད་དུ་བལྟ་འདོད་འདུག
བཀྲ་ཤིས་སྒྲོལ་མ་ཁྱེད་རང་གི་བསམ་ཚུལ་དེ་མཐོང་དུས། ངས་ཀྱང་ཕྱི་ལོ་༢༠༠༨ ལོའི་ཟླ་་ ༡༡་ནང་འཇུ་ཆེན་སྐོར་གྱི་ཡིག་འཁྱར་ཞིག་ལག་སོན་བྱུང་བ་ཁ་བྱང་ལ་(མི་ངན་ལ་ཤི་རྒྱུ་མེད། གོས་ངན་ལ་ཟད་རྒྱུ་མེད་)ཞེས་པའི་རྩོམ་འཁྱར་དེའི་ནང་དུ། ང་ཚོའི་བཙན་བྱོལ་སྤྱི་ཚོགས་ནང་ཁུལ་ལ་གཞི་མེད་ཀྱི་དཀྲོགས་གཏམ་དང་དཀྲུག་ཤིང་ཁོ་ནར་བརྟེན་ནས་རྙོག་གླེང་དང་འགལ་ཟླ་མང་དག་ཅིག་བྱུང་དང་འབྱུང་བཞིན་ཡོད་ལ། རྒྱ་དམར་ནག་གཉིས་ཀྱི་འདོད་དོན་སྒྲུབ་སྟེ་སྤྱི་ཚོགས་འདི་ཞི་བདེ་དང་ལྷིང་འཇགས་མེད་པ་བཟོ་མཁན་མི་ངན་འཇུ་ཆེན་ཐུབ་བསྟན་ཁོ་ན་ལས་གཞན་སུ་ཡོད། ཞེས་པའི་རྩོམ་འཁྱར་དེ་བཀྲ་ཤིས་སྒྲོལ་མ་ཁྱེད་རང་གི་མཐོང་སོང་ངམ། ཁྱེད་རང་གིས་མཐོང་མེད་ན་ངས་ཁྱེད་རང་ལ་མུ་འགོད་བྱེད།
ང་ཚོའི་སྤྱི་ཚོགས་ནང་རྙོག་དྲ་སློང་མཁན་འདི་ཚོས་མི་གཞན་ལ་སྐྱོན་འཛུགས་ཀྱིས་ཅི་མི་སྙམ་པའི་གཏམ་བཤད་རྫིག་པོ་རེ་བྱེད་ཡོང་དུས་ང་ཧ་ལེ་ཡོང་འདུག
རེད་རེད། འདི་ལ་ཡང་རྒྱུ་མཚན་གཞན་ཞིག་ཡོད། འོན་ཀྱང་ད་གླེང་ནས་དགོས་པ་མི་འདུག་སྙམ།
བཀྲ་སྒྲོལ་མིང་ཅན་ལགས། སྐབས་དེར་སྒོ་དྲུག་ལན་ཡོད་ནའང་འདྲ། བློ་བཟང་ཡེ་ཤེས་ལན་ཡོད་ནའང་འདྲ། དོན་དངོས་གཞོན་ནུ་ཚོགས་པའི་ནང་དུ་རྙོག་དྲ་སློང་མཁན་གྲས་སུ་ད་དུང་བསྟན་འཛིན་བརྩོན་འགྲུས་ཀྱང་ཡོད་པ་ཤེས་ཀྱི་ཡོད་རྒྱུ་རེད།
དྲྭ་གྲོགས་བོད་ཀྱི་བུ་ལགས། འདིའི་སྐོར་ངས་གསལ་བོ་ཤེས་ཀྱི་ཡོད། སྒོ་དྲུག་ལན་པ་མ་རེད། སྐབས་དེ་དུས་ཀྱི་ཚོགས་གཞོན་བློ་བཟང་ཡེ་ཤེས་ལན་པ་རེད། འདིའི་ཐད་ནས་ང་ལ་རྒྱུ་མཚན་མང་པོ་བཤད་རྒྱུ་ཡོད། དངོས་གནས་ཡིན།
