བདུན་ཚིཊ་གསུམ་པར་མྱ་ངན་ཞུ།

དྲྭ་གྲོགས་ཤིག་གིས། ཡུལ་ཤུལ་ཁུལ་དུ་ས་ཡོམ་བྱུང་བའི་རྐྱེན་དེ་རྒྱལ་བ་རིན་པོ་ཆེའི་བཀའ་ལ་ཡུལ་ཤུལ་མི་རིགས་ཀྱིས་མ་རྩིས་པར་སྟག་སྤགས་དང་གཟིག་སྤག་སོགས་གྱོན་པས་རེད་ཅེས་བཙན་བྱོལ་སྤྱི་ཚོགས་སུ་བཤད་ཀྱི་འདུག་ཟེར། བདེན་པ་ཡིན་ན་འདི་འདྲའི་སྐད་ཆ་བཤད་སྟངས་ཐབས་སྐྱོ་བ་ལ། དུས་རབས་གསར་པའི་སྤྱི་ཚོགས་ལ་ཡང་འདི་འདྲའི་སྐད་ཆ་བཤད་ན་ངོ་ཚ་དགོས་པ་ཞིག་རེད། གལ་སྲིད་སྟག་སྤགས་དང་གཟིག་སྤག་གྱོན་པས་ས་ཡོམ་བརྒྱབ་ན། མི་ཚེ་ཧྲིལ་པོར་རྒྱལ་བ་རིན་པོ་ཆེ་ལ་དཀའ་ངལ་སྤྲོད་མཁན་རྒྱ་ནག་གི་དཔོན་ཆེན་འདི་ཚོ་ལོ་རེ་བཞིན་ཡར་རྒྱས་ཕུན་སུམཚོགས་པའི་ངོ་བོར་འགྲོ་བཞིན་པ་དེ་རྒྱལ་བ་རིན་པོ་ཆེ་ལ་ཁ་བཏང་བས་རེད་པས།

ཟམ་གདོང་བླ་མའི་འདི་འདྲ་ཟེར་བ་རེད་བཤད་རྒྱུ་འདུག་པའི་དེ་ཕན་ཆེར་བདེན་ངེས་ལ།
སྟབས་མ་ལེགས་པ་ཞིག་ལ་ང་སྐྱེས་ས་ཁམས་ནས་སྐྱེས་པ་རེད། ཡིན་ན་ཡང་རླུང་རྟ་རྒྱུགས་པ་ཞིག་ལ་ང་འཚར་ལོངས་བྱུང་ས་གཙང་ལ་ཡིན་ཟེར་བ་དེ་ད་དངོས་གནས་རེད་འདུག་ག

ཕྱི་ཟླ་ ༥ ཚེས་ ༤ ཉིན་འདས་པོ་རྣམས་ཀྱི་གལ་ཆེའི་བདུན་ཚིགས་གསུམ་པ་འཁེལ་བའི་ཉིན་ྋགོང་ས་སྐྱབས་མགོན་ཆེན་པོ་མཆོག་གི་བཀའ་སློབ་ལམ་སྟོན་ལྟར། ཅེས་པ་དེ་ལ་བཟོ་བཅོས་ཤིག་དགོས་པ་འདུག དེ་ཡང་ཕྱི་ཟླ་ ༥ ཚེས་ ༤ ཉིན་འདས་པོ་རྣམས་ཀྱི་གལ་ཆེའི་བདུན་ཚིགས་གསུམ་པ་འཁེལ་བའི་ཉིན་བོད་ཀྱི་ཆོས་སྲིད་གཉིས་ཀྱི་དབུ་ཁྲིད་ྋགོང་ས་སྐྱབས་མགོན་ཆེན་པོ་མཆོག་གི་བཀའ་སློབ་ལམ་སྟོན་ལྟར། བཅོས་ན་དགོས་པ་ཆེན་པོ་ཡོད་པར་སེམས། ཡིན་ནའང་སྐད་ཆ་འདི་ཚོ་ཁས་ལེན་གྱི་མ་རེད་སེམས་ཀྱི་འདུག

