གལ་གནད་ཆེ་བའི་རིགས་འདི་ཡིག་ཐོག་ཏུ་བཀོད་པ་དེ་ཆོས་དང་ཆབ་སྲིད་གང་གི་ཆ་ནས་ཀྱང་གལ་ཆེན་པོ་ཡིན་སྟབས། གནས་ཚུལ་དེ་དག་གི་དངོས་བྱུང་མིག་གིས་མཐོང་མཁན་གྱི་དཔང་བོ་དང་ཟུར་བོ་ཡོད་བསྡད་པའི་སྐབས་སུ་བཀོད་ཐུབ་པ་ཡིན་ན་ཚད་ལྡན་ཞིག་ཏུ་འགྱུར་ངེས་རེད་ཅེས་བཀའ་ཁྲི་མཆོག་གིས་གསུངས་སོང།
དེ་རིང་ཞོགས་པའི་ཆུ་ཚོད་དགུ་དང་ཕྱེད་ཀའི་སྟེང་ཏྲེ་ཧོར་སྐྱིད་སྡུག་ཚོགས་པའི་གོ་སྒྲིག་འོག་བོད་གཞུང་གངས་སྐྱིད་སྤྱི་ཐབ་ཐོག་ཁང་དུ་སྐུ་མགྲོན་གཙོ་བོ་བཀའ་ཁྲི་ཟམ་གདོང་རིན་པོ་ཆེ་གཙོས། བོད་མི་མང་སྤྱི་འཐུས་ཚོགས་གཙོ་དང་ཚོགས་གཞོན། དེ་བཞིན་སྤྱི་འཐུས་རྣམ་པ་དང་གཞུང་འབྲེལ་མ་ཡིན་པའི་ཚོགས་པ་ཁག་གི་ཚོགས་གཙོ་རྣམ་པ། གསར་འགོད་པ་དང་ངྷ་སར་གནས་སྡོད་ཏྲེ་ཧོར་མི་མང་བཅས་འདུ་འཛོམས་ཐོག བཀའ་ཁྲི་མཆོག་གིས་མཆོད་མེ་ཞལ་འབྱེད་དང་གཞིས་བྱེས་དཔའ་བོ་དཔའ་མོ་རྣམ་ལ་གདུང་སེམས་མཉམ་བསྐྱེད་དང་མྱ་ངན་གུས་འདུད་གནང་རྗེས། མདོ་ཁམས་ཏྲེ་ཧོར་ཁུལ་དུ་ ༢༠༠༨ ལོའི་ས་བྱི་ཞི་རྒོལ་ཆེན་མོ་ནས་ ༢༠༠༩ ལོའི་ཕྱི་ཟླ་ ༦ པའི་ས་གླང་ཞི་རྒོལ་ཆེན་མོའི་བར་གྱི་དངོས་བྱུང་ལོ་རྒྱུས་ཕྱོགས་བསྡོམས་ཀྱི་དཔེ་དེབ་ “ཞི་རྒོལ་ཆེན་མོ། རྒྱུན་ཆད་མེད་པའི་སྙིང་སྟོབས་ཀྱི་རྦ་རླབས། ” 
ཞེས་པའི་དཔེ་དེབ་དབུ་འབྱེད་གནང་ཡོད། སྐབས་དེར་བཀའ་ཁྲི་མཆོག་གིས་གསུངས་དོན། ཐོག་མར་ཁྱེད་རང་ཚོས་མ་སྐུལ་དང་བླངས་ཐོག་སྔར་ལོའི་ལོ་གཉིས་རིང་བོད་ནང་བྱུང་བའི་གནས་ཚུལ་གལ་ཆེན་ཁག་བྱུང་རབས་རིག་པ་དང་མཐུན་པའི་ཚད་ལྡན་བདེན་རྟགས་ལྡན་པའི་ཕྱག་དེབ་ཕྱོགས་སྒྲིག་གནང་བར་བཙན་བྱོལ་བོད་གཞུང་བཀའ་ཤག་དང་ང་རང་སྒེར་གྱི་ངོས་ནས་ལེགས་གསོལ་བསྔགས་བརྗོད་དང་ཐུགས་རྗེ་ཆེ་ཞུ་རྒྱུ་ཡིན་