ཉེ་ལམ་ཕྱི་ཟླ་ ༡ ཚེས་ ༣༡ ནས་ཟླ་ ༢ ཚེས་ ༣ བར་ཉིན་གསུམ་རིང་ཁམས་བྲག་མགོ་རྫོང་ནས་གྲྭ་གྲོང་གཉིས་མཉམ་འཛོམས་ཐོག་ཁ་བྱང་ལ་༼ བོད་ཀྱི་སློབ་གསོ་དང་དེའི་འཕེལ་ཕྱོགས ༽ཞེས་པའི་བགྲོ་གླེང་ཚོགས་འདུ་ཞིག་ཚོགས་ཡོད་པ་དང་། ཚོགས་འདུ་དེའི་དམིགས་ཡུལ་གཙོ་བོ་ཉེ་བའི་ལོ་འདི་འགའི་རིང་ལ་བོད་ཁུལ་གྱི་ཕྱོགས་སོ་སོ་ན་གྲྭ་གྲོང་བར་གྱི་ལྟ་བ་མི་མཐུན་པ་དང་། བཞེད་ཚུལ་མི་གཅིག་པ་མང་པོ་ཞིག་དག་སེལ་བྱ་མ་ཐུབ་པར་ཡོད་པ་དེ་དག་ཕྱོགས་སོ་སོའི་དམིགས་ཡུལ་དང་འོས་འགན་གྱི་ཐད་དུ་ཕན་ཚུན་ཁ་མཐུན་གྲོས་འགྲིག་གིས་བགྲོ་གླེང་བྱ་མ་ཐུབ་པ་དང་མི་རིགས་ཀྱི་མཐར་ཐུག་གི་ཕན་བདེ་ལ་བསམ་བློ་གཏོང་བའི་གོ་སྐབས་མེད་པ་སོགས་ལ་དམིགས་ཏེ་ཐེངས་འདིར་ཆེད་དུ་གྲྭ་གྲོང་ལྷན་ཞུགས་ཀྱི་བགྲོ་གླེང་ཚོགས་འདུ་དེ་གོ་སྒྲིག་བྱས་པ་ཞིག་ཡིན་འདུག
བགྲོ་གླེང་ཚོགས་འདུ་དེར་སྤྱིན་བདག་གནང་མཁན་གསེར་རྟ་བླ་རུང་སྒར་གྱི་མཁན་ཆེན་བསོ་དར་རྒྱས་ལགས་ཡིན་ཞིང་། ཚོགས་ཞུགས་མི་སྣ་གཙོ་བོ་དག་ནི་བྲག་མགོ་རྫོང་བོད་ཡིག་སློབ་འབྲིང་གི་དགེ་རྒན་རྣམས་དང་། བྲག་མགོའི་དགོན་པ་དང་དཔལ་ལྡན་ཅོག་རི་དགོན་པའི་མཁན་སྤྲུལ་ཁ་ཤས། གཞན་བྲག་མགོ་རྫོང་གི་སྤྱི་བདེ་མི་སྣ་དང་དེ་གའི་གཞུང་ཞབས་པ་ཁ་ཤས། བྲག་མགོ་རྫོང་གི་ཞིབ་འཇུག་སློབ་མ་ཁ་ཤས་བཅས་ཁྱོན་བསྡོམས་མི་ ༥༠ ཙམ་མཉམ་ཞུགས་གནང་ཡོད་འདུག་ལ། ཚོགས་ཐོག་ནས་ལྷག་བསམ་དག་མ་དང་། ཕན་ཚུན་བརྩི་བཀུར་གྱི་སྒོ་ནས་བོད་ཀྱི་སློབ་གསོ་དང་སྤྱི་ཚོགས་ཀྱི་སྣང་ཚུལ་མང་པོར་གནོང་ཐོག་མཛུབ་བཙུགས་ཀྱི་སྐད་ཆ་མང་པོ་བཤད་ཡོད་པ་དང་། ལྷག་པར་དུ་བྲག་མགོ་རྫོང་གི་སྒོ་བྱང་ཡིག་ནོར་ཅན་དང་བོད་ཡིག་བྲིས་མེད་པའི་སྒོ་བྱང་། གཞན་བོད་ཡིག་འབྲི་ཁུལ་བྱས་ཡོད་ཀྱང་དགོས་ངེས་ཀྱི་ནང་དོན་སྟོན་མི་ཐུབ་པ་སོགས་དཔར་དུ་བླངས་ཏེ། ཐད་ཀར་འབྲེལ་ཡོད་ཀྱི་སྲིད་གཞུང་ལས་ཁུངས་སུ་སྤྲད་ཅིང་ནོར་བཅོས་དགོས་པའི་རེ་འདུན་བཏོན་ཡོད་པ་མ་ཟད། མ་འོངས་པར་མུ་མཐུད་དུ་ལོ་རེ་བཞིན་ཚོགས་འདུ་འདིའི་རྒྱུན་བསྐྱང་རྒྱུ་དང་། སྒོ་བྱང་བཅོས་བསྒྱུར་གྱི་བྱ་འགུལ་སྤེལ་རྒྱུ་སོགས་ལ་གྲོས་ཆོད་བཅས་བཞག་ཡོད་འདུག
