མི་ལོ་ལྔ་བཅུའི་ལེགས་རྩོམ་ཕྱོགས་བསྒྲིགས་ཀྱི་ཡོངས་ཁྱབ་གསལ་བསྒྲགས།
པེན་བོད་ཀྱི་རྩོམ་པ་པོའི་མཐུན་ཚོགས་ནས་བཙན་བྱོལ་བོད་ཀྱི་མི་ལོ་ལྔ་བཅུའི་རྩོམ་རིག་གི་ཚད་གཞི་མཚོན་བྱེད་དུ། སྙན་དངགས་དང། བརྩམས་སྒྲུང། ལྷུག་རྩོམ། དཔྱད་བརྗོད་བཅས་ཀྱི་ལེགས་རྩོམ་ཕྱོགས་བསྒྲིགས་ཀྱི་དེབ་བཞི་འདོན་སྤེལ་བྱེད་རྒྱུ་ཡིན་ན། ད་སྔ་དུས་དེབ་གྲགས་གྲས་སོགས་སུ་རྩོམ་ཡིག་གང་མང་སྤེལ་མྱོང་བའི་རྩོམ་པ་པོ་རྒན་དར་གཞོན་གསུམ་རྣམ་པས་རང་རང་གི་བརྩམས་ཆོས་གང་དག་ལས་ལེགས་ཤོས་གསུམ་ལས་མ་མང་བ་རེ་ལྷན་དུ་ངོ་སྤྲོད་མདོར་བསྡུས་རེ་དང་འདྲ་པར་རེ་བཅས་འདི་ལོའི་སྤྱི་ཟླ་བརྒྱད་པ་བར་ལ་གཤམ་གསལ་གློག་འཕྲིན་ཁ་བྱང་གཉི་གའི་ཐོག་གཏོང་གནང་ཡོང་བ་ཞུ།
འདས་གྲོངས་སུ་ཕྱིན་པ་དང་ད་ལྟ་བོད་ནང་དུ་ཕྱིར་ལོག་ཟིན་པའི་རྩོམ་པ་པོ་དག་གི་བརྩམས་ཆོས་འདི་ག་མཐུན་ཚོགས་རང་ནས་འདེམས་རྒྱུ་ཡིན།
དེབ་བཞི་ཕྱོགས་བསྒྲིགས་ཟིན་རྗེས་སླར་ཡང་རྩོམ་ལུས་མི་འདྲ་བ་སོ་སོ་ལས་ཨང་དང་པོ་ནས་གསུམ་པའི་བར་གྱི་ལེགས་རྩོམ་འགྲན་སྡུར་གྱི་གཟེངས་རྟགས་ཤིག་ཀྱང་འབུད་ཐུབ་ན་སྙམ། གཟེངས་རྟགས་རྩོམ་ཡིག་འདེམས་མཁན་ནི་ལེགས་རྩོམ་ཕྱོགས་བསྒྲིགས་ནང་ལ་ཚུད་པའི་རྩོམ་པ་པོ་རྣམ་པ་བྱས་ན་ལེགས་སྙམ་མོད། དགོངས་ཚུལ་གཞན་ཡང་ཡོད་ན་གསུང་བར་རིགས།
འདས་གྲོངས་སུ་ཕྱིན་པའི་རྩོམ་པ་པོ་དག་གི་བརྩམས་ཆོས་ལེགས་རྩོམ་འགྲན་སྡུར་གྲས་སུ་འཇོག་འོས་མིན་ཡང་རྩོམ་པ་པོ་རྣམ་པའི་དགོངས་འཆར་ལ་ཉན་རྒྱུ།
སོ་སོས་རྩོམ་ཡིག་དུས་ལྟར་མ་བསྐུར་ན་ང་ཚོར་འགན་མེད། བསྐུར་བྱུང་བ་རྣམས་ལས་ཀྱང་རྩོམ་ཡིག་ཚད་གཞི་མ་ལོངས་པའི་རིགས་ཕྱིར་འཐེན་བྱ་རྒྱུའི་དབང་ཚད་འདི་ག་མཐུན་ཚོགས་ཀྱི་རྩོམ་སྒྲིག་ཚོགས་ཆུང་ལ་ཡོད་པ་བཅས།
tibpen@yahoo.com chapbrag@gmail.com
པེན་བོད་ཀྱི་རྩོམ་པ་པོའི་མཐུན་ཚོགས་ནས།
ཆབ་བྲག་ལྷ་མོ་སྐྱབས།
༢༠༡༠།༥།༢།
རྙོག་དྲ་མེད་པ་ཞིག་དགོས་ན་་་་་་ལས་དོན་གང་ཡང་བསྒྲུབ་མི་རུང་། ཁ་རོག་གེར་་ ཁུ་སིམ་མེར་བསྡད་ན་རྙོག་དྲ་གང་ཡང་མེད། དེ་མིན། ལས་དོན་ཆེན་པོ་ཆེ་བསྒྲུབ་པར་རྩོམ་ཚེ། བོད་མི་རེ་ཟུང་གི་ཁོག་པར་ཟུག་ལངས། མིག་ལ་གཟེར་རྒྱག་ནས་གང་ས་གང་ནས་འུར་ལངས་སེ་བུད་འགྲོ།
ཨོ་རེད། གལ་སྲིད་མི་དེ་དག་གི་རྩོམ་ཆག་དེ་ཚོ་ཡང་ལེགས་འདེམས་ཡིན་ཁུལ་གྱིས་པར་བསྐྲུན་ཞུས་དང་ན་ཡང་རྙོག་དྲ་མེད་འགྲོ་བའི་ཐབས་ཤིག་ཡོད་པ་རེད། གང་ལྟར། དེའི་རིགས་ཀྱིས་རྩོམ་ཡང་བྲི་མི་ཤེས་པས་ད་ཅི་བྱེད། རྗེས་ལུས་ནང་གི་ཡང་ལུས། དུད་འགྲོ་ནང་གི་བེད་མེད་དེ་ཚོ་་་་་ད་ངོ་མ་ ཧ ཧ ཧ ཧ ཧ ད་ལྟད་མོ་བལྟ་རྒྱུ་ཡོད་རྒྱུ་རེད། དཀར་རོ་དགེ་ཕྱོགས་གན་་་་་
བོད་ཀྱི་རྩོམ་པ་པོའི་མཐུན་ཚོགས་ཀྱི་ལས་གཞི་ཡག་པོ་འདུག བཙན་བྱོལ་གྱི་མི་ལོ་ལྔ་བཅུའི་རིང་གི་བོད་ཀྱི་རྩོམ་རིག་གི་བྱུང་འཕེལ་རྟོགས་བྱེད་ཀྱི་བརྩམས་ཆོས་ཕྱོགས་བསྒྲིགས་ངེས་པར་དུ་གནང་དགོས་པ་ཞིག་རེད། དེས་ན་དེ་ཡང་ཉ་ཉོག་མང་བོ་མ་བསྲེས་ཚད་གཞི་ཞིག་གི་ཐོག་ནས་འདེམས་སྒྲིག་བྱ་ཐུབ་ཞིག་གནང་གལ་ཆེ། བཅད་ལྷུག་སྤེལ་མའི་རིགས་གང་ཡིན་ན་ནམ་རྒྱུན་རྩོམ་པ་པོ་སོ་སོས་ཤུགས་རྒྱག་སའི་ཕྱོགས་དེ་འདེམས་ཐུབ་ན་ཡག་པོ་མེད་འགྲོ་དྲན་གྱིན་འདུག