ཅེས་དང་། སྤྱིར་འགྲོ་བ་མིའི་གཤིས་ཀའི་ནང་ད་ལྟའི་བྱུང་རིམ་དེ་དག་མ་འོངས་པའི་བྱུང་རབས་ཁྲོད་དོན་སྙིང་ལྡན་པ་ཡིན་པ་དེ་གོ་ཁག་པོ་ཡོད་པ་རེད། དེ་རིང་སང་ཉིན་ང་ཚོས་ལས་ཀྱིན་པའི་ལས་ཀ་དེ་དག་ལོ་བརྒྱ་ཕྲག་འདས་རྗེས་ཕྱིར་དྲན་གསོ་བྱས་པ་ཡིན་ན་། དངོས་ནས་བྱུང་རབས་དོན་སྙིང་ལྡན་པ་ཞིག་ཆགས་ཀྱི་རེད་བསམ་པའི་ཚོར་བ་དེ་ད་ལྟ་ང་ཚོར་སྐྱེས་ཀྱི་ཡོད་པ་མ་རེད། ཕྱོགས་གཞན་ཞིག་ནས་ཉིན་རེར་བྱུང་བའི་རིམ་པ་དེ་དག་ཡུན་ཙམ་ཞིག་ལ་དེབ་ཐེར་ནང་མ་བཀོད་པ་ཡིན་ན། དྲན་པའི་ཡིད་ནས་ཡལ་འགྲོ་བསམ་པའི་ཚོར་བ་དེ་ཕལ་ཆེར་ཡོད་པ་མ་རེད། དེ་འདྲ་ཡིན་སྟབས། རིག་གནས་ཁག་གི་ནང་དུ་ཐོས་བྱུང་རིག་པ་དེ་ཞན་ཆ་ཡོད་པ་ཞིག་ཏུ་ཆགས་འགྲོ་གི་ཡོད་པ་རེད། གང་ཡིན་ཟེར་ན། ལོ་མང་འདས་པའི་རྗེས་ལ་སྔོན་ལ་ག་རེ་བྱུང་བ་དེ་ཞིབ་འཇུག་དང་ཚོད་དཔག་བྱེད་རྒྱུ་ཞིག་མ་གཏོགས་བྱུང་བའི་ཉིན་མོ་དང་བྱུང་བའི་སྐབས་དེར་ཡིག་ཚང་དེབ་ཐེར་ནང་འགོད་ཐུབ་པ་ཁག་པོ་ཆགས་ཀྱི་ཡོད་པ་རེད། ཏཱ་ར་ན་ཐའི་རྒྱ་གར་ཆོས་འབྱུང་གི་སྒྲ་བསྒྱུར་ཞིག་གི་སྔོན་བརྗོད་ནང་དུ་ངས་འདི་ལྟར་བྲིས་མྱོང་། བྱུང་བ་རིག་པ་ཞེས་པ་དེ་ནི། ལོ་བརྒྱ་ཕྲག་མང་པོ་ཞིག་གི་སྔོན་ལ་གངས་རིའི་ཐོག་མི་ཞིག་ཆས་པའི་རྐང་རྗེས་དེ་ལོ་མང་ཟིན་རྗེས་བསྐྱར་དུ་བཙལ་བའི་སྲོལ་ལྟ་བུ་ཞིག་ཡོད་པ་རེད། དེ་འདྲ་ཡིན་སྟབས། གནས་ཚུལ་མང་པོ་ཞིག་མཚུངས་བསྡུར་དང་རིགས་འགྲེ་ལ་བསྟུན་པ་དང་། ཕྱོགས་མཚུངས་ཡིག་ཆ་དང་དངོས་སུ་མྱངས་པ་གཞན་གྱི་རིག་པའི་ལམ་དང་བསྟན་སྲིད་ཀྱི་ལམ་ནས་བསྒྲུབ་རྒྱུ་མ་གཏོགས་མངོན་སུམ་མཐོང་བཞིན་པའི་སྐབས་སུ་དྲན་ཐོར་འགོད་པ་དང་ཡིག་ཆར་བཙལ་བ་དེ་དཀོན་པོ་རེད་ཟེར་ནས་བྲིས་མྱོང་ལ། དེ་དངོས་ཡོད་ཀྱི་གནས་སྟངས་ཤིག་རེད། ལྷག་པར་ང་ཚོ་བོད་གངས་ཅན་པ་ཟེར་བ་དེ་བོད་ཀྱི་གནས་བབ་ལ་བལྟས་པ་ཡིན་ན། ང་ཚོར་བྱུང་བ་རིག་པའི་གཞུང་ལུགས་དེ་གཞུང་ལུགས་གཞན་དང་བསྡུར་བའི་སྐབས་སུ་ཧ་ཅང་ཉུང་ཉུང་དང་། ཡོད་པ་དེ་དག་གཞུང་ལུགས་དང་མཐུན་པའི་གཏན་ལ་ཕེབས་པ་དཀོན་པོ་ཆགས་བསྡད་ཡོད་པ་རེད། ད་ལྟའི་བར་ཡོད་པའི་བོད་ཀྱི་ཆོས་འབྱུང་དང་ལོ་རྒྱུས། རྒྱལ་རབས། རྟོགས་བརྗོད། སྐྱེས་རབས་ཞེས་པ་སོགས་མང་པོ་ཞིག་ཕན་ཚུན་འབྲེལ་ནས་ཡོད་པ་ལས་དེ་ལྟ་བུའི་བྱུང་རབས་རྙེད་ཁག་པོ་ཡོད་པ་རེད། རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱིས་བོད་ཀྱི་བྱུང་རབས་བཤད་སྟངས་དང་། ང་ཚོས་བོད་ཀྱི་བྱུང་རབས་བཤད་སྟངས། ནུབ་ཕྱོགས་པ་ཚོས་བོད་ཀྱི་བྱུང་རབས་བཤད་སྟངས་སོགས་ལ་ཧེ་བག་ཆེན་པོ་ཡོང་བ་དེ་ང་རང་ཚོར་ཐོས་བྱུང་རིག་པའི་སྟེང་ལ་ཞན་ཆ་ཡོད་པའི་དབང་གིས་བྱུང་བ་ཞིག་རེད་ཅེས་གསུང་བྱུང་།
ཁོང་གིས་མུ་མཐུད་གསུངས་དོན། ཕྱི་ལོ་ ༡༩༥༩ ལོ་ནས་འདས་པའི་ལོ་ ༦༠ ཉེ་བའི་རིང་། བོད་སྤྱི་ཚོགས་ནང་ཆབ་སྲིད་ཀྱི་འཐབ་རྩོད་དང་སྤྱི་ཚོགས་ཀྱི་འཐབ་རྩོད། ཆོས་དང་རིག་གཞུང་གི་འཐབ་རྩོད་གཞི་རྒྱ་ཆེ་བ་བྱུང་ཡོད་པ་རེད། དེ་དག་ཡང་མགོ་བཙུགས་པའི་སྐབས་དང་རྗེས་སུ་བྱུང་བ་དེ་དག་ད་ལྟ་ང་ཚོའི་དྲན་འཛིན་ནས་ཡལ་ཟིན་པ་དང་། སྒྲིག་དགོས་བྱུང་ཡང་ཆ་ཚང་བ་ཞིག་སྒྲིག་རྒྱུའི་ཡིག་ཆ་རྒྱབ་ལྗོངས་ཉུང་ཉུང་ཆགས་ཡོད་སྟབས། གལ་གནད་ཆེ་བའི་རིགས་འདི་ཡིག་ཐོག་ཏུ་བཀོད་པ་དེ་ཆོས་དང་ཆབ་སྲིད་གང་གི་ཆ་ནས་ཀྱང་གལ་ཆེན་པོ་རེད། གལ་ཆེན་པོའི་གནས་ཚུལ་དེ་དག་གི་དངོས་བྱུང་མིག་གིས་མཐོང་མཁན་གྱི་དཔང་བོ་དང་ཟུར་བོ་ཡོད་བསྡད་པའི་སྐབས་སུ་འགོད་ཐུབ་པ་ཡིན་ན་ཚད་ལྡན་ཞིག་ཏུ་འགྱུར་ངེས་རེད། སྤྱིར་བོད་མདོ་ཁམས་ལ་མཚོན་ན། ས་ཁྱོན་དང་རྫོང་གཞི་ས་གནས་སོ་སོའི་ཁ་སྐད་དང་སྤྱོད་ཚུལ་འདྲ་མིན་དང་རྒྱ་ཆེན་པོ་རེད། དེ་འདྲའི་ནང་ནས་ཀྱང་ཧོར་གྱི་མིང་ཐོབ་མཁན་ཏྲེ་ཧོར་ཁམས་པ་མ་གཏོགས་ཡོད་པ་མ་རེད། བོད་པའི་སྐད་ནང་ཧོར་ཞེས་པ་དེ་ཁྱད་ཆོས་ལྡན་པའི་མི་རིགས་ཤིག་ལ་ངོས་འཛིན་བྱེད་ཀྱིན་ཡོད་པ་རེད། ཚིག་འདི་ཇི་ལྟར་བྱུང་མིན་མི་ཤེས་ཀྱང་ཏྲེ་ཧོར་ཞེས་པ་དེ་ཆོས་དང་ཆབ་སྲིད་གཉིས་ཀྱི་ཐོག་དཔའ་མཛངས་རྟུལ་ཕོད་དང་སྐྱེས་བུ་དམ་པ་མང་པོའི་སྐྱེས་ཡུལ་ཡིན་པ་རེད། ང་རང་གི་དྲན་ཚོར་ནང་སེ་འབྲས་དགའ་གསུམ་གཙོས་པའི་དགོན་སྡེ་ཁག་ཏུ་དགེ་བཤེས་མང་པོ་ཡོད་པ་རེད། ལྷག་པར་ ༥༨ ལོར་དུ་ཆུ་བཞི་སྒང་དྲུག་གི་ལས་འགུལ་སྤེལ་སྐབས་དང་ད་ལྟའི་སྐབས་གང་ཡིན་ཡང་ཏྲེ་ཧོར་ཁམས་པ་ཚོས་ཆོས་སྲིད་ཀྱི་བྱ་བཞག་མང་པོའི་ནང་ཆ་ཤས་བླངས་བ་དང་ལེན་བཞིན་པའི་ཉེར་ལེན་ལ་བརྟེན་ནས་ ༢༠༠༨ ལོ་དང་ ༢༠༠༩ ལོར་ཏྲེ་ཧོར་གྱི་ས་ཁུལ་མང་པོའི་ནང་ཞི་རྒོལ་གྱི་གནས་ཚུལ་བྱུང་བ་དང་། གནས་ཚུལ་དེ་དག་བདེན་པ་དང་དཔང་རྟགས་ཡོད་པའི་ཐོག་ཡིག་ཐོག་ལ་བཀོད་པར་ཧ་ཅང་ངོ་མཚར་དང་གཟི་བརྗིད་ཆེན་པོ་རེད། གནས་ཚུལ་རེ་རེ་བྱུང་བའི་སྐབས་སུ་ཡིག་ཐོག་ཏུ་འགོད་པ་དང་རྒྱུན་མཐུད་མ་ཐུབ་ཚེ་ཆ་མ་ཚང་བ་ཞིག་ཆགས་འགྲོ་གི་ཡོད་སྟབས། ལམ་སྲོལ་བཏོད་ཚར་བ་འདིའི་རིགས་ཀྱི་བྱུང་རིམ་སོགས་མུ་མཐུད་རྒྱུན་སྐྱོང་གིས་འགོད་ཐུབ་པ་ཡིན་ན་འགྲོ་བ་མི་སྤྱི་དང་ལྷག་པར་ཏྲེ་ཧོར་མི་མང་ཡོངས་ལ་ཆབ་སྲིད་ཀྱི་བྱུང་རབས་ལྡན་པ། རིག་གནས་ཀྱི་དོན་སྙིང་ལྡན་པ་ཞིག་ཡོང་ཐུབ་སྟབས། མུ་མཐུད་འདིའི་ཕྱོགས་ལ་ཕྱག་ལས་གནང་རོགས་ཞེས་འབོད་སྐུལ་ཡང་གནང་སོང།
