བཙན་བྱོལ་བོད་མི་ཚོས་ཐག་རིང་ནས་སྐྱེ་རྒུ་མདོར་བལྟས་ཏེ་མཐོང་བའི་རྒྱ་ནག་གི་རྣམ་འགྱུར་དེ་ནི་ལྷག་བསམ་ཟོལ་མེད་དང་། བརྩེ་སེམས་དང་སྙིང་རྗེ་ཡིས་ཁེངས་པའི་ཞལ་རིས་དག་ཡིན། འདི་ནི་ནམ་རྒྱུན་དང་ལྷག་པར་དུ་སྐབས་དེར་ནང་པའི་དབུ་ཁྲིད་དག་གི་དོ་སྣང་ཆེ་ཤོས་ཀྱང་ཡིན། འོན་ཀྱང་། རྒྱ་ནག་གིས་དེ་དུས་སྐྱེ་རྒུ་མདོར་བཟུང་བའི་རྣམ་འགྱུར་ནི་རྦད་དེ་ཁ་ཁ་རེད། ཁོང་ཚོའི་དོ་སྣང་ནི་ག་དུས་ཤིག་ལ་སུ་ཞིག་ཁོང་ཚོའི་མེ་མདའི་སོ་ཁར་ལངས་མིན་དེ་རེད།
སྐྱེ་རྒུ་མདོར་ས་ཡོམ་བརྒྱབ་སྟེ་བདུན་ཕྲག་གཅིག་འགོར་བའི་ཉིན་དེར། ས་གནས་དང་ཕྱོགས་མཐའ་ཁག་ནས་ཡོང་བའི་བོད་པའི་དགེ་འདུན་པ་ཚོས་གེ་སར་ཐང་དུ་བདུན་གཅིག་འཁོར་བའི་བསྔོ་སྨོན་གྱི་མ་ཎི་འུར་འདོན་བྱེད་ཀྱིན་ཡོད་ལ། ཉིན་དེར་རྒྱ་ནག་གི་དམག་མི་ཞིག་གིས་The Epoch Times གསར་ཁང་གི་གསར་འགོད་པ་དེའི་རྣ་རྩར་གསང་བ་ཞིག་བཤད་དོན། གལ་སྲིད་བོད་མི་སུ་ཞིག་གིས་བོད་རང་བཙན་གྱི་སྐད་འབོད་བྱས་པ་ཡིན་ན། གོང་རིམ་ལ་ཆོག་མཆན་ཞུ་མི་དགོས་པར་ལམ་སེང་མེ་མདའ་བརྒྱབ་སྟེ་མཐོང་ས་དེ་རང་ནས་བསད་ཆོག་གི་ཡོད་ཅེས་བཤད་འདུག
སྟབས་ཡག་སྟེ་བོད་རིགས་སེར་སྐྱ་སུས་ཀྱང་སྐབས་དེར་ཛ་དྲག་གི་མྱུར་སྐྱོབ་ལས་དོན་ལ་མགོ་འཁོར་བསྡད་པ་མ་གཏོགས། བོད་རང་བཙན་གྱི་སྐད་འབོད་བྱས་མེད་ལ། བོད་ཀྱི་རྒྱལ་དར་ཡང་ཕྱར་མེད། རྒྱ་ནག་གཞུང་གིས་གྲ་སྒྲིག་བྱས་པ་ཇི་བཞིན་གྱི་གནས་ཚུལ་དེ་འདྲ་མ་བྱུང་སྟབས། རྒྱ་གཞུང་གིས་ཀྱང་གོ་སྐབས་དམ་འཛིན་བྱས་ཏེ། དགེ་འདུན་པ་ཚོ་དུས་ཚོད་རྒྱས་བཅད་ཀྱི་ནང་དུ་ཕྱིར་ལོག་དགོས་པའི་བཀའ་རྒྱ་བཏང་ཡོད་པ་རེད།
བོད་རིགས་ཚོས་ས་ཡོམ་བརྒྱབ་དུས་གནམ་རྒན་མར་མིག་མི་འདུག་ཅེས་འཁང་ར་བྱས་པ་རེད། གནམ་རྒན་མར་མིག་ཡོད་ཙང་དོན་དག་འདི་བྱུང་མ་བཅུག་པ་འདྲ། དེ་མ་གཏོགས་ལན་ཀྲུག་དམག་ཁུལ་གྱི་རླངས་འཁོར་ ༡༥ ལྷག་འབྱོར་བ་དེ་དག་གིས། སྐྱེ་རྒུ་མདོའི་ཤུལ་ལུས་གསོན་པོ་ཚོ་དང་མྱུར་སྐྱོབ་ཏུ་ཡོང་བའི་དགེ་འདུན་པ་ཁྲི་ལྷག་ཅིག་ཡོད་པ་ཚང་མ་སྐྱེ་རྒུ་མདོ་ནས་ལམ་འཇུག་བྱེད་རྩིས་བྱས་འདུག སྐབས་དེར་ཕ་རོལ་བོའི་སེམས་ཀྱི་གྲ་སྒྲིག་ཇི་བཞིན་མ་བྱུང་བའི་ཚབས་ཆེ་ཤོས་ཀྱི་དོན་དག་ཀྱང་འདི་རེད།
བོད་པ་ཚོར་ནམ་རྒྱུན་འདི་ལྟའི་དོགས་པ་མེད་སྲིད། འོན་ཀྱང་། རྒྱ་ནག་གི་གྲ་སྒྲིག་ནི་རྒྱུན་ཏུ་བོད་མི་ཚོའི་བྲང་ཁར་གཏད་ཡོད་སྟབས། རྗེས་ཕྱོགས་འདི་ལྟའི་འདུ་འཛོམས་སྐབས་སུ་རྒྱ་ནག་གཞུང་གི་ཕྱོགས་ནས་དོན་དག་ཅི་རྩོམ་ལ་དོགས་ཟོན་བྱ་རྒྱུ་ཡང་གལ་ཆེན་དོན་ཆེན་དུ་གྱུར་འདུག་སྙམ།།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
