བཙན་བྱོལ་ནང་གི་བོད་ཁྱིམ་ཁག་གསུམ་དང་། གཏན་སློབ་ཁག་ལྔ་ཡི་འཛིན་རིམ་བཅུ་གཉིས་པའི་ཡིག་རྒྱུགས་གྲུབ་འབྲས་ཕྱོགས་སྡོམ་བྱས་པ་ཞིག་ཤེས་རིག་ལས་ཁུངས་ཀྱིས་ཕྱིར་བསྒྲགས་བྱས་འདུག
དེ་རིང་ཞོགས་པར་འདི་གའི་གསར་འགོད་པས་བོད་གཞུང་ཤེས་རིག་ལས་ཁུངས་བརྒྱུད་ཤེས་རྟོགས་བྱུང་བ་ལྟར་ན། རྒྱ་གར་གཞུང་གིས་འདི་ལོའི་གཞི་རིམ་སློབ་གྲྭ་ཁག་གི་འཛིན་གྲྭ་བཅུ་གཉིས་ཁྲོད་ཡིག་རྒྱུགས་བཏང་བའི་ནང་ནས། སློབ་གྲྭ་ཁག་བརྒྱད་ཀྱི་ཡིག་རྒྱུགས་གྲུབ་འབྲས་ཕྱིར་བསྒྲགས་གནང་འདུག་ལ། སློབ་གྲྭ་དེ་དག་ནི་གྷོ་པལ་པུར་བོད་ཁྱིམ་སློབ་གྲྭ་དང་སྦེལ་ཀོབ་བོད་ཁྱིམ། ངྷ་སྟེང་བོད་ཁྱིམ་སློབ་གྲྭ་བཅས་དང་། སྤོན་ཊ་གཏན་སློབ་དང་སིམ་ལ་གཏན་སློབ། ཌལ་ཧོར་གཏན་སློབ། མོན་གྷོ་ཊི་གཏན་སློབ་དང་སྦེལ་ཀོབ་གཏན་སློབ་བཅས་ཡིན་འདུག
དང་པོ། སློབ་གྲྭ་ཁག་འདི་བརྒྱད་ལས་གྷོ་པལ་པུར་གྱི་འཛིན་གྲྭ་བཅུ་གཉིས་ཀྱི་སློབ་ཕྲུག་ ༢༢༠ ནས་སློབ་ཕྲུག་ ༢༡༧ གྱི་ཡིག་རྒྱུགས་བཏང་སྟེ། ཚང་མས་ཡིག་རྒྱུགས་འཕྲོད་འདུག་སྟབས་མཇུག་མཐའི་སྐར་གྲངས་བརྒྱ་ཆ་བརྒྱ་བླངས། སློབ་ཕྲུག་བུ་ ༨༦ དང་བུ་མོ་ ༡༣༡ ཡོད་འདུག
གཉིས་པ། མོན་གྷོ་ཊི་གཏན་སློབ་ནས་སློབ་ཕྲུག་ ༡༦༠ ནས་ ༡༥༧ ཡིག་རྒྱུགས་བཏང་སྟེ་ ༡༥༥ ཡིག་རྒྱུགས་འཕྲོད་པ་དང་། སློབ་ཕྲུག་ ༢ སློབ་ཚན་གཅིག་ཐོག་ཐོབ་སྐར་ལོན་མེད། མཇུག་མཐའི་སྐར་གྲངས་ ༩༨་༧༣ བླངས་ཡོད་འདུག སློབ་ཕྲུག་བུ་ ༥༨ ཡོད་པའི་ཁྲོད་ནས་ ༢ སློབ་ཚན་གཅིག་ཐོག་ཐོབ་སྐར་མ་ལོན་པར་བསྐྱར་དུ་ཡིག་རྒྱུགས་གཏོང་དགོས་པར་བརྟེན་ཕོའི་མཇུག་མཐའི་སྐར་གྲངས་དེ་བརྒྱ་ཆ་ ༩༦་༥༥ ཡིན་པ་དང་བུ་མོ་ ༩༩ ཡོད་པ་ཚང་མས་ཡིག་རྒྱུགས་འཕྲོད་དེ་མཇུག་མཐའི་སྐར་གྲངས་བརྒྱ་ཆ་བརྒྱ་བླངས་ཡོད།
