བཀའ་སྤྱི་གཉིས་ཀྱིས་བྱིས་པ་ཚོར་བཟུང་བའི་རྣམ་འགྱུར།

བཀུར་འོས་སྤྱི་འཐུས་མཆོག་གི་དེ་རིང་ངོ་མ་སྤྱི་འཐུས་ཞིག་གི་རང་མདངས་ངོམ་འདུག སྐུ་ཚེ་རིང། ད་དུང་བཀའ་ཤག་གི་ཐག་བཅད་དེ་ག་འདྲ་ཞིག་བྱུང་ན་བསམ་ནས་སྡད་ཡོད། ཡག་པོ་ཞིག་མ་བྱེད་ན་བློ་ཕམ་པོ་རེད། ད་དུང་ཁྱེད་ཀྱི་ནུས་པ་ཡོད་ཚད་ངོམ་རོགས་གྱོས། ང་ཚོའི་ཁྱེད་སྒུག་ནས་སྡད་ཡོད། ཐུགས་རྗེ་ཆེ་རང་གཞུང་བཀའ་ཤག་གི་ཐག་བཅོད་ཡག་པོ་ཞི་གནང་རོགས། མ་སུ་རིའི་སློབ་སྤྱིའི་ཁོང་ཚོ་ཕ་མ་ལ་སྤྲོད་པ་ལས་རྒྱ་མི་ལ་སྤྲོད་ཀྱི་མེད་གསུང་འདུག་ཀྱང་དོན་དངོས་ཐོག་རྒྱ་མི་ལག་ཏུ་འགྲོ་ཡ་རང་རེད། སྐད་ཆ་དེ་ཚོ་རིགས་དེ་བསམ་བློ་ཡག་པོ་མ་གཏང་བའི་སྐད་ཆ་རེད། ཡང་ན་ཁོང་གི་བོད་ནང་གི་གནས་སྟང་དེ་ཚོ་ཤེས་ཀྱི་མེད་པ་འདྲ། དཀོན་མཆོག་སེམས་པ་སྐྱོ་གི་འདུག

བོད་མི་མང་སྤྱི་འཐུས་རྒྱུན་ལས་དང་། ཡོ་རོབ་བོད་ཀྱི་ཐེབས་རྩའི་ཚོགས་གཙོ་དྲྭ་གྲོགས་ཀརྨ་རྡོ་རྗེ་ལགས་སོགས་ཀྱིས་བོད་མི་རིགས་ཀྱི་ལ་རྒྱར་དགོངས་ཏེ་བསམ་བཞེངས་གནང་བར་སྙིང་དབུས་ནས་ཐུགས་རྗེ་ཆེ་ཞུ་རྒྱུ་ཡིན། བཀའ་ཤག་དང་ཤེས་རིག་ལས་ཁུངས་སོགས་ཀྱི་དུས་ནམ་ཡང་། བོད་མི་རིགས་ལ་འགན་ལེན་ཡག་པོ་བྱེད་པ་མཐོང་རྒྱུ་དཀོན།

བོད་ནས་རྒྱ་མིས་བོད་མི་ཚར་ལང་བྱུང་ཟེན་པ་དེ་དག་རེ་རེ་བཞིན་དུ་མེད་པ་བཟོ་ཡི་ཡོད་པ་མ་ཟད་དེ་དང་གཅིག་མཚུངས་ཀྱིི་བཙན་འབྱོར་སྤྱི་ཚོགས་འདི་ནས་གཞོན་སྐྱེས་ཚོར་ཤ་ཚའི་ངང་ནས་སློབ་གསོ་སྤྲད་དེ་མི་ཚེའི་འདན་ལམ་རྩལ་རྒྱུ་ལས་ཟློག་སྟེ་བསམ་བློའི་ནུས་ཤུག་མ་རྒྱས་པའི་བྱིས་པས་སྤྱོད་ཐལ་ཅུང་ཟེད་ཙམ་ལ་བརྟེན་ནས་དེའི་མ་འོང་མི་ཚེའི་འདུན་ལམ་བཀག་གིན་འདུག། འདི་རིགས་ལ་ངེས་པར་དུ་བསམ་གཞིགས་དགོས་ཀྱི་མི་འདུག་གམ།

ད་རེབ་ཀྱི་དོན་འདི་གླེང་མཁན་གྱི་སྤྱི་མཐུས་རྣམ་པ་དང་། གསར་འགོད་པ་གཉིས། ཟིན་བྲིས་པ་དང་། མཆན་འདེབས་པ་ཚང་མར་ཐུགས་རྗེ་ཆེ་ཞུ་བཞིན་ཡོད། བཀའ་ཤག་ལྷན་རྒྱས་འཆོགས་འདུ་འཚོགས་དགོས་པ་ཞིག་བཟོས་པ་དེ། གྲུབ་འབྲས་ཤིག་ལ་ངོས་འཛིན་བྱས་ན་འགྲིག་གི་སྙམ། ལྷག་བསམ་རྣམ་དག་དང་དྲང་བདེན་ལ་གྲུབ་འབྲས་ཡོད་པའི་རྟགས་མཚན་ཞིག་དང་། གཉིས་ནས་དུས་བབ་དྲ་རྒྱ་ལ་བརྟེན་པའི་རླབས་ཆེན་གྲུབ་འབྲས་ཤིག་ཡིན་པས་མུ་མཐུད་དུ་ཤུགས་རྒྱོབས།

