སྤྲེལ་ཚང་ཨ་དགེ།
ཉེ་ཆར་མ་སུ་རི་བོད་ཁྱིམ་ནས་སློབ་ཕྲུག་འགའ་ཕྱིར་བོད་དུ་གཏོང་འཆར་གྱིས་བལ་ཡུལ་སྣེ་ལེན་ཁང་དུ་བསྐྱལ་ཡོད་པའི་གསར་གནས་འདི་ཐོས་མ་ཐག་ནམ་རྒྱུན་ང་ཚོ་བོད་པའི་ཁ་ནང་ན་མ་ཎི་བཞིན་ཡོད་པའི་སྙིང་རྗེ་ཟེར་བའི་ཐ་སྙད་དེ་དབང་མེད་དུ་ཁ་ནས་ཤོར་སོང་། དོན་ལ་ཡང་སྙིང་རྗེ་རང་ལས་མ་འདས་པ་ཞིག་ཏུ་མཐོང་། གང་ཡིན་ཞེ་ན། དང་ཐོག་བྱིས་པ་དེ་དག་གི་ཕ་མ་སྤུན་མཆེད་ཀྱིས་འུ་ཅག་གངས་ཅན་པ་ཚང་གི་མ་འོངས་ཕུགས་འདུན་གྱི་དམིགས་རྒྱང་ཞིག་གི་ཆེད་དུ། ཡིད་ཆེས་ཀྱི་སྟེང་ལ་རེ་ལྟོས་ཀྱིས་རང་གི་ཤ་ཁྲག་ལས་མཆེད་པའི་བུ་ཕྲུག་རྣམས་ཀྱི་ཐ་ན་གཅེས་པའི་ཚེ་སྲོག་ཚུན་བློས་བཏང་སྟེ་རི་ཆུ་སྟོང་ཕྲག་གི་ཕ་རོལ་ནས་སྐྱབས་བཅོལ་དུ་བཏང་། བཏང་བ་ཙམ་དུ་མ་ཟད་འབྱོར་ཙམ་ནས་བཟུང་སྐྱབས་བཅོལ་ས་ཞིག་དང་བསྐྱབས་དང་སྐྱོབ་བཞིན་ཡོད་པ་ཞིག་གི་ཡིད་ཆེད་དང་བློ་གཏད་ངང་ད་དུང་རེ་བ་བརྒྱབ། བྱིས་པ་ཚོས་ཀྱང་རང་གི་མ་ཡུམ་སློབ་གྲྭ་དང་རང་གཞུང་ལ་གཞིས་ཁྱིམ་དང་ཕ་མ་ལས་བརྩེ་བ་དང་ཡིད་ཆེས་བཅངས། མཚམས་འདིར་ཕྱོགས་གཉི་ཀའི་རེ་བ་དང་ཡིད་ཆེས་ཡོད་ཚད་གློ་བར་རྣམ་པ་གཞན་ཞིག་ཏུ་བསྒྱུར་སོང་། དངོས་གནས་སྙིང་རྗེ་དང་ཕངས་སེམས་རང་རེད། མ་གཞི་ནས་དེ་འདྲའི་སྒྲིག་འགལ་རིགས་བྱུང་ན་སློབ་ཁོངས་ནས་གནས་དབྱུང་གཏོང་ལོས་ཀྱང་དགོས་ཏེ། འོན་ཀྱང་མཐའ་མཚམས་ཀྱི་ཉེན་ཁའི་འོག་ཕྱིར་བོད་དུ་སྤྱུགས་དགོས་པ་སྒྲིག་གཞིའི་འབྲུ་དོན་ཨེ་ཡིན་ནམ། གལ་སྲིད་སྒྲིག་གཞིའི་འབྲུ་དོན་དང་གཞུང་གི་དགོངས་དོན་གང་ཡིན་ཡང་ཤིག་གི་སྟེང་ལ་སྟ་རེ་གཞུས་པའི་དཔེ་ལས་མ་འདས་ལ། ཆེ་ས་གཞིས་བྱེས་བོད་མིའི་མཛའ་མཐུན་དང་། ཆབ་སྲིད་ཀྱི་གནས་བབ།༼འདི་འདྲའི་གོ་སྐབས་བེད་སྤྱད་ཀྱིས་རྒྱ་གཞུང་གིས་གཡོ་ཐབས་དང་འཁྱོགས་བཤད་འདྲ་མིན་ཡོང་མི་སྲིད་པ་མ་རེད་སྙམ། ༽མ་འོངས་བོད་ཀྱི་རྩ་དོན་ཐད་ལའང་དགོས་ཕན་དགེ་སྐྱོན་ཅི་འབྱུང་དང་། ཆུང་ས་ནས་ཞུས་ན། བྱིས་པ་ཚོའི་ཚེ་སྲོག་གི་འགན་འཁུར། ལམ་བར་གྱི་དཀའ་སྡུག