ལོ་བཅོ་ལྔའི་ཁྲིམས་བཅད།

རྒྱ་དམར་གྱི་ཆབ་སྲིད་ཐབས་ཇུས་ནི། ས་འབུ་གྲོག་མ་ལས་ཀྱང་སྐྱོ་བ་འདུག
ཐ་ན་རྨོངས་ཞིང་གཏུམ་པར་གྲགས་པའི་ས་འབུ་གྲོག་མས་ཀྱང་སོ་སོ་ལ་འོ་མ་སྟེར་མཁན་གྱི་སྔོ་འབུ་རྣམས་མི་གསོད་པ་མ་ཟད་སྔོ་འབུ་རྣམས་ཀྱི་ཟ་རྒྱུའི་ཆེད་དུ་ཕྱོགས་མཚམས་ཀུན་ནས་ཤིང་གི་ལོ་མ་བསྡུས་ནས་གསོ་སྐྱོང་བྱས་ནས་རང་སྐྱིད་གཞན་བདེའི་འཚོ་བ་རོལ་ཤེས་ཀྱང་། རྒྱ་དམར་གཞུང་དང་མི་དམངས་ལ། ཆོས་རིག་དང་དཔལ་འབྱོར་གྱི་ཁེ་ཕན་རྒྱ་ཆེན་པོ་སྤྲོད་མཁན་གྱི། བོད་མི་རིགས་དང་བོད་ཡུལ་ལ་སྲུང་སྐྱོབ་བྱེད་དགོས་བསམ་པའི་ཐབས་ཇུས་བཤམ་མི་ཤེས་པར་མ་ཟད། རྒྱ་དམར་ཇག་ཚོགས་ལ་གནས་སྐབས་ཀྱི་ཁེ་ཕན་ཙམ་ལས་ཕུགས་བསམ་བཟང་པོའི་ཤེས་རབ་མེད་པའི་རྐྱེན་གྱིས། བོད་རིགས་ཡིན་ན་དམར་གསོད་བྱེད་ཆོག་པ་དང་བོད་ཡུལ་ཡིན་ན་གཏོར་བརླག་བཏང་ཆོག་པའི་ནོར་འཁྲུལ་ཅན་གྱི་སྲིད་ཇུས་ལག་བསྟར་བྱས་དང་བྱེད་བཞིན་པའི་རྗེས་འབྲས་ནི། རྒྱ་བོད་མི་རིགས་ཡོངས་ལ་གྱོང་ཁ་ཧ་ཅང་ཆེ་ཞིང་གནོད་ཚབས་ཤིན་ཏུ་ཆེན་པོ་ཡིན་པར་ཤེས་དགོས།
རྒྱ་ནག་མི་དམངས་ཚོའི་སེམས་ལ་ཉིན་རེ་བཞིན་རྒྱ་དམར་གྱི་དྲང་བདེན་མ་ཡིན་པའི་ངན་སྤྱོད་ལ་འཁོན་འཛིན་དང་ཁོང་ཁྲོ་འཕེལ་བཞིན་འདུག་པས། རྒྱལ་ཡོངས་ལ་གཞི་རྒྱ་ཆེ་བའི་གསར་བརྗེའི་ལས་འགུལ་ཞིག་ཕྱོགས་ཡོངས་ནས་སྤེལ་རྒྱུའི་ཆ་རྐྱེན་ཚང་ལ་ཉེ་ཡོད། གལ་ཏེ་རྒྱ་དམར་དབང་འཛིན་པ་ཚོ་གང་འགྱོགས་རྨོངས་གཉིད་ལས་མ་སད་ན། གནམ་ས་བསྒྱུར་བའི་གསར་བརྗེའི་ལས་འབར་བའི་སྐབས་དེར་རྒྱ་དམར་དབང་འཛིན་པ་ཚོས་སོ་སོའི་སྡིག་ཉེས་ཀྱི་སྡུག་བསྔལ་ཚད་མེད་མྱོང་ངེས་པས་ད་ལྟ་ནས་མི་དམངས་ལ་གནོད་པའི་བསམ་སྦྱོར་སྤོང་ཤེས་ན་མཁས་པ་རེད།