བོད་ལྗོངས་ཆ་འཕྲིན་ལྟེ་གནས་ལས་དྲངས།

༄༅།།ཡུལ་ཤུལ་ཁུལ་གྱི་ཁུལ་དཔོན་གྱིས་གྲྭ་པས་ཡོམ་འགོག་གེགས་སེལ་ཁྲོད་ནུས་པ་གང་ལེགས་འདོན་སྤེལ་བྱས་ཡོད་ཅེས་གསུངས་པ།
སྤེལ་དུས།　2010-04-29　　 ཡོང་ཁུངས།　ཀྲུང་གོའི་མི་རིགས་དུས་ཚགས། 　　 རྩོམ་པ་པོ། 　ལྷག་ཚེས་བསྒྱུར།ཟླ་གཞོན་ནས་ཞུས།

༼ཡིག་གཟུགས་ཀྱི་ཆེ་ཆུང་། ཆེ། འབྲིང་། ཆུང་། ༽

སྤྱི་ཟླ༤པའི་ཚེས༢༢ཉིན། སྨྱན་སྦྱོར་ཚན་པ་ཁག་ཅིག་གིས་ཡུལ་ཤུལ་གེགས་ཁུལ་དུ་རོགས་སྐྱོབ་དང་ས་ཡོམ་ཁྲོད་ཚེ་ལས་འདས་པ་རྣམས་ལ་མྱ་ངན་ཞུ་བར་ཞུགས་པའི་གྲྭ་པ་དག་ཕྱིར་འབུད་བཏང་བའི་གནས་ཚུལ་སྤེལ་ཡོད་པ་དེར། མཚོ་སྔོན་ཞིང་ཆེན་ཡུལ་ཤུལ་བོད་རིགས་རང་སྐྱོང་ཁུལ་གྱི་ཁུལ་དཔོན་ཝང་ཡུས་ཧུའུ་ཡིས། “ང་ཚོས་རྣམ་པ་གང་རུང་གི་ཐོག་ནས་གྲྭ་པ་དག་གེགས་ཁུལ་དུ་བསྐྱོད་དེ་ཡོམ་འགོག་གེགས་སེལ་གྱི་ལས་དོན་ནང་ཞུགས་པར་བཀག་འགོག་བྱས་མེད་ལ། གྲྭ་པ་དག་གེགས་ཁུལ་ནས་ཁ་བྲལ་དགོས་པའི་བཀའ་ཡང་བཏང་མེད་”ཅེས་གསུངས་པ་རེད།

ཁོང་གིས་ད་དུང་།“ཐེངས་དེའི་ཡུལ་ཤུལ་གྱི་རོགས་སྐྱོབ་ལས་དོན་ཁྲོད། རྒྱལ་ཡོངས་ཀྱི་གོང་འོག་ཚང་མར། གྲྭ་པ་དང་མི་སེར། མི་རིགས། ས་ཁོངས་སོགས་ཀྱི་དབྱེ་བ་མེད་པར། ཚང་མས་མཐུན་སྒྲིལ་རྡོག་རྩ་གཅིག་བསྒྲིལ་གྱིས། ཡོམ་འགོག་གེགས་སེལ་གྱི་ལྕགས་རི་རིང་པོ་བསྐྲུན་པ་དེའི་ཐོག་ནས། འཆམ་མཐུན་སྤྱི་ཚོགས་ཀྱི་འདུ་ཤེས་དང་ཀྲུང་ཧྭ་མི་རིགས་ཁྱིམ་ཚང་ཆེན་མོའི་གཅིག་སྒྲིལ་སྟོབས་ཤུགས་དེ་དངོས་སུ་མཚོན་ཐུབ་ཡོད་ལ། གྲྭ་པ་རྣམས་ཀྱིས་ཀྱང་གེགས་སེལ་ཁྲོད་རང་ཉིད་ཀྱི་འདོན་པར་འོས་པའི་ནུས་པ་གང་ལེགས་འདོན་སྤེལ་བྱས་ཡོད་”ཅེས་གསུངས།