སྨྲ་ཤེས་དོན་གོ་ཞེས་པ་འདིས། དངོས་ཡོད་གནས་ཚུལ་དང་གཏན་ནས་མི་མཐུན་པའི་རྒྱ་དམར་གྱི་ལོག་སྤྱོད་དྲིལ་བསྒྲགས་ངོ་མ་རྣམས། དྲྭ་ཚིགས་ཀུན་དུ་བསམ་བཞིན་དུ་བསྐྱར་འགོད་ཡང་འགོད་བྱས་འདུག་པས། དུས་བབ་ཚང་གིས་ཐུགས་བརྩེ་བས་ཉམ་ཆུང་བོད་མི་རྣམས་ཀྱི་གནས་སྟངས་ལ་དགོངས་ནས། རྒྱ་དམར་གྱི་ལོག་སྤྱོད་དྲིལ་བསྒྲགས་འདིའི་རིགས་བོད་མིའི་དྲྭ་རྒྱར་མི་བཀོད་རོགས་ཞུ། གནས་ཚུལ་འདིའི་རིགས་ལ་དོགས་ཟོན་གྱིས་འདང་བར་བྱོས
སྨྲ་ཤེས་དོན་གོ་ཞེས་པ་འདི་བོད་མི་ཞིག་ཡིན་དང་རྒྱ་དམར་གྱི་ཚོགས་པའམ་ལས་ཁང་ཞིག་ཡིན། བདག་གིས་མི་ཤེས་ཀྱང་ཁོའི་བསམ་ཚུལ་དང་བཤད་སྟངས་ནི་འཇིགས་བསྐུལ་སྡིགས་མོ་ལ་དགའ་བའི་རྒྱ་ངན་གྱི་ལོག་སྤྱོད་གཤིས་ཀ་ཆེན་པོ་ལྡན་འདུག་ཡོད་པ་བདག་ལ་འཇིགས་བསྐུལ་ཚབས་ཆེན་བྱས་པ་འདིས་གསལ་བཤད་བྱས་འདུག
འོན་ཀྱང་བདག་ནི་འབྲེལ་ཡོད་བོད་གཞུང་དང་གཞི་བྱེས་བོད་མི་རྣམས་ཀྱིས་གསལ་མཁྱེན་ཡོད་པ་ལས། ཁོས་བཤད་པ་བཞིན་གཟིག་སྤག་འོག་ནས་རྫུན་གཏམ་བསྐྱར་འགོད་ཀྱི་ལས་ངན་བྱེད་མི་སྲིད་ལ་དེ་བས་ཀྱང་ཁོ་ཚོའི་འཇིགས་བསྐུལ་ལ་ཞེད་སྣང་བྱེད་མི་སྲིད།
གལ་སྲིད་ཁྱོད་སྨྲ་ཤེས་དོན་གོ་བའི་བོད་མི་ཞིག་ཡིན་ཀྱང་རྒྱ་དམར་གྱི་མགོ་བསྐོར་འོག་ཚུད་ཡོད་ན། དཔྱོད་ལྡན་སེར་བྱེས་རྭ་རྒྱ་བློ་བཟང་དཔལ་ལྡན་གྱིས་བརྩམས་པའི། ས་ཡོམ་རྗེས་ཀྱི་མཐོང་ཐོས་དང་མནོ་བསམ། ༢༠༡༠/༠༥/༢༡ བོད་ཀྱི་དུས་བབ་ཐོག་འདོན་སྤེལ་བྱས་འདུག་པས། འདི་ལ་ཁྱོད་ཀྱིས་ཞིབ་གཟིགས་བྱོས་དང་ཁྱོད་ཀྱི་ལོག་རྟོག་ཞི་ངེས། https://tibettimes.net/wordpress/news.php?id=2780
གོང་གི་དཔྱད་རྩོམ་་ལས་གསུངས་བ་ལྟར། སྐྱེ་རྒུ་མདོར་ས་ཡོམ་གོད་ཆག་བྱུང་མ་ཐག་རང་གཞུང་བཀའ་ཤག་དང་སྤྱི་མཐུས་ཀྱིས་སྔ་ཕྱིར་སེམས་གསོའི་སྤྱི་བསྒྲགས་དང་གཞུང་འབྲེལ་མྱ་ངན་ཚོགས་འདུ་བྱས་ཡོད་པ་དང་། ཁྱད་པར་གོང་ས་སྐྱབས་མགོན་རྒྱལ་བ་རིན་པོ་ཆེས་སྐྱེ་རྒུ་མདོར་ཕེབས་ནས་གནོད་ཐེབས་བོད་འབངས་ལ་རོགས་སྐྱོར་མཛད་དགོས་གསུངས་བ་ལྟར་རྒྱ་གཞུང་ལ་འབྲེལ་བ་བྱས་ཡོད་ནའང་དངོས་ལན་མེད་པས་ད་ལྟ་བར་གོང་ས་མཆོག་གིས་རྒྱ་གཞུང་གི་ལན་སྒུག་བཞིན་བོད་ལ་ཕེབས་རྒྱུའི་འཆར་གཞི་་ཡོད་པ་ལས་་སྐྱེ་རྒུ་མདོའི་མི་དམངས་ལ་རོགས་རོམ་མ་གནང་བ་དེ་འདྲ་གཏན་ནས་མིན། མ་གཞི་གོང་ས་མཆོག་གིས་བོད་འབངས་བརྩེ་བ་དང་མགོན་སྐྱབས་མཛད་པ་བཞིན་འཛམ་གླིང་དབུ་ཁྲིད་སུས་ཞིག་གིས་སོ་སོའི་་མི་དམངས་ལ་བརྩེ་བ་བྱེད་ནུས་སམ་?