གོང་གི་གནས་ཚུལ་དེ་ཧི་གཟུགས་ཟིན་བྲིས་ལས་བསྡུ་སྒྲིག་བྱས་པ་ཡིན།
རྒྱལ་ཞེན་ལྷག་བསམ་གྱིས་ཕྱུག་པའི་གཞིས་བཞུགས་སྤུན་ཟླ་རྣམ་པ། བཀའ་དྲིན་ཆེ།
གཞིས་ལུས་བོད་མིའི་བསམ་དོན་ལྷུན་འགྲུབ་ཡོང་བར་ཤོག
གཞིས་ལུས་བོད་མིའི་རླུང་རྟ་དགུང་དང་མཉམ་པར་ཤོག
ངོ་མ་ཡག་མོ་འགི་ གཙོ་བོ་སློབ་གསོ་མཐོར་འདེགས་ཆེད་དུ་འདི་ལྟར་མང་ཙམ་བྱ་ན་ཡག་མོ་འགི
ངོ་མ་སྙིང་སྟོབས་ལྡན་ལ་བྱ་བ་བཟང་།བཙན་བྱོལ་བ་རྣམས་སེམས་ཤུགས་བྱོས་ལ་རང་སྐད་བོར་མ་ཤོར།
ལྟོས་དང་དྲྭ་གྲོགས་ཚོར་འདི་འདྲི་གནས་བབས་ཐུགས་དུས་བོད་ནང་དུ་་སེམས་ཤུགས་དང་སྙིང་སྟོབས་དང་ལྡན་ལ་རང་དབང་དུ་ཡོད་པའི་མི་དམངས་དང་སྒེ་ཚོགས་ཚོའི་ལས་འགུལ་གང་སྤེལ་རྒྱུ་ཡིན་ནམ་།་ལོ་གསར་པའི་སྥྲོ་གནང་ལ་ཞེན་ནས་ཡོད་ཞག་རེད་པས།
བོད་ནང་གི་རྒྱལ་གཅེས་དཔའ་བོ་མོའི་ལྷག་བསམ་དང་། སྙིང་སྟོབས། ཤེས་རབ་། མཛད་རྗེས་སོགས་ནི་བསམ་གྱི་མི་ཁྱབ་པ་ལྟ་བུ་ཞིག་རེད། ནམ་རྒྱུར་ཁོང་ཚོས་བོད་སྤྱི་དོན་ཞིག་སྒྲུབ་སྐབས་ཕར་ཆེན་དོན་དེ་བསྒྲུབས་ཟིན་རྗེས་ཞིག་མ་གཏོགས་སྤྱི་ཚོགས་ནང་དུ་གླེང་རྒྱུ་དང་ངོམ་རྒྱུ་མེད་ལ།
བཙན་གཤོལ་ནས་བོད་སྤྱི་དོན་ཕྲན་བུ་ཞིག་སྒྲུབ་སྐབས་དེ་འུར་འུར་ཟིང་ཟིང་ཧ་ཅིང་ཆེན་པོ་དང་། ད་དུང་སྦྱིན་བདག་སོགས་བཙལ་ནས་དངུལ་བསྡུ་ལེན། མཇུག་འབྲས་ཅི་ཡང་མེད་པར་མ་ཟད་ཕྲག་དོག་དང་ཟུར་ཟའི་ལུང་བཀང་འགྲོ་བ་ལྟ་བུ་ཞིག་ཆགས་ཡོད་དོན་ཅི་ཡིན་ན།
གཞེས་བཞུགས་སྥུན་ཟླ་ཚོའི་བྱ་བ་གང་ཞིག་བསྒྲིབ་ན་ཡང་གནད་ལ་ཁེལ་བ་འདུག་་་་་་་རང་དབང་ནས་་་་་་་གང་བྱེད་་་་་་་རང་དབང་མང་སོང་བས་ཡིན་ནམ་་་་་་
འདི་འདྲ་དངོས་ནས་ཡག་པོ་རེད།
གསེར་རྟ་བླ་རུང་སྒར་ནི་ཤེས་ཡོད་བསམ་ཡོད་ཀྱི་བསྟི་གནས་ཤིག་རེད། ད་རེས་ཀྱི་བྱེད་བབ་འདི་ཡག་པོ་ཞིག་རེད་མོད། ཉེ་ཆར་བླ་རུང་ཆོས་སྒར་ནས་ཐོན་པའི་བོད་མི་རིགས་འཆི་གསོས་བདུད་རྩིར་གྱུར་པའི་མིང་མཛོད་གསར་པ་དེ་ནི་དེ་བས་བསྔགས་འོས་བསྟོད་འོས་སུ་གྱུར་ཡོད། གང་ལྟར་ཕྱོགས་འདི་ཚོ་བཟང་རྟགས་ཤིག་རེད།
འདི་ཡག་པོ་བྱུང་འདུག བྲག་མགོ་བའི་ཟིན་བྲིས་ནང་དུ་ཡང་ཐེངས་ཤིག་བཏོན་འདུག