དགོང་ལོ༤༦ལ་ཕེབས་པའི་བླ་མ་འཇམ་གནས་ལགས་ནི་ཡུལ་ཤུལ་རྫོང་ཨ་ཁྲོ་ཤང་དར་རྒྱས་དགོན་པའི་དགོན་སྡེ་བདག་གཉེར་ཁང་གི་འགན་འཛིན་པ་ཞིག་ཡིན་པ་དང་། དར་རྒྱས་དགོན་པ་ནས་སྐྱེ་རྒུ་གྲོང་རྡལ་བར་གྱི་བར་ཐག་ལ་སྤྱི་ལེ༡༥༠ཙམ་ཡོད་ཅིང་། ས་ཡོམ་བརྒྱབ་རྗེས། བླ་མ་འཇམ་གནས་ལགས་ཀྱིས་དགོན་པའི་གྲྭ་པ༨༣ཙམ་གྱི་སྣེ་ཁྲིད་དེ་སྐྱེ་རྒུ་དགོན་དུ་བསྐྱོད་ནས། ཁང་པ་ཞིག་རོའི་ནང་མི་འཚོལ་སྐྱོབ་དང་། རྐྱེན་ལམ་དུ་ཤོར་བའི་འདས་པོའི་སྐུ་ཕུང་སྔོག་འདོན་གྱི་བྱ་འགུལ་ནང་ཞུགས་པ་རེད།

བླ་མ་འཇམ་གནས་ལགས་ཀྱིས་གསུངས་པ་ལྟར་ན། སྤྱི་ཟླ༤པའི་ཚེས༡༧ཉིན་གྱི་ཉིན་གུང་བར། ཁོང་དང་ཁོང་གིས་སྣེ་ཁྲིད་པའི་གྲྭ་པ་རྣམས་ཀྱིས་ཁྱོན་བསྡོམས་མི༢༦གི་སྲོག་སྐྱབས་པ་དང་ ཁང་པ་ཞིག་རོའི་ཁྲོད་ནས་སྐུ་ཕུང༣༨སྔོག་འདོན་བྱས་པ་རེད།

བླ་མ་འཇམ་གནས་ལགས་ནས།“ནང་བསྟན་ཆོས་ལུགས་ལྟར་ན། མི་ཚེ་ལས་འདས་པའི་ཉིན་གྲངས་གསུམ་གྱི་ནང་། ལུས་སེམས་མཉམ་དུ་གནས་པ་དང་། ཉིན་གསུམ་གྱི་རྗེས་ནས་རྣམ་ཤེས་ལུས་དང་ཁ་བྲལ་གྱི་ཡོད། དེར་བརྟེན། སྐུ་ཕུང་ཁང་པ་ཞིག་རོའི་ཁྲོད་ནས་སྔོག་འདོན་བྱས་རྗེས་དེ་དག་བར་དོའི་འཕྲང་ལམ་ནས་གྲོལ་བའི་ཆོ་ག་དག་བསྒྲུབ་དགོས། སྤྱི་ཟླ༤པའི་ཚེས༡༧ཉིན། ང་ཚོས་ཀྱང་ཁང་པ་ཞིག་རོའི་ཁྲོད་ནས་སྔོག་འདོན་བྱས་པའི་སྐུ་ཕུང་དེ་དག་དགོན་པའི་ནང་བསྐྱལ་ནས། དེ་དག་ལ་བར་དོའི་འཕྲང་ལམ་ནས་གྲོལ་བའི་ཆོས་ལུགས་ཀྱི་ཆོ་ག་དག་བསྒྲུབ་པ་ཡིན།”ཞེས་གསུངས།

ཁོང་གིས་ད་དུང་། “ང་ཚོས་ཆོས་ལུགས་ཀྱི་ཆོ་ག་དེ་འདྲ་བསྒྲུབ་པར། ས་དེ་གའི་སྲིད་གཞུང་གིས་བཀག་འགོག་བྱས་མེད་པར། ད་དུང་སྐུལ་འདེབས་གནང་ཡོད། སྲིད་གཞུང་གིས་གྲྭ་པ་དག་མྱུར་སྐྱོབ་ལས་འགུལ་ནང་ཞུགས་པར་འགྲོ་མི་ཆོག་པའི་བཀའ་བཏང་ཡོད་པ་རེད་ཟེར་བ་དེ་འདྲ་ཡེ་ནས་ཐོས་མ་མྱོང་། ”ཞེས་གསུངས་པ་རེད།

