སྤྱི་འཐུས་ཇེ་མང་དུ་གཏོང་རྒྱུ།

གྲྭ་རྒོད་ལ
ཁྱེད་ཀྱིས་བཤད་པའི་གནས་ལུགས་འདི་སེམས་ནལ་དུ་གནས་པ་སུ་ཡིན་ཡང་མཁྱེན་ངེས་རེད
འོན་ཀྱང་་་་གནས་ལུགས་འདི་འདྲ་ཞིག་གི་འོག་ནས་རང་ཉིད་ལ་ཡིད་ཐང་ཆད་དེ་འབྱུང་འགྱུར་གྱི་སྤྱི་འཐུས་བཀོད་ཐུབ་པ་ཙམ་གྱི་ཡིད་འཚུམས་དེ་བསྡོད་རྒྱུ་ཡིན་ནམ
ཧམ་པ་རི་འདྲ་ཞིག་བསྐྱེད་ན་་་་་འབྲས་བུ་གཡག་འདྲ་ཞིག་ཐོབ་ཟེར་བ་གོ་ཨེ་ཡོད།

རྒྱ་རྡེའུའི་དགེ་འདུན་དང་ཅོ་རུ་ཉི་མ་སོགས་ཀྱི་སྤྱི་མཐུས་གསར་བསྐོས་རྣམས་ལ་ཚང་དགོས་པ་མང་པོ་ཞིག་གསུང་འདུག་མོད།འོན་ཀྱང་ང་ཚོའི་ཚོགས་སྡེའི་ནང་ཆ་རྐྱེན་དེ་དག་ཚང་བའི་སྤྱི་མཐུས་ཞིག་ཁག་པོ་རེད།གང་ཡིན་ཟེར་ན་བསྐོས་སྐབས་གཅིག་ནས་མི་མང་ལ་རྒྱས་མངའ་མེད་པ་དང་།གཉིས་ནས་ལྷག་བསམ་ནམ་དག་དྲང་བདེན་རང་བྱེད་མི་ཞིག་རྙེད་དཀའ།རང་གི་རང་ལ་དཔེ་བླང་ན་ཤེས་ཐུབ།སྤྱི་ཚོགས་ནང་ལས་དོན་བསྒྲུབ་མྱོང་མཁན་ཞིག་ཡིན་ན་ཕལ་ཆེར་ཤེས་ཡོད་པ་འདྲ།ཁ་སྟོང་ནང་གི་ཚིག་སྟོང་རེ་བཤད་ནས་ཕན་ཐོག་གང་ཡང་མེད།དེ་ལས་རང་གི་ཉམས་མྱོང་རེ་ལེན་ཐུབ་ལ་འབད་རོགས།

ཅོ་རི་ལགས་
དོ་ཚན་གཉིས་པ་ཚང་རྒྱུ་ཅུང་དཀའ་བར་འདུག
ཁྱེད་ཀྱི་བསམ་ཚུལ་ལྟར་དོན་ཚན་དེ་དག་ཚང་བའི་སྤྱི་འཐུས་ཞིག་ཕར་ཆེར་དཀའ་རྒྱུ་རེད་ཡ
དེ་དག་གི་ནང་ནས་དོན་ཚན་གཉིས་པ་ཆོས་ལུགས་སྤྱི་འཐུས་ཚོར་ཚང་དགོས་ཚོད་རེད་་་འོན་ཀྱང་་་་་་་་་་་་་་་་་་་་་་་་་མི་འདུག་ག

སྤྱི་འཐུས་གསར་བསྐོའི་གནད་དོན་དེ་ཤོག་སྒྲིལ་གྱི་ལས་དོན་དང་འབྲེལ་བ་དམ་ཟབ་ཡོད་པ་ལས་སྤྱི་དོན་ལ་ཕན་པ་དེ་ཙམ་མི་འདུག

ཡིན་ནའང་དམིགས་ཡུལ་གང་ཡིན་ལ་མ་ལྟོས་པར་སྤྱི་འཐུས་གསར་པ་ཁག་ཅིག་སླེབས་ཡག་གི་ལས་དོན་འདི་གཏན་འཁེལ་གྱི་རེད། འདི་དོན་གོ་ཐུབ་དགོས་པ་རེད།

