ཨ་རིའི་གྲོས་ཚོགས་འོག་མའི་འཐུས་མི་དགུས་སྐྱེ་རྒུ་མདོའི་ས་ཡོམ་གྱི་གོད་ཆག་ཁྲོད་ལུས་པའི་བོད་མི་ཚོར་ཐུགས་གསོ་དང་གདུང་སེམས་མཉམ་སྐྱེད་བྱ་རྒྱུའི་གྲོས་ཆོད་ཅིག་གཏན་འབེབས་བྱས་འདུག
ཟླ་འདིའི་ཕྱི་ཚེས་ ༤ ཉིན་ཨ་རིའི་གྲོས་ཚོགས་འོག་མའི་འཐུས་མི་སྐུ་ཞབས་མེག་མེན་དང་མེན་རྫུ་ལོ། ལྩམ་རེས་ཆར་ཌི་སེན། ལྕམ་སི་པི་ཡཱར་བཅས་གཙོས་པའི་གྲོས་ཚོགས་ཀྱི་འཐུས་མི་དགུ་ཡིས་མ་སྐུལ་དང་བླངས་ཀྱིས་གྲོས་ཚོགས་ཀྱི་གྲོས་འཆར་ཨང་ ༡༣༢༤ གཏན་འབེབས་ལྟར། ཐེངས་འདིའི་སྐྱེ་རྒུ་མདོའི་ས་ཡོམ་གྱི་གནོད་འཚེ་ཁྲོད་མི་ཕྱུགས་གཉིས་ལ་སྲོག་སྐྱོན་དང་གཏོར་སྐྱོན་ཚབས་ཆེན་བྱུང་བའི་ཤུལ་ལུས་མི་མང་ལ་ཐུགས་གསོ་དང་གདུང་སེམས་མཉམ་སྐྱེད་བྱ་རྒྱུའི་གྲོས་ཆོད་ཅིག་བཞག་ཡོད་པ་རེད། ཐེངས་འདིའི་གྲོས་ཆོད་དེའི་ནང་འཐུས་མི་ཚོས་འཕྲལ་ཕུགས་གཉིས་ལ་དམིགས་ཏེ་སྐྱེ་རྒུ་མདོའི་མི་མང་གི་དཀའ་ངལ་སེལ་རྒྱུ་དང་། མྱུར་སྐྱོབ་ཀྱི་ལས་དོན་ལ་རྒྱབ་སྐྱོར་ཞུ་རྒྱུ་ལས་གཞན། མ་འོངས་པར་བོད་ཀྱི་ཆོས་དང་རིག་གཞུང་སྲུང་སྐྱོབ་བྱ་ཆེད་ཐེངས་འདིའི་གོད་ཆག་ཁྲོད་གཏོར་བཤིག་ཐེབས་པའི་དགོན་སྡེ་དང་ཆོས་ཀྱི་བསྟི་གནས་ཁག་སླར་གསོ་བྱ་རྒྱུ་ཡིན་པའི་སྐོར་བཀོད་ཡོད་འདུག་ལ། འཐུས་མི་ཚོས་གྲོས་ཆོད་ཁག་གཏན་འབེབས་གནང་རྗེས་མ་འོངས་པར་གྲོས་ཆོད་ལག་བསྟར་བྱ་ཕྱོགས་ཀྱི་དབང་ཚད་དེ་གྲོས་ཚོགས་ཀྱི་ཕྱི་འབྲེལ་ཚོགས་ཆུང་ལ་ཕུལ་ཡོད་ཚུལ་གསར་ལམ་དུ་སྤེལ་ཡོད་འདུག
ཨ་རིས་ཁ་ནང་སྣ་འཐེན་ན་མི་ཡོང་ནོའི་བར་དཀྲུགས་གྲོས་ཆོད་དག་བཞག་ནས་བོད་རྒྱ་ཞི་མོལ་ཡང་ཡག་པོ་གཅིག་འགྲོ་ཐུབ་ཀྱི་མི་འདུག ཁ་སྟོང་ནང་གི་ཚིག་སྟོང་གི་གསལ་བསྒྲགས་ཙམ་མ་གཏོགས་ཅི་ཞིག་ཕན།
དུས་བབས་ཚང་ལགས། གུས་ཀྱིས་ཁྱེད་ཚང་ལ་གྲུབ་དབང་རྫོགས་ཆེན་དགོན་གཞི་བྱེས་གཉིས་ཀྱིས་ཐེངས་འདིར་སྐྱེ་རྒུ་འདོའི་གོད་ཆགས་ཕོག་ཡུལ་ལ་རོགས་སྐྱོར་བྱས་ཚུལ་གྱི་ཡི་དེ་ཐེངས་གཉིས་བཏང་ཡང་། འདིར་མི་བཀོད་པའི་རྒྱུ་མཚན་གསལ་བཤད་ཞིག་བྱེད་རོགས། གུས་བཅས།
ཡང་ཨ་རའི་གྲོས་ཚོགས་ནས་བོད་དུ་གེགས་ཆག་ཕོགས་ལ་དམིགས་ཏེ་གྲོས་བརྗོད་བཞག་ཡོད་པ་ལ་དགའ་མ་སོང༌། འདས་པའི་མི་ལོ་ལྔ་བཅུའི་རིང་མགོ་སེར་རྣམས་ནས་ཁོང་རང་ཚོགས་མངོན་འདོད་སྒྲུབ་རྒྱུའི་ཆེད་བོད་དོན་དེ་ཐབ་ཕྱིས་མང་པོ་བྱས་སོང་། ཡང་བསྐྱར་གོ་སྐབས་འདིའི་གང་ཞིག་ཕྱིས་ཡས་ཀྱི་ཐབ་ཕྱིས་བྱས་མི་ཡོང་ངམ་སྙམ། ཕན་དོགས་ཆེན་པོ་མི་ཡོང་བ་ངེས་ཅན་རེད།
བོད་དོན་ རྒྱལ་ཁབ་ཕན་ཚུན་གྲོགས་པོ་བསྒྲིགས་རྒྱུའི་ལག་ཆ།
བོད་དོན་ ཚོང་འབྲེལ་གྱི་རྒྱུན་ཐག་ཕྲ་བོ།
བོད་དོན་ རྒྱ་ནག་པར་སྡིག་ར་བསྐུལ་བྱེད་ཀྱི་རྟ་ལྩགས།
བོད་དོན་ བོད་མི་དཔའ་བོ་ཚེ་སྲོག་བཀུམས་བྱེད་ཤན་གྲི།
བོད་དོན་ ངའི་སྙིང་དུ་རྣགས་པའི་སྒྲུབ་མ་ཐུབ་པའི་དོན་ཆེན།
བོད་དོན་ བོད་དོན་ བོད་དོན༎
ཨ་རི་ལྟ་བའི་རྒྱལ་ཁབ་སྟོབས་ཆེན་དག་གི་རྒྱབ་སྐྱོར་བྱས་ན་ཐུགས་རྗེ་ཆེ་ཞུ་དགོས་པ་ཞིག་དང་ཞུ་འོས་པ་ཡིན་ཀྱང།དོན་ངོ་བོ་གནས་ཚུལ་ལ་བོད་རང་གི་ནང་གཅིག་གྱུར་ཐོག་གཉིད་ལས་སངས་དགོས་པ་དེ་གལ་ཆེ་ཞིག་ཏུ་མཐོང་།
ང་ཚོར་དགོས་པ་ནི་དོན་དམ་གྱི་བརྒྱབ་སྐྱོར་ཡིན་པ་ལས། ནུས་མེད་ཀྱི་གྲོས་ཆོད་དག་མིན་ན་ཡང་ལས་འགུལ་འདི་ལྟ་བུའང་བཀའ་དྲིན་ཞུ་ཡུལ་ཙམ་རེད།