༧གོང་ས་མཆོག་གིས་ཨམ་སྐད་སྐྱོན་པ་རེད་དམ།

སྦྲ་ནག་བརྩོན་འགྲུས་ལགས་ལ་བྱ་བར་ལམ་ལྷོངས་ཡོང་བའི་མཚམས་འདྲི་བཀྲིས་བདེ་ལེགས་ཞུ། ཡང་བསྐྱར་བསམ་བློ་ཞིག་བཏང་ན། ཅུང་ཙམ་འགྲིག་གི་མི་འདུག སྐྱབས་མགོན་རིན་པོ་ཆེའི་བཀའ་ཆོས་སོགས་ཀྱི་གསུང་བསྒྱུར་གནང་མི་ཉན་གི སྐྱབས་མགོན་རིན་པོ་ཆེའི་གསུང་སྐད་ཧ་ཅང་སྙན་མོ་འདུག ཨ་མདོ་བ་ཚོས་གསུང་སྐད་སྙན་མོ་དེ་ཉན་རྒྱུ་དགའ་བ་ལས་སྦྲ་བརྩོན་གྱི་སྐད་ལ་ཉན་འདོད་མེ་ཁི་བསམ། གཞན་སྐྱབས་མགོན་རིན་པོ་ཆེས་བཀའ་སློབ་དང་བགྲོ་གླེང་སོགས་གང་མང་མང་ཨམ་སྐད་དུ་བསྒྱུར་ན་དགའ་བསུ་ཡོད། གསུང་ཆོས་ཨམ་སྐད་ལ་མ་བསྒྱུར་ན་ཧྲ་གི་བསམ།

ངོ་མ་གསུང་བསྒྱུར་བྱས་བ་ཡག་གི་འདི་འདྲ་བྱས་གསུང་བསྒྱུརབྱེད་པར་མོས་
མཐུན་མཐའ་གཅིག་ཏུ་ཡོད།
ད་དུང་དགའ་བསུ་ཆེན་པོ་ཡོད་ཨ་ཨ།
ངོ་མ་ཐུགས་རྗེ་ཆེ།

ལས་གཞི་འདི་ཡོངས་སུ་ལེགས་འགྲུབ་ཡོང་བའི་
་སྨོན་འདུན་གྲངས་མེད་དང་བཅས་ཏེ་མདོ་སྨད་ཀྱི་གཞིས་ལུས་དག་གིས་མགྱོགས་མྱུར་ངང་གོ་ཐུབ་པར་སྨོན།

ལས་གཞི་འདི་རྩ་བའི་ཆ་ནས་གནས་སྐབས་ཕན་ཐོགས་ཡོད་པ་ཞིག་ཡིན་ན་ཡང་།
སྐུ་མདུན་གྱི་གསུང་ཚངས་པའི་དབྱངས་ཀྱི་ཡན་ལག་དང་ལྡན་པ་དེ་ཉིད་ལ་ནན་ཏན་གྱིས་ཉན་རྒྱུའི་གོ་སྐབས་ཉུང་རུ་འགྲོ་བ་དང་།
གལ་ཏེ་ཁ་སྐད་ཀྱི་ཐོག་ལ་བསྒྱུར་རྒྱུ་མང་ན་འབྲུག་པའི་རྫོང་ཁ་ལྟ་བུ་ཞིག་ཏུ་གྱུར་ནས་ཆོལ་ཁའི་བར་གྱི་སྐད་ཡིག་གི་བར་ཐག་རིང་དུ་འགྲོ་བའི་ཤཱུགས་རྐྱེན་བྱེད་ངེས་རེད།
གལ་ཏེ་ཅིས་ཀྱང་མ་བསྒྱུར་ཐབས་མེད་ཀྱི་དབང་དུ་བཏང་ཡང་འཆར་ངོས་སུ་སྐུ་མདུན་དུ་ན་ཉིན་འཇིག་བྲལ་གློག་བརྙན་གྱི་ཨམ་སྐད་ཡིག་ཐོག་ཏུ་བསྒྱུར་བ་ནང་བཞིན་ཡི་གེ་འཆར་རྒྱུ་ཡོད་པ་ཙམ་ཀྱིས་སྐད་སྐུ་མདུན་གྱི་གསུང་རང་འཇགས་དང་།
དེ་ཡང་མ་བྱུང་ན་ཡང་སྐད་དང་མཉམ་ཏུ་ཡིག་ཐོག་ཏུ་ཡང་ཨམ་སྐད་ཀྱི་ཕལ་སྐད་སོར་བཞག་འབྲི་བ་ཡིན་ཟེར་ན་དེ་ནི་བོད་ཀྱི་རིག་གཞུང་གི་ཁ་བྲལ་རང་ལུགས་པ་སྡུག་ཤོས་སུ་ངོས་འཛིན་བྱེད་རྒྱུ་ཡིན། དེ་ལྟར་གཏན་ནས་མིན་པར་སྨོན།

