རྒྱ་ནག་གཞུང་གིས་པཎ་ཆེན་ཆུང་སྲིད་དགེ་འདུན་ཆོས་ཀྱི་ཉི་མ་བཙོན་འཇུག་བྱས་ཏེ་ལོ་བཅོ་ལྔ་འཁོར་བའི་ཤ་འཁོན་དེ་ང་ཚོས་ད་དུང་ཡང་བརྗེད་མེད་ཅེས་བོད་ཀྱི་གཞོན་ནུ་ལྷན་ཚོགས་ཀྱིས་གསལ་བསྒྲགས་ཏུ་གསུངས།
དེ་རིང་ཞོགས་པར་བོད་ཀྱི་གཞོན་ནུ་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་དང་ངྷ་ས་ས་གནས་གཞོན་ནུ་གཉིས་ཀྱི་གོ་སྒྲིག་འོག་ཐེག་ཆེན་ཆོས་གླིང་གཙུག་ལག་ཁང་དུ་སྐུ་མགྲོན་གཙོ་བོ་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་ཉམས་ཞིབ་པ་འཇམ་དཔལ་སྨོོན་ལམ་ལགས་གདན་ཞུའི་ཐོག པན་ཆེན་ཆུང་སྲིད་དགེ་འདུན་ཆོས་ཀྱི་ཉི་མ་མཆོག་རྒྱ་གཞུང་གིས་བཙོན་འཇུག་བྱས་ཏེ་མི་ལོ་བཅོ་ལྔ་འཁོར་བའི་ཉིན་མོ་དང་སྟབས་བསྟུན་ཏེ། ཁོང་ཉིད་མྱུར་ཏུ་གློད་གྲོལ་བྱ་ཆེད་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་ནས་ཀ་ཅ་རི་བར་ངོ་རྒོལ་སྐད་འབོད་ཀྱི་ལས་འགུལ་ཞིག་གོ་སྒྲིག་གནང་ཡོད།
སྐབས་དེར། བོད་ཀྱི་གཞོན་ནུ་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་གི་དྲུང་ཆེ་དོན་འགྲུབ་ལྷ་དར་ལགས་ཀྱིས། ང་ཚོས་པཎ་ཆེན་རིན་པོ་ཆེ་བླ་མ་ཡིན་པ་ཁོ་ནའི་གནས་སྟངས་མིན་པར། འདས་པའི་མི་ལོ་དྲུག་ཅུའི་ཡ་ང་བའི་ལོ་རྒྱུས་ཀྱི་བྱུང་རབས་ཁྲོད་༧གོང་ས་མཆོག་ཕུད་པའི་གང་ཟག་སྒེར་བ་ཞིག་བཀའ་དྲིན་ཅན་དུ་རྩི་དགོས་ཚེ། པཎ་ཆེན་སྐུ་གོང་མ་དེ་ཉིད་ལོ་རྒྱུས་ནང་བཀའ་དྲིན་ཆེ་ཤོས་ཀྱི་དཔའ་བོ་ཞིག་ཆགས་ཡོད་ལ། ད་ལྟའི་ཆར་མདོ་དབུས་ཁམས་གསུམ་དང་ས་དགེ་བཀའ་རྙིང་སོགས་སུ་དགོན་པ་དང་། སློབ་གཉེར་གནང་ཡུལ་ཕྲན་བུ་ཡོད་པ་དེ་དག་ཀྱང་ཁོང་གི་ཆོས་ལུགས་རིས་མེད་དང་ཆོལ་ཁ་དབྱེར་མེད་ཀྱིས་རླབས་ཆེན་ཕྱག་ལས་ལ་བརྟེན་ནས་བོད་ནང་གི་བོད་མི་ཚོ་རྡོག་རྩ་གཅིག་སྒྲིལ་ངང་གནས་ཐུབ་པ་བྱུང་ཡོད། དེར་བརྟེན་ང་ཚོ་མདོ་དབུས་ཁམས་གསུམ་དང་ཆོས་བརྒྱུད་རིས་མེད་ཀྱིས་དེ་རིང་གི་ཉིན་མོ་ངེས་པར་སྲུང་གཙི་བྱེད་དགོས་ཞེས་གསུངས་བྱུང་། ཡང་ཁོང་གིས། ༡༩༤༩ ལོ་ནས་ད་ལྟའི་བར་རྒྱ་ནག་གཞུང་གིས་ཡུལ་མི་དང་རང་ས་རང་ཡུལ། བླ་མ་དང་སློབ་མ། ཕ་མ་དང་བུ་ཕྲུག་ཁ་བྲལ་དུ་བཏང་བ་དང་། པཎ་ཆེན་སྐུ་གོང་མ་བཀྲོངས་པར་མ་ཟད། དགེ་འདུན་ཆོས་ཀྱི་ཉི་མ་དགུང་ལོ་དྲུག་གི་སྟེང་བཙོན་འཇུག་བྱས་པ་དེ་ནི་རྒྱ་ནག་སྲིད་གཞུང་དང་བོད་མི་རིགས། རྒྱ་ནག་རྒྱལ་ཁབ་དང་བོད་རྒྱལ་ཁབ་བར་གྱི་ཤ་འཁོན་གྱི་ལོ་རྒྱུས་གསར་བ་ཞིག་ཡིན་སྟབས། ང་ཚོས་མི་ལོ་བཅོ་ལྔའི་རིང་གི་ཤ་འཁོན་དེ་ད་དུང་ཡང་བརྗེད་མེད་ལ་མ་འོངས་བར་ཡང་བརྗེད་མི་སྲིད་ཅེས་གསུངས་བྱུང་བར་མ་ཟད། རང་ལོ་དྲུག་ཡིན་པའི་བྱིས་པ་དམར་རྗེན་ཞིག་ལོ་བཅོ་ལྔར་བཙོན་འཇུག་བྱས་པ་དེ་རྒྱ་ནག་དང་མཉམ་འབྲེལ་རྒྱལ་ཚོགས་གཙོས་པའི་འཛམ་གླིང་གི་སྲིད་གཞུང་དང་ཚོགས་སྡེ་ཁག་གི་ངོ་ཚ་ཞིག་ཆགས་བསྡད་ཡོད་པ་དང་། འགྲོ་བ་མི་སྤྱི་ཡོངས་ཀྱི་འཇིགས་སྣང་ཞིག་དང་འཛམ་གླིང་གི་ས་གཞི་འདིའི་སྒང་འཇིགས་སྣང་ཆེ་ཞིང་དང་རང་དབང་། དྲང་བདེན་མེད་པའི་དཔེ་མཚོན་ཞིག་རེད། དེ་བས། བོད་ཀྱི་གཞོན་ནུ་ལྷན་ཚོགས་ཀྱི་ངོས་ནས་མཉམ་འབྲེལ་རྒྱལ་ཚོགས་གཙོས། འཛམ་གླིང་གི་ཚོགས་སྡེ་ཁག་དང་སྲིད་གཞུང་ཁག་གིས་དོན་དངོས་ཐོག་ཞི་བདེ་དང་འདྲ་མཉམ་ལ་སྲུང་གཙི་བྱེད་ཀྱིན་ཡོད་ཚེ། པཎ་ཆེན་ཆུང་སྲིད་རིན་པོ་ཆེའི་གནས་སྟངས་ཐད་རྒྱ་ནག་གཞུང་ལ་ཨ་ལན་བརྡ་ལན་གནང་དགོས་པའི་འབོད་སྐུལ་དང་། རྒྱ་ནག་གཞུང་གིས་ཀྱང་འདྲ་མཉམ་དང་རང་དབང་། འཆམ་མཐུན་དང་ཞི་བདེར་གཙི་སྲུང་བྱེད་ཀྱིན་ཡོད་ཚེ། ཆུང་སྲིད་རིན་པོ་ཆེའི་གནས་སྟངས་རྩིས་སྤྲོད་དང་། ཁོང་དང་བྱ་བྲལ་རིན་པོ་ཆེ་སྐུ་འཁོར་རྣམས་ཆ་རྐྱེན་ཅི་ཡང་མེད་པའི་ཐོག་གློད་གྲོལ་གཏོང་དགོས་ཞེས་འབོད་སྐུལ་ཡང་གནང་སོང།
དེ་བཞིན་སྐུ་མགྲོན་གཙོ་བོ་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་འགན་འཛིན་ལས་རོགས་དང་ཉམས་ཞིབ་པ་འཇམ་དཔལ་སྨོན་ལམ་ལགས་ཀྱིས། ༡༩༨༩ ལོའི་ཕྱི་ཟླ་ ༡ ཚེས་ ༢༩ ཉིན་པཎ་ཆེན་སྐུ་ཕྲེང་བཅུ་བ་མཆོག་དགོངས་པ་ཆོས་དབྱིངས་སུ་འཐིམས་ཤིང་། ༩ ལོའི་ཕྱི་ཟླ་ ༤ པའི་ཚེས་ ༢༥ ཉིན་དགེ་འདུན་ཆོས་ཀྱི་ཉི་མ་སྐུ་འཁྲུངས་བ་རེད། ༨༩ ལོ་ནས་ ༩༤ ལོའི་བར་བྱ་བྲལ་རིན་པོ་ཆེ་གཙོས་པའི་ཡང་སྲིད་ཚོགས་ཆུང་གིས་ཐག་གཅོད་གཏན་འབེབས་གནང་བ་དང་། ༩༥ ལོའི་ཟླ་ ༥ བའི་ཚེས་ ༡༤ ཉིན་༸གོང་ས་མཆོག་གིས་ཡང་སྲིད་དགེ་འདུན་ཆོས་ཀྱི་ཉི་མ་ཐོག་མར་གསལ་བསྒྲགས་གནང་རྗེས། རྒྱ་ནག་གཞུང་གིས་ཡང་སྲིད་ཐག་གཅོད་ཚོགས་ཆུང་གི་ཚོགས་མི་བྱ་བྲལ་རིན་པོ་ཆེ་དང་ཕྱག་རོགས་རྣམ་གཉིས་ཉིན་དེར་འཛིན་བཟུང་བྱས་པ་རེད། ཕྱིས་སུ་སྲིད་འཛིན་ཅཱང་ཙེ་མེན་ཆེད་ཕེབས་ཀྱིས་ཚོགས་འདུ་སྐོང་འཚོགས་གནང་སྟེ་༸གོང་ས་མཆོག་གིས་ཐག་གཅོད་བྱས་པའི་ཡང་སྲིད་ཁྲིམས་འགལ་དང་རྩིས་མེད་ཡིན་ཚུལ་བཤད་དེ། ཡང་སྲིད་ཐད་རྒྱ་གཞུང་གིས་ཐེ་བྱུས་བྱེད་མགོ་བཙུགས་པ་དང་། ༡༩༩༥ ལོའི་ཕྱི་ཟླ་ ༥ བའི་ཚེས་ ༡༧ ཉིན་པཎ་ཆེན་ཆུང་སྲིད་རིན་པོ་ཆེ་འཛིན་བཟུང་བཙན་འཁྲིད་བྱས་པ་རེད་ཅེས་དང་། དེ་བཞིན། ཁོང་གིས་ད་ལྟའི་བར་ཁོང་ཉིད་གང་དུ་ཡོད་མེད་དང་ཅི་བྱུང་གི་གནས་ཚུལ་བོད་ཕྱི་ནང་གཉིས་ཀྱི་མི་མང་གིས་ཤེས་རྟོགས་མེད་པའི་སྐོར་འགྲེལ་བརྗོད་གནང་བྱུང་བར་མ་ཟད། མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གིས་ཀྱང་གནས་སྟངས་ཤེས་རྟོགས་བྱེད་ཀྱིན་མེད་པ་དང་། ད་ལྟའི་བར་དུ་པར་གཉིས་མ་གཏོགས་མཐོང་ཡུལ་དུ་བྱུང་མེད་ལ། པར་དེ་གཉིས་ཀྱང་ཁོང་གི་པར་དངོས་ཡིན་མིན་དོགས་པ་ཡོད་པའི་སྐོར་གསུངས་བྱུང་ལ། རྒྱ་ནག་གི་ཁྲིམས་ལུགས་གཞིར་བཟུང་ལྟར་པཎ་ཆེན་རིན་པོ་ཆེར་རང་ཐག་རང་གཅོད་ཀྱི་ཐོབ་ཐང་སྤྲོད་དགོས་པའི་རེ་འདུན་བཏོན་གནང་སོང་།
དེ་རིང་ཞོགས་པར་དབུས་གཞོན་ནུ་ལྷན་ཚོགས་སྤྱི་ཁྱབ་རྒྱུན་ལས་ཁང་དང་ངྷ་ས་ས་གནས་གཞོན་ནུ་གཉིས་ཀྱི་གོ་སྒྲིག་འོག་མི་གྲངས་བརྒྱ་མ་ཟིན་ཙམ་ཞིག་གིས་ཀཱ་ཅ་རི་བར་ངོ་རྒོལ་གྱི་ལས་འགུལ་སྤེལ་སོང་ལ། དགོང་དྲོ་མར་མེ་ཁྲོམ་སྐོར་ཞིག་ཀྱང་གོ་སྒྲིག་གནང་རྒྱུ་རེད།
