བོད་དོན་རྒྱབ་སྐྱོར་ཚོགས་པས་རྒྱ་ནག་གཞུང་གི་གནོན་ཤུགས་དེ་དག་འཚེ་བ་མེད་པ་ཙམ་མིན་པར་ཆོད་སེམས་བརྟན་པོའི་ཐོག་གདོང་ལེན་བྱ་དགོས། དེ་ལྟར་མ་བྱུང་ཚེ་བོད་ཀྱི་ལས་འགུལ་དང་ྋགོང་ས་མཆོག་འཛམ་གླིང་གང་སར་ཆིབས་བསྒྱུར་བསྐྱང་རྒྱུར་སྐུ་ངལ་འཕྲད་རྒྱུའི་གནས་སྟངས་ཆགས་མི་སྲིད་པ་མ་རེད། བོད་དོན་རྒྱབ་སྐྱོར་གྱི་ལས་འགུལ་དེ་བོད་དོན་རྒྱབ་སྐྱོར་གནང་མཁན་ཚོའི་རྒྱལ་ཁབ་ཀྱི་ལངས་ཕྱོགས་དང་ཆ་ཤས་ཀྱི་ངོ་བོར་འགྱུར་ཐུབ་རྒྱུར་འབད་བརྩོན་གནང་དགོས་ཅེས་བཀའ་ཁྲི་མཆོག་གིས་གསུངས།
ཕྱི་ཚེས་ ༢༦ ནས་ ༢༨ བར་གྱི་ཉིན་གསུམ་རིང་རྒྱལ་སྤྱིའི་བོད་དོན་རྒྱབ་སྐྱོར་དྲ་བས་གོ་སྒྲིག་འོག ཨེ་ཤ་ཡའི་བོད་དོན་རྒྱབ་སྐྱོར་ཚོགས་པའི་ཚོགས་འདུ་དེ་སྐུ་མགྲོན་གཙོ་བོ་བཀའ་ཁྲི་ཟམ་གདོང་རིན་པོ་ཆེ་མཆོག་གཙོས། ཕྱི་དྲིལ་བཀའ་བློན་དང་ཕྱི་འབྲེལ་དྲུང་ཆེ་མཆོག དེ་བཞིན་ཨེ་ཤ་ཡའི་བོད་དོན་རྒྱབ་སྐྱོར་ཚོགས་པ་ཁག་གི་ཚོགས་མི་དང་བཙན་བྱོལ་བོད་མིའི་གཞུང་འབྲེལ་མིན་པའི་ཚོགས་པ་ཁག་གི་ཚོགས་མི་བཅས་ལྷན་འཛོམས་ཐོག་གངས་སྐྱིད་སྤྱི་ཐབ་ཚོགས་ཁང་དུ་སྐོང་འཚོགས་གནང་ཡོད་ལ། ཚོགས་འདུའི་ཚོགས་མཛད་སྒོའི་སྟེང་བཀའ་ཁྲི་མཆོག་ཆེད་ཕེབས་ཀྱིས་བཙན་བྱོལ་བོད་གཞུང་དང་རྒྱ་ནག་དབང་འཛིན་པའི་བར་གྱི་འབྲེལ་ལམ་གྱི་གནས་བབ་དང་འབྲེལ་བོད་དོན་རྒྱབ་སྐྱོར་བ་རྣམས་ལ་གསུང་བཤད་གནང་ཡོད། ཉིན་དེར་བཀའ་ཁྲི་མཆོག་གིས། བོད་དོན་རྒྱབ་སྐྱོར་ཚོགས་པ་ནི་རང་དབང་ཅན་དང་དང་བླངས་སྡེ་ཚན་ཞིག་ཡིན་སྟབས། བོད་དོན་རྒྱབ་སྐྱོར་ཚོགས་པའི་དམིགས་ཡུལ་དང་ལས་དོན་བྱེད་ཕྱོགས་ཐད་ྋགོང་ས་མཆོག་དང་བཙན་བྱོལ་བོད་གཞུང་གིས་དུས་ནམ་ཡང་ཐེ་བྱུས་དང་ལམ་སྟོན་གནང་གི་མེད། ཡིན་ནའང་། ྋགོང་ས་མཆོག་གིས་བོད་དོན་རྒྱབ་སྐྱོར་ཚོགས་པ་ནི་ང་ཚོའི་སྐྱབས་བཞི་པ་དེ་ཡིན་ཞེས་བཀའ་སློབ་བསྩལ་བ་ནས་བཟུང་བོད་དོན་རྒྱབ་སྐྱོར་ཚོགས་པ་ཁག་གིས་ད་ལྟའི་བར་བོད་དོན་ལ་རྒྱབ་སྐྱོར་ཤུགས་ཆེ་གནང་ཞིང། བོད་ཀྱི་བདེན་དོན་དང་འབྲེལ་བའི་ལས་འགུལ་རྒྱུན་འཁྱོངས་ཡུན་གནས་བྱེད་ཐུབ་ཡོད། ཅེས་གསུངས་བྱུང་བ་དང་། ཡང་བཀའ་ཁྲི་མཆོག་གིས་ཉེ་ལམ་རྒྱ་ནག་གཞུང་གི་དཔལ་འབྱོར་གྱི་གནོན་ཤུགས་འོག་ནུབ་ཕྱོགས་རྒྱལ་ཁབ་མང་པོར་དཀའ་ངལ་འཕྲད་ཀྱིན་ཡོད་པར་བརྟེན། བོད་དོན་རྒྱབ་སྐྱོར་ཚོགས་པས་རྒྱ་ནག་གཞུང་གི་གནོན་ཤུགས་དེ་དག་འཚེ་བ་མེད་པ་ཙམ་མིན་པར་ཆོད་སེམས་བརྟན་པོའི་ཐོག་གདོང་ལེན་གནང་དགོས་པ་དང་། གལ་ཏེ། དེ་ལྟར་མ་བྱུང་ཚེ་བོད་ཀྱི་ལས་འགུལ་དང་ྋགོང་ས་མཆོག་འཛམ་གླིང་ས་གནས་གང་སར་ཆིབས་བསྒྱུར་བསྐྱང་རྒྱུར་སྐུ་ངལ་འཕྲད་རྒྱུའི་གནས་སྟངས་ཆགས་མི་སྲིད་པ་མིན་པའི་སྐོར་དང་། མ་འོངས་པར་ལོ་བཅུ་ཕྲག་དྲུག་ཙམ་འགོར་ཡང་བོད་ཀྱི་གནད་དོན་དེ་སེལ་མ་ཐུབ་བར་དུ་བོད་དོན་རྒྱབ་སྐྱོར་བ་ཚོས་སེམས་ལ་དངངས་འཚབ་མ་གནང་བའི་ཐོག་བོད་དོན་ལས་འགུལ་དེ་རྒྱུན་འཁྱོང་ཐུབ་རྒྱུར་ཐབས་ལམ་ཇི་འདྲ་འཚོལ་དགོས་མིན་དང་མི་རབས་གསར་པ་ཚོར་ལས་འགུལ་དེ་རྩིས་སྤྲོད་ཇི་ལྟར་གནང་དགོས་མིན་ཐོག་བསམ་བློ་གཏོང་དགོས་པ་དང་། ད་ལྟའི་བར་བོད་དོན་རྒྱབ་སྐྱོར་ཐོབ་པ་རྣམས་མང་ཚོགས་ཀྱིས་བོད་མི་ཚོར་བྱམས་སྙིང་རྗེ་དང་དྲང་བདེན་ལ་གཞི་བཅོལ་ནས་རྒྱབ་སྐྱོར་ཐོབ་པ་ཞིག་ཡིན་པ་དང༌། ད་ཆ་དེ་ཙམ་གྱིས་མི་ཆོག་པར་བོད་དོན་རྒྱབ་སྐྱོར་གྱི་ལས་འགུལ་དེ་བོད་དོན་རྒྱབ་སྐྱོར་གནང་མཁན་ཚོའི་རྒྱལ་ཁབ་ཀྱི་ལངས་ཕྱོགས་དང་ཆ་ཤས་ཀྱི་ངོ་བོར་འགྱུར་ཐུབ་རྒྱུར་འབད་བརྩོན་གནང་དགོས་ཞེས་གསུངས་བྱུང་།