གསུམ་པ། སྦེལ་ཀོབ་ཉིན་སློབ་ཀྱི་སློབ་མ་ ༢༤༣ ལས་སློབ་མ་ ༢༢༠ ཡིག་རྒྱུགས་བཏང་སྟེ་ ༢༡༡ ཡིག་རྒྱུགས་འཕྲོད་པ་དང་། མཇུག་མཐའི་སྐར་གྲངས་ ༩༥་༩༡ བླངས་ཡོད། བུ་ ༡༡༩ དང་སློབ་ཚན་གཅིག་ཐོག་ཐོབ་སྐར་མ་ལོན་པ་ ༥ བྱུང་སྟེ་ཕོའི་མཇུག་མཐའི་སྐར་གྲངས་ ༩༥་༨ དང་བུ་མོ་ ༡༠༡ ཡོད་པར་སློབ་ཚན་གཅིག་ཐོག་ཐོབ་སྐར་མ་ལོན་པ་ ༤ བྱུང་སྟེ་མོའི་མཇུག་མཐའི་སྐར་གྲངས་ ༩༦་༠༤ ཡིན་འདུག
བཞི་པ། ཌལ་ཧོར་གཏན་སློབ་ནས་སློབ་ཕྲུག་ ༢༥ ལས་ ༢༥ ཡིས་ཡིག་རྒྱུགས་བཏང་སྟེ། སློབ་མ་ ༢༡ ཡིག་རྒྱུགས་འཕྲོད་དེ་མཇུག་མཐའི་ཐོབ་སྐར་ བརྒྱ་ཆ་ ༨༤་༠༠ བླངས་ཡོད། བུ་ ༡༣ དང་སློབ་ཚན་གཅིག་ཐོག་ཐོབ་སྐར་མ་ལོན་པ་ ༢ བྱུང་སྟེ་ཕོའི་མཇུག་མཐའི་སྐར་གྲངས་ ༨༤་༦༢ དང་བུ་མོ་ ༡༢ ཡོད་པར་སློབ་ཚན་གཅིག་ཐོག་ཐོབ་སྐར་མ་ལོན་པ་ ༢ བྱུང་སྟེ་མོའི་མཇུག་མཐའི་ཐོབ་སྐར་ ༨༣་༣༣ ཡིན་འདུག
ལྔ་པ། ངྷ་སྟེང་བོད་ཁྱིམ་གྱི་སློབ་ཕྲུག་ ༡༠༧ ནས་ ༡༠༡ ཡིག་རྒྱུགས་བཏང་སྟེ་ ༨༢ ཡིག་རྒྱུགས་འཕྲོད་པ་དང་མཇུག་མཐའི་སྐར་གྲངས་ ༨༡་༡༩ དང་། གཏན་ནས་མ་འཕྲོད་པ་ ༥ བྱུང་ཡོད། སློབ་ཕྲུག་བུ་ ༦༠ ཡོད་པར་ ༤༦ ཙམ་གྱིས་ཡིག་རྒྱུགས་འཕྲོད་དེ་ཕོའི་མཇུག་མཐའི་ཐོབ་སྐར་ ༧༦་༦༧ ཡིན་པ་དང་། བུ་མོ་ ༤༡ ལས་ ༣༦ ཡིག་རྒྱུགས་འཕྲོད་དེ་མཇུག་མཐའི་ཐོབ་སྐར་ ༨༧་༨ བླངས་འདུག སློབ་ཚན་གཅིག་ཐོག་ཐོབ་སྐར་མ་ལོན་པར་བསྐྱར་དུ་ཡིག་རྒྱུགས་གཏོང་དགོས་པ་ ༡༤ ཡོད།
