བོད་ཀྱི་དུས་བབ་སྤྱིའི་འདོན་ཐེངས་ ༤༧༦ པའི་སྟེང་གི་རྩོམ་སྒྲིག་པའི་གཏམ།
དར་གྱི་སྒོ་ཆེན་བསླངས་ཤིང་། བསང་གསོལ་དང་བདུག་སྤོས་ཀྱིས་སྣེ་དྲངས་ཏེ་༧གོང་ས་མཆོག་ཕྱིར་བཞུགས་སྒར་དུ་ཞབས་སོར་བཀོད་སོང་། ཡིན་ཡང་མགོན་པོ་གང་གི་དགུང་ལོའི་བབ་དང་མཛད་འཕྲིན་ཁག་ལ་བསམ་སྐབས་ང་ཚོས་ལྷ་རྒྱལ་ཙམ་འཐེན་ནས་འདུག་ཚོད་མིན་པའང་ཇེ་གསལ་དུ་གྱུར།
༧གོང་ས་མཆོག་ད་ལོ་དགུང་ལོ་ ༧༥ རེད། འདི་ནི་ཕྱི་ལུགས་ལྟར་ན་ལོ་ ༢༥ རེའི་མཚམས་ཀྱི་ལོ་ཚིགས་གལ་ཆེ་ཤོས་ཏེ། དུས་རབས་གཅིག་ཕྱེད་བཞི་རུ་བགོས་པའི་ཕྱེད་མཐའ་མ་གཉིས་པ་དེ་རེད། འདི་ནི་གསེར་དཀར་པོ་སྲུང་གཙིའི་ལོ་རེད། དེ་བས་བོད་པ་ཚོས་ཀྱང་ལོ་འདིར་མགོན་པོ་གང་གི་སྐུའི་འཁྲུངས་སྐར་ཙམ་མིན་པར་ཁོང་གི་མཛད་འཕྲིན་ཁག་ལ་ཕྱོགས་ཡོངས་ནས་དབུ་འོག་དཔུང་འདེག་བྱ་རྒྱུ་ནི་གལ་ཆེ་བར་འདོད།
ཉེ་ཆར་༧གོང་ས་མཆོག་ཨ་རིའི་སྲིད་འཛིན་ལ་མཇལ་འཕྲད་གནང་སྐབས་གཞིས་ལུས་བོད་པ་ཚོས་རང་སྲོག་ལ་མ་འཛེམས་པར་དགའ་བསུའི་རྣམ་འགྱུར་ཅི་ཡང་བསྟན་ཡོད། མཇལ་འཕྲད་ཀྱི་རྗེས་སུ་༧གོང་ས་མཆོག་གིས་ཀྱང་ཐུགས་དགྱེས་ཚོར་ཆེན་པོའི་ངང་ནས་ཐེངས་འདིར་སྲིད་འཛིན་མཆོག་གིས་བོད་དོན་ལ་རྒྱབ་སྐྱོར་གནང་སོང་སྐོར་གསུངས་ཡོད། ཁོང་གི་ཆིབས་ཞབས་སུ་འབྲངས་མཁན་ཚོས་ཀྱང་དེ་སྐད་དུ་བསྒྲགས།
ཡིན་ཡང་། ཁོང་ཉིད་ཕོ་བྲང་དཀར་པོ་ནས་ཕྱིར་ཕེབས་སྐབས་ཀྱི་ཕེབས་སྒོ་དེའི་ཐད་བཤད་ཚུལ་མི་འདྲ་བ་དང་། ཐ་ན་ཕེབས་སྒོ་དེ་ནི་ཕོ་བྲང་དཀར་པོའི་ཐབ་ཚང་གི་སྒོ་ཡིན་ཚུལ་གླེང་མཁན་ཡང་ཡོད་ལ། འདི་ནི་གཙོ་བོ་རྒྱ་ནག་གི་གནོན་ཤུགས་དང་སྲིད་འཛིན་ཨོ་བྷ་མས་༧གོང་ས་མཆོག་ལ་བརྩི་བཀུར་བྱས་པ་མ་འདང་བའི་གནད་དོན་ལ་ངོས་འཛིན་བྱེད་མཁན་དང་། གོ་སྒྲིག་འདི་དག་གི་དབང་གིས་རྒྱ་ནག་གི་བློ་ཁ་ཚིམས་ཡོད་པར་བཤད་མཁན་ཡང་བྱུང་ཡོད།