ད་དུང་བློ་བཟང་ཡེ་ཤེས་ཟེར་བ་དེས་བཤད་སྟངས་ལ་ལྟོས་དང་། ཁོ་ཡང་གཞོན་ནུ་ཚོགས་པ་ནས་ཇི་ལྟར་དོན་མིན། སྒོ་དྲུག་དང་འཐབ་རྩོད་ག་ཚོད་བྱས་ཡོད་མེད་དེ་ཚོ་གཙང་མ་བཟོས་རྗེས་སྐད་ཆ་བཤད་ན་འགྲིག་ས་རེད།
ད་བོད་རང་བཙན་དོན་གཉེར་བ་ཡིན་ཟེར་མཁན་གཞོན་སྐྱེས་ནང་དུ་ཕུ་དཀྲུག་མདའ་དཀྲུག་བྱེད་མཁན་དེའང་མི་གཉིས་རེད། དེ་ནི་བསྟན་འཛིན་བརྩོན་འགྲུས་དང་སྒོ་དྲུག་སྐལ་བཟང་ཕུན་ཚོགས་གཉིས་རེད། བཙན་བྱོལ་ནང་གི་ཚོགས་པ་ཆེ་ཤོས་བོད་ཀྱི་གཞོན་ནུའི་ལྷན་ཚོགས་འདི་ཁ་སང་དེ་རིང་གནས་ལ་མ་གནས་ལའི་ས་མཚམས་སུ་སླེབས་འདུག་པ་འདི་ལ་གཟིགས་དང་འདི་ཡང་མི་གཉིས་ཀྱི་རྩོད་རྙོག་རེད། ཁ་བདེ་མདོག་ཁ་པོ་ཡོང་། དོན་དངོས་ཁོང་གཉིས་ཀྱི་བྱེད་སྟངས་ལས་སྟངས་འདི་ལ་ལྟོས་ཨ།
དྲྭ་གྲོགས་འཆམ་ར་དྲི་མེད་རྒྱལ་མཚན་ལགས། ཁྱོད་ཁོང་ཁྲོ་མ་ཟ་དང་། གུས་མོས་དད་པ་མེད་ཀི་ལབ་མེད། འདི་ལྟར་བསམ་ཡོང་དུས་ཐེ་ཚོམ་ཟ་གི་ལབ་ཡོད། སྒྲོ་འདོགས་གང་ཡང་བྱས་མེད། ཐེ་ཚོམ་ཟ་མ་ཆོག་པ་གང་ཡང་མཐོང་གི་མེད།
ཅི་ཞིག་བྲིས་ཀྱང་བྲིས་པ་དེ་རང་ཉིད་ཀྱིས་འགན་ཁུར་ཐུབ་པ་དགོས་རྒྱུ་དེ་བརྗེད་མི་ཉན།
༧གོང་ས་མཆོག་ལ་དད་པ་ཡོད་མེད་ཟེར་བའི་སྐད་ཆ་འདི་མི་ལོ་བཅུ་དྲུག་ཙམ་བོད་གཞུང་གི་བཀའ་བློན་བྱས་མྱོང་བའི་བཀའ་ཟུར་ཞིག་ལ་སྒྲོ་འདོགས་ཀྱིན་འདུག
དགོངས་དག བཀའ་བློན་ཁྲི་ཟུར་བསོད་ནམས་སྟོབས་རྒྱལ་ཞེས་པ་དེ་བཀའ་བློན་ཁྲི་ཟུར་འཇུ་ཆེན་ཐུབ་བསྟན་ཞེས་བཅོས་རོགས།
ངས་ཇི་ལྟར་བསམ་རུང་མི་ཚང་གཉིས་ངོས་ཟིན་མ་སོང་། བོད་ཀྱི་སྤྱི་འཐུས་ཚོར་ང་ལ་ཆ་རྒྱུས་ཅུང་ཟད་ཅིག་ཡོད། གལ་སྲིད་མདོ་སྟོད་སྤྱི་འཐུས་བསོད་ནམ་སྟོབས་རྒྱལ་ཚང་ཁྱིམ་ཚང་གཅིག་ཡིན་ན་དེ་འགྲིག་གི་མ་རེད། ཁོ་ལ་དམིགས་བསལ་གྱིས་སྟོབས་ཤུགས་གང་ཡང་མེད་ལ་ལྷག་པར་དུ་སྤྱིེ་འཐུས་ཚོགས་རྭར་དེ་འདྲའི་ནུས་པ་ཅན་ཞིག་ཀྱང་མིན། དེའི་ཕྱིར་ངས་ཇི་ལྟར་བསམ་རུང་མི་ཚང་གཅིག་བཀའ་བློན་ཁྲི་ཟུར་བསོད་ནམས་སྟོབས་རྒྱལ་འདི་ཚང་ཡིན་དགོས་ཀྱི་འདུག