དྲུག་པ། སྤོན་ཊ་གཏན་སློབ་ཀྱི་སློབ་མ་ ༣༥ ལས་ ༣༤ ཡིག་རྒྱུགས་བཏང་སྟེ་ ༢༧ ཡིག་རྒྱུགས་འཕྲོད་པ་དང་མཇུག་མཐའི་སྐར་གྲངས་ ༧༩་༤༡ དང་། གཏན་ནས་མ་འཕྲོད་པ་ ༢ ཡོད། སློབ་ཕྲུག་བུ་ ༡༤ ལས་ ༡༡ ཙམ་གྱིས་ཡིག་རྒྱུགས་འཕྲོད་དེ་ཕོའི་མཇུག་མཐའི་སྐར་གྲངས་ ༧༨་༥༧ དང་བུ་མོ་ ༢༠ ཡོད་པར་ ༡༦ ཡིག་རྒྱུགས་འཕྲོད་དེ་མོའི་མཇུག་མཐའི་སྐར་གྲངས་ ༨༠ ཡིན། སློབ་ཚན་གཅིག་ཐོག་ཐོབ་སྐར་མ་ལོན་པར་བསྐྱར་དུ་ཡིག་རྒྱུགས་གཏོང་དགོས་པ་ ༥ ཡོད།
བདུན་པ། སྦེལ་ཀོབ་གཏན་སློབ་ཀྱི་སློབ་མ་ ༤༡ ནས་ ༤༡ ཡིག་རྒྱུགས་བཏང་སྟེ་ ༣༢ ཙམ་གྱིས་ཡིག་རྒྱུགས་འཕྲོད་པ་དང་མཇུག་མཐའི་སྐར་གྲངས་ ༧༨་༠༥ ཡིན་པ་དང་གཏན་ནས་ཡིག་རྒྱུགས་མ་འཕྲོད་པ་ ༢ བྱུང་འདུག སློབ་ཕྲུག་བུ་ ༡༦ ལས་ ༡༢ ཙམ་གྱིས་ཡིག་རྒྱུགས་འཕྲོད་དེ་ཕོའི་མཇུག་མཐའི་སྐར་ ༧༥ ཡིན་པ་དང་བུ་མོ་ ༢༥ ཡོད་པར་ ༢༠ ཙམ་གྱིས་ཡིག་རྒྱུགས་འཕྲོད་དེ་མོའི་མཇུག་མཐའི་སྐར་གྲངས་ ༨༠ ཡིན་འདུག སློབ་ཚན་གཅིག་ཐོག་ཐོབ་སྐར་མ་ལོན་པར་བསྐྱར་དུ་ཡིག་རྒྱུགས་གཏོང་དགོས་པ་ ༧ ཡོད།
བརྒྱད་པ། ཤིམ་ལ་གཏན་སློབ་ཀྱི་སློབ་མ་ ༣༦ ལས་ ༣༤ ཡིག་རྒྱུགས་བཏང་སྟེ་ ༢༢ ཙམ་གྱིས་ཡིག་རྒྱུགས་འཕྲོད་པ་དང་མཇུག་མཐའི་སྐར་གྲངས་ ༦༤་༧༡ ཡིན། སློབ་ཚན་གཅིག་ཐོག་བསྐྱར་ཏུ་གཏོང་དགོས་པ་ ༡༢ བྱུང་འདུག སློབ་ཕྲུག་བུ་ ༡༢ ཡོད་པར་ ༡༠ ཙམ་གྱིས་ཡིག་རྒྱུགས་འཕྲོད་དེ་མཇུག་མཐའི་སྐར་གྲངས་ ༨༣་༣༣ ཡིན་པ་དང་བུ་མོ་ ༢༢ ཡོད་པར་ ༡༢ ཙམ་གྱིས་ཡིག་རྒྱུགས་འཕྲོད་དེ་མཇུག་མཐའི་སྐར་གྲངས་ ༥༤་༥༥ ཡིན་འདུག
གོང་གསལ་གྱི་སློབ་གྲྭ་ཁག་ཏུ་ཁྱོན་སྡོམ་སློབ་ཕྲུག་ ༨༦༧ ལས་ཡིག་རྒྱུགས་ཁྲོད་ཞུགས་པ་མེད་པ་ ༣༨ དང་སློབ་ཕྲུག་ ༨༢༩ དངོས་སུ་ཡིག་རྒྱུགས་ཁྲོད་ཞུགས་ཏེ་སློབ་མ་ ༧༦༧ ཡིག་རྒྱུགས་འཕྲོད་པ་དང་། སློབ་ཚན་གཅིག་ཐོག་སྐར་གྲངས་མ་ལོན་པར་བསྐྱར་དུ་གཏོང་དགོས་པ་ ༥༣ དང་གཏན་ནས་མ་ལོན་པ་ ༩ བྱུང་འདུག མཇུག་མཐའི་སྐར་གྲངས་ ༩༢་༥༢ ཡིན། དེ་དག་ལས་ཕོ་ ༣༧༨ ལས་ ༣༤༦ ཡིག་རྒྱུགས་འཕྲོད་དེ་ཕོའི་མཇུག་མཐའི་སྐར་གྲངས་ ༩༡་༥༣ དང་བུ་མོ་ ༤༥༡ ལས་ ༤༢༡ ཙམ་གྱིས་ཡིག་རྒྱུགས་འཕྲོད་དེ་མོའི་མཇུག་མཐའི་སྐར་གྲངས་ ༩༣་༣༥ ཡིན་འདུག
དེ་མིན་གྱི་སློབ་གྲྭ་གཞན་ཁག་ཅིག་གི་ཡིག་རྒྱུགས་གྲུབ་འབྲས་དེ་སང་ཉིན་ཕྱིར་བསྒྲགས་གནང་རྒྱུ་ཡིན་འདུག
ད་ལྟའི་དུས་ཚོད་འདིར་ཤེས་ཡོན་ལ་དང་དོད་བྱེད་རྒྱུ་ཤིན་ཏུ་གལ་ཆེ་ཡིན་སྟབས། དགེ་སློབ་ཚང་མས་ད་དུང་ཡང་མུ་མཐུད་འབད་བརྩོན་གནང་རོགས།
དྲ་གྲོགས་བོད་དང་བཟོད་པ་ལྷ་རྩེ་གཉིས་ཀྱིས་དགོངས་ཚུལ་གསུངས་བར་བསྔགས་བརྗོད་ཡོད། འོན་ཀྱང་དག་ཆར་དོ་སྣང་གནང་རོགས།
འབད་བརྩོན་བྱས་ན་གྲུབ་འབྲས་བཟང་པོ་ཡོང་ངེས་ཡིན་པས་་་་་ད་དུང་མུ་མཐུད་དེ་ཡིན་ད་་་་་་
གྷོ་པལ་པུར་བོད་ཁྱིམ་སློབ་གྲྭའི་སློབ་སྤྱི་མཆོག་དང་དགེ་ལས་སློབ་ཕྲུག་ཚང་མས་དཀའ་དཔྱད་འབད་པ་ཆེར་བསྐྱེད་ནས་གྲུབ་འབྲས་རྩེར་སོན་པར་སྙིང་དབུས་ནས་བཀྲིས་བདེ་ལེགས་ཀྱི་སྨོན་འདུན་མཚམས་འདྲི་ཞུ་རྒྱུ་དང། མ་འོངས་མུ་མཐུད་རང་རེས་མ་འོངས་སོན་རྩ་རྣམས་གསོ་སྐྱོང་གང་ལེགས་ཡོང་ཕྱིར་ཁྱེད་རྣམས་ནས་འབད་པ་ཆེ་ཆེར་གནང་རོགས་བཞེས་རེ་འདུན་བཞུ་ཞིང་ཡོད་ན་དབྱིངས་འཇགས་ཚལ༎ ༎
ང་ཚོའི་མ་འོགས་པའི་སོན་རྩ་ཚོ་རེམ་དང་