རྒྱ་གཞུང་གིས་ཆབ་མདོ་ས་ཁུལ་འཇོ་མདའ་རྫོང་སྤོ་ལུ་དགོན་པའི་དགེ་འདུན་པ་གསུམ་ལ་ཚེ་བཙོན་དང་སྲོག་ཐོག་གི་ཁྲིམས་ཐག་བཅད་ཡོད་འདུག
གསར་ལམ་དུ་གནས་ཚུལ་སྤེལ་བ་ལྟར་ན། རྒྱ་ནག་གཞུང་གིས་ཆབ་མདོ་ས་ཁུལ་འཇོ་མདའ་རྫོང་སྤོ་ལུ་དགོན་གྱི་དགེ་འདུན་པ་བླ་མ་ལྷ་དགའ་དང་བསོད་རྡོ། ཚེ་དབང་རིན་ཆེན་བཅས་གསུམ་ལ་ ༢༠༠༨ ལོའི་ནང་ཆབ་མདོ་ས་ཁུལ་འཇོ་མདའ་རྫོང་སྤོ་ལུ་དགོན་ཉེ་འགྲམ་གྱི་འབྲི་ཆུའི་འགྲམ་དུ་རྒྱ་མི་མང་པོ་སླེབས་ཏེ། གློག་ཁང་རྒྱག་རྒྱུ་དང་གཏེར་ཁ་བསྔོག་འདོན་བྱ་རྒྱུ་ཡིན་པའི་ལས་གཞི་མགོ་འཛུགས་བྱས་ཡོད་པར། གོང་གསལ་དགེ་འདུན་པ་གསུམ་གཙོས་པའི་དགེ་འདུན་པ་ཚོས་དགོན་པའི་ལོ་རྒྱུས་རིང་བོའི་རྟེན་མང་པོ་གཏོར་བརླགས་བཏང་བ་དང་ས་གནས་ནང་གི་གཏེར་ཁང་བསྔོག་འདོན་གྱི་རྒྱ་མིའི་བྱེད་ཐབས་དེའི་རིགས་བཀག་འགོག་བྱ་ཆེད་ཐབས་ལམ་འདྲ་མིན་ཞིག་བཏོན་ཡོད་ནའང་། སྟབས་མ་ལེགས་པར་རྒྱ་རིགས་ཚོ་དང་ལག་འཛིང་ཤོར་ཡོད་སྟབས། ཁོང་གསུམ་སྐབས་དེ་ནས་འཛིན་བཟུང་དང་བཀག་ཉར་བྱས་ཡོད་འདུག
ཉེ་ཆར་རྒྱ་གཞུང་གིས། བླ་མ་ལྷ་དགའ་དང་བསོད་རྡོ་གཉིས་ལ་སྲོག་ཁྲིམས་ཀྱི་ཉེས་ཆད་བཅད་ཡོད་པ་དང་། ཚེ་དབང་རིན་ཆེན་ལ་ཚེ་བཙོན་གྱི་ཁྲིམས་ཐག་བཅད་དེ་ད་ལྟའི་ཆར་སྲོག་ཁྲིམས་སོགས་དངོས་སུ་ལག་བསྟར་བྱས་མེད་ནའང་། ཁོང་གསུམ་ལྷ་ས་བཙོན་ཁང་དུ་བཙོན་འཇུག་བྱས་ཏེ་ནང་མི་གཉེན་འབྲེལ་སུ་ལའང་ཐུག་འཕྲད་ཀྱི་གོ་སྐབས་སྤྲོད་ཀྱིན་མེད་ཚུལ་འདུག
དུས་བབ་རྩོམ་སྒྲིག་པ་ལགས། སྤོ་ལི་དགོན་ཞེས་པ་ལས་སྐོ་ལུ་དགོན་ཟེར་བ་མ་རེད།
ད་སྲོག་ཁྲིམས་ཀྱི་ཉེས་ཆད་བཅད་པ་ནི་རྩེད་མོ་ནང་བཞིན་རེད་འདུག་།
འཕགས་མཆོག་སྙིང་རྗེ་ཆེན་མོ་ཁྱེད་མཁྱེན་ནོ་