སྤྱི་འཐུས་ནང་སྐད་ཆ་འཛེམས་ཟོན་མེད་པར་བཤད་ན་སྤྱི་ཚོགས་ནང་ནག་པོ་ཆགས་ཀྱི་ཡོད་རེད། དེ་ཡང་སྔ་དུས་བོད་ཀྱི་སྐུ་དྲག་ཚོས་གཅིག་གིས་གཅིག་ལ་བསྟོད་ར་བྱས་ཏེ་དུས་ཚོད་ཕུད་པས་དེ་རིང་གི་བོད་འདི་བྱུང་བ་རེད། ད་ལྟ་ཡང་སྤྱི་འཐུས་མང་པོ་ཞིག་གིས་སོ་སོའི་རྐུབ་སྟེགས་སྲ་བརྟན་གྱི་ཆེད་དུ་ངོ་སོ་སྲུང་ནས་སྡོད་པ་ལས་སྤྱི་དོན་ལ་སྐད་ཆ་འཛེམས་དོགས་མེད་པ་ཤོད་མཁན་ཡོད་མ་རེད། ཚད་ལྡན་གྱི་སྤྱི་མི་རེ་འགའ་ཡོད་པ་དེ་ཚོ་སྐབས་རྗེས་མ་སྤྱི་འཐུས་ཆགས་ཐུབ་ཀྱི་མ་རེད།

རྒྱའི་རྡེའུ་དང་གྲྭ་རྒོད་གཉིས་ཀྱིས་གོང་གི་བརྗོད་གཞི་དང་འབྲེལ་བ་མེད་པའི་རྩོད་གཞི་ལྭོ་ཞེས་པའི་ཐ་སྙད་འདི་རྩོད་སར་ས་ཆ་གཞན་ཞིག་མི་འདུག་གམ།

བརྗོད་གཞི་དང་འབྲེལ་བ་མེད་པའི་སྐད་ཆ་བཤད་དུས་གོང་འོག་མཆན་བུ་རྣམས་ཀྱི་དགག་ལེན་ལྟ་བདེ་པོ་མི་འདུག་ལགས་་་་ཐུགས་རྗེ་གཟིགས་་་་་་་དགོངས་འགལ་མེད་པར་མཁྱེན།།།།།།

སྤྱི་མཐུས་མང་ནས་རྒྱུ་མཚན་མ་མཐོང་།དེ་ལས་གང་ཡོད་དེ་དག་སྤུས་དག་པོ་ཞིག་ཡོང་བ་གལ་ཆེན་པོར་རེད།སྤྱི་ཚོགས་འགན་ལེན་ཐུབ་པ་དང་འབངས་མའི་ཡང་བློ་ཁེལ་ཐུབ་པ་ཞིག་ཡོང་ན་དེ་ལས་དགོས་པ་གང་།

ཆོས་རྒྱུད་རེ་ལ་སྤྱི་འཐུས་གཉིས་རེ་དགོས་དོན་མི་འདུག གྲྭ་བའི་གྲངས་འབོར་གྱི་ཆ་ནས་བཤད་ནའང་དངོས་སུ་མང་སོང་གཟིག

སྤྱི་མཐུས་གྲངས་མང་བ་ལས་འཇོན་ཐང་ཅན་རེ་བྱུང་ན་ཡག་པོ་རེད།

མི་ཆུང་ལགས།

གཞུང་དྲང་བའི་དབུས་གཙང་སྤྱི་འཐུས་ཀརྨ་ཆོས་འཕེལ་མཆོག་ལ་ཞེ་སྡང་ཚིག་གི་མདའ་མོ་འཕེན་པ་འདི་ནི་ཅི་ནས་མི་རུང་བ་ཞིག་རེད།

མི་ཆུང་ཁྱེད་ཀྱིས་༧གོང་ས་མཆོག་གི་རང་བཙན་འདོད་ཀྱི་མེད་པ་དང་བོད་རྒྱ་ཁུངས་ཡིན་པར་འདོད་ཀྱི་ཡོད་པར་དེ་ལས་གསལ་བཤད་དགོས་དོན་མི་འདུག

