དེ་རིང་ཞོགས་པའི་ཆུ་ཚོད་ ༩ སྟེང་ཐེག་ཆེན་ཆོས་གླིང་གཙུག་ལག་ཁང་དུ། དཔལ་ས་སྐྱ་བདག་ཁྲི་རིན་པོ་ཆེ་མཆོག་གཙོས་པའི་དཔལ་ལྡན་སྟོད་བརྒྱུད་གྲྭ་ཚང་གི་དགེ་འདུན་པ་ཐུན་མོང་ནས་སྤྱི་ནོར་༧གོང་ས་མཆོག་ལ་བརྟན་བཞུགས་བསྟར་འབུལ་ཞུས་ཡོད། དཔལ་ས་སྐྱ་གོང་མ་བདག་ཁྲི་རིན་པོ་ཆེ་མཆོག་དང་དཔལ་རྒྱལ་བ་ཀརྨ་པ་མཆོག བོད་གཞུང་ཆོས་རིག་བཀའ་བློན་ཚེ་རིང་ཕུན་ཚོགས་མཆོག་བཅས་ཀྱི་ཕེབས་བསུའི་དབུས་༧གོང་ས་མཆོག་བཞུགས་སྒར་ཕོ་བྲང་ནས་ཐེག་ཆེན་ཆོས་གླིང་གཙུག་ལག་ཁང་གི་བཞུགས་ཁྲིར་ཞབས་སོར་འཁོད་ཅིང་། བརྟན་བཞུགས་དངོས་གཞིའི་སྐབས་སྒྲུབ་བརྒྱུད་བསྟན་པའི་མངའ་བདག་དཔལ་རྒྱལ་བ་ཀརྨ་པ་ཨོ་རྒྱན་འགྲོ་འདུལ་འཕྲིན་ལས་རྡོ་རྗེ་མཆོག་གིས་མཎྜལ་རྟེན་གསུམ་འདེགས་འདུལ་ཞུས་ཡོད།
ཐེངས་འདིའི་བརྟན་བཞུགས་བསྟར་འབུལ་ཐོག་བརྒྱུད་སྟོད་གྲྭ་ཚང་གི་བླ་སྤྲུལ་དགེ་འདུན་པ་ཡོངས་དང་ངྷ་ས་ཉེ་འཁོར་གྱི་སེར་སྐྱ་མི་དམངས། ཕྱི་རྒྱལ་ཡུལ་གྲུ་ཁག་གི་ཆོས་ཞུ་བ། དེ་བཞིན་བོད་ནས་ཕེབས་པའི་གནས་མཇལ་བ་བཅས་མི་གྲངས་ཆིག་སྟོང་བརྒལ་བ་འདུ་འཛོམས་ཀྱིས་ ༧གོང་ས་མཆོག་གི་སྐུ་ཚེ་བསྐལ་བརྒྱར་བརྟན་ཞིང་ཐུགས་ཀྱི་བཞེད་དོན་ལྷན་གྱིས་འགྲུབ་པའི་གསོལ་བ་སྨོན་ལམ་བཏབས་ཡོད། གཞན། དེ་རིང་ཕྱི་དྲོ་༧གོང་ས་མཆོག་གིས་ཕོ་བྲང་གཟིམ་ཆུང་དུ་གདན་ས་གསུམ་དང་རྒྱུད་གྲྭ་སྟོད་སྨད་གཉིས་ཀྱི་མཁན་པོ་མཁན་ཟུར། དཔེ་འཁྲིད་དགེ་རྒན་རྣམ་པར་དམིགས་བསལ་གྱི་མཇལ་ཁ་ཞིག་གནང་རྒྱུ་ཡིན་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཆོས་གྲོགས་གཅིག་གི་དཔར་མཐོང་རྡ་ས་དྲན། །
གྲོགས་དང་༸བླ་མའི་སྐུ་ཚེ་ཡུན་བརྟན་ཤོག །
མཁྱེན་ལྡན་དྲ་གྲོགས་རྣམས་ལ་བཀའ་འདྲི་ཞིག་ཞུ་རྒྱུ་ཡོད་པ་ནི།
བརྒྱུད་སྟོད་དང་བརྒྱུད་སྨད་གཉིས་ལ།
སྟོད་བརྒྱུད།
སྨད་བརྒྱུད། ཅེས་ཞུ་གི་འདུག་པས་ཚིག་འདི་གཉིས་གྲུབ་སྟངས་ཤིག་གསུང་རོགས་གནང༌།
རྗེས་སུ་ཡི་རང་ཞུ།
