བུ་ཆུང་ཚེ་རིང་།
དེ་རང་ཞོགས་པ་ཞོར་དུ་བོད་གཞུང་སྨན་རྩིས་ཁང་ནས་འགྲེམས་སྤེལ་གནང་བའི་ལྕགས་སྟག་ལོའི་ལོ་ཐོ་བསྡུས་པ་དེ་ལ་བལྟས་པ་ཡིན་པས། དེའི་ནང་ལོ་འདིའི་ནང་གཙོ་བོ་རྒྱ་གར་ནང་དུ་གནམ་གཤིས་འགྱུར་ལྡོག་དང་རང་བྱུང་གནོད་འཚེ་ཡོང་སྲིད་པའི་སྐོར་གྱི་འགྲེལ་བཤད་དེ་བཀླགས་པ་ཡིན།
ལོ་ཐོ་དེའི་ནང་སྔོན་བརྡ་འདི་ལྟར་གནང་འདུག
“༧གུང་འདིར་དབུས་འགྱུར་འཕགས་པའི་ཡུལ་འདིར་ལོ་སྟོད་ཆར་ཆུ་ལེགས་ཤིང་བདེ་སྐྱིད་ངང་གིས་འཕེལ། ལོ་སྨད་བོད་ཟླ་ ༡༠ ནས་འཁྲུག་རྩོད་ཕྲན་ཙམ་དང་ནད་ཡམས་ཀྱིས་འཚེ་ངོ་ཤར་། ༧ལྷོ་ཕྱོགས་སུ་མུ་གེ་དང་ས་འགུལ་ཡོང་ཉེན། དེ་ཡང་བོད་ཟླ་ ༣ ཚེས་ཤར་ནས་བོད་ཟླ་ ༤ ཚེས་ ༢༢ བར་དང་། སླར་བོད་ཟླ་ ༡༢ ནང་བཅས་པར་ས་འགུལ་ཡོང་བའི་ཉེན། ༧ནུབ་དང་ནུབ་བྱང་ཕྱོགས་སུ་འཁྲུག་རྩོད་ཡང་ཡང་ཡོང་ངོ་དང་། ལྷག་པར་བོད་ཟླ་ ༩ ཟླ་དཀྱིལ་ཙམ་ནས་ཟླ་ ༡༢ ཚེས་ ༡༠ བར་འཁྲུག་རྩོད་རྒོད། མེ་སྐྱོན་གྱི་ཉེན་ཁ་ཡང་ཅུང་མཆིས། ༧བྱང་ཕྱོགས་རང་ཡུལ་གངས་ཅན་ལྗོངས་སུ་རིམ་བཞིན་རྣམ་དཀར་དགེ་བའི་ཆོས་ཕྱོགས་ཀྱི་བྱ་བར་ལོངས་སུ་སྤྱོད་རྒྱུའི་སྐལ་བཟང་ཞིག་འཆར་བའི་ངོ་། སྟོད་དང་བྱང་འབྲོག་ཁུལ་དགུན་སྟོད་ཁ་བ་དང་བུ་ཡུག་འཚུབ་ངོ་བཅས།”
གོང་འཁོད་དེ་བཀླགས་ཟིན་མཚམས་གསར་འགྱུར་བལྟ་སྐབས་བོད་ཀྱི་སྟོད་དིང་རི་ས་ཁུལ་དུ་ས་ཡོམ་བྱུང་བ་དེ་མཐོང་བྱུང་བས། གུས་པར་བསམ་བློ་འདི་འདྲ་འཁོར་བྱུང་། ང་ཚོའི་རྩིས་ལུགས་ཐོག་ལོ་ལྟར་སྔོན་བརྡ་དེ་འདྲ་གནང་བ་དེ་ཚོས་ལོ་མཇུག་ཏུ་དངོས་སུ་བྱུང་བའི་གནས་ཚུལ་དང་ག་ཚོད་ཙམ་མཐུན་པ་ཡོང་གི་ཡོད་དམ། དེ་ཐོག་ད་ལོ་ཐུགས་ཞིབ་གནང་རྒྱུ་འདུག་བསམ།