བདག་གི་དེ་རིང་བཤད་རྒྱུ་ཞིག་ལ་ངའི་མ་འོངས་བའི་བཀའ་ཁྲུ་ནི་ལོ་རྒྱུས་ནང་རྒྱལ་ཁབ་དང་མི་རིགས་ལ་མགོ་གཡོག་མགོ་སྐོར་མ་བྱས་པའི་མྱི་གཙང་མ་ཞིག་ཡིན།དེང་སྐབས་འུ་ཚོའི་སྤྱི་ཚོགས་ནང་ཁ་ བདེ་སོང་ན་བཀའ་ཁྲུ་འོས་ཚོད་དང་། ལག་ཁོམ་སོང་ན་ཕེན་ཤོག་བླུག་ཆོག་ཆོག་རེད། དེ་འདྲ་ཞིག་ཡིན་ན་མ་འོངས་བོད་ཀྱི་གནས་སྟངས་གང་འདྲ་ཞིག་ཡིན་པ་ཕལ་ཆེར་གོ་ཀི
བཀའ་ཁྲུ་ལ་སུ་ཞིག་མ་འོངས་པ་བསྡད་ན་འདུག་མཁན་གྱི་ལོ་རྒྱུས་གཙང་མ་ཞིག་ཡིན་རྒྱུ་གལ་ཆེན་རེད་འདོད།

གསར་འགོད་པ་ཟུང་གིས་རང་ཉིད་ཀྱི་འགན་འཁུར་ཡོད་པ་ལ་རྗེས་སུ་ཡི་རངས་དང་བསྔགས་བརྗོད་བྱེད་ན་འདོད། གསར་འགོད་པས་གནད་འགག་ཅན་མང་བོ་གླེང་དགོས་པ་རེད།

གསར་འགོད་པ་དང་། སྤྱི་འཐུས་རྣམ་པར་ཡག་བྱུང་ཅེས་ཞུ་རྒྱུ་ཡིན། སོ་སོས་སོ་སོ་ལ་ཡོད་པའི་འགན་དེ་ཁུར་ཤག་ཅེས་ཞུ་འདོད་བྱུང་།

ངས་རང་གི་སྐད་ཆར་གཞན་གྱིས་བདག་རྒྱག་མི་སྲིད་པ་ཤེས་ཀྱིན་ཡོད་ཀྱང་། སེམས་ཀྱིས་མི་བཟོད་པས་གཤམ་གྱི་རྩོམ་ཡིག་འདི་ཟིན་བྲིས་ལས་འདིར་བཀོད་པ་ཡིན།

