བོད་རྒྱལ་ཡོངས་རྩེད་རིགས་ཚོགས་པས་འགྲན་བསྡུར་གྱི་ལམ་ནས་མ་དངུལ་བསྡུ་རུབ་བྱས་ཏེ་སྐྱེ་རྒུ་མདོའི་ས་ཡོམ་བྱུང་ཡུལ་གྱི་མི་མང་ལ་ཞལ་འདེབས་འབུལ་རྒྱུ་ཡིན་ཟེར།
དེ་རིང་ཞོགས་པར་བོད་རྒྱལ་ཡོངས་རྩེད་རིགས་ཚོགས་པའི་གོ་སྒྲིག་འོག་ངྷ་ས་མཚན་ཉིད་གྲྭ་ཚང་གི་དཔེ་མཛོད་ཁང་དུ་གསར་འགོད་ལྷན་ཚོགས་ཤིག་བསྐྱངས་གནང་སོང་ལ། སྐབས་དེར། བོད་རྒྱལ་ཡོངས་རྩེད་རིགས་ཚོགས་པའི་ཚོགས་གཙོ་སྐལ་བཟང་དོན་འགྲུབ་ལགས་ཀྱིས་གསུངས་དོན། ལོ་ལྟར་རྒྱ་གར་རྒྱལ་ཡོངས་ནང་ཁུལ་ཏུ་ངྷ་མལ་མེལ་མོ་རེ་རྟགས་མའི་རྒྱ་གར་རྒྱལ་ཡོངས་ཀྱི་རྐང་རྩེད་སྤོ་ལོ་རྩེད་འགྲན་ཞིག་འཚོགས་ཀྱིན་ཡོད་པ་ལྟར། འདི་ལོ་སྐབས་ཉེར་གཉིས་པའི་རྩེད་འགྲན་དེ་ཟླ་འདིའི་ཕྱི་ཚེས་ ༧ ཉིན་ནས་ ༡༡ བར་ཀང་ར་རྫོང་གི་རྩེད་ཐང་དུ་འགྲན་བསྡུར་བྱ་འཆར་ཡོད་པ་དང་། ཐེངས་འདིར་བོད་རྒྱལ་ཡོངས་རྐང་རྩེད་སྤོ་ལོ་རུ་ཁག་ཡང་འཛུལ་ཞུགས་ཀྱི་གོ་སྐབས་བྱུང་སྟེ། དབུ་འབྱེད་མཛད་སྒོའི་སྟེང་ཇཱ་མོ་ནེ་དམག་མིའི་རུ་ཁག་དང་མཉམ་དུ་རྩེད་འགྲན་གྱི་གོ་སྒྲིག་གནང་ཡོད་འདུག ཡིན་ཡང་། ང་ཚོའི་ངོས་ནས་རྩེད་འགྲན་འདི་མ་འཚོགས་པའི་ཡར་སྔོན་ཏུ་ངྷ་སྟེང་བོད་ཁྱིམ་རྩེད་ཐང་དུ་རྒྱ་གར་གྱི་རུ་ཁག་ཞིག་དང་མཉམ་དུ་རྩེད་འགྲན་གོ་སྒྲིག་བྱས་ཡོད་ལ། སྤ་སེ་དང་ཞལ་འདེབས་བསྡུ་རུབ་གང་ཡིན་ཡང་། ཐེངས་འདིའི་རྩེད་འགྲན་གྱི་མ་དངུལ་ཡོད་ཚད་ཉེ་ཆར་བོད་ནང་གི་ས་ཡོམ་གྱི་གནོད་སྐྱེན་ཐེབས་ཡུལ་སྐྱེ་རྒུ་མདོའི་མི་མང་ལ་གདུང་སེམས་མཉམ་སྐྱེད་མཚོན་ཕྱིར་འབུལ་འཆར་ཡོད་ཅེས་གསུངས་བྱུང་།
