ས་ཡོམ་ཁྲོད་མི་ ༧༦༠ བསད་འདུག་ཟེར།

ད་རེས་སྐྱེ་དགུ་ས་ཡོམ་གྱིས་གོད་ཆག་ཁྲོད་དུ་གྲྭ་པ་ཚོས་དཀའ་ངལ་ལ་གངོང་ལེན་དང༌། སེམས་ཅན་ལ་སྙིང་བརྩེ་བའི་ཐོག་རང་གི་ལུས་སྲོག་འཕང་པ་རེད་པར་རོགས་རམ་གནང་བ་སྙིང་དབུས་ནས་བཀའ་དྲིན་ཆེ་ཞུ་རྒྱུ་ཡིན། གྲྭ་པ་ཚོ་ད་དུང་ད་རེས་ཙམ་མ་ཡིན་པར། བོད་བསྟན་པ་ཆབ་སྲིད་ཀྱི་དོན་དུ་ཡིན་ན་ཡང་སྔོན་ལ་འདུན་བསྐྱོད་བྱེད་མཁན་གྲྭ་པ་རེད། མི་ཤི་རྐྱེན་ཆག་ལ་སོགས་ལས་དོན་དཀའ་ཁག་ཆེ་སར་གདོང་ལེན་བྱེད་མཁན་གྲྭ་པ་རེད། ལོས་ཡིན་སངས་རྒྱས་བསྟན་པའི་རྗེས་འཇུག མཆོག་གསུམ་གྱི་ཡ་གྱལ། ཕྱག་བྱ་བའི་འོས་སུ་གྱུར་པ་དགེ་འདུན་རིན་པོ་ཆེ། ཤེས་ཡོན་དང༌། ཁོག་རྒྱ་ཆེ་བ། བློ་གཅིག་སེམས་གཅིག་འདི་ལྟར་ན། གྲྭ་པ་ནི་བོད་གངས་ཅན་པའི་བསྟན་པ་དང༌། ཆབ་སྲིད་དེ་བཞིན་སྤྱི་སྒེར་ཀུན་ཕན་ཐོག་ཆེ་བའི་བཀའ་དྲིན་ཅན་ཞིག་རེད་འདུག་སེམས།

གངས་ལྗོངས་གླེང་སྟེགས་དྲ་ཚིགས་སུ་གསལ་བ་ལྟར་ན། གསེར་རྟ་བླ་རུང་ལྔ་རིག་ནང་བསྟན་སློབ་གླིང་གཅིག་པུས་ཀྲུང་སྒོར་ས་ཡ་གཅིག་དང་འབུམ་བདུན་༡༧༠༠༠༠༠གྱིས་ས་འགུལ་གྱིས་གནོད་འཚེ་ཐེབས་པའི་ཡུལ་ཤུལ་ས་ཆར་རོགས་སྐྱོར་བྱས་ཤིང་ད་དུང་ཐེངས་གཉིས་པ་ལའང་མུ་མཐུད་དུ་རོགས་སྐྱོར་བྱེད་འཆར་ཡོད་པར་བཤད་འདུག ཡང་ཀན་ལྷོ་བོད་རིགས་རང་སྐྱོང་ཁུལ་གྱིས་ཁྲི་བརྒྱད་ཅུའི་༨༠༠༠༠༠རོགས་སྐྱོར་བྱས་པར་བཤད་ཅིང་ད་དུང་མུ་མཐུད་དུ་བྱ་འཆར་ཡོད་པར་བཤད་འདུག

ལ་དང་རི་བོ་ག་ཚོད་མཐོ་ན་ཡང།
ནམ་མཁའ་ས་གཞི་ག་ཚོད་ཆེ་ཡང་རུང།
ཁྱེད་ཅག་སྤུན་ཟླ་བློས་བཏང་མི་ཐུབ་པས།
ཡུལ་ཤུལ་བོད་མིའི་ཚེ་སྲོག་སྐྱོབ་ཆེད་འགྲོ།

