བུ་ཆུང་ཚེ་རིང་།
ད་རེས་༧གོང་ས་མཆོག་གི་འདི་ག་ཝ་ཤིང་ཊོན་ཌི་སི་རུ་ཆིབས་བསྒྱུར་ལེགས་གྲུབ་བྱུང་བར་ད་ལྟ་བསམ་བློ་གཏོང་སྐབས་གུས་རང་བསྐལ་བཟང་གི་ལས་དོན་འདི་རིགས་སུ་མཉམ་ཞུགས་བྱེད་རྒྱུའི་གོ་སྐབས་ཡོད་པ་དེ་རང་གི་མི་ཚེའི་ནང་ནམ་ཡང་བརྗེད་མི་ཐུབ་པའི་མྱོང་ཚོར་ཞིག་བྱུང་སོང་།
གུས་རང་ ༡༩༨༢ ལོར་རང་རེའི་གཞུང་གི་ཞབས་ཞུར་དངོས་སུ་འཛུལ་ཞུགས་བྱས་ནས་ད་བར་དགའ་སྤོབས་ཆེ་ཤོས་དེ་ནི་༧གོང་ས་མཆོག་གི་མཛད་དོན་དང་འབྲེལ་བའི་ལས་དོན་འདི་འདྲའི་ཐོག་རང་ནུས་གང་ཐུབ་ཀྱིས་ཞབས་ཞུའི་གོ་སྐབས་བྱུང་བ་དེ་ཡིན།
སློབ་གྲྭ་ཆེན་མོའམ་མཐོ་སློབ་ཐོན་རྗེས་ཐོག་མར་ལོ་གཉིས་ཙམ་རིང་རྒྱ་གར་གསར་ཤོག་ཞིག་གི་གསར་འགོད་པའི་ལས་ཀ་བྱས་པ་ཡིན། དེ་སྐབས་སྤྱིར་བོད་མི་ཞིག་ཡིན་པའི་ཆ་ནས་བོད་པའི་ལས་འགུལ་དང་འབྲེལ་བ་ཡོད་པ་དང་ཚགས་པར་དེའི་ནང་སྐབས་རེར་བོད་དོན་སྐོར་རྩོམ་བྲིས་རྒྱུའི་གོ་སྐབས་བྱུང་རུང་ཉིན་རེའི་ལས་ཀ་ནི་རྒྱ་གར་རྒྱལ་སར་ཡོད་པའི་མཐོ་སློབ་ཁག་གི་ལས་དོན་སྐོར་གནས་ཚུལ་མཁོ་སྒྲུབ་བྱ་རྒྱུ་དེ་ཡིན། དེ་ནས་དེ་སྐབས་རང་གཞུང་དྲིལ་བསྒྲགས་ལས་ཁུངས་དང་ད་ཆ་ཕྱི་དྲིལ་ལས་ཁུངས་སུ་ཞབས་ཞུ་མགོ་བཙུགས་པ་ནས་ཉིན་རེའི་ལས་དོན་དེ་ཡང་བོད་དང་འབྲེལ་བ་རང་ཆགས་པ་རེད། ལྷག་པར་༡༩༩༥ ལོར་འདི་ག་ཝ་ཤིང་ཊོན་དུ་རྒྱལ་སྤྱིའི་བོད་དོན་ལས་འགུལ་ཁང་དུ་ལས་དོན་ཆེད་གཏོང་གནང་རྗེས་གུས་པའི་ལས་འགན་གཅིག་ནི་༧གོང་ས་མཆོག་གི་འདི་ཕྱོགས་ཀྱི་ཆིབས་བསྒྱུར་གོ་སྒྲིག་ལ་རམ་འདེགས་ཞུ་རྒྱུ་དེ་ཡིན། ཕྱོགས་གཅིག་ནས་ལས་དོན་དང་ལས་འགན་ཞིག་ཡིན་རུང་ཕྱོགས་གཞན་ཞིག་ལ་གང་ཟག་སུ་འདྲ་ཞིག་དང་ལྷག་པར་བོད་མི་ཡིན་ཕྱིན་ཆེད་༧གོང་ས་མཆོག་གི་མཛད་འཆར་དང་འབྲེལ་བའི་ལས་དོན་ཐོག་མཉམ་ཞུགས་བྱེད་རྒྱུ་ནི་རྙེད་དཀའ་བའི་གོ་སྐབས་ཞིག་ཡིན་པའི་ངོས་འཛིན་བྱེད་ཀྱིན་རེད་།