ཡང་ཁོང་གིས་འདི་ལོའི་རྒྱལ་ཡུམ་ཆེན་མོའི་རྩེད་འགྲན་ཐད་གསུངས་དོན། ལོ་ལྟར་ང་ཚོ་བོད་རྒྱལ་ཡོངས་རྩེད་འགྲན་ཚོགས་པའི་གོ་སྒྲིག་འོག་ས་གནས་རེས་མོས་ཀྱིས་རྒྱལ་ཡུམ་ཆེན་མོའི་རྐང་རྩེད་སྤོ་ལོ་འགྲན་ཚོགས་གནང་གི་ཡོད་པ་ལྟར། འདི་ལོ་ ༢༠༡༠ ལོའི་རྒྱལ་ཡུམ་ཆེན་མོའི་རྐང་རྩེད་སྤོ་ལོ་འགྲན་བསྡུར་དེ་ལྷོ་ཕྱོགས་སྦེལ་ཀོལ་གཞིས་ཆགས་སུ་ཡོད་པའི་ YMCA རྩེད་ཐང་དུ་ཕྱི་ཟླ་ ༩ པའི་ཚེས་ ༩ ཉིན་ནས་བཟུང་དངོས་སུ་སྐབས་བཅུ་དྲུག་པའི་རྒྱལ་ཡུམ་ཆེན་མོའི་གསེར་གྱི་རྟགས་མའི་རྐང་རྩེད་སྤོ་ལོ་འགྲན་ཚོགས་མགོ་འཛུགས་གནང་འཆར་ཡོད་ལ། འདི་ལོ་ལྷོ་ཕྱོགས་ཀྱི་གཞིས་ཆགས་རེ་རེ་ནས་རུ་ཁག་རེ་རེ་དང་། སྤེལ་ཀོལ་ནས་རུ་ཁག་གསུམ། མོན་གྷོ་ཊི་ནས་རུ་ཁག་གཅིག ཧོན་སོར་ནས་རུ་ཁག་གཅིག བཅས་ལྷོ་ཕྱོགས་ལ་དམིགས་བསལ་ཚོད་འཛིན་བྱས་ཡོད་ཅེས་གསུངས་པ་དང་འབྲེལ། བོད་རྒྱལ་ཡོངས་རྩེད་རིགས་ཚོགས་པའི་ངོས་ནས་མ་འོངས་པར་བོད་ཀྱི་རྐང་རྩེད་སྤོ་ལོ་རུ་ཁག་དེ་ཚད་ལྡན་དང་ལོ་ཆུང་བའི་དུས་ནས་སྦྱོང་བརྡར་བྱ་བར་དམིགས་ཏེ། འཛིན་རིམ་བཅུ་བ་ཡོད་པའི་བོད་པའི་སློབ་གྲྭ་ཁག་ཡོངས་སུ་རང་ལོ་ ༡༢ མན་གྱི་རྐང་རྩེད་སྤོ་ལོ་རུ་ཁག་ ༡༩ ལྷག་ལ་ལོ་རེར་ཧིན་སྒོར་ཁྲི་རེ་མཁོ་སྤྲོད་དང་། དེ་བཞིན་སློབ་སྟོན་པར་ལོ་རེར་ཧིན་སྒོར་ཉིས་སྟོང་བཅས་ཀྱི་མཐུན་རྐྱེན་སྦྱོར་གྱིན་ཡོད་སྐོར་གསུངས་བྱུང།
རྒྱ་གར་རྒྱལ་ཡོངས་ཀྱི་ངྷ་མལ་མེལ་མོ་རེ་རྟགས་མའི་རྩེད་འགྲན་འདི་ནི་ལོ་ལྟར་ངྷ་སའི་ཉེ་ཁུལ་ཀང་ར་རྫོང་དུ་འཚོགས་ཀྱིན་ཡོད་འདུག་ལ། ཐེངས་འདིར་ལྡི་ལི་དང་པན་ཅལ་མངའ་ཁུལ་བཅས་ཕྱོགས་མཐའ་ཁག་ནས་ཡོང་བའི་རུ་ཁག་ ༡༤ ལྷག་རྩེད་འགྲན་ནང་ཞུགས་འཆར་ཡོད་འདུག་ལ། ཐེངས་འདི་ནི་བོད་རྒྱལ་ཡོངས་རྐང་རྩེད་སྤོ་ལོ་རུ་ཁག་ཞུགས་ཐེངས་ཐོག་མ་དེ་ཆགས་ཡོད་པ་རེད།
དངོས་གནས་དྲ་གྲོགས་ཚོས་བཤད་པ་དེ་རྒྱུ་མཚན་དང་གོ་རྒྱུ་འདུག
ལྷ་རབ་བྱུང་ན་ད་ལྟའི་དུས་ཚོད་འདི་འདྲའི་སྐབས་རྩེད་རིགས་དང་སྤྲོ་སྐྱིད་ལ་རོལ་བ་སོགས་གཏན་ནས་མ་གནང་ན་ལེགས།
