བོད་ཀྱི་དུས་བབ་གསར་ཤོག་སྤྱིའི་འདོན་ཐེངས་ ༤༧༨ སྟེང་གི་རྩོམ་སྒྲིག་པའི་གཏམ།
ཉིན་ཤས་རིང་འདིར་བཀའ་ཁྲི་མཆོག་གིས་གྲོས་ཚོགས་ལ་གནང་བའི་གསལ་བཤད་དང་། གྲོས་ཚོགས་འཐུས་མི་ཚོའི་བགྲོ་གླེང་། ཉན་ཞིབ་སྐབས་ཀྱི་དོགས་འདྲི་དང་གསལ་བཤད། བཀའ་ཟུར་རྣམ་པའི་གཞེན་སྐུལ་བཅས་གྲུབ་རྗེས། ལྷ་རྒྱལ་འཐེན་བཞིན་ང་ཚོ་གནས་སྐབས་རིང་བློ་བདེ་བག་ཕབ་ངང་སོ་སོའི་གནས་སུ་ལོག་ཆོག་པར་མཐོང་བས། གནས་སྐབས་རིང་བདེ་མོ།
ཡིན་ཡང་གནད་དོན་འདི་མཐའ་དག་གི་གཏིང་རིམ་ན་རྒྱུ་རྐྱེན་གཞན་པ་ཞིག་མིག་ཀེམ་ཀེམ་དང་སྙིང་ལྷེམ་ལྷེམ་གྱི་ངང་དུ་གསང་བའི་ཚུལ་གྱིས་གནས་ལ། ནད་རྙིང་ཇི་བཞིན་དུས་ཚོད་ངེས་མེད་ལ་འཕར་ཆོག་ཆོག་གི་རྣམ་པར་སྐུང་ཡོད་པར་འདོད།
ཐོག་མར། བཀའ་སྤྱི་གཉིས་ཀྱིས་ཕན་ཚུན་དོགས་པ་མེད་ས་ལ་དོགས་འདྲི་བྱས་པ་དང་། དགོས་པ་མེད་ས་ལ་གསལ་བཤད་བྱས་པ། དེ་དག་གི་ཞོར་དུ་ཚིག་ཟུར་ནས་མདའ་གྲི་མདུང་གསུམ་གྱི་ཟིལ་ཤུགས་ངོམ་པ་སོགས་ནི་དཀའ་རྙོག་རིང་པོ་ཞིག་ལ་འཇུག་འདོད་པའི་སྟ་གོན་ལྟ་བུར་མཐོང་།
གནད་གཞན་པ་ཞིག་ནི། ༧གོང་ས་མཆོག་གིས་གནད་དོན་དེ་རིགས་འཁྲུན་ཐག་ཆོད་པ་ཞིག་བཟོ་རོགས་ཞེས་གསུངས་པ་བཞིན་སྐབས་འདིར་འཁྲུན་ཐག་ཆོད་པ་ཞིག་བཟོ་ཐུབ་མེད་ལ། མ་གཞི་ནས་དོན་གནད་ལྟེ་བ་དེའི་སྟེང་ལ་གནས་ལུགས་དང་གནད་དོན་ཆུང་ཆུང་མང་པོ་ཞིག་གིས་སྐོར་བ་བརྒྱབ་ཅིང་། མགོ་ཐོག་ལ་དུག་སྦྲང་འཁོར་བ་བཞིན་ཟ་ཟིའི་སྒྲ་འཇགས་མེད་ངང་གནས་ཡོད་སྟབས། ཐེངས་འདིའི་ཉན་ཞིབ་ཡང་རྒྱལ་བའི་ཐུགས་རེ་བཞིན་བྱུང་ཐུབ་མེད་ཚོད་ཡིན་ལ། སྤྱི་ཚོགས་སྟེང་ལའང་ཉན་ཞིབ་འདིས་གོ་བརྡ་གང་འདྲ་ཞིག་སྤྲད་ཡོད་མེད་ནི་གཞི་ནས་ལྟ་ཞིབ་བྱ་རྒྱུ་ཞིག་རེད་འདོད།
