ནོར་བཅོས།

དབུ་མའི་ལམ་ལ་རྒྱབ་སྐྱོར་བྱས་པ་ཙམ་གྱི་རང་བཙན་གྱི་ལྟ་བ་ཁྱེར་མཁན་མིན་མིན་དགོས་ན། འོ་ན་རང་བཙན་ཐོབ་ན་ཡག་པོ་ཡོད་ས་རེད་ཟེར་བ་ཙམ་གྱི་རང་བཙན་ལ་རྒྱབ་སྐྱོར་བྱས་པ་འཇོག་ཐུབ་ཀྱི་རེད་དམ།

ད་ལྟའི་ཆར་བོད་པར་བདག་པའི་བོད་ས་ལག་མཐིལ་ཙམ་ཡང་མེད་པར་དགོས་མེད་ཆོལ་ཁའི་སྐད་ཆ་འདི་བོད་སྲོག་བོད་པས་གཅོད་བྱེད་ཀྱི་དུག་རྫས་ནུས་ལྡན་ཞིག་དང་མཚུངས་པས་དུག་རྫས་འདི་དག་མཐའ་ཡི་རྒྱ་མཚོའི་ནང་དུ་འདོར་ཏེ་གོ་རྒྱུ་ཚོར་རྒྱུ་མེད་པ་བཟོས་པའི་ཐོག་ནས་བོད་རིགས་རྩམ་ཟན་པ་ཡོངས་རྫོགས་ནུས་ཤུགས་གཅིག་ཏུ་བསྒྲིལ་ཏེ་སྐྱིད་སྡུག་མཉམ་མྱོངས་བྱེད་རྒྱུ་ནི་བོད་དོན་འཐབ་རྩོད་ཀྱི་སྲོག་རྩ་ཡིན། དེ་བཞིན་གཞིས་བྱེས་རྒྱ་ཆེའི་མང་ཚོགས་ཀྱིས་གུས་བརྩི་དང་ཡིད་འཆེས་བློས་འགེལ་གཙང་མ་ཡོད་པའི་བོད་མིའི་དབུ་འཁྲིད་༧རྒྱལ་བ་རིན་པོ་ཆེ་མཆོག་སྐུ་ཁམས་བཟང་ཞིང་སྐུ་ཚེ་འཚོ་བཞུགས་ཡོད་སྐབས་འདིར་ང་ཚོའི་གཞོན་སྐྱེས་སྙིང་སྟོབས་དང་ཤེས་ཡོན་ལྡན་པ་ཚོར་ཉམས་མྱོང་གསོག་རྒྱུའི་གོ་སྐབས་མ་བསྐྲུན་པར་ཀླད་རྙིང་མཁྲེགས་བཟུང་བྱས་ན་སྤྱི་དོན་ལ་གསབ་ཏུ་མེད་པའི་གྱོང་གུན་ཆེན་པོ་རག་སྲིད་པ་གསལ་བཤད་མི་དགོས་པར་བོད་ཀྱི་རྒྱལ་རབས་ལོ་རྒྱུས་རོབ་ཙམ་ཀློག་ན་འགྲིགས་ས་རེད།

༼ནོར་བཅོས་༽ཟེར་བ་དེ་དུས་བབ་གསར་འགོད་པས་ཚིག་ཙམ་ནོར་བ་ལས་དོན་ནོར་རེད་མི་འདུག། དེ་ཡང་གསལ་པོ་མཁྱིན་དགོས་པ་གཅིག་ལ་སྐབས་དེར་གསར་འགོད་པའི་དྲི་བ་ཅིག་ལ་དབུས་གཙང་རྒྱུས་ལས་ནས་ལན་འདེབས་གནང་བ་ཅིག་གཤམ་ཏུ་ཡོད་པས་དེར་གཟིགས་རོགས།

གསར་འགོད་པས།
གལ་སྲིད་སྤྱི་འཐུས་ཆགས་རྗེས། རང་བཙན་གྱི་ལངས་ཕྱོགས་འཛིན་མཁན་དང་གསུང་
མཁན་བྱུང་ན་དབུས་གཙང་རྒྱུན་ལས་ཀྱི་ ངོས་ནས་ག་འདྲ་གནང་དགོས་མིན་སྐོར་དྲིས་པར། ཁོང་གིས། “ཆོལ་ཁའི་སྒྲིག་འཛུགས་ཀྱིས་ངོས་ནས་དང་པོ་ཆ་རྐྱེན་འདོན་སྐབས། མོས་མཐུན་གནང་ཡོད་པ་རེད། ད་ལྟ་གསུང་འགྲོས་འགྱུར་བ་ལྟ་བུ་འདུག་པས། དེ་ག་འདྲ་རེད་ཅེས་བཀའ་འདྲི་ཞུ་རྒྱུ་ཡོང་གི་རེད་”ཅེས་འགྲེལ་བརྗོད་གནང་སོང་།