མ་སུ་རིའི་བྱིས་པ་དགུའི་ཆེད་དུ་ཤོར་བའི་ཆོ་ངེ།

ཆེ་བ་རྒྱལ་ཁབ་ནས་ཆུང་བ་ཚོགས་པ་སྐྱིད་སྡུག་ཚུན་ཆད་དུ། མིའི་ཚོགས་སྡེ་གང་འདྲ་ཞིག་ཡིན་རུང་སྒྲིག་ཁྲིམས་རེ་ཡོད་ཅིང་། སྒྲིག་ཁྲིམས་དེ་ཡང་སྔོན་དཔག་གིས་བཟོས་པ་དང་བྱས་ཉེས་རེ་རེ་བྱུང་སྐབས། དེར་བསྟུན་གྱིས་རེ་རེ་བཟོས་པ་སོགས་ཡོད་པས། ཉེ་ཆར་མ་སུ་རི་བོད་ཁྱིམ་གྱིས་སློབ་གྲྭའི་སྒྲིག་གཞི་དང་འགལ་བའི་བྱིས་པ་དགུ་ཕྱིར་འབུད་བཏང་བ་ཡང་། བྱས་ཟིན་པར་བརྟེན་ནས་སྒྲིག་གཞི་བཟོས་པ་དང་འབྱུང་ངེས་པར་དཔག་ནས་སྒྲིག་གཞི་བཙན་པོ་དེ་ལྟ་བུ་ལག་ལེན་དངོས་ལ་བསྟར་ཤེས་ཆེ་བས། དགའ་གུས་ཞུ་རྒྱུ་ཡིན་མོད། དེ་འབྲེལ་གྱི་སྐད་ཆ་ཚིག་འགའ་མི་བཤད་རང་བཤད་དུ་གྱུར་སོང་།
ལྟོས་འཇོག་གི་སྒོ་ནས་བཤད་ན། སློབ་གྲྭའི་གནས་སྐབས་སུ་འདི་ལྟ་བུའི་ཚུལ་མིན་གྱི་བྱ་སྤྱོད་སྤེལ་དུས་ཚབས་ཆེའི་ངོ་བོར་འགྱུར་གྱིན་ཡོད་ལ། ༼ འདི་ང་ཚོ་བོད་སྤྱི་ཚོགས་ཀྱི་བསམ་བློའི་འདུ་ཤེས་འཁྱེར་སྟངས་ཤིག་ལས་ང་རང་སྟེང་ནས་དེ་ལྟའི་ཚབས་ཆེན་ཞིག་ཏུ་ངོས་འཛིན་ཐུབ་ཀྱི་མི་འདུག ༽ བུ་མོ་གཅིག་ལ་བུ་དགུས་སྤྱད་ཡོད་ན་དེ་བས་ཀྱང་ཚབས་ཆེ་རུ་སོང་ཡོད་པས། ཐག་གཅོད་ནན་མོ་བྱེད་དགོས་པ་སྨྲོས་མེད་རེད། དེ་ལྟར་ལག་ལེན་ཏུའང་བསྟར་འདུག
ལྡོག་ཕྱོགས་ནས་བཤད་ན། དེའི་ནང་གི་ལོ་ཆུང་ཤོས་ ༡༣ ཡིན། གལ་སྲིད་རང་ལོ་ ༡༣ ཅན་གྱི་བྱིས་པ་ཞིག་གིས་ཚབས་ཆེའི་བྱས་ཉེས་བཟོས་ཡོད་པར་ཆག་བཞག་ནའང་། དེ་ལ་སྒྲིག་གཞི་ལག་བསྟར་བྱེད་པར་ཆ་རྐྱེན་ཚང་མེད། གལ་སྲིད་རང་ལོ་ ༡༣ ཅན་གྱི་བྱིས་པ་དེས་མི་ཞིག་བསད་པའི་དབང་དུ་བཏང་ཚེ། བྱིས་པ་དེའི་ཚབ་ཏུ་མི་གཞན་ནམ་ཁོའི་ཕ་མ་གཉེན་ཚན་ཞིག་བཙོན་དུ་འགྲོ་དགོས་ལ། ཁོ་རང་ལོ་ ༡༨ མ་ཟིན་པར་ཁྲིམས་ཐོག་ནས་ཁྲིམས་ཆད་གང་ཡང་ཕོག་མི་ཆོག
ན་ཚོད་དང་བསམ་བློ་སྨིན་མ་སྨིན་གྱི་སྟེང་ནས་བཤད་ན། རང་ལོ་ ༡༣ ཙམ་གྱི་བྱིས་པ་ཞིག་གིས་ཚབས་ཆེའི་བྱས་ཉེས་ཤིག་ཤོར་ཡོད་ན། དེའི་རྒྱབ་ལྗོངས་ན་ཏན་ཏན་དགེ་ལས་དང་ཕ་ཚབ་མ་ཚབ་ཚོས་སློབ་གསོས་མ་འདང་བའི་སྐྱོན་ཡོད་ལ། སྐྱོན་དེ་ནི་ཤིང་གི་སྡོང་བོ་ཞིག་ལ་དཔེ་བླངས་ནས་བཤད་ན་སློབ་གསོས་མ་འདང་བའི་སྐྱོན་དེ་སྡོང་བའི་རྩ་བ་དང་། བྱས་ཉེས་ཤོར་བའི་སྐྱོན་དེ་སྡོ་བའི་རྩེ་མོ་ཡིན་ལ། སློབ་གསོ་སྤྲད་པ་སྤུས་ལེགས་མིན་པའི་སྐྱོན་ཏེ་དགེ་ལས་ཀྱི་སྐྱོན་ནི་སྡོང་བོའི་རྩ་བ་དང་། སློབ་གསོ་མྱོང་བ་སྤུས་ལེགས་མིན་པའི་སྐྱོན་ཏེ་བྱིས་པ་དེའི་སྐྱོན་ནི་སྡོང་བོའི་རྩེ་མོ་ཡིན་པས། རྩ་བ་མེད་ན་རྩེ་མོ་འབྱུང་སྟངས་མེད་པས་ན། རང་ལོ་ ༡༡ ཅན་གྱི་བྱིས་པ་ལས་ཀྱང་ཁོ་ལ་སློབ་གསོ་སྤྲོད་མཁན་གྱི་དགེ་ལས་ཚོའི་སྐྱོན་ནི་ཚབས་ཆེ་རུ་སོང་གཤིས། ཚབས་ཆེའི་ཉེས་སྐྱོན་འདིའི་གཞི་རྩའི་འབྱུང་རྐྱེན་ངོས་ཟིན་པར་བྱེད་དགོས།