དཔེར་ན་རྩོམ་པ་པོ་ཞིག་ཡིན་ན་རྩོམ་སྣ་ཚོགས་འབྲི་གིན་ཡོད་ནའང་ཁོང་གིས་ནམ་རྒྱུན་ཤུགས་རྒྱག་ས་དེ་བརྩམས་སྒྲུང་ཡིན་ན་གཙོ་བོ་བརྩམས་སྒྲུང་གི་ཕྱོགས་འདེམས་རྒྱུ་གལ་ཆེ། དེ་ནས་དཔྱད་རྩོམ་དང་བརྩམས་སྒྲུང་། སྙན་ངག ལྷུག་རྩོམ་སོགས་སྡེ་ཚན་གང་ཡིན་ན་རྩོམ་པོ་གཅིག་ལ་ས་མིག་གཅིག་མ་གཏོགས་མེད་ན་ལེགས། དེས་འདེམས་སྒྲིག་དང་རྩོམ་ཡིག་སྤུས་ཚད་ཇེ་ལེགས་སུ་འགྲོ་རྒྱུར་ཕན་ཐོགས་པ་རེད།
རྩོམ་ཡིག་འདེམས་སྒྲིག་གནང་མཁན་ལ་མཁས་པ་གདན་འདྲེན་ཞུ་ཐུབ་ན་བཟང་།
དཔེར་ན།
སྤྲེལ་ནག་པ་བློ་གྲོས་དཔལ་བཟང་། ཤེས་རབ་དར་རྒྱས། ཀླུ་སྨྱོན་ཧེ་རུ་ཀ ཨ་འཇམ་དབྱངས་ཚུལ་ཁྲིམས། ཆབ་བྲག་ལྷ་མོ་སྐྱབས། གཟུངས་ཕྱུག་སྐྱིད།
ལྷ་ཆབ་སྦྱིན་པ།
འདི་དག་གི་དགའ་ཞིག་མི་འདུག སྤྱིར་ཆབ་སྲིད་ཀྱི་རྩོམ་ཡིག་འབྲི་མཁན་མང་ནི་རེད། དེ་དག་གིས་གསར་འགྱུར་ལྟ་བུའི་རྩོམ་ཡིག་སྤེལ་རྒྱུ་མ་གཏོགས་སྒྱུ་རྩལ་རིག་ལ་བལྟ་རྒྱུ་ཁག་པོ་རེད།
བོད་ཀྱི་རྩོམ་པའི་མཐུན་ཚོགས་ཀྱི་ལས་གཞི་ཡག་པོ་འདུག བཙན་བྱོལ་གྱི་མི་ལོ་ལྔ་བཅུའི་རིང་གི་བོད་ཀྱི་རྩོམ་རིག་གི་བྱུང་འཕེལ་རྟོགས་བྱེད་ཀྱི་བརྩམས་ཆོས་ཕྱོགས་བསྒྲིགས་ངེས་པར་དུ་དགོས་པ་ཞིག་རེད། དེས་ན་དེ་ཡང་ཉ་ཉོག་མང་བོ་མ་བསྲེས་ཚད་གཞི་གི་ཐོག་ནས་འདེམས་སྒྲིག་བྱ་ཐུབ་ཞིག་གནང་གལ་ཆེ། བཅད་ལྷུག་སྤེལ་མའི་རིགས་གང་ཡིན་ན་ནམ་རྒྱུན་རྩོམ་པ་པོ་སོ་སོས་ཤུགས་རྒྱག་སའི་ཕྱོགས་དེ་འདེམས་ཐུབ་ན་ཡག་པོ་མེད་འགྲོ་དྲན་གྱིན་འདུག དཔེར་ན་རྩོམ་པ་པོ་ཞིག་ཡིན་ན་རྩོམ་སྣ་ཚོགས་འབྲི་གིན་ཡོད་ནའང་ཁོང་ནམ་རྒྱུན་ཤུགས་རྒྱག་ས་དེ་བརྩམས་སྒྲུང་ཡིན་ན་གཙོ་བོ་བརྩམས་སྒྲུང་གི་ཕྱོགས་འདེམས་རྒྱུ་གལ་ཆེ། དེ་ནས་དཔྱད་རྩོམ་དང་བརྩམས་སྒྲུང་། སྙན་ངག ལྷུག་རྩོམ་སོགས་སྡེ་ཚན་གང་ཡིན་ན་རྩོམ་པོ་གཅིག་ལ་ས་མིག་གཅིག་མ་གཏོགས་མེད་ལེགས། དེས་འདེམས་སྒྲིག་རྩོམ་ཡིག་སྤུས་ཚད་ཇེ་ལེགས་སུ་འགྲོ་རྒྱུར་ཕན་ཐོགས་པ་རེད།