དྲ་གྲོགས་འདི་ཚོས་དེ་ག་ཙམ་འུར་རྒྱག་གི་འདུག
ཁ་ཤས་ཀྱིས་ནོར་བཅོས་དགོས་པ་མ་ཟད། དགོངས་དག་ཞུ་དགོས་ཟེར། དགོངས་དག་ག་རེ་ཞུ་དགོས་ཀྱི་འདུག འདི་ནོར་འཕྲུལ་ཆེན་པོ་ཞིག་གང་ཡང་རེད་མི་འདུག
འདི་ལ་ཚིག་གི་ཁྱད་པར་ཙམ་ཞིག་མ་གཏོགས་དོན་གྱི་ཁྱད་པར་གང་ཡང་མི་འདུག ནམ་རྒྱུན་དབུས་གཙང་རྒྱུན་ལས་དང་དེ་དག་གི་རྗེས་འབྲངས་ཚོས་རང་བཙན་རྩོད་མཁན་ཟེར་དུས། ཕལ་ཆེར་༸རྒྱལ་བ་རིན་པོ་ཆེ་དང་བཙན་བྱོལ་བོད་གཞུང་གི་དགྲ་པོ་ལྟ་བུ་ཞིག་ལ་ངོས་འཛིན་བྱེད་ཀྱི་རེད། དེ་གཅིག་རེད། གཉིས་ནས་དབུ་མའི་ལམ་གྱི་སྲིད་བྱུས་ཐོག་ཤར་བསྐྱོད་བྱེད་རྒྱུའི་ས་ཡིག་རྒྱག་དགོས་ཀྱི་ཡོད་དུས། རང་བཙན་གྱི་ལྟ་བ་འཁྱེར་ཆོག་གི་མེད་པ་གསལ་པོ་རེད།
དེར་བརྟེན་ཚིག་གི་ཁྱད་པར་ཏོག་ཙམ་མ་གཏོགས་དོན་ལ་ཁྱད་པར་མི་འདུག དེར་བརྟེན་དུས་བབ་གསར་ཁང་གིས་ཚིག་ནོར་བའི་ནོར་བཅོས་བྱས་ན་འགྲིག་གི་འདུག དེ་མིན་ནོར་བཅོས་དང་དགོངས་དག་ཞུ་དགོས་པའི་གནད་འགག་ཅིག་མ་མཐོང་།

གལ་སྲིད་དབུས་གཙང་ཆོལ་གའི་དེ་ལྟར་བསྒྲགས་པ་ཡིན་ན། ས་ཡིག་བསྡུ་རུབ་བྱེད་དགོས་མ་མཐོང༌། གང་ཡིན་ཟེར་ན་བཙན་བྱལ་བོད་མའི་རྒྱ་ཆ་99་གོང་ས་མཆོག་དང་ཁོང་གིས་དབུ་ཁྲིད་པའི་བཙན་བྱོལ་གཞུང་ལ་རྒྱབ་སྐྱོར་དང་ཤར་བསྐྱོད་བྱེད་ཀྱི་ཡོད་པ་ང་ཚོའི་ཡང་ཡང་རྒྱ་ནག་ལ་བཤད་ཡོད་པ་ཡོངས་གྲགས་རེ་བ། དེ་ལྟར་རྒྱབ་སྐྱོར་དང་ཤར་བསྐྱོད་བྱེད་བསྡོད་ཀྱི་ཡོད་ནའང་ད་དུང་ཁས་ལེན་དམ་བཅའ་དང་ས་ཡིག་འགོད་དགོས་དོན་མེད་པ་འདྲ་པོ་རེད།

འདི་ལ་ནོར་བཅོས་ཙམ་གྱིས་ག་ལ་འགྲིག་དགོངས་དག་ཞུ་བར་འོས།

གསལ་འགོད་པའི་འགོད་ནོར་ཤོར་འདུག་་་་འདིའི་དོན་གོ་མ་སོང་།འགོད་རྒྱུའི་གསར་འགྱུར་གཉིས་ཡོད་པ་རེད་དམ
གཞན་གསར་
གོད་པའི་དོན་ཆེན་འདི་འདྲ་ཞིག་ནོར་འདུག་ཟེར་ན་ཡིད་མ་ཆེས་པ་ཞིག་རེད

དབུ་མའི་ལམ་ལ་ཕྱིན་པ་ཡིན་ན་རང་བཙན་གྱི་ལྟ་བ་དོར་དགོས་པ་མཐོང་གི་མེད། དཔེར་ན། མི་ཚང་མར་ཤི་འདོད་གྱི་ལྟ་བ་མེད་བཞིན་ཤི་དགོས་པ་མ་ཡིན་ནམ།