འདི་ཡང་ཡིན་སྟངས་ལ་རྒྱུ་མཚན་ཡོད། སྤྱིར་བཏང་ནས་ཁམས་པ་ཚོའི་ཕྱོགས་ཡོངས་ནས་དང་རྒྱུ་མཚན་སྣ་ཚོགས་པ་ཞིག་གི་སྒོ་ནས་བཀའ་བློན་ཁྲི་ཟུར་འཇུ་ཆེན་ཐུབ་བསྟན་བརྩི་བཞིན་ཡོད་ལ་བཀུར་གི་རེད། འཇུ་ཆེན་ཐུབ་བསྟན་གྱི་ནུས་ཤུགས་དེ་མངོན་པར་གསལ་མིན་གྱི་སྒོ་ནས་སྤྱི་འཐུས་གྲོས་ཚོགས་རྭ་བའི་ནང་ཐོན་ཡོད། བསོད་ནམས་སྟོབས་རྒྱལ་ནི་འཇུ་ཆེན་གྱི་ལག་རྡོ་ཡིན་པ་གསལ་བོ་ཡིན། དེས་ན་མི་ཚང་གཅིག་རྒྱུ་མཚན་གྱི་སྒོ་ནས་རྙེད་སོང་། མི་ཚང་གཞན་དེ་སུ་ཡིན་ནམ། ཡང་ངས་འདས་པའི་ལོ་རྒྱུས་ལ་བསམ་བློ་བཏངས་ཡིན། ཇི་ལྟར་བསམ་རུང་མི་ཚང་གཞན་དེ་རྒྱལ་ལོ་དོན་འགྲུབ་ཚང་ཨེ་ཡིན་སྙམ་པའི་རྨོངས་འཆར་ཞིག་ཤར་སོང་། འོན་ཀྱང་འདི་ལ་རྒྱུ་མཚན་མི་རྙེད་གི། གལ་སྲིད་རྒྱལ་ལོ་དོན་འགྲུབ་ཚང་ཡིན་ཚེ་ཆེས་གསང་བའི་ཇུས་ཆེན་ཞིག་འདི་བ་ཁྱིམ་ཚང་གཉིས་ཀྱི་བར་ན་ཡོད་ནོ་ཁོ་ཐག་རེད། ཡང་རྒྱལ་ལོ་དོན་འགྲུབ་ཚང་ཡིན་ཚེ་ཁོང་༸གོང་ས་མཆོག་གི་སྤུན་མཆེད་རེད། འཇུ་ཆེན་༸གོང་ས་མཆོག་ལ་དད་གུས་གང་འདྲ་ཞིག་ཡོད་མེད་ཡང་ཐེ་ཚོམ་ཟ་དགོས་པ་རེད། ད་མི་བསམ། འདི་ལྟར་བསམ་དུས་བསམ་རྒྱུ་ཇེ་མང་དྲན་རྒྱུ་ཇེ་མང་རེད། སེམས་པ་མི་སྐྱིད་གི། དེ་རིང་མཚམས་འདི་ནས་འཇོག
yes good
དུས་ཚོད་འདི་འདྲར། གནས་འདི་འདྲར། ལམ་ལུགས་འདི་འདྲར། ད་དུང་གྲལ་རིམ་དང་སྐུ་ངོ་རྒྱགས་པ། རུལ་སུངས་དང་བག་མེད། སོགས་ཀྱིས་བདག་པོ་ཁྱིམ་ཚང་གཉིས་ཏེ། བོད་མི་དམངས་ཀྱིས་གྲོས་ཚོགས་ནང་དབྱེན་སྦྲོར་དཀྲུགས་ཤིང་རྒྱག་མཁན་དེ་གཉིས་སུ་ཡིན་མིན་ང་ཚོས་ངེས་པར་དུ་ཤེས་དགོས། ལས་འགུལ་བ་རྩོམ་པ་པོ་ཞིག་གིས་གང་བྱུང་དུ་བཤད་མི་སྲིད། འདི་ཚོ་རྩ་གཏོར་མ་བཏང་ན་ང་ཚོར་བོད་ཕྱི་ནང་གང་སར་བདེ་སྐྱིད་ཅིག་འཐོབ་མི་སྲིད།
བསྟན་འཛིན་བརྩོན་འགྲུས་ཀྱིས་བཤད་པ་ལྟར། སྔར་ལོའི་གྲོས་ཚོགས་ཀྱི་རྙོག་དྲ་དེ་ཆོལ་ཁ་དང་ཆོས་ལུགས་བར་གྱི་རྙོག་དྲ་གང་ཡང་མ་རེད། དོན་དངོས་སུ་སྤྱི་ཚོགས་ནང་ཞིབ་འཇུག་བྱས་ནས། ཆོལ་ཁ་གསུམ་གྱི་མི་རབ་འབྲིང་ཐ་མ་སུ་འདྲ་ཞིག་ལ་དྲིས་ནའང་ཆོལ་ཁ་གསུམ་གྱི་བར་ལ་རྙོག་དྲ་འདི་བྱུང་བ་རེད་ཟེར་ནས་ཆོལ་ཁ་གསུམ་གྱི་བར་ལ་ལོ་རྒྱུས་ཀྱི་དཀའ་རྙོག་སྣ་གཅིག་ཀྱང་བྱུང་མྱོང་མི་འདུག ཡིན་ན་ཡང་གྲོས་ཚོགས་ནང་གི་མིང་ཁུར་དེང་རབས་ཀྱི་བསམ་བློ་དང་ཤེས་ཡོན་མེད་པའི་སྤྱི་འཐུས་འགའི་ཀླད་པ་ཀེན་སར་གྱི་ན་ཚ་ན་གི་ཡོད་པ་རེད། བྱས་ཙང་སྤྱི་འཐུས་མིང་ཁུར་རེ་གཉིས་ཀྱིས་བོད་མིའི་དམ་ཚིག་ལ་གནོད་ཚབས་ཆེ་བའི་ནད་ཁྲག་དང་ཆུ་སེར་གཏོང་གི་ཡོད་པ་རེད། མདོར་བསྡུས་ན་གྲོས་ཚོགས་ཀྱི་ནང་ཀླད་པར་ཀེན་སར་ན་ཚ་ཅན་ཡོད་པ་དང་། མི་འདི་ཚོས་བོད་པའི་སྤྱི་ཚོགས་ཧྲིལ་བོའི་བདེ་ཐང་རྩ་མེད་བཟོ་བྱེད་ཀྱི་ཀན་སར་སེལ་བོད་མིའི་སྤྱི་ཚོགས་གྲུ་ཟུར་གང་སར་ཁྱབ་གཏོང་བྱེད་ཀྱི་ཡོད་པ་རེད། དེའི་ཕྱིར་ཆོལ་ཁ་གསུམ་གྱི་བོད་མི་ཚང་མས་རང་ཉིད་གྲོས་ཚོགས་ནང་མི་ངན་དེ་ཚོའི་ལག་ཆར་མི་འགྱུར་བ་བྱེད་རྒྱུ་གལ་ཆེ། སྤྱི་འཐུས་ཚོར་རྒྱ་དམར་ནང་བཞིན་དོགས་ཟོན་བྱེད་དགོས་པ་མཐོང་གི་འདུག
ལོ་སྔོན་མའི་ཕྱི་ཟླ་དགུ་བའི་གྲོས་ཚོགས་ནང་མི་གཅིག་གི་ལམ་གྲོན་ཐད་ནས་རྙོག་དྲ་ལངས་ཏེ་གྲོས་ཚོགས་འཚོགས་མ་ཐུབ་པའི་དཀའ་ངལ་འཕྲད་ཡོད་ནའང་རེད།