ཤ་དང་རུས་པ་ག་ཚོད་ཟད་ན་ཡང།
དངུལ་དང་སྒོར་མོ་ག་ཚོད་རྫོགས་ཡང་རུང།
ཁྱེད་ཅག་སྤུན་ཟླ་བློས་བཏང་མི་ཐུབ་པས།
ཡུལ་ཤུལ་བོད་མིའི་ཚེ་སྲོག་སྐྱོབ་ཆེད་འགྲོ།

རང་གི་ལས་དོན་ག་ཚོད་ཆེ་ཡང་རུང།
གཞན་གྱི་དོན་དག་ག་ཚོད་ཆུང་ན་ཡང།
ཁྱེད་ཅག་སྤུན་ཟླ་བློས་བཏང་མི་ཐུབ་པས།
ཡུལ་ཤུལ་བོད་མིའི་ཚེ་སྲོག་སྐྱོབ་ཆེད་འགྲོ།

སེམས་དང་སེམས་མཐུན་བོད་རིགས་སྤུན་ཟླ་རྣམས།
ཤ་དང་ཁྲག་མཐུན་བོད་རིགས་སྤུན་ཟླ་རྣམས།
གཅིག་རྒྱབ་གཉིས་ལང་ལག་པ་དཔུང་བསྒྲིལ་ནས།
ས་ཡོམ་གནོད་སེལ་མྱུར་སྐྱོབ་བྱེད་དུ་འགྲོ།

ད་རེས་ཀྱི་དོན་རྐྱེན་ངན་པའི་འོག་ཏུ་མི་ཤི་ཚད་ངེས་གཏན་མེད་ནའང་རང་གི་སྤུན་མཆེད་ཤིག་གིས་དངོས་སུ་མཐོང་དང་ཧ་གོ་བ་ལྟར་ན་དེ་སྔོན་བེམ་རོ་བཞི་ལྷག་ཡོད་པ་དང་། ད་དུང་ས་འོག་ཏུ་ག་ཚད་ལུས་ཡོད་གསལ་རྟོགས་ཐུབ་མེད་ཅེས་ཁ་པར་འབྱོར་བྱུང། ཕ་མས་བུ་ཕྲུག་གར་ཡོད་མི་ཤེས་པ་དང་། བུ་ཕྲུག་གིས་ཕ་མ་ཅི་བྱུང་མ་ཤེས་པར་ལུས་འདུག་ལ། རྩ་སྟོང་དུ་སོང་བའི་མི་ཚང་ནི་ཉུང་ཉུང་ཞིག་གཏན་ནས་རེད་མི་འདུག ད་དགོན་པ་དང་སློབ་ཁང་དུ་མ་ཡང་མིང་གི་ལྷག་མར་གྱུར་སོང་འདུག་ཟེར། མཚམས་འདིར་ངས་ངེད་གོད་ཆགས་ཐེབས་པའི་ཡུལ་མི་ཚང་མས་ཚབ་ཞུས་ནས་ངེད་ཚོར་གདོང་སེམས་མཉམ་སྐྱེད་དང་སེམས་གསོ་གནང་མཁན་ཡོད་དོ་ཅོག་ལ་ཐུགས་རྗེ་གྲངས་མེད་ཞུ་གི་ཡིན། ཐུགས་རྗེ་བཀའ་དྲིན་ཆེ། ཐུགས་རྗེ་བཀའ་དྲིན་ཆེ། ཐུགས་རྗེ་བཀའ་དྲིན་ཆེ།་་་་་་་་་་་་་་་་་་་་་་་་་་་་་་

