འོད་ཟེར་པོད་ཁུག་ལས་བསྒྱུར། ནགས་ཤོད་སད་མི།
ཡུལ་ཤུལ་ས་འགུལ་རྗེས་ཀྱི་ཚེས་ ༡༧ ཉིན། འདས་པོ་ཉིས་སྟོང་ལྷག་གི་ཕུང་པོ་ཞུགས་འབུལ་སྐབས། མི་སེམས་ཚལ་པར་གཏུབས་འགྲོ་བའི་སྐྱོ་གླུ་འདི་འདྲ་གོ་སོང་།
པེ་ཅིང་གསར་འགོད་པ་ཞིག་གི་སྐབས་འཕྲལ་ཟིན་བྲིས་ནང་བཀོད་དོན། ངས་ཁྱོད་ཀྱི་སྐད་ཆ་མི་གོ་ན་ཡང་། ཁྱོད་ཀྱི་སྡུག་བསྔལ་གོ་ཐུབ། འདི་ནི་ངས་ཡུལ་ཤུལ་ས་གནས་སུ་ཕུང་པོ་ཞུགས་འབུལ་སྐབས་རང་གི་ཨ་མ་གྲོངས་པའི་བུ་མོ་ཞིག་གི་སྐྱོ་གདུང་གི་གླུ་དབྱངས་ནང་འཇུག་བྱས་པའི་སྐད་སྒྲ་རེད། དུས་དེར། ང་ངུ་བཞིན་ངའི་གཅེན་གཅུང་ཚོས་འཐེན་གྱིན་པའི་མ་ཎི་འབྲུ་དྲུག་གི་དབྱངས་རྟ་དེ་རྫོགས་རྫོགས་བར་ཉན། མོས་སྤྱན་རས་གཟིགས་བོས་ནས་གསོལ་འདེབས་ནན་མོ་བྱས་པ་མ་ཟད། ཐུགས་རྗེ་ཆེན་མོ་ལ་གསོལ་བ་དྲག་ཏུ་བཏབ། ད་དུང་། ཡང་ནས་བསྐྱར་དུ་ ༸རྒྱལ་བ་བསྟན་འཛིན་རྒྱ་མཚོ་བོས་ནས་གསོལ་སྨོན་ཕུར་ཚུགས་སུ་བཏབ་སོང་། ”
“ ངུ་ངག་དང་སྐྱོ་ཚིག་སྡེབ་པའི་སྐད་སྒྲ་དེ་ནི། བར་དོའི་འཕྲང་འགག་ཏུ་རྐང་རྡོག་སྤོས་ཟིན་པའི་རང་གི་ཨ་མར་བོས་པའི་སེམས་གཏིང་གི་སྨྲེང་གླུ་རེད་ལ་་་་་་་་་་་་་”
གསར་འགོད་པ་འདིས་ད་དུང་སྐབས་དེའི་སེམས་ཚོར་ཡིག་ཐོག་ཏུ་བཀོད་པ་འདི་ལྟར། “ ངས་བར་ཐག་ཉེ་ས་ནས་པར་ལེན་བྱ་མི་འདོད་ལ། རིང་ས་རིང་ས་ཞིག་ནས་ཁོང་ཚོའི་འཆི་གསོན་དང་འདུ་འབྲལ་ལ་ལྟ་བཞིན་ཡོད། ངས་ནང་འཇུག་བྱས་པའི་སྐད་སྒྲ་དེ་ནི། མིའི་རིགས་སུ་གཏོགས་པའི་འགྲོ་བ་ཡོངས་ཀྱིས་གོ་ཐུབ་པའི་ངུ་སྐད་རེད།”
“ དེར་འཁོད་བོད་མི་ཡོངས་ཀྱི་མ་ཎིའི་དབྱངས་རྟ་དེ་ནི། རྒྱུན་གཏན་དང་མི་འདྲ་ལ། ཅི་འདྲའི་རིང་ཞིང་སྐྱོ་ངལ་ལྡན་པ་ཞིག་རེད་པས། ངའི་མིག་ཆུ་ཡང་རྒྱུན་གཅོད་བྱ་ཐབས་བྲལ། ”
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
ངོ་མ་འདི་ལྟར་བོད་མི་ཚོའི་སེམས་གཏིང་ནས་གོང་ས་མཆོག་ལ་དད་པ་དམ་ཚིག་མ་ཉམས་པར་ཡོད་པ་འཛམ་གླིང་མི་དམངས་ཀྱིས་ཀྱང་གང་འཚམ་ཤེས་ཀྱིན་ཡོད་པ་རེད་མོད། རྒྱ་ནག་གིས་མུ་མཐུད་དུ་རྡོག་བརྫིས་གཏོང་བཞིན་ཡོད་པ་འདི་སྐྱོ་བ་ལ།
དྲ་ཚོགས་ཚོས་འོད་ཟེར་ལགས་ཀྱི་ཟིན་བྲིས་མང་ཙམ་མཇལ་རྒྱུའི་རེད་བ་ཡོད། ང་ཚོར་དགོས་པའི་ཡུལ་ཤུལ་སྐོར་གྱི་པར་རིས་དང་། སྐད་ཆ་ཡོངས་རྫོགས་དེ་ན་ཡོད། དྲ་བྱང་འདི་རེད། woeser.middle-way.net
རང་རེ་བོད་རིགས་སྤུན་ཟླ་སྟོང་ཕྲག་མང་པོ་ལ་རང་བྱུང་གི་འབྱུང་བ་འཁྲུགས་པའི་གོད་ཆག་དེ་ལྟ་བུ་བྱུང་བ་ལ་བློ་ཕམ་དང་ཡིད་མུག་ཚད་ལས་འདས་མོད། སུ་ལའང་འཁང་ར་བྱ་ས་མེད་པར། ད་སྐབས་གལ་ཆེ་ཤོས་ནི། རང་རེ་ཀུན་གྱིས་ཕན་ཚུན་རོགས་རམ་ཅི་ནུས་ཀྱིས་གསོན་པོར་གནས་པ་རྣམས་སྲོག་སྐྱོབ་བྱ་ཐབས་ལ་འབད་དགོས།
རང་བྱུང་ས་འོག་བྲག་རྡོ་གཡོ་བའི་རླབས། །
ས་གཞིའི་ངོས་སུ་འཕོས་པའི་རྐྱེན་ངན་གྱིས། །
མི་ཡི་ཚེ་སྲོག་རྟ་རྔར་མཚུངས་པ་ལ། །
བརྒྱ་བྱིན་རྡོ་རྗེའི་ངང་ཚུལ་བྱིན་འདི་སྐྱོ། །
ཡ་ངོ་མ། འོད་ཟེར་ལགས་ནི། བོད་ཀྱི་བུད་མེད་མཁས་ཤིང་དཔའ་བའི་རྩོམ་པ་མོ་ཞིག་རེད། མ་ཟད་མོ་རང་གིས་བོད་དོན་སྐོར་མང་དུ་བྲིས་པ་དང། ལྷག་པར་དུ་གསར་བརྗེ་ཞེས་པའི་དེབ་དེ་ནི་རིན་ཐང་བྲལ་བའི་ལོ་རྒྱུས་ཀྱི་དེབ་ཐེར་ཞིག་རེད། དེ་མེད་ན་རང་རེ་བོད་ལ་གྱོང་གུན་བསམ་བརྗོད་ལས་འདས་པ་ཕོག་པ་དེའང་དུར་སར་སུས་ཀྱང་མི་ཚོར་བར་སྦས་ཚར་བ་ཡོད། འདི་བརྒྱུད་དེ་ཐུགས་རྗེ་ཆེ་ཞུ་འདོད་བྱུང་།
བསྟན་འཛིན་ཤེས་རབ་ ཁྱོད་ནས་འོད་ཟེར་ལགས་ལ་དོགས་པ་ཡོད་ཟེར་བ་དེ་ནི་ཕལ་ཆེར་ཁྱོད་རང་མཐོང་རྒྱ་ཆུང་བའི་སྐྱོན་ཡིན་ཤས་ཆེ། འོད་ཟེར་ལགས་ཀྱི་བོད་དོན་ཐོག་ཕྱག་ལས་གནང་བ་ཉུང་ཉུང་མ་རེད། གཞན་མང་པོར་ལྟ་མ་ཐུབ་ན་ འོད་ཟེར་ལགས་ཀྱི་བརྩམས་པའི་ གསར་བརྗེ། ཞེས་པའི་དེབ་དེར་ལྟོས་དང་མགོ་མཁྲེགས་ཀླད་སྟོང་མིན་ན་ཤེས་ངེས་རེད།
དོགས་པ་ཟ་ཆོག་པ་ཞིག་ཡིན་རང་ཉིད་ཀྱི་ལོང་སུ་སྤྱོད་ཆོག
འོན་ཀྱང་རྒྱུ་མཚན་ཡང་དག་ཞིག་ལ་བསམ་ནས་དོགས་པ་ཟ་དགོས་བ་རེད།
གང་ལྟར་མོ་རང་གིས་གང་གནང་བའི་ཕྱགས་ལས་དེ་དག་གི་བོད་ལ་ཕན་པ་ལས་མི་གནོད་པ་གསལ་པོ་རེད་བསམ
མ་རེད་དམ