གྲོས་ཚོགས་ནང་ལ་ཆབ་སྲིད་ཀྱི་དཀའ་ངལ་ཞིག་འཕྲད་ཀྱི་ཡོད་པ་དེ་ནི་མི་ཚང་གཉིས་ ཀྱི་རྩོད་རྙོག་ཡིན་ནའང་རེད། མི་མང་ལ་དགོས་ཡ་དེ། གྲོས་གཞིའི་ཐོག་གྲོས་ཚོགས་འཚོགས་ཐུབ་པ་དང་། གྲོས་ཆོད་ཡར་ཐོན་གསར་དུ་འཇོག་དགོས་པ་གཉིས་རེད། དེ་ནི་སྐབས་དེའི་ཚོགས་གཙོས་མ་འཇོན་པ་དང་ཚོགས་མིས་མ་བྱུང་བ་མ་རེད་པེ།
བསྟན་འཛིན་བརྩོན་འགྲུས་ལགས་ཀྱིས་སྐད་ཆ་འདི་སྡོམ་ཚིག་ཅིག་ལས་ཁ་གསལ་མི་འདུག་འདི་དངོས་ཡོད་བྱུང་བར་གཟིགས་ནས་ཤོད་གྱི་ཡོད་དམ་རྩོམ་པ་པོ་ཁོ་རང་གི་རྩོམ་པ་་རེད། དོན་དངོས་ཐོག་བཤད་ན་སྐབས་དེར་ཨ་མདོའི་མ་རྒན་ཞིག་ནས་སྨར་ཁམས་སྤོ་རྒན་ཞིག་གི་ལམ་འགྲོན་ཐོག་གླེང་བའི་གནས་ཚུལ་ཙམ་རེད།
གྲོས་ཚོགས་ནང་དུ་བྱུང་བའི་ལབ་གླེང་དེ་ཅི་ཡིན་མིན་བརྙན་དཔར་ནང་བལྟས་ན་ཤེས་ཐུབ་པས་དེ་ལ་གཏན་ཚིགས་སྔོན་དཔག་སོགས་ཅི་ཡང་སྤྱད་དགོས་དོན་མེད།
བསྟན་འཛིན་བརྩོན་འགྲུས་ལགས་ཀྱིས་ལོ་སྔོན་མའི་གྲོས་ཚོགས་ནང་རྙོག་སྒྲ་ལངས་ཏེ་འཚོགས་མ་ཐུབ་པའི་དཀའ་ངལ་བྱུང་བ་དེ་ཆོལ་ཁ་ཆོས་ལུགས་ཀྱི་རྩོད་རྙོག་ཅིག་མིན་པར། དོན་དངོས་ཐོག་མི་ཚང་གཉིས་ཀྱི་རྩོད་རྙོག་ཅིག་ཡིན་པར་བཤད་པ་ནི་གནས་ཚུལ་ཆ་ཚང་ཤེས་པའི་སྐད་ཆ་རེད། འདིས་མཚོན་པའི་རྩོད་རྙོག་གང་མང་ཞིག་ལ་ཕྱི་བལྟས་བྱས་པ་ཡིན་ན། དེ་དག་ཕལ་ཆེ་བ་མི་ཚང་གི་རྩོད་རྙོག་ལ་བརྟེན་ནས་བྱུང་བ་ཅང་ཡིན་ཅིང་། གྲོས་ཚོགས་ཀྱི་རྩོད་རྙོག་དེ་ཡང་མདོ་སྟོད་ཀྱི་ཁྱིམ་ཚང་གཉིས་ཀྱི་འཐོབ་ཤོར་ལ་བརྟེན་ནས་བྱུང་བ་ཡིན་པ་གསལ་པོ་གསལ་རྐྱང་རེད། ཡིན་ནའང་ཁྱིམ་ཚང་གཉིས་པོའི་སྟོབས་ཤུགས་དང་ཐབས་ཇུས་བཟང་ཐག་ཆོད་དེ་མི་མང་ཆེ་བས་ཤེས་ཀྱི་མ་རེད་ལ། ཤེས་མཁན་ཚོ་ཡང་འཕགས་ཐུབ་ཀྱི་མ་རེད།