རྩོམ་ཡིག་འདེམས་སྒྲིག་གནང་མཁན་ལ་མཁས་པ་གདན་འདྲེན་ཞུ་ཐུབ་ན་བཟང་།
དཔེར་ན།
སྤྲེལ་ནག་བློ་གྲོས་དཔལ་བཟང་། ཤེས་རབ་དར་རྒྱས། ཀླུ་སྨྱོན་ཧེ་རུ་ཀ ཨ་འཇམ་དབྱངས་ཚུལ་ཁྲིམས། ཆབ་བྲག་ལྷ་མོ་སྐྱབས། གཟུངས་ཕྱུག་སྐྱིད།
ལྷ་ཆབ་སྦྱིན་པ།
འདི་དག་གི་དགའ་ཞིག་མི་འདུག སྤྱིར་ཆབ་སྲིད་ཀྱི་རྩོམ་ཡིག་འབྲི་མཁན་མང་ནི་རེད། དེ་དག་གིས་གསར་འགྱུར་ལྟ་བུའི་རྩོམ་ཡིག་སྤེལ་རྒྱུ་མ་གཏོགས་སྒྱུ་རྩལ་རིག་ལ་བལྟ་རྒྱུ་ཁག་པོ་རེད།
ལས་འགུལ་འདི་ལེགས་རྩོམ་སྤེལ་ཐབས་རེད། ཡག་པོ་འདུག དེབ་བཞི་ལས་ལྷག་ཡོང་བའི་རེ་སྨོན་ཞུ།
དཔྱད་འདེམ་བྱེད་ན་རྙོག་དྲ་མེད་པ་ཞིག་ཡོང་ཐུབ་ཀྱི་མ་རེད། འདི་ནི་ཆོས་ཉིད་ཅིག་རེད། རྩོམ་རིག་གི་ཕྱོགས་གང་སར་མིག་རྒྱ་སེམས་རྒྱ་ཡངས་པའི་ཆབ་བྲག་ལྷ་མོ་སྐྱབས་དང་ཤེས་རབ་དར་རྒྱས། བློ་གྲོས་དཔལ་བཟང་། ཆུང་ཚེ་རིང་བཞིས་རྩོམ་ཡིག་ལེགས་འདེམས་དང་ཐག་གཅོད་བྱས་ན་བསམ་འཆར་མེད། རྒྱུ་མཚན་ནི་མི་འདི་བཞི་རང་རེའི་སྤྱི་ཚོགས་སྟེང་གི་ཅུང་རང་ཚུགས་ཅན་གྱི་ཤེས་ཡོན་པར་གྲགས་ཤིང་གྲུབ་པས་སོ།།
ལོ་ངོ་ལྔ་བཅུའི་རྩོམ་ཡིག་འགྲན་བསྡུར་གྱི་རྩ་ཁྲིམས།
༼གཤམ་གསལ༽
1༽ལེགས་འདེམས་རྩོམ་སྒྲིག་ཚོགས་ཆུང་གི་ཚོགས་མི་རྣམས་ཀྱི་རྩོམ་ཡིག་འགྲན་ཚོགས་འདིར་མཉམ་བཞུགས་མི་ཆོག་པ་ངེས་པར་བཟོ་དགོས།
2༽མ་མཐའ་དཔྱད་ཞིབ་དྲུག་ལས་མ་ཉུང་བའི་ཚོགས་མི་དགོས།
