བསྟན་འཛིན་ཉིན་བྱེད།
ལོ་མང་པོའི་སྔོན་ཨ་ རིའི་སྲིད་འཛིན་ཞིག་གིས་རྒྱལ་བ་རིན་པོ་ཆེའི་མཉམ་མཇལ་འཕྲད་གནང་སྐབས་ང་ལ་རེ་བའི་འོད་ཟེར་ཞིག་འཕྲོ་གི་ཡོད་ལ། རྗེས་སོར་རེ་བ་དེ་ཚོ་སྟོང་ཟད་དུ་གྱུར་སོང་། དངོས་ཡོད་གནས་ཚུལ་ནི་ཨ་རིས་བོད་ཀྱི་རང་བཙན་ལེན་གྱི་རེད་བསམ་པ་དེ་ནི་རྨོངས་སེམས་ཞིག་ཡིན་ལ། དེ་ནི་འཇིག་རྟེན་ཆབ་སྲིད་ཀྱི་འགྲོ་སྟངས་དང་རྦད་དེ་འགལ་འདུག མི་སྒེར་ཞིག་གི་འཐབ་རྩོད་ཡིན་ནའང་འདྲ། རྒྱལ་ཁབ་ཞིག་གི་འཐབ་རྩོད་ཡིན་ནའང་རེད། གཙོ་བོ་རང་ཉིད་ཀྱི་འགན་རང་ཉིད་ཀྱིས་འཁུར་དགོས་པ་མ་གཏོགས་ཕྱི་མིའམ་ཕྱིའི་རྒྱལ་ཁབ་སྟོབས་ཤུགས་ཅན་ཞིག་ལ་རེ་བ་བཅོལ་བ་དེ་ནི་ནམ་མཁའི་དབྱིངས་སུ་ཁང་པ་བརྩིག་པ་ལྟ་བུའི་དབྱིན་ཇིའི་དཔེ་ལྟར་ཡོང་མི་སྲིད་པའི་གནད་དོན་ཞིག་ཡིན་པ་རེད། དེར་བརྟེན་དེང་སང་ཨ་རིའི་སྲིད་འཛིན་ནམ་ནུབ་ཕྱོགས་རྒྱལ་ཁབ་སུ་འདྲ་ཞིག་གི་འགོ་འཁྲིད་དང་རྒྱལ་བ་རིན་པོ་ཆེ་མཇལ་འཕྲད་གནང་བ་འདིས་བོད་ཀྱི་རང་དབང་འཐབ་རྩོད་ལ་ཕན་ཐོགས་ཤུགས་ཆེ་ཡོང་གི་ཡོད་པའི་རེ་བ་དེ་ཙམ་མེད་པ་མ་ཟད། མཇལ་འཕྲད་དེ་རིགས་ཀྱིས་བོད་ལ་ཁེ་ཕན་མང་བ་རེག་གི་ཡོད་དམ་ཡང་ན་མཇལ་འཕྲད་གནང་མཁན་གྱི་འགོ་འཁྲིད་ཚོ་དང་ཁོང་ཚོའི་རྒྱལ་ཁབ་ཁག་ལ་ཁེ་ཕན་མང་བ་རེག་གི་ཡོད་མེད་སོགས་ཀྱི་དོགས་སྣང་ཞིག་འཆར། གང་ལྟར་ལོ་མང་རིང་གི་ཉམས་མྱོང་ལ་བརྟེན་ནས་དངོས་ཡོད་གནས་ཚུལ་ཞིག་ཤེས་སོང་བ་ནི། འགོ་འཁྲིད་དེ་རིགས་དང་ཁོང་ཚོའི་རྒྱལ་ཁབ་ལ་ཁེ་ཕན་ཞིག་མེད་ན་རྒྱལ་བ་རིན་པོ་ཆེ་དང་མཇལ་འཕྲད་ནམ་ཡང་གནང་གི་མེད་པ་དེ་རེད། དེ་ལ་ཧ་ལས་ཧོན་ཐོར་བྱེད་དགོས་དོན་ཞིག་རྩ་ན་མི་འདུག་ལ། འཛམ་གླིང་ཆབ་སྲིད་ཀྱི་ཆོས་ཉིད་དེ་འདྲ་ཞིག་དུ་གྱུར་འདུག