གུས་པས་གོ་བ་ལེན་ནོར་བྱས་མེད་ན་ད་ལོའི་སྔོན་བརྡའི་ནང་ཁ་གསལ་བའི་དོན་གནད་གཉིས་འདུག གཅིག་ནི་རྒྱ་གར་ལྷོ་ཕྱོགས་སུ་ ”བོད་ཟླ་ ༣ ཚེས་ཤར་ནས་བོད་ཟླ་ ༤ ཚེས་ ༢༢ བར་དང་། སླར་བོད་ཟླ་ ༡༢ ནང་བཅས་པར་ས་འགུལ་ཡོང་བའི་ཉེན།” དུས་ཚོད་དེ་ནི་ཕྱི་ཟླ་ ༤ ཚེས་ ༡༥ ནས་ ཕྱི་ཟླ་ ༦ ཚེས་ ༤ བར་དང་། བོད་ཟླ་ ༡༢ ནི་ ཕྱི་ལོ་ ༢༠༡༡ ཟླ་ ༢ ཚེས་ ༣ ནས་འགོ་བཙུགས་ཀྱི་འདུག ད་དུས་དེའི་ནང་ས་འགུལ་གྱི་གནས་སྟངས་གང་འདྲ་བྱུང་མིན་དེ་ནས་རོབ་ཙམ་མཁྱེན་ ཐུབ་ཀྱི་རེད་བསམ།
དོན་གནད་གཉིས་པ་དེ་ནི་རྒྱ་གར་ནུབ་དང་ནུབ་བྱང་ཁུལ་དུ་ “ལྷག་པར་བོད་ཟླ་ ༩ ཟླ་དཀྱིལ་ཙམ་ནས་ཟླ་ ༡༢་ཚེས་ ༡༠ བར་འཁྲུག་རྩོད་རྒོད་།” ས་ཁུལ་དེ་ནི་པ་ཀི་སི་ཐན་ཕྱོགས་སུ་རེད། དུས་ཚོད་དེ་ནི་ཕྱི་ཟླ་ ༡༠ ཚེས་ ༢༢ ནས་ ༢༠༡༡ ཟླ་ ༢ ཚེས་ ༡༣ བར་ཡིན།
ཟིན་བྲིས་འདི་ཁོང་གི་མོས་མཐུན་ལྟར་བཀོད་པ་ཡིན། ཁོང་གི་ཟིན་བྲིས་ལ་གཟིགས་འདོད་ན་ ད་ལོ་ས་འགུལ་གང་དུ་ཡོང་གི་ཡོད་དམ། འདིར་གཟིགས་རོགས།
གར་ཡུལ་དམངས་གཉིས་ལ་བརྟག་ཚུལ་འཇིགས་སུ་རུང་བ་རང་ལ་ཨེ་འདྲོ། རྒྱ་གར་དབུས་སུ་རྩིས་པའི་ཤར་ལྷོ་ནུབ་བྱང་ངོས་བཟུང་དགོས་པ་རེད་སྙམ། དཔེར་ན་བྱང་ཕྱོགས་རང་ཡུལ་གངས་ཅན་ཞེས་གསུངས་པའི་ཕྱིར་རོ།
དབྱངས་བུ། འཇིག་རྟེན་ཐམས་ཅད་ལས་ལས་སྐྱེས།། ཞེས་དྲངས་བའི་ལུང་དེ་མདོ་གང་དུ་གསུངས་ཡོད་དམ།
ཅོ་དབྱངས་བུ། ཁྱོད་ཀྱིས་བོད་ཡིག་གོ་བ་ལེན་ཤེས་ཀྱི་ཡོད་ན་ངས་རྩིས་ལ་ཡིད་ཆེས་ཡོད་པའི་རྒྱུ་མཚན་བཤད་ཡོད་པས་མིག་གཉིས་འཕུར་ཙམ་བྱས་ནས་ཡང་བསྐྱར་ཞིག་སྟོས་དང་།
དབྱངས་ལགས། འོ་ན་སེར་ཆེན་མེ་ཏོག་ལས་བཟང་ངན་གང་འདྲ་ཞིག་ལས་སྐྱེས་པ་རེད། སེར་ཆེན་མེ་ཏོག་གི་ཁ་དོག་ཡག་པོ་དེ་ལས་བཟང་པོ་ཞིག་དང་། རྩ་བ་ས་འོག་ན་ལྷག་པ་དེ་ལས་ངན་པ་གང་གིས་བྱས་པ་རེད་དམ། འདི་ནས་ཁྱེད་ལ་དྲི་བ་དྲིས་ལན་མེད། ལྐོག་གྱུར་ལས་ལ་ཡིད་ཆེས། མངོན་སུམ་གཟའ་སྐར་ལ་བློ་ལོག་པ་ཡ་མཚན་རེད།
མུ་ཏིག་ཆུང་ཆུང་ལགས།
སངས་རྒྱས་ཀྱིས་གསུངས་པའི་ལས་འབྲས་ཀྱི་རྣམ་བཞག་ལ་གོ་བ་ཆགས་ཡོད་ཚེ་ད་ལྟའི་ཁྱེད་ལན་འདེབས་དེ་འདྲ་ཐོན་མི་སྲིད། ཇི་སྐད་དུ། འཇིག་རྟེན་ཐམས་ཅད་