དཔེ་དེབ་དབུ་འབྱེད་གནང་རྗེས་བོད་མི་མང་སྤྱི་འཐུས་ཚོགས་གཙོ་མཆོག་གིས་དེབ་འདིའི་ནང་སྔ་ཕྱི་བར་གསུམ་དང་པར་དང་གནས་ཚུལ་སོགས་ཀྱི་རྒྱབ་སྐྱོར་མཐུན་འགྱུར་གནང་མཁན་གྱི་ཏྲེ་ཧོར་མི་སྣ་ཁག་གཅིག་ལ་ཁ་བཏགས་དཀར་བོའི་ལེགས་སྐྱེས་དང་། དེ་བཞིན་བཀའ་ཁྲི་མཆོག་གིས་དེབ་འདིར་སྔ་ཕྱི་བར་གསུམ་དུ་ཞུ་དག་དང་དག་སྒྲིག་གནང་མཁན་བོད་མི་མང་སྤྱི་འཐུས་བེ་རི་འཇིགས་མེད་དབང་རྒྱལ་ལགས་དང་ཕྱག་རོགས་རྣམ་གཉིས་ལ་ཐུགས་རྗེ་ལེགས་གསོའི་ཁ་བཏགས་འབུལ་བཞེས་གནང་སོང།
མདོ་ཁམས་ཏྲེ་ཧོར་སྤྱི་མགྲིན་ནས་པར་སྐྲུན་འགྲེམས་སྤེལ་བྱས་པའི་༼ཞི་རྒོལ་ཆེན་མོ། རྒྱུན་ཆད་མེད་པའི་སྙིང་སྟོབས་ཀྱི་རྦ་རླབས་༽ཞེས་པའི་དཔེ་དེབ་འདིའི་ནང་བོད་ཆོལ་གསུམ་གྱི་ཞི་བའི་འོས་ལངས་ཀྱི་བྱུང་ཡུལ་ཁག་གི་ས་གནས་ངོ་སྤྲོད་དང་འབྲེལ་ཏྲེ་ཧོར་ཁུལ་དུ་ཞི་བའི་འོས་ལངས་བྱུང་རིམ་ཞིབ་བཤད། ཏྲེ་ཧོར་ཁུལ་གྱི་གནད་ཡོད་མི་སྣ་འབུར་འཇོམས་ཀྱི་ངན་ཇུས་བཅས་ས་བཅད་དགུ་དང་། ཞི་རྒོལ་ཁྲོད་འཛུལ་ཞུགས་བྱས་པའི་ཆབ་སྲིད་བཙོན་པའི་ཁྲོད་ནས་ལག་སོན་རྒྱལ་གཅེས་དཔའ་བོ་དཔའ་མོའི་མཚན་གཞུང་། བོད་ཆོལ་གསུམ་གྱི་ས་ཁྲ་དང་དཀར་མཛེས་ཁུལ་གྱི་ས་ཁྲ། བྲག་མགོ་རྫོང་གི་ས་ཁྲ། རྟའུ་རྫོང་གི་ས་ཁྲ་བཅས་དང་། དྲག་གནོན་འོག་དམར་གསོད་དང་རྐྱེན་འདས་སུ་བཏང་བ་ཁག་ཅིག་གི་སྐུ་པར་སོགས་བཀོད་ཡོད་འདུག
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
![Hungary's Laszlo Krasznahorkai poses for photographers in London [File: Matt Dunham/AP]](https://tibettimes.net/wp-content/uploads/2025/10/Screenshot-2025-10-10-at-2.23.17-PM-360x180.png)
good good ok
དོན་དངོས་ཀྱི་བྱུང་བ་རྣམས་ཡིག་ཐོག་ཏུ་ཕབ་པ་བཟང་། བཀྲ་ཤིས་བདེ་ལེགས།
