ཕྲུ་གུ་འཚར་ལོངས་ཡོང་བཞིན་པའི་སྐབས་སུ་བྱམས་སྐྱོང་འཐུས་སྒོ་ཚང་བ་ཞིག་རག་པ་ཡིན་ན་རྗེས་སུ་ཕྲུ་གུ་དེ་མི་བཟང་པོ་ཞིག་ཆགས་ཐུབ་ཅེས་༧གོང་ས་མཆོག་གིས་རྒྱལ་སྤྱིའི་འགྲོ་བ་མིའི་བཟང་སྤྱོད་ཀྱི་གཟེངས་རྟགས་བཞེས་སྐབས་གསུངས་ཡོད།
ཟླ་འདིའི་ཕྱི་ཚེས་ ༡༨ ༧གོང་ས་མཆོག་ཨ་རིའི་སྲིད་འཛིན་ཨོ་བྷ་མ་མཆོག་དང་ལྩམ་ཧི་ལི་རེས་ཁི་ལེན་ཊོན་མཆོག་དང་མཇལ་འཕྲད་གནང་རྗེས། ཕྱི་ཚེས་ ༡༩ ཉིན་ཨ་རིའི་རྒྱལ་ས་ཝ་ཤིན་ཊོན་དུ་རྟེན་གཞི་བྱས་པའི་ཨ་རིའི་དམངས་གཙོ་ཐེབས་རྩ་ཁང་གིས་དམངས་གཙོ་མཛད་རྗེས་ཀྱི་གཟེངས་རྟགས་ཏེ་༧གོང་ས་མཆོག་ལ་ཕུལ་ཡོད་པ་དང་། ཟླ་འདིའི་ཚེས་ ༢༠ ཉིན་༧གོང་ས་མཆོག་ཨ་རིའི་གྲོང་ཁྱེར་ལོ་སིཨེན་ཇི་ལེ་སིའི་ནང་རྟེན་གཞི་བྱས་པའི་དྭ་ཕྲུག་གཅེས་སྐྱོང་ཁང་ Whole Child International གིས་ཇི་ལྟར་གསོལ་འདེབས་ཞུས་པ་བཞིན་ཉིན་དེར་མཛད་སྒོ་ཁག་གཉིས་ལ་ཆིབས་སྒྱུར་བསྐྱངས་ཡོད་པ་དང་། ཉིན་དེའི་སྔ་དྲོ་ཆུ་ཚོད་ ༢ རིང་བཞུགས་གནས་མགྲོན་ཁང་དུ་དྭ་ཕྲུག་གཅེས་སྐྱོང་ཚོགས་པའི་ཚོགས་མི་དང་དྭ་ཕྲུག་གཅེས་སྐྱོང་གནང་མཁན་གྱི་ཆེད་ལས་པ་རྣམས་དང་། དེ་བཞིན་སྤྱི་ཚོགས་ཕན་བདེ་དང་གཞན་ཕན་ཕྱག་ལས་གནང་མཁན་གྱི་མི་སྣ་ཁག་ཅིག་ལ་མཇལ་འཕྲད་དང་ལྷན་དུ་༼བྱམས་བརྩེའི་ཉམས་ལེན། མགོན་སྐྱབས་མེད་པའི་གོ་ལ་ཁྱོན་ཡོངས་ཀྱི་ཕྲུ་གྲུ་ཚོར་གཅེས་སྐྱོང༌༽ཞེས་པའི་བརྗོད་གཞིའི་ཐོག་བགྲོ་གླེང་གནང་ཡོད་པ་དང་། སྐབས་དེར་༧གོང་ས་མཆོག་གིས་དེར་ཡོད་མི་སྣ་རྣམས་ལ་བཀའ་སློབ་གནང་དོན། ཕྲུ་གུ་ཚོ་འགྲོ་བ་མི་ཞིག་ཡིན་པས་ཁོང་ཚོར་ཡང་འགྲོ་བ་མིའི་ཐོབ་ཐང་ཡོད་ལ། མ་འོངས་པའི་སྤྱི་ཚོགས་ཡག་པོ་ཞིག་ཡོང་མིན་ཡང་མི་རབས་གསར་པ་དང་གཞོན་སྐྱེས་ཚོར་རག་ལས་ཡོད། གལ་ཏེ་ནང་སེམས་ཀྱི་རིན་ཐང་བྱམས་བརྩེ་དེ་མེད་པ་ཡིན་ན། མི་ཕན་ཚུན་བར་བཤུ་གཞོག་བྱེད་པ་སོགས་ཀྱི་ལས་བྱེད་ཀྱིན་ཡོད་སྟབས། ང་ཚོའི་ནུས་ཤུགས་གཙོ་བོ་དེ་བྱམས་བརྩེ་ཅན་གྱི་སྤྱི་ཚོགས་ཤིག་བསྐྲུན་རྒྱུའི་ཐོག་སློབ་གསོ་རྒྱག་ཐབས་བྱ་དགོས། ང་ཚོའི་མི་རབས་རྗེས་མ་དེ་བྱམས་བརྩེ་ཅན་གྱི་མི་རབས་ཤིག་བསྐྲུན་དགོས་པ་རེད། གལ་ཏེ། ཕྲུ་གུ་འཚར་ལོངས་ཡོང་བཞིན་པའི་སྐབས་སུ་བྱམས་སྐྱོང་འཐུས་སྒོ་ཚང་བ་ཞིག་རག་པ་ཡིན་ན་རྗེས་སུ་ཕྲུ་གུ་དེ་མི་བཟང་པོ་ཞིག་ཆགས་ཐུབ་གི་རེད་ཅེས་བཀའ་སློབ་གནང་ཡོད་པ་དང་། ཉིན་རྒྱབ་དུ་ྋགོང་ས་མཆོག་གིས་ཕྲུ་གུ་དང་འབྲེལ་བའི་རྒྱལ་སྤྱིའི་འགྲོ་བ་མིའི་བཟང་སྤྱོད་ཀྱི་གཟེངས་རྟགས་ Whole Child International Humanitarian Award ཐོག་པ་དེ་བཞེས་གནང་ཡོད་པ་རེད།
དེ་བཞིན། ཐེངས་འདིའི་༧གོང་ས་མཆོག་གིས་ཨ་རིའི་ནང་རླབས་ཆེན་གྱི་མཛད་འཕྲིན་ཁག་བསྐྱངས་བ་དང་ཆབས་ཅིག་ཨ་རིའི་སེ་ཨན་ཨན་བརྙན་འཕྲིན་གྱི་དུས་ཡུན་སྐར་མ་ ༤༥ རིང་གི་བགྲོ་གླེང་གི་ལེ་ཚན་ནང་ཆིབས་བསྒྱུར་བསྐྱངས་ཏེ། སྲིད་འཛིན་ཨོ་བྷ་མར་མཇལ་འཕྲད་སྐབས་ཀྱི་གནས་ཚུལ་དང་འབྲེལ་༧གོང་ས་མཆོག་གིས་དབུ་མའི་ལམ་དེས་བོད་ཀྱི་གནད་དོན་ཐག་གཅོད་ཡོང་རྒྱུར་ཕན་ཐོགས་ཡོད་པ་ཞིག་ཡིན་པའི་སྐོར་གྱི་བཀའ་མོལ་གནང་ཡོད་འདུག
གོང་ས་མཆོག་གི་བཀའ་སློབ་ཞིག་དུ་ང་རྒྱལ་བ་རིན་པོ་ཆེན་ཡང་དགེ་རྒན་གྱི་རྟ་ལྕག་འོག་ཏུ་མཚར་ལོངས་བྱུང་བ་རེད་མ་གཏོགས་རྟོག་པ་སྔོན་སོང་རེད་ཟེར་ནས་བཞག་བཞག་པ་དེ་འདྲ་མ་རེད་འདི་ཤེས་དགོས་པ་རེད། ཅེས་གསུངས་ཡོད།
སྐྱབས་སུ་མཆི།
གངས་རི་ར་བའི་སྐོར་བའི་ཞིང་ཁམས་ནས། །ཕན་དང་བདེ་བར་མ་ལུས་འབྱུང་བའི་གནས། །སྤྱན་རས་གཟིགས་དབང་བསྟན་འཛིན་རྒྱ་མཚོ་ཡི། །ཞབས་པད་སྲིད་མཐར་བར་དུ་བརྟན་གྱུར་ཅིག །
བོད་ནང་གི་དབའ་བོ་དབའ་མོ་ཚོས་ཆེད་དུ་བོད་རང་བཙན་ཤེས་འོས་འཕེན་རོགས་ཟེར་བ་དེ་ངོ་མ་བཤད་ན་རང་སྐྱོན་མ་ཤེས་པའི་གླེན་རྟགས་ཁོ་ན་ཞིག་རེད།གང་ཡིན་ཟེར་ན་བོད་ས་ཡོངས་ནས་རང་དབང་ཆེད་ཡར་ལིང་བྱེད་སྐབས་འབོད་ཚིག་བེད་སྤྱོད་བྱེད་སྟིང་ཐོག་རང་བཙན་སྒྲོག་ཡོད་ཀྱང་དོན་ངོ་མ་དེ་གོང་ས་མཆོག་གི་གསུང་བའི་དབུ་མའི་ལམ་གི་ལིང་ཕྱོགས་ཡིན་པ་ར་སྤྲོད་ཐོབ་ཐུབ།བཙན་བྱོལ་གཞུང་གི་ངོས་ནས་གསལ་བསྒྲགས་གི་མ་འདང་བའི་ལམ་ནས་བྱུང་བ་ཞིག་རེད།བོད་ནང་གི་བོད་པ་ཡོངས་སུ་རྫོགས་པ་དབུ་མའི་ལམ་གི་ཐོག་འདོད་པ་ཡོད་རེད་ཟེར་ནས་བཤད་ཐུབ།
དབུ་མའི་ལམ་གི་ཐོག་ལ་རྡོག་རྩ་གཅིག་བྱེད་ཐུབ་ན་ཤུན་ཏུ་ལེགས།རང་གི་མི་རིགས་འདི་རྡོག་རྩ་གཅིག་གི་ལམ་ནས་ཤེས་ཡོན་ཡར་ཐོན་ཡོངས་ཐུབ་ལ་འབད་པ་བྱེད་རྒྱུ་དེ་གཙོ་བོ་ནང་གི་གཙོ་བོ་རེད།
ཧོར་བུ་ཡེ་ཤེས་ལགས།བོད་རང་བཙན་ནི་ད་ལྟ་ང་ཚོའི་རེག་ཀྱང་རང་གི་འཛིན་སྐྱོངས་ཆ་ཚང་བ་ཞིག་ཐུབ་དམ།ཤེས་ཚུལ་ཐོག་གང་འདྲ་ཞིག་ཡོད་མེད་དང་དཔལ་འབྱོར་ཐོག་གང་འདྲ་ཞིག་ཡོད་མེད་དེ་ཚོ་ཤེས་སམ།རང་བཙན་གྱི་རྒྱལ་ཁབ་ཞིག་ལ་གང་དང་གང་ཚང་དགོས་མིན་ཤེས་སམ།བོད་ལ་དེ་ལྟར་ཚང་གི་འདུག་གམ།དེ་ལས་དབུ་མའི་ལམ་གི་ཐུག་ལ་རྡོག་རྩ་གཅིག་བྱེད་ཐུབ་ན་ཤུན་ཏུ་ལགས།
ཧོར་བུ་ཡེ་ཤེས་ལགས་ལ་ ཞུ་རྒྱུ་ཞིག་ལ་བོད་ཅེས་པ་ཏེ་སུས་རྟགས་མ་རྟགས་ལ་བྱོས་རྟོག་མེད་ཞེས་པའི་གོ་དོན་ཅི་རེད་འགྲེལ་བཤད་ཞིག་གནང་རོགས