ཐེངས་འདིའི་རྒྱལ་སྤྱིའི་བོད་དོན་རྒྱབ་སྐྱོར་དྲ་བས་གོ་སྒྲིག་གནང་བའི་ཚོགས་འདུའི་བརྗོད་གཞི་དང་འབྲེལ་བའི་ཐོག་འདི་གའི་གསར་འགོད་པས་གོ་སྒྲིག་པ་འཇམ་དབྱངས་རྡོ་རྗེ་ལགས་སུ་བཀའ་འདྲི་ཞུས་པར། ཁོང་གིས། ང་ཚོ་བོད་དོན་རྒྱབ་སྐྱོར་དྲ་པས་སྔོན་མར་ཨ་རི་དང་ཡུ་རོབ་རྒྱབ་ཁབ་ཁག་ཏུ་བོད་དོན་རྒྱབ་སྐྱོར་ཚོགས་པའི་ཚོགས་འདུ་ཐེངས་མང་འཚོགས་ཡོད་ཀྱང་། ཐེངས་འདིར་དམིགས་བསལ་ཨེ་ཤ་ཡའི་ས་ཁུལ་གྱི་བོད་དོན་རྒྱབ་སྐྱོར་ཚོགས་པ་རྣམས་མཉམ་རུབ་ཐོག་བོད་ནང་གི་བོད་མི་ཚོའི་ད་ལྟའི་ཛ་དྲག་གི་གནས་སྟངས་དང་མཐུན་པའི་ལས་དོན་བྱེད་ཕྱོགས་དང་། མ་འོངས་པར་ཨེ་ཤ་ཡའི་ནང་ཁུལ་གྱི་བོད་དོན་རྒྱབ་སྐྱོར་ཚོགས་པ་ཁག་གིས་སྔར་ལས་ལྷག་པའི་ནུས་པ་གང་འདྲ་ཞིག་འདོན་དགོས་མིན། དེ་བཞིན་གཞུང་འབྲེལ་མ་ཡིན་པའི་ཚོགས་པ་ཁག་དང་བོད་དོན་རྒྱབ་སྐྱོར་ཚོགས་པ་མཉམ་རུབ་ཀྱིས་ཅི་ཞིག་བསྒྲུབ་ཐུབ་མིན་སོགས་ཀྱི་ཐད་བགྲོ་གླེང་གོ་བསྡུར་དང་རྡོག་རྩ་གཅིག་སྒྲིལ་བྱ་ཆེད་ཡིན། ཐེངས་སྔོན་མ་ ༢༠༠༨ ལོར་རྒྱ་གར་ནང་སྐོང་འཚོགས་གནང་བ་ཡིན་ལ། ཐེངས་འདིར་ཨེ་ཤ་ཡའི་རྒྱལ་ཁབ་ཐའེ་ཝན་དང་ཧོང་ཀོང། བྷང་ལ་ངྷེ་ཤི། ཉི་ཧོང། རྒྱ་གར་བཅས་རྒྱལ་ཁབ་ལྔ་ལྷག་གི་ནང་ཡོད་པའི་བོད་དོན་རྒྱབ་སྐྱོར་ཚོགས་པ་ཁག་གི་ཚོགས་མི་དང་བཙན་བྱོལ་ནང་གི་གཞུང་འབྲེལ་མ་ཡིན་པའི་ཚོགས་པ་ཁག་གི་ཚོགས་མི་བཅས་མི་ ༡༠༠ མ་ཟིན་ཙམ་འདུ་འཛོམས་བྱུང་སྟེ་བགྲོ་གླེང་གོ་བསྡུར་ལྷུག་པོར་གནང་ཡོད། ཅེས་བརྗོད་བྱུང།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ང་རང་ཚོ་བོད་མི་ཞིག་ཡིན་པ་དབང་གི་བོད་དོན་གྱི་ལས་འགུལ་འདྲ་ཞིག་གནང་སྐབས་༸གོང་ས་མཆོག་གི་མཚན་དང་བཀའ་སློབ་བདེ་སྤྱོད་གནང་ན་ལས་དོན་གང་ཡང་སྒྲུབ་ཐུབ་ཀྱི་མ་རེད།
དཔེར་ན་གོང་གི་བསྟན་པ་ཚེ་རིང་ལགས་ཀྱི་གསུང་པ་ལྟར་ཡིན་ནོ།
གང་ལྟར་འདི་ནི་ང་ཚོ་བོད་མི་ཁྲི་མ་འབུམ་གྱིས་སེམས་དབུས་སུ་འཛིན་དགོས་པའི་་གནད་དོན་གལ་ཆེན་ཞིག་རེད། དེ་འདྲ་ཡིན་དུས་ཁྱེད་ཚོ་དྲ་ཁང་དུ་ཡོང་ཡོད་ན་རེད་མེད་ན་རེད་གང་ལྟར་བོད་མི་ཞིག་ཡིན་དུས་རང་གི་བསམ་ཚུལ་གང་ཡོད་དྲ་ཐོག་ལ་སྤེལ་ཐུབ་ཡོད་མེད་གང་ཡིན་རུང་སོ་སོའི་བསམ་ཚུལ་དེ་གངས་ཅན་པ་ཕྱི་ནང་གང་ན་ཡོད་པ་དེ་རུ་གླེང་དགོས་པ་ད་ལྟའི་བོད་མི་ཚོའི་ལས་འགན་གལ་ཆེན་ཞིག་རེད།།
གངས་སྤྲེལཚ་ལགས། ཁྱེད་ཀྱིས་ཟམ་གདོང་གསུང་དེ་རིན་གོང་ཆུང་རུ་འགྲོ་ན། ཁྱེད་དེ་ལས་ལྷག་པའི་་རིན་གོང་ཆེན་པོ་ཞིག་བཀའ་སློབ་གསུང་རྒྱུ་ཡོད་ན་བརྗོད་ཆོག་པ་ལས། དེ་མིན་ཁ་སྟོང་གི་སྐད་ཆེ་དེ་རིག་མགསུང་ན་ལོ།
ལྷ་མོ་ལགས་ཁྱེད་དུས་བབ་ཚང་གི་ལས་བྱེད་ཡིན་དང་་མིན་གལ་སྲིད་མིན་ན་འདི་ལྟར་བཤད་དོན་ཅི་ཡིན་ངས་ཧ་གོ་མ་སོང ་། དུས་བབ་ཚང་གི་སྒྲིག་གཞི་གཤམ་ལ་གསལ་པོར་བྲིས་དང་དེ་ཁྱེད་ཀྱི་མ་མཐོང་བ་ཨེ་རེད།
དུས་བབ་ཀྱི་བེད་སྤྱོད་ཁྲིམས་གཞི།
གཤམ་གྱི་སྲུང་བྱ་དག་ངེས་པར་གཙི་དགོས།
༡། ཡིག་འཁྱམ་དང་ཡིག་འབུ། ཁེ་ཚོང་ཁྱབ་བསྒྲགས་ཀྱི་ངོ་བོ་ཡོད་པའི་དངོས་ཟོག་དང་བརྡ་འཕྲིན་རིགས་ཐད་འགོད་དང་འདྲེན་འགོད་བྱ་མི་ཆོག