བཅར་བཅར་འདྲི་ཞུ་ཡུལ། བཅར་འདྲི་ཞུ་མཁན་དང་ཀློག་མཁན་གྱིས་ངུ་ཤོར་བའི་ཁྲོད་དུ། ་་་་་་་་རྒྱ་རིགས་གཞས་པ་དང་གློག་ བརྙན་འཁྲབ་མཁན་སྐད་གྲགས་ཅན་ཚོས་དགུང་ཚོགས་བསྡུས་ནས་ཞལ་འདེབས་ཧ་ལས་བ་གནང་ སོང་། ་་་། འདིས་ང་ཚོ་བོད་རིགས་ཚོ་རྒྱ་གཞུང་དང་མི་བདེ་བ་ཡོད་ན་ཡང་། རྒྱ་རིགས་ལ་བཟོད་སྲན་དང་གཅིག་ཕན་གཅིག་གྲོགས་དགོས་པ་གསལ་སྟོན་བྱུང་འདུག བོད་རྒྱའི་དམ་ཚིག་འོ་ཆུ་འདྲེས་འགྱུར་ཅིག །
བོད་རྒྱ་དམ་ཚིག་གཅིག་ འདྲེས་ཀྱིས། །
རྒྱ་གཞུང་ཕུང་འདྲེ་འཇིགས་ ལ་བརྩོན། །
བཙན་བྱོལ་བོད་རིགས་ནང་པ་ ཞིག །
འདི་འདྲ་མ་བཤད་ཀ་མེད་ཆགས། །
karma dorje ༼ བོད་རྒྱ་མི་རིགས་གཉིས་བར་གྱི་དམ་ཚིག་ ༽ཞེས་བྲིས་ཡོད་ལ། དྲ་གྲོགས་དབྱིན་མིང་ཅན་ལགས། བོད་རྒྱ་གཉིས་ཀྱི་བར་ལ་དམ་ཚིག་ཞིག་ཡོད་པ་ཁྱེད་མ་གཏོགས་སུ་ཀྱང་ཁས་ལེན་བྱེད་མྱོང་མེད། རྒྱ་བོད་ཀྱི་འབྲེལ་བ་སྔར་ནས་ད་བར་དུ་བཟང་ངན་གྱིས་འགྱུར་བ་སྣ་ཚོགས་པ་ཞིག་བརྒྱུད་ནས་འོངས་མྱོང་།
ཁྱེད་ཀྱིས་སྤྱིར་དམ་ཚིག་ཞེས་པའི་དོན་མ་གོ་བའམ། ཡང་ན་ཁྱེད་དམིགས་བསལ་རྒྱ་དམར་པོའི་ལྟ་བ་ལ་དགའ་དྲགས་པའི་སྐྱེན་ཀྱིས་དམ་ཚིག་ཞིག་ཡོད་སྣང་ཤར་བ་འདྲ།
གང་ལྟར་ཁྱེད་ནི་མི་རིགས་བོད། མིང་དབྱིན་ཡིག ལྟ་བ་དམར་པོ་སྟེ་ཁྱད་ཆོས་གསུམ་ལྡན་ཞིག་གི་བསླབ་བྱ་ལ་བོད་རིགས་ཚོའི་དོར་སྣང་ལོས་སྤྲད།
གཞིན་ནུ་ཚོགས་པ་ཡ།
ཁྱོད་ཀྱིས་ཆོལ་ཁའི་རྩོད་པ་མི་བྱེད་ལ་གསར་རྙིང་གི་དབྱེར་བའང་མི་བྱེད།
ཁྱོད་ནི་དྭང་གཙང་གི་ཚོགས་པ་ཞིག་དང་སྙིང་སྟོབས་ཁྲག་རྩ་རྒྱས་པའི་ཚོགས་པ་ཞིག་ཀྱང་ཡིན།
གངས་ཅན་པའི་གཞོན་ནུ་མ་རྫོགས་པར་དུ་གནས་ཐུབ་ལ་གངས་ཅན་པའི་རང་དབང་ཡང་རྩོད་སྲིད།
ཁྱོད་ནི་དགྲ་བོའི་མགོ་བོ་གཏོར་བའི་ཐོ་བ་ཡིན་ལ་དགྲ་བོས་ཀྱང་ཁྱོད་ལ་ཧ་ཅང་སྡང་།
ཁྱོད་ཀྱིས་རང་ཡུལ་ཇག་པས་འཕྲོག་པ་བརྗེད་མེད་ལ་ཁྱོད་ཀྱིས་རང་བཙན་རྩོད་པའང་རྫུན་བཟོ་ཞིག་ག་ལ་ཡིན།
ཁྱོད་ཀྱིས་སྐད་ཤུགས་ཆེན་པོའི་དགྲ་བོ་ལ་ཤ་འཁོན་ཡོད་ཅེས་པ་དེའང་སྙིང་སྟོབས་ཤིག་མེད་ལ་ག་ལ་ཐུབ།
ཁྱོད་ཀྱིས་རང་ཡུལ་ལེན་པའི་ཐབས་ལ་ཅི་ལྟར་རྩོད་ཀྱང་རུང་འོས་ཤིང་འཚམ་ལ་རྒྱབ་སྐྱོང་ཡང་ཡོད།
མ་འཆུག་ཡ།མ་འཆུག་གངས་ཅན་པའི་གཞོན་ནུ་ཚོ།
མི་ལོ་ལྔ་བཅུའི་ཤ་འཁོན་བརྗེད་མེད་ཟེར་ཡང་ལས་འགུལ་རྡ་སར་རི་ཁུག་རྐྱང་རྐྱང་ནང་སྤེལ་བ་ཙམ་མ་ཡིན་པར་དེ་ལས་རྒྱ་ཆེ་ཙམ་སྤེལ་ཐུབ་པ་བྱེད་དགོས།
ངས་ལྟར་ན་རྡ་ས་རི་འགོའི་ཐོག་སྐད་ག་ཚོད་བརྒྱབ་ཀྱང་ཕན་ཐོགས་མེད་པ་ཞིག་ཚོར་བཞིན་འདུག་་་་་་་་་
ལོ་རེའི་ནང་རྒྱལ་ས་ལྡི་ལི་ལྟ་བུའི་ནང་གཞི་རྒྱ་ཆེ་བའི་སྐད་འབོད་ལས་འགུལ་སོགས་ཐེངས་རེ་གཉིས་སྤེལ་ན་བཟང་ཤོས་སུ་མཐོང།
སྐར་མདའི་ཚིག་འདིས་གཞོན་ལྷན་ལས་འགུལ་ལས་འདས་ནས་གཞིས་བྱེས་དཀྲུགས་ཤིང་གི་ཚིག་མདར་འགྱུར་བས་བདག་སྤྲོད་བྱ་མི་རུང་།
ནད་པ་ལགས་ཀྱིས་ནད་ངོ་ཡག་པོ་འཁྲོད་ནས་གསུངས་འདུག་པས་སེམས་ནད་ཕོག་འདོད་མེད་ན་ཁོང་གི་ཚིག་ལ་ཡིད་རྟོན་དུ་རུང་ངོ་།
བོད་རང་བཙན་ཁ་ལ་འཁྱེར་ནས་”ཤ་འཁོན་”གྱི་ཚིག་འདིས་བོད་རྒྱ་མི་རིགས་གཉིས་བར་གྱི་དམ་ཚིག་ལ་གནོད་གཞི་ཆེ་བས་ཚིག་འདིའི་རིགས་གཟབ་གཟབ་བྱས་ནས་བེད་སྤྱོད་བྱེད་དགོས།