གང་ལྟར། ད་ལོ་ནི་༧གོང་ས་མཆོག་གི་དགུང་ལོ་ཁྱད་པར་བ་ཞིག་ཡིན་སྟབས། ང་ཚོས་ངེས་པར་དུ་ཁོང་གི་མཚན་དང་གྲགས་པ་ལ་གནོད་པའི་ལས་ཕྲ་མོ་ཙམ་ལ་ཡང་ཤིན་ཏུ་ནས་གཟབ་དགོས་པར་འདུག
ལྷ་རབ་བྱུང་ན། ད་ལོའི་གོ་སྐབས་འདི་དང་བསྟུན་ང་ཚོས་ཆོས་སྲིད་གཉིས་ཐད་ནས་བསམ་བློ་བཏང་སྟེ། ས་སྟེང་གི་ནང་བའི་རྒྱལ་ཁབ་ཐུན་མོང་གིས་ཁོང་གི་མཛད་རྗེས་ལ་ཡི་རང་གུས་བཀུར་དང་ཁོང་གི་སྐུ་ཚེ་ཞབས་པད་བརྟན་པའི་ཆེད་དུ་བརྟན་བཞུགས་རྒྱས་པ་ཞིག་ཀྱང་འབུལ་རྒྱུའི་དུས་ལ་བབ་ཡོད་པར་འདོད་དོ།།
རང་ཐོག་ཏུ་བབས་པའི་གནད་དོན་ཡོད་ན་དེ་ནི་སུས་ཀྱང་གསལ་བརྗེན་ངང་གཞན་ལ་སྟོན་མི་སྲིད། རོགས་སྐྱོ་དེ་ནི་ངོ་མ་མུན་ནག་ནང་དུ་འཕང་པའི་མདའ་མོ་ཞིག་ལས་ཅིི།
དབྱངས་བུ་ལགས། འདིའི་སྐོར་གྱི་གནས་ཚུལ་གྷོ་གྷལ་ནང་དུ་བཙལ་ན་ཁེངས་བསྡད་འདུག འདིར་བོད་དོན་སྐོར་ལ་བསམ་ཚུལ་སྤེལ་མཁན་གཅིག་དྲངས་ན། ཁུ་ལོ་ཌེ་ཡ་ ཨར་པེ་ ལགས་རེད། ཁོང་གི་རྩོམ་བྱང་ལ་ Victory to the gods ཞེས་བཏགས་འདུག འདི་ཡང་གྷོ་གྷལ་ནང་བཙལ་ན་རྙེད་གི་རེད།
གནས་སྐབས་འདི་ཙམ་ཡིན།
རྩོམ་སྒྲིག་པ་ལུང་རིགས་རྒྱལ་ལགས།
ཁྱེད་ཀྱི་རྩོམ་ཡིག་ནང་༼ཁོང་ཉིད་ཕོ་བྲང་དཀར་པོ་ནས་ཕྱིར་ཕེབས་སྐབས་ཀྱི་ཕེབས་སྒོ་དེའི་ཐད་བཤད་ཚུལ་མི་འདྲ་བ་དང་། ཐ་ན་ཕེབས་སྒོ་དེ་ནི་ཕོ་བྲང་དཀར་པོའི་ཐབ་ཚང་གི་སྒོ་ཡིན་ཚུལ་གླེང་མཁན་ཡང་ཡོད་ལ། འདི་ནི་གཙོ་བོ་རྒྱ་ནག་གི་གནོན་ཤུགས་དང་སྲིད་འཛིན་ཨོ་བྷ་མས་༧གོང་ས་མཆོག་ལ་བརྩི་བཀུར་བྱས་པ་མ་འདང་བའི་གནད་དོན་ལ་ངོས་འཛིན་བྱེད་མཁན་དང་། གོ་སྒྲིག་འདི་དག་གི་དབང་གིས་རྒྱ་ནག་གི་བློ་ཁ་ཚིམས་ཡོད་པར་བཤད་མཁན་ཡང་བྱུང་ཡོད། ༽ཅེས་གསལ་འདུག གནས་ཚུལ་དེ་འདྲ་ངས་དེ་སྔ་མི་གཞན་གྱི་ངག་
ཐོག་ནས་ཐོས་བྱུང་ཀྱང་། ཡིག་ཐོག་དང་གསར་ལམ་ཁག་ནས་རྩ་བ་ནས་མཐོང་
