ད་ལོ་ས་འགུལ་གང་དུ་ཡོང་གི་ཡོད་དམ། བུ་ཆུང་ཚེ་རིང་།

དབྱངས་བུ། འཇིག་རྟེན་ཐམས་ཅད་ལས་ལས་སྐྱེས།། ཞེས་དྲངས་བའི་ལུང་དེ་མདོ་གང་དུ་གསུངས་ཡོད་དམ།

དབྱངས་ལགས། འོ་ན་སེར་ཆེན་མེ་ཏོག་ལས་བཟང་ངན་གང་འདྲ་ཞིག་ལས་སྐྱེས་པ་རེད། སེར་ཆེན་མེ་ཏོག་གི་ཁ་དོག་ཡག་པོ་དེ་ལས་བཟང་པོ་ཞིག་དང་། རྩ་བ་ས་འོག་ན་ལྷག་པ་དེ་ལས་ངན་པ་གང་གིས་བྱས་པ་རེད་དམ། འདི་ནས་ཁྱེད་ལ་དྲི་བ་དྲིས་ལན་མེད། ལྐོག་གྱུར་ལས་ལ་ཡིད་ཆེས། མངོན་སུམ་གཟའ་སྐར་ལ་བློ་ལོག་པ་ཡ་མཚན་རེད།

འདི་བཞིན་སྨན་རྩིས་ཁང་གིས་སྐྱབས་བཅོལ་བའི་གནས་བབ་འོག་ནས་རྒྱ་གར་ཡུལ་དམངས་གཉིས་ལ་བརྟག་ཚུལ་འཇིགས་སུ་རུང་བ་འདི་ལྟ་བུ་ལུང་བསྟན་དུ་ཕབ་ན་རྗེས་མ་ཕན་གནོད་གང་དུ་འགྲོ་དྭོགས་ཆ་མ་འཚལ་བས་ཅུང་ཁ་ཚོད་གཅོད་སྔ་དྲག་པའམ་ཡུལ་དུས་གསལ་སྟོན་བྱེད་ཐལ་བ་མིན་ནམ ང་ཅུང་འཇིགས་སྣ་ཆེན་པོ་ཡོང་གི་འདུག་དཱ

སངས་རྒྱས་ཀྱིས་བྱ་བ་ཐམས་ཅད་ལས་འབྲས་དང་རྣམ་སྨིན་ལས་འབྱུར་བར་གསུང་བ་བདེན་མིན་ཤེས་དཀའ། འོན་ཀྱང་མི་ཚེའི་བདེ་སྡུག་གཟའ་སྐར་དང་འབྲེལ་ཐད་ཀར་ཡོད་མངོན་སུམ་རེད། ང་ཚོའི་བཟའ་བཏུང་འབྲུ་རིགས་དང་ཆུ། མེ་ཏོག་དང་སྤངས་ལྗོངས་ཚང་མ་འབྱར་དགུན་ནམ། ཉི་ཟླ་སོགས་གཟའ་སྐར་གྱི་འཁོར་བསྐྱོད་ཀྱི་འགྱུར་ལྡོག་ལ་རག་ལས་པ་མངོན་སུམ་ཚད་མ་རེད། ཐ་ན་ང་ཚོའི་ཟ་བཞིན་པའི་འབྲུ་རྡོག་རེ་རེ་བཞིན་གཟའ་སྐར་གྱི་ནུས་པ་ལས་བྱུང་བ་མ་རེད་དམ། ད་ལམ་ཆི་ལིའི་ས་ཡོམ་གྱིས་གོ་ལའི་དབུ་ཐིག་ལ་འགྱུར་བ་སོང་བ་དང་། དེའི་དབང་གི་ས་ཐོག་ལ་ཉི་འོད་ཕོག་ཡུན་ཐུང་ཙམ་ཆགས་ཡོད་པར་བཤད་ཀྱི་འདུག གང་ལྟར་ང་ཚོའི་བདེ་སྡུག་དང་ཚེ་སྲོག་ས་ལོག་ལོག་འདི་དང་གཟའ་སྐར་ཚོའི་ལག་པ་ན་ཡོད་པ་གསལ་བོ་མ་རེད་དམ།

