༧གོང་ས་མཆོག་གིས་རྒྱ་གར་གྱི་མངའ་སྡེ་མ་ཌེ་ཡའི་ནང་གི་མཛད་འཕྲིན་གྲུབ་རྗེས་ལྡི་ལི་རུ་ཉིན་བཞིའི་རིང་གི་མཛད་འཕྲིན་བསྐྱང་འཆར་ཡོད་འདུག
རྒྱ་གར་གྱི་མ་ཌེ་ཡ་མངའ་སྡེའི་རྒྱལ་ས་བྷོ་པལ་ Bhopal དུ་ཡོད་པའི་འགྲོ་བ་མིའི་ཐོབ་ཐང་ཚོགས་པ་ཞིག་གིས་ཇི་ལྟར་གསོལ་འདེབས་ཞུས་པ་ལྟར། ཁ་སང་ཕྱི་ཚེས་ ༡༦ ཉིན་༧གོང་ས་མཆོག་བཞུགས་སྒར་ནས་ཆིབས་ཐོན་གནང་ཞིང་། དེ་རིང་མ་ཌེ་ཡ་མངའ་སྡེ་བློན་ཆེན་དང་། མངའ་སྡེེའི་ཁྲིམས་དཔོན་བཅས་གནད་ཡོད་མི་སྣ་མང་པོ་མཉམ་འཛོམས་ཀྱི་ཚོགས་ཐོག་ཏུ་ཆིབས་བསྒྱུར་གནང་སྟེ། འགྲོ་བ་མིའི་ཐོབ་ཐང་དང་འཇིག་རྟེན་སྤྱི་ཡོངས་ལ་འཁྲི་བའི་འོས་འགན་ཞེས་པའི་བརྗོད་གཞིའི་ཐོག་བཀའ་སློབ་གནང་ཡོད་པ་དང་། ཕྱི་ཚེས་ ༡༩ ཉིན་ནས་བཟུང་རྒྱ་གར་ནང་གི་དད་ལྡན་ཆོས་ཞུ་བ་རྣམས་ཀྱིས་ཇི་ལྟར་གསོལ་འདེབས་ཞུས་པ་བཞིན། ༧གོང་ས་མཆོག་གིས་ལྡི་ལིར་ཉིན་བཞིའི་རིང་རྒྱལ་སྲས་ཞི་བ་ལྷས་མཛད་པའི་སྤྱོད་འཇུག་གི་གསུང་ཆོས་དང་གཙུག་ལག་སློབ་གཉེར་ཁང་ཞིག་ལ་ཆིབས་བསྒྱུར། དེ་བཞིན་གཞུང་འབྲེལ་མིན་པའི་ཚོགས་པ་ཁག་གི་གནད་ཡོད་མི་སྣར་མཇལ་འཕྲད་དང་། གསར་འགོད་པར་མཇལ་འཕྲད་སོགས་ཀྱི་མཛད་འཕྲིན་བསྐྱང་འཆར་ཡོད་འདུག་ལ། ཕྱི་ཚེས་ ༢༢ ཉིན་༧གོང་ས་མཆོག་ཕྱིར་བཞུགས་སྒར་དུ་ཆིབས་བསྒྱུར་གནང་རྒྱུ་ཡིན་འདུག
ཟླ་འདིའི་ཚེས་ ༡༠ ཉིན་༧གོང་ས་མཆོག་ཐེངས་ ༥༡ པའི་གསུམ་བཅུའི་དུས་དྲན་གྱི་ཚོགས་མགོན་དུ་ཆིབས་བསྒྱུར་དང་བཀའ་སློབ་གནང་རྗེས། ཕྱི་ཚེས་ ༡༢ ཉིན་ནས་བཟུང་བཞུགས་སྒར་ཕོ་བྲང་དུ་དགེ་འདུན་པ་ ༡༣༠ ལྷག་ལ་དགེ་སློང་དང་དགེ་ཚུལ་གྱི་སྡོམ་པ་གནང་སྟེ་མཛད་འཕྲིན་རྒྱུན་མཐུད་ཀྱིས་བསྐྱངས་གནང་ཡོད་པ་རེད།
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
![Hungary's Laszlo Krasznahorkai poses for photographers in London [File: Matt Dunham/AP]](https://tibettimes.net/wp-content/uploads/2025/10/Screenshot-2025-10-10-at-2.23.17-PM-360x180.png)
༸གོང་ས་མཆོག་གི་སྐུ་ཚེ་བརྟེན་ཅིང་མཛད་འཕྲིན་མཁའ་ལྟར་ཡངས་ཤིང་དབྱར་མཚོ་བཞིན་རྒྱས་པར་ཤོག
སྤྱིར་ཡི་གེའི་ཆེ་མགོ་ལ་རྟགས་༸་འདི་འཇོག་གི་རེད། འོན་ཀྱང་སྐབས་དེང་གྲངས་༧་པ་འདི་འཇོག་མཁན་མང་གི ངའི་གྲོགས་པོ་རེ་གཉིས་ལའང་དྲིས་པ་ཡིན་ཏེ། ཁོང་ཚོས་ཀྱང་འདི་གཉིས་གང་བཞག་ནའང་ཁྱད་པར་མ་མཐོང་གསུངས་སོང་། གལ་སྲིད་ད་ནས་བཟུང་སྟེ་ཡིག་མགོ་ལ་ཨང་གྲངས་༧་པ་འདི་བཞག་སྟེ་རྒྱུན་འབྱམས་སུ་སོང་ན། སྔ་མའི་ཡིག་མགོ་རྙིང་པ་སྟེ་རྟགས་༸འདི་རང་ཤུགས་ཀྱིས་མེད་པ་ཆགས་པའམ་མེད་པར་བཏང་པ་མ་ཡིན་ནམ། འདི་ནི་ཆེས་སྤྱིར་བཏང་གི་བསམ་ཚུལ་ཞིག་ཡིན་པ་ལས་དོན་གཞན་གང་མེད་ལགས། འོན་ཀྱང་བགྲོ་གླེང་རེ་བྱས་ནའང་ཆོག་སྙམ།