ཐོས་མ་བྱུང། ཁྱེད་ཀྱི་རྩོམ་ཡིག་ནས་མཐོང་བ་དེ་ནི་ཕལ་ཆེར་ངས་གསར་ལམ་ནས་མཐོང་བ་ཐེངས་དང་པོ་དེ་རེད།
མདོར་ན་ངས་ཁྱེད་ལ་བཀའ་འདྲི་ཞུ་འདོད་པ་ནི་ཁྱེད་ཀྱི་གསར་འགྱུར་གྱི་འབྱུང་ཁུངས་གང་ཡིན་ནམ། ཡང་ན་ཁྱེད་ཀྱི་ཞིབ་རྒྱས་གསུངས་ན་གང་འདྲ་འདུག་གམ།
གལ་ཏེ་སྐུ་ངལ་འཕྲད་ཚེ་ལན་འདེབས་མེད་ཀྱང་འགྲིག
ཐུགས་རྗེ་ཆེ།།
ལུང་རིགས་རྒྱལ་ལགས་ཀྱིས་བརྟན་བཞུགས་རྒྱས་པ་འབུལ་དགོས་གསུངས་པ་དེ་བདེན་པ་རེད། འོན་ཀྱང་། ནང་པ་ཡོད་དོ་ཅོག་གིས་ཐུན་མོང་ཐོག་བརྟན་བཞུགས་ཤིག་འབུལ་དགོས་ན། ཆབ་སྲིད་ཀྱི་ཤུགས་རྐྱེན་དབང་གིས་སེམས་ལ་བསམས་ཀྱང་དོན་དངོས་སུ་སྒྲུབ་སྐབས་དཀའ་ངལ་འཕྲད་རྐྱེན་ཞིག་རེད་སྙམ།
ང་ཚོའི་གནད་དོན་འདིར་བསམ་བློ་གཏོང་མཁན་མང་ཡང་ལག་ཏུ་ལེན་མཁན་དཀོན་རྐྱེན།
ང་དང་ང་འདྲ་བའི་གང་ཟག་ཚོས་སྡུག་སྐད་རྐྱང་འདོན་པ་ལས་རང་ཉིད་ཀྱིས་ཅི་ཡང་སྒྲུབ་མི་ཐུབ་པའམ་སྒྲུབ་མི་ནུས་པ་དེ་སྐྱོན་ཆ་ཆེ་ཤོས་དེ་རེད་མི་འདུག་གམ། །
ལྔ་བཅུའི་དུས་དྲན་དང་གཞུང་ཞབས་བགྲོ་གླེང་ཚོཊ་འདུའི་སྐོར་གོ་ཐོས་མེད་པ་ཅི་རེད
ཡང་ན་ངའི་མ་ཚོར་བ་རེད་་་་་་་་་་་་
ཁོང་གི་སྐུ་ཚེ་ཞབས་པད་བརྟན་པའི་ཆེད་དུ་བརྟན་བཞུགས་རྒྱས་པ་ཞིག་ཀྱང་འབུལ་རྒྱུའི་དུས་ལ་བབ་ཡོད་པར་ཐག་གཅོད་མི་ཐུབ་ཀྱང་བརྟན་བཞུགས་འབུལ་རྒྱུ་ལ་རྒྱབ་བཅོལ་ཡོད
ཨ་རྒྱའི་སྐོར་གྱི་གཞས།
ན་ནིང་མ་མཇལ་སེམས་པ་སྐྱོ་སོང་།།
ད་ལོ་མཇལ་ཡང་དོན་གོ་ཆུང་སོང་།།
སོ་ཡ་རེ་ལོ། ཨ་རི།
ཞང་ཡ་རེ་ལོ། རྒྱ་རི།
མི་ཆེན་དཔོན་པོའི་གཉའ་བ་ཞུམ་སོང་།།
བླ་ཆེན་ཕེབས་སྒོའི་གསང་བ་ཤོར་སོང་།།
སོ་ཡ་རེ་ལོ། ཨ་རི།
ཞང་ཡ་རེ་ལོ། རྒྱ་རི།
སང་ལོ་མཇལ་ཡོང་རེ་བ་མི་ཞུ།།
གནངས་ལོ་ཨེ་མཇལ་རེ་ལྟོས་མ་བྱེད།།
སོ་ཡ་རེ་ལོ། ཨ་རི།
ཞང་ཡ་རེ་ལོ། རྒྱ་རི།
ཨ་རི་རྒྱ་རི་གཉིས་ཀ་ནོར་སོང་།།
རྒྱ་བོད་གཉིས་ཀ་མཉམ་དུ་ཁྲོས་སོང་།།
སོ་ཡ་རེ་ལོ། ཨ་རི།
ཞང་ཡ་རེ་ལོ། རྒྱ་རི།