སློབ་གསོ་སྤྲད་པ་སྤུས་ལེགས་མིན་གྱི་སྐད་ཆ་བཤད་སྐབས་ཕ་ཚབ་ཅིག་དང་མ་ཚབ་ཅིག་ཀྱང་ཕྱིར་འབུད་བཏང་ཟིན་ལ། དེ་ནི་ཁོང་གཉིས་ཀྱིས་སློབ་གསོ་བརྒྱབ་པ་མི་ལེགས་པས་རེད་ཅེས་ལན་གདབ་པར་ངས་ཐག་བཅད་ནས་བཤད་ཐུབ་ཀྱང་། སློབ་གསོའི་སྡེ་ཁག་ཆེན་པོ་དེ་ལྟ་བུ་ཞིག་གི་སློབ་གསོའི་འགན་ཡོངས་རྫོགས་ཕ་ཚབ་མ་ཚབ་ཚོས་འཁུར་གྱིན་མེད་པར། དགེ་རྒན་དང་ལས་བྱེད་ཀྱི་འཁུར་གྱིན་ཡོད་པ་ངས་གསལ་འགྲེལ་བྱེད་དགོས་མི་འདུག་མོད། མཇུག་མཐར་ཉེས་ཆད་ཕོག་ས་ཕ་ཚབ་མ་ཚབ་ཡིན་པ་འདི་གཅིག་པུས་ཀྱང་ཐེངས་འདིའི་ཐག་གཅོད་རང་བཞིན་ལ་དོགས་སྣང་སྣ་ཚོགས་ཤིག་གི་རྩ་བ་ཚུགས་ཤིང་། རྩེ་མོ་འབུས་བཞིན་པའི་སྒང་ཡིན།
གཉིས་ཐད་ནས་བུ་མོ་གཅིག་གིས་བུ་དགུ་ལ་ལུས་འབྲེལ་བྱས་ཡོད་ན། བྱས་ཉེས་ཀྱི་ལྕི་ཡངས་ཀྱི་སྐད་ཆ་བཤད་སྐབས་བུ་མོ་དེ་ནི་སྡིག་ཉེས་ཡོད་ཚད་ཀྱི་འབྱུང་རྐྱེན་ཡིན་པས། བྱས་ཉེས་ཚབས་ཆེ་ཤོས་སུ་གྱུར་བ་ཡིན་ལ། དེ་འབྲེལ་གྱི་བྱིས་པ་དགུ་བོའང་བྱས་ཉེས་ཚབས་ཆེ་ཆུང་གི་གོ་རིམ་ལྟར་ཁྲིམས་ཆད་ཀྱང་ཆེ་ཆུང་རབ་འབྲིང་ཇི་རིགས་འབབ་པས་ན། བུ་མོ་དེར་ལུས་འབྲེལ་བྱེད་མཁན་གྱི་བུ་ཡོད་ཚད་ལ་སློབ་གྲྭ་ནས་ཕྱིར་འབུད་བྱེད་པའི་ཁྲིམས་ཆད་གཅིག་མཚུངས་སུ་བཅད་པ་དོ་མཉམ་མ་རེད།
དེ་བཞིན་བུ་མོ་གཅིག་གིས་བུ་དགུ་ལ་ལུས་འབྲེལ་བྱེད་རག་བར་དུ་ཤེས་རྟོགས་ཐུབ་མེད་པའི་སློབ་གྲྭའི་སྒྲིག་གཞིའི་ངོས་ལ་བསམ་ན། ད་དུང་ཡང་སློབ་གྲྭ་ན་ཚུལ་མིན་གྱི་བྱ་སྤྱོད་སྤེལ་མཁན་མང་བ་གཞིར་གྲུབ་འདུག་ལ། དེ་ནི་མི་གཅིག་གིས་མི་དགུ་ལ་ལུས་འབྲེལ་བྱས་རྗེས་མ་གཏོགས་ཤེས་ཀྱི་མེད་ན། གྲོས་ཁ་མཐུན་པའི་མི་གཉིས་རེ་གསུམ་རེ་རྒྱུན་ལྡན་དུ་འབྱུང་གི་ཡོད་པའི་ཚོད་དཔག་བྱ་ཆོག་པར་འདུག་པས་ཡིན། ངས་བསམ་ན་གནད་དོན་འདིའི་འབྱུང་རྐྱེན་སློབ་གྲྭ་སྤྱིའི་སྒྲིག་འཛུགས་དང་སློབ་གྲྭ་དེའི་སྒྲིག་འཛུགས་ལྟ་རྟོག་པ་ཚོར་ཐད་ཀར་འབྲེལ་བ་འདུག་ལ། ཁོང་ཚོས་ཀྱང་དོན་རྐྱེན་འདིའི་ནང་དུ་གཅིག་མཚུངས་ཀྱིས་ནག་ཉེས་བསགས་འདུག
འདི་ལྟར་གནད་དོན་རེ་རེ་བཞིན་རྩད་གཅོད་དང་དྲི་བ་རེ་རེ་བཞིན་གྱིས་དྲིས་ལན་རྙེད་དགོས་ན། དང་ཐོག་ནས་ཞིབ་འཇུག་བྱེད་དགོས་ས་ནི་དགེ་ལས་ཚོའི་རྒྱུན་ལྡན་གྱི་འགྲོ་འདུག་སྤྱོད་གསུམ་ནས་མགོ་བརྩམས་ཏེ། བྱིས་པ་ཚོའི་རྒྱུད་ལ་འཇོག་བཞིན་པའི་སློབ་གསོའི་སྤུས་ཀ་ལེགས་མིན་གྱི་སྟེང་དུ་ཡོད་ལ། གཉིས་ཐད་ནས་སློབ་གྲྭའི་རྒྱུན་གཏན་གྱི་སྒྲིག་འཛུགས་ཚགས་ཚུད་ཡོད་མེད་དང་། མཇུག་མཐར་གནད་དོན་ཐག་གཅོད་བྱས་པ་དྲང་པོ་བྱུང་ཡོད་མེད་དེ་རེད།