ཅོ་རི་ཉི་མ་རྣ་བ་བློགས་ཏེཉོན། ཆབ་སྲིད་ཟེར་བ་དེ་རླུང་ཡན་གཅིག་གི་ཆོས་དང་འདྲ་མཚུངས་རེད། ཆོས་ཁས་མི་ལེན་པའི་གུང་ཁྲན་ཏང་གིས་ཆབ་སྲིད་ཀྱི་རླུང་ཡན་དེད་ཕྱོགས་ཏེ་༸ གོང་ས་ཏྰ་ལའི་བླ་མ་དང་། བཙན་བྱོལ་བོད་གཞུང་ལ་དམིགས་ཏེ། ཐེ་ཝན་བོད་སོགས་ལས་ཁུངས་ཀྱིས་ངོ་བོར་སྔ་ཕྱིར་འགོག་རྐྱེན་སྣ་ཚོགས་པ་ཞིག་བཟོས་ཡོད།
དེ་བཞིན་སྐྱེ་བ་སྔ་ཕྱིར་ཡིད་ཆེས་གཏན་ནས་མི་བྱེད་པའི་ཆོས་མེད་རིང་ལུགལ་གུང་ཁྲན་ཡཏང་གིས་ཆབ་སྲིད་ཀྱི་རླུང་ཡན་དེདད་ཕྱོགས་དེ་ཡང་༸ གོང་ས་མཆོག་དང་། བཙན་བྱོལ་བོད་གཞུང་ལ་དམིགས་ཏེ་ ༸ པཎ་ཆེན་དགེ་འདུན་ཆོས་ཀྱི་ཉི་མ་དེ་རླུང་འཚུབ་དེའི་འཁྲོད་ལས་ཐ་ན་ཤི་སོན་གང་ཡིན་ཚོད་དཔག་མི་ཐུབ་པའི་གནས་སུ་གྱར་ཡོད།
དེ་དང་ཕྱོགས་མཚུངས་རྒྱ་དམར་གྱི་ཆབ་སྲིད་ཀྱི་རླུང་ཡན་དེད་ཕྱོགས་ཏེ་ ༸ གོང་ས་མཆོག་དང་། བཙན་བྱོལ་བོད་གཞུང་ལ་དམིགས་ཏེ་བོད་གཞིས་བྱེས་གཉིས་སུ་དམ་སྲི་གདུག་པ་ཅན་དོལ་རྒྱལ་ཁ་ལ་འཁྱེར་ཏེ་སྔ་ཕྱིར་བསམ་ཡུལ་ལས་འདས་པའི་རླུངའཚུབ་དེའི་འཁྲོད་ལས་འགལ་རྐྱེན་སྣ་ཚོགས་ཤིག་བཟོས་ཡོད།
ད་ཆ་རྒྱ་གཞུང་གིས་མཁྱེན་རླབས་མཚུངས་མེད་༸ གོང་ས་ཏྰ་ལའི་བླ་མ་མཆོག་དང་། བཙན་བྱོལ་བོད་གཞུང་འདི་ཁ་བྲལ་རིང་ལུགས་པ་ཞིག་ཡིན་པར་བརྙས་ཏེ་ཆབ་སྲིད་ཀྱི་རླུང་ཡན་དེད་ཕྱོགས་ཏེ་བོད་རང་བཙན་དང་ཁ་བྲལ་རིང་ལུགས་པའི་ངོ་བོར་རླུང་དམར་འཚུབ་བཞིན་ཡོད་སྟབས་ལོ་ཁ་ཤས་ཤིག་ལས་མ་འགོར་བར་བོད་རང་བཙན་ཁ་ལ་འཁྱེར་ནས་རྒྱ་བོད་འབྲེལ་མོལ་གྱི་མཐུན་སྒྲིལ་ལ་གཏོར་བཤིག་གཏོང་མཁན་གྱི་རིགས་དེ་ཚོ་རིམ་པས་ཟུར་དུ་བཞག་དགོས་པའི་དུས་སྐབས་ཤིག་ཆགས་སྲིད།
ཆབ་སྲིད་ཀྱི་རླུང་ཡན་འཚུབ་སྟངས་འདི་འདྲ་ཞིག་གིས་འོག་ཏུ་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོས་གཙོས་པའི་ལས་བྱེད་ཚོས་གཟབ་གཟབ་མ་བྱས་ན་རླུང་ཡན་དེའི་འཁྲོད་ལས་ཐ་ན་ཚོགས་པ་འདི་མགྱོགས་པོར་སྒོ་རྒྱག་དགོས་པའི་གནད་དོན་ལྷག་སྲིད།
དེར་བརྟེན་ངས་གསལ་བཤད་གང་བྱེད་བཞིན་ཡོད་པ་དེའི་དམིགས་ཡུལ་གཙོ་བོ་ནི། བཀའ་དྲིན་མཚུངས་མེད་༸ གོང་ས་ཏྰ་ལའིབླ་མ་མཆོག་དང་། བཙན་བྱོལ་བོད་གཞུང་། བོད་མི་རིགས་ཀྱི་གནད་དོན་དེར་ཁ་ཞེ་སྙིང་མེད་ཀྱིས་སྒོ་ནས་ཕན་པའི་ཆེད་དུ་ཡིན་སྟབས། ཅོ་རི་ཉི་མས་གཙོས་པའི་བོད་རང་བཙན་རྩོད་མཁན་ཚོས་གཟབ་གཟབ་མ་བྱས་ན་རང་བཙན་ཁ་ལ་འཁྱེར་ནས་རྒྱ་ནག་གིས་ཆབ་སྲིད་རླུང་ཡན་དང་རླུང་དམར་འཚུབ་འཚུབ་བྱེད་བཞིན་པ་དེའི་ནང་མ་ཚུད་པ་ཞིག་བྱེད་རྒྱུའི་རེ་བ་ཡོད།
rin chen ཟེར་བའི་བཤད་ལུགས་འདི་ལ་་ལྟོས་དང་། རྒྱ་དམར་གྱི་རྫུན་གཏམ་ཀུན་འདུས་ཀྱིས་ཡོངས་སུ་སྨྱོས་པའི་་དྲི་ངན་འདུག་པས། འདྲེ་དང་རྒྱ་དམར་ལ་སྐྱབས་བཅོལ་མཁན་ཚོའི་སྣ་ལ་ཞིམ་པ་ཙམ་ལས། རྒྱུ་མཚན་ལྡན་པའི་དྲང་གཏམ་སྣ་གཅིག་མི་འདུག་པས། བོད་མི་སེམས་ཡོད་རྣམས་ཀྱིས་ཁོས་བཤད་པའི་འཆལ་གཏམ་ནི་རྒྱ་དམར་གྱི་སྐྱག་རྫུན་བཞིན་གཏན་ནས་ཡིད་ཆེས་བྱེད་མི་འོས།