ངས་གོ་བ་ནོར་མེད་ན་འགྲེལ་བ་བཞི་སྦྲགས་ཀྱི་གསུང་ཆོས་དེ་ཞུ་མཁན་རྒྱུད་སྟོད་རེད་ཟེར། དེ་བས་ད་རེབ་འགྲེལ་བ་བཞི་སྦྲགས་ཡོངས་སུ་གསུངས་ཚར་སོང་བའི་མཇུག་ཏུ་རྒྱུད་སྟོད་གྲྭ་ཚང་གིས་གཙོས་གྲྭ་དམངས་ཡོངས་ཀྱིས་༸གོང་ས་མཆོག་ལ་བརྟན་གཞུགས་ཤིག་ཕུལ་བ་ཨེ་ཡིན་ནམ། བསམ་ཚུལ་ཙམ་ལས་གཞན་གསལ་བོ་ཅང་མ་ཤེས།
དེང་སང་བརྟན་བཞུགས་ཟེར་བ་དེ་ཚོང་རྫས་ཞིག་གི་འདུ་ཤེས་ལས་ གཞན་བླ་མའི་སྐུ་ཚེ་བརྟེན་པའི་ཆེད་དུ་རེད་མི་འདུག གཞན་དེས་སང་ ཆོས་ལུགས་གི་བྱེད་སྒོ་ཚང་མ་ ཞལ་འདེབ་བསྡུ་བྱེད་དང་ཚོང་རྫས་གི་འདུ་ཤེས་ལས་མེད་པ་གསལ་པོ་རེད་
རེད་རེད་དོན་དམ་པར་བརྟན་བཞུགས་དེ་ངོ་ལྐོགས་མེད་པ་བྱ་རྒྱུ་དེ་རེད།
སྟོད་རྒྱུད་གྲྭ་ཚང་གི་བརྟན་བཞུགས་དེ་ཡང་དེ་ལྟར་ཡོང་བས་རེ་བ་ཡོད།
ད་རེས་ཀྱི་བརྟན་བཞུགས་དེ་དངོས་གནས་དོན་དང་ལྡན་པ་ཞིག་བྱུང་སོང་།
དཔལ་ལྡན་སྟོད་རྒྱུད་གྲྭ་ཚང་གི་གཟི་བརྗིད་མངོན་ཐུབ་སོང་།
༸འཕགས་མཆོག་ཕྱག་ན་པདྨོ་སྐུ་ཚེ་རྒྱ་མཚོར་བརྟན་ཅིང་། མཛད་བཟང་ཕྱོགས་བཅུར་འཕེལ་བའི་སྨོན་ཤུགས་དྲག་དང་བཅས།།
ཆོས་རིག་བཀའ་བློན་མཆོག་ནས་བརྟན་བཞུགས་མཛད་སྒོའི་ཐོག ༡༩༨༩ལོའི་ཕྱི་ཟླ་༣པའི་༨ཉིན་རྒྱ་གཞུང་གིས་ལྷ་སར་དྲག་པོའི་བཀའ་རྒྱ་བཀྲམས་ཤིང་བོད་མི་མང་པོ་དམར་གསོད་དང་བཙོན་འཇུག་བྱས་པར་སྐྱོན་བརྗོད་དང་། ༸པཎ་ཆེན་སྐུ་ཕྲེང་བཅུ་གཅིག་པ་དགེ་འདུན་ཆོས་ཀྱི་ཉི་མ་མཆོག་གཙོ་བྱས་པའི་བོད་མི་བཙོན་པ་རྣམས་མགྱོགས་མྱུར་གློད་གྲོལ་དང་གཞིས་བྱེས་ལྷན་འཛོམས། དེ་བཞིན་བོད་ཀྱི་རྒྱལ་གཅེས་དཔའ་བོ་དཔའ་མོ་རྣམས་ཀྱི་མཛད་རྗེས་ལ་བསྔགས་བརྗོད་དང་རྗེས་སུ་ཡི་རངས་གནང་སོང་།
གདན་ས་ཁག་གི་དགེ་བཤེས་རྣམ་པར་བློ་སྒོ་གསར་བ་རེ་འབྱེད་ན་ངེས་པར་དུ་༧གོང་ས་མཆོག་ལྟ་བུའི་རླབས་ཆེན་ཞིག་དགོས་པ་རེད། བསྒྱུར་བཅོས་རེ་གནང་དགོས་ཡ། གཞན་བརྟན་བཞུགས་ཟེར་བ་དེས་གང་ཞིག་ལ་ཕན་གྱི་ཡོད་དང་ གནོད་ཀྱིན་ཡོད་ངོ་མ་མི་ཤེས་ཀི ༧གོང་ས་མཆོག་གི་དུས་ཚོད་ཆུད་ཟོས་ལས་གཞན་་་་་་་་