ལས་ལས་སྐྱེས། ཟེར་བའི་ཚིག་དོན་གང་ཡིན་མིན་ཐུགས་བསམ་བཞེས་དགོས།
ལྷག་པར་དུ་སངས་རྒྱས་ཀྱིས་གཟའ་དང་ཚེས་གྲངས་ལེགས་ཉེས་ལ་བརྟེན་ནས་བྱ་
བ་བཟང་ངན་བྱུང་བར་གསུངས་མེད།
ཐོས་དགའ་ལགས། ཁྱེད་རང་སྨན་དང་རྩིས་གཉིས་ཀར་ཡིད་ཆེས་ཡོད་པར་གསུངས་འདུག རྩིས་ལ་ཡིད་ཆེས་ཡོད་མེད་དེ་ཡང་རིགས་པ་ལྡན་པའི་སྒོ་ནས་ཡིད་ཆེས་སྐྱེ་དགོས་
པ་ལས། དབང་རྟུལ་ད་དད་པའི་རྗེས་འབྲངས་ལྟ་བུ་བྱེད་མི་ཉན། མདོར་ན་ཁྱེད་ཀྱི་རྩིས་ཀྱི་འགྲོ་སྟངས་ལ་དངོས་ཡོད་གནས་ཚུལ་དབར་མཐུན་མིན་
ཐད་བརྟགས་དཔྱད་བྱེད་མྱོང་ངམ།
ཐུགས་རྗེ་ཆེ།།
འདི་བཞིན་སྨན་རྩིས་ཁང་གིས་སྐྱབས་བཅོལ་བའི་གནས་བབ་འོག་ནས་རྒྱ་གར་ཡུལ་དམངས་གཉིས་ལ་བརྟག་ཚུལ་འཇིགས་སུ་རུང་བ་འདི་ལྟ་བུ་ལུང་བསྟན་དུ་ཕབ་ན་རྗེས་མ་ཕན་གནོད་གང་དུ་འགྲོ་དྭོགས་ཆ་མ་འཚལ་བས་ཅུང་ཁ་ཚོད་གཅོད་སྔ་དྲག་པའམ་ཡུལ་དུས་གསལ་སྟོན་བྱེད་ཐལ་བ་མིན་ནམ ང་ཅུང་འཇིགས་སྣ་ཆེན་པོ་ཡོང་གི་འདུག་དཱ
ང་ནི་བོད་སྨན་ལ་ཡིད་ཆེས་ཆེན་པོ་ཡོད། བོད་སྨན་གྱིས་ཐེངས་གཉིེས་ལ་ངའི་སྲོག་བསྐྱབས་སོང་། དེ་བཞིན་དུ་རྩིས་ལ་ཡང་ཡིད་ཆེས་ཡོད་དེ་ཉི་འཛིན་གཟའ་འཛིན་རྣམས་སྐར་མ་ཁ་ཤས་ཀྱི་ཁྱད་མ་གཏོགས་ཏག་ཏག་ཡོང་གི་འདུག
སངས་རྒྱས་ཀྱིས་བྱ་བ་ཐམས་ཅད་ལས་འབྲས་དང་རྣམ་སྨིན་ལས་འབྱུར་བར་གསུང་བ་བདེན་མིན་ཤེས་དཀའ། འོན་ཀྱང་མི་ཚེའི་བདེ་སྡུག་གཟའ་སྐར་དང་འབྲེལ་ཐད་ཀར་ཡོད་མངོན་སུམ་རེད། ང་ཚོའི་བཟའ་བཏུང་འབྲུ་རིགས་དང་ཆུ། མེ་ཏོག་དང་སྤངས་ལྗོངས་ཚང་མ་འབྱར་དགུན་ནམ། ཉི་ཟླ་སོགས་གཟའ་སྐར་གྱི་འཁོར་བསྐྱོད་ཀྱི་འགྱུར་ལྡོག་ལ་རག་ལས་པ་མངོན་སུམ་ཚད་མ་རེད། ཐ་ན་ང་ཚོའི་ཟ་བཞིན་པའི་འབྲུ་རྡོག་རེ་རེ་བཞིན་གཟའ་སྐར་གྱི་ནུས་པ་ལས་བྱུང་བ་མ་རེད་དམ། ད་ལམ་ཆི་ལིའི་ས་ཡོམ་གྱིས་གོ་ལའི་དབུ་ཐིག་ལ་འགྱུར་བ་སོང་བ་དང་། དེའི་དབང་གི་ས་ཐོག་ལ་ཉི་འོད་ཕོག་ཡུན་ཐུང་ཙམ་ཆགས་ཡོད་པར་བཤད་ཀྱི་འདུག གང་ལྟར་ང་ཚོའི་བདེ་སྡུག་དང་ཚེ་སྲོག་ས་ལོག་ལོག་འདི་དང་གཟའ་སྐར་ཚོའི་ལག་པ་ན་ཡོད་པ་གསལ་བོ་མ་རེད་དམ།