འོན་ཀྱང་ད་རེབ་རྒྱལ་བ་རིན་པོ་ཆེ་དང་ཨ་རིའི་སྲིད་འཛིན་ཨོ་བྷ་མ་གཉིས་མཇལ་འཕྲད་དང་འབྲེལ་བའི་གནས་ཚུལ་ཁག་ལ་ཞིབ་ལྟ་བྱེད་སྐབས། གཏམ་བཟང་གི་གནས་ཚུལ་ཞིག་ཐོས་བྱུང་ལ། དེ་ནི་ཨ་རིའི་གྲགས་ཅན་གྱི་གསར་འགྱུར་ཁང་སི་ཨེན་ཨེན་གྱིས་ཨ་རིའི་མི་མང་ཁྲོད་བོད་རང་བཙན་བྱེད་དགོས་མིན་གྱི་བསམ་ཤོག་འོས་བསྡུའི་གྲུབ་འབྲས་འདི་རེད། འོས་བསྡུའི་གྲུབ་འབྲས་ནང་ཨ་རིའི་མི་མང་ཆེ་བས་བོད་རང་བཙན་བྱེད་ན་འོས་ཞེས་ཐོན་ཡོད་པ་རེད།
གནས་ཚུལ་འདིས་ཕྱོགས་གཅིག་ནས་ང་ལ་དགའ་ཚོར་ཞིག་སྟེར་བཞིན། ཕྱོགས་གཞན་ཞིག་ནས་སྐྱོ་སྣང་ཞིག་སྟེར། གང་ལགས་ཤེ་ན་འདིས་གསལ་པོར་བཏོན་པ་ནི་བོད་ཀྱི་དབུ་འཁྲིད་གཙོས་བོད་མི་མང་གིས་ སོ་སོའི་རང་དབང་རང་བཙན་གྱི་གཞི་རྩའི་ཐོབ་ཐང་ངོ་མི་འཕྲོད་པའམ་འཐབ་རྩོད་བྱེད་ཐུབ་ཀྱི་མེད་པ་དེ་ཡིན། མི་མང་དཀྱུས་མ་ནི་རང་བཞིན་གྱིས་དྲང་པོ་ཡོད་པ་མ་གཏོགས་བཟང་ཕྱོགས་དང་འགལ་བའི་ཁེ་ཕན་ཁོ་ནར་བལྟས་ཏེ་ལས་ཀ་བྱེད་མཁན་ཞིག་མིན་ལ། དེར་བརྟེན་ཨ་རིའི་མི་སེར་ཕལ་མོ་ཆེས་བོད་ཀྱི་རང་བཙན་ལ་རྒྱབ་སྐྱོར་བྱས་ཡོད། ཁོང་ཚོས་དེ་ནི་དྲང་བདེན་ཡིན་པ་དང་བོད་མི་རིགས་ཀྱི་གཞི་རྩའི་ཐོབ་ཐང་ཡིན་པར་ ཤེས་ཀྱི་ཡོད།
ཡིན་ནའང་གཞུང་དང་ཆབ་སྲིད་འགོ་འཁྲིད་པའི་གནས་ཚུལ་ཐ་དད་ཡིན་ལ། གཞུང་དང་ཆབ་སྲིད་འགོ་འཁྲིད་པས་བོད་འདི་རྒྱ་ནག་གི་ཆ་ཤས་རེད་ཅེས་བརྗོད་པ་འདི་ ནི་རྒྱ་ནག་མཉམ་ཚོང་འབྲེལ་ཡོང་རྒྱུའི་ཁེ་ཕན་དང་མཐུན་གྱི་ཡོད་པ་རེད། ཁོང་ཚོ་ནི་དྲང་བདེན་དངོས་ཡོད་གནས་ཚུལ་གྱི་ལམ་ལ་མི་འཇུག་ཅིང་། ཆབ་སྲིད་དང་དཔལ་འབྱོར་ཁེ་ཕན་ཁོ་ནར་གཞི་བཞག་སྟེ་བོད་ཀྱི་གནད་དོན་ཐད་ལངས་ཕྱོགས་འཛིན་གྱི་ཡོད་པ་རེད། ད་ལྟའི་ཆར་བོད་རྒྱ་ནག་གི་ཆ་ཤས་སུ་ངོས་འཛིན་བྱེད་པ་འདིས་ཁོང་ཚོར་ཁེ་ཕན་མང་བ་རེག་གི་ཡོད་ཅིང་། ཉིན་གཅིག་བོད་རང་བཙན་གྱིས་ཁོང་ཚོར་ཁེ་ཕན་མང་བ་ཐོབ་ཀྱི་ཡོད་ན་བོད་རང་བཙན་བྱེད་ཆོག་པའི་རྒྱབ་སྐྱོར་དངོས་ཤུགས་བརྒྱུད་གསུམ་ནས་སྤྲོད་རྒྱུ་ཡིན་པ་ཐེ་ཚོམ་མེད།