སྤྱི་ཚོགས་ཀྱིས་རང་གཞུང་ལ་ལྟ་སྟངས་སོགས་ལ་ཐུགས་བསམ་མ་གནང་བར། ཐད་ཀར་དེ་འདྲའི་ཐག་ཆོད་བྱས་འདུག་པ་འདིས། གཅིག་ནས་དབང་འཛིན་པ་དེ་ཚོའི་ཆབ་སྲིད་བསམ་བློའི་གོ་རྟོགས་ཀྱི་གནས་བབ་དང་། གཉིས་ནས་ཁོང་ཚོས་རང་རིགས་སློབ་ཕྲུག་དེ་དག་གི་ཚེ་སྲོག་གི་རིན་ཐང་ཐད་ལ་བཟུང་པའི་འདུ་ཤེས་ལ་སྡོམ་ཚིག་ཅིག་བཞག་པ་མ་རེད་དམ། ད་དུང་ནམ་རྒྱུན་གཞུང་ཞབས་དང་སྐུ་ངོ་ལྕེ་བདེ་འགས་ང་ཚོ་བོད་མི་རྐང་གཅིག་གི་ཚེ་སྲོག་ཡན་གལ་ཆེན་དང་གཅེས་སྐྱོང་དགོས་ཚུལ་གྱི་རིགས་ཞེན་དང་ཤ་ཚའི་གཏམ་བཤད་དེ་དག་ཀྱང་ཁ་གཡང་ཙམ་ཡིན་པ་ད་རེབ་གསལ་སྟོན་བྱས་སོང་། མདོ་དོན། ད་རེས་སྤྱི་འཐུས་ཀྱི་སྙན་ཞུའི་འབྲི་དོན་བཞིན་གཞུང་དང་དེར་འབྲེལ་དབང་ཡོད་ཚོགས་སྡེ་གང་ཡིན་གྱིས་བོད་ཕྲུག་དེ་རྣམས་ཕྱིར་བོད་དུ་གཏོང་པའི་ཐག་ཆོད་ཕྱིར་འཐེན་གནང་རྒྱུ་གལ་ཆེ་བར་མཐོང་ངོ་།།
དངོས་ཉིད་ཡག་པོ་གསུང་འདུག་ཐུགས་རྗེ་ཆེ། ངའི་ནམ་རྒྱུན་ནས་དེའི་སྐོར་ལ་སྐད་ཆ་དྲིས་མཁན་འདྲ་བྱུང་ན་ཁྱེད་ཀྱི་གསུང་པ་བཞིན་ཞུ་གི་ཡོད། ང་གྲྭ་རྐྱང་ཞིག་གི་གུང་སེང་གི་ཉི་གྲངས་ཚང་མ་སློན་ཕྲུག་ཚོའི་ཆེད་དུ་འབུལ་ངེས་ཡིན།
དེང་དུས་འཁྲིག་སྤྱོད་ཀྱི་ཚུལ་འཆལ་ནི། འཁྲིག་སྤྱོད་དྲྭ་རྒྱ་གློག་བརྙན་སོགས་ལས་བྱུང་བ་ཡིན་པས་བྱས་རྗེས་ཅན་གྱི་ཕ་ཚབ་མ་ཚབ་དག་ལམ་སེང་འབུད་ན་འགྲིག་ཨེ་ཡོང་། དེང་སང་ཕྲུ་གུས་ཕྲུ་གུ་དམར་གསོད་གཏོང་བའི་ཉེས་པ་ལས་ཧ་ཅང་ཆུང་བར་བརྟེན་ཆད་པ་ངེས་པར་དུ་གཅོད་དགོས་ཀྱང་ཐབས་གཞན་ཞིག་འཚོལ་དགོས་ཏེ། ང་ཚོ་ནི། རྒྱལ་ཁབ་མེད་པའི་བཙན་བྱོལ་བ་ཞིག་ཡིན་པ་དང་། དཔེར་ན། ཕྲུ་གུ་དེ་སློབ་སྤྱི་རང་གི་ཕྲུ་གུ་ཡིན་ན་ཐབས་ཇི་ལྟར་འཚོལ་དགོས་པ་བཞིན་ནོ། །