ནོར་བཅོས།
འོན་ཀྱང་བཅོམ་ལྡན་འདས་ཀྱིས་ལས་
དང་བྱ་བ་ཚང་མ་རྣམ་སྨིན་རྒྱུ་འབྲས་ལ་བརྟེན་ནས་བྱུང་བ་ལས། གཟའ་དང་ཚེས་གྲངས་ལེགས་ཉེས་ལ་བརྟེན་ནས་བྱུང་བར་གསུངས་ཡོད་ཟེར་བར། གསུངས་མེད། ཅེས་བར་བཅོས།
བུ་ཆུང་ཚེ་རིང་ལགས།
ངས་ཁྱེད་ལ་དྲི་བ་འགའ་ཤས་འདྲི་འདོད་བྱུང། ལན་འདེབས་གནང་སྐྱོངས་ཡོང་
བའི་རེ་བ་ཡོད།
༡། ཁྱེད་རང་སྨན་རྩིས་ཁང་གི་ལོ་ཐོར་ཡིད་ཆེས་གནང་མཁན་ཞིག་ཡིན་ནམ།
༢། གལ་ཏེ་སྨན་རྩིས་ཁང་གི་ལོ་ཐོར་ཡིད་ཆེས་གནང་མཁན་ཞིག་ཡིན་ན། འདི་ལོའི་ཉི་མ་གཟའ་འཛིན་སླེབས་པའི་དུས་ཚོད་ལོ་ཐོར་གཞིར་བཟུང་བྱུང་ཡོད་
དམ། ལོ་ཐོའི་ནང་གསལ་བའི་དུས་ཚོད་ལ་ཉི་མ་གཟའ་འཛིན་སླེབས་ཡོད་དམ།
༣། སྨན་རྩིས་ཁང་གི་ལོ་ཐོའི་ནང་གསལ་བའི་གནས་དོན་རྣམས་གཟའ་དང། ཚེས་གྲངས་ལེགས་ཉེས་ལ་གཞིར་བཞག་གི་རྩིས་བསྐོར་བ་ཞིག་རེད། དཔེར་ན་ས་འགུལ་ཡོང་མིན་གྱི་གནས་ཚུལ་དེ་ཡང་གཟའ་དང་ཚེས་གྲངས་སོགས་
གཞིར་བཟུང་ནས་རྩིས་སྐོར་བ་ཞིག་རེད། འོན་ཀྱང་བཅོམ་ལྡན་འདས་ཀྱིས་ལས་
དང་བྱ་བ་ཚང་མ་རྣམ་སྨིན་རྒྱུ་འབྲས་ལ་བརྟེན་ནས་བྱུང་བ་ལས། གཟའ་དང་ཚེས་གྲངས་ལེགས་ཉེས་ལ་བརྟེན་ནས་བྱུང་བར་གསུངས་ཡོད། འོ་ན་
ཁྱེད་ཀྱིས་དེ་ལ་འགྲེལ་བརྗོད་ཇི་ལྟར་བྱེད་དམ། རྒྱུ་མཚན་གང།
དེ་རིང་དེ་ཙམ།
གནམ་ལྕགས་ལགས། ངས་ཀྱང་ཆུང་དུས་ཤིག་ལ་ནག་རྩིས་འདྲ་བོ་རེར་ལྟ་མྱོང་། དེ་ངོ་མ་ཅིག་བརྩི་ཁུལ་བྱེད་པ་མ་གཏོགས་དོན་དུ་མོ་འདེབས་པ་རང་རེད། བོད་སྨན་གྱི་ནང་ན་ཡང་ལྟས་བརྟག་པ་ལྟ་བུ་མོ་འདེབས་པ་དང་ཁྱད་པར་མི་འདུག་སྙམ་པ་མང་པོ་འདུག
