བོད་ལྕགས་སྟག་ལོའི་ལོ་མ་སར་གོང་སྟེ་བོད་ཚེས་ ༢༩ ཉིན་རྨ་ཆུ་རྫོང་སྨད་མ་ཞང་མཚན་སྒྲོག་དགོན་གྱི་གྲྭ་མཁྱེན་བརྩེ་རྒྱ་མཚོས་ཞི་བའི་ངོ་རྒོལ་བྱས་སྟབས། ཁོང་ས་གནས་མངགས་གཏོང་མི་སྣས་འཛིན་བཟུང་བཀག་ཉར་བྱས་འདུག
ཟླ་འདིའི་ཚེས་ ༡༢ ཉིན་ཏེ། བོད་ཟླ་བཅུ་གཉིས་པའི་ཚེས་ཉེར་དགུའི་ཉིན་རྨ་ཆུ་རྫོང་སྨད་མ་ཞང་མཚན་སྒྲོག་དགོན་གྱི་རང་ལོ་ ༢༦ ཡིན་པའི་གྲྭ་མཁྱེན་བརྩེ་རྒྱ་མཚོས་མའོ་ཙེ་ཏུང་གི་འདྲ་པར་ཞིག་རྐང་པར་བཏགས་ཏེ། ཕྱག་ཏུ་༧གོང་ས་མཆོག་གི་སྐུ་པར་ཞིག་དང་ཞུ་ཡིག་ཞིག་བསྣམས་ནས་མཚན་སྒྲོག་དགོན་ནས་ཞལ་ཤུལ་དགོན་བར་གོམ་བགྲོད་ཀྱིས་ཕེབས་ཏེ། མཐར་སྨད་མ་ཞང་སྲིད་གཞུང་དང་ས་གནས་མངགས་གཏོང་ཁང་ལས་ཁུངས་སུ་སོང་སྟེ། ཞུ་ཡིག་གི་དོན་གནད་དང་པོ། བོད་ཆོལ་ཁ་གསུམ་ལ་རང་དབང་དགོས། གཉིས་པ། ༧གོང་ས་མཆོག་བོད་ལ་གདན་འདྲེན་ཞུ་དགོས། གསུམ་པ། ༧པཎ་ཆེན་སྐུ་ཕྲེང་བཅུ་པ་མཆོག་གིས་གཙོས་བོད་ཀྱི་སྐུ་གཤེགས་དཔའ་བོ་དཔའ་མོ་རྣམས་ལ་མྱ་ངན་ཞུ་རྒྱུ་དང༌། དེ་བཞིན་རྒྱ་གཞུང་གིས་བཙོན་འཇུག་བྱས་པའི་ཆབ་སྲིད་བཙོན་པ་རྣམས་ངེས་པར་གློད་གྲོལ་གཏོང་དགོས་ཞེས་སྐད་འབོད་བྱེད་སྐབས་རྒྱ་གཞུང་གི་ས་གནས་མངགས་གཏོང་མི་སྣས་འཛིན་བཟུང་བྱས་པ་དང་། ད་ལྟའི་ཆར་རྨ་ཆུ་རྫོང་བཀག་ཉར་ཁང་དུ་བཙོན་འཇུག་བྱེད་མུས་ཡིན་འདུག
གྲྭ་མཁྱེན་བརྩེ་རྒྱ་མཚོའི་སྐྱ་མིང་ལ་ཚེ་རིང་དོན་འགྲུབ་ཟེར་ཞིང༌། ཁོང་རྨ་ཆུ་རྫོང་སྨད་མ་ཞང་མཚན་སྒྲོག་མཐའ་བའི་ཅོ་སྐོར་སྡེ་བའི་བླ་གཅོད་ཚང་གི་ཡིན་འདུག ༢༠༠༨ ལོའི་བོད་ཁམས་ཡོངས་ཀྱི་ས་བྱིའི་ཞི་རྒོལ་ཆེན་མོའི་སྐབས་ཁོང་ཀན་ལྷོ་བོད་རིགས་རང་སྐྱོང་ཁུལ་གྱི་ངལ་བསྒྱུར་རུ་ཁག་ཏུ་ལོ་དགུའི་ཉེས་ཁྲིམས་འོག་༼ ཕྱི་ལོ་༢༠༠༩ ལོར་ཁྲིམས་ཆད་རྫོགས། ༽བཙོན་འཇུག་བྱེད་མུས་ཡིན་འདུག