༢། གཞན་ལ་གནོད་པ་དང་། འཇིགས་སྐུལ། མཚང་འདྲུ། མིང་ཤོས། ཕྲ་མ། བསླུ་བྲིད། ཆགས་སྲེད། ཚིག་རྩུབ། སྒྲོ་སྐུར་ཡོད་པའི་བརྡ་འཕྲིན་དང་ཁྲིམས་འགལ་གྱི་རྒྱུ་ཆ་རིགས་བཀོད་མི་ཆོག
༣། བོད་ཀྱི་དུས་བབ་ལས་བྱེད་དང་དྲ་རྒྱའི་གླེང་སྟེགས་ཀྱི་སྐུ་མགྲོན་དང་མགོ་འཛིན་པ་གང་རུང་ལ་བརྫུ་བའམ་མིང་དང་མཚན་གནས་བརྐུས་ཏེ་ངོ་ཚབ་བྱ་མི་ཆོག
༤། བརྡ་འཕྲིན་དང་རྒྱུ་ཆ་ངོ་མ་གང་རུང་གི་ཁུངས་མར་བརྫུ་མི་ཆོག
༥། དྲ་ངོས་ནས་ཚོགས་མི་གཞན་གྱི་སྒེར་དབང་རྒྱུ་ཆ་རིགས་བརྐུ་བའམ་དེར་གསོག་ཉར་བྱ་མི་ཆོག
༦། གླེང་སྟེགས་དང་དེའི་བརྗོད་གཞི་ལ་འབྲེལ་བ་མེད་པའི་བརྡ་འཕྲིན་འདྲེན་འགོད་དང་འགྲེམ་འགོད་བྱ་མི་ཆོག
༸། གླེང་སྟེགས་ནང་གི་མི་གཞན་པར་སྟངས་འཛིན་དང་འགོག་རྒོལ་བྱ་མི་ཆོག
༨། མི་རིགས་དང་རིགས་རུས། ཆོ་འབྲང་། ཆོས་ལུགས། ལས་རིགས། ལུང་ཚན། ཕོ་མོ། ལོ་ཚོད། ཁྱིམ་བརྒྱུད་བཅས་ཀྱི་ཐད་ནས་དམའ་འབེབས་དང་ཁྱད་གསོད་བྱ་མི་ཆོག
༩། ཡུལ་ལུང་དང་ས་ཁུལ། རྒྱལ་ཁབ། རྒྱལ་སྤྱི་བཅས་ཀྱི་ཁྲིམས་དང་སྒྲིག་གཞི། ལམ་ལུགས། བཀའ་ཁྱབ་བཅས་ལ་གཏོར་བརླག་དང་གཏོར་བརླག་བྱ་བར་བརྒྱུད་སྐུལ་བྱ་མི་ཆོག
༡༠། གནད་དོན་རྩོད་གླེང་བྱོས། འོན་ཀྱང་། འཁོན་འཛིང་མ་བྱེད། བསམ་ཚུལ་དང་འདོད་ཕྱོགས་ཀྱིས་ཁེངས་པའི་སྤྱི་ཚོགས་ཤིག་ཏུ། མི་རྣམས་ཀྱི་འཐད་ཕྱོགས་མི་འདྲ།
༡༡། ཁྱོད་རང་གིས་གླེང་སྟེགས་སྟེང་སྤེལ་བའི་བརྡ་འཕྲིན་དང་རྒྱུ་ཆའི་ནང་དོན་ལ་ཁྱེད་རང་ཁོ་ནས་འགན་འཁྱེར་དགོས། བོད་ཀྱི་དུས་བབ་ཀྱིས་ཁྱོད་ཀྱི་བརྡ་འཕྲིན་མཐའ་དག་གི་ནང་དོན་ལ་ཞིབ་བཤེར་བྱེད་མི་ཐུབ་པས་བརྡ་འཕྲིན་གྱི་ནང་དོན་དང་རྗེས་འབྲས་ལ་འགན་ལེན་མི་བྱེད། འོན་ཀྱང་། ག་དུས་དགོས་གལ་ལ་ཐུག་དུས་ཁྱོད་ཀྱི་བརྡ་འཕྲིན་དེ་གསུབ་པ་དང་སྤོར་བ། བཅོ་སྒྲིག་སོགས་བྱེད་རྒྱུའི་ཐོབ་ཐོང་ཡོད་དགོས་པ་མ་ཟད། ཁྱོད་རང་དྲ་ངོས་འདིའི་གླེང་སྟེགས་ནས་ཕྱིར་འབུད་བྱེད་པའི་དབང་ཚད་ཀྱང་ཡོད་དགོས།
གོང་གི་སྲུང་བྱ་ཁག་ལ་དུས་བསྟུན་འགྱུར་ལྡོག་དང་བསྒྱུར་བཅོས་བྱེད་སྲིད་པས་རྒྱུན་ཏུ་ནས་ཐུགས་སྣང་བྱེད་རོགས།
དུས་བབ་རྩོམ་སྒྲིག་པ་ལགས། སྟངས་འཛིན་བྱེད་ཀྱི་ཡོད་པ་གོ་ཐོས་བྱུང་བས་ཧ་ཅང་དགའ་པོ་བྱུང་། དུས་བབ་ཀྱི་བེད་སྤྱོད་ཁྲིམས་གཞི་ཟེར་བའི་ནང་འདུག དེར་བརྟེན་འདི་དྲ་གྲོགས་ཚང་མས་ཤེས་ན་ཡག་པོ་འདུག མ་ཟད་ཚང་མ་ལག་བསྟར་ནན་པོ་བྱས་ན་ཡག་པོ་འདུག
བཀའ་ཁྲི་མཆོག་གི་གསུང་བཤད་ནང་ད་ལྟའི་བར་བོད་དོན་རྒྱབ་སྐྱོར་ཐོབ་པ་རྣམས་མང་ཚོགས་ཀྱིས་བོད་མི་ཚོར་བྱམས་སྙིང་རྗེ་དང་དྲང་བདེན་ལ་གཞི་བཅོལ་ནས་རྒྱབ་སྐྱོར་ཐོབ་པ་ཞིག་ཡིན་པ་དང༌། ད་ཆ་དེ་ཙམ་གྱིས་མི་ཆོག་པར་བོད་དོན་རྒྱབ་སྐྱོར་གྱི་ལས་འགུལ་དེ་བོད་དོན་རྒྱབ་སྐྱོར་གནང་མཁན་ཚོའི་རྒྱལ་ཁབ་ཀྱི་ལངས་ཕྱོགས་དང་ཆ་ཤས་ཀྱི་ངོ་བོར་འགྱུར་ཐུབ་རྒྱུར་འབད་བརྩོན་གནང་དགོས་ཞེས་གསུངས་པ་ནི་རིན་གོང་ཆུང་དུ་བཏང་བ་ཞིག་མ་རེད་སྙམ། དེ་ནི་བོད་དོན་རྒྱབ་སྐྱོར་ཚོགས་པ་སོ་སོའི་ལས་འགུལ་གྱི་ངོ་བོ་དེ་རྒྱལ་ཁབ་དེ་དང་དེའི་སྲིད་བྱུས་ཀྱི་ངོ་བོར་འགྱུར་ཐབས་གནང་དགོས་གསུངས་པ་རེད་སྙམ།
ཟམ་གདོང་བླ་མའི་བོད་དོན་ཉིན་རེ་བཞིན་རིན་གོང་ཆུང་རུ་ཆུང་རུ་འགྲོ་ཁུ་ཡོད། ཚོང་པ་ཡོད་ན་ཕེབས་ཤོག གོང་སླ་ཁུ།
དངོས་ཉིད་གཏམ་བཟང་རེད་བཀྲ་ཤིས་ལོ་ལེགས་ཀྱི་གཏམ་བཟང་ཡིན། ཟམ་གདོང་བླ་མ་ཁོང་སྙིང་དབུས་ནས་གུས་སྟོད་ཞུ།