སྤྱིར་ན་ང་ཚོའི་ཞབས་འདེགས་ཀྱི་དངུལ་རྣམས།
ལྐོག་ཟ་ལ་བྱང་ཆུབ་པའི་རྒྱ་གཞུང་གི་དཔོན་ངན་ཚོ་ལ་སྤྲོད་པ་ལས།
གཞི་བྱེས་གཉིས་ཀའི་བོད་མི་ཉམ་ཐག་རྣམས་ལ་སྤྲད་ན་དགེ་བ་དང་ཕན་ཡོན་ཆེ་བར་མཐོང་ཏེ།
དཔྱོད་ལྡན་མི་ནག་ཚང་ལུང་རིགས་རྒྱལ་གྱིས་ ༢༠༡༠/༠༥/༡༩ ཉིན་འདོན་སྤེལ་བྱས་པའི་དུས་བབ་ཟུར་མཆན་དུ་། རྒྱ་དམར་གྱིས་བོད་མིའི་ལག་ནས་ཕར་འཕྲོག་ནས་ཁྱེར་བའི་རྒྱུ་དངོས་དེ་དག་ཚུར་མ་རག་པར། འདི་ནས་སྐྱབས་བཅོལ་བ་ཚོས་མི་རིགས་གཞན་དང་རྒྱལ་ཁབ་གཞན་ལ་སློང་མོ་བརྒྱབ་སྟེ། བསགས་ཤིང་བསྡུས་པའི་དངུལ་དེ་ཚོ་སླར་ཡང་རྒྱ་ནག་གཞུང་གི་ལག་ལ་སྤྲད་ན་རྒྱ་གཞུང་གིས་དེ་ཙམ་གྱིས་ཁེ་ཕན་ལེན་གི་རེད། རོགས་དངུལ་དེ་དག་སྤྱད་དེ་མདེའུ་རེ་རེ་བཟོས་ནས་ཁྱེར་ཡོང་གི་རེད། མདེའུ་དེ་དག་ཀྱང་འདས་པའི་ལོ་ ༣༠ ནང་ཚུན་དུ་བོད་པ་ཚོའི་སྟེང་ལ་བཀོལ་བ་ནང་བཞིན་ཞིག་མི་རིགས་གཞན་གྱི་སྟེང་ལ་བཀོལ་མེད་པའི་ཚོད་ཡིན།
ཞེས་པ་གསུངས་བ་ལ་རྒྱུ་མཚན་ཆེན་པོ་ཡོད་པ་ ༢༠༡༠ ༠༥ ༢༡ ཉིན་བོད་ཀྱི་བང་ཆེན་ཐོག་བཀོད་པའི་ལས་གཤམ་གྱི་གནས་ཚུལ་འདི་གཟིགས་དང་།
རྒྱ་གཞུང་གིས་གསེར་རྟ་བླ་རུང་དགོན་གྱི་རོགས་རམ་བཙན་བཀག
འོད་ཟེར་ལགས་སུ་ཡུལ་ཤུལ་བུའམ་བདེན་སྨྲ་ཞེས་པའི་སྨྱུག་མིང་ཐོག ས་གནས་རང་ནས་བཏང་བའི་ཡུལ་ཤུལ་གྱི་གནས་ཚུལ་བོད་ཡིག་རྒྱ་བསྒྱུར་བྱས་པའི་ནང་གསལ་ལྟར་ན། ས་ཡོམ་གྱི་གོད་ཆག་རྗེས་སུ་བོད་ཀྱི་དགོན་སྡེ་དང་སྒེར་མང་པོས། དང་བླངས་ཐོག་ནས་རོགས་སྐྱོར་བྱས་པ་དང། གསེར་རྟ་བླ་རུང་ནང་བསྟན་སློབ་གླིང་ནས་གཅིག་མཚུངས་ཀྱིས། གྲྭ་པ་སྟོང་ཚོ་ཁ་ཤས་ཀྱིས་རོགས་སྐྱོར་གྱི་ཅ་དངོས་ཕོན་ཆེན་ཁྱེར་ནས་སྐྱེ་རྒུ་མདོར་འབྱོར་ཡོད་པ་རེད།
ཁོང་ཚོ་དངོས་སུ་ཕེབས་ནས་མི་མང་ལ་དངུལ་དང་ཅ་དངོས་བསྐྱེལ་བ་མ་ཟད། ཡུལ་གང་སའི་མི་དམངས་རྣམས་ལ་དངུལ་ (མི་རེ་ལ་རྒྱ་སྒོར་སུམ་བརྒྱ་རེ) དང་ཅ་དངོས་ཞིབ་ཕྲའི་སྒོ་ནས་བསྒོ་འགྲེམས་བྱས་སོང། འོན་ཀྱང་བསམ་ཡུལ་ལས་འདས་པ་ཞིག་ནི། དྲང་བདེན་གྱི་ཕྱག་གཉིས་བརྐྱངས་ནས་རོགས་སྐྱོར་ཆེད་དུ་ཕེབས་པའི་གསེར་རྟ་དགོན་གྱི་རབ་བྱུང་རྣམས་ལ། རྒྱ་ནག་གཞུང་གིས་ཧ་ཅང་དོ་ནན་གྱིས་ཚོད་བཀག་བྱས་སོང། བྱ་བྱེད་དེ་དག་ཡོངས་ནི་རྒྱ་ནག་དབུས་གཞུང་རིམ་པའི་གཙོ་དཔོན་ཀྲོའོ་ཡོང་ཁང་གིས་བཀའ་རྒྱ་བཏང་ནས་ལག་བསྟར་བྱས་ཡོད་ཚུལ་འདུག
ཉིན་འགའི་རིང་གསེར་རྟ་དགོན་པའི་འབྲེལ་ཡོད་དབུས་ལས་ཡོངས་རྫོགས་སྲིད་གཞུང་གི་འབོད་འགུག་བྱས་ཏེ། ཁོང་ཚོའི་རོགས་སྐྱོར་གྱི་བྱ་སྤྱོད་དེ་དག་ཁྲིམས་འགལ་ཡིན་ཚུལ་བརྗོད་པ་དང། རོགས་སྐྱོར་ནང་ཞུགས་པའི་བྱ་བ་དེ་དག་ནི་དྲིལ་བསྒྲགས་ཀྱི་ཆེད་དུ་ཡིན་པ་ལས་བྱམས་སེམས་དང་སྙིང་རྗེའི་རྩ་བའི་རྨང་གཞི་མིན་ལུགས་བཤད་པ་མ་ཚད། ད་དུང་རབ་བྱུང་ཚོས་རང་ངོས་ནས་ཤི་བོའི་གྲངས་ཀ་ཞིབ་བཤེར་བྱས་པ་སོགས་ནི་སྲིད་གཞུང་ལ་ཁ་གཏད་གཅོག་པའི་བྱ་བ་རེད་ཟེར་ནས་གསེར་རྟ་བླ་རུང་ནང་བསྟན་སློབ་གླིང་གི་རབ་བྱུང་ཚོ་རོགས་སྐྱོར་གྱི་བྱ་བར་ཞུགས་མི་ཆོག་པའི་བཀག་རྒྱ་བཀྲམས་ཡོད་ཅེས་གསལ་འདུག