༧གོང་ས་མཆོག་གི་རྩོམ་གནང་མཛད་པའི་བདེན་ཚིག་སྨོན་ལམ་ལ་སོགས་ལུང་དྲངས་ནས་གསུངས་བཤད་གནང་བ་ལས་བོད་མི་དམངས་དང་༧གོང་ས་མཆོག་གང་བྱུང་དྲུད་པ་ག་ལ་ཡིན།

འོ་ན་བདེན་ཚོག་སྨོན་ལམ་ལ་སོགས་ལུང་དྲངས་ནས་རྒྱལ་བའི་དགོངས་པ་ཇི་བཞིན་ཤེས་མཁན་སྤྱི་འཐུས་ཚོས་འགྲིག་མེད་ན།

༧གོང་ས་མཆོག་གི་གསུང་རྩོམ་གོ་བ་ལེན་ཐུབ་ཀྱི་ཕར་ཞོགས་སོ་སོས་ཁུར་ཡོང་བའི་གྲོས་ཆོད་ཡིག་ཆ་ཡང་ཡག་ཀློག་མི་ཐུབ་མཁན་རྣམས་ཡག་པོ་འགྲིག་འདུག་གམ།
མི་ཆུང་ཁྱེད་ཐུགས་རྗེ་གཟིགས།

ངའི་རྣ་བ་ལེབ་ལེབ་འདིས་གོ་ནོར་ཐེབས་མེད་ན། ཉེ་ཆར་རང་གྲོས་ཚོགས་ནང་༸གོང་ས་མཆོག་གི་གསུང་འཕྲིན་དང་འབྲེལ་བའི་སྤྱི་འཐུས་རྣམ་པའི་བགྲོ་གླེང་སྐབས། སྤྱི་འཐུས་ཀརྨ་ཆོས་འཕེལ་གྱིས།

གོང་ས་མཆོག་གི་དགོངས་པ་མཐར་ཐུག་དེ། རང་བཙན་རང་དུ་ཕེབས་ཀྱི་ཡོད་པའི་སྒྲུབ་བྱེད། སྲུང་མའི་འཕྲིན་སྐུལ་ཁག་དང་། བདེན་ཚིག་སྨོན་ལམ། དེ་མིན་གྱི་གསོལ་འདེབས་ཁག ཁ་ཕོ་མཐོན་པོ་དང་། སྐད་ངག་ཡོད་ཚད་ཀྱིས་ལུང་དྲངས་ཏེ།

བོད་མི་དམངས་སྤྱི་འཐུས་གྲོས་ཚོགས་ནང་འུར་གཏམ་ལུང་པ་གང་རྒྱག་གི་འདུག སྒྲུབ་བྱེད་འདི་ཚོ་ང་ཚོས་བཀོད་མི་དགོས། དེ་སྔོན་ནས་རྒྱ་གཞུང་གིས་ཁ་ཟིན་རྣ་ཟིན་བྱས་ཏེ། རྣམ་པ་འགྱུར་བ་དང། མངོན་པ་མི་གསལ་བའི་རང་བཙན་ཡིན་ཚུལ་གྱི་ལུང་། དེ་དང་དེ་འདྲ་བ་འདྲེན་གྱི་ཡོད།

རང་ཉིད་རང་བཙན་གྱི་ལམ་དུ་འགྲོ་གི་ཡོད་ཀྱང་། བོད་མི་དམངས་དང་ལྷག་དོན་༸གོང་ས་མཆོག་གང་བྱུང་དུ་དྲུད་མི་ཉན། ༸གོང་ས་མཆོག་རྫུན་པར་གཏོང་མི་ཉན། ༸གོང་ས་མཆོག་རྒྱ་གཞུང་གི་ཁ་ནང་དུ་འཇུག་མི་ཉན།

སྤྱི་འཐུས་གཞན་གསུམ་ལ་ངོ་རྒོད་མེད། སྟན་མཁས་ནི་ནམ་རྒྱུན་དེ་ལྟར་རེད། འོས་འཕེན་མཁན་དེ་ཚོར་ཉོབ་པ་ལ། བསོད་སྟོབས་ནི་རྙོག་དྲའི་དགོས་མཁོ་བྱུང་ཚེ། དཔུང་མི་སྒྲིག་པ་ཚོས་འཕུ་བརྒྱབ་པ་ལྟར་ཕེབས་ངེས་ལས། གཞན་ལམ་གྲོན་གཞུང་ནས་བཏངས་ཀྱང་་ཡོང་མི་སྲིད་དོ།། ཐུབ་འཕེལ་ནི་འདས་ལོར་གྲོས་ཚོགས་རྩིས་མེད་བཏངས་ནས་ཕྱིན་པ་རེད། ད་དུང་མུ་མཐུད་ནས་གྲོས་ཚོགས་འཚོག་མི་ཐུབ་པ་བཟོ་རྒྱུའི་མདུན་པ་ཡོད་པ་ཡིན་རྒྱུ་རེད་དོ།།