ལྷག་པར་དུ་ཕྱིར་འབུད་བཏང་ཟིན་པའི་སློབ་ཕྲུག་དགུ་བོ་གཙོས་སློབ་ཕྲུག་སྤྱི་བྱིངས་ལ་ཐེངས་འདིའི་ཐག་གཅོད་འདིར་འདོད་བློ་ཚིམ་མམ་དང་། ཁོང་ཚོ་རང་རང་གི་འགྲོ་བ་མིའི་ཐོབ་ཐང་དང་སྨྲ་བརྗོད་རང་དབང་། རང་ཉིད་ཐེར་འདོན་རང་དབང་། བྱིས་པའི་རང་དབང་སོགས་ལོངས་སུ་སྤྱད་ཐོག མི་རང་རང་གི་བསམ་ཚུལ་བཤད་པའི་གོ་སྐབས་བྱུང་ཡོད་མེད་ནི། ཐེངས་འདིར་ཐག་གཅོད་བྱས་པ་དྲང་པོ་དྲང་བཞག་བྱུང་ཡོད་མེད་ཀྱི་ཚད་ཐིག་ཡང་དག་པ་དེ་རེད།
འབྲེལ་ཡོད་ཅིག་གིས་བཤད་ན། སློབ་ཕྲུག་དགུ་བོ་སློབ་གྲྭ་ནས་ཕྱིར་འབུད་བཏང་རྗེས་སློབ་གྲྭའི་ཞོགས་ཚོགས་ཤིག་གི་སྟེང་དུ། དུས་ད་ནས་བཟུང་ཁོང་ཚོའི་སུ་རྒྱ་གར་ནང་ཕྱིར་ལོག་ན་རྒྱ་གར་ཉེན་རྟོག་པར་རྩིས་སྤྲོད་བྱ་རྒྱུ་ཡིན་པའི་འཇིགས་སྐུལ་བྱས་འདུག་ལ། ལག་ལེན་དངོས་ཀྱི་སྟེང་ནས་བཤད་ན། བྱིས་པ་བདུན་ད་ལྟ་བལ་ཡུལ་དུ་བསྐྱལ་ཟིན་པ་དེ་རེད། འདི་ལྟ་བུའི་གནད་དོན་ཐག་གཅོད་བྱེད་སྟངས་འདི་བཙན་བྱོལ་བོད་གཞུང་གི་བཅའ་ཁྲིམས་ཀྱི་དོན་ཚན་གང་དུ་གསལ་ཡོད་དམ། བཅའ་ཁྲིམས་རིན་པོ་ཆེའི་ནང་དུ་སློབ་གྲྭ་ནས་ཚུལ་མིན་གྱི་བྱ་སྤྱོད་སྤེལ་ཚེ་རྒན་མགོ་དཀར་ནས་གཞོན་སོ་དཀར་སུ་ཡིན་རུང་། ཕྱིར་རྒྱ་ལག་ཏུ་རྩིས་སྤྲོད་བྱ་རྒྱུ་ཡིན་ཞེས་གསལ་ཡོད་དམ།
ཇི་ལྟར་བཤད་རུང་། ཐེངས་འདིའི་ཁྲིམས་ཆད་གཅོད་སྟངས་དེ་དྲང་བདེན་མ་རེད། སློབ་གསོའི་སྡེ་ཁག་ཅིག་གི་བྱེད་སྟངས་མ་རེད། འགྲོ་བ་མིའི་རིགས་ཀྱི་ཚོགས་སྡེ་ཞིག་གི་བྱེད་སྟངས་མ་རེད། གཤིས་ཡ་རབས་དང་རྒྱུད་གཞུང་དྲང་གི་བོད་མི་རིགས་ཀྱི་བྱེད་སྟངས་མ་རེད། བོད་བརྒྱུད་ནང་བསྟན་ཆོས་ལུགས་ཀྱི་རྗེས་འཇུག་པ་ཞིག་གི་བྱེད་སྟངས་མ་རེད། ཐ་ན་ཐག་གཅོད་བྱས་པ་མི་དྲང་བའི་ཁར། གནད་དོན་ངོས་བཟུང་བའང་མི་ལེགས་པ་གོང་ཞུས་ལྟར་ལགས།
བྱིས་པ་དགུ་བོ་ཕྱིར་བལ་ཡུལ་དུ་སྐྱེལ་ཚུལ་ལ་བལྟས་ན་ཁོང་ཚོའི་ཕ་མ་བོད་ན་འདུག ཁོང་ཚོ་རང་གི་ཕ་མ་མིང་སྲིང་རྒྱབ་ཏུ་བསྐྱུར་ཏེ་རྒྱ་ནག་གི་མེ་མདའ་དང་འཆི་གསོན་གྱི་འཇིགས་སྐྲག་བརྒྱུད་ནས་འདིར་ཡོང་བ་རེད། མདོར་བསྡུར་ན་ཁོང་ཚོ་ས་འདིར་ལུས་པོ་སླེབས་རུང་སེམས་ཀྱི་རྟེན་ས་བོད་དུ་ལུས་པ་དང་། རྒྱབ་རྟེན་དཔུང་ཉེན་བྲལ་བའི་ངེས་པ་དོན་གྱི་སྐྱབས་བཅོལ་བ་རེད། རང་ལོ་ ༡༣ ཅན་གྱི་བྱིས་པ་རེད། ཕྱིར་རྒོལ་བྱེད་མི་ཐུབ་པའི་བྱིས་པ་ཆུང་ཆུང་རེད། རང་ལ་ཐེར་འདོན་བྱ་བློ་ཡོད་རུང་བྱ་ཡུལ་མ་རྙེད་པའི་སྙིང་རྗེ་བའི་བྱིས་པ་འགའ་རེད།
མཇུག་མཐར། ངས་བཙན་བྱོལ་བོད་གཞུང་གི་འབྲེལ་ཡོད་སྡེ་ཁག་ཅིག་གིས་གནད་དོན་འདིར་བསྐྱར་དུ་ཞིབ་འཇུག་ཅིག་བྱ་རྒྱུ་དང་། ཐེངས་འདིའི་ཐག་གཅོད་འདི་དྲང་པོ་བྱུང་ཡོད་མེད་མི་མང་ལ་གསལ་བཤད་བྱ་རྒྱུར་རེ་བ་རྒྱག་གི་ཡིན་ལ། ཕྱིར་རྒྱ་ལག་ཏུ་འཇོག་བཞིན་པའི་བྱིས་པ་དགུ་བོ་འཆི་བདག་དང་མེ་མདའི་སོ་ཁ་ནས་སྐྱོབ་རྒྱུར་ད་དུང་གོམ་པ་གང་གིས་རྗེས་ཆོད་ཀི་འདུག་ཅེས་ནན་ཏན་ཏན་གྱིས་ཞུ་བ་ལགས།