ཉན་ཞིབ་འདིའི་སྐབས་ཀྱི་ཉམ་ང་བའི་གནས་སྟངས་གཞན་ཞིག་ནི། མི་མང་པོ་ཞིག་གིས་སོ་སོར་བསམ་འཆར་ཡོད་རུང་། ༧གོང་ས་མཆོག་གི་དགོངས་གཞི་ཡིན་པ་རྒྱུ་མཚན་དུ་བྱས་ནས་སོ་སོའི་ཁ་འགོག་ཐབས་བྱས་པ་འདི་དག་གིས་ང་ཚོར་མ་འོངས་པའི་གནས་སྟངས་ཤིག་ད་ལྟ་ནས་སྟོན་གྱི་ཡོད་ལ། དོན་དག་བཟང་ངན་གང་ལ་ཐུག་རུང་། རྒྱལ་བ་རིན་པོ་ཆེ་མཆོག་གཅིག་པུར་ཚད་བཟུང་ནས་ཐག་གཅོད་པ་འདི་ནི་ཕུགས་རྒྱང་རིང་པོར་བསམ་ན་ཕན་ལས་གནོད་དུ་འགྱུར་ཡང་སྲིད། མངོན་ལྐོག་གང་རུང་ནས་གནས་ལུགས་དང་རང་ལུགས་ཀྱི་ནུས་པ་ཤོར་བའི་སྐབས་སུ་དམངས་གཙོ་ཡང་འཇིགས་རུང་གི་གཅོང་རོང་ཞིག་ལས་ཅི་ཡང་མིན།
ནམ་རིང་ན་རྨི་ལམ་མང་བའི་དཔེ་ལྟར། ཉན་ཞིབ་འདིའི་སྟེང་ཕེབས་པའི་བཀའ་སྤྱི་གཉིས་དང་བཀའ་ཟུར་ཚོ་ཙམ་མིན་པར། སྤྱི་ཚོགས་སྟེང་དུའང་བར་སྐབས་ནས་མཐོ་བཤད་དམའ་བཤད་རྒྱག་མཁན་མང་ལ། མདོར་སྒྲིལ་ན། བོད་རྒྱའི་འབྲེལ་མོལ་གྱི་བརྒྱུད་རིམ་ཁྲོད། བོད་མིའི་ཕྱོགས་ནས་འབབ་སྟེགས་མཐའ་མ་དེར་བསླེབས་རུང་། རྒྱ་ནག་གིས་མུ་མཐུད་ནས་བོད་མི་ཚོའི་མངོན་འདོད་ལ་བདག་སྤྲོད་མ་བྱས་སྟབས། བོད་གཞུང་གི་སྲིད་བྱུས་འདི་ལ་འདོད་བློ་མ་ཁེངས་མཁན་ནི་བོད་ཕྱི་ནང་གཉིས་སུ་ཇེ་མང་དུ་འགྲོ་བཞིན་ཡོད་ལ། བཙན་བྱོལ་བོད་གཞུང་གིས་བོད་རྒྱའི་འབྲེལ་བ་དང་བོད་དོན་ཐག་གཅོད་ཀྱི་ཕྱོགས་ལ་བཟུང་བའི་སྲིད་བྱུས་ལ་བསྐྱར་ཞིབ་བྱ་རྒྱུའི་འབོད་སྒྲ་དེ་ནི་ལབ་གླེང་འདི་མཐའ་དག་གི་གཞི་རྟེན་དུ་གྱུར་འདུག་སྙམ།
ཨེ་མ་། བོད་རྒྱལ་ཁབ་ཀྱི་ཙ་དོན་གྱི་ཐག་གཅོད་འདི་རང་བཙན་གཙང་མ་ནས་ས་ཁུལ་རང་ལྗངས་སུ་བབ་འདུག་པ་མ་ཟད་།
སླར་ཡང་བོད་མི་མང་སྤྱི་འཐུས་དང་བཀའ་བློན་རྣམས་རྡ་ས་རུ་ཉི་ཤས་རིང་ཚོགས་འདུ་བསྐོངས་གནང་ནས་ཐག་གཅོད་གང་ཡང་མེད་པ་འདྲ་།
ཐབ་སྐྱོར་དགོས་པ་ཞིག་ལ། ང་ཚོ་མི་རབས་གསར་རྣམས་ལ་བཙོན་རྒྱུ་གང་ཡང་མེད་པ་ཟོས་ཚར་འདུག
།
དགོངས་དག
