བལ་ཡུལ་དུ་ཡོད་པའི་རྒྱ་ནག་གཞུང་ཚབ་ཁང་གིས་ཉིན་གཉིས་རིང་བསྟུན་མར་བལ་ཡུལ་གྱི་རྒྱལ་སར་ཡོད་པའི་སྐར་མ་ལྔ་ཅན་གྱི་གསོལ་མགྲོན་ཁང་ཞིག་ནས་ལྕགས་སྟག་བོད་ཀྱི་ལོ་སར་བསུ་བའི་སྤྲོ་ཚོགས་འཁྲབ་སྟོན་ཞིག་བསྡུས་ཡོད་ཅིང་། ལོ་གསར་སྤྲོ་ཚོགས་དེའི་སྟེང་བོད་ནག་ཆུ་ས་ཁུལ་གྱི་སྒྱུ་རྩལ་ཚོགས་ཤིག་ཆེད་དུ་འདན་ཞུ་བྱས་ཏེ། བོད་པའི་ཐུན་མིན་གྱི་རིག་རྩེད་འཁྲབ་སྟོན་བྱས་སོང་། ཉིན་ཤས་གོང་ནས་བལ་ཡུལ་ཁུལ་གྱི་བོད་མིའི་སྤྱི་ཚོགས་ཁྲོད་དུ་མགྲོན་ཤོག་མང་པོ་རིན་མེད་དུ་ཐོག་བཀྲམས་ཏེ། ཉིན་དེའི་སྤྲོ་ཚོགས་སྟེང་ཞུགས་མཁན་ཚོར་བཟའ་བཏུང་སྣ་འཛོམས་དང་ཆང་རག་འདྲ་མིན་རིན་མེད་དུ་འདེགས་འབུལ་ཞུས་ཡོད་འདུག སྐབས་དེར་བལ་ཡུལ་རྒྱལ་སའི་རྒྱ་ནག་གི་གཞུང་ཚབ་ལས་བྱེད་དང་བལ་ཡུལ་ནང་གི་རྒྱ་རིགས། བལ་ཡུལ་གྱི་མི་སེར་དང་བལ་ཡུལ་མི་སེར་ཁོངས་ལ་ཡོད་བའི་ཁ་ཙ་ར་མི་རིགས། དགོན་པ་གང་ནས་ཡིན་པ་གསལ་བོ་མེད་པའི་དགེ་འདུན་པ་དང་བལ་བོད་བར་གྱི་ཚོང་ལས་བ། དེ་བཞིན་བལ་ཡུལ་ནང་གནས་བཞུགས་བོད་བཅས་སྐུ་མགྲོན་ ༣༠༠ ཙམ་མཉམ་ཞུགས་བྱས་ཡོད།
རྒྱ་ནག་གཞུང་ཚབ་པ་ཆེའུ་གོ་ཧུང་གིས་སྤྲོ་འཛོམས་དེའི་སྟེང་། ༢༠༠༩ ལོའི་ནང་བོད་རང་སྐྱོང་ལྗོངས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཐད་ཐོབ་པའི་གྲུབ་འབྲས་ངོ་སྤྲོད་བྱས་པ་དང་སྦྲགས་ཏེ། བོད་རིགས་སྤུན་ཟླ་ཚོས་སྔར་རྒྱུན་བཞིན་ཕ་ཡུལ་འཛུགས་སྐྲུན་བྱ་རྒྱུར་ཐུགས་ཁུར་དང་མཉམ་ཞུགས་ཧུར་ཐག་བྱེད་པ་དང་། མེས་རྒྱལ་གོང་བུ་གཅིག་གྱུར་གྱི་བྱ་བཞག་རླབས་ཆེན་ལ་རྒྱབ་སྐྱོར་གནང་རྒྱུའི་རེ་བ་བཏོན་ཡོད་པ་མ་ཟད། སྔོན་བྱས་གང་ཡིན་ལ་མ་ལྟོས་བར་མེས་རྒྱལ་ལ་དགའ་བར་སྔ་ཕྱི་མེད་པ་དང་། ཀྲུང་དབྱང་སྲིད་གཞུང་ནམ་ཡང་རྒྱ་ཆེའི་མི་དམངས་དང་མཉམ་དུ་ཡོད་སྟབས། བལ་ཡུལ་ནང་གི་བོད་མི་སུ་ཞིག་ཡིན་རུང་དཀའ་ངལ་གང་ཡོད་ཐད་ཀར་གཞུང་ཚབ་ལ་བཤད་ན་རོགས་རམ་བྱ་རྒྱུར་གྲ་སྒྲིག་ཡོད་པ་སོགས་བཤད་ཡོད། ད་དུང་སྐབས་དེར་དྲིལ་བསྒྲགས་ཆེད་དཔེ་དེབ་དང་། ལོ་ཐོ། འོད་སྡེར་འདྲ་མིན་རིན་མེད་ཐོག་འགྲེམས་སྤེལ་བྱས་ཡོད།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