ད་རེས་ཝ་ཤིང་ཊོན་གྱི་ཆིབས་བསྒྱུར་དེས་༧གོང་ས་མཆོག་ལ་འཛམ་ གླིང་མི་མང་སྤྱི་དང་དམིགས་བཀར་བོད་མི་ཚོས་དད་གུས་ཆེན་པོ་བྱེད་ཀྱི་ཡོད་པའི་གཞི་རྩ་ག་རེ་ཡིན་པ་དེ་གསལ་པོ་བསྟན་སོང་སྙམ། འདི་ཁུལ་དུ་དངོས་སུ་ཡོད་ཅིང་ཟླ་བ་འགའ་ཞིག་ཙམ་ལས་མ་ཕྱིན་པའི་བྱིས་པ་གཙོས་བོད་མི་ཚོ་དང་ལྷག་པར་བོད་ནང་དང་རྒྱལ་ཁབ་གཞན་ནང་ཡོད་པའི་བོད་མི་ཚོས་༧གོང་ས་མཆོག་ལ་སྒོ་གསུམ་གུས་པས་ད་རེས་ཀྱི་ཆིབས་བསྒྱུར་འདིར་དགའ་བསུ་ཞུས་སྟངས་དེས་ཁོང་དང་བོད་མིའི་དབར་མི་རབས་དང་། ལོ་རྒྱུས། དེ་བཞིན་ལས་དབང་གི་འབྲེལ་བ་གཏིང་ཟབ་ཡོད་པ་དེ་མཚོན་གྱི་འདུག ཡང་ཚེས་ ༡༨ཉིན་ལོ་གསར་དུས་སྐབས་དང་བསྟུན་ནས་སྣེ་ལེན་མཛད་སྒོ་ཞིག་དང་། ཚེས་ ༡༩ ཉིན་གྱི་དམངས་གཙོའི་ཞབས་ཞུའི་གཟེངས་རྟགས་འབུལ་བཞེས་ཀྱི་མཛད་སྒོ་སོགས་ཀྱི་སྐབས་ཨ་རི་བ་དང་དེ་བཞིན་ཕྱི་མི་བརྒྱ་ཕྲག་འགའ་ཞིག་གིས་༧གོང་ས་མཆོག་ལ་དགའ་བསུའི་རྣམ་འགྱུར་སྟོན་སྟངས་དེས་མགོན་པོ་གང་གིས་འཛམ་གླིང་ཞི་བདེ་དང་། ཆོས་ལུགས་དང་མི་རིགས་དབར་མཐུན་སྒྲིལ། ཁོར་ཡུག་སྲུང་སྐྱོབས་ལ་སོགས་པའི་མཛད་པ་འཕྲིན་ལས་ལ་རྗེས་སུ་ཡི་རངས་ཞུ་བཞིན་ཡོད་པ་མཚོན་གྱིན་ཡོད། ལྷག་པར་གཟེངས་རྟགས་དེས་༧གོང་ས་མཆོག་གིས་མིའི་སྤྱི་ཚོགས་ནང་དམངས་གཙོའི་ལམ་ལུགས་ལ་གནད་འགག་ཡོད་པ་དང་། དེའི་ཐོག་སྐུ་ངལ་འཛེམས་མེད་ཐོག་ནས་སྐུ་ལས་སྐྱོན་གྱིན་ཡོད་པ་དེར་ངོས་འཛིན་ཡོད་པ་མཚོན་ཡོད།
ཡང་ཨ་རི་གཞུང་གི་འཛིན་སྐྱོང་སྡེ་ཚན་གྱི་ཆབ་སྲིད་ཀྱི་ཐུགས་འགན་གཙོ་བོ་བཞེས་མཁན་སྲིད་འཛིན་སྦ་རག་ཨོ་སྦ་མ་དང་ཕྱི་སྲིད་བློན་ཆེན་ ཧི་ལ་རི་ཁི་ལིན་ཊོན་གཉིས་ཀ་ནས་༧གོང་ས་མཆོག་དང་མཇལ་ནས་བོད་དང་རྒྱལ་སྤྱིའི་དོན་གནད་ཐོག་བཀའ་བསྡུར་ལྷུག་པོ་གནང་བ་དང་། སྲིད་འཛིན་ཨོ་སྦ་མའི་མགྲིན་ཚབ་པས་རྗེས་སུ་གསལ་བསྒྲགས་གནང་བ་བཞིན་སྲིད་འཛིན་ནས་༧གོང་ས་མཆོག་གི་དབུ་མའི་ལམ་དང་འཚེ་མེད་ཞི་བའི་ཐབས་ལམ་ལ་སྔགས་བརྗོད་དང་རྗེས་སུ་ཡི་རངས་ཡོད་པ། བོད་རྒྱ་འབྲེལ་བའི་འབྲེལ་མོལ་མུ་མཐུད་རྒྱུར་རྒྱབ་སྐྱོར་གནང་བ་དེས་ཨ་རི་གཞུང་གི་ཆབ་སྲིད་སྔོན་བརྡ་ཞིག་རེད། སྲིད་འཛིན་མཆོག་དང་༧གོང་ས་མཆོག་དབར་གནད་དོན་མང་པོའི་ཐོག་དགོངས་ཚུལ་མཐུན་ཡོད་པ་དང་། ཕྱི་སྲིད་བློན་ཆེན་ནས་༧གོང་ས་མཆོག་ལྷན་ཕྱག་རོགས་གཞན་སུའང་མེད་པའི་ཐོག་ནས་བཀའ་མོལ་ཐོལ་པ་སྐར་མ་ ༡༥ ཙམ་གནང་བ་དེས་ཁོང་ནས་༧གོང་ས་མཆོག་ལ་དམིགས་བསལ་ཐུགས་རེ་ཡོད་པ་དང་ཐུགས་ཡིད་ཆེ་བའི་རྣམ་འགྱུར་བསྟན་པ་རེད།
གང་ལྟར་ད་རེས་ཀྱི་ཆིབས་བསྒྱུར་དེས་རང་གཞན་ཚང་མར་སེམས་ཤུགས་སྐྱེས་པ་དང་། རྒྱལ་སྤྱིའི་སྤྱི་ཚོགས་ནང་༧གོང་ས་མཆོག་གི་ཐུགས་ཀྱི་དགོངས་བཞེས་དེ་དངོས་གསལ་བྱུང་བ། བོད་ཕྱི་ནང་དུ་ཡོད་པའི་བོད་མི་ཚོ་དང་མགོན་པོ་གང་ཉིད་དབར་ལས་དབང་གི་འབྲེལ་བ་གཏིང་ཟབ་དུ་ཕྱིན་པའི་གྲུབ་འབྲས་བྱུང་ཡོད་པའི་མྱོང་ཚོར་བྱུང་།
རྩོམ་ཡིག་འདི་ཁོང་གི་མོས་མཐུན་ལྟར་འདིར་བཀོད་པ་ཡིན། ཁོང་གི་ཟིན་བྲིས་ལ་གཟིགས་ན་ བུ་ཆུང་ཚེ་རིང་གི་ཟིན་བྲིས། འདིར་བསྣུན་རོགས།
![Li Pengxin, a former senior official of the Xinjiang Uygur autonomous region, is sentenced to life imprisonment [Photo/CCTV]](https://tibettimes.net/wp-content/uploads/2025/04/680845dea3104d9fd15678e1-360x180.jpeg)
“དེ་ནས་དེ་སྐབས་རང་གཞུང་དྲིལ་བསྒྲགས་ལས་ཁུངས་” ཁྱེད་ཀྱི་འབྲི་སྲོལ་ཡག་པོ་མི་འདུག ་་་”དེ་སྐབས”མི་ཟེར་བར་”སྐབས་དེ”ཞེས་བྲིས་ན་ཡག་པོ་་རེད། what do you think if i write “time that” instead of “that time”?