3༽ཚོགས་མི་སོ་སོའི་ཉམ་ཞིབ་མཐར་ཕྱིན་གནང་ཏེ་གསང་བའི་ཐོག་སྐར་མ་སྤྲོད་དགོས་པ་མ་ཟད་རང་ཉིད་ཉམ་ཞིབ་བྱས་པའི་རྩེར་སོན་རྩོམ་ཡིག་གསུམ་ལ་འབུར་དུ་ཐོན་པའི་རྒྱུ་རྩལ་དང་ཉམས་འགྱུར་ཡར་མཐོན་ཁྱད་ཆོས་གང་ལྡན་བསམ་ཚུལ་ཐུང་ངུ་རེ་ངེས་པར་འབྲི་དགོས།
4༽ཕྱོགས་བསྒྲིགས་བྱེད་པོ་བོད་ཀྱི་རྩོམ་པ་པོའི་མཐུན་ཚོགས་ཀྱི་རྒྱུན་ལས་པ་རྣམས་དང་ལེགས་འདེམས་མཉམ་འཛོམས་ཐོག་ལེགས་འདེམས་པ་སོ་སོའི་སྤྲད་པའི་སྐར་གྲངས་རྣམས་མཉམ་རུབ་ཀྱི་སྡོམས་དགོས།
5༽ལེགས་འདེམས་པ་རྣམས་ཀྱི་རང་རང་གི་སྤྲད་པའི་སྐར་མཐོ་ཤོས་ཀྱི་རྩོམ་ཡིག་གསུམ་གྱི་ཁྱད་ཆོས་བརྗོད་པའི་བསམ་དེའང་རྒྱུན་ལས་པ་རྣམས་དང་ལེགས་འདེམས་རྣམས་ཀྱི་རྒྱུད་སྒྲག་གནང་དགོས།
6༽ལེགས་འདེམས་པ་ཁག་དང་རྒྱུན་ལས་པ་རྣམས་ཀྱི་དབར་ལ་དགོང་ཚུལ་དང་དགོང་པ་བཞེས་ཕྱོགས་མི་འདྲ་བ་ཡོངས་སྲིད་ཀྱང་བགྲོ་གླེང་བྱས་མི་ཆོག་ཞབས་འདྲེན་ཞུ་རོགས་ཡིན།
7༽གྲོང་ཟིན་པའི་རྩོམ་པ་པོ་དག་གི་མཛད་རྗེས་ལ་མངགས་བརྗོད་ཞུ་དགོས་པ་མ་ཟད་ཁོང་རྣམས་ལ་ཆེ་མཐོང་བྱ་དགོས་ཀྱང་། ད་རེས་འགྲན་ཚོགས་འདིའི་དམིགས་ཡུལ་གཞོན་སྐྱེས་རྣམས་རང་མི་རིགས་ཀྱི་རིག་གཞུང་ལ་ཐུགས་གནང་བསྐུལ་དེད་ཡོང་རྒྱུའི་ཆེད་ལགས་ན་ཁོང་རྣམས་འཇིག་རྟེན་གཞན་དུ་ཕེབས་ཟིན་པས་འགྲན་བསྡུར་འདིར་བཞུགས་ཐབས་མེད་པ་ཡིན།
གོང་གསལ་རྩ་ཁྲིམས་དེ་དག་དང་འགལ་མེད་བྱ་དགོས་པ་དགོངས་བཞེས་བཞུ། ཧཧཧ
དཔྱད་རྩོམ་གྱི་ལེགས་འདེམས་པའི་མི་འགྲོ་ནི། དྲ་གྲོགས་ཁང་གསར་རྡོ་རྗེ་ལགས་དང་། དུས་བབ་རྩོམ་སྒྲིག་པ་ལུང་རིགས་རྒྱལ། ནོར་གླིང་ཉམས་ཞིབ་པ་རྡོ་རྗེ་དབང་ཕྱུག་བཅས་བྱུང་ན་སེམས།