མི་ཤི་གྲངས་ལ་ཧེ་བག་ཆེན་པོ་ཡོད་རེད། གསར་ལམ་ཁག་ཏུ་གཅིག་མཚུངས་ཤིག་སླེབས་ཐུབ་ཀྱིན་མེད་པ་རེད། གསར་འགྱུར་འགོད་མཁན་དང་ཀློག་མཁན་གཉིས་ཀས་འགོད་ཤེས་པ་དང་། ཀློག་ཤེས་བྱེད་དགོས་ནི་རེད། འགོད་མཁན་གྱིས་རང་ལ་ངེས་གཏན་མེད་ན། གསར་འགྱུར་གྱི་ཁུངས་ག་རེ་ཡིན་དེ་ཡིས་བཤད་པ་ལྟར་ན་ཟེར་ནས་འགོད་དགོས་ནི་རེད། ཀློག་མཁན་གྱིས་ཀྱང་དེ་ལྟར་ཡིད་འཛིན་དགོས་ནི་རེད། དེ་ལྟར་བྱས་ན་ཁྱོད་རྫུན་པ་རེད། ང་བདེན་པ་ཡིན་སོགས་ཀྱི་རྩོད་པ་ཡོང་དོན་མེད་པ་རེད། འདི་གལ་ཆེན་པོ་རེད། གསར་འགྱུར་ལ་ཡིད་ཆེས་ཡོང་བ་ཕན་ཐོག་ཡོད་པའི་དོན་དག་ཅིག་རེད།

ས་ཡོམ་གོད་ཆགས་འོག་ཏུ་མི་༧༦༠་ཤི་བའི་གནས་ཚུལ་གསར་ལམ་དུ་བསྒྲགས་འདུག་ཀྱང་དེ་ནི་དངོས་བདེན་གང་ཡང་མ་རེད། དཔེར་ན་ཁོ་བོའི་ངོ་ཤེས་དང་ཁྱིམ་མཚེས་གཡས་གཡོན་གཅིག་པུ་ནས་ཀྱང་མི་གྲངས་༢༠༠་ལྷག་ཤི་བའི་མིང་ཐོ་རྣམས་ཁོ་བོའི་གྲོགས་པོའི་ལག་ཏུ་འབྱོར་ནས་བསྔོ་ཞུ་འབུལ་བཞིན་འདུག སྐྱེ་རྒུ་མདོ་རུ་ཁ་པར་བརྒྱུད་ནས་འབྲེལ་བ་བྱེད་དུས་ཁོང་ཚོས་མི་༡༠༠༠༠ལྷག་ཙམ་ཤི་བའི་ཚོད་དཔག་བྱེད་ཀྱི་འདུག དེ་ནི་ཁོ་ཚོས་དངོས་སུ་མཐོང་བཞིན་པ་དང་ལས་ཀ་བྱེད་བཞིན་པའི་ཚོད་དཔག་ཅིག་རེད།

ཁ་སང་དུས་བབ་གསར་འགོད་ཐོག་ཏུ་བོད་མི་༼བོད་མི་ ༧༠༠༠ འདས་གྲོངས་སུ་ཕྱིན་འདུག༽ཅེས་བཀོད་ཡོད་ལ།
དེ་རིང་ ༼ས་ཡོམ་ཁྲོད་མི་ ༧༦༠ བསད་འདུག་ཟེར།༽ བོད་པ་ཚང་གི་གསར་འགོད་འདི་དངོས་གནས་སུན་ནི་ཞིག་རེད། སྐྱག་རྫུན་བོད་ཀྱི་དུས་བབ་གསར་འགོད་ཐོག་ལ་འབྲི་དོན་ཅི་ཞིག་རེད།
དུས་བབ་ཚང་གི་གསར་འགོད་འདི་ལ་ཉན་རྒྱུ་མི་འདུག

ད་རིང་ཞོགས་པར་རྒྱ་གཞུང་གི་འདས་གྲོངས་ཕྱིན་པའི་གྲངས་ཚད་དེ་༧༦༠རེད་འདུག་

སེམས་གསོའི་འཕྲིན་པ་དཀར་པོ།

ལུས་སེམས་གཉིས་ཀ་རྒྱ་ཡིས་བསྡམས་དེ་ཡོད།།
མི་རིགས་ལས་ངན་འདི་ཡི་༧སྐྱབས་མགོན་ཡང་།།
རང་སར་མེད་པའི་སྔ་གཞུག་ཐམས་ཅད་ལ།།
གཞིས་ལུས་བོད་མི་བསམ་དུས་སེམས་པ་སྡུག།