ད་དུང་རྩོམ་དེའི་ནང་གསལ་བ་ལྟར་ན། འདི་ནི་ས་ཡོམ་བྱུང་ནས་ད་བར་བོད་མིར་མ་ཉེས་ཁ་གཡོག་བྱས་པའི་དོན་རྐྱེན་ཐོག་མ་དེ་ཡིན་ཞིང། འདིའང་རྒྱ་གཞུང་གིས་སྤེལ་བའི་མཐའ་མའི་བྱ་ངན་ཞིག་ཡིན་མི་སྲིད། རྒྱ་ནག་གཞུང་ངོས་ནས་ཉམ་ཆུང་མི་མང་རྣམས་ལ་ས་ཡོམ་གོད་ཆག་ཐད་སྲིད་གཞུང་ཁོ་ནར་མི་རེ་ཐབས་མེད་ཀྱི་ཚོར་ཤུགས་སྤྲད་ཅིང་། དོན་དངོས་ཐོག་དེའང་ད་ཐེངས་རྒྱ་གཞུང་གིས་ཡུལ་ཤུལ་ས་ཡོམ་གོད་ཆག་ཕོག་པའི་མི་མང་ལ་རོགས་སྐྱོར་བྱེད་དགོས་པའི་དམིགས་ཡུལ་གཙོ་བོ་ཡིན་པར་བརྟེན། རྒྱ་གཞུང་གིས་དགོན་པའི་ཕྱོགས་ཀྱི་རོགས་སྐྱོར་གྱི་བྱ་བར་དགའ་པོ་མེད་ལ། དེར་བཙན་ཚུགས་ཀྱིས་བཀག་བསྡོམ་བྱས་ཤིང། རོགས་སྐྱོར་ཚོགས་པ་མང་པོ་ས་ཁུལ་དུ་སྐྱོད་མི་ཆོག་པ་བཟོས་པ་མ་ཟད། ད་དུང་ཐོག་མཐའ་བར་གསུམ་དུ་སྟབས་བདེའི་ཐུག་པ་དང་འཐུང་ཆུ་སྤྲད་པ་ཙམ་གྱིས་དོན་དངོས་ལ་ཕན་འབྲས་མེད་སྐོར་བསྒྲགས་ཏེ་འགག་རྩར་ཐུག་དུས་རྒྱ་ནག་གཞུང་ལ་བརྟེན་དགོས་ཚུལ་བཤད་པ་རེད། རྒྱ་གཞུང་གིས་དེ་འདྲའི་རྩ་བའི་ཀུན་སློང་དང་དམིགས་ཡུལ་ཁྱེར་ནས་རྒྱ་གཞུང་རང་ཉིད་ལས་གཞན་རོགས་སྐྱོར་དཔུང་ཚོགས་གང་རུང་གི་རོགས་རམ་ལ་ངོས་ལེན་དང་མུས་མཐུན་བྱེད་ཀྱི་མེད་པ་རེད་ཅེས་གསལ་འདུག །
http://www.tibetexpress.net/bo/home/2010-02-04-05-37-19/3244-2010-05-20-08-54-19
།།
བདག་ལ་སྨྲ་བརྗོད་རང་དབང་གི་ཐོབ་ཐང་དང་བོད་རིགས་ཡིན་པའི་ཆ་ནས་དམངས་གཅོ༹་ཡོངས་དག་པའི་ལམ་ནས་མངོན་སུམ་དུ་མཐོང་ཆུ༹ལ་བཤད་པ་ལས་རྒྱུ་མཆ༹ན་མེད་པའི་གནས་སྟངས་བརྗོད་ག་ལ་སྲིད།
ཡིན་ན་གཟིག་པགས་གྱོན་པའི་སྡེ་དགེ་འཇིགས་མེད་ཁོ་བོ་ངག་འཁྱལ་ལ་ཉན་ན་རྒྱུ་མཆ༹ན་གང་ཡང་མ་མཐོང། འོན་ཀྱང་ཁོ་བོས་བྱ་སྤྱོད་དེ་ཆོ༹་འདིའི་ནང་བཀོད་ན་དེ་ནས་ཁོ་བོ་བཅ༹ན་བྱོལ་དུ་གནས་ཐབས་བྲལ།
མ་ཟད་ཁོ་བོས་ཁ་ནས་བཤད་པ་དང་དོན་གྱི་ལས་ཀ་གཉིས་དངོས་སུ་འགལ་བ་མ་ཆ༹ད་རྒྱས་པ་སྤྲོ་ན་མི་ལེགས་སོ།
རྒྱབ་ལྗོང་ཀུན་སློང་བཟང་ངན་གང་ཡོད་ཀྱང་ཁམས་སྐྱེ་རྒུ་མདོར་ས་ཡོམ་གྱི་གོད་ཆག་ཐེབས་སྐབས་རྒྱ་གཞུང་གིས་རོགས་སྐྱོབ་གང་ལེགས་ཙམ་བྱས་བྱུང་སྙམ། དཔེར་ན་མྱུར་སྐྱོབ་དམག་མི་མངགས་པ། གནམ་ས་གཉིས་ཐད་ནས་སྐྱེལ་འདྲེན་འཕྲུལ་འཁོར་བཏངབ། སྦྲ་གུར་སོགས་སྡོད་གནས་གྲྭ་སྒྲིགས་བྱས་པ། སྨན་པ་དང་སྨན་གཡོག་བཀོད་སྒྲིག་བྱས་པ། བཟའ་འཐུང་གི་མཐུན་རྐྱེན་སྦྱར་བ། རྒྱ་གཞུང་གི་དབུ་ཁྲིད་རིམ་པ་མི་འདྲ་བ་སྐབས་མཚམས་གནོད་ཐེབས་ས་ཁུལ་དུ་ཕྱིན་ཏེ་ལུས་ངག་གི་ཐོག་ནས་སེམས་གསོ་དང་འཚམས་འཕྲིན། མ་འོངས་ལས་འཆར་བཀོད་སྒྲིག་བྱེད་པ་བཅས་ལ་ལྟོས་ན་མཐའ་གཅིག་ཏུ་དེ་དག་ངན་པ་ཞིག་ཏུ་བརྩི་ཨེ་རུང་སྙམ། ྋགོང་ས་མཆོག་གིས་ཀྱང་སྐབས་དེར་རྒྱ་གཞུང་གི་རོགས་སྐྱོབ་ལ་བསྔགས་བརྗོད་མཛད་ཡོད་པ་ལས་མཐའ་གཅིག་ཏུ་དམའ་འབོད་རྐྱང་རྐྱང་བྱས་མེད་པ་རེད།