རིན་ཆེན་ལགས་ཀྱི་གསུངས་ལ་རིན་གོང་འདུག་་་་དྲ་གྲོགས་གསར་པ་ཁྱེད་ཕེབས་པར་དགའ་བསུ་ཡོད།
རྒྱ་གར་དང་བལ་ཡུལ་སོགས་ལ་མཚར་ལོང་བྱུང་བའི་བོད་ཕྲུག་འདི་ཚོའི་སྐད་ཆ་ལ་སུ་ཞིག་གིས་ཡིན་སྟོན་བྱེད། ཁོ་ཚོས་ཕྱོགས་གཅིག་ནས་བཤད་ན་བོད་པ་ཡིན་པར་མ་ཟད་བོད་དོན་སྒྲུབ་མདོགས་བྱེད། ཞིབ་དུ་བལྟས་ན་རང་དབང་གི་ལུང་པ་ན། དབུ་ཁྲིད་ཏྰ་ལའི་བླ་མ་ལྟ་ཡོད་བཞིན་དུ་བོད་ཀྱི་ཆོས་དང་རིགས་གཞུང་ཕར་ཞོག ཐ་ན་བོད་སྐད་ཆ་ཚང་ཞིག་ཀྱང་བཤད་མི་ཤེས་མཁན་འདི་ཚོའི་སྐད་ཆ་ལ་ཉན་རྒྱུ་ཅི་ཡོད། མགོ་བདེ་འཆོལ་བོ་འབའ་ཞིག་རེད། ཁ་བཤད་དོན་མི་གནས་མཁན་འདི་ཚོས་བཤད་པ་ལ་ཉན་རྒྱུ་ཞིག་མེད་ཡ།
བོད་གཞུང་དམངས་གཉིས་ཀྱིས་གཞིས་ལུས་བོད་རིགས་སྤྱི་དང་ཆབ་སྲིད་བཙོན་པ་རྣམས་ཀྱི་ཆེད་དུ་གཏམས་བཤད་སྣ་ཚོགས་ཤིག་བྱེད་ཀྱི་ཡོད་ཀྱང་། ཆབ་སྲིད་ཀྱི་འགྲོ་སྟངས་ཙམ་ལས་བཟང་དྲག་པ་གང་ཡང་མ་རེད། གང་ཡིན་ཟེར་ན། ད་ལྟའི་བར་བོད་ནས་བྲོས་བྱོལ་དུ་ཡོང་བའི་ཆབ་སྲིད་བཙོན་པ་དང་མི་སྣ་གལ་ཆེན་མང་པོ་ཞིག་རྒྱ་གར་དུ་འབྱོར་ཡོད་ན་ཡང་རེ་ཟུང་ཞིག་ཕྱི་རྒྱལ་ལ་བཏང་བ་ཙམ་ལས། གཞན་དམིགས་བསལ་རོགས་རམ་དང་གཟིགས་སྐྱོར་མེད་པ་མ་ཚད་རྒྱ་གར་དུ་འབྱོར་མ་ཐག་ཁོ་ཚོའི་དཀའ་སྡུག་ལ་བོད་གཞུང་དམངས་གཉིས་ཀྱིས་བསམ་བློ་གང་ཡང་གཏོང་གི་མེད་པ་རེད།
བོད་ལ་རང་བཙན་ཡོད་དུས་ཆོས་ལུགས་ཁོ་ནའི་ཞེན་ཁོག་ལས་དྲང་བདེན་གྱི་ངང་སྲིད་དབང་དང་། ཡར་རྒྱས་ཀྱི་རྐང་སྤོ་མ་བྱས་ཙང་། ད་ལྟ་ཆ་ཚང་ཚར་ནས་ད་ལོ་སང་ལོ་བོད་རང་བཙན་ཐོབ་མདོག་ཁ་པོའི་དཀྲོག་གཏམ་མང་པོ་ཞིག་སྤེལ་གྱི་ཡོད་པ་དེས་གཞིས་བྱེས་གཉིས་ཀར་དཀའ་ངལ་ག་ཚད་ཅིག་སྤྲོད་ཀྱི་ཡོད་མ་བརྗེད་པ་གྱིས། ཉིས་སྟོང་བརྒྱད་ལོར་གཅིག་པུར་ཆ་བཞག་ན་ཡང་ཁེ་བསྐྱེད་སྤུ་ཙམ་མེད་པར་རང་སྲོག་ཤོར་བ་སྟོང་ཕྲག་དུ་མ་ཞིག་བྱུང་བའི་ཁར་ད་དུང་ཡང་བོད་ལ་དཀའ་ངལ་ཅི་ཙམ་ཞིག་འཕྲད་ཀྱི་ཡོད་པ་བཙན་བྱོལ་དུ་ཡོད་པའི་གཞུང་ཞབས་པ་དེ་ཚོ་མ་ཡིན་པར་བོད་ལ་ཡོད་པའི་བོད་མི་ཉམས་ཐག་དེ་ཚོ་རེད། བོད་ལ་རང་དབང་མེད་ནས་ཤེས་ཡོན་དང་དཔལ་འབྱོར་ཡར་རྒྱས་མི་འདུག་ཟེར་ཤོད་ཀྱི་ཡོད་ཀྱང་། དེང་སང་བོད་སྐད་དང་བོད་ཡིག་གང་ཡང་མི་ཤེས་ཤིང་བཙན་བྱོལ་ནང་དུ་འཚར་ལོངས་བྱུང་བའི་བོད་རིགས་དེ་ཚོ་ཡིན་པ་ཚང་མས་ཤེས་གསལ་རེད། ཅི་སྟེ་བོད་ལ་རང་དབང་ཡོད་ན་ཡར་རྒྱས་གང་འཚམས་ཐོན་སྲིད་ཀྱང་ད་ལྟ་ནང་བཞིན་གྱི་ཡར་རྒྱས་མེད་པ་ནི་ཆེས་གསལ་པོ་རེད། ད་དུང་བལ་ཡུལ་རྒྱལ་ཁབ་ནང་བཞིན་ཆགས་པའི་ཉེན་ཁ་ཆེན་པོ་ཡོད།
ལྷག་པར་དུ་ད་ལྟའི་ཆར་བོད་ཀྱི་བླ་སྤྲུལ་ཆེ་ཆུང་ཐམས་ཅད་ཀྱིས་གོང་ས་མཆོག་ལ་གུས་བརྩི་དང་བོད་གཞུང་ལ་ཤ་ཞེན་ཆེན་པོ་ཡོད་ཀྱང་། རང་བཙན་ཡོད་མདོག་ཁ་པོའི་ཐོག་ནས་ཆོས་ལུགས་དང་མི་རིགས་ཀྱི་ཕྱོགས་ཞེན་ཆེ་དྲག་པའི་བྱ་སྤྱོད་དེ་ཚོ་ཉུང་ཙམ་མ་བྱས་ནས་ལོ་ངོ་ལྔ་བཅུའི་ནང་རོལ་དུ་བོད་ཀྱི་ཚོགས་སྡེ་ཡོངས་རྫོགས་ཁ་འཐོར་ནས་རང་འགོ་གར་ཐོན་བྱེད་དུས་ད་ལྟའི་རྫིག་ཉམས་དེ་གཏོང་ཐུབ་པ་ཁག་པོ་རེད་ལ་དེས་བྱས་ནས་ཁྱོད་རང་ཚོ་དཀའ་ངལ་ཡང་འཕྲད་སྲིད་པ་རེད། རྒྱ་ནག་ཉམས་གུད་དུ་འགྲོ་སྲིད་ཀྱང་དེས་བྱས་ནས་བོད་ལ་རང་དབང་སླེབ་པ་ནི་དུས་རབས་གཅིག་གི་སྐད་ཆ་ཡིན་པས་ཐུང་ཐུང་མ་རེད།