གླེན་བཤད་པ་དག་དང་ཡིག་རྨོངས་བ་དག་གིས་ཉོན་ཨ།
མང་པོ་ཞིག་གིས་གླེན་བཤད་བྱེད་ཀྱིན་འདུག སྤྱི་སྐད་དགོས་པས་ཨམ་སྐད་སོགས་ལུང་ཚན་སྐད་ལ་བསྒྱུར་ན་ཡག་པོ་མི་འདུག་ཟེར། འོ་ན་དབུས་སྐད་ལུང་ཚན་སྐད་མ་ཡིན་ནམ། བོད་ལ་གཅིག་གྱུར་ཏུ་ཡོད་པའི་བརྡ་སྤྲོད་པའི་གཞུང་ལུགས་ཀྱིས་སྤྱི་སྐད་གཏན་འབེབ་བྱེད་དགོས་པ་ལས་དབུས་སྐད་སྤྱི་སྐད་དུ་འཛིན་པ་དེ་ནི་ཡིག་རྨོངས་པ་དག་གི་བཤད་སྟངས་རེད། དེ་གཅིག་ཡིན། གཞན་ཨམ་སྐད་དུ་བསྒྱུར་བ་དེ་ཧ་ཅང་ཡག་པོ་རེད། ཡིན་ནའང་འདི་ལ་སྐད་སྒྱུར་དང་ཡིག་སྒྱུར་གཉིས་ཡོད་ལ། དེ་ལའང་དངོས་ཡོད་མི་སྣའི་གཏམ་གླེང་གི་སྐད་སྒྱུར་དང་ཡིག་སྒྱུར། སྒྱུ་རྩལ་རྩོམ་རིགས་ཀྱི་ཡིག་སྒྱུར་དང་འཁྲབ་གཞུང་གི་སྐད་སྒྱུར་གཉིས་ཡོད། ༧གོང་ས་མཆོག་གི་གསུང་བཤད་དག་དངོས་ཡོད་མི་སྣའི་གཏམ་གླིང་གི་སྐད་སྒྱུར་གྱི་ཁུངས་སུ་གཏོགས་པ་ལས། གློག་བརྙན་འཁྲབ་གཞུང་གི་སྐད་སྒྱུར་གྱི་ཁོངས་སུ་གཏོགས་ཀྱིན་ཡོད་པ་མ་རེད། དེ་བས་གོང་ས་མཆོག་གི་གསུང་བཤད་དག་ཨམ་སྐད་དུ་བསྒྱུར་རྒྱུ་དེ་ལས་གཞི་ཤིན་ཏུ་ཡག་པོ་ཞིག་རེད། ཡིན་ནའང་སྐད་སྒྱུར་གྱིས་སྐད་སྒྱུར་རང་ལ་ཡོད་པའི་རང་བྱུང་གི་སྐད་ཀྱི་གདངས་གཤིས་དེས་སྟེང་ནས་གོང་ས་མཆོག་གི་གསུང་དོན་མ་ནོར་བར་ཨམ་སྐད་ཀྱིས་སྟེང་ནས་བཤད་པ་ཡིན་ན་དེ་ནི་དངོས་ཡོད་མི་སྣའི་གཏམ་གླེང་སྐད་སྒྱུར་བྱས་པ་རེད་མ་གཏོགས། རང་གི་སྐད་གདངས༧གོང་ས་མཆོག་གི་སྐད་