སྤོབས་པ་མཐའ་ཡས་ལགས། ཉིད་ཀྱི་ལྟ་སྟངས་དེ་བདེན་པར་སྣང་། པེ་ཅིན་ལ་མཚོན་ན་འདི་ནི་ཧོན་འཐོར་དགོས་པའི་གནད་དོན་གཞན་ཞིག་ཡིན།
༡། བརྒྱད་ཅུ་གྱ་གྲངས་ཀྱི་མགོར་༧གོང་ས་མཆོག་གི་སྐུ་ཚབ་རྣམ་པ་ལྷ་སར་འབྱོར་སྐབས། པེ་ཅིན་གྱི་སེམས་ལ། བོད་པ་ཚོ་ཏཱ་ལའི་བླ་མའི་སྐུ་ཚབ་ཚོའི་སྟེང་ལ་ཁོང་ཁྲོ་ཆེན་པོ་ལངས་ཡོད་སྟབས། སྐུ་ཚབ་ཚོར་ཉེན་ཁ་འཕྲད་སྲིད་པའི་དོགས་པ་དང་སྲུང་སྐྱོབ་གྲ་སྒྲིག་བྱས་ཀྱང་། སྐུ་ཚབ་རྣམ་པ་ལྷ་སར་འབྱོར་དུས་བོད་རིགས་མི་དམངས་ཀྱིས་ལག་ལ་ཁ་བཏགས་བཟུང་སྟེ་བསུ་བ་བྱས། མིག་ཆུ་བཏོན། ཕྱག་ལ་འཇུས་པ་སོགས་བྱས་པ་རེད། པེ་ཅིན་གྱི་དབུ་ཁྲིད་ཚོ་རང་གི་ཚོད་དཔག་ལས་བརྒལ་བའི་དོན་དག་འདིར་ཧོན་འཐོར་བ་རེད།
༢། ༢༠༠༡ ལོར་ཏཱ་ལའི་བླ་མ་མཆོག་གིས་རྒྱ་གར་ལྷོ་ཕྱོགས་ནས་དུས་དབང་གསུངས་སྐབས། གཟིག་ལྤགས་དང་སྟག་ལྤགས་གྱི་རྒྱན་ཆ་རྣམས་མི་ལེགས་ཚུལ་གྱི་བཀའ་སློབ་ཅིག་གནང་བ་དང་མཉམ་དུ། བོད་ས་ཡོངས་རྫོགས་ནས་ལོ་ངོ་སྟོང་ཕྲག་གི་སྲོལ་རྒྱུན་གྱི་ཤོམ་གོས་དེ་དག་མེར་བསྲེག་པ་རེད། པེ་ཅིན་སླར་ཡང་ཧོན་འཐོར་བ་རེད།
༣། ༢༠༠༨ ལོར་མདོ་དབུས་ཁམས་གསུམ་ནས་བོད་མི་ཚོ་སྡེབས་གཅིག་ཏུ་ལངས་པ་རེད། བོད་རང་བཙན་དགོས། རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས་ཞེས་སྐད་འབོད་བྱས་པ་རེད། ག་ས་གང་ནས་མཉམ་དུ་ལངས་པ་རེད། པེ་ཅིན་མུ་མཐུད་ནས་ཧོན་འཐོར་བ་རེད།
༤། ད་ལོའི་ས་ཡོམ་སྐབས་ཀྱི་གདུང་སེམས་མཉམ་སྐྱེད་ནི་པེ་ཅིན་གྱི་ཚོད་དཔག་ལས་རིང་དུ་བརྒལ་བ་རེད། དེ་ནི་བོད་མི་ཚོས་མྱུར་སྐྱོབ་ཀྱི་ལས་དོན་མ་གཏོགས། བོད་རང་བཙན་གྱི་སྐད་འབོད་བྱས་མེད། དེར་བརྟེན། པེ་ཅིན་གྱིས་བཀའ་མངགས་བྱས་པ་ལྟར་བོད་མི་ཚོའི་སྟེང་ལ་མེ་མདའ་རྒྱག་མ་དགོས་སྟབས། ད་སྐབས་ཁོ་ཚོ་ཧོན་འཐོར་ནས་བསྡད་ཡོད་པ་རེད།
ཨ་རིའི་ཨོཁལཧོམ་ཞེས་པའི་ས་གནས་སུ་སེར་བ་ཁུ་ཚུར་ཙམ་བབས་པའི་གློག་བརྙན་ལ་གཟིགས།
http://news.yahoo.com/video/us-15749625/hail-storm-hits-oklahoma-19917666#video=19917666
ལུང་རིགས་ལགས། ངས་ས་ཡོམ་འདིའི་སྐོར་ལས་གནད་དོན་གཉིས་མཐོང་སོང་། གཅིག་ནི་བོད་ནང་གི་དགོན་པ་ཁག་གཅིག་གིས་སྣེ་ཁྲིད་དེ་གྲྭ་བཙུན་རྣམས་དངོས་སུ་མང་ཚོགས་ཀྱི་རྒུད་སྐྱོབས་བྱ་བར་ཞུགས་པ་དེ་འགྱུར་བ་ཆེན་པོ་རེད་བསམ་སོང་། སྔོན་མ་ཡིན་ན་ཆོས་ཀྱི་ཆོ་ག་སྨོན་ལམ་སོགས་བྱེད་པ་ལས་དངོས་སུ་དེ་ལྟར་རོགས་སྐྱོར་གནང་སྲོལ་ཆེར་མི་འདུག དེས་བོད་རིགས་མང་ཚོགས་ཀྱིས་གྲྭ་བཙུན་ལ་ངོས་འཛིན་གཞན་ཞིག་བྱེད་མགོ་ཚུགས་བཅུག་ཅིང་རྒྱ་དམར་གཞུང་ལ་ཞེད་སྣང་གཞན་ཞིག་སླེབས་མགོ་བཙུགས་སོང་སྙམ། གྲྭ་བ་ཚོ་གང་དུ་ཡོད་ན་བོད་རིགས་མང་ཚོགས་དེ་ན་ཡོད་སྟབས་བོད་མཐའ་དབུས་ཚང་མ་ནས་གཅིག་སྒྲིལ་གྱི་རྣམ་པ་ཤུགས་ཆེན་པོ་ཞིག་བསྟན་ནུས་པ་རེད།