དེར་བརྟེན་བོད་མིའི་ངོས་ནས་ཁ་ཚ་དགོས་གཏུགས་ཀྱི་འཐབ་རྩོད་བྱེད་དགོས་པ་འདི་ནི། བོད་རང་བཙན་བྱེད་པ་འདིས་ཨ་རི་གཙོས་པའི་སྟོབས་ཆེན་རྒྱལ་ཁབ་ཁབ་ལ་ཆབ་སྲིད་དང་ལྷག་པར་དུ་དཔལ་འབྱོར་གྱི་ཁེ་ཕན་ཇི་འདྲ་ཞིག་བསྐྲུན་གྱི་ཡོད་པ་མ་ཟད། ཁེ་ཕན་དེ་དག་རྒྱ་ནག་མཉམ་ཚོང་འབྲེལ་བྱེད་བཞིན་པའི་ཁེ་ཕན་ལས་ཆེ་བ་ཞིག་ཡིན་པར་ཁུངས་སྐྱེལ་ར་སྤྲོད་བྱེད་ཐུབ་དགོས། དེ་འདྲ་བྱུང་ཚེ་ད་གཟོད་བོད་ཀྱི་རང་དབང་གནད་དོན་ཐད་ཨ་རིས་གཙོས་པའི་ནུབ་ཕྱོགས་རྒྱལ་ཁབ་ཀྱིས་ཁ་ཡོད་ལག་ཡོད་ཀྱི་རོགས་འདེགས་བྱེད་རྒྱུ་ཡིན།
དྭ་གྲོགས་བསྟན་འཛིན་ཉིན་བྱེད་ལགས་དགོངས་ཚུལ་འདི་དངོས་གནས་ཡག་མཐོང་སོང་པས་་་་་་་་ངོས་ལན་ཞུ་རྒྱུ་ཡིན་་་་་་ད་རིང་ཨ་རི་སྲིད་འཛིན་ནས་གོང་ས་མཆོག་དང་མཇལ་འཕྲད་གནང་འདི་ཡང་ཆབ་སྲིད་དང་འབྲེལ་བ་ཤུགས་ཆེ་ཞིག་ཡོད་པ་སྨོས་མེད་རེད།
“མཇལ་འཕྲད་དེ་རིགས་ཀྱིས་བོད་ལ་ཁེ་ཕན་མང་བ་རེག་གི་ཡོད་དམ་ཡང་ན་མཇལ་འཕྲད་གནང་མཁན་གྱི་འགོ་འཁྲིད་ཚོ་དང་ཁོང་ཚོའི་རྒྱལ་ཁབ་ཁག་ལ་ཁེ་ཕན་མང་བ་རེག་གི་ཡོད་མེད་སོགས་ཀྱི་དོགས་སྣང་ཞིག་འཆར། གང་ལྟར་ལོ་མང་རིང་གི་ཉམས་མྱོང་ལ་བརྟེན་ནས་དངོས་ཡོད་གནས་ཚུལ་ཞིག་ཤེས་སོང་བ་ནི། འགོ་འཁྲིད་དེ་རིགས་དང་ཁོང་ཚོའི་རྒྱལ་ཁབ་ལ་ཁེ་ཕན་ཞིག་མེད་ན་རྒྱལ་བ་རིན་པོ་ཆེ་དང་མཇལ་འཕྲད་ནམ་ཡང་གནང་གི་མེད་པ་དེ་རེད།”