བོད་ཀྱི་བུ།་ཁྱེད་དངོས་གནས་བོད་ཀྱི་བུ་ཞིག་ཡིན་ན་སྐད་ཆ་འདིའི་རིགས་ལ་འཛེམས་རོགས། ཡིན་ན་ཁྱེད་ཀྱིས་ང་ཚོས་ལྷ་རྟེན་ཆོག་ས་ནས་ཁོང་ཚོས་འདྲེ་རྟེན་མི་ཆོག་བ་ཅི་ཡོད་རེད་ཞེས་པའི་གནས་ལུགས་དེ་ལ་རིགས་འབྲེལ་གཏོང་གི་ཡིན་ནམ། བོད་ཀྱི་བུ་ཡིན་ན། བོད་ལ་ལ་ཞེན་དང་ཁ་ཞེ་གཉིས་མེད་ཀྱི་སེམས་ཁུར་ཞིག་དགོས་པ་ལས་ང་བོད་ཀྱི་བུ་ཡིན་ཞེས་ཛོག་ཛོག་འབུར་འབུར་བྱེད་ཙམ་གནས་ཅི་ཡང་མི་ཕན།
རྒྱ་རི་ཚང་༧གོང་ས་༧་མཆོག་གིས་ཆེད་བསྐོས་གནང་བའི་ཁོང་དང་ཁོང་གི་གཞུང་དགའ་ལྡན་ཕོ་བྲང་གི་ཆབ་འབངས་ཡོངས་ཀྱི་སྐུ་ཚབ་གཙང་མ་ཞིག་རེད། ཡང་ཁྱེད་ཚོས་རྒྱ་རི་ཚང་ལ་ཁ་གཏང་གི་བརྗོད་གཞི་གསར་བ་ཞིག་བཟོ་འདོད་མིན་ནམ། རིག་ཙམ་ལ་བཤད་ཆོག་ཆོག་དང་རག་ཙམ་ན་ངོམས་ཆོག་ཆོག་མ་རོགས། བསམ་བློ་གཏོངས། རང་འགུལ་གྱིས་དཔྱོད་ཞིབ་ལེགས་པོ་གཏོངས།།
སྐབས་རེ་བསམ་ཚུལ་ཏོག་ཙམ་བཤད་པ་མ་གཏོགས་འདི་ནས་དྲ་གྲོགས་ཚོའི་སྤྱོད་ཚུལ་ལ་བལྟས་ནས་བསྡད་པ་ཡིན། སེམས་པ་སྐྱོ་ཡག་རེད།
༡ ཁ་སང་དུས་བབ་ཀྱི་གསར་འགྱུར་༼ཟུར་ལྔའི་དམར་ཤོག་༽ཟེར་བ་གཅིག་འདུག དེ་ཀློག་སྐབས་རྒྱ་ནག་གིས་རྒྱུགས་ཁྱི་ཚོས་བཙན་བྱོལ་ནང་ལས་ཀ་དེ་རང་བྱེད་ཀྱི་ཡོད་ས་རེད་བསམས་པ་བྱུང་།
༢ སྨྱུག་མིང་བཀོལ་དགོས་དོན་ཅང་མི་འདུག བཙན་བྱོལ་རང་དབང་ལུང་པ་རེད། སུ་གང་གིས་རྡུང་གི་མ་རེད། གསོད་ཀྱི་མ་རེད། ཞེད་དགོས་པ་དང་བཤད་དགོས་པ་གཉིས་ཀ་ཡོང་རྒྱུ་ཡོད་མ་རེད།
༣ ད་དུང་སྨྱུག་མིང་གི་འོག་ན་ཡོད་པ་འདི་ཚོས་གདོང་ཐུག་ན་ལྕེ་ནར་ནར་བྱེད་ཀྱི་རེད། མགོ་འཕྲུག་འཕྲུག་བྱེད་ཀྱི་རེད། འདི་འདྲའི་ཕྱི་ནང་མི་མཚུངས་པའི་མི་ཤ་སྟག་རེད།
༤ སྨྱུག་མིང་བེད་སྤྱོད་བྱེད་པ་འདིས་དོན་དངོས་སུ་བཙན་བྱོལ་རང་དབང་ལུང་པའི་ནང་མང་གཙོ་འཕེལ་རྒྱས་ཡོང་བར་འགོག་རྐྱེན་བཟོ་གི་འདུག
༥ སྨྱུག་མིང་གི་འོག་ནས་འགན་ཁུར་མེད་པའི་སྐད་ཆ་ཐོན་ཚད་བཤད་ནས་སྡོད་ཀྱི་ཡོད་སྟབས་༼བོད་ཀྱི་དུས་བབ་ཟིན་བྲིས་སུ་ཡོད་པའི་མཆན་ཡོངས་རྫོགས་ལ་རིན་ཐང་མེད་པ་བཟོ་གི་འདུག༽