བརྒྱུར་བ་དང་ཟིན་བྲིས་ན་གཉིས། བསྒྱུར་བ་དང་ ནི། ཞེས་སུ་བཅོས་རོགས།
ཉེ་སྔོན་ནས་དུས་བབ་ཀྱི་མཆན་ལ་རིག་པ་ཞེས་བརྒྱུར་བ་དང་མཆན་རྣམས་གོ་རིམ་ལྡོག་ནས་སླེབས་པ་བཟོས་པ་གཉིས་ཀ་དེ་ཙམ་བློ་ལ་འབབ་པོ་ཞིག་མ་བྱུང་། མ་གཞི་དུས་བབ་ཟིན་བྲིས་ན་རང་བཞིན་གྱིས་འཇུག་བདེ་བ་སོགས་ཁྱད་ཆོས་དང་ལྡན་ཞིང་རང་ངོས་ནས་མཚོན་ནའང་གནས་ཚང་ཡག་ཤོས་ཤིག་ཡིན།
ཨ་ལེ་ ད་རེས་ཀྱི་ཉན་ཞིབ་སྐབས་སུ་དྲ་བདག་གི་འདོད་པར་ཡོད་པའི་ཐག་གཅོད་ཞིག་མ་བྱུང་བ་འདྲ། ཡ་ཡ།
བདེན་བྱུང་བདེན་བྱུང་འཇིགས་བྲལ་བ་་་་་་་ཁྱེད་འཇིགས་པ་དང་བྲལ་བའི་ཁྱེད་ཀྱིས་བྱེད་མ་ནུས་ན་་་་་་་་་་ཚང་མ་གཅིག་པ་རེད་ད།་་་་་་་་་ཧཧཧཧཧཧཧཧ
སྔོན་མ་བོད་མ་ཤོར་བའི་སྔོན་དུ་སྡེ་བ་གཞུང་གི་སྐུ་དྲག་ཚོའི་ཐུགས་སྤྲོ་གཏོང་བའི་སྐབས་སུ་སྐུ་དྲག་གི་མནའ་མ་ཞིག་གིས་དུག་རུལ་ཞིག་ཤོར་བ་རེད། མནའ་མ་ངོ་ཚ་ནས་ནང་དུ་སླེབས་སྐབས་སུ་གཡོག་མོའི་ཐོག་ཏུ་ཁ་རྡུང་གཏོང་ནས་ངའི་མང་དཀྱུལ་དུ་དུག་རུལ་ཤོར་ཀྱང་གཡོག་མོ་ཁྱེད་ཀྱི་ཡིན་མདོག་མདོག་མ་བྱས་པས་ང་ངོ་ཚ་བྱུང་ཟེར་ནས་ཁ་རྡུང་ཚད་མེད་གཏོང་ཡོད་པ་རེད།
ཕྱི་ཉིན་སྐུ་དྲག་རྣམ་པ་འཚོགས་བཞུགས་ཡོད་པའི་སྐབས་སུ་གཡོག་མོའི་མགོ་བོ་སྒུར་སྒུར་བྱས་ནས་ཞུ་དོན།་་་་་སྐུ་ངོ་རྣམ་པ་ཚོ་ལ་དགོངས་དག་ཞུ་རྒྱུ་ཡིན། གང་ལེགས་ཞེ་ན། ཁས་སང་མནའ་མའི་ཤོར་བའི་དུག་རུལ་དེ་ངས་བཏང་པར་ཡིན་ཞེས་ཞུ་བ་ཕུལ་བ་དེར་ཅི་དགོད་སྤྲོ་བ་ཞིག་མི་འདུག་གམ།
དེ་བཞིན་སྤྱི་འཐུས་གྲོས་ཚོགས་ཀྱི་དགོངས་དག་འདི་ཡང་ཧཧཧཧཧཧཧཧཧཧཧཧཧ
རྩོམ་སྒྲིག་པ་ལགས། འདི་ལྟ་བུའི་གནད་ལ་འཁེལ་བའི་གཏམ་ཐུང་འདི་ལོ་རྒྱུས་ཀྱི་ལེའུར་ལྷག་རྒྱུ་ཡིན་པའི་ངོས་འཛིན་བྱེད་ཀྱི་ཡོད། གང་ལྟར་ཐབས་ཤེས་མེད་སོང་བ་རེད། གལ་ཏེ་ཐབས་ཤེས་ཤིག་ཡོད་སོང་བའི་དབང་དུ་བཏང་རུང་མི་ཚེ་ཧྲིལ་པོ་བོད་མིའི་སྤྱི་ཚོགས་སུ་ནག་པོ་བྱས་ནས་འདུག་བཟོད་པའི་སྙིང་སྟོབས་ཡོད་དགོས་པ་རེད། དེ་མེད་ན་དཱ་ཁ་བཙུམ་ན་ཡག་གི་རེད། འདི་ནི་བོད་མིའི་བྱེད་ཕྱོགས་ལས་མཐོང་བའི་གནད་དོན་དངོས་ཡིན།
