༧གོང་ས་མཆོག་རྒྱ་གར་གྱི་ཧིན་རྡུའི་གནས་མཆོག་ཧ་རི་ཌ་ཝར་དང་རི་ཤི་ཀི་ཤི་བཅས་གནས་ཆེན་ཁག་ཅིག་གི་མཛད་འཕྲིན་གྲུབ་རྗེས་སི་ལོ་ཝེ་ནེ་ཡར་ཆིབས་བསྒྱུར་གནང་འཆར་ཡོད་འདུག
དེ་རིང་ཞོགས་པའི་ཆུ་ཚོད་ ༩ དང་ཕྱེད་ཀའི་སྟེངྋགོང་ས་མཆོག་བཞུགས་སྒར་མི་མང་གི་ཕེབས་སྐྱེལ་ཁྲོད་བཞུགས་སྒར་ནས་གྷ་གྷལ་གནམ་ཐང་དུ་ཆིབས་བསྒྱུརགནང་སོང་ལ། ཁོང་གི་ཐེངས་འདིའི་མཛད་འཕྲིན་གཙོ་བོ་ཁག་ནི། རྒྱ་གར་ཨུ་ཊར་ཀན་ཌར་ Uttarkhand མངའ་སྡེའི་ནང་རྟེན་གཞི་བྱས་པའི་ཧིན་རྡུའི་གནས་མཆོག་ཧ་རི་ཌ་ཝར་ Haridwar དང་རི་ཤི་ཀི་ཤི་ Rishikeesh ཁུལ་ཏུ་ཆིབས་བསྒྱུར་གནང་འཆར་ཡོད་པ་མ་ཟད། ཧིན་རྡུའི་མ་ཧཱ་ཀུམ་བྷ་མེ་ལ་ Maha kumbha Mela ཞེས་པའི་དུས་ཆེན་དུ་ཆིབས་བསྒྱུར་གནང་སྟེ་དེར་ཡོད་མི་མང་ལ་ཆོས་འབྲེལ་དང༌ཧིན་རྡུའི་ཆོས་ལུགས་ཀྱི་ཕྱག་དཔེ་དབུ་འབྱེད། འཛམ་གླིང་ནང་ཞི་བདེ་ཡོང་བའི་ལས་འགུལ་གྱི་སྨོན་ལམ་དུ་ཆོས་ལུགས་རིས་མེད་ཀྱི་བླ་མ་དང་མཁས་དབང་མཉམ་དུ་ལྷན་བཞུགས་དང་འབྲེལ་ཆུ་བོ་གངྒཱའི་གཡས་གཡོན་གྱི་ཁོར་ཡུག་གཙང་བཟོའི་ལས་འགུལ་སྟེང་དུ་མཉམ་ཞུགས་གནང་འཆར་ཡོད་ཡོད་པ་རེད།
ཕྱི་ཚེས་ ༤ ཉིན་གྱི་ཉིན་རྒྱབ་དུ་རྒྱལ་ས་ལྡི་ལིར་ཆིབས་སྒྱུར་བསྐྱང་འཆར་ཡོད་པ་དང་། ཕྱི་ཚེས་ ༥ ཉིན་སི་ལོ་ཝེ་ནི་ཡའི་ slovenia མ་རི་བྷོར་རུ་ཆིབས་སྒྱུར་གནང་སྟེ་དེར་ཡོད་མང་ཚོགས་ལ་སྟོང་ལོ་གསར་པའི་ཀུན་སྤྱོད་ Ethics for the New millennium ཅེས་པའི་བརྗོད་གཞིའི་ཐོག་བཀའ་སློབ་གནང་འཆར་ཡོད་འདུག
གང༧་སྐུ་མཆོག་ནི།
མངོན་རྒྱན་ལས།
ཀུན་ནས་ཞི་དང་ཐམས་ཅད་ལ། །
དུད་དང་ཉོན་མོངས་ལས་རྒྱལ་དང་། །
ཚུལ་ཁྲིམས་ལྡན་ཞིང་འདུལ་བའི་ཆོ་ག་ཤེས།
ནད་པར་སྙིང་བརྩེ་འཁོར་ནི་དག་པ་དང་།
ཆོས་དང་ཟང་ཟིང་ཕན་ཐོག་ལ་བརྩོན་པ།
དུས་སུ་འདོམས་པ་དེ་ཉིད་བླ་མར་བསྔགས།