བུ་ཆུང་ཚེ་རིང་ལགས།
ངས་ཁྱེད་ལ་དྲི་བ་འགའ་ཤས་འདྲི་འདོད་བྱུང། ལན་འདེབས་གནང་སྐྱོངས་ཡོང་
བའི་རེ་བ་ཡོད།
༡། ཁྱེད་རང་སྨན་རྩིས་ཁང་གི་ལོ་ཐོར་ཡིད་ཆེས་གནང་མཁན་ཞིག་ཡིན་ནམ།
༢། གལ་ཏེ་སྨན་རྩིས་ཁང་གི་ལོ་ཐོར་ཡིད་ཆེས་གནང་མཁན་ཞིག་ཡིན་ན། འདི་ལོའི་ཉི་མ་གཟའ་འཛིན་སླེབས་པའི་དུས་ཚོད་ལོ་ཐོར་གཞིར་བཟུང་བྱུང་ཡོད་
དམ། ལོ་ཐོའི་ནང་གསལ་བའི་དུས་ཚོད་ལ་ཉི་མ་གཟའ་འཛིན་སླེབས་ཡོད་དམ།
༣། སྨན་རྩིས་ཁང་གི་ལོ་ཐོའི་ནང་གསལ་བའི་གནས་དོན་རྣམས་གཟའ་དང། ཚེས་གྲངས་ལེགས་ཉེས་ལ་གཞིར་བཞག་གི་རྩིས་བསྐོར་བ་ཞིག་རེད། དཔེར་ན་ས་འགུལ་ཡོང་མིན་གྱི་གནས་ཚུལ་དེ་ཡང་གཟའ་དང་ཚེས་གྲངས་སོགས་
གཞིར་བཟུང་ནས་རྩིས་སྐོར་བ་ཞིག་རེད། འོན་ཀྱང་བཅོམ་ལྡན་འདས་ཀྱིས་ལས་
དང་བྱ་བ་ཚང་མ་རྣམ་སྨིན་རྒྱུ་འབྲས་ལ་བརྟེན་ནས་བྱུང་བ་ལས། གཟའ་དང་ཚེས་གྲངས་ལེགས་ཉེས་ལ་བརྟེན་ནས་བྱུང་བར་གསུངས་ཡོད། འོ་ན་
ཁྱེད་ཀྱིས་དེ་ལ་འགྲེལ་བརྗོད་ཇི་ལྟར་བྱེད་དམ། རྒྱུ་མཚན་གང།
དེ་རིང་དེ་ཙམ།

སྤོབས་པ་ལགས་ཀྱིས་གསུང་བ་དེ་ཤིན་ཏུ་བདེན། སྨན་སྦྱོང་སྐབས་ནག་རྩིས་མ་ཤེས་ཐབས་མེད་ཡིན། སྨན་དང་ནག་རྩིས་གཉིས་འཁྱུད་ནས་ཡོད། ད་དུང་ནག་རྩིས་དང་མོ་འདེབས་པ་གཉིས་ཀྱང་དེ་ཀ་རང་ཡིན། ང་ཆུང་དུས་ལོ་བཅུ་གཉིས་ནས་ནག་རྩིས་སྦྱངས་མྱོང་། ད་ལྟ་ཡིན་ནའང་ནག་རྩིས་བརྗེད་མི་འདུག་སྟེ། འདི་ལ་ཞིབ་ཏུ་བརྟག་ཁྱོ་མི་འདུག

དེ་བས་བོད་ཀྱི་ཡུལ་ལ་ས་འགུལ་བརྒྱབ་པའི་ལོ་རྒྱུས་ལ་གཟིགས་འདོད་ན། དུང་དཀར་ཚང་གི་གསུང་འབུམ་པོད་དྲུག་པོའི་གཅིག་གི་ནང་ན་གསལ་བོར་བཀོད་ཡོད། ལོ་ཚིགས་དང་དེའི་ཆག་སྒོའི་རིམ་པ་མང་བོ་ཡོད། དེ་འདྲ་ལ་ཞིབ་འཇུག་རེ་གནང་ཐུབ་ན་ཡག་པོ་འདུག་མ་གཏོགས་མོ་འདེབས་པྲ་ཕབ་དང་། ནག་རྩིས་སོགས་ལ་ཡིད་ཆེས་ནས་སྡོད་པ་ནི་ཤིན་ཏུ་རྨོངས་དད་དོ།།

ཉེ་ཆར་གནས་ཆུང་གིས་ས་ཡོམ་གྱི་སྐོར་རྒྱལ་བ་རིན་པོ་ཆེ་ལ་ཞུས་ཡོད་ཚུལ་ཐོས་མྱོང་། ད་བྱས་དུས་སྨན་རྩིས་ཁང་དང་གནས་ཆུང་གཉིས་ཀྱི་སུ་བདེན་བརྟག་དགོས་པ་འདྲ།

བོད་གཞུང་སྨན་རྩིས་ཁང་གི་རྩིས་འདི་ལ་ཡང་བསམ་བློ་གཏོང་རྒྱུ་ཏན་ཏན་ཡོད། མ་གཞི་ནས་དེང་སྐབས་ས་ཡོམ་དང་ཆུ་ལོག ནད་ཡུམས། འཁྲུག་རྩོད་སོགས་ནི་རྒྱུན་ལྡན་དུ་གྱུར་ཡོད་སྟབས་སྔོན་དཔག་བྱ་རྒྱུ་སྔར་ལས་ཅུང་ལས་སླ་རུ་ཕྱིན་ཡོད་པ་འདྲ། ཡིན་ཡང་། ས་གནས་དང་དུས་ཚོད་ངེས་ཅན་བསྟན་པ་འདི་ནི་ཁྱད་མཁས་པ་ཞིག་གི་ཁྱད་ཆོས་ཡིན་ངེས།

ཉེན་བརྡ་བཏང་བར་ཐུགས་རྗེ་ཆེ། དུས་སྐབས་འདི་དག་ལ་ལྷོ་ཕྱོགས་སུ་འགྲོ་གི་མིན།