རྒྱ་དམར་གྱི་ཆབ་སྲིད་ཐབས་ཇུས་ནི། ས་འབུ་གྲོག་མ་ལས་ཀྱང་སྐྱོ་བ་འདུག
ཐ་ན་རྨོངས་ཞིང་གཏུམ་པར་གྲགས་པའི་ས་འབུ་གྲོག་མས་ཀྱང་སོ་སོ་ལ་འོ་མ་སྟེར་མཁན་གྱི་སྔོ་འབུ་རྣམས་མི་གསོད་པ་མ་ཟད་སྔོ་འབུ་རྣམས་ཀྱི་ཟ་རྒྱུའི་ཆེད་དུ་ཕྱོགས་མཚམས་ཀུན་ནས་ཤིང་གི་ལོ་མ་བསྡུས་ནས་གསོ་སྐྱོང་བྱས་ནས་རང་སྐྱིད་གཞན་བདེའི་འཚོ་བ་རོལ་ཤེས་ཀྱིན་ཡོད་ན་ཡང་། མི་གཟུགས་སུ་ཡོད་པའི་རྒྱ་དམར་ཇག་གཞུང་གིས། རྒྱལ་ཡོངས་མི་དམངས་ལ་ཆོས་རིག་དང་དཔལ་འབྱོར་གྱི་ཁེ་ཕན་རྒྱ་ཆེན་པོ་སྤྲོད་མཁན་གྱི་བོད་མི་རིགས་དང་བོད་ཡུལ་ལ་སྲུང་སྐྱོབ་བྱེད་དགོས་བསམ་པའི་ཐབས་ཇུས་བཤམ་མི་ཤེས་པར་མ་ཟད། རྒྱ་དམར་ཇག་ཚོགས་ལ་གནས་སྐབས་ཀྱི་ཁེ་ཕན་ཙམ་ལས་ཕུགས་བསམ་བཟང་པོའི་ཤེས་རབ་གཏན་ནས་མེད་པའི་རྐྱེན་གྱིས། བོད་རིགས་ཡིན་ན་དམར་གསོད་བྱེད་ཆོག་པ་དང་བོད་ཡུལ་ཡིན་ན་གཏོར་བརླག་བཏང་ཆོག་པའི་ནོར་འཁྲུལ་ཅན་གྱི་སྲིད་ཇུས་ལག་བསྟར་བྱས་དང་བྱེད་བཞིན་པའི་རྗེས་འབྲས་ནི། རྒྱ་བོད་མི་རིགས་ཡོངས་ལ་གྱོང་ཁ་ཧ་ཅང་ཆེ་ཞིང་གནོད་ཚབས་ཤིན་ཏུ་ཆེན་པོ་ཡིན་པར་ཤེས་དགོས་ལ། བློ་སྣ་ཐུང་བའི་རྒྱ་དམར་ཇག་ཚོགས་གིས་རང་བྱས་རང་སྡུག་ཆེན་པོ་མྱོང་ངེས་ཡིན།
སྙིང་རྗེའི་སྔོན་བརྡ།
རྒྱ་ནག་མི་དམངས་ཚོའི་སེམས་ལ་ཉིན་རེ་བཞིན་རྒྱ་དམར་གྱི་དྲང་བདེན་མ་ཡིན་པའི་ངན་སྤྱོད་ལ་འཁོན་འཛིན་དང་ཁོང་ཁྲོ་འཕེལ་བཞིན་འདུག་པས། རྒྱལ་ཡོངས་ལ་གཞི་རྒྱ་ཆེ་བའི་གསར་བརྗེའི་ལས་འགུལ་ཞིག་ཕྱོགས་ཡོངས་ནས་སྤེལ་རྒྱུའི་ཆ་རྐྱེན་ཚང་ལ་ཉེ་ཡོད།
གལ་ཏེ་རྒྱ་དམར་དབང་འཛིན་པ་ཚོ་གང་འགྱོགས་རྨོངས་གཉིད་ལས་མ་སད་ན། གནམ་ས་བསྒྱུར་བའི་གསར་བརྗེའི་ལས་འགུལ་འབར་ཞིང་འགད་པའི་སྐབས་དེར་རྒྱ་དམར་དབང་འཛིན་པ་ཚོས་སོ་སོའི་སྡིག་ཉེས་ཀྱི་སྡུག་བསྔལ་ཚད་མེད་མྱོང་ངེས་པས་ད་ལྟ་ནས་མི་དམངས་ལ་གནོད་པའི་བསམ་སྦྱོར་སྤོང་ཤེས་ན་མཁས་པ་རེད།
(འདིར་བསྐྱར་འགོད་བྱེད་དགོས་བྱུང་སོང་བས་གཟིགས་མཁན་རྣམས་ལ་དགོངས་འགལ་མེད་པར་ཞུ།)
ད་ལྟོས་དང་།
ཞི་བདེ་གནམ་ནས་གོད་བཞིན་འདུག
དྲག་པོ་རོ་ལངས་རྒྱབ་བཞིན་འདུག
མང་གཙོ་དམངས་ཤོག་འགྱུར་བཞིན་འདུག
བཀའ་ཡིག་བཀའ་བློན་འཕེལ་བཞིན་འདུག
ཧེ་ཧེ་
བོད་ནང་རང་རིགས་ལས་བྱེད་པདྨ་འཕྲིན་ལགས་ཀྱིས་ཟླ་གཉིས་གོང་ལ་༧པཎ་ཆེན་བསྟན་འཛིན་དགེ་འདུན་མཆོག་ནང་མི་བཅས་བོད་རིགས་ས་ཁུལ་ནང་ལ་ཡོད་ཟེར་བ་དེ་ཡང་རྫུན་བཤད་པ་རེད་དམ།
རྒྱ་དམར་གྱི་ཆབ་སྲིད་ཐབས་ཇུས་ནི། ས་འབུ་གྲོག་མ་ལས་ཀྱང་སྐྱོ་བ་འདུག