སྦྲེལ་ཚང་ཨ་དགེ་ཡིས་མཁོ་ཐོག་ལ་རྒྱབ་པའི་རྩོམ་ཡིག་ཅིག་བྲིས་འདུག བདག་གིས་ཀྱང་འདི་འདྲ་ཞིག་ལ་བསམ་བློ་བཏང་ནས་བསྡད་ཡོད་མོད། འོན་ཀྱང་འདི་ལས་ལྷག་ཅིག་འབྲི་རྒྱུ་མེད་པས་ན། སྦྲེལ་ཚང་ཨ་དགེའི་རྩོམ་ཡིག་འདིས་ང་དང་བཅས་པའི་མི་མང་བོ་ཞིག་གི་མགྲིན་ཚབ་བྱེད་ཐུབ་པའི་རེ་བ་བཅས་བཀྲིས་བདེ་ལེགས་ཞུ།
་གསར་འགོད་པ་ཨ་རིག་ལགས
ང་ཚོའི་ཚོགས་འདུ་དེའི་འཇུག་བསྡོམ་ལ་རེ་ནས་ཡོད་པས་ཉིད་ཀྱི་སྐུ་ངལ་ལ་མི་འཛེམས་པར་ང་ཚོ་ཉམ་ཆུང་པ་དག་གི་ཆེད་བུ་ཕྲུག་དག་གི་ཐད་ཚོགས་འདིར་ཐག་བཅོད་གང་ཡོང་གསར་ཤོག་འདིར་འགོད་ཐུབ་པ་གནང་རོགས་ཞུ་རྒྱུ་ཡིན
ཨོ་ཧོ། བྱིས་བའི་ཐོབ་ཐང་འཕྲོག་ནས་འཇོན་ཐང་ཞིག་ཏུ་བརྩི་བཞིན་ཡོད་པ་སྨྲོས་མེད་རེད། ངོ་མ་སྙིང་རྗེ་རེད། ད་ནི་ཕྲུ་གུ་དེ་ཚོ་ལ་བོད་རིགས་སྐྱབས་བའི་ཐོབ་ཐང་ཡང་མེད་པ་རེད། ང་ཚོ་གནས་སའི་སྐྱབས་བཅོལ་བའི་ཡུལ་ལུང་འདི་ནས་ཁོང་ཚོ་ཕ་ཡུལ་ཕྱོགས་སུ་རྒྱང་འཕུད་དུ་བཏང་ནས་གཟི་བརྗིད་ཞིག་ཏུ་འདོད་ཀྱིན་ཡོད་ན་རྦད་དེ་ནོར་བ་རེད། ད་དུང་ཤུལ་དུ་ཡོད་སློབ་ཕྲུག་ཚོར་འཇིག་སྐུལ་གྱི་ཚུལ་དུ་ཡིན་ན་དེ་ལས་ནོར་བ་རེད། མ་གཞིར་ད་དུང་ང་ཚོའི་སྐྱབས་བཅོལ་སྤྱི་ཚོགས་ཆུང་ཆུང་འདིའི་ནང་དུ་རྒྱ་ནག་གིས་བཤད་བཞིན་པའི་བཀོས་བཀོད་རྒྱུན་འཛིན་རང་ལུགས་ཀྱི་ནད་རྙིང་དེ་ལྷག་བསྡད་ཡོད་པ་རེད། བྱིས་བ་དེ་ཚོས་འཁྲུག་སྤྱོད་ཀྱི་བྱ་སྤྱོད་ཙམ་ལ་བརྟེན་ནས་གནས་སའི་ཡུལ་ལུང་ནས་འཕུད་རྒྱུའི་དབང་ཚད་ཡོད་ན། དགོན་ཁག་ནས་བཙུན་པ་ཕོ་མོ་དམ་ཚིག་ཉམས་པ་དེ་ཚོ་ཡུལ་ཕྱོགས་གང་དུ་གཏོང་རྩིས་ཡོད།