ནོར་བཅོས་ཡིན།
ཕྱིར་ཡིན་ན་ཞེས་པ་སྤྱིར་ཡིན་ན་ཞེས་པར་ནོར་བཅོས་ཡོངས་བ་ཞུ།
གནས་ཚང་ལགས། ཕྱིར་ཡིན་ན་ཁྱོད་ཀྱི་འདྲི་བ་འདི་ལ་ལན་འདེབས་མཁན་མཁས་དབང་ཞིག་དགོས་པ་ཁྱོད་ཀྱི་རེ་སྐུལ་ཡིན་པས་ང་འདིར་འཚང་ན་འཚམ་མིན་མི་ཤེས་མོད། འོན་ཀྱང་ང་ཡང་ཚིག་འདི་གཉིས་ལ་བསམ་བློ་གཏོང་མཁན་ཞིག་ཡིན་པས་ཚིག་འགའ་བཤད་འདོད་བྱུང་སོང་བས་ཐུགས་དང་འགལ་བ་བྱུང་ན་བཟོད་གསོལ་ཞུ། ཕྱིར་ཡིན་ན་༼ཡེ་ཤེས་དབྱིངས་དཔྱད༽དང༼བརྒྱ་ཁ་གཅིག་གཅོད༽ཞེས་པའི་ཚིག་གཉིས་པོ་འདི་མི་ནག་ཚང་གི་གསུངས་པ་ལྟར་ཚིག་རང་གི་ངོས་ནས་བལྟས་ན་མི་མཚུངས་པ་བདེན་ཀྱང་། ང་ཚོས་སྤྱི་ཚོགས་འདིའི་ངོས་ནས་བལྟས་ན་སྤྱི་འཐུང་ནང་ཡིན་ནའང་འདྲ། དམིགས་བསལ་ཚོགས་ཆེན་ནང་ཡིན་ནའང་འདྲ། ཕལ་ཆེར་ཡེ་ཤེས་དབྱིངས་དཔྱད་ཞེས་པ་དེ་བརྒྱ་ཁ་གཅིག་གཅོད་ལྟ་བུ་ཞིག་ལ་གོ་བ་ལེན་གི་མེད་འགྲོ་བསམ་བའི་ཚོར་བ་ཤུགས་ཆེན་ཡོང་གི་འདུག
གནས་ཚང་ལགས། སྤྱིར་ན་འདིར་མཁས་པ་ཞིག་གིས་ལན་འདེབས་རྒྱུ་ནི་ཁྱེད་ཀྱི་རེ་སྐུལ་རེད།
ཡིན་ཡང་། མཆན་འདེབས་སའི་བསམ་ཚུལ་འདི་ང་རང་ཉིད་དང་འབྲེལ་བ་ཡོད་པའི་དབང་གིས་རང་གི་བསམ་ཚུལ་ཞིག་མི་འབུལ་ཀ་མེད་དུ་གྱུར།
འདི་གཉིས་མིང་གཅིག་དོན་གྱི་རྣམ་གྲངས་རེད་ཟེར་བ་ནི་མ་བརྟག་པའི་སྐད་ཆ་རེད་འདོད། ཡེ་ཤེས་དབྱིངས་དཔྱད་ཅེས་པ་ནི་ཡིད་ཆེས་དང་འབྲེལ་བ་ཞིག་རེད། བརྒྱ་ཁ་གཅིག་གཅོད་ནི་བཙན་འཕྲོག་དང་འབྲེལ་བ་ཞིག་རེད།
འདི་གཉིས་ཀྱི་ཡོང་སྟངས་དང་ངོ་བོ་འདྲ་གི་མ་རེད། འདི་ནི་དད་པའི་དབང་དུ་སོང་བའི་སྐད་ཆ་མིན། བརྗོད་པ་འདི་གཉིས་ཀྱི་དོན་རྩ་ལ་འཇུས་པའི་ལྟ་ཚུལ་ཡིན།