སྤོབས་པ་ལགས་ཀྱིས་གསུང་བ་དེ་ཤིན་ཏུ་བདེན། སྨན་སྦྱོང་སྐབས་ནག་རྩིས་མ་ཤེས་ཐབས་མེད་ཡིན། སྨན་དང་ནག་རྩིས་གཉིས་འཁྱུད་ནས་ཡོད། ད་དུང་ནག་རྩིས་དང་མོ་འདེབས་པ་གཉིས་ཀྱང་དེ་ཀ་རང་ཡིན། ང་ཆུང་དུས་ལོ་བཅུ་གཉིས་ནས་ནག་རྩིས་སྦྱངས་མྱོང་། ད་ལྟ་ཡིན་ནའང་ནག་རྩིས་བརྗེད་མི་འདུག་སྟེ། འདི་ལ་ཞིབ་ཏུ་བརྟག་ཁྱོ་མི་འདུག
དེ་བས་བོད་ཀྱི་ཡུལ་ལ་ས་འགུལ་བརྒྱབ་པའི་ལོ་རྒྱུས་ལ་གཟིགས་འདོད་ན། དུང་དཀར་ཚང་གི་གསུང་འབུམ་པོད་དྲུག་པོའི་གཅིག་གི་ནང་ན་གསལ་བོར་བཀོད་ཡོད། ལོ་ཚིགས་དང་དེའི་ཆག་སྒོའི་རིམ་པ་མང་བོ་ཡོད། དེ་འདྲ་ལ་ཞིབ་འཇུག་རེ་གནང་ཐུབ་ན་ཡག་པོ་འདུག་མ་གཏོགས་མོ་འདེབས་པྲ་ཕབ་དང་། ནག་རྩིས་སོགས་ལ་ཡིད་ཆེས་ནས་སྡོད་པ་ནི་ཤིན་ཏུ་རྨོངས་དད་དོ།།
ང་ནི་བོད་ཀྱི་སྨན་རྩིས་གཉིས་ལ་ཡིད་ཆེས་ཆེན་པོ་གང་ཡང་མི་འདུག ནག་རྩིས་དང་མོ་འདེབས་པ་གཉིས་ལ་ནི་ཁྱད་པར་ཆེར་མི་འདུག བོད་སྨན་ནང་ལ་ཡང་མོ་འདེབས་པའི་ཟོལ་འདྲ་བ་ཧ་ཅང་མང་པོ་འདུག
ཉེ་ཆར་གནས་ཆུང་གིས་ས་ཡོམ་གྱི་སྐོར་རྒྱལ་བ་རིན་པོ་ཆེ་ལ་ཞུས་ཡོད་ཚུལ་ཐོས་མྱོང་། ད་བྱས་དུས་སྨན་རྩིས་ཁང་དང་གནས་ཆུང་གཉིས་ཀྱི་སུ་བདེན་བརྟག་དགོས་པ་འདྲ།
ཨ་རོགས་ཚོ། ལོ་རྟག་པར་རྡ་རམ་ས་ལར་ས་འགུལ་ཡོང་རྒྱུ་རེད་ཟེར་སྡོད་པ་ཚོའི་ཁུངས་གང་ནས་ཡོང་གི་ཡོད་ཨེ་ཤེས། སྐྱིད་གྲོང་གྲོང་གསེབ་ཀྱི་སྤོ་ལགས་རྨོ་ལགས་དེ་ཚོ་མཚན་མོ་རིའི་སྒང་ལ་འགོ་འགྲོ་གིན་འདུག ངོ་མ་སྐྲག་ནི་ཟིག་རེད།
བོད་གཞུང་སྨན་རྩིས་ཁང་གི་རྩིས་འདི་ལ་ཡང་བསམ་བློ་གཏོང་རྒྱུ་ཏན་ཏན་ཡོད། མ་གཞི་ནས་དེང་སྐབས་ས་ཡོམ་དང་ཆུ་ལོག ནད་ཡུམས། འཁྲུག་རྩོད་སོགས་ནི་རྒྱུན་ལྡན་དུ་གྱུར་ཡོད་སྟབས་སྔོན་དཔག་བྱ་རྒྱུ་སྔར་ལས་ཅུང་ལས་སླ་རུ་ཕྱིན་ཡོད་པ་འདྲ། ཡིན་ཡང་། ས་གནས་དང་དུས་ཚོད་ངེས་ཅན་བསྟན་པ་འདི་ནི་ཁྱད་མཁས་པ་ཞིག་གི་ཁྱད་ཆོས་ཡིན་ངེས།
ཉེན་བརྡ་བཏང་བར་ཐུགས་རྗེ་ཆེ། དུས་སྐབས་འདི་དག་ལ་ལྷོ་ཕྱོགས་སུ་འགྲོ་གི་མིན།