གྲྭ་རྒོད་ལགས།བོད་རང་བཙན་མ་དགོས་ན།བོད་ཅེས་པ་དེ་སུས་རྟགས་དང་མ་རྟགས་ལ་བྱོས་རྟོག་མེད།དེ་ལས་ཀྲོང་ཧྭ་མི་དམངས་སྤྱི་མཐུན་རྒྱལ་ཁམས་ཟེར་ན་འགྲིག།
བོད་རང་བཙན་ལ་འོས་འཕེན་རོགས་ཞེས་བཤད་ན་བློ་ཡིད་དུ་མ་ཤོང་བའི་སྐད་ཆ་ཞིག་རེད ། ཁ་བརྡ་དྲ་ཚིགས་ཀྱིས་གསལ་བྱེདཡག་པོ་ཞིག་བྱེད་རོགས་ཞུ
ད་ལྟའི་ཕྲུག་གུ་ཚོ་ནི་འབྱུང་འགྱུར་གྱི་མི་རབས་གསར་པའི་སོན་རྩ་རེད།
སངས་རྒྱས་བཅོམ་ལྡན་འདས་ཀྱིས། མྱུ་གུ་ལ་གཅེས་སྤྲས་དགོས་ཀྱི། སྡོང་པོ་ལ་ནི་མ་ཡིན་ནོ། གསུངས་པ་བཞིན་དུ་༸གོང་ས་མཆོག་གི་ཐུགས་བཞད་དང་གཅིག་ཏུ་འདྲེས་པ་ལགས།
སི་ཨན་ཨན་བརྙན་འཕྲིན་མ་རེད། སྰི་ ཨེན་ཨེན་བརྙན་འཕྲིན་རེད།
བྱམས་བརྩེ་དང་བདེ་སྐྱིད་ཅིག་དགོས་ན་དྲིན་མ་ལོའི་པང་ནས་ཡོང་དགོས་པ་ཞིག་རེད།
དོན་གྱི་བདག་པོའི་བསླབ་བྱ་མང་མེད་ན་ཉུང་མེད་ཚོད་ཡིན་་་་་་་་ཕ་མ་ཚོའི་ཕྲུ་གུ་་སྐྱོང་མི་ཤེས་བ་མ་ཟད་བསླབ་བྱ་གནང་དེ་བས་མི་ཤེས། རྡུང་རྒྱུ་དང་དམོད་མོ་བྱེད་རྒྱུ་སོགས་ཅི་ཙམ་མང་ན་དེ་ཙམ་གྱི་ཕྲུ་གུ་སྐྱོངས་བ་དང་དབྱིན་ཡིག་ལ་སློབ་སྦྱོང་ཡག་པོ་བྱོས་དང་མ་འོང་བར་དེས་ཕན་ནི་རེད་ཕྱི་རྒྱལ་ལ་འགྲོ་དགོས་ཚུལ་སོགས་བསླབ་བྱ་སྟེ་ཆེས་གཟབ་ས་ཞིག་རེད།། ང་ཚོའི་ཕ་མ་དང་སློབ་དགེ་དག་གི་ཆེས་བསླབ་བྱ་གལ་ཆེན་ཞིག་རང་གི་བུ་རབ་ཚ་རྒྱུད་དག་ལ་གནང་ཡོད་ཁུལ་རེད་ད་ཧ་ཧ་ཧ་
དྲ་གྲོགས་ཚོ་ལ་ཞུ་རྒྱུ།དྲི་བ།བོད་ཞེས་པའི་མིང་འདི་རྒྱལ་པོ་སུ་ཞིག་གི་རང་བཏག་པ་ཞིག་རེད་དམ།བོད་ཞེས་པ་འདི་ཇི་ལྟར་བཏགས་སམ།
