ཕྱི་ཟླ་ ༢ ཚེས་ ༢༣ ཉིན་ནས་བཟུང་བོད་སྐད་ཀྱི་གློག་བརྙན་༼ དབུས་ལམ་གྱི་ཉི་མ ༽ ཞེས་པ་དེ་མཚོ་སྔོན་ཁྲི་ཤོར་རྒྱལ་མོའི་འགྲམ་གྱི་གསེར་དངུལ་རྩྭ་ཐང་ནས་བརྙན་ཕབ་ཀྱི་ལས་གཞི་མགོ་བརྩམས་ཡོད་པ་དང་། གློག་བརྙན་དེའི་འཁྲབ་གཞུང་རྩོམ་པ་པོ་དང་འཁྲབ་ཁྲིད་པ་གཙོ་བོ་མཚོ་ལྷོ་བོད་རིགས་བོད་རིགས་རང་སྐྱོང་ཁུལ་ཐུན་ཏེ་རྫོང་གི་རྩོམ་པ་པོ་ཟོན་ཐར་རྒྱལ་ལགས་ཡིན་ཞིང་། ཁོང་གིས་དེ་སྔ་མཚོ་སྔོན་དགེ་ཐོན་སློབ་གྲྭ་ཆེན་མོའི་མཛེས་རིས་སྡེ་ཁག་དང་པེ་ཅིན་གློག་བརྙན་སློབ་གླིང་བརྙན་ཕབ་སྡེ་ཁག་སོགས་ནས་གློག་བརྙན་དང་འཁྲབ་གཞུང་གི་སྐོར་ལ་ཆེད་སྦྱོང་བྱས་མྱོང་ཞིང་། ད་ལྟ་གློག་བརྙན་བརྙན་ཕབ་སྐྲུན་དང་མཛེས་རིས་འཆར་འགོད་པའི་ལས་དོན་སྒྲུབ་བཞིན་ཡོད་འདུག ༼ དབུས་ལམ་གྱི་ཉི་མ ༽ ཞེས་པའི་གློག་བརྙན་དེ་ནི་བོད་ཀྱི་རིག་གནས་སེམས་ཁམས་ཡོངས་སུ་མཚོན་པའི་གཏམ་རྒྱུད་གློག་བརྙན་ཞིག་ཡིན་ཞིང་། ཐེངས་འདིའི་གློག་བརྙན་དེ་ཕབ་སྐྲུན་བྱེད་མཁན་གྱི་ཆེད་ལས་པ་དག་ནི་མཚོ་སྔོན་ས་ཁུལ་གྱི་བོད་ཀྱི་གློག་བརྙན་ལས་སྒྲུབ་པ་དག་ཡིན་ཞིང་། ཁོ་ཅག་དེ་སྔ་པེ་ཅིན་གློག་བརྙན་སློབ་གླིང་ནས་གློག་བརྙན་ཕབ་སྐྲུན་དང་མཛེས་རིས་ཇུས་འགོད། སྒྲ་ཕབ་སྒྲིག་སྦྱོར་སོགས་ཀྱི་ཆེད་ལས་སློབ་མཐར་ཕྱིན་ཞིང་བོད་རྒྱ་སྐད་ཡིག་གཉིས་ཀར་བྱང་ཆ་ལྡན་པ་ཤ་སྟག་ཡིན་འདུག
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
སོག་པོ་དང་ཧ་སག་གི་གློག་བརྙན་ཚོ་ལྟ་སྐབས་ང་ཚོས་ཀྱང་གློག་བརྙན་ཡག་པོ་ཁ་ཤས་རེ་བཟོ་ཐུབ་དགོས་པ་ཞིག་འདུག་མོད་ད་ལྟ་བར་དུ་བོད་སྐོར་གྱི་གློག་བརྙན་ཡག་པོ་གཅིག་ཀྱང་མཐོང་མ་མྱོང་།
ཕྱི་ནས་བོད་མི་སྐྱབས་བཅོལ་བ་ཉུང་ཉུང་ཅིག་ཡོད་པ་ནང་ནས་ཡང་གློག་བརྙན་གང་མང་བཟོ་རུ་ཡོད་པར་ལྟོས་ན་ སྔོན་མ་ནས་གློག་བརྙན་འདི་ལྟ་བུ་བཟོས་ཡོད་པ་ཆགས་དགོས་པ་རེད་དེ་ ད་འགོ་འཛིག་གི་འདུག་ འོན་ཀྱང་གློག་བརྙན་ལམ་འགྲོ་ཡོང་བར་སྨོན་འདུན་ཤུགས་དྲག་ཞུ