ལྷག་དུ་ད་རེབས་འབྱུང་བའི་གནོད་སྐྱོན་ཁྲོད།།
ཉེས་མེད་བརྒྱ་ཕྲག་འགའ་ཡི་ཚེ་སྲོག་འཕྲོག།
སྐྱེ་སྔོན་ལས་ངན་བསགས་པའི་སྡུག་སྒྲིབ་དག།
ད་རེབས་འདི་ནས་དག་པར་དཀོན་མཆོག་མཁྱེན།།

ཤུལ་ལུས་སྟོང་ཕྲག་མང་བོས་འོ་འབོད་ཀྱིས།།
དཔག་ཚད་ཁྲི་མ་འབུམ་གྱི་ཡུལ་གྲུ་ཀུན།།
བསྐྱལ་ནས་རེ་ས་གཞན་ལས་མེད་པ་ཡི།།
རྒྱུ་འབྲས་ཚུལ་བཞིན་སྲུང་ལ་བརྡ་ཞིག་བསྐྲུན།།

མ་ཎི་ཡི་གེ་དྲུག་མའི་ཞལ་འདེབས་དང་།།
སེམས་དང་བསམ་པ་དྲང་མོའི་བསྔོ་སྨོན་སོགས།།
འཛམ་གླིང་ཡུལ་གྲུ་ཀུན་གྱི་བོད་རིགས་ཚོས།།
འཕོངས་པ་མེད་པར་གནས་དེར་ཆར་བཞིན་ཕབ།།

ད་ནི་རིག་དྲུག་གང་དུ་སྐྱེ་ན་ཡང་།།
སྐྱེ་རྒ་ན་འཆི་རང་ལག་མེད་པ་དེར།།
བསམ་བློ་ཞིབ་དུ་བཏང་ནས་ཤུལ་ལུས་ཚོས།།
སེམས་ཀྱི་རེ་བ་མ་བརླག་འབད་པར་ཞུ།།

རྒྱུ་ཡོད་རྣམས་ཀྱིས་ཞལ་འདེབས་འབྱོར་ངེས་ཡིན།།
རྒྱུ་མེད་རྣམས་ཀྱིས་སྐྱབས་འཇུག་ཞུ་ངེས་ཡིན།།
འགྱུར་མེད་དད་པ་བརྟན་པོས་གསོལ་བ་ཐོབས།།
རྩ་བའི་བླ་མའི་ཐུགས་ལ་ཉེ་རིང་མེད།།

ས་ཡོམ་ཀྱི་གནོད་འཚེ་ཕོག་པའི་བོད་རིགས་སྤུན་ཟླ་བརྒྱ་ཕྲག་མང་པོ་རྐྱེན་འདས་སོང་བ་རྣམས་ལ་ཨོཾ་མ་ཎི་པ་དྨེ་ཧཱུྃ།ཨོཾ་མ་ཎི་པ་དྨེ་ཧཱུྃ།ཨོཾ་མ་ཎི་པ་དྨེ་ཧཱུྃ།ཨོཾ་མ་ཎི་པ་དྨེ་ཧཱུྃ། ཨོཾ་མ་ཎི་པ་དྨེ་ཧཱུྃ།ཨོཾ་མ་ཎི་པ་དྨེ་ཧཱུྃ།ཨོཾ་མ་ཎི་པ་དྨེ་ཧཱུྃ།ཨོཾ་མ་ཎི་པ་དྨེ་ཧཱུྃ།