སྙན་ངག་ལེགས་འདེམས་པའི་མི་འགྲོར། བེར་སྨྱོན་འཇིགས་མེད་དབང་རྒྱལ། ཀླུ་སྨྱོན་ཡེ་ཤེས་རྒྱ་མཚོ། རྡོ་རྦིས་བསྟན་འཛིན་ཤེས་རབ་བཅས་བྱུང་ན་སེམས།
སྒྲུང་རྩོམ་ལེགས་འདེམས་པའི་མི་འགྲོར། ཟ་ལེ་རྒྱལ་རི་སྐྱེས་ཁ་བ་འཚོ། བརྩེ་དུང་གི་རྒྱལ་སྲས་བོད་ཤ་ཁྲག་རུས་གསུམ། སྒོ་མང་རྔ་བ་ཤེས་རབ་བཅས་བྱུང་ན་སེམས།
ལྷ་མོ་གསང་བའི་མིང་ཡིན། །
ལྷ་མོ་སྐྱབས་ལ་གསང་ཡོད། །
གསང་མི་ངོ་འཕྲོད་བྱུང་ན། །
ལྷ་མོ་སྐྱབས་ནི་ཉོབ་འགྲོ །
ཧཧཧཧཧཧ།
ལྷ་མོ་སྐྱབས་ལགས་ལྷུག་རྩོམ་དང་། སྒྲུང་རྩོམ་ཐད་ཡག་པོ་གང་འཚམས་འབྲི་མཁན་ཞིག་རེད། དེའི་སྤྱིར་བྱས་ན་ལེགས་འདེམས་ཚོགས་མའི་འོས་ཆོས་ཚང་ཡང་། ད་དུང་གནས་ཚུལ་གཅིག་ཡོད་པ་ནི་རྩོམ་ཡིག་བྲི་མཁན་གྱི་སྐྱེ་བོ་དེ་ཚོ་སུ་ཡིན་ཧ་གོ་ན་ལྷ་མོ་སྐྱབས་ཀྱིས་དྲང་པོ་བྱེད་ཀྱི་མ་རེད། དེ་བརྒྱ་ཆ་བརྒྱ་ཐག་བཅད་ཆོག་པའི་གནས་ཚུལ་ཞིག་རེད། དེར་བརྟེན་ཐེངས་འདིར་ཁོ་རང་ལེགས་འདེམས་ཚོགས་ཆུང་ནང་རྩ་བ་ནས་མ་བསྡད་ན་ཡག་པོ་འདུག
ང་ལ་དབང་ཆ་ཡོད་ན། ལྷ་མོ་ལགས་ཁྱེད་རྩོམ་ཡིག་འདེམས་པར་བསྐོ་བཞག་བྱེད།
གྲོངས་ཟིན་པ་ཞིག་ཇི་ལྟར་བྱས་ནས་ལེགས་རྩོམ་འགྲན་བསྡུར་གྱི་གྲས་སུ་ཞུགས་དགོས་རེད། དེ་བས་འགྲན་བསྡུར་ནང་མ་བཅུག་ན་ལེགས།
གཟེངས་རྟགས་རྩོམ་ཡིག་འདེམས་མཁན་ནི་ལེགས་རྩོམ་ཕྱོགས་བསྒྲིགས་ནང་ལ་ཚུད་པའི་རྩོམ་པ་པོ་རྣམ་པ་བྱས་ན་ལེགས་སྙམ་མོད། ཟེར་བ་བཞིན་བྱས་ན་དྲང་བདེན་ཞིག་རྩ་བ་ནས་ཡོང་གི་མ་རེད།
༡ རྩོམ་ཡིག་འདེམས་མཁན་དེ་རྩོམ་ཡིག་བསྐུར་མཁན་ནང་ཡོད་ན་དྲང་པོ་རྩ་བ་ནས་ཡོང་གི་མ་རེད།
༢ རྩོམ་ཡིག་འདེམས་མཁན་དེ་ཚོས་རྩོམ་ཡིག་བྲི་མཁན་སུ་ཡིན་མི་ཤེས་པ་བྱེད་དགོས།
༣ རྩོམ་དེབ་མ་བཏོན་གོང་ལ་ལེགས་འདེམས་བྱས་ཟིན་པ་བྱེད་དགོས།
