བྷར་ཛིལ་གཙོས་པའི་རྒྱལ་ཁབ་གསུམ་ལ་ཆུ་ལོག་གི་གནོད་འཚེ་བྱུང་ཡོད་འདུག
ཕྱི་ཚེས་ ༢༢ ཉིན་ཧྥ་རན་སི་གསར་སྤེལ་ཁང་གིས་གནས་ཚུལ་སྤེལ་བ་ལྟར་ན། ཚེས་ ༡༧ ཉིན་ནས་བཟུང་བྷར་ཛིལ་དུ་བསྟུད་མར་ཉིིན་འགར་དྲག་ཆར་བབས་པའི་རྐྱེན་གྱིས་ཉུང་མཐར་མི་ ༤༡ ཤི་བ་དང་། མི་ ༥༠༠ ཙམ་བོར་བརླག དེ་བཞིན་མི་ཁྲི་ ༤ རང་ཁྱིམ་དུ་ལོག་མ་ཐུབ་པར་ལྷག་བསྡད་ཡོད་ལ། ཡུལ་དེའི་གནམ་གཤིས་སྔོན་བརྡའི་ལེ་ཚན་གྱིས་ད་དུང་ཡང་ཆར་པ་འབབ་མཚམས་འཇོག་རྒྱུ་མིན་ཚུལ་བརྗོད་ཡོད། ཐེངས་འདིར་ཆུ་ལོག་རྒྱུགས་ས་གཙོ་བོ་ཨ་ལ་གྷོ་སི་མངའ་སྡེ་ Alagoas དང་ཕིར་ནིམ་བྷོ་སོ་ Pernambuco མངའ་སྡེ་གཉིས་ཡིན་ལ། ཆུ་ལོག་གི་རྐྱེན་པས་ཟམ་པ་འཐོར་བཤིག་དང་ལམ་ཁ་ཆད་པ་སོགས་བྱས་ཏེ་གྱོད་གུད་ཚབས་ཆེན་བྱུང་ཡོད། ཆུ་ལོག་རྒྱུགས་ཆེ་བའི་ཨ་ལ་གྷོ་སི་མངའ་སྡེའི་དཔོན་རིགས་ཤིག་གིས་ཐེངས་འདིར་ས་གནས་ཡུལ་མི་ཁྲི་ ༦ ཙམ་ཉེན་གཡོལ་དུ་ཕྱིན་ཡོད་ཅེས་དང་། ང་ཚོས་ཤི་སྐྱོན་བྱུང་བའི་གྲངས་འབོར་མང་དུ་འགྲོ་རྒྱུའི་ཚོད་དཔག་བྱེད་ཀྱིན་ཡོད་ཅེས་བརྗོད་ཡོད།
ཆུ་ལོག་རྒྱུགས་མ་ཐག་ཡུལ་དེའི་སྲིད་འཛིན་ལའོ་ལཱ་མཆོག་གིས་ཛ་དྲག་ཚོགས་འདུ་ཞིག་བསྐངས་ཏེ་སྲིད་གཞུང་གིས་གནོད་ཐེབས་ས་ཁུལ་དུ་མྱུར་སྐྱོབ་མ་དངུལ་ཨ་སྒོར་ཁྲི་ ༥༥༠༠ ལྷག་གི་རོགས་རམ་བྱ་རྒྱུ་ཡིན་སྐོར་བརྗོད་ཡོད། དེ་བཞིན་ཉེ་ཆར་བྷོ་སུ་ནི་ཡ་དང་བྷང་ལ་ཌེ་ཤིར་ཡང་ཆུ་ལོག་རྒྱུགས་ཏེ་ཡུལ་མི་ཁྲི་སྟོང་མང་པོར་སྡོད་གནས་དང་འཚོ་བའི་དཀའ་ངལ་ཆེན་པོ་ཞིག་འཕྲད་ཀྱིན་ཡོད་འདུག ད་ལོར་རྒྱ་ནག་གི་ཞིང་ཆེན་ ༢༢ ལའང་ཆུ་ལོག་རྒྱུགས་ཏེ་ཉུང་མཐར་མི་ ༥༩༤༣ ལ་གནོད་སྐྱོན་དང་། མི་ ༣༦༤ ཤི་སྐྱོན། གཞན་མི་ ༡༤༧ བོར་བརླག ཁང་མིག་ཁྲི་ ༣༣༌༩ འཐོར་བཤིག་ཏུ་སོང་ཡོད་ལ། དཔལ་འབྱོར་གྱི་གྱོང་གུད་དེ་རྒྱ་སྒོར་དུང་ཕྱུར་ ༦༦༥ ཙམ་ཟིན་གྱི་ཡོད།
གཞན་ཡང་ཚེས་ ༡༧ ཉིན་ཧྥ་རན་སིར་ཡང་ཆུ་ལོག་རྒྱུགས་ཏེ་མི་ ༡༩ ལ་ཤི་སྐྱོན་དང་མི་ཁྲི་ ༡༠ ཙམ་ལ་སྡོད་གནས་ཀྱི་དཀའ་ངལ་དང་། གློག་དང་གཞུང་ལམ་སོཊ་ཆད་པས་འགྲིམ་འགྲིལ་ཡང་བྱེད་མི་ཐུབ་པའི་གནས་སུ་ལྷུང་ཡོད། དོན་རྐྱེན་བྱུང་རྗེས་སྲིད་འཛིན་སར་ཀོ་རྫི་མཆོག་གནོད་འཚེ་ཐེབས་ཡུལ་དེར་འཚམས་གཟིགས་སུ་ཕྱིན་ཡོད་འདུག དེང་སྐབས་འཛམ་གླིང་གང་སར་ཆུ་ལོག་གི་གནོད་འཚེའི་རིགས་མང་དུ་འབྱུང་བཞིན་ཡོད་པ་རེད།
གསར་འགོད་པ། དཔལ་ལྡན་རྒྱ་མཚོ།
དྲ་གྲོགས་སེར་སྨད་བློ་དགའ་ལགས་ཀྱིས་བཤད་པ་ངོ་མ་བདེན་པ་རེད།
ད་ནི་འཇིག་རྟེན་ཁམས་ཧ་ཅང་བདེ་ཡི་མེད་ཚོད་རེད་ལ།འུ་ཚོས་ཀྱང་རང་རང་ས་ནས་གྲ་སྒྲིག་ཨང་སར་དགོས་ནི་རེད།གྲ་སྒྲིག་ནི་སའི་གོ་ལའི་བདེ་འཇགས་སྲུང་བྱེད་རང་ནུས་ཡོད་དགུ་འདོན་པའི་དུས་ལ་བབ་པར་འདོད།དངོས་ཤུགས་རྒྱུ་གསུམ་ནས་་་་་་་་་་་
the time of India ཐོག་ན་ཐེངས་འདིའི་དྲག་ཆར་གར་བབས་ཀྱི་ས་ཁྲ་ཞིག་འདུག་པ་འདི་བཀོད་ཡོད་ཚེ་རི་མོའི་ལམ་ནས་གོ་བརྡ་འཕྲོད་པར་ཕན་པ་བླ་ལྷག་ཏུ་ཆེ་སྙམས་མོ།།
ད་ནི་ཉིས་སྟོང་བཅུ་གཉིས་དྲན་ནས་བྲེལ་ཚུབ་ལང་གི་འདུག་་་་་ཨོ་ཤོདཱ་་་་་