ཅོ་རི་ཉི་མ་ལགས་ཀྱིས་གསུང་པ་བཞིན། བོད་མི་དམངས་སྤྱི་འཐུས་ལ་བོད་ཡིག་དང་། བོད་ཀྱི་བཅའ་ཁྲིམས་ཀློག་ཤེས་པ་ཙམ་གྱི་ཡང་མི་འགྲིག་པ་དེང་དུས་ཀྱི་སྐད་ཡིག་དང་། མཐའ་ན་གློག་ཀླད་ཡིན་ནའང་བེད་སྤྱོད་བཏང་ཤེས་མཁན་ཞིག་དགོས་ཀྱི་འདུག་མ་གཏོགས། དེ་དག་མ་ཤེས་ན་ངེད་ཅག་བོད་དཀྱུས་མ་ཚོ་ཡང་ངོ་ཚ་དགོས་ཡ་ཆགས་ཀྱིན་འདུག་ཨ། མ་ཚད་ཕྱིར་སྐྱོད་སྐབས་གནམ་གྲུ་དང་། མེ་འཁོར་གྱི་ལག་ཁྱེར་ཉོ་བ་ཚུན་ཆད་མི་ལ་མ་ལྟོས་པ་རང་མགོ་མ་ཐོན་ན། བོད་སྤྱི་པའི་ལས་དོན་དང་གང་འདྲ་ཞིག་ཆགས་ཡོང་བསམ་པའི་བློ་ཚབ་ཡོང་འདུག དེ་ཚོ་ངའི་བསམ་ཚུལ་ཙམ་ཞུས་པ་ཡིན། རྗེས་སུ་ཀུན་གྱིས་དགོངས་པ་བཞེས་དགོས་པ་གལ་ཆེན་པོ་རེད།

སྤྱི་འཐུས་མང་དུ་གཏང་བ་ལས་ཡོད་པ་དེ་སྤུས་དག་པོ་དང་མི་མང་གི་སྐྱིད་སྡུག་གཟིགས་མཁན་དགོས་པ་ལས་མང་པོ་ཞིག་ལ་ཕྱོགས་ཞེན་དང་སྒེར་ནད་སྟོན་མཁན་ཤ་སྟག་བྱུང་ན་ཕན་ཐོག་ག་ལ་ཡོད།
དེ་ཡོང་ཡག་ལ་མི་མང་གི་ལག་ཏུ་ཡོད་པ་རེད།སྐབས་བཅུ་བཞི་པའི་འོས་བསྡུ་ལ་མི་མང་གི་ཐུགས་བསམ་ལེགས་པོ་བཞེང་ནས་འོས་འཕེན་བྱ་དགོས་པ་རེད་མ་གཏོག།རྟ་རྒྱུག་ཐལ་ལ་ཡལ་ཚར་དུས་འགྲམ་ཤ་འཐེན་ན་ཕན་ཐོག་ཅི་ལ་ཡོད།
ད་དུང་ཞུ་རྒྱུ་ཞིག་ལ་དྲ་རོགས་དགུ་ཚིགས་སྐྱ་མོ་དང་འཇང་གཡུ་ལྷ་ཐོགས་འགྱུར་གཉིས་ཀྱིས་སྐུ་གྲགས་ལྟ་བ་དང་བཀའི་བཀོད་རྒྱུན་འཛིན་ལམ་ལུགས་གསོན་པོ་གང་སྐྱིད་དུ་ཡོད་གསུངས་འདུག།དེ་ལ་ང་རང་ཚོས་མི་མང་གི་མ་འགྲིགས་རེད།མི་དེ་རྣམས་ཀྱིས་དེ་ལྟར་ཡིན་པ་ཤེས་བཞིན་དུ་སོ་སོའི་མགོ་ལ་བཞག་དགོས་པའི་རྒྱུ་མཚན་ིཅི་ཡོད་དམ།

ཅོ་རི་ཉི་མས་བཤད་པ་བཞིན་བོད་ཡིག་ཀློག་མི་ཤེས་མཁན་གྱི་སྤྱི་འཐུས་འགའ་གསར་དུ་སླེབས་རྒྱུ་ཡིན་པ་ཐག་ཆོད་པ་རེད།

ད་དུང་སྤྱི་འཐུས་གསར་བསྐོའི་གནད་དོན་དེ་ཤོག་སྒྲིལ་གྱི་ལས་དོན་དང་འབྲེལ་བ་དམ་ཟབ་ཡོད་པ་ལས་སྤྱི་དོན་ལ་ཕན་པ་དེ་ཙམ་མི་འདུག

ཡིན་ནའང་དམིགས་ཡུལ་གང་ཡིན་ལ་མ་ལྟོས་པར་སྤྱི་འཐུས་གསར་པ་ཁག་ཅིག་སླེབས་ཡག་གི་ལས་དོན་འདི་གཏན་འཁེལ་གྱི་རེད། འདི་དོན་གོ་ཐུབ་དགོས་པ་རེད།

འོས་ལངས་ལགས་ཀྱི་གསུང་བ་བདེན་པ་རེད། བོད་མི་མང་སྤྱི་མཐུམ་རྣམ་པ་ཚོའི་ལྷག་བསམ་དང་སེམས་ཤུག་ལ་ཁ་སྣོན་བྱེད་རྒྱུ་ལས་སྤྱི་མཐུས་ཀྱི་གྲངས་ཀ་མང་དུ་སོང་པ་དགེ་མཚན་ཆེར་མ་མཐོང་ངོ་།
གཞན་སྤྱི་མཐུས་དྲུག་ལ་ཅི་བྱུང་བ་རེད།
བོད་མི་སྤྱི་བའི་ལས་དོན་ཞིག་གི་ཆེད་ཡིན་ན་ཐུགས་ཁག་མི་འདུག
དེ་མ་གཏོགས་དགོས་བ་ཞུས་ན་ཡག་ཤོས་རེད་་་་་ཚོགས་འདུ་ཙམ་ལ་ཕེབས་མ་ཐུབ་ན་སྤྱི་བའི་ལས་དོན་ལ་གཞོར་བ་ཉིན་མོའི་སྐར་མ་རེད་

སྤྱི་འཐུས་མང་དུ་གཏོང་རྒྱུ་ལས་སྤྱི་འཐུས་ཀྱི་སྤུས་ཀ་ཇེ་ལེགས་སུ་གཏོང་རྒྱུ་གལ་གནད་ཆེ་བར་མཐོང་། སྤྱི་འཐུས་ཀྱི་སྤུས་ཀ་ཡག་པོ་མེད་ན་སྤྱི་འཐུས་ཀྱི་གྲངས་ཀ་ཇི་ཙམ་སྤར་ཡང་སྔར་ལྟར་གལ་ཆུང་དོན་ཆེན་དུ་འཇིན་པ་དང་། ནང་ཁུལ་ལ་རྩོད་རྙོག་སློང་གཞི་སོགས་བྱེད་རྒྱུ་ལས་ཅི་ཡང་མི་ཡོང་། སྐབས་བཅུ་བཞི་པའི་གྲོས་ཚོགས་ཚོགས་དུས་དགུ་པའི་ཚོགས་རྒྱུན་ཧྲིལ་པོར་ཚོགས་བཅར་བྱས་མེད་པའི་སྤྱི་འཐུས་དྲུག་པོ་དེར་ཅི་ཞིག་བྱུང་བ་ཡིན་ནམ། རང་དོན་ལ་ཐུག་དུས་བོད་མི་མང་གི་རེ་བཅོལ་རྣམས་ཅི་དགར་གཡུགས་རྐྱང་བྱེད་ཐུབ་པ་འདིས་ཀྱང་སྤྱི་འཐུས་ཀྱི་སྤུས་ཀ་ཞིག་བསྟན་ཡོང་གི་འདུག་ག