༦ ཟུར་ལྔའི་དམར་ཤོག་ཟེར་བའི་གསར་འགྱུར་ནང་བཤད་པ་བཞིན་གསར་འགྱུར་གྱི་བརྗོད་དོན་ལ་བགྲོ་གླེང་མི་འགྲོ་ཆེད་སྐད་ཆ་འདྲ་མིན་བཤད་ནས་བརྗོད་གཞི་བརླག་བཅུག་གི་འདུག
༧ ད་ནས་བཟུང་འདི་རིགས་ལ་སྟངས་འཛིན་མེད་ན་འདི་དུས་བབ་ཚང་གིས་ཆེད་བཟོས་གནང་བ་ཞིག་ལ་ངོས་འཛིན་མི་བྱེད་ཐབས་མེད་རེད། འདི་ལྟར་བརྗོད་པ་དེ་གནོན་ཤུགས་སྤྲོད་པ་མིན་ཡང་འགན་མ་ཁུར་ན་ཡག་པོ་རྩ་བ་ནས་མི་འདུག
ལས་འགུལ་འདི་ཚོ་རྒྱ་ནག་པོའི་གཡོ་འཕྲུལ་གྱིས་བོད་ཁ་འཐོར་བཟོ་བྱེད་ཡིན་པས་བསམ་ཡོད་བོད་མིས་ནམ་ཡང་རྒྱང་སྐྱེད་བྱ་དགོས་ལ། ལོ་ཤས་རིང་འདིར་འཛུལ་ཞུགས་བྱ་མཁན་བོད་ཐོ་མིང་ཙམ་འཛིན་པ་ཁ་ཤས་ཡོད་མོད། དོན་དམ་པས་འདི་ཚོ་བོད་པ་གཙང་པ་མིན་པ་ཤེས་དགོས།
སྤུན་ཟླ་ཚོ། དྲ་ཐག་འདི་ལ་གསན་རོགས་ཞུ། བོད་ནང་གི་སྤུན་ཟླ་དག་གིས་སྙིང་སྟོབས་ལ་གཟིགས་རོགས་ཞུ།
http://www.youtube.com/watch?v=i7r8Du809KE
http://www.youtube.com/watch?v=j5QeWnwoakA
http://www.youtube.com/watch?v=8e-H5RBgwY0
དབུ་མའི་ལམ་ཞེས་པའི་བརྙན་སྡེར་འདི་ཕྱི་ལོག་ལ་ཁྱེར་ཡོང་མཁན་གྱི་རེ་བ་ལྟར་ ཁོང་ཚོས་ཡིའུ་ཌིབ་ནང་བཅུག་པ་འདིར་བརྒྱུད་བཀོད་བྱས་པ་ཡིན་ཞིང་།ལྷག་བསམ་གངས་ ལས་དཀར་བའི་གཞིས་ལུས་སྤུན་ཟླ་ཚོར་གུས་འདུད་དང་བཅས་གཟིགས་མཁན་ཚོས་མཐོང་ལམ་ དུ་ཕུལ་བ་གཤམ་གསལ་ལགས།
དབུ་མའི་ལམ།
ཚིག་རྩོམ་མཁན་དང་ལེན་མཁན།མགོ་ལོག་འཛམ་སྐྱབས།
གཡུ་ཞུན་དྲ་བ་ནས་ཚུར་དྲངས་པ་ཡིན།
བོད་མི་ཚོ་འཁྲབ་སྟོན་གྱི་གོ་སྐབས་རེག་པ་དགའ་ཡང་། རྒྱའི་སྲིད་གཞུང་གིས་ལག་སྣེ་རུ་ལྷུང་བ་དེར་སེམས་པ་སྐྱོ་དགོས་པ་ཞིག་རེད། འོན་ཀྱང་། ཁོང་ཚོ་ལ་གཏན་ནས་ནག་ཉེས་མེད། ནག་ཉེས་ཤིག་ཡོད་ན་རྒྱའི་སྲིད་གཞུང་གིས་དུས་ཚོད་འདི་འདྲ་ཞིག་ལ་ད་དུང་ཡང་བོད་མི་དག་མི་ལ་མ་རྩིས་པར་གང་འདོད་བྱེད་ཀྱིན་པ་དེ་ཡིན།
འཇིག་བྲལ་ལགས་བདེན་ ཐོག་རྒོད་ཀྱི་གཙོས་ཤོག་བུའི་སྟེང་གི་དཔའ་བོ་རྒྱ་སྟག་ངར་མ་ཁ་ཤས་
གཉེན་ཉེ་བའི་སྟེང་ལ་ཐོག་ལས་རྒོད་།