བཀྲ་ཤིས་བདེ་ལེགས
རིན་ཐང་ལྡན་ཞིང་།
གཟི་འོད་འབར་བའི་ལོ་རྒྱུས་འདི་ལྟར་ཉར་ཚགས་དང་ཕྱོགས་སྒྲིག་གིས་
འཛམ་གླིང་གི་ངོས་འདིར་དྲན་ཐོར་བཞག་པ་ཡིད་རངས་དང་།
གཞིས་བཞུགས་ཀྱི་རྒྱལ་གཅེས་དཔའ་བོ་དཔའ་མོ་ཡོངས་ལ་སེམས་བསམ་པའི་གཏིང་ནས་གདུང་སེམས་མཉམ་བསྐྱེད་དང་
མྱ་ངན་དྲན་གསོ་ཞུ་བཞིན་ཡོད།
རྡ་སའི་ཏྲེ་ཧོར་སྐྱིད་སྡུག་དང་དགེ་བེ་རི་འཇིག་མེད་རྣམས་ལ་ཐུགས་རྗེ་ཆེ་ཞུ།དེ་ལྟ་བུའི་ལོ་རྒྱུས་ཡིག་ཐོག་ཏུ་བཀོད་ཐུབ་པར་དགའ་འོས་པ་ཞིག་རེད།
དེབ་དེ་མགྱོགས་པོ་བལྟ་རྒྱུ་རེག་པའི་རེ་བ་ཡོད།
ཏྲེ་ཧོར་བ་ཚོས་ཡག་ཐག་ཆོད་བཀོད་འདུག མགོ་མཇུག་ཡོད་པ་བཀོད་འདུག བོད་སྤྱི་ཕན་གྱི་ལས་ཀ་རེད། འོན་ཏེ། མཇུག་ཕྱོགས་སུ་བཀོད་པའི་བོད་ཀྱི་ས་ཁྲ་དེར༼ བོད་ཆོལ་ཁ་གསུམ་གྱི་ས་ཁྲ ༽ཞེས་བྲིས་འདུག་པ་དེ་ལས་ཀྱང ༼ བོད་ཀྱི་ས་ཁྲ ༽ ཞེས་བྲིས་ན་ལྡབ་འགྱུར་གྱིས་ལེགས་པ་མཐོང་། ང་ཚོས་ཆོལ་ཁ་ཞེས་པའི་ཚིག་འདི་རྩལ་འདོན་བྱ་དགོས་དོན་མེད་ལ་བོད་ཅེས་བོས་ཡོང་དུས་ནས་ཆོལ་གསུམ་ཡོངས་བོས་ཟིན་པ་རེད། ངའི་བསམ་ཚུལ་ནི་ཆོལ་ཁ་ཞེས་པའི་ཚིག་འདི་ཅི་ཙམ་གྱིས་བེད་སྤྱོད་ཉུང་བ་བྱས་ན་བོད་སྤྱི་ལ་དགེ་ཕན་ཡོད་པ་མཐོང་གི་ཡོད།
གཔག་་་་་དཔག་་་་་་འདོ་་་་་འདི་་་་་ལ་བཅོས་་་་་
ངོ་མ་རྟེན་འབྲེལ་ཞུ་་་དགའ་འོས་་བ་ཞིག་རེད་་་་་་་་བསམ་ཚུལ་ཞིག་ཞུ་ན་འདོད་་་་དེབ་དེ་ཕར་བལྟས་ཚོད་གྱི་རྣ་བར་ཞེ་དྲགས་འགྲོ་བོ་མ་བྱུང་་་་ངེས་ཟེར་ན་་དེབ་མཐུས་གཙང་རིན་གོང་ཆུང་ངུ་ཞིག་འདོད་་རྒྱུ་མཚན་་་་་མཐོ་དམན་བར་གསུམ་གྱི་ཀློག་ཐུབ་རྒྱུ་རེད་་་་་་ཕར་བལྟས་ཚོད་ལ་དེབ་དེ་རིན་གོང་ཆེ་བར་འདོད་་་འོན་ཀྱང་ཚོད་གཔག་ཙམ་རེད་་་་་་ཕྲན་ནས་དེབ་དེ་མཐོང་བ་དང་ཀློག་འདོད་ཤིན་ཏུ་བྱུང་་འོན་ཀྱང་བཀའ་ཁྲིའི་ཕྱག་ཏུ་བརྣབས་པའི་དེབ་དེའི་བཟོ་དབྱིབས་་་སྤུས་ལེགས་འདོ་འདྲ་ཞིག་གི་རིན་གོང་ལ་བསམ་ནས་་་དེབ་དེ་བླུ་བས་རེ་ཐག་ཆད་ཐ་ཡ་་་ཧ་ཧ་ཧ་ངོ་མ་ཡིན