ནོར་འཇོལ་འདི་ཚིག་ནོར་ལས་དོན་ནོར་མ་རེད་ཟེར་མཁན་དག་ལ་སྨྲས་པ།
དབུ་མའི་ལམ་ལ་རྒྱབ་སྐྱོར་བྱས་པ་ཙམ་གྱི་རང་བཙན་གྱི་ལྟ་བ་ཁྱེར་མཁན་མིན་པའི་སྒྲུབ་བྱེད་དུ་རྩ་བ་ཉིད་ནས་མི་འགྲོ་ཏེ། བཙན་བྱོལ་མི་མང་བརྒྱ་ཆ་དགུ་བཅུ་ལྷག་གི་དབུ་མའི་ལམ་ལ་རྒྱབ་སྐྱོར་གཙང་མ་ཡོད་ཀྱང་དེ་དག་ཚང་མ་རང་བཙན་གྱི་ལྟ་བ་ཁྱེར་མཁན་མིན་པའི་ཕྱིར་རོ།

ཚིག་ནོར་ལས་དོན་ནོར་མ་རེད་ཟེར་མཁན་རྣམས་ནི་དབུ་མའི་ལམ་ལ་རྒྱབ་སྐྱོར་མེད་པའི་རྣམ་འགྱུར་བསྟན་པ་ཞིག་ཡིན་ཏེ། དབུ་མའི་ལམ་ལ་རྒྱབ་སྐྱོར་གནང་བ་ཡིན་ན་རང་བཙན་གྱི་ལྟ་བ་ཁྱེར་མཁན་མིན་པ་དོན་ལ་འདོད་པའི་ཕྱིར།

དེ་བས་གྲོས་ཚོགས་ཀྱི་ཚོགས་མི་ཞིག་གིས་《གསར་འགོད་པ་ལགས། ནོར་བ་དེ་དོན་རེད་མི་འདུག ཚིག་ནོར་རེད་འདུག ད་དུང་གསལ་ཆ་དགོས་གལ་མཐོང་།》སྐད་ཆ་དེར་དཔྱད་ཞིབ་ཞིག་གནང་དང་དེ་ནི་དཀྲུགས་ཤིང་གི་སྐད་ཆ་ཞིག་ཏུ་མཐོང་། དོན་ལ་སྤྱི་འཐུས་ཁོང་ནས་ཁོང་རང་དབུ་མའི་ལམ་ལ་རྒྱབ་སྐྱོར་མེད་པའི་རྣམ་པ་ཞིག་བསྟན་པ་ཡིན་ནམ། ཡང་ན་ཁོང་གི་ཁོང་རང་རང་བཙན་ལྟ་བ་ཁྱེར་མཁན་མིན་ཞིག་གསལ་སྟོན་བྱ་བཞིན་ཡོད་གང་ལྟར་ཀྱང་གྲོས་ཚོགས་ཀྱི་ཚོགས་མའི་ཞིག་ཡིན་པའི་ཆ་ནས་དབུ་མའི་ལམ་དང་རང་བཙན་གྱི་ལྟ་བ་འགལ་བ་རྟག་ཕྲོད་དུ་འདོད་མཁན་ཞིག་ཡིན་པ་གསལ་པོ་བཤད་པ་ནི་དངོས་གནས་ཡིད་སྐྱོ་དགོས་པ་ཞིག་རེད་སྙམ།

སྤྱིར་མི་ལ་ནོར་འཁྲུལ་མེད་པ་ཡོང་མི་སྲིད་ཀྱང་གསར་འགྱུར་གྱི་རིགས་ལ་གསར་འགོད་པ་ཚོས་གཟབ་གཟབ་དགོས་གལ་ཆེ་བས་ཡིད་འཇགས་ཡོད་པ་ཞུ།

གསར་འགོད་པ་ལགས། ནོར་བ་དེ་དོན་རེད་མི་འདུག ཚིག་ནོར་རེད་འདུག ད་དུང་གསལ་ཆ་དགོས་གལ་མཐོང་།

ནོར་བཅོས་ཤོར་བ་ཡག་པོ་མ་རེད། ཡིན་ནའང་བཅོས་པ་དེ་ཡང་ནོར་བ་དེ་དང་ཚིག་གི་ཁྱད་པ་ཙམ་མ་གཏོགས་དོན་དག་གཅིག་པ་འདྲ་པོ་འདུག
ཚིག་སྙན་ཙམ་དང་༧གོང་ས་མཆོག་གི་མཚན་དྲངས་ནས་བསླེབས་འདུག་པས་བཙན་བྱོལ་བོད་མི་དམངས་ཁ་བཀག་ཙམ་ཐུབ་ས་རེད།

འདི་ལ་བརྟེན་ནས་ཁོང་ཚོར་ཁ་རྡུང་ག་ཚོད་རེག་སོང་། ནོར་ན་ཡང་འདི་འདྲའི་གལ་ཆེན་རིགས་ནོར་ན་མི་བཟང་གི