སྤྱིར་ཁོང་ཚོ་རེ་རེའི་སྐད་ཆར་དབྱེ་ཞིབ་བྱེད་འོས་པ་ཞིག་རེད། འོན་ཀྱང་ད་ལྟ་ང་རང་གི་དགོང་མོའི་ལས་དོན་འཇུག་མ་གྲུབ་པའི་མཚམས་འདིར་ཚང་མར་དབྱེ་ཞིབ་བྱེད་ཁོམ་མེད། ཡིན་ཡང་མི་གཅིག་གི་སྐད་ཆ་ཚིག་གཅིག་ལ་ཐད་ཀར་ལན་འདེབས་སམ་ཡང་དབྱེ་ཞིབ་ཅིག་མི་བྱ་ཐབས་མེད་ཆགས་འདུག ༼གཞོན་ནུའི་ཚོགས་གཞོན་ཟུར་བ་བློ་བཟང་ཡེ་ཤེས་ཀྱིས་དེ་རིང་འདིར་རྒན་པ་ཚོས་བཀའ་ཁྲི་རྒན་པ་དང་གཞོན་པ་ཚོས་གཞོན་པ་དགོས་ཀྱི་འདུག་གསུངས་སྟབས། ངས་མ་འོངས་པའི་བཀའ་ཁྲི་དེ་ཡང་སྤྱི་འཐུས་གྲོས་ཚོགས་ལྟར་ཁག་གཉིས་འབྱུང་རྒྱུ་རེད་དྲན།༽ཞེས་པའི་ཚིག་དུམ་དེར་ངེས་པར་བསམ་དགོས་པ་འདི་ཡོད། སྐུ་ཉིད་དེ་འདྲའི་ཁག་གཉིས་ཆགས་རྒྱུར་སེམས་ཁྲལ་ཡོད་མཁན་ཞིག་དོན་དངོས་སྟེང་ཡིན། གུས་མོས་གསལ་བོ་ཤེས་ཀྱི་ཡོད། ཉིས་སྟོང་བདུན་ལོའི་ཟླ་བརྒྱད་པའི་ཚེས་བརྒྱད་ཉིན་རྡི་ལིར་དབུས་གཞོན་ནུའི་དངོས་ནས་གཞི་རྒྱ་ཆེ་བའི་སྐད་འབོད་བྱེད་པའི་དུས་སྐབས་དེར་བསམ་བློར་འདི་འདྲ་འཁོར་མྱོང་ངམ། གནས་ཚུལ་ངས་གསལ་བོ་ཤེས་ཀྱི་ཡོད་ལ་སྤྱི་ཚོགས་ཀྱིས་ཀྱང་གསལ་བོ་ཤེས་ཀྱི་རེད། སྐབས་དེར་གཞོན་ནུའི་རྙོག་དྲའི་འབྱུང་ཁུངས་ཤེས་ཀྱི་ཡོད་དམ། ཡང་དང་བསྐྱར་དུ་གནས་ཚུལ་འདི་ཚོར་བསམ་དུས་སྐུ་ཉིད་སྤྱི་འཐུས་དང་བཀའ་ཁྲི་བཅས་ཕྱོགས་ཁག་གཉིས་ཆགས་རུང་བསམ་རྒྱུ་ཅི་ཞིག་ཡོད་མེད་ཤེས་ཐུབ་གི། བཤད་ཐུབ་ཀི། བསམ་ཐུབ་ཀི།
སྐད་ཆ་མི་ཚང་མས་བཤད་ཤེས་ཀྱི་རེད། ལག་ལེན་སྟར་མཁན་ཧ་ཅང་དཀོན་པོ་རེད།
བཀའ་བློན་ཁྲི་བ་མ་ཟད་བོད་མི་སུ་ཡིན་རུང་ཤེས་ཡོན་དགོས་ཀྱི་ཡོད་རེད། ལྷག་བསམ་དགོས་ཀྱི་ཡོད་རེད། ཡིན་ནའང་འོས་ཕྱོགས་བླུག་པའི་སྐབས་སུ་སོ་སོའི་དགའ་ཉེ་སྤུན་གྲོགས་ཞིག་ལ་དམིགས་ནས་སྡད་མཁན་ཧ་ཅང་མང་པོ་རེད། འབྱུང་འགྱུར་གྱི་བཀའ་བློན་ཁྲི་བ་དེ་ཡང་འོས་ཞིང་འཚམས་པ་ཞིག་འདེམས་ཐུབ་ཁག་པོ་རེད།
ok