ཐ་ན་རྨོངས་ཞིང་གཏུམ་པར་གྲགས་པའི་ས་འབུ་གྲོག་མས་ཀྱང་སོ་སོ་ལ་འོ་མ་སྟེར་མཁན་གྱི་སྔོ་འབུ་རྣམས་མི་གསོད་པ་མ་ཟད་སྔོ་འབུ་རྣམས་ཀྱི་ཟ་རྒྱུའི་ཆེད་དུ་ཕྱོགས་མཚམས་ཀུན་ནས་ཤིང་གི་ལོ་མ་བསྡུས་ནས་གསོ་སྐྱོང་བྱས་ནས་རང་སྐྱིད་གཞན་བདེའི་འཚོ་བ་རོལ་ཤེས་ཀྱང་། རྒྱ་དམར་གཞུང་གིས་རྒྱ་ཡོངས་་མི་དམངས་ལ། ཆོས་རིག་དང་དཔལ་འབྱོར་གྱི་ཁེ་ཕན་རྒྱ་ཆེན་པོ་སྤྲོད་མཁན་གྱི་བོད་མི་རིགས་དང་བོད་ཡུལ་ལ་སྲུང་སྐྱོབ་བྱེད་དགོས་བསམ་པའི་ཐབས་ཇུས་བཤམ་མི་ཤེས་པར་མ་ཟད། རྒྱ་དམར་ཇག་ཚོགས་ལ་གནས་སྐབས་ཀྱི་ཁེ་ཕན་ཙམ་ལས་ཕུགས་བསམ་བཟང་པོའི་ཤེས་རབ་མེད་པའི་རྐྱེན་གྱིས། བོད་རིགས་ཡིན་ན་དམར་གསོད་བྱེད་ཆོག་པ་དང་བོད་ཡུལ་ཡིན་ན་གཏོར་བརླག་བཏང་ཆོག་པའི་ནོར་འཁྲུལ་ཅན་གྱི་སྲིད་ཇུས་ལག་བསྟར་བྱས་དང་བྱེད་བཞིན་པའི་རྗེས་འབྲས་ནི། རྒྱ་བོད་མི་རིགས་ཡོངས་ལ་གྱོང་ཁ་ཧ་ཅང་ཆེ་ཞིང་གནོད་ཚབས་ཤིན་ཏུ་ཆེན་པོ་ཡིན་པར་ཤེས་དགོས།
རྒྱ་ནག་མི་དམངས་ཚོའི་སེམས་ལ་ཉིན་རེ་བཞིན་རྒྱ་དམར་གྱི་དྲང་བདེན་མ་ཡིན་པའི་ངན་སྤྱོད་ལ་འཁོན་འཛིན་དང་ཁོང་ཁྲོ་འཕེལ་བཞིན་འདུག་པས། རྒྱལ་ཡོངས་ལ་གཞི་རྒྱ་ཆེ་བའི་གསར་བརྗེའི་ལས་འགུལ་ཞིག་ཕྱོགས་ཡོངས་ནས་སྤེལ་རྒྱུའི་ཆ་རྐྱེན་ཚང་ལ་ཉེ་ཡོད། གལ་ཏེ་རྒྱ་དམར་དབང་འཛིན་པ་ཚོ་གང་འགྱོགས་རྨོངས་གཉིད་ལས་མ་སད་ན། གནམ་ས་བསྒྱུར་བའི་གསར་བརྗེའི་ལས་འབར་བའི་སྐབས་དེར་རྒྱ་དམར་དབང་འཛིན་པ་ཚོས་སོ་སོའི་སྡིག་ཉེས་ཀྱི་སྡུག་བསྔལ་ཚད་མེད་མྱོང་ངེས་པས་ད་ལྟ་ནས་མི་དམངས་ལ་གནོད་པའི་བསམ་སྦྱོར་སྤོང་ཤེས་ན་མཁས་པ་རེད།
རྒྱ་དམར་གྱི་ཆབ་སྲིད་ཐབས་ཇུས་ནི། ས་འབུ་གྲོག་མ་ལས་ཀྱང་སྐྱོ་བ་འདུག
ཐ་ན་རྨོངས་ཞིང་གཏུམ་པར་གྲགས་པའི་ས་འབུ་གྲོག་མས་ཀྱང་སོ་སོ་ལ་འོ་མ་སྟེར་མཁན་གྱི་སྔོ་འབུ་རྣམས་མི་གསོད་པ་མ་ཟད་སྔོ་འབུ་རྣམས་ཀྱི་ཟ་རྒྱུའི་ཆེད་དུ་ཕྱོགས་མཚམས་ཀུན་ནས་ཤིང་གི་ལོ་མ་བསྡུས་ནས་གསོ་སྐྱོང་བྱས་ནས་རང་སྐྱིད་གཞན་བདེའི་འཚོ་བ་རོལ་ཤེས་ཀྱང་། རྒྱ་དམར་གཞུང་དང་མི་དམངས་ལ། ཆོས་རིག་དང་དཔལ་འབྱོར་གྱི་ཁེ་ཕན་རྒྱ་ཆེན་པོ་སྤྲོད་མཁན་གྱི། བོད་མི་རིགས་དང་བོད་ཡུལ་ལ་སྲུང་སྐྱོབ་བྱེད་དགོས་བསམ་པའི་ཐབས་ཇུས་བཤམ་མི་ཤེས་པར་མ་ཟད། རྒྱ་དམར་ཇག་ཚོགས་ལ་གནས་སྐབས་ཀྱི་ཁེ་ཕན་ཙམ་ལས་ཕུགས་བསམ་བཟང་པོའི་ཤེས་རབ་མེད་པའི་རྐྱེན་གྱིས། བོད་རིགས་ཡིན་ན་དམར་གསོད་བྱེད་ཆོག་པ་དང་བོད་ཡུལ་ཡིན་ན་གཏོར་བརླག་བཏང་ཆོག་པའི་ནོར་འཁྲུལ་ཅན་གྱི་སྲིད་ཇུས་ལག་བསྟར་བྱས་དང་བྱེད་བཞིན་པའི་རྗེས་འབྲས་ནི། རྒྱ་བོད་མི་རིགས་ཡོངས་ལ་གྱོང་ཁ་ཧ་ཅང་ཆེ་ཞིང་གནོད་ཚབས་ཤིན་ཏུ་ཆེན་པོ་ཡིན་པར་ཤེས་དགོས།
རྒྱ་ནག་མི་དམངས་ཚོའི་སེམས་ལ་ཉིན་རེ་བཞིན་རྒྱ་དམར་གྱི་དྲང་བདེན་མ་ཡིན་པའི་ངན་སྤྱོད་ལ་འཁོན་འཛིན་དང་ཁོང་ཁྲོ་འཕེལ་བཞིན་འདུག་པས། རྒྱལ་ཡོངས་ལ་གཞི་རྒྱ་ཆེ་བའི་གསར་བརྗེའི་ལས་འགུལ་ཞིག་ཕྱོགས་ཡོངས་ནས་སྤེལ་རྒྱུའི་ཆ་རྐྱེན་ཚང་ལ་ཉེ་ཡོད། གལ་ཏེ་རྒྱ་དམར་དབང་འཛིན་པ་ཚོ་གང་འགྱོགས་རྨོངས་གཉིད་ལས་མ་སད་ན། གནམ་ས་བསྒྱུར་བའི་གསར་བརྗེའི་ལས་འགུལ་འབར་བའི་སྐབས་དེར་རྒྱ་དམར་དབང་འཛིན་པ་ཚོས་སོ་སོའི་སྡིག་ཉེས་ཀྱི་སྡུག་བསྔལ་ཚད་མེད་མྱོང་ངེས་པས་ད་ལྟ་ནས་མི་དམངས་ལ་གནོད་པའི་བསམ་སྦྱོར་སྤོང་ཤེས་ན་མཁས་པ་རེད།
ང་ཚོའི་པཎ་ཆེན་རིན་པོ་ཆེ་མཆོག་རྒྱ་ནག་པོའི་བཙོན་འོག་ཏུ་ཡོད་མེད་ཙམ་ཡང་མ་ཤེས་པར་འདི་མུད་སྡོད་ཐབས་མེད་པ་ཞིག་རེད།