ཏྲེ་ཧོར་སྐྱིད་སྡུག་ཚོགས་པར་ཐུགས་རྗེ་ཆེ་ཞུ། དཔེ་དེབ་དེ་གང་ཞིག་ནས་ཇི་ལྟར་རག་གི་རེད།
གཞན་མ་གཏོགས་རྣམ་ཤེས་དེ་ཚོ་སྙིང་རྗེ་ཨ་་་་་་་་་་་་་་།།།།།།
གོང་གི་པར་འདིར་ལྟས་ན་བེ་རི་འཇིགས་མེད་འདི་འདྲེ་དངོས་གནས་ཡིན་པ་འདྲ། མ་རེད་དམ། 2008གྱི་དཔའ་བོའི་རྣམ་ཤེས་ཆ་ཚང་མ་བདེ་གཟིགས་སུ་བཀོད་ནས་བཀའ་བློན་ཁྲི་པའི་ཕྱག་ཏུ་ཕུལ་མཁན་དེ། འདྲེ་མིན་ན་ག་རེ་རེད་ཨ། གསུངས་དང་།
ལོ་རྒྱུས་དྲོ་མོ་དེབ་གཟུགས་སུ་གསར་ཐོན་བྱུང་བར་དགའ་སྒོམ་དང་། ཨ་ཙི་དྲ་རྒྱའི་ནང་ལ་ཀློག་ཆོག་ཆོག་ཡོད་ན་དགའ་བ་ལགས།
ཡང་ཅིག་ཆད་འདུག་པས་ཀློག་པ་པོ་སོ་སོས་ཡང་ཞེས་པ་ག་ནས་ཆད་པ་ཤེས་པ་རོགས།
ཏྲེ་ཧོར་ཁམས་པའི་མི་རེད། སྲིད་པ་ཆགས་པའི་རྡོ་རེད།
བེ་རི་འཇིགས་མེད་འདྲེ་རེད། འདྲེ་ཡིས་བྱས་སྟངས་གཟིགས་དང་།
ལྷ་དང་འདྲེ་ཡི་ཁྱད་པར། ཡུན་རིང་འགྲོགས་ན་ཤེས་ཡོང་།
གསེར་དང་བྱེ་མའི་ཁྱད་པར། བསྲེག་བཅད་རྡར་ན་ཤེས་ཡོང་།
དགྲ་གཉེན་གོ་ལྡོག་གི་བཙན་བྱོལ་སྤྱི་ཚོགས་ནང་དུ་འདྲེ་སྤྱི་འཐུས་བེ་རི་འཇིགས་མེད་མཆོག་ལ་ཐུགས་རྗེ་ཆེ་ཞུ་རྒྱུ་དང་བོད་མི་རིགས་ཀྱི་ཆེད་དུ་རང་ཉིད་འདྲེ་རེད་ཟེར་མུ་མཐུད་ནས་ཕྱག་ལས་གནང་རོགས་ཞུ་རྒྱུ་ཡིན།
བཀྲ་ཤིས་བདེ་ལེགས་ཡོད།
ལེགས་སོ་་་་་་་་་་ལེགས་སོ། དངོས་བྱུང་གི་ལོ་རྒྱུས་དེ་དག་ཡིག་ཐོག་ཏུ་བཀོད་པར་ངོ་མ་བཟང་གི།། བོད་ཡིག་ཙམ་མ་ཟད་དབྱིན་ཡིག་དུ་འཕབ་སྒྱུར་བྱ་ཐུབ་ན་དེ་བས་བཟང་གི།
ལོ་རྒྱས་ངོ་མ་ཡིག་ཐོག་ལ་བཀོད་ན་བཟང་གི་རེད་དེ་བཟང་གི་བཟང་གི་་་་