དགྲ་གཤན་པའི་མདུན་ལ་བལ་ལས་འཇམ།
ཕོ་སྙིང་མེད་ཤོག་བུའི་ཐོག་རྒོད་ཁྱོད་།
ནང་དམེ་བྱེད་དུས་ལྷག་པར་་རྒོད་།
སྔར་མོ་བོད་ཀྱི་ལོ་རྒྱུས་ལ།
གཡུལ་ལས་རྒྱལ་དུས་ཐོག་ལས་རྒོད་།
གདན་མ་གཡུལ་རྒྱལ་ཐོག་རྒོད་ཐོགས།
དུས་ད་ལྟ་མེད་ལེ་ཡིད་རེ་སྡུག་།
ལུང་རྟོགས་དང་ཅོ་རི་ཁྱེད་གཉིས་ཀ་བདེན་ བོད་གཞུང་གིས་ ཡོད་རྒུ་རྩལ་སྤྲུགས་ཀྱིས་ཤུགས་རྒྱགས་མ་སོང་ བལ་ཡུལ་ནང་རྒྱ་གཞུང་གིས་གཙན་གནོན་ལ་བརྟེན་ནས་ཀྱང་མ་བྱུང་བ་རེད་
ལོང་རྟོགས་ལགས།
ངས་ཁྱེད་ལ་སྐད་ཆ་ཅིག་དྲི་ཆོག་པ་ཞིག་ལ་རྒྱ་གར་བལ་ཡུལ་ལ་ཡོད་པའི་བོད་མི་རྣམས་ནུབ་ཕྱོགས་རྒྱལ་ཁབ་ཁག་གི་སྐྱབས་བཅོལ་འགྲོ་བ་ལ་རྒྱ་ནག་གཞུང་དང་བཀའ་ཁྲི་གཉིས་ཀྱིས་བཀག་འགོག་བྱས་དོན་གང་ཡིན་ནམ།
ཧཧཧཧཧཧ་ལུང་རྟོགས་ལགས་ཁྱེད་ཀྱི་ལུང་དེ་བཙན་བྱོལ་མི་དྲག་ཚོའི་ཁ་སྐད་དང་ཁྱེད་ཀྱི་རྟོགས་པ་དེ་དངོས་ཡོད་གནས་ཚུལ་ལ་འཁྲུལ་བའི་ལྷན་སྐྱེས་ཀྱི་ཤེས་པ་ཞིག་ཡིན་པར་འདྲ།་མ་རེད་དམ།
བྱས་ན་ཁྱེད་ཀྱི་བོད་གཞུང་གིས་བཀག་མགོག་བྱེད་བསྟང་གཅིག་གསུང་དང། རྒྱ་གཞུང་གིས་བལ་གཞུང་ལ་རྟགས་ཏུ་གནོན་ཤུག་སྤྲད་བཞིན་ཡོད་པ་ཕྱི་གསལ་ནང་གསལ་ཡིན་པས། དེ་ལས་ལྷག་པའི་འབྲེལ་བཤད་མི་དགོས་སོ།།
ལགས་གསོལ་་་་་་་་་་་་ཧཧཧཧཧཧཧཧཧཧཧབྱས་ན་ཁྱེད་ཀྱིས་རྒྱ་ནག་གཞུང་གིས་བཀག་འགོག་བྱས་སྟངས་ཅིག་གསུང་དང།
གནས་ལུག་མི་འདུག།
བཀའ་བློན་ཁྲི་པས་བཀའ་ཚ་པོ་ཚ་པོ་གོ་མྱོང་ཡོད་།
འོ་ན་བོད་གཞུང་གིས་བཀག་འགོག་བྱས་པ་གསལ་པོ་བཤད་རྒྱུ་ཡོད་དམ།
བདེན་ནོ་བདེན་ནི་བུ་འཇིགས་བྲལ་བ་མིང་ལྷག་འོག་ཏུ་གཏམ་འཁྱམ་བཤད་པ་ནི་ཚད་ལས་འདས་སོང་ངོ།
རྩྭ་་ཞིམ་པོ་གཡང་དཀར་ལུག་གིས་ཟས། ཁལ་ངན་པ་ར་དང་རའུ་བཀལ་ཟེར་སྲོལ་ཡོད་པར་ཙམ་ལས་རྒྱ་ནག་གཞུང་གིས་བལ་ཡུལ་ཡོད་པའི་བོད་མི་རྣམས་ཨ་རི་འགྲོ་བ་བཀག་འགོག་བྱས་པ་གསལ་པོ་བཤད་ཀྱིན་ཡོད་དམ།
ཞིབ་ཏུ་བསམ་གཞིགས་བྱས་དུས་རྒྱ་ནག་དེ་ཆབ་སྲིད་གཡོ་སྒྱུ་ལ་ཧ་ཅང་བློ་རིག་རྒོད་པོ་དང་བྱེད་སྟངས་མཁས་པ་རེད་བཞག བོད་ཕྲུག་ཚོ་གཟབ་གཟབ་བྱས་མ་གཏོགས་མགོ་སྐུ་ཚབ་ཚོགས་པ་ནས་རྩིས་པས་ཐམས་ཅད་གཡོ་སྒྱུའི་འོག་ལ་ཤོར་ཉེན་ཆེ། ད་རྒྱ་ནག་གིས་ཆབ་སྲིད་ཀྱི་རིག་པ་མང་རུ་མང་རུ། བོད་རྒན་ཚོའི་དགོས་འདུན་དེ་ཉུང་རུ་ཉུང་རུ། ལྟས་ངན་ད་ག་རེ་ཡིན་གང་ཤེས།
བལ་བོའི་རྒྱལ་ཁབ་དེ་ཡང་སྤགས་མགོ་དེ་ཚོས་སོ་སོའི་ལྟོ་ཡི་དོན་ཏུ་རྒྱ་ངན་ཚོས་གང་རྒྱུགས་ཟེར་ན་ཤར་རེ་རེད་བཞག དེ་རྟེན་དེ་གནས་བོད་རིགས་སྤུན་ཟླ་ཚོས་གཟབ་གཟབ་བྱས་མཏོགས་ག་རེ་བྱེད་ཡོང་མི་ཤེས།
བལ་ཡུལ་གྱི་བོད་མི་ཨ་རིར་མ་ཐར་བ་དེ་རྒྱ་གཞུང་གི་མནོན་ཤུག་འོག་བལ་གཞུང་ནས་བཀག་འགོག་བྱས་པ་ལས། བོད་གཞུང་ནས་བཀག་འགོག་བྱས་རབ་མི་འདུག་པས་ལེག་པར་བརྟག་ནས་བཤད་དགོས།
བུ་འཇིགས་བྲལ་ལགས་ཁྱེད་ཀྱིས་གསུངས་པ་ཆ་ཚང་བདེན་པ་རེད།
སྐབས་རེ་བསམ་ཚུལ་ཏོག་ཙམ་བཤད་པ་མ་གཏོགས་འདི་ནས་དྲ་གྲོགས་ཚོའི་སྤྱོད་ཚུལ་ལ་བལྟས་ནས་བསྡད་པ་ཡིན། སེམས་པ་སྐྱོ་ཡག་རེད།
༡ ཁ་སང་དུས་བབ་ཀྱི་གསར་འགྱུར་༼ཟུར་ལྔའི་དམར་ཤོག་༽ཟེར་བ་གཅིག་འདུག དེ་ཀློག་སྐབས་རྒྱ་ནག་གིས་རྒྱུགས་ཁྱི་ཚོས་བཙན་བྱོལ་ནང་ལས་ཀ་དེ་རང་བྱེད་ཀྱི་ཡོད་ས་རེད་བསམས་པ་བྱུང་།
༢ སྨྱུག་མིང་བཀོལ་དགོས་དོན་ཅང་མི་འདུག བཙན་བྱོལ་རང་དབང་ལུང་པ་རེད། སུ་གང་གིས་རྡུང་གི་མ་རེད། གསོད་ཀྱི་མ་རེད། ཞེད་དགོས་པ་དང་བཤད་དགོས་པ་གཉིས་ཀ་ཡོང་རྒྱུ་ཡོད་མ་རེད།
༣ ད་དུང་སྨྱུག་མིང་གི་འོག་ན་ཡོད་པ་འདི་ཚོས་གདོང་ཐུག་ན་ལྕེ་ནར་ནར་བྱེད་ཀྱི་རེད། མགོ་འཕྲུག་འཕྲུག་བྱེད་ཀྱི་རེད། འདི་འདྲའི་ཕྱི་ནང་མི་མཚུངས་པའི་མི་ཤ་སྟག་རེད།
༤ སྨྱུག་མིང་བེད་སྤྱོད་བྱེད་པ་འདིས་དོན་དངོས་སུ་བཙན་བྱོལ་རང་དབང་ལུང་པའི་ནང་མང་གཙོ་འཕེལ་རྒྱས་ཡོང་བར་འགོག་རྐྱེན་བཟོ་གི་འདུག
༥ སྨྱུག་མིང་གི་འོག་ནས་འགན་ཁུར་མེད་པའི་སྐད་ཆ་ཐོན་ཚད་བཤད་ནས་སྡོད་ཀྱི་ཡོད་སྟབས་༼བོད་ཀྱི་དུས་བབ་ཟིན་བྲིས་སུ་ཡོད་པའི་མཆན་ཡོངས་རྫོགས་ལ་རིན་ཐང་མེད་པ་བཟོ་གི་འདུག༽
༦ ཟུར་ལྔའི་དམར་ཤོག་ཟེར་བའི་གསར་འགྱུར་ནང་བཤད་པ་བཞིན་གསར་འགྱུར་གྱི་བརྗོད་དོན་ལ་བགྲོ་གླེང་མི་འགྲོ་ཆེད་སྐད་ཆ་འདྲ་མིན་བཤད་ནས་བརྗོད་གཞི་བརླག་བཅུག་གི་འདུག