གཉིས་པ་དེ་ད་ཐེངས་རྒྱལ་བ་རིན་པོ་ཆེས་ང་ས་གནས་རང་དུ་ཕེབས་འདོད་ཡོད་གསུངས་པ་དང་ཡུལ་ཤུལ་བ་ཁག་གཅིག་གིས་རྒྱལ་བ་རིན་པོ་གདན་འདྲེན་ཞུ་དགོས་པའི་སྐུལ་མ་བཏོན་པ་དེས་ཀྱང་རྒྱ་དམར་གཞུང་ཁ་སྐྱེངས་པོ་བཟོས་མེད་དམ་སྙམ། ས་ཡོམ་བྱུང་ཚུན་ནས་རྒྱ་དམར་ཕྱོགས་ནས་རྒྱལ་བ་རིན་པོ་ཆེ་ལ་སྐྱོན་བརྗོད་ལྟར་སྣང་བ་འདོན་རྒྱུ་ཇེ་མང་དུ་བཏང་སོང་བ་དེ་ཡང་ཁོ་རང་ཚོའི་སེམས་ལ་ན་ཚ་འདྲ་ཞིག་སླེབས་སོང་བས་མིན་ནམ་སྙམ།
བཙན་བྱོལ་གཞུང་འདི་འཕག་འཚག་ཆེན་པོ་ཞིག་རྒྱག་ཐུབ་ན་བསམ་ཡང་དེ་ནི་ཅང་བྱུང་མ་སོང་།
ཉེ་ཆར་རྒྱ་རིགས་ཤིག་གིས་བཤད་དོན། པེ་ཅིན་གྱི་མགོ་ཁྲིད་ཚོའི་ནང་དུ། ༼གལ་སྲིད་རྦད་དེ་ཁར་མི་ཉན་ན། བོད་པ་ཚོ་རྩ་མེད་དུ་གཏོང་དགོས་པའི་བསམ་ཚུལ་འཛིན་མཁན་ཡང་འདུག་༽ཟེར།
སྐད་ཆ་འདི་ཚོ་ཡང་ཚབས་ཆེན་རེད།
དངོས་སུ་བྱུང་མེད་ཀྱང་པེ་ཅིན་གྱིས་གྲ་སྒྲིག་བྱེད་མྱོང་བ་དང་། ད་ལྟའང་གྲ་སྒྲིག་ཡོད་པའི་ཚབས་ཆེན་གྱི་ལས་ཀ་མང་པོ་ཡོད་པ་འདྲ།
གྲོགས་མི་ནག་ལགས། འདི་ལྟར་གསལ་འདེབས་གནང་བ་ཚང་མར་ཕན་ངེས་འདོད་ལ། ལྷག་དོན་འཇིགས་གཡེར་བའི་གསལ་འདེབས་ཤིག་ནི་རྒྱ་ནག་གིས་དེ་དུས་སྐྱེ་རྒུ་མདོར་བཟུང་བའི་རྣམ་འགྱུར་ནི་རྦད་དེ་ཁ་ཁ་རེད། ཁོང་ཚོའི་དོ་སྣང་ནི་ག་དུས་ཤིག་ལ་སུ་ཞིག་ཁོང་ཚོའི་མེ་མདའི་སོ་ཁར་ལངས་མིན་དེ་རེད་ཞེས་འདི་ཡིན། ངོ་མ་རེད་དྲན་པ་ནང་ལ་བཀུག་ནས་བསམ་བློ་ཞིབ་མོ་ཞིག་བཏང་ན་དེ་དུས་རྒྱ་དམག་གིས་བོད་མི་གསོད་རྒྱུ་ཡ་ང་མེད་ལ། སྟབས་མ་འགྲིག་པ་རེད་མ་གཏོགས་བསོད་ཆོག་ཆོག་གི་གྲ་སྒྲིག་ཀྱང་ཡོད་ངེས། མདོ་དོན་གསལ་འདེབས་གནང་བ་བཀའ་དྲིན་ཆེ།
བོད་མི་ནི་གང་དུ་བགྲོད་ཀྱང་སྡུག་བསྔལ་དང་། དཀའ་ངལ་ཅན་ཞིག་རེད། ཐེ་ཝན་རྒྱ་མི་ཞིག་གིས་བདག་ལ་བཤད་དོན། བོད་མི་དང་བོད་པའི་གྲྭ་པ་གང་ཞིག་ཕྱི་རྒྱལ་ནས་རྒྱ་ནག་ཏུ་འཛུལ་སྐབས་ཆུ་ཚོད་དྲུག་དང་བདུན་གང་རུང་བཀག་འགོག་བྱས་ཏེ། དྲི་རྩད་དང་འཇིགས་བསྐུལ་ཚད་མེད་བྱེད་ཀྱིས་འདུག་ཟེར། དེ་ཙམ་མ་ཟད་རྒྱ་གར་དང་། བལ་པོ་སོགས་ནས་རྒྱ་ནག་གཞུང་ཚབ་ཁང་གིས་བོད་དུ་མཉེན་ཕྲད་འགྲོ་ཆོག་པའི་མཐོང་མཆན་སྤྲད་ཀྱང་། བལ་བོད་གཉིས་ཀྱི་ས་མཚམས་སུ་སླེབས་སྐབས་མིའི་གཟུགས་པོ་དང་། ཅ་དངོས་རིགས་ཡོངས་རྫོགས་ཞིབ་བཤེར་བྱས་ཏེ་ཆུ་ཚོད་ལྔ་དྲུག་ལྷག་ཙམ་འཇིགས་བསྐུལ་གྱིས་འོག་ཏུ་བཞག་ཡོད་འདུག
ཚེ་རིང་ལྷ་མོ་ལགས་ཕེབས་པར་དགའ་བསུ་ཞུ། རྒྱ་དོགས་པས་ཕོངས་ཞེས་པའི་དཔེ་ལྟར། ཁོང་ཚོར་ ༢༠༠༨ ལོ་ནས་བཟུང་དོགས་པ་ཇེ་ཆེར་གྱུར་བ་རེད། གདེང་ཚོད་ཡལ་བ་རེད། ད་ནི་གདེང་ཚོད་གཅིག་རང་ཡོད་པ་ནི་མེ་མདའ་རེད། མེ་མདའི་ཁ་ནས་དོན་དག་བྱུང་ཚད་ཐག་གཅོད་དགོས་པའི་ལྟ་ཚུལ་གསར་པ་ཞིག་བསླེབས་ཡོད་པ་རེད། བོད་པ་ཚོས་འདི་དག་ཤེས་རྒྱུ་གལ་ཆེན་པོ་རེད་འདོད་ནས་འདི་ལྟར་བྲིས་པ་ཡིན།