བྱུང་ན་འདི་ལོའི་རྒྱལ་ཡོམ་ཆེན་མོའི་རྩེད་འགྲན་དེ་ཡང་ཕྱི་བསྣུར་བྱ་དགོས་པའི་གནས་སྟངས་ཤིག་མཐོང་བཞིན་ཡོད་སྟབས།བོད་རྒྱལ་ཡོངས་རྩེད་འགྲན་ཚོགས་ཆུང་ངོ་ནས་ཧུར་རྒྱུགས་རང་མ་བྱས་པར་གནད་དོན་འདི་རིགས་ལ་ངེས་པར་རྣོ་བསམ་ཞིག་གཏང་དགོས་པ་རེད་སྙམ།
ད་ལྟའི་དུས་སྐབས་འདི་རྩེད་འགྲན་བྱེད་པའི་དུས་ཞིག་ཨི་ཡིན་ནམ་།
Gôh-VGÅ-‚ãP-zºÛ-¤Û-±ô¼-¼ôGÅ-Bô¼-HÛ-hPÞ¾-hP-T-hPôÅ-ÅôGÅ-¾G-bà-Åôm-fÞz-qºÛ-¼ï-z-‚ïh-‚Ûm-»ôhü
གོ་སྒྲིག་གནང་མཁན་སོགས་ནས་རྗེས་ལ་འགྱེད་པ་གནང་རོགས་གནང་།
གངས་ཅན་བོད་རིགས་སྤུན་ཟླ་རྣམས་རེ་བསྐུལ་ཞུ་བཞིན་ལ་ རག་ལ་བྱུང་ན་མར་རྩོད་ན་ཡག་པོ་འདུག་ རང་གི་ལུས་ལ་དཔེ་བླངས་ནས་། གཞན་ལ་གནོད་པ་མ་བྱེད་ཅིག་།གསུངས་པ་བཞིན་ སོ་སོའི་ཕ་མར་སོགས་འདས་གྲོངས་མཆིས་ཡོད་ན་ཁྱེད་རང་གི་གའདྲ་གནང་ས་རེད་། རྡོག་རྩ་གཅིག་སྒྲིལ་གྱི་འཆམ་མཐུན་ལ་ཏན་ཏན་གནོད་གྱི་རེད་ལ་། རྒྱ་ནག་ཕྱོགས་ནས་ག་འདྲ་འདུག་གམ་ གཞིས་ལུས་མི་མང་འདུན་ལ་ག་འདྲ་གཟིགས་སམ་ ཁ་སྙན་པོ་ཤོད་དེ་མི་ཚང་མར་ལྐུགས་པ་ཡིན་འགྲོ་མེད་། ཐུགས་བསམ་ཡག་པོ་བཞེས་རོགས་གནང་། གང་ལྟར་འགྱེད་པ་མེད་པ་དངོས་།
ཏཱ་ལའི་བླ་མ་དང་རྒྱ་ནག་གཞུང་གཉིས་སུ་ཞིག་གིས་སྐྱོ་གར་འཁྲབ་བཞིན་ཡོད་དམ། ༡༽ དགེ་བཤེས་སྨོན་ལམ་མཐར་ཕྱིན། ཟེར་བའི་བསམ་ཚུལ་འདི་གང་འདྲའི་གལ་ཆེན་པོ་མི་འདུག་གམ། ཡིན་ནའང་དུས་བབ་ཚང་གིས་བོད་ཀྱི་དུས་བབ་ཀྱི་མདུན་ངོས་བསམ་ཚུལ་སྡེ་ཚན་དུ་བཀོད་མི་འདུག རྒྱུ་མཚན་གང་ཡིན་ནམ། ནམ་རྒྱུན་དུས་བབ་ཟིན་བྲིས་ནས་ཟིན་བྲིས་གལ་ཆེ་ཁག་བསམ་ཚུལ་སྡེ་ཚན་དུ་འགོད་ཀྱི་འདུག ཡིན་ནའང་ད་ལན་མ་བཀོད་པ་དེ་ཡུལ་ཤུལ་མི་མང་ལ་བདག་སྤྲོད་བྱས་པ་དང་། ༸གོང་ས་མཆོག་གི་དགོངས་གཞི་གསལ་སྟོན། རྒྱ་ནག་གཞུང་གི་ངན་འཚང་ཐེར་འདོན་བྱས་པས་ཡིན་ནམ། ཡང་ན་རང་གི་དགའ་ཕྱོགས་ཆབ་བྲག་ལྷ་མོ་སྐྱབས་ལྟ་བུ་མ་ཡིན་པས་རེད།