གུས་པར་བཀུར་བའི་དྲ་གྲོགས་ཤེལ་དཀར་ལགས། སྔོན་སྟོན་པས་ཉམས་ཐག་སེམས་ཅན་ཞིག་གི་ཚེ་སྲོག་མ་སྐྱོབས་པ་ཡིན་ཟེར་ན་རང་ཅག་གངས་ལྗོངས་ཆོས་ལྡན་ཞིང་གི་བོད་རིགས་ནང་པ་རྣམས་ཀྱིས་སྟོན་པ་བླ་ན་མེད་པ་དེའི་བྱམས་བརྩེའི་ཡོན་ཏན་གྱི་ཆ་ཤས་ཙམ་ཡང་ཤེས་མེད་པའི་རྟགས་ལས་གཞན་ཅི་ཡིན།

ཉིད་ཀྱིས་གསུངས་པ་ལྟར་སྨྲ་བ་ཟླ་མེད་ཀྱི་འགྲོ་བའི་འདྲེན་པ་ཆེན་པོ་སྟོན་པ་བླ་ན་མེད་པ་སངས་རྒྱས་ཀྱིས་ཀྱང་སེམས་ཅན་གྱི་ལས་དབང་ལ་འགྱུར་ལྡོག་གཏོང་མི་ནུས་ན་གཟུགས་མེད་ཁམས་ཀྱི་སེམས་ཅན་ལྷ་ཀླུ་ཆོས་སྐྱོང་སྲུང་མ་སོགས་ཀྱིས་དེ་བས་ག་ལ་སྐྱོབ་ཐུབ་བམ།

དེས་ན་ང་ཚོས་སངས་རྒྱས་ཀྱིས་གསུང་ལ་ཤེས་ནས་དད་པ་ཐོབ་ཞིག་བྱེད་དགོས། དེ་བྱུང་ན་ལས་འབྲས་ཟེར་བ་དེར་ངེས་ཤེས་སྐྱེ་ངེས་རེད། ལས་འབྲས་ལ་ངེས་པ་སྐྱེས་ཐུབ་ན་ནང་སངས་རྒྱས་པ་ཚད་ལྡན་ཞིག་ཆགས་ཐུབ།

ནང་པ་སངས་རྒྱས་པ་ཚད་ལྡན་ཞིག་ཆགས་ཐུབ་ན་དེ་ནི་ཚན་རིག་དང་མཐུན་པ་ཡིན་ཏེ་མངོན་སུམ་གྱི་མྱོང་བ་དང་། མངོན་གྱི་ཚད་མ། ད་དུང་ལུང་ཚད་མ་བཅས་ཀྱིས་སྒོ་ནས་ཆོས་དང་བྱུང་བ་ཐམས་ཅད་ལ་རྣམ་དཔྱོད་ཀྱི་བློ་ཡིས་ཐེ་ཚོམ་གཅོད་ནུས།

དྲ་གྲོགས་ནད་པའི་མིང་ཅན་ལགས།
སྐུ་ཉིད་ཀྱིས་ལོ་རྒྱུས་ལྡན་པའི་སྒྲུབ་བྱེད་མང་དག་ཅིག་གསུངས་འདུག འོན་ཀྱང་ད་དུང་བཀའ་འདྲི་ཞུ་རྒྱུར། སྔོན་སྟོན་པ་སངས་རྒྱས་ཞལ་ཞུགས་དུས་སུ་མཉམ་ཐག་སེམས་ཅན་གཅིག་སྟོན་པ་སངས་རྒྱས་བཅོམ་ལྡན་གྱིས་རང་ཉིད་ཀྱི་ལྷུང་གཟེད་ནང་སྦས་ཀྱང་ཤན་པས་སྲོག་འཕྲོག་པའི་ལོ་རྒྱུས་ཚད་ཡོངས་སུ་གྲགས་པ་དེ་ཁྱེད་ཉིད་མཁྱེན་ངེས་རེད། མཉམ་ཐག་སེམས་ཅན་དེ་སངས་རྒྱས་ཀྱིས་མ་སྐྱབས་པ་ཡིན་ནམ། ཡང་ན་སྐྱབས་མ་ཐུབ་པ་ཡིན།
ཡང་ན་གཞན་ཞིག་གི་ལན་པ་ཡིན་ནམ།།