༧ ད་ནས་བཟུང་འདི་རིགས་ལ་སྟངས་འཛིན་མེད་ན་འདི་དུས་བབ་ཚང་གིས་ཆེད་བཟོས་གནང་བ་ཞིག་ལ་ངོས་འཛིན་མི་བྱེད་ཐབས་མེད་རེད། འདི་ལྟར་བརྗོད་པ་དེ་གནོན་ཤུགས་སྤྲོད་པ་མིན་ཡང་འགན་མ་ཁུར་ན་ཡག་པོ་རྩ་བ་ནས་མི་འདུག
དཔར་ནང་གྱི་གྲྭ་པ་དེ་ཚོ་བལ་པོའི་ཡུལ་མི་ཡིན་བགྱིད་རེད། བོད་མི་མགོ་གཉིས་མ་ཡིན་ན། ད་ལྟ་ཚུར་ཕྱོགས་བོད་མིའི་ཁྱུ་ནས་བུད་ནས། རྗེས་མ་ཕར་ཕྱོགས་ཀྱིས་རྒྱ་མིའི་ཁྲོད་ནས་འབུད་ངེས་ཡིན་པས་བསམ་བློ་ཡག་པོ་ ཐོངས། ཙི་ཙི་སྐམ་པོ་ཡག་པའི་དཔེ་རུ་མེད་པ་བཞིན་ནོ།
དེ་ལྟར་རྒྱ་གཞུང་ལ་འཆར་གཞི་དང་དམིགས་ཡུལ་ཡོད་ཅིང་། ཁོ་ཚོས་གང་ཞིག་བྱེད་འདོད་པའི་ཕྱོགས་ནས་ཅི་ཡང་བྱེད་ངེས་ཡིན། བཙན་བྱོལ་བོད་གཞུང་ལ་ཡང་འདས་མ་འོངས་ད་ལྟ་གསུམ་ཆ་ནས་འཆར་གཞི་གསལ་པོ་དང་ལངས་ཕྱོགས་བརྟན་པོ་ཞིག་ཡོད་ན་ཅིས་མ་ཆོག ཆོས་ལུགས་ཀྱི་ལྟ་གྲུབ་དང་ལག་ལེན་གཙོ་བོར་སྤྱོད་པའི་སྲིད་གཞུང་ཞིག་ལ་སྲིད་དོན་ཕྱོགས་ནས་ཕམ་ཁ་མང་བ་ནི་ལོ་རྒྱུས་ཀྱིས་ར་སྤྲོད་ཡང་ཡང་བྱས་ཡོད།
རང་དབང་ཡོད་པའི་གསར་འགོད་སླེབ་སར་གསང་བ་མྱུལ་ཡ་ནི་ཅི་ཡོད་སྙམ། དེས་ན་བོད་དོན་སེམས་ཤུགས་ཆུང་བ་དང་བལྟ་འདོད་བཟའ་འདོད་འཐུང་འདོད་ཆེ་བའི་བོད་ རིགས་ཕྱིན་འདུག་ཟེར་ན་དགའ་འམ།
ངས་བྱས་ན། ཆབ་སྲིད་ཀུན་སློང་ཅན་གྱིས་མགྲོན་འབོད་གསོལ་སྟོན་སྤྲོ་འཛོམས་འཚོགས་སར་ཕྱིན་པ་ཙམ་གྱིས་ཕར་ཕྱོགས་ལ་རྒྱབ་སྐྱོར་ཅུང་ཟད་ཐོབ་ཡོད་ཀྱང་། ད་རྒྱ་མིས་ཡག་སྡུག་གང་ཡང་བྱེད་སར་སོང་ནས། བྱུང་ན་རྒྱ་རིགས་ལས་བྱེད་མཉམ་དུ་སྤྱི་དོན་རྩེད་མོ་དང་སྦྲགས་ནས་འགྲེལ་བཤད་ དང་། རྒྱ་རིགས་གཞན་པ། རྒྱ་རིགས་ལ་དགའ་མཁན། ཕྱི་མི་བཏང་སྙོམས་པ། ཕྱི་མི་རང་ཕྱོགས་ལ་དགའ་མཁན་དེ་ཚོ་ལ། རྒྱ་མིས་བཤད་པ་དེ་ཚོའི་ནང་ལ་འདི་ཙམ་བདེན་པ་རེད། དེ་ལྷག་བདེན་པ་མ་རེད། ཅེས་ཐ་ན་རང་གི་གཡས་གཡོན་གྲལ་སྡོད་རང་རིགས་རང་ལས་བློ་དམན་པ་གཅིག་ལའང་སྤྱི་ དོན་འགྲེལ་བཤད་ཀྱིས་ཁྱབ་སྤེལ་བྱེད་ཐུབ་ན་འགྲོ་གོ་ཆོད་རེད་སྙམ། འདིས་ང་ཚོ་དང་རྒྱ་གཞུང་བར་གྱི་འཁོན་འཛིན་དོགས་པ་སེལ་ཡ་དང་། སྤྱི་དོན་ཕྱི་གསལ་ནང་གསལ་བྱེད་ཡ་ལ་ཡང་ཕན་བགྱིད་རེད།