འོན་ཀྱང་ང་ཚོས་ཀྱང་རྔ་དང་འཚམས་པའི་གར་ཟེར་བ་ལྟར།
ད་ནི་པཎ་ཆེ་ཡོད་པའི་དབང་དུ་བཏང་ན་ཡང་རྒྱ་ནག་པོའི་ལས་སླར་པོ་ཞིག་གིས་མི་བཏང་ཁོ་ཐག་རེད།
དེས་ན་ང་ཚོ་ལ་པཎ་ཆེན་རིན་པོ་ཆེ་དགོས་ན་མ་འདས་ཡང་སྲིད་ཞིག་དང་།་ཁོང་གཞུགས་མེད་པའི་དབང་དུ་བཏང་ན། ཡང་སྲིད་ཞིག་ངོས་འཛིན་བྱེད་དེ་རང་ལ་ཡོད་པ་ཞིག་དང་གཞན་ལ་ངོམ་རྒྱུ་ཞིག་བཟོས་ན་ག་འདྲའི་ཡོད་མེད་ལའང་བསམ་བློ་རེ་བཏང་འོས།
༄༅།། ཨོ་ཧོ་ཧོ།།།།།།།།།། དུས་རབ་འདིར་ཤ་འཁོན་ཟེར་བ་འདི་གཏན་ནས་འགྲོ་ས་མེད་ཡ
ངས་སེམས་ནང་ལ་རང་བཙན་བསམ་གི་མེད།དེ་བོད་མི་ཡོང་གྱི་རེ་བ་མིན།བོད་མི་ཡོད་དོ་ཅོག་གི་ད་ལྟའི་གནས་བབ་དང་མཐུན་པའི་རང་དབང་ཞིག་འདོད་ཀྱི་ཡོད་པ་གསལ་བོ་ཡིན།དུས་ཚོད་དམ་འཛིན་བྱེད་དགོས་པ་ཤེས་དགོས་རེད།
ཤ་འཁོན་ཟེར་བ་དེ་ཚར་དཀའ།ཤ་འཁོན་ལ་ཡང་ཤ་འཁོན།ཧཧ་དེ་ལས་མཐུན་ཐུབ་ཞིག་འེ་ཡོད་ལྟ་རྒྱུ་དེ་རེད།ཕན་ཚན་གཉིས་ཀ་ལ་ཕན་པ་ཞིག་རེད།ཤ་འཁོན་བརྩད་ནས་ཚར་བ་གཏན་ནས་མེད།དེ་ལས་འགྲིགས་ཐུབ་ཡོང་བའི་རེ་བ་ཡོད།
ནད་པ་ལགས་་་བོད་ཀྱི་གཞོན་ནུ་ཚོ་མེད་པ་མ་ཆགས་ན་གཞོན་ནུ་ཚོགས་པ་ཉམས་མི་སྲིད་པ་ཞིག་རེད། མ་ཟད་ལྟ་བའི་ཐོག་ནས་ཡང་ཀུན་གྱི་སེམས་ལ་ཡོད་པ་ནི་གཞོན་ནུའི་ལྟ་བ་རེད། དེ་ལས་ཁྱེད་གི་སྲིད་གཞུང་དམར་པོ་འདི་ནི་ལོ་རྒན་༦༡རེད། རྒད་པོ་རྒད་པོ་རེད།་ཤི་རན་ཁ་རེད། སྲིད་གཞུང་རྒད་པོ་དེས་མི་སེར་གྱི་སེམས་ལ་རྨ་བཟོ་མང་དྲག་ནས་རྒྱ་ནག་མི་དམངས་ཀྱིས་ནམ་ཞིག་གྱེན་ལངས་བྱེད་ཡོང་བསམ་ནས་རྒད་པོ་ནད་པ་ཁྱེད་ལ་དཀའ་ངལ་འདུག་སྙམ།་་་གཞོནནུ་ནི་གཞོན་ནུ་རང་རེད་་ལོ་ཆུང་ཆུང་རེད་་་་་དུས་ཚོད་ཡོད་རེད་་་སེམས་འཁྲུལ་མ་གནང་ལྭོ།
བཞུགས་སྒར་རྡ་སར་བརྟན་གཞི་བྱས་པའི་བོད་ཀྱི་གཞོན་ནུ་ལྷན་ཚོགས་ཟེར་བ་སྐབས་ཅིག་རིང་ནུས་ལྡན་གྱི་ཚོགས་པ་ཆེ་ཤོས་ཤིག་ཆགས་ཡོད་ཀྱང་ད་ཆ་ཚོགས་པ་འདི་ཉམས་ཞན་དུ་སོང་ནས་རིམ་བཞིན་འཆི་ལ་ཉེ་བ་རེད།
ད་དུང་དབུས་གཞོན་ནུའི་ལས་ཁུངས་ནས་རང་བཙན་དང་། ཤ་འཁོན་གྱི་དམ་བཅའ་བཟུང་ནས་གཏམ་བཤད་འདི་འདྲ་བྱེད་བཞིན་ཡོད་པ་འདིས་དོན་དངོས་ཐོག་རང་ཉིད་རང་ཀྱིས་མེད་པ་བཟོ་བཞིན་ཡོད་པ་དེ་རེད།
ཆབ་སྲིད་པ་ཞིག་གིས་དུས་རབས་ཀྱི་འགྱུར་འགྲོས་དང་། རླུང་ཡན་གྱི་འདེགས་ཕྱོགས། བྱ་བའི་ངོ་བོ་བཅས་ཀྱི་གནད་འགག་དག་མ་ཤེས་ན་ནམ་ཞིག་བོད་ཀྱི་གཞོན་ནུ་ལྷན་ཚོགས་ཟེར་བའི་ཚོགས་པ་འདི་ནུས་མེད་ཅིག་ཆགས་རྒྱུར་ཐེ་ཚོམ་མེད།
ལོ་ངོ་བཅོ་ལྔ་འདས་པའི་དེ་རེས་དེ།།
པཎ་ཆེན་ཤི་གསོན་མ་ཤེས་བོད་འབངས་སྐྱོ།།
སྐབས་སུ་འཁྲུངས་སྐར་ཡིན་ཞིང་སྤྲོ་སྐྱིད་བཏང་།།
སྐབས་སུ་ཤ་འཁོན་ཉིན་མོ་ངུ་འབོད་བྱེད།།
བོད་མི་སྐྱིད་ལ་སྡུག་གི་དུས་ཚོད་འདི།།
ག་དུས་རྫོགས་བ་ཡིན་ནམ་ཀྱེ་མ་ཧེ།།
ད་ནི་དགྱ་ནག་གིས་རྒྱུ་མ་མྱི་ལ་མེད་ནི། རྒྱུ་ཁུགས་ཁྱི་ལ་མེད་ནི་ཞིག་བྱས་ཡོད་པ་འདྲ། ད་དུང་ང་ཚོས་བཙོན་ནས་ཕེབས་རྒྱུ་ཞིག་ཡོད་པར་ཡིད་ཆེས་བྱས་ན། ཕར་ཕྱོགས་ན་དགྱ་ནག་གིས་འཛུམ་འཚེར་འཚེར་གྱིས་འཕྱ་ཡི་མེད་འགྲོ
ཡིན་དང་ཡིན། དགྱ་ནག་ལ་བཟུང་བའི་ཤ་འཁོན་ལ་རྙིང་རྒྱུ་མེད།