དེ་རིང་ཞོགས་པར་ངྷ་སར་གནས་བཞུགས་འཕྲིན་ལས་ལགས་ཀྱིས་གནས་ཚུལ་མཁོ་སྤྲོད་བྱས་པ་ལྟར་ན། ཨ་མདོ་ཀན་ལྷོ་ཁུལ་གཙོས་མཛོ་དགེ་དམེས་པོ་ཞིང་དང་། སྒར་གསར་ཞིང་གཉིས་ཀྱི་བོད་རིགས་ཚོས་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གི་སྐུ་ཚེ་ཞབས་པད་བརྟན་པ་དང་། ཁོང་ཕྱིར་བོད་ནང་གང་མགྱོགས་ཕེབས་ཏེ་གཞིས་བྱེས་ལྷན་འཛོམ་ཡོང་བའི་གསོལ་འདེབས་སྨོན་ལམ་ཆེད། འདས་པའི་ཟླ་གཅིག་རིང་ཐ་མག་དང་ཆང་རག་གཅོད་པའི་ལས་འགུལ་ཞིག་སྤེལ་ཡོད་འདུག་ལ། དེ་རིང་ནི་ཧོར་ཟླ་ ༢ ཚེས་ ༡༡ ལ་འཁེལ་ཡོད་ཅིང་། ཞིང་དེ་གཉིས་ཀྱི་བོད་རིགས་ཚོས་བོད་པའི་སྲོལ་རྒྱུན་གྱི་ཆོ་ཀ་ལྟར་ལ་རྩེ་བསྟོད་ཀྱིན་ཡོད་སྟབས། མི་མང་རྒན་དར་གཞོན་གསུམ་ཚང་མ་འཛོམས་ཡོད་པའི་གོ་སྐབས་དང་བསྟུན་ཏེ། དུད་ཆང་གཅོད་པའི་ལས་འགུལ་དེ་མཐའ་སྡོས་བརྒྱབ་སྟེ། འཕྲོ་ལུས་མེད་པར་གཙང་མ་བཟོ་བཞིན་ཡོད་འདུག
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
དུད་ཆང་མེད་ན་འཕྲོད་བསྟེན་ཡོད།
དུད་ཆང་ཡོད་ན་བག་མེད་ཡོད།
དུད་ཆང་མང་ན་རྙོང་གླེང་མང་།
དུད་ཆང་ཉུང་ན་ལོངས་སྤྱོད་མང་།
ཨོ་་་་་་་་་་མི་ཚོང་རྒྱག་མཁན་ཞིག་གང་ན་ཡོད་
བསྟན་འཇམ་ལགས་་་་་མཐོང་རྒྱ་ཆུང་སོང་པས་་་་མཐོང་ན་འདོད་གི་ཡ
ཨ་ཨ། བསྟན་འཇལ་ལགས་མི་ཚོང་རྒྱག་ཟེར་བ་དེ་གང་ཡིན་ནམ། འཛམ་གླེང་འདིའི་ཐོག་མིས་མི་བཙོང་བ་གང་དུ་ཡོད་དམ། ལོ་ངོ་བརྒྱ་ཁྲག་སྔོན་དུ་མི་ཚོང་བ་དང་ཉོ་བ་ཡོད་ཀྱང་ད་རིང་ཁ་སང་མིན་པ་ཞིག་རེད། གལ་སྲིད་འདི་འདྲ་ཞིག་ཡོད་པའི་དབང་དུ་བཏང་ན་དེ་ཁྲིམ་འགལ་རེད་ལ་ཞབས་འདྲེན་ཡང་རེད།
བཙན་བྱོལ་ནང་ནས་འདི་འདྲ་བའི་ལས་འགུལ་རེ་སྤེལ་ན་བཟང་། བཙན་བྱོལ་ནས་དུད་ཆང་ལས་གཞན་མཚམས་འཇོག་བྱེད་རྒྱུ་ནི་མི་ཚོང་རྒྱག་པ་དེ་མཚམས་བྱེད་ཐུབ་ན་ཡག་པོ་འདུག
བྱ་བ་འདི་ཡག་པོ་རེད། ཡིན་ན་ཡང་འདི་ལ་ལས་འགུལ་གྱི་མིང་བཏགས་ན་ཨ་ཞང་གིས་དོགས་པ་ཟ་རྐྱེན་ལས་ཅང་མེད་ཀི