འདི་ང་ཚོས་ཁ་དང་ཁ་སྤུ་སོ་སོར་མ་ཕྱེས་ན་མི་འགྲིག་པ་ཞིག་རེད།་་་་་་རྒྱུ་མཚན་ནི་དོ་གལ་ཆེན་པོས་བོད་གཞུང་དོན་གཅོད་ཁང་ཁག་རྒྱལ་ཁབ་གང་མང་ཞིག་ལ་བཙུགས་ཡོད་པས།་་་་་་་ཁོ་ཚོར་ཡུལ་དུས་དཔགས་པའི་ལས་དོན་མི་ཉུང་བ་ཞིག་ཡོད་པ་ལས་།་་་་་གོང་ས་མཆོག་ལ་ཕེབས་སྐྱེལ་དང་བདེ་འཇགས་ཀྱིས་མཚོན་ཆོས་སྲིད་ཀྱི་ལས་དོན་རིགས་མཐའ་གཅིག་ཏུ་དོན་གཅོད་ཀྱིས་ཐག་གཅོད་དགོས་པར་རྒྱུ་མཚན་མང་བོ་ཡོད་རེད།
འོན་ཀྱང་ཨ་རི་ལྟ་བུར་མཚོན་ན་ནམ་རྒྱུ་རྒྱལ་སྤྱི་བོད་དོན་ལས་འགུལ་ཁང་སེར་བ་ལྟ་བུས།་་་་་་་་བོད་གཞུང་དོན་གཅོད་ཁང་ལ་བརྩི་མེད་དང་ཕྱིར་འདེད་བྱས་དང་བྱེད་བཞིན་པ་རེད།་་་་་་ལར་ནས་ངྷ་སར་ཡོད་པའི་བཀའ་ཤག་གིས་རྩ་འཁྲིམས་གསེར་བྲིས་མ་ཡིན་ཟེར་བ་ཙམ་ལས།་་་་་་དངོས་དོན་ལག་ལེན་གྱི་ཐོག་ནས་ཨ་རིའི་དོན་གཅོད་ཀྱི་ལས་འགན་དང་སྐུ་དབང་ཡང་བགོད་སྒྲིག་ཞུ་ཐུབ་ཀྱི་མེད་པའམ།་་་་་་ཞུ་འདོད་མེད་པ་ང་ཚོས་སྔ་ས་ནས་མཐོང་སོང་།་་་་་་་འདི་ལྟར་བྱས་ནས་བོད་གཞུང་གི་སྲོག་དབུགས་དངུབས་བཞིན་པ་དང་གོང་༸ས་མཆོག་གི་སྐུ་འཚོ་བཞུགས་ཡིན་མིན་ལ་མ་ལྟོས་པར།་་་་་་་
᪠ᨙᨵ་ᨑ᪄་
མཆོག་ཏུ་བཀུར་འོས་བུ་ཆུང་ཚེ་རིང་ལགས། སྐུ་ཉིད་ཀྱི་ཉུང་ཚོར་ཀློག་རྗེས་སྐུ་ཉིད་ལ་ཟིན་བྲིས་ཡོད་པ་ཤེས་ཏེ་ཅི་ཞིག་བྲིས་ཡོད་དམ་སྙམ་ནས་བལྟ་བར་བསྐྱོད་སྐབས་ཡིག་གཟུགས་ཚང་མ་འཐོར་ཏེ་ཀློག་ཐུབ་ཀྱི་མིན་འདུག་པས་སྤྱི་ཚོགས་ལ་ཕན་པ་ངེས་ཅན་ཡོད་པའི་རྩོམ་བྲིས་དང་གནས་ཚུལ་སོགས་ཡོད་ཚེ་སྐུ་ཉིད་དུས་འཁོམས་དང་བསྟུན་ཟིན་བྲིས་ཀྱི་ཡི་གེ་བསྒྱུར་བཅོས་གནང་ན་ལེགས་པར་བསམ།
སྨྱོ་ལབ་བརྒྱབས་ཡོད།
བསེ་རུས་དེ་འདྲ་བྱས་ནས་གལ་ཆེའི་གནས་ཚཱུལ་ཁག་ཐད་གཏོང་བྱས་ནས་ཡག་པོ་མི་འདུག་གམ