ངས་བསྟས་ན་སྡོམ་ཚིག་དེ་སྤྱི་མ་སྤོམ་ཞིག་ཆགས་འདུག ཉིན་བྱེད་ལགས། ད་བར་༧གོང་ས་མཆོག་་ལ་མཇལ་འཕྲད་གནང་མཁན་གྱི་འགོ་ཁྲིད་དེ་དག་དང་རྒྱལ་ཁབ་དེ་དག་ལ་༧སྐྱབས་མགོན་རིན་པོ་ཆེ་དང་མཇལ་ཏེ་ཁེ་ཕན་གང་དང་གང་རེག་ཡོད་མེད་གསལ་པོ་བཟོ་དགོས་འདུག དོན་དངོས་ནས་བཤད་ན་ཁོ་ཚོར་ཆབས་སྲིད་ཀྱི་གནས་བབ་ཀྱི་ཐོག་ནས་གྱོང་རེག་ཡོད་ལ་རྒྱལ་ཁབ་ཀྱི་དཔལ་འབྱོར་གྱི་ཐོག་ནས་ཀྱང་ཁེ་ལས་གྱོང་ཆེ་བ་རེག་གི་ཡོད། དཔེར་ན་ས་བྱི་ཞི་རྒོལ་ཆེ་མོའི་རྗེས་ཕ་རན་སི་དང་འཇར་མན་རྒྱལ་ཁབ་ལྟ་བུ་རེད། ང་ཚོས་ཕྱིའི་རྒྱལ་ཁབ་དག་ལ་གློ་སྙིང་བྲང་གསུམ་བསྟན་ནས་མཐའ་གཅིག་ཏུ་རེ་བཅོལ་བྱེད་མི་ཉེན་ཡང་ཁོ་ཚོར་མ་བརྟེན་པར་བོད་དོན་བདེན་མཐའ་ཡང་གསལ་མི་ཐུབ།
དམངས་གཙོའི་གཞུང་ཞེས་པ་ཡང་འདི་འདྲ་ཞིག་རེད། དོན་དངོས་ཐོག་དམངས་གཙོ་ཡང་དག་ཅིག་ཡིན་ན། ”ཁོང་ཚོས་དེ་ནི་དྲང་བདེན་ཡིན་པ་དང་བོད་མི་རིགས་ཀྱི་གཞི་རྩའི་ཐོབ་ཐང་ཡིན་པར་ཤེས་ཀྱི་ཡོད།” དྲང་བདེན་གྱི་ཨ་རིའི་མི་དམངས་དེ་ཚོས་བོད་ཀྱི་གནས་དོན་ཐོག་ཨ་རིའི་གཞུང་ལ་གནོད་ཤུགས་སྤྲོད་ཐུབ་ཀྱི་རེད།
གལ་ཏེ་རྒྱ་ཆེའི་མི་དམངས་ཀྱིས་གཞུང་ལ་གནོད་ཤུགས་སྤྲོད་ཐུབ་ཀྱི་མེད་ན། དམངས་གཙོ་གཞུང་སྐྱོང་མཁན་ནི་མི་དམངས་ཡིན་ཞེས་པ་དང་། དབང་ཚད་ཚ་ཚང་མི་དམངས་ལ་ཡོད་ཅེས་པའི་མིང་ཚིག་འདི་ཚོ་སྟོང་པ་རང་རེད།
ཨ་རིའི་མི་དམངས་ཕལ་མོ་ཆེས་བོད་ཀྱི་རང་བཙན་ཐོག་རྒྱབ་སྐྱོར་ཐོབ་པ་དེ་ཡང་། ཚོར་འདུ་ཉི་ཚེ་བ་རང་རེད། དེ་མིན་ན། གནས་ཚུལ་འདི་འདྲའི་འོག་ནས་གཞུང་ལ་འགྱུར་བ་གཏོང་ཐུབ་པ་ཞིག་དགོས། མདོར་བསྡུས་ན། རང་གི་ལས་དོན་རང་ཉིད་ཀྱིས་སྒྲུབ་དགོས་པ་དེ་ཡིན།
གནད་དོན་གཙོ་བོ་ཐུག་ས་ནི་བོད་མི་མང་ཤོས་ཀྱིས་ཆབ་སྲིད་པ་ལ་དཔའ་བོ་སྟག་དང་གཡོ་ཅན་ཝ་ཡི་རང་གཤིས་གཉིས་ལྡན་ཡིན་པ་གཟིགས་ཐུབ་ཀྱི་མེད་པ་འདི་རེད།