གྲོགས་པོ་་ཤིང་རྟ་ལ་ཞུ་རྒྱུར།
ཙི་ཙི་བསད་ཆེད་ཁང་པ་མེས་བསྲེགས་བྱས་པའི་དཔེ་སྟར་སོང་ན་གང་འདྲ་འོང།
བོད་མི་ལ་ཕན་པའི་སྐད་ཆ་རེད་ཤོད་ན་མི་ལེགས་སམ།སྐྱིད་སྡུག་མཉམ་མྱོང་གི་ཆད་དུ་རྩེད་འགྲན་བླ་ོགཏོང་དགོས་པ་མ་མཐོང་བས་རྩེད་འགྲན་བྱེད་པའི་དུས་མིན་ཞེས་པ་ནི་སེམས་དོག་དྲགས་པའི་སྐད་ཆ་ཞིག་ལས་རྒྱུ་མཚན་མ་མཐོང་ངོ།
འདི་འདྲའི་རྩེ་རིགས་ཀྱང་ངེས་པར་འཁོ་ངེས་རེད།
བོད་ཀྱི་རྐང་རྩེད་སྤོ་ལོ་རུ་ཁག་གི་གོ་སྐབས་བཟང་པོ་ཞིག་ཐོབ་པ་ནི་དགའ་འོས་པ་ཞིག་ཡིན་མོད་སྡ་སར་རྒྱལ་ཡུམ་ཆེན་མོའི་རྩེད་སྐབས་ལོ་སྟར་འཁྲུག་རྩོད་སོགས་མི་སྤྱོད་ལས་འདས་པའི་སྤྱོད་ངན་རིགས་ཡོང་གི་ཡོད་པ་ནི་ཀུན་གྱིས་མཁྱེན་གསལ་བཞིན་དེ་འདྲ་རིགས་མི་ཡོང་བའི་འགན་ལེན་བྱེད་དགོས་པ་ནི་ཤིན་ཏུ་གལ་ཆེའོ།།
འཆམ་མཐུན་དང་པོ། རྒྱལ་ཁ་གཉིས་པ་ཡིན་གོ་་་་་་བུ་རྒོད་ཚོ་ཡིད་ལ་བཟུང།
ཐུབ་ན་གཉིས་ཀ་ཡག་པོ་ཡོང་བར་རེ་བ་ཡོད།
སྤྲུལ་སྐུ་ཨོ་རྒྱན་སྟོབས་རྒྱལ་མེད་ན་རྒྱགས་རེས་དང་རྩོད་པ་ཡོད་རྒྱུ་མ་རེད་
རྩེད་འགྲན་དགོས།
ཞལ་འདེབས་དགོས།
སྦྱོང་བརྡར་དགོས།
སྒྲིག་ལམ་དགོས།
རྩོད་པ་མི་དགོས།
རྒྱལ་ཁ་གལ་མི་ཆེ།
སྒྱུ་རྩལ་གལ་ཆེ།
ཞུགས་ཐེངས་ཐོག་མ་དེ་ལ་ཞབས་འདྲེན་མ་བཞག་རོགས། ད་ལྟ་ནས་སྦྱོང་བརྡར་སྤྲོད། ལྷག་པར་ཀུན་སྤྱོད་ལ་སྦྱོང་བརྡར་མང་ཙམ་སྤྲོད། རྒྱགས་རེས་རྩ་བ་ནས་མ་རྒྱགས་རོགས་དངོས་གནས་སེམས་གཏིང་གི་རེ་བ་ཡིན།
བོད་མི་སྐྱིད་སྡུག་མཉམ་མྱོང་ཡིན་ན་ད་སྐབས་རྩེད་འགྲན་བྱེད་པའི་དུས་ཚིག་ཅིག་མིན།
འོན་ཀྱང་ཞལ་འདེབས་གནང་སྟངས་ཕྱོགས་ནས་བཤད་ན་དགའ་འོས་པ་རེད།