འདིར་བུ་ཆུང་ཚེ་རིང་གིས་༧གོང་ས་མཆོག་ཨ་རིའི་རྒྱལ་སར་ཆིབས་སྒྱུར་སྐབས་ཀྱི་མྱོང་ཚོར། གླེང་ཞོར་དུ་གོ་སྐབས་འདི་བརྒྱུད་ནས་བུ་ཆུང་ཚེ་རིང་རང་ཉིད་ངོ་སྤྲོད་གང་ཡག་ཡག་བྱས་འདུག འདི་ངོ་སོ་ཡིན་ནམ་ཡང་ན་སྤྲེལ་ལད་ཡིན། ཡང་ན་ངོ་རྒོལ་ཡིན་ནམ་མ་གུས་པ་ཡིན། གལ་ཏེ་ཁྱོད་ཀྱིས་བཤད་འདོད་ན་ཨོ་བྷ་མས་༧གོང་ས་མཆོག་གད་སྙིགས་ཀྱི་སྤུངས་པའི་སྒོ་དཀྱུས་མར་ཕེབས་བསྐྱལ་གནང་དགོས་པའི་རྒྱུ་མཚན་རྒྱས་པ་ཞིག་འབྲི་དང་།
ཞབས་རོགས་ཡིན་ཟེར་མཁན་ཚོས་མ་འོངས་པར་ཕྱོགས་ཡོངས་ལ་ཤུགས་སྣོན་སྔར་ལྷག་གནང་དགོས་ཚོད་རེད། དཔེར་ན་ད་རེས་ཕོ་བྲང་དཀར་པོའི་ཕེབས་ལམ་ལྟ་བུ་རེད།
རྩོམ་འདི་འབྲི་མཁན་བུ་ཆུང་ཚེ་རིང་ལ་དོགས་སློང་འགའ་ཞུ་གི་ཡིན།
དང་པོ།
ཁྱེད་ཀྱིས། ཨ་རི་གཞུང་གི་ཆབ་སྲིད་ཀྱི་སྔོན་བརྡ་ཞིག་རེད་ཟེར་བའི་སྐད་ཆ་འདིའི་གོ་དོན་ག་རེ་རེད། འགྲེལ་བཤད་ཁ་གསལ་ཞིག་བསྐྱོན་དང་།
གཉིས་པ།
༧གོང་ས་མཆོག་བྱང་ཨ་རི་སོགས་ལ་ཕེབས་ན། ཆིབས་བསྒྱུར་གྱི་གོ་སྒྲིག་དང་རོགས་རམ་གནང་མཁན་དེ། སྐུ་ཚབ་དོན་གཅོད་རེད་དམ་རྒྱལ་སྤྱིའི་བོད་དོན་ལས་འགུལ་ཁང་རེད། སྐུ་ཚབ་དོན་གཅོད་དང་རྒྱལ་སྤྱིའི་བོད་དོན་ལས་འགུལ་ཁང་གཉིས་ཀྱི་ཕྱག་ལས་གནང་སྟངས་ཇི་ལྟར་རེད། འདི་ཁ་གསལ་བཟོ་རོགས།
གསུམ།
སྲིད་འཛིན་ཨོ་སྦ་མས་༧གོང་ས་མཆོག་གློ་སྒོ་ནས་བརྒྱུད་ཕེབས་འདུག་དོན་ཅི་རེད། ཕོ་བྲང་དཀར་པོའི་གློ་སྒོ་དེ་དོན་དངོས་སུ་སུའི་ཕེབས་ལམ་རེད་དམ། ཁྱེད་རང་དེའི་སྐབས་སུ་ཞབས་རོགས་སུ་འདུག བོད་རིགས་ྐློག་པ་པོ་ཚོར་འདིའི་སྐོར་ནས་ཁ་གསལ་ཅིག་གསུངས་རོགས།
༸གོང་ས་མཆོག་ད་ལྟ་རང་གྷ་གལ་གནམ་ཐང་དུ་ཞབས་སོར་འཁོད་དེ། བཞུགས་སྒར་དྷ་སའི་ཕྱོགས་སུ་ཆིབས་ཁ་བསྒྱུར་སོང་།