གསེར་རྟ་ཆོས་དབྱངས་ལགས་ཀྱིས་འདི་གར་གནས་ཚུལ་མཁོ་སྤྲོད་བྱས་པ་ལྟར་ན། བོད་ནས་ཁུངས་ལྡན་གནས་ཚུལ་འབྱོར་དོན། ཕྱི་ཚེས་ ༡༦ ཉིན་གྱི་ཕྱི་དྲོ་སྟེ། རྒྱ་ནག་གི་མཚན་གྱི་ཆུ་ཚོད་ ༩ པའི་སྟེང་ཁམས་གསེར་རྟ་རྫོང་ཕུའུ་ཤང་ཐོག་ཏུ། གསེར་རྟ་ཁེ་སྐོར་ཤང་ཁེ་སྐོར་སྡེ་བ་ནས་ཡིན་པའི་སྐལ་ལྡན་དང་། བསོད་ནམས་སྟོབས་ལྡན་གཉིས་ཀྱིས་བོད་ལ་འགྲོ་བ་མི་ཡི་ཐོབ་ཐང་དགོས་པ་དང་༧རྒྱལ་བ་རིན་པོ་ཆེ་མྱུར་དུ་བོད་ལ་གདན་འདྲེན་ཞུ་དགོས་པ་སོགས་འཁོད་པའི་ཡི་གེ་བཀྲསམ་ཡོད་འདུག་ལ། དེ་རྗེས་ཁོང་གཉིས་ཀྱིས་ཡི་གེ་དེ་རྩིག་པའི་ངོས་སུ་སྦྱོར་བཞིན་ཡོད་པའི་སྐབས་སུ་ཉེན་རྟོག་པས་འཛིན་བཟུང་བྱས་ཏེ་ད་སྐབས་ཁོང་གཉིས་གཏེར་རྟ་རྫོང་ཐོག་ཏུ་བཀག་ཉར་བྱས་ཡོད་ཅིང་། འབྲེལ་ཡོད་ཁག་གཅིག་གསེར་རྟ་རྫོང་དུ་གཏུགས་བཤེར་བྱེད་པ་དང་ཁོང་གཉིས་ལ་ངོ་ཐུག་པའི་ཆེད་དུ་སོང་ཡོད་ན་ཡང་ཉེན་རྟོག་པས་ངོ་ཐུག་ས་ཙམ་ཡང་མེད་ཚུལ་བརྗོད་དེ་ཕྱིར་ལོག་བྱས་ཡོད་པའི་གནས་ཚུལ་འདུག
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
ལུང་རིག་གཙོའི་པའི་དུས་བབ་ཚང་གི་ཤ་ཉེ་རྣམས་པ་ཡིག་ནོར་ལ་དོན་སྣང་མཛད་རོགས། གཏེར་རྟ་རྫོང་། བཀྲསམ
རྒྱ་དམར་གྱི་ཆབ་སྲིད་ཐབས་ཇུས་ནི། ས་འབུ་གྲོག་མ་ལས་ཀྱང་སྐྱོ་བ་འདུག
ཐ་ན་རྨོངས་ཞིང་གཏུམ་པར་གྲགས་པའི་ས་འབུ་གྲོག་མས་ཀྱང་སོ་སོ་ལ་འོ་མ་སྟེར་མཁན་གྱི་སྔོ་འབུ་རྣམས་མི་གསོད་པ་མ་ཟད་སྔོ་འབུ་རྣམས་ཀྱི་ཟ་རྒྱུའི་ཆེད་དུ་ཕྱོགས་མཚམས་ཀུན་ནས་ཤིང་གི་ལོ་མ་བསྡུས་ནས་གསོ་སྐྱོང་བྱས་ནས་རང་སྐྱིད་གཞན་བདེའི་འཚོ་བ་རོལ་ཤེས་ཀྱིན་ཡོད་ན་ཡང་། མི་གཟུགས་སུ་ཡོད་པའི་རྒྱ་དམར་ཇག་གཞུང་གིས། རྒྱལ་ཡོངས་མི་དམངས་ལ་ཆོས་རིག་དང་དཔལ་འབྱོར་གྱི་ཁེ་ཕན་རྒྱ་ཆེན་པོ་སྤྲོད་མཁན་གྱི་བོད་མི་རིགས་དང་བོད་ཡུལ་ལ་སྲུང་སྐྱོབ་བྱེད་དགོས་བསམ་པའི་ཐབས་ཇུས་བཤམ་མི་ཤེས་པར་མ་ཟད། རྒྱ་དམར་ཇག་ཚོགས་ལ་གནས་སྐབས་ཀྱི་ཁེ་ཕན་ཙམ་ལས་ཕུགས་བསམ་བཟང་པོའི་ཤེས་རབ་གཏན་ནས་མེད་པའི་རྐྱེན་གྱིས། བོད་རིགས་ཡིན་ན་དམར་གསོད་བྱེད་ཆོག་པ་དང་བོད་ཡུལ་ཡིན་ན་གཏོར་བརླག་བཏང་ཆོག་པའི་ནོར་འཁྲུལ་ཅན་གྱི་སྲིད་ཇུས་ལག་བསྟར་བྱས་དང་བྱེད་བཞིན་པའི་རྗེས་འབྲས་ནི། རྒྱ་བོད་མི་རིགས་ཡོངས་ལ་གྱོང་ཁ་ཧ་ཅང་ཆེ་ཞིང་གནོད་ཚབས་ཤིན་ཏུ་ཆེན་པོ་ཡིན་པར་ཤེས་དགོས་ལ། བློ་སྣ་ཐུང་བའི་རྒྱ་དམར་ཇག་ཚོགས་གིས་རང་བྱས་རང་སྡུག་ཆེན་པོ་མྱོང་ངེས་ཡིན།
སྙིང་རྗེའི་སྔོན་བརྡ།
རྒྱ་ནག་མི་དམངས་ཚོའི་སེམས་ལ་ཉིན་རེ་བཞིན་རྒྱ་དམར་གྱི་དྲང་བདེན་མ་ཡིན་པའི་ངན་སྤྱོད་ལ་འཁོན་འཛིན་དང་ཁོང་ཁྲོ་འཕེལ་བཞིན་འདུག་པས། རྒྱལ་ཡོངས་ལ་གཞི་རྒྱ་ཆེ་བའི་གསར་བརྗེའི་ལས་འགུལ་ཞིག་ཕྱོགས་ཡོངས་ནས་སྤེལ་རྒྱུའི་ཆ་རྐྱེན་ཚང་ལ་ཉེ་ཡོད།
གལ་ཏེ་རྒྱ་དམར་དབང་འཛིན་པ་ཚོ་གང་འགྱོགས་རྨོངས་གཉིད་ལས་མ་སད་ན། གནམ་ས་བསྒྱུར་བའི་གསར་བརྗེའི་ལས་འགུལ་འབར་ཞིང་འགད་པའི་སྐབས་དེར་རྒྱ་དམར་དབང་འཛིན་པ་ཚོས་སོ་སོའི་སྡིག་ཉེས་ཀྱི་སྡུག་བསྔལ་ཚད་མེད་མྱོང་ངེས་པས་ད་ལྟ་ནས་མི་དམངས་ལ་གནོད་པའི་བསམ་སྦྱོར་སྤོང་ཤེས་ན་མཁས་པ་རེད།
སྨྲ་ཤེས་དོན་གོ་ཞེས་པའི་མི་འདིས། དངོས་ཡོད་གནས་ཚུལ་དང་གཏན་ནས་མི་མཐུན་པའི་རྒྱ་དམར་གྱི་ལོག་སྤྱོད་དྲིལ་བསྒྲགས་ངོ་མ་རྣམས། དྲྭ་ཚིགས་ཀུན་དུ་བསམ་བཞིན་དུ་བསྐྱར་འགོད་ཡང་འགོད་བྱས་འདུག་པས། དུས་བབ་ཚང་གིས་ཐུགས་བརྩེ་བས་ཉམ་ཆུང་བོད་མི་རྣམས་ཀྱི་གནས་སྟངས་ལ་དགོངས་ནས། རྒྱ་དམར་གྱི་ལོག་སྤྱོད་དྲིལ་བསྒྲགས་འདིའི་རིགས་བོད་མིའི་དྲྭ་རྒྱར་མི་བཀོད་རོགས་ཞུ།
རྒྱ་ནག་གཞུང་གིས། གསེར་སོགས་དབོར་འདྲེན་དང་། རྟ་སོགས་བཙན་འཁྲིད་དམར་གསོད་བྱས་མཐར། ཞི་བའི་མི་སེར་འཇུས་ནས། ད་གང་བྱེད་རྩིས་ཡོད་དམ།
སེམས་ཤུགས་མ་ཆགས་པའི་ཐོག་ཞི་བའི་ལས་འགུལ་མུ་མཐུད་དེ་སྤེལ་ཐུབ་ན་བཟང་གི