དྲ་ངོས་འདི་ན་སྨྲ་ཤེས་དོན་གོ་ཞུ་བ་ཞིག་གིས་མཆན་གཅིག་ག་ས་གང་དུ་སྤེལ་གིན་འདུག དེ་བས་ཁོང་ལ་བསམ་ཚུལ་ཙམ་དུ་ཕུལ་བ་ཡིན། ང་རང་གིས་འདི་འདྲ་ཞིག་བསམ་ནས་ཀྱང་ཡུན་རིང་འགོར།
སྨྲ་ཤེས་དོན་གོ་ལགས། སྤྱིར་བཏང་རོགས་དངུལ་འབུལ་རྒྱུ་དང་། ལྷག་པར་དུ་སྐུ་མདུན་ཁོང་གིས་གནང་ན་དགེ་བ་དང་དགོས་པ་ཁྱད་པར་བ་མང་པོ་ཡོད་ཀྱང་། ངས་ནི་ད་ཐེངས་བོད་མི་ཚོས་སྐྱེ་རྒུ་མདོར་ཞལ་འདེབས་བསྡུས་པ་དེ་ཐབས་ཤེས་ཁྱད་དུ་འཕགས་པ་ཞིག་ལ་མཐོང་མ་སོང་། ང་ཚོས་འདི་ནས་དཔལ་འབྱོར་གྱི་མཐུན་རྐྱེན་ཅི་ཙམ་མང་པོ་སྤྲད་ན་རྒྱ་གཞུང་གིས་དེ་ཙམ་གྱིས་ཁེ་ཕན་ལེན་གི་རེད། རོགས་དངུལ་དེ་དག་སྤྱད་དེ་མདེའུ་རེ་རེ་བཟོས་ནས་ཁྱེར་ཡོང་གི་རེད། མདེའུ་དེ་དག་ཀྱང་འདས་པའི་ལོ་ ༣༠ ནང་ཚུན་དུ་བོད་པ་ཚོའི་སྟེང་ལ་བཀོལ་བ་ནང་བཞིན་ཞིག་མི་རིགས་གཞན་གྱི་སྟེང་ལ་བཀོལ་མེད་པའི་ཚོད་ཡིན།
ཕར་འཕྲོག་ནས་ཁྱེར་བའི་རྒྱུ་དངོས་དེ་དག་ཚུར་མ་རག་པར། འདི་ནས་མི་རིགས་གཞན་དང་རྒྱལ་ཁབ་གཞན་ལ་སློང་མོ་བརྒྱབ་སྟེ་བསགས་ཤིང་བསྡུས་པའི་དངུལ་དེ་ཚོ་སླར་ཡང་རྒྱ་ནག་གཞུང་གི་ལག་ལ་འཇོག་པ་འདི་ལས་ཐབས་རྡུགས་པ་ཞིག་མཐོང་གི་མི་འདུག
ཁྱོད་ཀྱིས་སྒོར་རྡོག་ག་ཚོད་ཅིག་བསྡུས་ནས་ཕར་སྤྲད་ན་དེ་ཚོད་ཀྱིས་རང་མི་རིགས་ཀྱི་སྲོག་རྩ་གཅོད་གི་རེད།
དེང་སྐབས་འཛམ་གླིང་སྟེང་ན་དམག་མི་མང་ཤོས་ནི་རྒྱ་ནག་རེད། མཐའ་མཚམས་ཁག་གི་བཅིངས་འགྲོལ་དམག་མི་དག་གི་འགྲོ་སོང་མཐའ་དག་གུང་ཁྲན་ཏང་གིས་མི་དམངས་ཀྱི་ཤ་ཁྲག་ནས་འཇུབ་སྟེ་བཅིངས་འགྲོལ་དམག་གི་སྟེང་ལ་བཀོལ་གྱིན་ཡོད་པ་རེད། མཐའ་མ་དེར་མི་དམངས་ཀྱི་ཚེ་སྲོག་འཕྲོག་མཁན་ནི་མི་དམངས་བཅིངས་འགྲོལ་དམག་མི་རེད།
ད་རྩིས་རྒྱོབ། འདང་རྒྱོབ། དེའི་རྗེས་ནས་སྐད་ཆ་ཤོད།
ས་ཡོམ་གྱི་འཇིག་ཉེན་དེ་ལྟ་བུའི་འོག་གྱང་རོའི་ཁྲོད་ནས་རྒྱ་དམར་གྱིས་ཉར་མིི་འཇུག་པའིི་༸གོོང་ས་མཆོག་གིི་སྐུ་པར་ཐོན་དུས་རྒྱ་དམར་ཚོ་ག་བྱེད་འདིི་བྱེེད་མེེད་པ་ཞིིག་རེེད་ཨང། སྐྱབས་གནས་དགེེ་འདུན་པའིི་སྡེེེས་མིི་མང་སྐྱོོབས་རོོགས་གནང་ཙང་རྒྱ་མིིའིིི་བྱས་རྗེེས་བརླག་ཡོོང་བསམ་པ་མ་ཟད་ ངོ་རྒོོལ་སྐད་འབོད་བྱས་ནས་རྒྱ་ནག་གིི་ཞབས་འདྲེེན་ཞུས་ཡོོང་བསམ་གྱིི་ཡོོོད་པ་རེེད།
གལ་སྲིད་ཉིན་དེར། ས་སློག་རྡོ་སློག་བྱེད་བཞིན་པའི་སྐབས་སུ། རྒྱ་ནག་གཞུང་གི་བརྩེ་སེམས་དང་རོགས་སྐྱོར་མ་ཚོར་བའི་སྐབས་ཤིག་ལ། དཔེར་ན། དགེ་འདུན་པ་ཞིག་གམ། དད་ལྡན་མང་ཚོགས་དཀྱུས་མ་སུ་རུང་ཞིག་གིས་ཀི་རིང་ཞིག་བཏབས་ཚེ། གློ་བུར་དུ་ཁོའི་བྲང་གཞུང་དེ་རྣོ་ལྕགས་བཙན་པོ་ཞིག་གིས་གཏོར་སྲིད་པ་རེད།