ཁ་སྔོན་ནས་དྲ་ཚིགས་འདིའི་བརྒྱུད་ལམ་ནས་ཁོ་བོས་རེ་བསྐུལ་ཞུས་པ་གཞིར་བཟུང་། སྤྱི་འཐུས་ལྷན་ཚོགས་ནས་ཀྱང་དགོངས་བཞེས་ཧ་ཅང་གུད་ཡང་པོ་དང་ཐུགས་འགན་ཚད་ལྡན་བཞེས་འདུག་པས་སྙིང་ནས་དགའ་བསུ་ཡོད། ད་ལྟ་བཀའ་ཤག་གི་ཐག་གཅོད་སྒུགས་ནས་ཡོད། ཕྱིར་འབུད་གཏོང་བའི་དབང་ཆར་མ་སུ་རིའི་སློབ་སྤྱི་སོགས་ཁོང་ཚོར་ཡོད་ཀྱི་རེད་དེ། རྒྱ་ནག་ལ་རྩིས་སྤྲོད་པའི་དབང་ཆ་མེད། ཁོང་ཚོར་མ་སུ་རིའི་སློབ་གྲྭར་འཇོག་མི་ཆོག་པའི་དབང་ཆ་ཡོད་ཀྱང་། སློབ་གྭ་གཞན་དུ་ཞུགས་ཆོག་མིན་གྱི་དབང་ཆ་ཁོང་ཚོར་མེད། ཡང་སློབ་གྲྭར་མི་འཇོག་པ་ཡིན་རུང་༸སྐྱབས་མགོན་རིན་པོ་ཆེའི་སྐྱབས་འོག་ནས་འཐེན་རྒྱུ་དང་སྐྱབས་བཅོལ་སྤྱི་ཚོགས་ནས་ཕྱིར་འབུད་གཏོང་རྒྱུའི་དབང་ཆ་མེད། སྤྱིར་བཏང་ངེས་པར་དུ་ཁོང་ཚོས་བལ་ཡུལ་དུ་ཕྱིར་འབུད་བཏང་བར་རྒྱུ་མཚན་གཞན་དག་ཅིག་ཡོད་པར་ངོས་འཛིན་བྱེད་ཀྱིན་ཡོད། ཤ་ཁྲག་རུས་གསུམ་གཅིག་པའི་སྤུན་ཟླ་ཚོ། ཁ་པར་ཨང་གྲངས་འདི་དང་འབྲེལ་བ་བྱོས་དང་། ༩༨༤༥༣༣༢༠༨༦ འཐབ་ཕྱོགས་གཅིག་གྱུར་བྱ་དགོས། བྱ་བ་ཐབས་རྡུགས་འདི་འདྲར་བྱེད་རྒྱུར་ཁོང་ཚོས་དགའ་པོ་བྱས་ན། ང་ཚོ་ས་མཐའི་མི་འཁྱམས་ཚོས་སྡུག་མི་ཁྱོགས་རྒྱུ་ཅང་ལྷག་ཡོད་པ་མ་རེད། དུས་བབ་ཀྱིས་འདིའི་སྟེང་སྔ་ཕྱི་བར་གསུམ་དུ་ཕྱག་ལས་ཚད་ལྡན་དང་རླབས་ཆེན་གནང་བར་ཐུགས་རྗེ་རྗེས་དྲན་ཡོད། མུ་མཐུད་དེ་གནང་རོགས་ཞེས་རེ་འབོད་བྱེད་ཀྱི་ཡོད།