ངོ་མ་སྐྱོ་སྣང་དང།་༸གོང་ས་མཆོག་ས་གནས་ས་ཐོག་ལ་ཕེབས་རྒྱུའི་རེ་སྨོན་སྙིང་ཁུང་རུས་པའི་སྟེང་ནས་འདེབས་དགོས་པ་ཞིག་མ་ཡིན་ནམ།
འགྲོ་ཀུན་འཕགས་མཆོག་སྤྱན་རས་གཟིགས་དབང་དང།།
གངས་ཅན་མགོན་པོ་བསྟན་འཛིན་རྒྱ་མཚོ་མཆོག
སྐུ་ཚེ་བརྟན་ཅིང་རི་བོ་པོ་ཏཱ་ལར།།
མྱུར་དུ་ཁྲིར་བཀོད་རྒྱལ་བསྟན་དར་རྒྱས་ཤོག
དངོས་གནས་རེད། དངོས་གནས་སྐྱོ་དགོས་པ་ཞིག་རེད། ཁོང་རྣམས་པའི་ངུ་ངག་གི་ཁྲོད་ནས་རྒྱལ་བ་རིན་པོ་ཆེའི་མཚན་ནས་འབོད་ཅིང་གསོལ་བ་འདེབས་བཞིན་ཡོད།
སྙིང་ཉེ་བའི་སྤུན་གྲོགས་ཚོ། ངས་འདི་ནས་སྐྱོ་གདུང་གི་ངུ་ངག་དང་ལྷན་དུ་མ་ཎི་རེ་མདོན་རྒྱུ་ལས་ཐབས་གཞན་མི་འདུག འཇིག་བརྟེན་གྱི་རང་བཞིན་ནི་འདི་ལྟར་ཡིན་པས་སེམས་རྒྱ་བསྐྱེད་དང་སྤུན་ཟླ་ཚོ།
བསྟན་འཛིན་ཤེས་རབ་ལགས། ཁྱེད་ཀྱིས། ང་རང་འདི་གའི་བོད་མི་དབྱིངས་དང་མི་འདྲ་བར་འོད་ཟེར་ལགས་དོན་ངོ་མར་ཅི་ཞིག་བྱེད་མཁན་ཡིན་པར་དོགས་པའི་ངང་ཡོད། ཟེར། ངས་བལྟས་ན་ཁྱོད་རང་དོགས་པ་ཟ་ས་ནོར་བ་རེད། དོགས་པ་ཡོད་ན་རྒྱུ་མཚན་འགོད་དགོད་དགོས་པ་རེད། འོད་ཟེར་ལགས་ཀྱིས་བོད་ཀྱི་དོན་དེ་རང་དོན་དུ་བརྩིས་ཏེ་རང་སྲོག་བློས་གཏོང་གིས་ཕྱག་ལས་གནང་པ་ད་ལན་ཙམ་མ་རེད། ཧ་གོ་གི་མེད་ན་ཁ་བཙུམ་ནས་བསྡད་ན་ཡག་པོ་ཡོད་རེད། སྐད་ཆ་དྲང་མོ་ཡིན། དགོངས་པ་མ་འགལ་རོགས།
དོན་ངོ་མར་དོགས་པ་བྱེད་དགོས་ས་དེ་ཁྱོད་རང་སོ་སོའི་ཕ་ཡུལ་དུ་འགྲོ་སྐབས་ཡུལ་ལུང་རུ་བྲོས་ཀྱིས་སྡོད་དགོས་པ་བཟོས་པའི་རྒྱབ་ན་སུ་ཡོད་མེད་བརྩད་གཅོད་རྒྱུ་གལ་ཆེ་བ་རེད།
སྤྱིར་ཡིན་ན་ང་རང་འདི་གའི་བོད་མི་དབྱིངས་དང་མི་འདྲ་བར་འོད་ཟེར་ལགས་དོན་ངོ་མར་ཅི་ཞིག་བྱེད་མཁན་ཡིན་པར་དོགས་པའི་ངང་ཡོད། འོན་ཀྱང་ད་ཐེངས་ཀྱི་གོད་ཆགས་འདིའི་ཁྲོད་ཁོ་མོས་རང་ཉིད་ཀྱི་ངོ་དེབ་དང་ཋི་བེ་ཋིར། ཟིན་བྲིས་བཅས་སུ་ལྷག་བསམ་རྣམ་དག་གིས་གནས་ཚུལ་མཁོ་སྤྲོད་དང་། སྐུལ་སློང་སོགས་ཀྱི་བྱས་རྗེས་མི་དམན་པ་ཞིག་གཏོན་སོང་བས་ང་རང་སེམས་འགུལ་གཏིང་ནས་ཐེབས་སོང་། བཀའ་དྲིན་ཆེའོ་འོད་ཟེར་ལགས།