༤ རྩོམ་ཡིག་གི་སྡེ་ཚན་སོ་སོ་ལ་མཁས་པའི་ལེགས་འདེམས་ཚོགས་ཆུང་འཛུགས་དགོས།
༥ རྩོམ་པ་པོ་མཐུན་ཚོགས་ཀྱི་ལས་བྱེད་སུ་རུང་ལེགས་འདེམས་ཚོགས་ཆུང་ཁག་ནང་ཡོད་མི་རུང་།
༦ ལེགས་འདེམས་རྩོམ་ཡིག་ཕྱོགས་བསྒྲིགས་བསྡུ་རུབ་བྱེད་ཀྱི་ཡོད་པ་ཆོལ་གསུམ་བོད་ཀྱི་ཕྱི་སྡོད་རྩོམ་པ་པོ་གྲགས་ཆེ་བ་ཚང་མས་མ་གོ་མ་ཐོས་མེད་པ་བཟོ་དགོས།
དཔྱད་རྩོམ་དེ་གླང་དར་མའི་མགོ་ལ་ར་ཡོད་མེད་དང་། སྲོང་བཙན་སྒམ་པོ་ག་དུས་འཁྲུངས་མིན་སོགས་ཀྱི་སྐོར་ཡིན་ན་ཕན་པ་གང་ཡོད་མ་རེད་སེམས། དེ་བས་བརྗོད་གཞི་རང་འདོད་ཐོག་དཔྱོད་སྟོབས་གསར་པ། གནད་འགག་གསར་པ་དེ་འདྲ་རང་དབང་གི་ཐོག་ནས་གླེང་ཐུབ་ན་དགེ་མཚན་ཡོད་པ་རེད་སྙམ།
རྩོམ་རིག་སྡེ་ཚན་སོ་སོ་ལ་ཞིབ་དཔྱོད་པ་ཉུང་མཐར་གསུམ་རེ་དགོས། སྙན་ངག་ལ་མཁས་པའི་རྩོམ་པ་པོ་དེ་ཚོས་སྙན་ངག་གི་རྩོམ་ལ་ཞིབ་དཔྱོད་བྱས། སྒྲུང་རྩོམ་ལ་མཁས་པའི་རྩོམ་པ་པོ་དེ་ཚོས་དེ་བཞིན་བྱས། གལ་ཆེ་ཤོས་དེ་དཔྱད་རྩོམ་ཞིབ་འཇུག་པ་དེ་ཚོ་ལྟ་གྲུབ་འདྲ་མིན་གྱི་ཕྱོགས་སུ་ལྷུང་བ་མིན་པར་དཔྱད་རྩོམ་གྱི་རྩོམ་ལུས་ཧྲིལ་པོའི་བརྗིད་ཚད་ལ་ལྟ་ཤེས་མཁན་དེ་འདྲ་ཡོད་དགོས་རྒྱུ་ཧ་ཅང་གལ་ཆེ་བ་ཡིན་ལ། རང་དབང་གི་དཔྱད་བརྗོད་སྤྱི་ཚོགས་ཐོག་རྩོམ་པ་པོའི་མཐུན་ཚོགས་ཀྱིས་རང་དབང་གི་སྒོ་ནས་མངོན་པར་བྱེད་ཐུབ་པ་དགོས་པའི་རྩ་དོན་ཞིག་ཆགས་ཡོད། དེ་མིན་ཚིགས་བཅད་རེ་ཟུང་དང་། རང་མོས་རེ་ཟུང་བསྒྲིགས་པའི་དེབ་ཞིག་བཏོན་ན་ཕན་པ་ག་ཚོད་ཡོད་མིན་ནི་དྲི་བ་ཞིག་རེད།
ཡག་པོ་འདུག་་་བཀའ་དྲིན་ཆེ་།རེ་བ་བྱས་ནས་བསྡད་ཡོད།