དེ་རིང་ཁམས་ཁུལ་དགོན་ཁག་རྣམས་ཀྱི་བླ་གྲྭ་མང་པོ་ཞིག་སྐྱེ་རྒུ་མདོར་དུ་ཕེབས་བཞིན་པ། གསེར་རྟ། རྫོགས་ཆེན། དེ་བཞིན་ཆབ་མདོ་ཁུལ་དགོན་ཁག་གཅིག་ཡང་ཕེབས་བཞིན་འདུག་ཟེར་བ་ངོ་ཤེས་ཞིག་གི་ཁ་པར་རྒྱུད་ནས་གསུང་བྱུང་།

དཔལ་རྒྱལ་བ་ཀརྨ་པ་མཆོག་གིས་སྐྱེ་སྐུ་མདོར་ས་ཡོམ་གྱི་ཆག་སྒོ་བྱུང་བར་ཐུགས་གསོའི་གསུང་འཕྲིན་ཞིག་གནང་བའི་ནང་འཁོད་དོན། དེ་རིང་ཞོགས་པ་མཚོ་སྔོན་ཡུལ་ཤུལ་ཁུལ་དུ་ས་ཡོམ་གྱིས་རྐྱེན་པས་མི་ཤི་རྐྱེན་ཆག་ཚབས་ཆེན་བྱུང་བའི་གནས་ཚུལ་ཤེས་རྟོགས་བྱུང་དོན་ལ་ཡིད་སྐྱོ་བ་ཚད་མེད་པ་བྱུང། འདི་ནས་ཁོ་བོ་རང་ཉིད་གཙོ་བོར་གྱུར་པའི་རྒྱ་བལ་འབྲུག་སོགས་སུ་ཡོད་པའི་བཀའ་བརྒྱུད་པའི་དགོན་སྡེ་རྣམས་ཀྱི་རྐྱེན་འདས་སུ་གྱུར་པ་རྣམས་ཀྱི་སྐྱེ་འཆི་བར་དོའི་འཇིགས་སྐྲག་ཞི་བའི་བསྔོ་སྨོན་དང་ཚོགས་གསོག་བྱ་མུས་ཡིན་ལ། ཆོས་བརྒྱུད་རིས་མེད་ཀྱི་སྐྱེས་བུ་དམ་པ་རྣམས་ལའང་སྐྱབས་བསྔོ་འབུལ་བཞིན་ཡོད། ཤུལ་དུ་ལུས་པ་རྣམས་ཀྱང་རྨས་རྐྱེན་གེགས་གསུམ་ལས་མྱུར་དུ་ཐར་ཞིང་འཁོར་བའི་རང་བཞིན་མཐོང་འི་སྒོ་ནས་སེམས་རྒྱ་བསྐྱེད་དེ་ཤི་གསོན་གཉིས་ཀར་སྨན་པའི་དོན་ལྡན་གྱི་བྱ་བར་འབད་འབུངས་ཀྱིས། གཉེན་སྡུག་པ་དང་བྲལ་བའི་སྡུག་བསྔལ་ཡུན་རིང་དུ་མི་མྱོང་བའི་སྨོན་འདུན་ཤུགས་དྲག་བཅས། ཀརྨ་པར་འབོད་པ་ཨོ་རྒྱན་འཕྲིན་ལས་རྡོ་རྗེ་༢༠༡༠ ཟླ་ ༤ ཚེས་༡༤ ཉིན་ཕུལ།།