ཤེལ་དཀར་བློ་བཟང་ལགས། དགོངས་པ་ཡག་པོ་ཞིག་བཞེད་དང་། སངས་རྒྱས་ཤྰ་ཀྱ་ཐུབ་པའི་བསྟན་པ་དར་སའི་མཁས་གྲུབ་གཉིས་ལྡན་གྱི་སྐྱེས་ཆེན་དམ་པ་མགོན་པོ་ཀླུ་སྒྲུབ་ཀྱི་གཙོས་པའི་ས་ཐོབ་འཕགས་པའི་གང་ཟག་ཆེན་པོ་མང་པོ་དང་། པཎཆེན་དང་། དགེ་འདུན་འདུས་པ་རྒྱ་མཚོ་བཞུགས་སའི་བསྟི་གནས་ཆེན་པོ་དཔལ་ཎལེན་ཌ་ཟེར་བ་དེ་ཡང་ཕྱག་དྲུག་ཡོད་པའི་མགོན་པོ་ཕྱག་དྲུག་གིས་སྐྱབས་མ་ཐུབ་པར་ད་ཆ་ཁང་ཤུལ་གད་རོ་ཙམ་ལས་ལྷག་མེད་པ་འདི་གཟུགས་ཅན་སྐྱེ་བོ་ཀུན་གྱི་མིག་ལམ་དུ་མངོན་སུམ་མཐོང་ཆོས་སུ་གྱུར་པ་དེ་གཅིག་རེད།

ཕྱི་ལོ་ ༡༩༤༩། ༡༠།༠༡ ཉིན་མའོ་ཙེ་ཏུ་གིས་རྒྱ་ནག་དབུ་བརྙེས་པའི་ཁྱབ་བསྒྲགས་བྱས་པ་དང་དུས་མཚུངས་སུ་བོད་དེ་བཅིངས་གྲོལ་གཏོང་རྒྱུའི་གསལ་བསྒྲགས་སྤེལ་བ་རེད། སྐབས་དེར་བོད་ལྗོངས་ལྷ་མི་ཡོངས་ཀྱི་མ་གོ་མ་ཐོས་མེད་པར་གྱུར་ཡོད།
༡༩༥༠ ནས་༡༩༥༩ བར་ཁྱོན་ལོ་ ༩་ཙམ་རིང་རྒྱ་མིས་རིམ་པས་བཙན་འཛུལ་བྱས་པ་རེད།

ཕྱི་ལོ་ ༡༩༥༩ ལོར་བོད་ས་ཡོངས་རྫོགས་ཤོར་བ་མ་ཟད་ཐ་ན་ཕྱི་ལོ་ ༡༩༦༦ ལོར་མའོ་ཡིས་རིག་གནས་གསར་བརྗེ་ཆེན་པོ་བསྐུལ་སློང་བྱས་ནས་ ༡༩༧༦ བར་ཁྱོན་ལོ་ ༡༠ ནང་བོད་དུ་ཡོད་པའི་གཞིས་ཀ་དང་། བླ་ཆེན། མི་དྲག གྲྭ་བཙུན། དགོན་སྡེ་དང་། ལྷ་ཁང་། སྐུ་བརྙན། གསུང་རབ། ཐང་ཀ་སོགས་རྩ་གཏོར་དུ་བཏང་བ་རེད། སྐབས་དེ་དུས་དཔལ་ལྡན་ལྷ་མོ་རང་ཉིད་བཞུགས་སའི་ཇོ་ཁང་གཏོར་བཤིག་བཏང་ཡོད་པ་མ་ཟད་གནས་ཆུང་ཆོས་རྒྱལ་ཟེར་བ་དེ་བཞུགས་སའི་འབྲས་སྤུངས་དང་གནས་ཆུང་དགོན་པ་ཡང་གཏོར་བཤིག་ཚད་མེད་བཏང་ཡོད་པ་དེ་གཉིས་རེད།

