ཟླ་འདིའི་ཕྱི་ཚེས་ ༨ ཉིན་ཀྲུང་དབྱང་མི་རིགས་སློབ་གྲྭ་ཆེན་མོའི་བོད་རིག་པ་ཞིབ་འཇུག་གླིང་དང་ནང་བསྟན་དྲ་བ་གཉིས་ཀྱིས་མཉམ་འབྲེལ་ཐོག་ཀྲུང་དབྱང་མི་རིགས་སློབ་གྲྭ་ཆེན་མོ་རུ་ཀྲུང་གོའི་བོད་ཀྱི་རིག་གནས་ལོ་རིམ་མེ་ལོང་ཞེས་པའི་རྩོམ་སྒྲིག་དཔྱད་གླེང་ཚོགས་འདུ་ཞིག་སྐོང་འཚོགས་གནང་སྟེ། བོད་ཀྱི་དེང་རབས་རིག་གནས་ཀྱི་ལོ་རྒྱུས་སྟེང་དོན་སྙིང་ལྡན་པའི་རིག་གནས་ལས་གཞི་མགོ་བརྩམས་པར་འབྲེལ་ཡོད་མགོ་ཁྲིད་ཀྱིས་དགའ་བསུ་དང་བསྔགས་བརྗོད་བྱས་ཡོད་པ་རེད།
༼ཀྲུང་གོའི་བོད་ཀྱི་རིག་གནས་ལོ་རིམ་མེ་ལོང་༽ཞེས་པའི་རྩ་འཛུགས་ཨུ་ཡོན་ཚོགས་པ་འདི་ནི། ཀྲུང་དབྱང་མི་རིགས་སློབ་གྲྭ་ཆེན་མོའི་བོད་རིག་པ་ཞིབ་འཇུག་གླིང་དང་ནང་བསྟན་དྲ་བ་གཉིས་ཀྱིས་མཉམ་འབྲེལ་གྱིས་གྲུབ་པ་ཞིག་ཡིན་འདུག་ལ། ལོ་གསུམ་རིང་གྲ་སྒྲིག་བྱས་པ་བརྒྱུད་ལས་གཞི་དེར་ཀྲུང་དབྱང་འཐབ་ཕྱོགས་གཅིག་གྱུར་པུའུ་དང་ཀྲུང་དབྱང་མི་རིགས་སློབ་གྲྭ་ཆེན་མོའི་འབྲེལ་ཡོད་སྡེ་ཚན་ཁག་གི་མགོ་ཁྲིད་ཀྱི་རྒྱབ་སྐྱོར་བྱས་ཡོད་པ་དང་། ལོ་རིམ་མེ་ལོང་དེ་དུས་རབས་ཉེར་གཅིག་པ་ནས་བཟུང་སྒྲིག་འཆར་ཡོད་པ་དང་། ལོ་བཅུ་རེ་ནང་ལེའུ་ཆེན་པོ་གཅིག་རེ་སྒྲིག་རྒྱུ་ཡིན་ཞིང་། འདི་ལོ་ནས་མགོ་བརྩམས་ཏེ་ལོ་རེར་ལེའུ་རེ་པར་བསྐྲུན་དང་། ཐོག་མར་རྒྱ་ཡིག་གིས་བསྒྲིགས་རྗེས་ཆ་རྐྱེན་ལ་བལྟས་ཏེ་བོད་ཡིག་དང་དབྱིན་ཡིག་ཏུ་བསྒྱུར་ཏེ་རྩོམ་སྒྲིག་བྱ་འཆར་ཡོད་འདུག
དྲང་པོ་དྲང་བཞག་ཐོག་ཁ་ནས་བཤད་པ་ལག་ལེན་སྤྲོད་རོགས།