MESSAGE FROM GYALWANG KARMAPA IN RESPONSE TO DEVASTATING EARTHQUAKE STRIKING THE REGION OF YUSHU IN TSO-NGÖN [QINGHAI PROVINCE]
April 14, 2010
དེ་རིང་ཞོགས་པ་མཚོ་སྔོན་ཡུལ་ཁུལ་དུ་ས་ཡོམ་གྱིས་རྐྱེན་ཆག་ཚབས་ཆེན་བྱུང་བའི་གནས་ཚུལ་ཤེས་རྟོགས་བྱུང་དོན་ལ་ཡིད་སྐྱོ་བ་ཚད་མེད་བྱུང་། འདི་ན་ཁོ་བོ་རང་ིད་གཙོ་བོར་གྱུར་པའི་རྒྱ་བལ་འབྲུག་སོགས་སུ་ཡོད་པའི་བཀའ་བརྒྱུད་པའི་དགོན་སྡེ་རྣམས་ཀྱིས་རྐྱེན་འདས་སུ་གྱུར་པ་རྣམས་ཀྱི་སྐྱེ་འཆི་བར་དོའོ་འཇིགས་སྐྲགས་ཞི་བའི་བསྔོ་སྨོན་དང་ཚོགས་གསོག་བྱ་མུས་ཡིན་ལ། ཆོས་བརྒྱུད་རིས་མེད་ཀྱི་སྐྱེས་བུ་དམ་པ་རྣམས་ལའང་སྐྱབས་བསྔོ་འབུལ་བཞིན་ཡོད། ཤུལ་དུ་ལུས་པ་རྣམས་ཀྱང་རྨས་རྐྱེན་གེགས་གསུམ་ལས་མྱུར་དུ་ཐར་ཞིང་འཁོར་བའི་རང་བཞིན་མཐོང་བའི་སྒོ་ནས་སེམས་རྒྱ་བསྐྱེད་དེ་ཤི་གསོན་གཉིས་ཀར་སྨན་པའི་དོན་ལྡན་གྱི་བྱ་བར་འབད་འབུངས་ཀྱིས། གཉེན་སྡུག་པ་དང་བྲལ་བའི་སྡུག་བསྔལ་ཡུན་རིང་དུ་མི་མྱོང་བའི་སྨོན་འདུན་ཤུགས་དྲགས་བཅས། ཀརྨ་པར་འབོད་པ་ཨོ་རྒྱན་ཕྲིན་ལས་རྡོ་རྗེས་ཕྱི་ལོ་ ༢༠༡༠ ཟླ་ ༤ ཚེས་ ༡༤ ཉིན་ཕུལ།

I was extremely saddened to hear of the catastrophic loss of human life and the severe destruction caused by the recent earthquake in the region of Yushu in Tso-ngön [Qinghai Province]. I am now leading a group of Kagyü monasteries in India, Nepal, Bhutan, and other areas in prayers and virtuous activities dedicated to the deceased, so that their fears of the transitions between life and death may be eased. I am also offering prayers for any great masters from all the Tibetan spiritual lineages whose lives may have been lost.
I am holding the survivors of this tragedy in my thoughts as well, and I hope that aid quickly reaches them. By bearing witness to the harshness of cyclic existence and allowing this to broaden our hearts and minds, may we all be able to extend our effort in meaningful ways, for the sake of both the iving and the dead. I offer my deeply heartfelt aspiration that all affected by this calamity will see the swift easing of the pain of separation from those they love.
The Karmapa, Ogyen Trinley Dorje
April 14, 2010