བལ་ཡུལ་ནང བལ་ཡུལ་ཐེ་བའི་་ འབྲུག་ འབྲས་ལྗོངས་ རྒྱ་གར་ ནས་བརྩིས་པས་ ཧི་མ་ལ་ཡའི་མི་རིགས་ཁྱོན་ཆེ་གནས་ས་ཤིག་ཡིན་པས་ ལོ་གསར་ལ་སླེབས་མཁན་འདི་ཚོ་ཚང་མ་བོད་རིགས་ཡིན་སྣང་མི་ཤར་
ཁ་ཤས་ཡོད་སྲིད་པ་རེད་ བལ་ཡུལ་ནང་གི་བོད་རིགས་ཚོ་ལ་ཉེན་ཁ་རྟག་པ་ཡོད་རེད་ ད་ཅི་དྲགས་ ཅོ་རི་གསུངས་བཞིན་ ཨ་རིས་ལེན་དགོས་ཟེར་ཡང་ གཏང་ཐུབ་མ་སོང་ བློ་ཕམ་ཆེ་
ཨ་རིའི་གཞུང་གིས་བོད་མི་རྣམས་ཨ་རི་ལ་ལེན་གྱིན་ཡིན་ཟེར་དུས་གཏོང་མ་སོང་། དྲན་པར་འདུག་གམ། དེང་སང་རྒྱ་ནག་གཞུང་གིས་བལ་ཡུལ་གྱི་བོད་མི་རྣམས་ཀྱི་དཀའ་ངལ་ལ་རོགས་རམ་བྱེད་ཀྱིས་ཡིན་གསུངས་ལུགས་ལ་ལྟས་ན།
བལ་ཡུལ་ཡོད་པའི་བོད་མི་རྣམས་དངུལ་གྱིས་ཉོ་བརྩིས་རེད་ལ་ཉོ་ཀྱང་ཐུབ་ཀྱིས་རེད།
ད་བཙན་བྱོལ་གཞུང་གིས་བོད་མི་ཨ་རིའི་མ་གཏོང་བ་དེའི་མཇུག་འབྲས་ངན་པ་འཁོར་ཡོང་གི་རེད།
བོད་པ་ཚོར་ཟ་རྒྱུ་ཞིག་བསྟན་དུས་འདུག་མ་བཟོད་པ་འདྲ་ཞིག་ཡོད་པས་ང་ཚོས་ཇི་ལྟར་བཀག་ཀྱང་ཁོག་གི་མ་རེད་ཡ། དེ་ལས་དེར་སོང་ནས་རྒྱག་ཐག་ཆོད་ཅིག་ཟོས་ན་དེ་ཡག་པོ་མེད་འགྲོ།་་་་་ང་བལ་ཡུལ་ལ་ཡོད་ན་ངས་བོད་པ་ཚོར་མ་འགྲོ་རོགས་ཞེས་རེ་སྐུལ་ཅི་ཐུབ་ཅིག་ཞུ་ས་རེད། དེ་མ་ཕན་ཀྱང་རང་གི་རེ་བ་ཡིན་་་་ཡིན་ནའང་ད་ཚར་འདུག་་་་་ཨ་ཁ་ཁ་་
རྒྱ་ནག་བཞུང་གི་བྱེད་བསྟང་འདི། བོད་མི་ནང་ཁུལ་སྤྲུག་ཤིང་རྒྱབ་རྒྱུའི་ཆེད་ཡིན་པས་ཚང་མས་གཟབ་དགོས།
སུམ་ཅུའི་དུས་དྲན་སླེབ་པའི་དུས་ན་རྒྱལ་དར་འཕྱར་ནས་རྒོལ་ཡུལ་དེར།།
རིན་མེད་ཟ་བཏུང་སྟོན་མོ་བཤམ་དུས་ལག་འཇུ་བྱེད་ཀྱིན་མཉམ་འཛོམས་བྱེད།།
རྒྱུ་འབྱོར་མདུན་ན་ཅི་བྱེད་ཕོད་པའི་བོད་པ་འདི་ཚོའི་བཙོག་སྤྱོད་རྣམས།།
མཐོང་གིན་མཐོང་གིན་ཁོག་པའི་གཏིང་ནས་སྐྱུག་པ་ཁ་གང་དེ་མུར་ཤོར།།
ཟ་བཏུང་དངུལ་སོགས་གང་དུ་ཡོད་ན་བོད་རྣམས་དེ་རུ་ལོང་རྒྱུགས་བྱེད།།
སྟོད་འགག་སེར་པོ་ལུས་ལ་གྱོན་པའི་དགེ་བཤེས་དེ་ལ་གཅིག་གཟིགས་དང་།།
མདོག་ངན་པ་ལཱ།