༼ཡེ་ཤེས་དབྱིངས་དཔྱད༽དང༼བརྒྱ་ཁ་གཅིག་གཅོད༽གཉིས་དོན་གཅིག་མིང་གི་རྣམ་གྲངས་ཡིན་པ་རེད་ཅེས་པ་དེ་བདེན་ནམ། དད་པ་ཡོད་མདོག་མི་སྟོན་པའི་མཁས་དབང་ཞིག་གིས་ལན་ཞིག་གནང་བར་སྒུག་གི་ཡིན།
ནམ་རིང་ན་རྨི་ལམ་མང་ཟེར། འདི་ཅིས་མ་བདེན། ང་ཚོ་བྱེས་སུ་གྱེར་བའི་མི་ལོ་ཧྲིལ་བོ་ལྔ་བཅུའི་རིང་རྨི་ལམ་ཅི་འདྲའི་མང་པོ་ཞིག་རྨིས་པ་ཡིན་ནམ། སྒེར་བའི་སྒེར་གྱི་རྨི་ལམ་རྨིས། གཞུང་གིས་གཞུང་གི་རྨི་ལམ་རྨིས། ཚོགས་པ་སྐྱིད་སྡུག་དང་གཞུང་འབྲེལ་མིན་པའི་ཚོགས་པ་ཁག་གིས་རང་གི་ས་ནས་རང་རང་གི་རྨི་ལམ་རྨིས། ད་དུང༌། གཏོར་བཤིག་གི་རྨི་ལམ་དང༌། མདུན་བསྐྱོད་ཀྱི་རྨི་ལམ། ཆོལ་ཁ་དང་ཆོས་ལུགས་དབྱེ་འབྱེད་ཀྱི་རྨི་ལམ་ཡང་རྨིས། འདི་ལྟར་བསམ་ན་དངོས་གནས་ནམ་མ་གསལ་བའི་སྔ་རོལ་ནི་ཅི་འདྲའི་འཇིགས་སུ་རུང་བ་ཞིག་རེད་ཨང༌།
ཡེ་ཤེས་དབྱངས་དཔྱད་དང་། ཡེ་ཤེས་དཔྱངས་དཔྱད་གཉིས་ཀྱིས་ཡེ་ཤེས་དབྱིངས་དཔྱད་ནུས་མེད་དུ་མ་གཏོང་རོགས།།
སྤྱི་འཐུས་ཚོར་སྐད་ཆ་གཅིག་ཡོད་རེད། ༧གོང་ས་མཆོག་གིས་མི་མང་ལ་བརྡར་ཤ་གཅོད་པའི་གོ་སྐབས་དང་གནས་ལུགས་ཀྱི་གོ་བརྡ་ཇི་ལྟར་གནང་ཡང་ང་ཚོའི་བོད་མི་མང་གི་སྤྱི་འཐུས་རྣམ་པས། བཤད་བཤད་མཐར། བཙག་བཙག་མཐར། སྐད་ཆ་གཅིག་ཡོད་རེད། དེ་༧གོང་ས་མཆོག་གི་ཡེ་ཤེས་དབྱངས་དཔྱད་ཟེར་བ་འདི་ཁོ་ན་རེད། དམིགས་བསལ་ཚོགས་ཆེན་གཙོས་པའི་གོ་སྐབས་མང་པོ་ཡེ་ཤེས་དཔྱངས་དཔྱད་ཀྱི་ཚིག་འདི་བེད་སྤྱོད་བཏང་ནས་མཇུག་བསྡུས་འགྲོ་གི་རེད།
ད་ལྟའི་ཆར་ཐག་གཅོད་ག་རེ་བྱེད་ཀྱང་། ཡེ་ཤེས་དཔྱངས་དཔྱད་ཞེས་ཁ་གཡར་ས་འདི་ཚོགས་འདུའི་མཇུག་སྡོམ་བྱེད་རེད།
ད་ཉལ་ནས་ཡར་མ་ལངས་ན་འགྲིག་གི་ཡོད་ས་རེད།
མདོ་ན།
ཆོལ་ཁའི་འཐབ་རྩོད་ཁ་བྲལ་རིང་ལུགས་ཡིན།།
