སྙན་བཟང་བོད་རྒྱལ།
ཡུལ་ཤུལ་སྐྱེ་རྒུ་མདོའི་ས་འགུལ་གྱི་འབྱུང་བའི་གནོད་འཚེ་ལས་བསྟན་དོན་གཅིག་ནི། བོད་ཀྱི་ས་ཁུལ་ཕལ་མོ་ཆེའི་དགོན་པའི་སྡེ་གཙོ་བོར་གྱུར་བའི་མང་ཚོགས་དཀྱུས་མ་དང་སློབ་གྲྭ་ཆུང་འབྲིང་ཆེ་གསུམ་གྱི་སློབ་མ་ནས་སྨྱུག་ཐོག་མཁན་མཐོ་དམན་བར་གསུམ་ལ་དབྱེ་བ་མེད་པར་སྐྱེ་རྒུ་བ་རྣམས་ཀྱི་ལུས་སེམས་ཀྱི་སྡུག་བསྔལ་གཅིག་མཚུངས་ལྟར་ཉམས་སུ་མྱོང་བའི་གནས་སྐབས་འདིར། རང་དབང་གི་ཡུལ་ལུང་གང་སར་གནས་ཆགས་པའི་བོད་པའི་མི་བུ་གང་མང་མང་དངོས་གནས་སམ་དོན་དམ་གྱི་ལུས་ངག་ཡིད་གསུམ་བོད་དང་ཁ་གྱེས་ནས་འདུག་པའི་རྟགས་མཚན་གསལ་ལེར་མཐོང་སོང་ཞེས་བརྗོད་པར་འདོད།
མཐོང་ཆོས་སུ་གྱུར་བའི་བོད་ཀྱི་ལོ་རྒྱུས་གང་དུ་བལྟས་ཀྱང་རུང། འདི་དང་འདི་ལྟ་བུའི་འབྱུང་བའི་གནོད་འཚེ་ཞིག་གངས་ཅན་ལྗོངས་སུ་འབོད་པའི་ཡུལ་འདི་ལ་ཕལ་ཆེར་བྱུང་མ་མྱོང་བའི་ཚོད་རེད། རྒྱ་ནག་པ་ཚོས་བོད་པ་ཡིན་ཕྱིན། ཀླ་ཀློ་དང་རྗེས་ལུས་དང་བཙོག་པོ་དང་སྒྱིད་ལུག་གི་ངོ་བོར་ངོས་འཛིན་པ་ནང་བཞིན་གྱིས་ཕྱི་གླིང་བ་དག་གིས་ཀྱང་བོད་པ་ཡིན་ཕྱིན། སངས་རྒྱས་ཆོས་ལུགས་ཀྱི་གདུལ་ཞིང་དང་དེའི་རྗེས་འཇུག་པ་ཁོ་ནར་དགོངས་ནས་བོད་པའི་དད་པ་དག་སྣང་ལ་ཡ་མཚར་མདོག་གི་རྣམ་འགྱུར་སྟོན་པ་ཙམ་མ་ཟད། བོད་ཀྱི་ཡུལ་ནི་གསང་གསུམ་ལྐོག་གྱུར་གྱི་ཡུལ་ཞིག་ཏུ་རློམས་བཞིན་པའི་དུས་འདིར། བོད་རྣམས་ཀྱིས་ནང་ཆོས་ཀྱི་ལྟ་གྲུབ་སྙིང་བོ་སྟེ། སྙིང་རྗེ་དང་བྱང་སེམས་དང་གཞན་སེམས་ཀྱི་བློ་གང་ཞིག་དེང་གི་མི་བུའི་ཚོགས་སྡེ་ནང་བསྒྲུབ་པར་དཀའ་བའི་ཁས་ལེན་སྟོངས་པ་དག་ཡིད་དང་ངག་དང་ཉམས་འགྱུར་གང་གི་ཐད་ནས་མཐོང་ཆོས་སུ་འགྱུར་ཡང། སྐྱེ་རྒུ་མདོའི་ས་འགུལ་གྱིས་འདི་དག་ཕལ་མོ་ཆེ་ནག་གསུབ་བཟོས་སོང་བར་མ་ཟད། རང་དབང་ཡུལ་ལུང་གི་བོད་པ་ཁྱུ་ཚོགས་ཤིག་བོད་པ་མིན་པའང་མཐོང་ཆོས་སུ་གྱུར་སོང།