གངས་ཅན་པས་གནའ་དུས་ནས་བཟུང་ ༡༩༥༩ བར་བོད་དེ་ལྷ་དང་བླ་མའི་གདན་ས་ཡིན་པ་མ་ཟད་བོད་སྐྱོངས་བསྟན་མ་ ༡༢ གཉིས་ཀྱིས་བོད་ཡུལ་འདི་ལྷ་ཀླུ་ཆོས་སྐྱོང་སྲུང་མས་སྐྱོབས་ཐུབ་ཀྱི་ཡོད་པའི་ཡིད་ཆེས་བྱས་ཡོད་པ་དེ་གསུམ་རེད།

སངས་རྒྱས་ཀྱི་ཆོས་ཚུལ་ཟམ་མོ་དེར་ཤེས་ནས་དད་པ་མ་ཐོབ་པར་རྨོངས་དད་ཀྱིས་ལས་འབྲས་གོ་འཛོལ་དུ་སོང་བས་ད་ལྟའི་ཁ་ཐབས་སྡུག་པོ་འདི་འདྲ་ཞིག་བྱུང་བ་རེད། གལ་སྲིད་བོད་ལྗོངས་སྐྱོངས་བའི་ལྷ་ཀླུ་ཚོར་གཅིག་བྱེད་རྒྱུ་ཡོད་ན་བྱེད་དགོས་ཚོད་རེད་མོས་དེ་ལས་ལྡོག་ཏེ་རྒྱ་ནག་གི་མགོ་འཁྲིད་མའོ་ཙེ་ཏུང་གི་བསམ་དོན་ལྷུན་གྲུབ་བྱུང་ཡོད་ལ་ལོ་ ༨༣ བསྡད་པ་རེད།

དེ་བཞིན་ཏིང་ཞའོ་ཕིན་ལ་མཚོན་ན་གང་བསམ་ཡིད་བཞིན་འགྲུབ་ནས་ལོ ༩༠ ཙམ་བསྡད་པ་རེད། དེ་རྗེས་ཅང་ཙེ་མིན་ལ་བལྟས་ན་ཤི་རྒྱུ་མེད་ཁར་ད་དུང་གྲུང་རིག་རིལ་བྱས་ནས་བསྡད་ཡོད། ད་ལྟའི་སྲིད་འཛིན་ཝུ་ཅིན་ཐའོ་ཡང་ལོ་ན་གཞོན་སོ་བསྡོད་ལ་རྒྱ་ནག་ཉིན་བཞིན་ཡར་རྒྱས་འགྲོ་བཞིན་་ཡོད།

༢༠༡༢ ལོར་ཞི་བྱེད་ཕིན་དང་ལེ་ཁའ་ཆང་གཉིས་ཀྱིས་མགོ་འཁྲིད་དེ་མི་རབས་ལྔ་པའི་མགོ་འཁྲིད་ཀྱི་ཆོས་མེད་རིང་ལུགས་སྨྲ་བའི་གུང་ཁྲན་ཏང་གི་སྲོག་ཤིང་གི་ལེ་ཚན་ཁ་འབྱེད་འགྱུར་གྲ་སྒྲིག་ཨང་གསར་ངང་བསྡད་བཞིན་པ་དེ་བཞི་རེད།

ད་དུང་གཟུགས་མེད་ལྷ་འདྲེའི་རིགས་ལ་ཡིད་ཆེས་ནས་བསྡད་ན་གངས་ཅན་པ་རྣམས་མ་འོངས་པར་གང་འདྲ་ཞིག་ཆགས་ཨེ་ཡོང་ཁྱེད་རང་བསམ་བློ་གཏོང་། བརྟག་དཔྱད་བྱོས། དེ་ནས་ངེས་ཤེས་བརྙེད་ཀྱི་རེད།

ཤེལ་དཀར་བློ་བཟང་ལགས། ལྷ་ཀླུ་སོགས་གཟུགས་མེད་ཀྱིས་གཟུགས་ཅན་མིའི་ལས་དབང་ལ་འགྱུར་ལྡོག་གཏོང་རྒྱུ་ཅི་ཡང་མེད་པ་ང་ཚོར་ ༡༩༥༠ ནས་༢༠༡༠ བར་གྱི་དུས་ཀྱི་འཁོར་མོའི་ནང་ཆོས་ཉིད་ཀྱིས་བདེན་དཔང་དང་ངོ་སྤྲོད་བྱས་ཡོད།

