ཡུལ་ཤུལ་སྐྱེ་རྒུ་མདོའི་ས་ཡོམ་གྱི་གོད་ཆགས་ཁྲོད། ཕ་མ་རྐྱེན་འདས་སུ་སོང་བའི་བྱིས་པ་མང་པོ་ཞིག་དྭ་ཕྲུག་ཏུ་གྱུར་ཡོད་པ་དང་། ཕྱི་ཚེས་ ༢༠ ཉིན་དྭ་ཕྲུག་ ༡༥ ཙམ་མེ་འཁོར་ལ་བཞག་སྟེ་པེ་ཅིན་དུ་བསྐྱལ་ཡོད་འདུག་ཅིང་། དྭ་ཕྲུག་དེ་དག་པེ་ཅིན་གྱི་ཞིང་སྡེ་ཞིག་ཏུ་བསྐྱལ་ཏེ་སེམས་ཁམས་གསོ་རྒྱུ་ཡིན་པ་དང་། ཟླ་གསུམ་གྱི་རྗེས་སྐྱེ་རྒུ་མདོའི་གནས་ཚུལ་བདེ་འཇགས་བྱུང་རྗེས་སླར་ཡང་ཡུལ་ཤུལ་དུ་བསྐྱལ་འཆར་ཡོད་འདུག གཞན་ཉིན་འདི་འགར་རྔ་པ་དང་བླ་བྲང་། རེབ་གོང་། མགོ་ལོག་སོགས་ཕྱོགས་སོ་སོ་ནས་ཡུལ་ཤུལ་སྐྱེ་རྒུ་མདོའི་གོད་ཆག་ཁྲོད་ཀྱི་དྭ་ཕྲུག་ཚོར་བདག་པོ་རྒྱག་ཆེད་ཡོང་གིན་ཡོད་པ་མ་ཟད། མཚོ་སྔོན་ཞིང་ཆེན་དང་ཡུལ་ཤུལ་ཁུལ། ས་གནས་རྫོང་བཅས་ཀྱི་འབྲེལ་ཡོད་ལས་ཁུངས་ཁག་ལ་ཁ་པར་བརྒྱུད་འབྲེལ་བ་ཞུས་ཏེ། སྐྱེ་རྒུ་མདོའི་དྭ་ཕྲུག་དག་ལ་གཉོར་སྐྱོང་བྱ་རྒྱུའི་རེ་འདུན་འདོན་བཞིན་ཡོད་འདུག
ཕྱི་ཚེས་ ༢༡ ཉིན་རྒྱ་ནག་དབུས་གཞུང་གིས་གོད་ཆག་ཁྲོད་ཀྱི་དྭ་ཕྲུག་ཚོར་བདག་པོ་རྒྱག་ཕྱོགས་སྐོར་ལ་དོན་ཚན་འགའི་གསལ་བསྒྲགས་སྤེལ་དོན། དང་པོ། དྭ་ཕྲུག་ལོ་ ༡༤ ལ་ལོན་དགོས་པ་དང་ཕ་མ་གཉིས་ཚེ་ལས་འདས་པ་ཡིན་དགོས་ཤིང་། ལོ་ ༡༠ ཡན་གྱི་ཕྲུ་གུ་གཉོར་སྐྱོང་བྱ་ཚེ་དོ་བདག་འཐད་པ་འབྱུང་དགོས། གཉིས་པ། གཉོར་མཁན་ལོ་ ༣༠ ལ་སོན་དགོས་པ་དང་སློབ་གསོ་ཚད་མཐོན་པོ་མྱངས་ཡོད་པ་དང་འཚོ་བའི་ཆ་རྐྱེན་ལེགས་པ། བྱ་བ་ངན་པ་བསྒྲུབས་མ་མྱོང་བ། ནད་ཡམས་གང་ཡང་མེད་པ་བཅས་ཡིན་དགོས། གཉེན་སྒྲིག་བྱས་ཟིན་པ་ཡིན་ཚེ་ཁྱོ་ཤུག་གཉིས་ཀས་སྐྱོང་དགོས་ཤིང་། དྭ་ཕྲུག་གཉོར་སྐྱོང་བྱེད་པར་གཉོར་སྐྱོང་བྱེད་མཁན་ལ་ཕྲུ་གུ་ཡོད་མེད་དང་ཡང་ན་དྭ་ཕྲུག་གཅིག་ཁོ་ན་ལས་གཉོར་སྐྱོང་བྱས་མི་ཆོག་པའི་ཚད་བཀག་མེད། ཕོ་ཧྲེང་གིས་དྭ་ཕྲུག་བུ་མོ་གཉོར་ན། དྭ་ཕྲུག་དང་གཉོར་མཁན་གཉིས་བར་ལོ་ ༤༠ ལས་མ་ཉུང་བ་དགོས། གསུམ་པ། དྭ་ཕྲུག་གཉོར་སྐྱོང་བྱེད་པའི་གོ་རིམ་གཞན་དག་སྲིད་གཞུང་གི་ཡིག་ཆར་གཞི་འཛིན་དགོས། ཞེས་བཀོད་འདུག