ལོ་གཅིག་གི་སྔོན་ཞིག་ལ་འབྲུག་གི་མཁས་དབང་ཞིག་གི་སར་སྐད་ཆ་འདི་འདྲ་ཞིག་གོ་མྱོང༌། ཆབ་སྲིད་པ་ལ་དཀར་པོ་དང་ནག་པོ་གང་གི་ཁ་དོག་ཀྱང་མེད་པར། གཙོ་བོ་གནས་བབ་དང་དུས་སྐབས་ལ་བསྟུན་ནས་རང་མདོག་མངོན་པ་རེད་ཟེར། ངེད་ཀྱིས་བསམ་བློ་ཡང་སེ་བཏང་མཐར། སྐད་ཆ་འདི་ནི་ཧ་ཅང་ལྗིད་ཁོག་ཆེ་བ་ཞིག་ལ་མཐོང་སོང༌། དེ་རིང་དྲ་གྲོགས་ཚོར་ཚོར་ཤེས་ཀྱི་བགོ་བཤའ་བྱས་པ་ཡིན།
དབྱིན་ཡིག་གི་རྩོམ་པ་པོ་འདི་ཚོའི་ཀླད་པ་གཞན་དང་འདྲ་ས་མི་འདུག དངོས་གནས་གནས་ལུགས་རྐྱང་རྐྱང་གིས་ཚོས་འདུག བསྟན་འཛིན་ཉིན་བྱེད་ལགས་ཀྱང་བོད་པ་དབྱིན་ཡིག་གི་རྩོམ་པ་པོ་ཚད་ལྡན་ཞིག་རེད། ཡིག་བསྒྱུར་བ་ཡང་ཚད་ལྡན་ཞིག་རེད། མུ་མཐུད་ནས་རྩོམ་ཡིག་ཚད་ལྡན་རྐྱང་རྐྱང་འབྲི་བར་ཐུགས་རྗེ་ཆེ་ཞུ།
ཉིན་བྱེད་ལགས་་་་ཡག་པོ་གསུང་འདུག་་་་་་་་་་་འོན་ཀྱང་གཞན་ལ་མ་བརྟན་པ་ལས་བརྟན་ན་བཟང་་་་་་སྨན་རང་ཉིད་ཀྱི་མི་འཐུང་བ་སྨན་པ་ཁོ་ནར་བརྟན་ན་ནད་ལས་ཐར་ཐུབ་རྒྱུ་མ་རེད་ཡ་་་་་་
ཉིན་བྱེད་ལགས། དགོངས་འཆར་ཡག་པོ་གནང་འདུག་པས་མུ་མཐུད་དཔྱད་བརྗོད་རྩོམ་ཡིག་གང་མང་སྤེལ་བའི་རེ་བ་དང་འབོད་སྐུལ་ཡོད།
བཀྲ་ཤིས་བདེ་ལེགས།
བསྟན་འཛིན་ཉིད་བྱེད་ལགས།ཁམས་བཟང་།
སྩོམ་ཡིག་ཡག་པོ་ཞིག་སྤེལ་འདུག་ཐུགས་རྗེ་ཆེ།ཡིན་ནའང་ངས་འདྲི་རྒྱུ་ཞིག་ལ་ཁྱེད་ཀྱིས་མཐའ་འཇུག་ཏུ་༼བོད་རང་བཙན་བྱེད་པ་འདིས་ཨ་རི་གཙོས་པའི་སྟོབས་ཆེན་རྒྱལ་ཁབ་ཁབ་ལ་ཆབ་སྲིད་དང་ལྷག་པར་དུ་དཔལ་འབྱོར་གྱི་ཁེ་ཕན་ཇི་འདྲ་ཞིག་བསྐྲུན་གྱི་ཡོད་པ་མ་ཟད། ཁེ་ཕན་དེ་དག་རྒྱ་ནག་མཉམ་ཚོང་འབྲེལ་བྱེད་བཞིན་པའི་ཁེ་ཕན་ལས་ཆེ་བ་ཞིག་ཡིན་པར་ཁུངས་སྐྱེལ་ར་སྤྲོད་བྱེད་ཐུབ་དགོས།༽གསུངས་འདུག།དེ་ལྟར་ཡིན་ན་རྒྱ་ནག་མཉམ་ཚོང་གི་ཁེ་ཕན་ལས་བོད་རང་བཙན་ཁེ་ཕན་ཆེ་བ་ཡིན་པར་ར་སྤྲོད་ག་འདྲ་བྱ་དགོས་སམ།ཕྱོགས་ཙམ་གསུང་ན་ཡག་པོ་འདུག་མ་གཏོག་ང་ནི་རིག་རྨོངས་ཤིག་ཡིན་པའི་ག་འདྲ་བྱ་དགོས་སམ་དྲན་སྡོད་ཡོད།