དེ་རིང་ཕྱི་དྲོ་ཆུ་ཚོད་ ༥ པ་ལ་༧དཔལ་རྒྱལ་དབང་ཀརྨ་པ་མཆོག་གིས་བཀའ་དགོངས་ལྟར་བལ་ཡུལ་བཀའ་དགོན་སྡེ་དོན་ལྷན་ཚོགས་དང་ཀརྨ་པ་སྲི་ཞུ་ཚོགས་པ་གཉིས་ཐུན་མོང་ཐོགས་མཆོད་རྟེན་ཆེ་མོ་བྱ་རུང་ཁ་ཤོར་དང་འཕགས་པ་ཤིང་ཀུན་སོགས་ལ་སེར་སྐྱ་ཕོ་མོ་བརྒྱ་ཕྲག་དུ་མར་སྨོན་ལམ་ཚོགས་པ་དང་མཆོད་མེ་སྟོང་མཆོད་ལྔ་ལྷག་ཕུལ་བ་སོགས་གནང་སོང་ལ། དེ་བཞིན་བལ་ཡུལ་བོད་མི་དང་བླང་ཚོགས་པ་ནས་ཀྱང་སྨོན་ལམ་དང་མཆོད་མེད་སྟོང་མཆོད་ཕུལ་སོང་། ཚེས་ ༡༦ ཉིན་གཞུང་འབྲེལ་ཐོགས་བལ་ཡུལ་གནས་མཁོད་བོད་མི་ཡོང་རྫོགས་མཆོད་འཇོར་ཚོགས་ཁང་དུ་སྨོན་ལམ་ཚོགས་རྒྱུ་དང་། དེ་བཞིན་མདོ་སྟོད་ཆུ་སྒང་ས་གནས་རྒྱུན་ལས་ཁང་དང་། ནང་ཆེན་ཉེར་ལྔ། སྒ་པ་སྐྱིད་སྡུག་སོགས་བོད་མི་སེར་སྐྱ་རྣམས་ནས་གདུང་སེམས་མཉམ་སྐྱེ་མུ་མཐུད་ནས་གནང་རྒྱུ་ཡིན་འདུག །འདས་པོ་རྣམས་ཀྱི་ཆེད་བསྔོ་སྨོན་དང་གསོན་པོ་ས་ཡོམ་འདིའི་གནོད་འཚེའི་འོག་ཏུ་དཀའ་ངལ་མྱོང་བཞིན་པའི་ང་ཚོའི་མི་རིགས་ཀྱི་ཆེད་གཞུང་འབྲེལ་དང་གཞུང་འབྲེལ་མ་ཡིན་པ་ཚོགས་སྐྱིད་ཁག་གང་མགྱོགས་ཐོག་དཔལ་འབྱོར་གྱི་རོགས་པ་རྒྱ་མི་ཆུང་བ་ཞིག་གནང་ཐུབ་ན་དགེ་ཕན་ཆེ་སྙམ།

ད་ལྟ་རང་གནས་ཚུལ་ཐོན་གསལ་ལྟར་ན། པེ་ཅིན་ཆུ་ཚོད་༢༢དང་སྐར་༢༦ཐོག་ནག་ཆུ་ཁུལ་དུ་ས་ཡོམ་རིམ་པ་༤་༥ཅན་ཞིག་རྒྱུགས་འདུག ཁྱབ་ཚད་ཀེ་ལོ་མུས་ཁྲི་༡༠ནང་རེད་ཟེར།

བཙན་བྱོལ་ལ་ཡོད་པའི་བླ་བྲང་རྒྱུ་ཆེན་ཁག་དང་དེ་བཞིན་དགོན་པ་ཁག་དང་ཚོགས་པ་ཁག་སོགས་ལ་ཞུ་རྒྱུ་། ད་ལྟའི་ས་ཡོམ་འདིའི་གནོད་འཚེའི་འོག་ཏུ་དཀའ་ངལ་མྱོང་བཞིན་པའི་ང་ཚོའི་མི་རིགས་ཀྱི་ཆེད་གང་མགྱོགས་ཐོག་དཔལ་འབྱོལ་གྱི་རོགས་པ་མི་ཆུང་བ་གནང་རོགས་ཞེས་རེ་འབོད་ཞུ་བཞིན་ཡོད།
ཐུགས་རྗེ་གཟིགས།

ཐོས་པ་དགའ་ལགས་ཁྱོད་རང་གིས་ག་རེ་གསུང་གི་ཡོད་དམ། ཞལ་འདེབས་ལན་མཁན་ག་པར་འདུག་གམ། ཞལ་འདེབས་ཕུལ་ཆོག ཞལ་འདེབས་བསྡུ་མཁན་ས་གནས་གང་སར་བཀྲམས་རོགས་ཞུ།

ལགས་རེད་བློ་བཟང་ལགས་ གཞུང་དང་གཞུང་འབྲེལ་མིན་པའི་ཚོགས་ཁག་གིས་ཞབས་འདེབས་སྡུ་ན་ཡག་གི་རེད། ཞབས་འདེབས་གཏན་གཏན་སྡུ་གི་རེད་བསམ་གྱི་འདུག་།