རྒྱ་ནག་གཞུང་གིས་བོད་ཀྱི་ཤེས་ཡོན་དང་སྤྱི་ཚོགས་ཁྲོད་བྱས་རྗེས་གང་ཙམ་འཇོག་མཁན་གྱི་བོད་རིགས་འདི་ཚོར་དོ་སྣང་ཆེན་པོས་གནས་ཚུལ་ལ་རྒྱུས་ལེན་བྱས་ཏེ་མཐར་བོད་རིགས་ཁོང་དང་འདྲ་བ་རྣམས་མུན་ནག་གི་བཙོན་དུ་བཅུག་ནས་ཅི་ཡང་མཐོང་ཐོས་མེད་པའི་གནས་སུ་གྱར་དུ་བཅུག་གི་ཡོད།

ང་ཚོས་ཀྱང་གངས་ཅན་ལ་བཀའ་དྲིན་ཆེ་བའི་བོད་མི་ཁོང་རྣམས་པའི་མཛད་རྗེས་དང་ལྷག་བསམ་དྭངང་མོ་འདི་དག་རིན་ཐང་ཆེ་བའི་རྩ་ཆེའི་བོད་ཀྱི་ནོར་བུ་ཞིག་ཡིན་པ་དང་། ནོར་བུ་ཁོང་རྣམས་ཀྱི་གོང་ཐང་དེ་འཛམ་གླིང་རྒྱལ་སྤྱིའི་སྤྱི་ཚོགས་སྟེང་ངེས་པར་དུ་གོ་ཐུབ་པ་དང་། ཤེས་ཐུབ་པ། གླེང་ཐུབ་པ། མཐོང་ཐུབ་པ་བཅས་བཟོ་རྒྱུ་དེ་གཟུགས་ཅན་ང་ཚོས་གཟུགས་མེད་ཀྱི་ལྷ་འདྲེ་ལས་ལྷག་པ་ཞིག་བཟོ་རྒྱུ་དང་བྱེད་རྒྱུ་དེ་ང་ཚོའི་ལས་འགན་ངོ་མ་དེ་ཡིན།

གངས་ཅན་བོད་རིགས་ཀྱི་ལས་དབང་དང་། ལྷག་ཏུ་བོད་ཀྱི་སློབ་གསོའི་བྱ་བཞག་ཐད་རང་གིས་ཡུན་རིང་སྦྱང་བའི་ཤེས་ཡོན་དག་ལྷག་བསམ་རྣམ་དག་གིས་མི་ལོ་ ༢༥ རིང་ཞབས་འདེགས་དང་ལེགས་སྐྱེས་ཆེན་པོ་འདི་འདྲ་འབུལ་མཁན་གྱི་དགེ་རྒན་ཡགམཔོ་ལྷ་མོ་ལགས་ཀྱི་མཛད་རྗེས་ལ་ངས་བཅོས་མིན་སྙིང་དབུས་ནས་ཐུགས་རྗེ་ཆེ་ཞུ་དང་རྗེས་སུ་ཡི་རངས་ཀྱིས་བསྔགས་བརྗོད་བྱེད་ཀྱི་ཡོད།

ཁོང་གིས་ཡུན་རིང་བོད་ཀྱི་ཤེས་ཡོན་སློབ་གསོར་མཐོང་ཆེན་གནང་སྟེ་མཛད་རྗེས་ཆེན་པོ་བཞག་གནང་ཡོད་པ་འདི་དངོས་གནས་ལས་སླ་པོ་ཞིག་གཏན་ནས་མ་རེད།
ཁོང་དང་འདྲ་བར་མི་རིགས་ཀྱི་ལས་དབང་སྤྱི་དང་། སྒོས་སུ་བོད་ཀྱི་ཤེས་ཡོན་ཀྱི་སློབ་གསོར་བྱ་བཞག་ཆེན་པོ་སྒྲུབ་མཁན་གྱི་སྐྱེ་་བོ་ཕོ་མོ་རྣམས་ནི་བོད་མི་རིགས་ཀྱི་ཆེས་རྩ་ཆེའི་ནོར་བུ་རང་ཡིན།