ཟམ་གདོང་བླ་རྒན་འཁྱམས་ཉུལ་བྱེད་པས་ལས་བོད་པའི་བདེ་དོན་དང་འཛིན་སྐྱོང་གི་ལས་ཀར་དུས་ཁོམ་པ་འདྲ་ཧ་ཧ་ཧ

བསྔོ་སྨོན་ཙམ་ལ་གོང་ས་མཆོག་གི་བཀའ་དགོངས་ལ་བརྒུག་ནས་བྱེད་མི་ཕོད་པའིབཙན་བྱོལ་བོད་གཞུང་གི་རྐུབ་སྟེགས་ཐོག་བསྡད་འཁན་དག་གིས་བོད་ཀྱི་ཁྱིམ་བཞིས་གསར་པ་དེ་ཇི་ལྟར་འགོ་འཛུགས་ཐོབ་བམ

བོད་ཕྱི་ནང་གཉིས་ཀའི་བདེ་སྡུག་ལ་བལྟ་མི་ཐུབ་མཁན་གཞུང་དགོས་གལ་ཡང་མི་འདུག གང་མགྱོགས་ཕྱིར་བསྡུ་བྱེད་ནས་ཡག་ཤོས་རེད། ཟམ་གདོང་ཁོ་རང་བཀའ་ཁྲི་ཚར་རན་ཡོད་རེད། དེ་དང་མཉམ་དུ་བོད་གཞུང་དེ་སྒོ་བརྒྱབ་ན་ཡག་ཤོས།

ད་ཐེངས་གི་བཀའ་ཤག་འདི་གོང་ས་མཆོག་གི་བཀའ་དགོངས་ཁོ་ནར་རེ་སྒུག་བྱེད་མཁན་ཡིན་པས་རང་ངོས་ནས་ནུས་པ་སྟོན་ནས་ལས་དོན་བྱེད་མི་ཤེས་མཁན་ཞིག་ཡིན་པ་འདྲ། དངོས་གནས་བྱས་ན་མྱ་ངན་མཆོད་འབུལ་དང་ཞལ་འདེབས་བསྡུ་སློང་ཚང་མ་གཞུང་རང་གི་འགན་ཁུར་ནས་ལས་དོན་བྱེད་དགོས་པའི་གལ་གནད་གཅིག་མཐོང་ཡང༌། དེ་ལྟར་གནང་མ་སོང་བའི་བློ་ཕམ་གྱི་རང་བཞིན་རེད། ཡུལ་ཤུལ་ཞལ་འདེབས་བསྡུ་སློང་ཚོགས་ཆུང་དེའི་ནང་བྱུང་འཛིན་འབྲི་མི་ཤེས་མཁན་རྐྱང་རྐྱང་རེད་འདུག་ཞལ་འདེབས་དངོས་རྣམས་གནོད་འཚེ་ས་ཁུལ་ལ་གང་འདྲ་སླེབས་ཐུབ་ཡོང་བསམ་པའི་བློ་དོགས་སྐྱེ་དགོས་པ་ཞིག་རེད། དེ་ནི་བོད་གཞུང་གི་དགུ་བཅུ་གསུམ་གྱི་ཚོགས་གཙོ་བཙོས་པའི་མགོ་བདེ་དྲན་འཕྲུལ་ཅན་འགའ་རེར་སླར་ཡང་གོ་སྐབས་ཡག་པོ་ཞིག་གནང་འདུག

བདུན་ཚིགས་གསུམར་པར་དམིགས་བསལ་གྱིས་སྨོན་ལམ་སོགས་འདོན་རྒྱུ་ཟེར་ན་དགའ་འོས་པ་ཞིག་ཡིན་མོད། འདི་ལྟ་བུ་ཞིག་ཀྱང་༧གོང་ས་མཆོག་གི་བཀའ་སློབ་ལམ་སྟོན་ལ་མ་བརྟེན་པར། རང་ཐོག་ནས་བྱེད་མི་ཤེས་པར་བརྟེན་ཡིད་ཕམ་གི དངོས་གནས་བྱས་ན་བདུན་ཚིགས་དང་པོའི་གོ་སྐབས་དེ་གསེར་ལས་ལྷག་པའི་གོ་སྐབས་རྩ་ཆེན་ཡིན་ཡང་། དེ་མུར་ལུས་སོང་བ་དེ་རེད།