ཟླ་༢ཚེས་༡༨ཉིན། （ཨ་རིའི་ཤར་ཕྱོགས་དུས་ཚོད་）ཨ་མེ་རི་ཁས་ཀྲུང་གོས་ཐེངས་མང་པོར་ངོ་རྒོལ་བྱས་པར་མ་འཛེམ་པར། ཨུ་ཚུགས་ངང་སྲིད་འཛིན་ཨོ་པཱ་མས་ཕོ་བྲང་དཀར་པོ་ནས་ཏཱ་ལའི་དང་མཇལ་འཕྲད་བྱས་པ་རེད།
རྒྱ་ནག་གི་ངུ་སྐད་ཡང་བསྐྱར་གྲག་གི་འདུག
ཀྲུང་གོའི་ཕྱི་འབྲེལ་པུའུ་ཡི་མགྲིན་ཚབ་པ་མ་ཁྲའོ་ཞུས་ཀྱིས་ཚེས་༡༩ཉིན་གྱི་ནམ་ལངས་ཁར་དེའི་སྐོར་ལ་གཏམ་བཤད་སྤེལ་སྐབས་བསྟན་དོན། ཨ་རིའི་ཕྱོགས་ཀྱི་བྱ་སྤྱོད་དེ་རྒྱལ་སྤྱིའི་འབྲེལ་བའི་གཞི་རྩའི་ཚད་གཞི་དང་འགལ་ཞིང་། ཀྲུང་མེའི་མཉམ་འབྲེལ་སྤྱི་བསྒྲགས་གསུམ་དང་《ཀྲུང་མེའི་མཉམ་འབྲེལ་གསལ་བསྒྲགས》ནང་གཏན་འབེབས་བྱས་པའི་རྩ་དོན་དང་འགལ་བ་དང་།ཨ་རིའི་སྲིད་གཞུང་གིས་ཐེངས་མང་པོར་བསྐྱར་བསྒྲགས་བྱས་པའི་བོད་ལྗོངས་ནི་ཀྲུང་གོའི་ཆ་ཤས་ཤིག་དང་། “བོད་རང་བཙན”ལ་རྒྱབ་སྐྱོར་མི་བྱེད་པའི་དམ་བཅའ་བཅས་དང་འགལ་བས། སྲིད་འཛིན་ཨོ་པཱ་མས་ཏཱ་ལའི་ལ་མཇལ་འཕྲད་བྱས་པ་དེ་ཀྲུང་གོའི་བློར་གཏན་ནས་འབབ་ཀྱི་མེད་ཅིང་ངོ་རྒོལ་མཐའ་གཅིག་ཏུ་བྱེད་རྒྱུ་ཡིན་པ་དང་། ཀྲུང་གོའི་ཕྱོགས་ཀྱིས་ཨ་མེ་རི་ཁས་ཀྲུང་གོའི་ལངས་ཕྱོགས་ལ་བསམ་བློ་ནན་ཏན་བཏང་ནས་མགྱོགས་པོར་བྱེད་ཐབས་ནུས་ལྡན་སྤྱད་དེ་ཤུགས་རྐྱེན་ངན་པ་མེད་པར་གཏོང་བ་དང་། “བོད་རང་བཙན་”ལ་རྒྱབ་སྐྱོར་དང་དེ་རྒྱ་ཡན་ཏུ་གཏོང་མཚམས་འཇོག་པ་དང་། ཀྲུང་གོའི་ནང་སྲིད་ལ་ཐེ་གཏོགས་བྱེད་མཚམས་བཞག་སྟེ། བྱ་སྤྱོད་དངོས་ལ་བརྟེན་ནས་ཀྲུང་མེའི་འབྲེལ་བ་སྐྱོན་བྲལ་དང་བརྟན་པོའི་ངང་གོང་དུ་འཕེལ་བར་སྲུང་སྐྱོབ་བྱེད་དགོས་པའི་བཙན་གཏམ་སྤེལ་འདུག