སྤྱི་ལོ་༡༩༩༦ ནས་འགོ་འཛུགས་ཏེ་རི་དག་གཙོས་གྲངས་ལས་འདས་པ་བསོད་པ་མ་ཟད་ས་གནས་འདིའི་མི་མང་གིས་གཙོས་སྲུང་སྐྱབས་བྱས་ཀྱང་། མཐར་མ་བོད་རིགས་གཙོས་སྲུང་སྐྱོབས་བྱས་མཁན་འདི་དག་ཡང་བསོད་པ་རེད། བསོད་མཁན་ནི་རྒྱལ་མི་དང་ཟེ་ལིང་གི་ཁ་འཕྱེར་རྒྱལ་མི་འདི་དག་རེད་འདུག། རྒྱལ་མིའི་གསར་འགོད་པ་ཞིག་གི་ཟིན་བྲིས་བྱས་ནས་འཕྱིར་སུ་གློག་རྙེད་བཟོ་ཡོད་པ་མིང་ལ་ཀེ་ཀེ་ཟེ་ལང་འང་可可西里 ཟེར། ཡར་ངལ་བ་གློག་རྙེད་འདི་ལ་གཟིགས།
ང་རང་ཚོའི་བཙན་འབྱོལ་བོད་གཞུང་གིས་ཐབས་ཤེས་གང་དྲག་གནང་ནས་སྐྱེ་རྒུ་མདོའི་དྭ་ཕྲུག་ཚོ་རྒྱ་གར་ནང་ཁྲིད་ཐུབ་པ་ཡིན་ན་དེ་དག་ལ་དངུལ་གྱི་རོགས་རམ་གང་འདྲ་དགོས་པ་ཡིན་ན་ཡང་རོགས་རམ་ཞུས་ཆོག །
ད་ནི་ངོ་མ་ཡིན། སེམས་པར་དངངས་སྐྲག་ལངས་ཀྱི་འདུག བོད་ཕྲུག་དག་གི་མ་འོངས་པ་ལགས་་་་་་་་་་་་
དྭ་ཕྲུག་དེ་དག་ངེས་པར་དུ་བོད་ནང་ལ་གནས་ཐབ་བྱེད་དགོས་པ་ལས། རྒྱ་མི་ཚོར་ནམ་ཡང་བསྐུར་མི་རུང་།
དྭ་ཕྲུག་དེ་དག་གི་འདྲ་པར་མཐོང་དུས་མིག་ཆུ་རང་དབང་མེད་པར་ཤོར་གྱི་འདུག ང་རང་གིས་ཞལ་འདེབས་ཕུལ་པ་རྣམས་དེ་དག་ལ་འབྲེལ་བ་ཐོབ་པར་ཤོག
དེ་དག་གི་བློ་ཁ་བསྒྱུར་ཚར་དུས། ཕྱིར་ལོག་མེད་པ་དེ་འདྲ་ཆགས་ངེས།
ཨ་ཁ། རྩྭ་ཐང་ནས་སྐྱེས་ཤིང་བོད་སྐད་མ་གཏོགས་མི་ཤེས་པའི་བོད་ཀྱི་བྱིས་པ་ཚོར་རྒྱ་ཁོག་ཏུ་ཁྲིད་ནས་རྒྱ་སྐད་ཀྱིས་སེམས་ཁམས་གསོ་རྒྱུ་ཟེར་བ་དེ་ཅི་འདྲའི་དགོད་བྲོ་བ་ཞིག་རེད་ཨང་།
http://www.youtube.com/watch?v=MpunEFwzaas
དྭ་ཕྲུག་དུ་ལུས་པ་དེ་དག་རྒྱ་ནག་སྲིད་གཞུང་གིས་ག་རེ་བྱེད་བྱེད་ལས། བོད་ཕྱི་བསྡོད་པ་དག་ལ་དེ་འདྲའི་རང་དབང་ལྷོད་ལྷོད་ཅིག་ནམ་ཡང་རེག་མི་སྲིད་པ་མངོན་སུམ་མིག་མཐོང་ཡིན་དུས། ངས་འདི་ནས་དེ་དག་གི་ཆེད་དུ་གླུ་གཞས་ཤིག་ཚུར་འདྲེན་ཞུས་ཡོད།