སློབ་མ་དེ་དག་གི་མིང་དང་ཕ་ཡུལ་གང་ཡིན་གསལ་བོ་་བཀོད་ན་གཅིག་བྱས་ན་བདག་པོ་རེ་ཡོད་ཀྱང་སྲིེད།
སྤྱབས་བཅོལ་་བ་དེ་ཚོ་སྙིང་རྗེ་དེའི་ནང་གི་བདག་པོ་མེད་ནི་དེ་ཚོ་སྙིང་རྗེ།

བཀུར་འོས་གསར་འགོད་པ་ཨ་རིག་འགྱུར་མེད་དང་དོན་གོ་རྣམ་གཉིས་ལགས་སུ་ཐུགས་རྗེ་ཆེ་ཞུ་རྒྱུ་དང་བོད་ཀྱི་དུས་བབ་འདི་ནི་འཛམ་གླིང་ཐོག་ཏུ་བོད་ཡིག་དྲ་རྒྱ་ཡག་ཤོས་དང་ཀློག་པ་པོ་མང་ཤོས་ཤིག་རེད།
མ་ཟད་བོད་ཀྱི་དུས་བབ་དྲ་རྒྱ་འདིར་བོད་མི་ཉམ་ཆུང་ཚོའི་བདེ་སྡུག་གླེང་ས་ཞིག་དང་བོད་མི་ཉམ་ཆུང་ལ་རྒྱབ་སྐྱོར་ཐོབ་ས་ཞིག་ཀྱང་རེད།

ད་རིང་གི་མ་སུང་རིའི་སློབ་གྲྭའི་ཕྲུག་གུ་རྣམས་ཕྱིར་འབུད་བཏང་བའི་གནས་ཚུལ་གསར་བསྒྲགས་བྱས་པར་བརྟེན་སྤྱི་ཚོགས་ནང་དུ་རྒྱབ་སྐྱོར་ཐོབ་པ་དུས་བབ་དྲ་རྒྱ་གྱིས་བཀའ་དྲིན་ཡིན།