སྐབས་དེར་ཁོང་གིས་བཙོན་ཁང་ནས་བོད་དོན་ཆེད་སྐད་འབོད་བྱས་སྟབས་ཉེས་རྡུང་དང་འབྲེལ་བཙོན་ཁང་བརྗེ་བསྒྱུར་བྱས། ལོ་སྔོན་མའི་བོད་ཟླ་ ༧ ཚེས་ ༢༣ ལ་བཙོན་གྲོལ་ཐོབ་ཡོད་པ་དང་། བོད་ཟླ་དགུ་པའི་ནང་རྨ་ཆུ་རྫོང་སྨད་མ་མཚན་སྒྲོག་དགོན་དུ་ཆོས་སྒོར་ཞུགས་ཡོད་འདུག
དབའ་རྒོད་ལགས་ཁྱེད་ལ་སྙིང་ཐག་པ་ནས་མཚམས་འདྲི་ཞུ
ལྷག་བསམ་ཞུམ་པ་མེད་པའི་དཔའ་རྒོད་ལགས་རང་ངོས་ནས་སྙིང་ཐག་པས་བཀའ་དྲིན་ཆེ་ཞུ་རྒྱུ་དང་གཞི་ལུས་ལྷག་བསམ་ཅན་རྣམས་ལ་ཡང་དེ་བཞིན་བཀའ་དྲིན་ཆེ་ལ་ཁྱེད་རྣམས་ནི་དངོས་གནས་བོད་ཀྱི་སྲོག་ཤིང་རང་རེད་འདུག།་ ཡིན་ཀྱང་རང་དབང་ཡོད་པ་རྣམས་ནི་གཞན་ཡུལ་དུ་ཡོད་ཀྱང་ལྷད་ལྷད་རང་རེད་འདུག
ནའི་་་་བའི་་ལ་བཅོས
ཡང་གཅིག་ཚར་སོང་་་་་་་་བོད་མི་རིགས་བསྡུག་བསྔལ་ལས་སྐྱོད་ན་འདོད་པའི་སེམས་དཔའ་ཆེན་མོ་ཞིག་ཚར་ཐ་་་་་ཁ་ནའི་རྐང་རྒྱུན་ངོ་མ་ཞིག་ཚར་ཐ་་་་ཕ་བཟང་གི་བུ་་་་
གཞིས་ལུས་རྒྱ་ཆེ་མི་དམངས།།
གཅིག་རྒྱབ་གཉིས་ལངས་རེད་ཞ།།
བཙན་བྱོལ་ཞི་བདེ་གླིང་ན།།
གྲགས་འགུལ་ཅི་ཡང་མི་འདུག།
རྨ་ཆུའི་མི་དམངས་ལ་རྗེས་སུ་ཡི་རང་ཞུ།
གདུང་སེམས་མཉམ་སྐྱེད་ཡོད། ཕ་བཟང་གི་བུ། དཔའ་བོ་ཟེར་ན་ཁྱེད་ཚོ་རེད། ཐུགས་རྗེ་ཆེ། ད་དུང་འཚེ་མེད་ཞི་བའི་ལས་འགུལ་མཚན་ཉིད་ཚང་བའི་སྒོ་ནས་མུ་མཐུད་ནས་གནང་རོགས་ཞུ།
གདུང་སེམས་མཉམ་སྐྱེད་ཡོད། ཕ་བཟང་གི་བུ། དཔའ་བོ་ཟེར་ན་ཁྱེད་ཚོ་རེད།
ངས་ཁྱེད་ཚོར་བསྟོད་བསྔགས་ཀྱི་མཐེ་བོང་རེ་སྒྲེང་གིན། དཔའ་རྟགས་ཀྱི་ཆོ་ལོ་རེ་སྟེར། གཞན་ཅི་ཡང་མེད། དེ་རིང་ཡང་ཨོ་བྷ་མ་ཡིས་༸གོང་ས་མཆོག་ལ་ངོ་གདོང་མངར་མོ་དེ་ཐེངས་ཤིག་སྟོན་གྱི་རེད། དེ་ལས་གཞན་ཅི་ཡང་མེད། གཟབ་གཟབ་བྱོས། སྤུན་ཟླ་ཚོ།
ལགས སོ ཤེས་ཐལ