སྤྱི་མཐུས་ཇི་ལྟར་མང་ན་ཡང་བོད་མི་རིགས་གི་བདེ་སྡུག་གླེང་མཁན་ཉུང་ཉུང་རེད ད་དུང་ང་ཚོའི་བསྐད་བཀོད་བརྒྱུད་འཛིན་གི་ལམ་ལུགས་སྐུ་གསོན་པོ་གངས་ཅན་སྐྱིད་ཤོང་ན་བཞུགས་ཡོད་ཙང་

སྤྱིར་བཏང་དམངས་གཙོའི་རྒྱལ་ཁབ་ནང་སྲིད་དོན་ཚོགས་པ་སོ་སོའི་སྲིད་བྱུས་ལ་བལྟས་ནས་འོས་ཤོག་འཕེན་པ་ལས་སྤྱི་འཐུས་འོས་མི་བྱེ་བྲག་པའི་ཤེས་འཇོན་ལ་བལྟས་ནས་འོས་ཤོག་འཕེན་མཁན་ཞེ་དྲགས་ཉུང་ཉུང་རེད་འདུག། འོན་ཀྱང་ང་ཚོ་སྤྱི་འཐུས་འོས་མི་བྱེ་བྲག་པར་འོས་ཤོག་འཕེན་དགོས་ཀྱི་ཡོད་ཙང་སྤྱི་འཐུས་ཚད་ལྡན་ཞིག་ཡོང་ཐབས་ལ་སྤྱི་འཐུས་འོས་མིའི་ཆ་རྐྱེན་ནང་ཤེས་ཡོན་གནས་ཚད་ཀྱི་ཆ་རྐྱེན་འཐོལ་པ་ཞིག་བྱུང་ན་ཡག་པོ་མེད་དམ། ཡང་དམངས་གཙོའི་ལམ་ལུགས་དང་མཐུན་མིན་སོགས་ཀྱི་བསམ་ཚུལ་འདྲ་མིན་ཤོད་མཁན་ཡོང་སྲིད་ཀྱང་རྩ་བ་ང་ཚོ་བཙན་བྱོལ་བའི་གནས་སྟངས་ལ་བརྟེན་ནས་དམངས་གཙོའི་ལམ་ལུགས་ཆ་ཚང་བ་ཞིག་ལག་ལེན་བསྟར་ཐུབ་ཀྱི་མེད་པས་མ་འགྲིགས་པ་ཨེ་ཡོད། འོན་ཀྱང་རང་ཉིད་དམངས་གཙོའི་ལམ་ལུགས་ཐོག་དམིགས་བསལ་སྦྱངས་པ་ཡོད་མཁན་ཞིག་མིན་ཙང་བསམ་ཚུལ་ནོར་འཕྲུལ་འདུག་ན་དགོངས་འགལ་མེད་པ་ཞུ།།

བོད་རྒྱ་ཆེའི་མི་དམངས་ཀྱིས་རེ་བཞག་ཅིག་གིས་སྤྱི་འཐུས་རྣམ་པར་འཐུས་མིའི་ལས་འགན་ཞིག་སྤྲད་ཡོད་པ་རེད། དེ་བཞིན་བོད་མི་མང་གི་ཉིན་རེའི་འཚོ་བ་ཚུན་གྱི་བདེ་སྡུག་ཐད་དཀའ་ལས་རྒྱག་དགོས་པ་སྤྱི་འཐུས་རྣམ་པའི་ལས་འགན་རེད། ད་ཐེངས་སྐབས་བཅུ་བཞི་བའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དགུ་བའི་ཚོགས་རྒྱུན་ཧྲིལ་བོར་དགོངས་པ་ཞུ་མཁན་སྤྱི་འཐུས་དགེ་བཤེས་ཐུབ་བསྟན་འཕེལ་རྒྱས་དང་། སྤྱི་འཐུས་བསོད་ནམས་སྟོབས་རྒྱལ། སྤྱི་འཐུས་དབུ་བཀར་ཚང་གཡུ་སྒྲོན། སྤྱི་འཐུས་ཆབ་བྲག་ལྷ་མོ་སྐྱབས། སྤྱི་འཐུས་ཨཱ་ཙཱརྱ་ཡེ་ཤེས་ཕུན་ཚོགས། སྤྱི་འཐུས་བསྟན་འཛིན་མཁས་གྲུབ་བཅས་ལ་ངོ་རྒོལ་དང་ཡོད།