ལུང་ཚན་ཕྱོགས་རིས་རྒྱུ་དག་མེད་པའི་རྟགས།།
གསར་རྙིང་དབྱེར་བ་ལ་རྒྱ་ཉམས་པའི་རྒྱུར།།
ཆོལ་ཁའི་འཐབ་རྩོད་སྤོང་ནས་གཅིག་གྱུར་དགོས།།
ལུང་ཚན་ཕྱོགས་རིས་སྤོང་ནས་ལག་སྦྲེལ་དགོས།།
གསར་རྙིང་དབྱེར་བ་མེད་པ་ཤ་ཚ་དགོས།།
དེ་གསུམ་འཛོམས་ན་དགྲ་མགོའི་ཐོ་བ་ཡིན།།
ཆོལ་ཁའི་འཐབ་རྩོད་རྒྱ་ནག་གཞུང་ལ་ཕྱོགས།།
ཕྱོགས་རིས་བྱེད་ན་རྒྱ་དང་བོད་ལ་བྱོས།།
གསར་རྙིང་དབྱེར་ན་རྒྱ་དང་བོད་ལ་དབྱེར།།
རང་སྐྱོང་མ་ཟད་རང་བཙན་འཐུབ་པ་ངེས།།
རྡོག་རྩ་གཅིག་སྒྲིལ་ཞེས་བཅོས་དགོས་ཡིན་ནམ་སྙམ། འགྲིན་བཟང་ལགས་ཅིག་གསུང་དང་།
དུས་བབ་དྲ་བ་འདི་ནི་བོད་མི་རིགས་ཀྱི་བདེ་སྡུག་གླེང་སའི་བོད་ཡིག་གི་དྲ་བ་ཡག་ཤོས་ཤིག་དང་དུས་བབ་རྩོམ་སྒྲིག་པའི་དཔྱད་རྩོམ་ནི་ག་དུས་ཡིན་ནའང་དམིགས་གསལ་གྱི་ཁྱད་ཆོས་དང་ལྡན་པ་ཞིག་རེད་སྙམ།
བོད་མི་དམངས་སྤྱི་འཐུས་གྲོས་ཚོགས་སྐབས་བརྒྱད་པ་མཇུག་སྡོམ་རྒྱག་མ་ཐུབ་པས་རྐྱེན་གྱིས་སྤྱི་ཚོགས་ནང་དུ་དགག་པ་རྒྱག་མཁན་མང་བའི་སྐབས་འདིར་སྤྱི་འཐུས་གྲོས་ཚོགས་སྐབས་དགུ་པ་འཚོགས་ཡོད་པ་དང་། གནས་སྟངས་འདིའི་སྐབས་སུ་སྤྱི་འཐུས་རྣམས་རྡུག་རྩ་གཅིག་སྒྲིལ་མེད་པ་དང་ཕྱོགས་ཁག་གཉིས་ཀྱི་རྩོད་ཉོག་ལྷག་མ་མཇུག་སྡོམ་རྒྱག་དགོས་པར་བཅས་གྲོས་ཚོགས་རང་ལ་ནུས་པ་མེད་པའི་དུས་ཚོད་ཤིག་རེད་འདོད།
སྤྱི་འཐུས་གྲོས་ཚོགས་ཁ་མ་འགྲིག་པའི་དུས་ཚོད་འདིའི་ཐོག་ཏུ་བོད་མི་རིགས་སྤྱི་ཡི་རྩ་དོན་གྱི་ཉོག་གླེང་གྲོས་ཚོགས་ནང་དུ་སླེབས་ཡོང་དུས། ཐོག་མ་༧གོང་ས་མཆོག་གི་བཀའ་ལུང་གསལ་བསྒྲགས་བྱས་པ་དང་མཁས་དབང་བཀའ་ཁྲི་མཆོག་གིས་གསལ་འགྲེལ་གྱི་སྒྲུབ་བྱེད་རྒྱས་པ་ཞིག་གསུངས་ཡོད་པ་རེད།