འབྱུང་བའི་གནོད་འཚེའི་ཆ་རུ་གཏོགས་པའི་ས་འགུལ་ལ་ནི་མི་བུའི་ཚོགས་སྡེ་འདིར་ལེགས་པའི་ཆ་གང་ཡང་མ་རེད་མོད། འོན་ཀྱང་མ་ལེགས་ཁྱིམ་སྟོངས་ཀྱི་ཆག་འཇིག་འདི་ལས་ལེགས་པའི་ཆ་རྐང་གཅིག་མཐོང་ཆོས་སུ་ཡོད་པ་ནི་གཞིས་ལུས་བོད་མིའི་བློ་མིག་གཏོད་སའི་བོད་པ་ཁྱུ་ཚོགས་ཞིག་ཁེ་ཕན་གྱི་བོད་པ་ལས་དོན་དམ་གྱི་བོད་མིན་པའང་ཤེས་སོང་བས། རང་དབང་གི་ཡུལ་དུ་འཚོ་ཞིང་བདེ་བའི་བོད་རྣམས་ཀྱི་ཁ་རྒྱུན་དུ་འཇགས་པའི་སྙིང་རྗེ་དང་བྱང་སེམས་ཀྱི་ཐ་སྙད་འདི་དག་ལ་ཡང་བསྐྱར་བསམ་གཞིགས་གཏོང་དགོས་པ་ཆགས་སོང་བས། ཁོ་བོས་འདི་ལྟར་བརྗོད་དགོས་བྱུང།
ཡུ་གུར་གཙོ་གྱུར་གྱི་མི་རིགས་གཞན་དག་ནི་ཐོབ་ཐང་དང་རང་དབང་དང་འདྲ་མཉམ་དང་རྩིས་ཐང་བཅས་ནས་བོད་རྣམས་དང་གཅིག་མ་གཅིག་མཚུངས་ཀྱི་གནས་སྟངས་འོག་ལྷགས་ཡོད་རུང་སྐྱེ་རྒུ་མདོའི་ས་འགུལ་ལ་བདེན་དཔང་བྱས་སོང་བས། ཁོང་ཚོའི་སེམས་ཤུགས་དང་སྙིང་རྗེ་དང་གདུང་སེམས་དེ་ལྟ་དེ་ལྟར་ལེགས་པའི་ཚོད་འདིར། ཁ་ཁུག་སིམ་མེར་གྲགས་འགུལ་མེད་པའི་བོད་རྣམས་ལ་ཅིའི་ཕྱིར་བོད་དུ་འབོད་དམ་དོན་ལ་གནས་སམ། འདི་ཡང་ང་ལ་བསླབས་པའི་བསླབ་བྱ་ཟབ་མོ་ཡིན།
རྒྱུ་མཚན་དེའི་ཕྱིར། སྙིང་རྗེ་དང་བྱང་སེམས་འདི་ཉིད་རྒྱ་མི་དང་ཐུན་མོང་ཐོན་སྐྱེད་ཚོགས་པར་རྩོད་དགོས་པའི་དུས་མིན་པར། བོད་པ་ནང་ཁུལ་དུ་རྕོད་པའི་རྒྱུ་དང་འབྲས་གཉིས་སྨིན་གྱི་གནས་ཚུལ་མཐོང་སོང་བས། སྐྱེ་རྒུ་མདོའི་ས་འགུལ་གྱིས་དགེ་འདུན་པའི་སྡེ་རྣམས་དཔའ་མཛངས་བརྟུལ་ཕོད་ཅན་གྱི་བོད་མིའི་གདུང་རྒྱུད་ཅིག་དང་ངེད་ཅག་གི་རིགས་ལ་བློ་མིག་དང་སྙིང་རྗེ་དང་བྱང་སེམས་ཀྱི་ཀུན་ནས་བསླངས་ཡོད་པའང་ང་ཚོར་ངོ་འཕྲོད་སོང་བས། ཁོ་བོའི་དད་པ་དང་ཡིད་ཆེས་བརྟན་དུ་གྱུར་སོང་ལ། རྒྱུ་མཚན་དེའི་ཕྱིར། དབང་བསྒྱུར་བའི་བྱ་བྱེད་ལ་འཚིང་འབྲུ་དགག་རྒྱག་བྱེད་པ་ལས་ ཁོ་བོའི་བལྟས་ན། ང་དང་ང་ཡི་རིགས་ཀྱི་བྱ་བྱེད་དང་སྙིང་རྗེ་དང་བྱང་སེམས་ལ་བརྟག་དགོས་པས། འདི་ཡང་ཁྱོད་ཀྱིས་ང་ལ་བསླབས་པའི་བསླབ་བྱ་ཟབ་མོ་ཡིན༎
![A large crowd walks in a market area outside Dadar station in Mumbai, India, Friday, March 17, 2023. [AP Photo/Rajanish Kakade]](https://tibettimes.net/wp-content/uploads/2026/04/Screen-Shot-2026-04-02-at-5.36.58-PM-360x180.png)
དེང་སྐབས་བཙན་བྱོལ་སྤྱི་ཚོགས་ཁྲོད་ཡོངས་གྲགས་ཀྱི་གླེང་གཞི་ཞིག་ཡོད་པ་ནི། ཁམས་ཡུལ་ཤུལ་ཁུལ་གྱི་ས་ཡོམ་དྲག་པོ་དེ་ཡོང་དོན། ཡུལ་ཤུལ་ཁུལ་གྱི་༸གོང་ས་མཆོག་གི་བཀའ་ལ་མ་བརྩི་པར་༢༠༠༩ལོའི་ཡུལ་ཤུལ་རྟ་རྒྱུགས་ཆེན་མོའི་སྐབས་སྲམ་ལྤགས་དང་སྟག་ལྤགས་གཟིགས་ལྤགས་ཡོངས་ཁྱབ་ཏུ་གྱོན་པ་བསྟེན་ནས་བྱུང་བར་བཤད་མཁན་མང་པོ་འདུག་པས། དྲ་གྲོགས་རྣམས་ཀྱིས་ཤོད་དང་དེ་འདྲ་ཡིན་ནམ། གལ་ཏེ་དེ་བདེན་པ་ཡིན་ན་ད་ནི་ཨ་ཕོ་ཧོར་གྱི་ས་ཆར་ཡང་ས་ཡོམ་རྒྱག་རན་མི་འདུག་གམ།
“..ནང་ཆོས་ཀྱི་ལྟ་གྲུབ་སྙིང་བོ་སྟེ། སྙིང་རྗེ་དང་བྱང་སེམས་དང་གཞན་སེམས་ཀྱི་བློ…” I think above phrase should be corrected to like་ ཆོས་ཀྱི་བསླབ་བྱ་སྙིང་བོ་སྟེ། སྙིང་རྗེ་དང་བྱང་སེམས་དང་གཞན་སེམས་ཀྱི་བློ. Because ནང་ཆོས་ཀྱི་ལྟ་བ is Unity in duality and emptiness. Such as བྱམས་པ་དང༌། བརྩེ་བ། བཟོད་སྒོམ། ཆོག་ཤེས། ཚུལ་ཁྲིམས་བཅས་ཀྱི་བསླབ་བྱ་ཉམས་སུ་ལེན་པ་ཆོས་ལུགས་ཚང་མ་གཅིག་མཚུངས་ཡིན་
Thank you!
ཚིག་ཤུགས་ཀྱི་བསྟན་དོན་མ་ངེས་ཚེ་ རིག་རིག་ཡོད་ཚད་ཕྲུ་གུའམ་བླུན་པོའི་ངང་ཚུལ་དུ་འགྱུར་ཉེན་ཆེ་བས་ མི་ཤེས་ན་གཞན་ལ་དྲིས་ མི་རིག་ན་སྒང་ལ་བུད་།
” རང་དབང་ཡུལ་ལུང་གི་བོད་པ་ཁྱུ་ཚོགས་ཤིག་བོད་པ་མིན་པའང་མཐོང་ཆོས་སུ་གྱུར་སོང། ”
What he wants to say? So childish!