ད་སྐབས་ད་དུང་རྩོད་གཞི་ཞིག་ཡོད་ན་ང་ཚོས་རྩོད་དགོས་པ་ནི་འདི་རེད་འདོད། དོན་རྐྱེན་དེ་འདྲ་ཞིག་བྱུང་བ་ཡིན་ན་རྒྱལ་བ་རིན་པོ་ཆེ་མཆོག་གི་ཐུགས་དཀྲུག་གི་རེད། ཏང་ཀྲུང་དབྱང་གི་ཐུགས་ཀྱང་སྔར་གྱི་གྲ་སྒྲིག་བཞིན་ཁྲོས་གི་རེད། ས་གནས་ས་ཐོག་ནས་སྲོག་རེ་རེ་འབེན་རེ་རེར་འཇོག་གི་རེད། ་་་་་
བྱམས་བརྩེའི་ཨ་མའི་སྙིང་གི་དུམ་བུ།།
གཅེས་པའི་བུ་ཕྲུག་རྐྱེན་ལམ་སོང་བའི།།
ལས་དབང་མྱ་ངན་སེམས་ཀྱིས་མ་འཆུན།།
འོ་དོད་འབོད་སྒྲ་འུར་འུར་ཟིང་ཟིང་།།
སྙིང་སྡུག་བྲལ་བའི་ཤུལ་ལུས་གཉེན་ཉེ།།
ཡིད་སེམས་གདུང་བ་དྲག་པོས་གཟིར་ནས།།
བརྒྱལ་དང་དྲན་པ་མུན་སྟུག་ཀློང་དུ།།
བར་མེད་མནར་བའི་ཚུལ་འདི་སུས་བཟོད།།
ཀྱེ་ཧུལ་བསླུ་མེད་དཀོན་མཆོག་རྣམ་གསུམ།།
དམྱལ་སྣང་ས་ཁར་མངོན་སུམ་འཕོས་འདྲེས།།
བོད་འབངས་སེམས་ཅན་སྡུག་བསྔལ་འདི་འདྲ།།
མྱོང་དགོས་ཅི་ཞེས་ཞེ་བློ་རྨོངས་བྱང་།།
བརྩེ་མེད་ས་བདག་གཏུམ་དྲག་ཅན་ལ།།
ཉེས་མེད་ཚེ་སྲོག་གཉོམ་ཆུང་འདི་དག།།
ཐར་མེད་གཤིན་རྗེའི་ཡུལ་དུ་འཁྲིད་པའི།།
འགོག་མེད་དཀའ་གཙིགས་སུ་ཡིས་ཕབས་ཨང་།།
རྡུལ་རླུང་འཚུམས་མའི་མཐོ་སྒང་གྲོང་བརྡལ།།
ཁྲག་དང་མིག་ཆུའི་རྒྱུན་གྱིས་གང་ནས།།
ངུ་ངག་དབྱངས་ལྟ་རྣ་བར་འཛུལ་དུས།།
སྙིང་འདི་ཚལ་བར་གཤགས་ལ་ཕྱོགས་སོ།།
རྟེན་གསུམ་བཞེངས་བསྐྲུན་ཚར་དུ་དངར་ཞིང་།།
བཤད་གྲུབ་བསྟན་པའི་སྲོག་སྙིང་བཟུང་བའི།།
དགོན་སྡེ་དུ་མ་ཞིག་རལ་བཏང་བས།།
འགྲོ་བའི་ལས་སྣང་བསམ་ཡིད་འདས་སོ།།
ཀུན་བཟོད་མ་དེ་མ་བཟོད་དྲག་ནས།།
འགུལ་རིམ་བདུན་དང་གྲངས་ཆུང་གཅིག་གི།
ལྡང་སྟབས་གཅིག་གིས་ཚེ་སྲོག་ཁྲི་ཕྲག།།
འདི་ལྟར་སྡུག་བསྔལ་གཡང་ལ་སྒྱུར་སོང་།།
མཛེས་ལྗོངས་སུམ་རྩེན་གནས་སུ་འགྲན་ཞིང་།།
གླུ་བྲོའི་གཞིས་ཁྱིམ་མཚན་སྙན་འབར་བའི།།
བོད་ཡུལ་སྐྱེ་རྒུ་མདོ་ཡི་ཡུལ་དེ།།
སྐད་ཅིག་ཤུལ་ཙམ་བཟོས་འདི་བདེན་ནམ།།
ཤེས་རིག་འོད་སྣང་འགྱེད་པའི་དགེ་རྒན།།
ཕུགས་བསམ་མེ་ཏོག་རྒུམ་པའི་སློབ་ཚོགས།།
ས་ཆེན་གླལ་པའི་འདར་གསིག་གཅིག་གིས།།
རྡོ་འདམ་གཏིབས་འོག་གཏན་དུ་མནན་སོང་།།
མི་མངོན་དབྱིངས་ཀྱི་རྩ་གསུམ་རྒྱ་མཚོ།།
ཉམས་ཐག་འགྲོ་བའི་ཚུལ་འདི་གཟིགས་ནས།།
ཐུགས་རྗེའི་འཇུག་པ་ནམ་ཡང་བསྐུལ་ན།།
ཅིས་ཀྱང་བརྩེ་བས་ལན་ཅིག་དགོངས་འཚལ།།
འཕགས་ཡུལ་གནས་སྡོད་གྲྭ་རྒོད་ནས།
ཕྱི་ལོ༢༠༡༠ཟླ༠༥ཚེས༡༩ལ་གུས་པའི་ཕུལ།
མིང་ལ་”སྨྲ་ཤེས་དོན་གོ”ཞེས་པའི་དྲྭ་མཆན་འགོད་མཁན་ཞིག་གིས། དངོས་ཡོད་གནས་ཚུལ་དང་གཏན་ནས་མི་མཐུན་པའི་རྒྱ་དམར་གྱི་ལོག་སྤྱོད་དྲིལ་བསྒྲགས་ངོ་མ་རྣམས། དྲྭ་ཚིགས་ཀུན་དུ་བསམ་བཞིན་དུ་བསྐྱར་་འགོད་ཡང་འགོད་བྱས་འདུག་པས། དུས་བབ་ཚང་གིས་ཐུགས་བརྩེ་བས་ཉམ་ཆུང་བོད་མི་རྣམས་ཀྱི་གནས་སྟངས་ལ་དགོངས་ནས། རྒྱ་དམར་གྱི་ལོག་སྤྱོད་དྲིལ་བསྒྲགས་འདིའི་རིགས་བོད་མིའི་དྲྭ་རྒྱར་མི་བཀོད་རོགས་ཞུ།