བོད་རང་བཙན་ནི་ལོ་རྒྱས་ཐོག་བདེན་པ་ཞིག་ཡིན་ཡང་ད་ལྟས་བོད་གི་གནས་བབས་ལ་ཞིག་ན་ཡོང་ཐུབ་མེད་པ་ཞིག་རེད་བསམ་གི་འདུག་༧གོང་ས་མཆོག་གི་གསུང་བའི་དབུ་མའི་ལམ་འདི་ང་ཚོ་བོད་པ་ཚང་གི་གནས་བབས་དང་བསྟུན་ནས་གསུང་བ་ཞིག་རེད་ལ་ལག་ལེན་ཡང་ཐུབ་པ་ཞིག་རེད་བསམ་གི་ཡོད།
༧གོང་ས་མཆོག་གི་གསུང་འདི་དག་ང་ཚོ་བོད་པ་ཚང་མའི་ལག་ལེན་བྱེད་ཐུབ་པ་ཞིག་ཡོངས་ཐུབ་བྱེད་དགོས་རེད་ལ་དེ་ཡང་གཞུང་རྒེར་གཉིས་ནས་འབད་པ་བྱེད་རྒྱུ་གལ་ཆེན་རེད།
ང་ཚོའི་ཕ་མ་དང་དགེ་རྒན་ཚོས་ཀྱང་ང་ཚོ་བོད་ཕྲུ་གུ་རྣམས་བརྡུང་རྒྱུ་མཚམས་བཞག་པ་ཙམ་མིན་པར་བདག་ཅག་བྱིས་པའི་བློ་དང་འཚམས་པའི་བསླབ་བྱ་སྤྲོད་པའི་སྒོ་ནས་བསྐྱང་ཐུབ་ན་དགེ་མཚན་ཆེ་བ་ལ།
ང་ཚོའི་སྤྱི་ཚོགས་ག་དུས་ཡིན་རུང་མགོ་ཡོད་ལ་མཇུག་གུ་མེད་པ་འདིས་ཡིད་སྐྱོ་གི།
དུས་བབ་ནང་གི་དྲ་གྲོགས་ཚང་མ་ཁ་བརྡའི་ནང་དུ་བོད་རང་བཙན་གྱི་ཆེན་དུ་འོས་ཤོག་བླུགས་པར་ཕེབས་རོགས། དྲ་ཐག་འདི་ཡིན།
http://www.khabdha.org/?p=6688&cpage=1#comment-23383
དྲ་གྲོགས་ཚོ། མགྱོགས་པོར་འོས་བླུགས་པར་ཕེབས་རོགས། གོང་གི་དྲ་ཐག་ནང་དུ་དྲ་ཤར་གསུམ་ཡོད་པའི་དཀྱིལ་མ་དེ་ལས་དབྱིན་ཡིག་གི་Quick Vote ཞེས་པ་ལས་yes སྟེང་གནོན་དགོས་པ་ཡིན།
རྒྱ་གར་གྱི་ཉིན་གུང་དུས་ཚོད་༡།༤༥་ཐོག་བོད་རང་བཙན་ལ་རྒྱབ་སྐྱོར་བྱེད་མཁན་བརྒྱ་ཆའི་༩་དང་། ཁ་གཏད་བརྒྱ་ཆའི་༩༡་རེད་འདུག འགྱོགས་པོར་འོས་བླུགས་པར་ཕེབས་རོགས། ཕན་ཚུན་ལ་བརྡ་ལན་སྤྲོད་རོགས།
བདེ་སྐྱིད་དང་བྱམས་བརྩེ་ལྡན་པའི་སྤྱི་ཚོགས་ཤིག་བསྐྲུན་འདོད་ན།་ཆུང་བྱིས་པ་ཚོར་ནང་སེམས་ཀྱི་རིན་ཐན་བྱམས་བརྩེ་འཐུས་སྒོ་ཚང་པ་ཞིག་རག་ཐབས་ལ་འབད་དགོས་པའི་རླབས་ཆེན་གྱི་བཀའ་སློབ་གནང་འདུག་པས་སྐྱབས་སུ་མཆི་རྒྱལ་བ་དོན་གྱི་བདག་པོ།