རིན་ཐང་ཆེ་བའི་ཁོང་གི་སློབ་གསོའི་བྱ་བཞག་ནི་ཁོང་རང་ཉིད་ཙམ་མ་ཟད་གངས་ཅན་བོད་རིགས་བུ་མོ་ཚོའི་རྒྱན་ཆ་བཟང་པོ་ཞིག་ཀྱང་ཡིན་པར་བརྩི་ཆོག

ངས་དྲ་ཐོགས་འདིར་བཞུགས་གར་རྡ་སར་ཡོད་པའི་གཞུང་སྒེར་ཚོགས་པ་སྤྱི་དང་ལྷག་ཏུ་བོད་ཀྱི་བུད་མེད་ཚོགས་པས་སྣེ་འཁྲིད་བྱས་ཏེ་སྤྱི་སྒེར་ཚང་མས་ཁོང་ཉིད་གང་མགྱོགས་གློད་གྲོལ་ཡོང་སླད་སྐད་འབོད་དང་སྦྲགས་འཛམ་གླིང་རྒྱལ་སྤྱིར་འབོད་བསྐུལ་ཞུ་དགོས་པའི་རེ་བསྐུལ་ནན་མོ་ཞུ་རྒྱུ་གལ་ཆེ་ཡིན།

བུད་མེད་འདིའི་མིང་ལ་ལྷ་མོ་སྐྱབས་ཨེ་ཡིན་ནམ། ངས་བལྟས་ན་ལྷ་མོ་སྐྱིད་ཡིན་རྒྱུ་རེད། ཕལ་ཆེར་བོད་ཀྱི་རུས་མིང་གི་སྲོལ་རྒྱུན་ནང་དུ་སྐྱབས་ཞེས་པ་དེ་སྐྱེས་པའི་མིང་མཐར་འབྱུང་བ་ཞིག་ཡིན། བོད་གཞུང་དབྱིན་ཡིག་གསར་འགྱུར་དུ་དེ་ལྟར་བཀོད་ཡོད་སྲིད། དཔེར་ན་རང་བདེན་ཚོགས་ཆུང་ནས་ཀྱང་རང་བཙན་ལག་དེབ་སྟེང་དེ་འདྲའི་ཁྱད་མཚར་བའི་མིང་བྲིས་ཡོད་པ་མཐོང་རྒྱུ་འདུག དེའི་རྒྱུ་མཚན་ནི་ཁམས་དང་ཨ་མདོའི་སྐད་ཡང་དག་ཅིག་མ་གོ་བར་དབུས་པ་ཟིན་བྲིས་པ་ཚོས་དེ་ལྟར་བྲིས་ཡོང་གི་འདུག སྣེ་ལེན་ཁང་གིས་ཀྱང་མཁའ་འགྲོ་སྐྱབས་ཟེར་དགོས་སའི་སྐྱེས་པ་ལ་མཁའ་འགྲོ་སྐྱིད་ཅེས་བྲིས་པ་སོགས་ཡོད། དེ་ལྟར་གོ་ནོར་ཐེབས་པ་ཞིག་ཡིན་པ་ཐག་ཆོད་ཡིན།

ཡིན་ནའང་དེ་གང་ཡིན་ལ་དཔྱད་དགོས་དོན་མེད། དེ་བས་ཁོང་མོར་གདུང་སེམས་མཉམ་སྐྱེད་ཀྱི་བྱེད་རྒྱུ་གལ་ཆེ། ད་ལྟའི་ང་ཚོའི་མི་རིགས་འདིའི་མགོར་ཡོང་རྒྱུ་ཚང་མ་སླེབས་ཡོད་པའི་སྐབས་འདིར་ང་ཚོས་རྡོག་རྩ་གཅིག་སྒྲིལ་བྱེད་དགོས་རྒྱུ་གལ་ཆེའོ།།