ཕོ་བྲང་པོ་ཏ་ལའི་བརྟན་གནས་ལ་བསྐྱར་ཏུ་ཉེན་ཁ་བསླེབས་འདུག་ལ། དེ་ནི་པོ་ཏ་ལའི་འོག་ཏུ་ཤར་ནས་ནུབ་ལ་སྦྲེལ་བའི་ས་འོག་གཞུང་ལམ་ཞིག་བཟོ་བཞིན་པ་དེར་ཆུ་ལོག་བྱུང་སྟབས། མཐའ་འཁོར་གྱི་ས་ངོས་སུ་སེར་ག་ཤོར་བའི་དབང་གིས་ཡིན་འདུག
བཙན་བྱོལ་བོད་གཞུང་ལ་གནས་ཚུལ་འབྱོར་བ་ལྟར་ན། པོ་ཏ་ལའི་འོག་གི་ས་འོག་གཞུང་ལམ་དེ་བཟོ་བཞིན་པའི་སྐབས་སུ། ཆུ་ལོག་བྱུང་བའི་ཤུགས་རྐྱེན་གྱི་དབང་གིས་ཕོ་བྲང་པོ་ཏ་ལའི་ཉེ་འཁོར་གྱི་ས་ངོས་སུ་སེར་ག་གས་པ་དང་། ཕོ་བྲང་གི་བརྟན་གནས་ལ་གནོད་ཚབས་ཆེན་པོར་གྱུར་འདུག
༡༩༨༨ ལོ་ནས་ ༡༩༩༣ ལོའི་བར་གྱི་ཞིག་གསོའི་སྲིད་བྱུས་ཀྱི་འོག་ནས་རྒྱ་གཞུང་གིས་ཕོ་བྲང་པོ་ཏ་ལར་ཡང་ཉམས་གསོ་བྱེད་པའི་ལས་གཞི་མགོ་བཙུགས་ཡོད་ལ། ༢༠༠༠ ལོར་ཕོ་བྲང་ནང་ལོག་གི་སྡེབས་རིས་དང་བརྐོས་རིས་མང་པོ་ཞིག་བསྐྱར་ཏུ་བྲིས་ཡོད། སྐབས་དེར་བོད་ལུགས་ཀྱི་སྒྱུ་རྩལ་ལ་ཉམས་མྱོང་མེད་པའི་དབང་གིས་སྡེབས་རིས་འགའ་ཤས་ལ་རྒྱ་ནག་གི་སྒྱུ་རྩལ་བ་དག་གིས་ལག་པ་འཆང་སྟེ་སྐྱོན་ཆེན་པོ་བཟོས་ཡོད་འདུག
བཙན་བྱོལ་བོད་གཞུང་གིས་བཤད་དོན། རྒྱ་ནག་གཞུང་གིས་བོད་ནང་དུ་དེང་རབས་ཀྱི་གྲོང་ཚོ་གསར་པ་འཛུགས་བསྐྲུན་བྱེད་པའི་ལས་འགུལ་འོག ཕོ་བྲང་པོ་ཏ་ལ་གཙོས་པའི་བོད་ཀྱི་རིག་གནས་སྒྱུ་རྩལ་དང་ཤུལ་དངོས་རྩ་ཆེན་མང་པོ་ཞིག་གཏོར་བཤིག་བཏང་ཡོད་འདུག
བོད་མི་རིགས་ཀྱིས་རྒྱལ་སྤྱིའི་སྤྱི་ཚོགས་ཁྲོད་འཛམ་གླིང་སྟེང་གི་རིག་གནས་ཀྱི་ཤུལ་བཞག་གལ་ཆེན་འདི་གཏོར་བཤིག་ལས་སྲུང་སྐྱོབ་ཡོང་བར་འབོད་སྐུལ་ཞུ་གིན་ཡོད་ཅེས་བོད་གཞུང་གི་དྲ་ངོས་སུ་བཀོད་ཡོད་པ་རེད།
ཕོ་བྲང་པོ་ཏ་ལ་ནི་ ༡༩༩༤ ལོར་ཐོག་མར་མཉམ་འབྲེལ་རྒྱལ་ཚོགས་ཀྱི་རིག་དངོས་སྲུང་སྐྱོབ་ཀྱི་རྣམ་གྲངས་གྲས་སུ་ཚུད་ཡོད་པ་རེད།
རྒོལ་ན་འདོད་ཀྱང་ནུས་པ་དབེན་པས། མ་གོ་ན་དགའ་བའི་གནས་ཚུལ་འདི་ཚོས་ངའི་སེམས་པ་གཏིང་ནས་ན་སོང་།
ཕྱི་རོལ་གྱི་དངོས་པོ་འཇིག་པ་ལས་ནང་གི་བཟང་སྤྱོད་ཀྱི་འདུ་ཤེས་འཇིག་ན་ཉེས་ཁ་ཆེ
ཡར་རྒྱས་ཀྱི་རྣམ་པའི་འོག་ནས་ཆག་འཇིག་ཆེན་པོ་ཡོང་རྒྱུ་རེད་ཡ་་་་་་་རྒྱ་ཟ་ཡ་རྒྱ་ཟ་་བོད་ཀྱི་ན་མ་
ཕོ་བྲང་པོ་ཏ་ལ ཕོ་བྲང་པོ་ཏ་ལ ད་ཚར་རྒྱུ་རེད་ཡ་
ཆོས་རྒྱལ་སྲོང་བཙན་སྒམ་པོའི་ཐུགས་རྗེས་གཟིགས་ཏེ། འཕགས་མཆོག་ཕྱག་ན་པདྨོའི་ཕོ་བྲང་ལ་འགལ་རྐྱེན་བར་ཆད་ཞི་ནས་གཟི་བརྗིད་ཀྱིས་རིང་དུ་འཚོ་བར་ཤོག།
འདིའི་སྐོར་ན་ནིང་དྲ་གྲོགས་བྱིས་པ་་འགས་ཡར་རྒྱས་ཤིན་ཏུ་ཆེན་པོ་ཡིན་ལུགས་བཤད་སོང་ ད་ཡར་རྒྱས་རེད་འདུག་ ཉེན་ཁ་རེད་འདུག་།
བོད་ནང་རྒྱ་རིག་གནས་སྤོ་མང་དྲགས་པས་ས་སྟེང་ འགྲོ་ལམ་མི་རྙེད་པའི་གནས་ཚུལ་འདི་བྱུང་བ་རེད་དང་།
ད་དུང་པོ་ཏ་ལ་ཆག་འཇིག་གཏང་རྒྱུའི་ལྐོག་བྱུས་འདེངས་མེད་པའང་མིན་