ངོ་མ་བལ་ཡུལ་ལ་ཁག་མེད་གི། ཁོང་ཚོ་རྒྱ་མིའི་མངའ་ཁོངས་སུ་ཚུད་པ་ཁྱད་པར་མེད། ཁོང་ཚོ་ལ་དངུལ་ནི་མེད། སྟོབས་ནི་དེ་བས་མེད་པས་རྒྱ་མིས་གང་བཤད་ཀྱང་ཉན་དགོས།
བོད་ཀྱི་བུ། ཁྱོད་ལོ་སར་ལ་སོང་ནས་ཕྱིར་སླེབས་རྗེས་མཆན་འདི་བྲིས་པ་ཨེ་ཡིན། རྒྱ་རི་པེ་ཅིང་དུ་སོང་བ་དང་འདི་འདྲ་ཡི་མ་རེད། སྐད་ཆ་བསམས་ནས་ཤོད། རྩམ་པ་ལྡད་ནས་མིད། གཏམ་དཔེ་འདི་ཡིད་ལ་ཟུངས།
རེད། བོད་ཀྱི་བུ་འདིའི་བཤད་སྟངས་འདི་ལྟར་བྱས་ནས་བཤད་ན་ང་ཁོས་སྐད་ཆ་ལ་འཐད་ཀི། འོན་ཀྱང་འདི་ཕྱོགས་གཅིག་ཡིན་པ་བརྗེད་མི་ཉན། ཐལ་དྲག་འགྲོ་གི་རེད།
རྒྱ་རི་སོགས་པེ་ཅིང་ནས་ཐུགས་སྤྲོ་རོལ་ཆོག་དུས་བོད་མི་ཉམ་ཆུང་ཚོས་བལ་ཡུལ་ནས་རྒྱ་ཟས་ཟ་འཐུང་མི་ཆོག་རྒྱུ་ཅི་ཡོད།
འདི་ལྟར་བལྟས་ཡོང་དུས་རྒྱ་ནག་གི་སྤོབས་པ་ཇེ་ཆེ་རེད། ཧམ་པ་ཇེ་ཚ་རེད། འོན་ཀྱང་བོད་མི་ཚོའི་ལ་རྒྱ་ཇེ་ཆུང་རེད། སེམས་པ་ཇེ་གཉོམ་རེད། ཁྲེལ་གཞུང་ཇེ་མེད་རེད། གོང་གི་པར་རིས་ལས་མཐོང་བའི་བོད་པ་ཚོ་དང་གྲྭ་བ་ཚོས་ངའི་ཁ་ལན་འདི་མཐོང་བའི་སྨོན་ལམ་རྒྱག་གི་ཡོད། འོན་ཀྱང་འཁྲབ་མཁན་ཚོར་ལབ་མེད། ཁོང་ཚོར་རང་དབང་མེད་པ་ཤེས་དགོས། གཞན་ཚོ་ཅིའི་ཕྱིར་སོང་བ་ཡིན་མགོ་མི་ཚོས་ས་ཆེན་པོ་མེད་ཀི།
ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་སྒྲོམ་གཞིའི་ནང་རེ་བ་བརྒྱབ་ཟིན་པའི་ད་ཚོད། ང་ཚོ་དེའི་ཆ་ཤས་ཤིག་ཆགས་ཡོད་པ་རེད། ལོ་གསར་བསུ་ཚུལ་འདི་ལ་ཧ་ལས་ཀྱི་མི་འདུག
༼སྔོན་བྱས་གང་ཡིན་ལ་མ་ལྟོས་བར་མེས་རྒྱལ་ལ་དགའ་བར་སྔ་ཕྱི་མེད་པ་དང་། ཀྲུང་དབྱང་སྲིད་གཞུང་ནམ་ཡང་རྒྱ་ཆེའི་མི་དམངས་དང་མཉམ་དུ་ཡོད་སྟབས། བལ་ཡུལ་ནང་གི་བོད་མི་སུ་ཞིག་ཡིན་རུང་དཀའ་ངལ་གང་ཡོད་ཐད་ཀར་གཞུང་ཚབ་ལ་བཤད་ན་རོགས་རམ་བྱ་རྒྱུར་གྲ་སྒྲིག་ཡོད་པ་སོགས་བཤད་ཡོད། ༽པ་དེ་གཅིག་བྱས་ན། ང་ཚོས་རྒྱ་ནག་ལ་ཡིག་ཆ་སྤྲད་པ་དང་སྐུ་ཚབ་མངགས་པའི་བཀའ་དྲིན་ཡིན་སྲིད། སྐུ་ངོ་རྒྱ་རི་ལ་དྲིས་ན་མ་གཏོགས་སུས་ཀྱང་ཤེས་དཀའ།
བལ་ཡུལ་དུ་སླེབས་ནས་ལོ་གསར་བསུས་སོང་། མི་འགྱངས་པར་ལྡི་ལི་ནས་ཀྱང་ལོ་གསར་བསུས་ན་ཅི་བྱེད། རྒྱ་ནག་གི་བཙན་འཛུལ་དེ་བཙན་བྱོལ་ཁྲོད་གོམ་པ་སྤོས་པ་རེད།