དུས་བབ་ཚང་གིས་བྱ་བ་རླབས་ཆེན་བྱེད་བཞིན་པས་རྒྱུ་མཚན་གྱིས་བཀའ་ཁྲི་དང་ཤེས་རིག་ལས་ཁུངས་ཀྱིས་དུས་བབ་ཚང་གི་དྲི་བ་ལན་འདེབས་བྱེད་མི་སྤྲོ་བ་རེད་སྙམ།
རྒྱ་གར་ལུང་པའི་ནང་དུ་དཔོན་ངན་ཟ་ངོམས་ཅན་རྣམས་ཀྱིས་གསར་འགོད་པ་ལ་མཐོང་ཆུང་དང་ཁྱད་བསད་བྱས་ཀྱི་ཡོད་པ་མ་ཟད་རྡུང་བརྡེགས་བཏང་མཁན་ཡང་ཡོད་ཚད་རེད།
དུས་བབ་ཚང་གི་གསར་འགོད་པ་རྣམས་ཀྱིས་དཔའ་མི་ཞུམ་པ་མུ་མཐུད་ནས་བོད་མི་ཉམ་ཆུང་ཚོའི་བདེ་སྡུག་གླེང་གང་ཐུབ་བྱེད་རོགས་ཞེས་ཞུ་མ་དགོས་པ་ཞིག་རེད་སྟེ་སེམས་ཆུང་གི་ཚུལ་དུ་ཞུས་པ་ཡིན།
བཀའ་ཤག་དང་ཤེས་རིག་གཉིས་ཀྱིས་འཚོགས་འདུས་ཚར་རྗེས་སུ་ལན་འདེབས་གནང་རོགས་བྱེད་ན་ང་ཚོ་ཀློག་པ་པོས་བསྒུག་ནས་བསྡད་ཡོད་པས་དུས་བབ་ཚང་གིས་མ་བརྗེད་རོགས།
བོད་ཕྲུག་འཁྲུལ་མེད་འདི་ཚོ་དགྲ་བོ་རྒྱ་དམར་གྱི་ལག་ཏུ་སྤྲད་པ་ཡིན་ན་ང་ཚོང་བོད་མི་ཉམ་ཆུང་ཚོས་ཁ་བཙམ་ནས་སྡོད་མི་ཐུབ་ཐག་ཆད་ཡིན།

ཡག་པོར་བཤད་ན་ཕ་མའི་ལག་དང་སྡུག་པོ་བརྗོད་ན་དགྲ་བོའི་ལག་ཏུ་མ་སྤྲད་རོགས། རང་ཡུལ་ནས་དགྲ་བོ་སྡུག་པོ་དང་། གཞན་ཡུལ་དུ་གྱར་ཚེ་ནས་སྤུན་ཟླས་དགྲ་བོར་རྩིས་སྤྲོད། ཧ་་་་་་ཉམས་ང་བ་ལ།

གང་ལྟར་སློབ་མ་ཚོའི་ངོས་ནས་ནོར་སྐྱོན་བཟོས་ཡོད་པ་རེད་
ང་ཚོ་མཆན་བུ་པ་དག་གིས་ཀྱང་ཅུང་ཐལ་དྲགས་པའི་བཾསམ་ཚུལ་བཤད་ཡོད་སྲིད
འོན་ཀྱང་སུ་དང་གང་ཞིག་ལ་བཀའ་མོལ་གནང་ཡོད་ཀྱང་རྒྱང་ཕུད་བཏང་འདུག་པར་རྒོལ་རྒྱུ་ཡིན
གང་ལྟར་སྐྱབས་བཅོལ་གྱི་གནས་ཡུལ་འདི་ནས་བལ་ཡུལ་ལ་རྫིངས་བ་དེ་རྒྱང་ཕུད་བཏང་ཚར་བ་རེད
བཤད་ཚོད་ལ་འདིར་ཁྱམས་བསྡོད་པ་ལས་ཕྱིར་རང་ཁྱིམ་དུ་ལོག་བཏང་པ་ཡིན་གསུངས་འདུག
སྐད་ཆ་སྙན་མོ་ཞིག་གི་སློབ་བུ་དེ་དག་གི་རང་དབང་ལ་ཚད་བཀག་བྱས་པ་རེད
ངའི་སྐད་ཆ་ཐལ་དྲགས་ཡོད་སྲིད་ཀྱང་དྲང་བདེན་ལས་གཞན་མེད
མ་ཟད་སློབ་བུ་དེ་དག་ལ་ཕྱོགས་འདེགས་བྱེད་དགོས་དོན་ཡང་མེད
རྒྱུ་མཚན་་་་ངའི་སློབ་བུ་དེ་དག་ངོ་མི་ཤིས་ལ་ཆ་རྒྱུས་དེ་བེ་ཀྱང་མེད་པས་སོ།

བཀའ་ཤག་ལ་སྐྱོན་འཛུགས་ཤིག་བྱེད་འདོད་པ་འདྲ།
མ་སུ་རིས་སློབ་གྲྭའི་འབྲེལ་ཡོད་ཀྱིས་གསལ་བཤད་བྱས་འདུག ད་འགྲིགས་སོང་ང་ཡང་རེ་ཞིག་འཐོམས་ནས་བོད་ཕྲུག་ཚོ་དགྲ་བོའི་ལག་ཏུ་བཞག་པ་ཡིན་སྐོར་ཁ་སང་ངས་མཆན་སྤེལ་བ་ཡིན། བསམ་བློ་ཡག་པོ་གཏོང་དུས་དེ་ཅུང་ཙམ་འགྲིག་མི་འདུག
མི་ཟེར་རྒྱུ་དེ་གནས་ཚུལ་ལ་ཞིབ་འཇུག་མ་བྱས་པར་ཁ་ནས་གང་ཐོན་བརྗོད་རྒྱུ་མི་འདུག ང་ལ་དེ་རིང་སྣ་སུན་གཅིག་རག་སོང་།