རྩོམ་ཡིག་འདེམས་སྟངས་དེ་སྦྲང་ཆར་རྩོམ་རིག་བྱ་དགའ་འདེམས་སྟངས་ལྟར་གློག་པ་པོ་ཡོངས་ལ་འདེམས་ཤོག་འགོང་སའི་འགོང་ཤོག་གམ་ཡང་ན་དྲ་གནས་ངོས་སུ་འདེམས་ཐུབ་པའི་ཆ་རྐྱེན་བྱུང་ན་ཅུང་རྣམ་པ་གསར་བ་དང་སྤུས་དག་པ་ཞིག་ཡོང་གི་སྙམ།
རྩོམ་པ་པོ་རྒན་རབས་དང་ཤེས་ཡོན་པ་ཁ་ཤས་ལ་འདེམས་སུ་འཇུག་པའི་ལུགས་སྲོལ་དེ་ནི་རྩོམ་པ་པོ་རྙིང་པ་དག་གི་ལྟ་བ་དང་འདོད་ཚུལ་ཀྱི་ཕྱོགས་སུ་ལྷུང་བའི་ཉེན་ཁ་ཤིན་ཏུ་ཆེ་བས།ཐེངས་འདིར་ན་གཞོན་རྩོམ་པ་པོ་ཚོར་གོ་སྐབས་དང་འདུ་ཤེས་དང་ལྟ་བ་གསར་བའི་དཔུང་ཤུགས་ཅང་ཆེ་རུ་ཕྱེ་ཐུབ་པའི་རེ་བ་ཧ་ཅང་ཆེ།
ད་ནི་མཐུན་ཚོགས་འདིས་སྣེ་ཁྲིད་དེ་སྐྱུགས་ལྡད་རྩོམ་རིགས་ཀྱི་གཤིས་ཀ་ཡོངས་སུ་བསྒྱུར་ཏེ་གསོན་ཤུགས་ཀྱིས་བཏེགས་པའི་རྩོམ་རིགས་གང་མང་སྤྱི་ཚོགས་སུ་བསྟར་ཐུབ་པའི་སྨོན་འདུན་རིང་པོ་བྱེད་ཀྱིན་ཡོད།
དེ་ནི་ངེས་པར་དགོས་ངེས་ཤིག་རེད། ཐུགས་རྗེ་ཆེ་ཞུ། རྩོམ་ཡིག་འདེམས་སྟངས་དེ་འགྲིག་གི་མི་འདུག་སྙམ་གྱི་ཡོད། གང་ཡིན་ཟེར་ན། དེ་ནི་རྩོམ་པ་པོ་ཚད་ལྡན་ལྔ་ནས་བདུན་བར་གྱི་འདེམས་སྒྲུག་ཚོགས་ཆུང་ཞིག་བཙུགས་ཏེ། དེས་འཚོལ་ཞིབ་དང་འདེམས་སྒྲུག་བྱས་པ་ཡིན་ན། ད་གཟོད་རྩོམ་ཡིག་ལེགས་ཤོས་ཟེར་ན་འདྲ། ཚད་གཞི་མཐོ་ཤོས་ཀྱི་རྩོམ་ཡིག་དེ་ཚོ་ལེགས་འདེམས་ཐུབ་ཀྱི་རེད།
ད་ལྟ་ནས་གསལ་པོ་ཆགས་དགོས་པ་གཞན་ནི། ལེགས་འདེམས་རྩོམ་སྒྲིག་ཚོགས་ཆུང་དེ་རྩོམ་པ་པོ་ཚད་ལྡན་ཤ་སྟག་གིས་གྲུབ་པ་ཞིག་རེད་དམ། ཡང་ན། མཐུན་ཚོགས་ཀྱི་རྒྱུན་ལས་རྣམ་རེད། རྒན་ལགས་ནས་དེའི་སྐོར་གསལ་བཤད་ཅིག་གནང་ན་ལེགས།
ཡག་པོ་རེད་བོད་མི་རིགས་ཀྱི་རིགས་གཞུང་ལ་དོ་སྣང་ཡོང་སླད་དེ་ལྟར་བྱས་འགྲིག་འདུག