གནས་སྟངས་འདིའི་འོག་ཏུ་བོད་མི་མང་སྤྱི་འཐུས་རྣམ་པའི་བོད་རྒྱ་ཆེན་མང་ཚོགས་ཀྱི་ནང་དུ་མི་མང་གི་བསམ་ཚུལ་ལྟར་མི་མང་རང་གིས་གང་རྩོད་འདོད་པ་དང་མི་དམངས་ཀྱི་ལྟ་བ་ག་རེ་ཡིན་པར་གཞི་བཟུང་བའི་ཐོག་ཏུ་ཐག་བཅད་བྱས་ཐུབ་མཁན་གྱི་གྲོས་ཚོགས་ཤིག་ཆགས་ཐུབ་མེད།
༧གོང་ས་མཚོག་གི་བོད་མི་རིགས་ལ་མང་གཙོ་རང་དབང་ཞིག་གནང་བ་དེར་ཡང་དེང་སང་བཙན་བྱོལ་སྤྱི་ཚོགས་ནང་དུ་མི་ངན་འགའ་རེའི་བོད་མི་རིགས་ཀྱི་ལག་ཏུ་མང་གཙོ་བཞག་པ་འདི་ལོ་ན་མ་སོན་པའི་ཕྲུག་གུའི་ལག་ཏུ་གྲི་བཞག་པར་དང་གཅིག་པ་ཡིན་ཚུལ་སོགས་ཧམ་འགྲེལ་ཧམ་རྟགས་བཀོད་ནས་ངན་ཁག་བོད་མི་ཉམ་ཆུང་ཚོའི་མགོ་ཐོག་ཏུ་བཞག་པ་འདིར་ཅི་འདྲ་དགོད་སྤྲོ་བ་ཅིག་རེད་ཨང།
ཅི་བཤད་མ་ལྟ་ཅི་ལས་ལྟོས།
བཤད་པ་མི་བདེན་སྤྱོད་པ་ལྟོས།
སྤྱིར་ང་ཚོའི་བོད་པ་ཚང་གིས་དམངས་གཙོའི་ལམ་ལུགས་སམ་སྲོལ་ལུགས་འདི་ལྟར་ཡིན་པས་དམངས་གཙོ་ཡང་དག་པ་ཞིག་གི་ལམ་ཁར་བསྐྱོད་རྒྱུ་དེ་ད་དུང་མི་རབས་ཁ་ཤས་བརྒྱུད་དགོས་སྙམ། བོད་ཀྱི་ཆབ་སྲིད་པ་དང་སྤྱི་ཚོགས་ཐོག་གི་མི་དྲགས་ཅན་ཚོའི་མཐོང་རྒྱ་དང་དམངས་གཙོའི་བསམ་བློའི་ཀུན་གཞི་རྗེས་ལུས་ཀྱི་རང་བཞིན་དུ་གྲུབ་པས་བོད་ཀྱི་མ་འོངས་པའི་གནད་དོན་ཐག་གཅོད་དེའང་འདི་ལྟར་འགྲོ་རྒྱུ་ཡིན་པར་གོར་མ་ཆག།
གང་ལྟར་ཀྱང་ད་ཐང་གི་ཚོགས་འདུ་རྒྱལ་ཁའི་ངང་འཇུག་བསྒྲིལ་རེད
རྟེན་འབྲེལ་ཞུས་ན་རེད་
མ་འོང་པ་མ་ཡིན་དེ་་་་དེ་ལ་འཁྲུལ་བའི་ཕྱིར།
བོད་མི་ཚོ་ད་དུང་ན་མ་ལོན་པའི་བྱིས་པལྟ་བུ་། རང་ཐག་རང་གིས་གཅོད་མི་ཤེས་པ་གང་ཡིན་ནམ། བྱ་བ་དང་ལས་དོན་གང་ཞིག་དྲང་བདེན་ཡིན་མིན་དང་། ང་ཚོ་གང་ཞིག་བྱེད་དགོས་མིན། ང་ཚོར་ག་རེ་དགོས་མིན་།དེ་དག་ཚང་མར་ད་དུང་བྻ་མའི་ལུང་དང་བླ་མའི་བཀའ་ཞིག་དགོས་ན། ཉིན་ཞིག་བྻ་མ་མ་བཞུགས་པའི་དུས་ལ་ང་ཚོས་ལས་ཀ་ཅི་ཞིག་བྱེད་རྒྱུ་བཞག་ནས་ཐག་གཅོད་ཀྱང་མི་ཐུབ་པ་གཏན་ཁེལ་བ་རེད། དདདདདདདདདདདདདདཕྲུ་གུ་ཕྲུ་གུ