གདངས་ལ་རྫུན་མར་བཅོས། དེ་ནས་༧གོང་ས་མཆོག་གི་གསུང་སྐད་ཀྱི་ལད་མོ་འདྲ་མིན་བྱེད་ཁུལ་བྱས་པ་དེ་ནི་གློག་བརྙན་འཁྲབ་གཞུང་གི་སྐད་སྒྱུར་ཏུ་སོང་བ་མ་ཟད། དངོས་ཡོད་མི་སྣ་དེར་ཁྱད་གསོད་ལྟ་བུ་ཞིག་ཏུའང་གྱུར་བ་རེད། བསམ་བློ་ཞིག་ཐོངས་དང་འཛམ་གླིང་གི་དངོས་ཡོད་མི་སྣ་གྲགས་ཅན་དང་ཆོས་དཔོན། སྲིད་འཛིན་དང་དམངས་གཙོ་དོན་གཉེར་བ་སོགས་ཀྱི་གཏམ་བཤད་དང་ཆོས་བཤད་གང་ཞིག་གློག་བརྙན་གྱི་འཁྲབ་གཞུང་ལྟར་བསྒྱུར་ཡོད་དམ། འདི་ནི་དད་པ་དང་དག་སྣང་ཞིག་གི་གནད་དོན་མ་རེད། འདི་ནི་ང་ཚོའི་མི་རིགས་འདིར་ཆེད་ལས་མི་སྣའི་མུ་གེ་བྱུང་ཡོད་པའི་རྟགས་རེད་ལ། ལྷག་པར་ཏུ་སྐད་སྒྱུར་ལ་ཆེད་ལས་ཞེས་བསྦྱང་བྱ་ཞིག་ཡོད་པ་ངེས་ཟིན་གྱིན་མེད་པའི་ལས་ལས་བྱུང་བའི་འབྲས་བུ་དང་ལྟོས་ངན་རེད། སྦྲ་ནག་བརྩོན་འགྲུས་ཟེར་བ་དང་ཁོ་དང་མཉམ་འབྲེལ་བྱེད་མཁན་དག་ལ་ཞུ་རྒྱུ་ཞིག་ལ། གོང་ས་མཆོག་གིས་གློག་བརྙན་འཁྲབ་ཀྱིན་ཡོད་པ་མ་རེད། གོང་ས་མཆོག་ནི་དངོས་ཡོད་མི་སྣ་ཞིག་ཡིན་ལ་ཁོང་གིས་གསུང་ཆོས་དང་བཀའ་སློབ་སྩོལ་བཞིན་ཡོད་པས། ཁྱེད་ཅག་གིས་ཁོང་གི་གསུང་ཆོས་དང་བཀའ་སློབ་བསྒྱུར་རྒྱུར་རྒྱབ་སྐྱོར་ཡོད་པ་ལས། ༧གོང་ས་མཆོག་གི་སྐད་གདངས་དང་ཉམས་འགྱུར་ལ་ལད་མོ་བྱེད་རྒྱུ་མཚམས་འཇོག་བྱེད་རོགས་ཞུས་པ་ཡིན།

ལས་གཞི་འདི་རིགས་ཀྱིས་གནས་སྐབས་ལ་ཁེ་ཕན་ཡོད་ཐག་ཆོད་རེད། སྐད་གདངས་ཀྱི་ཐད་ནས་ངོ་མ་ཡ་མཚན་ཞིག་རེད། ཡིན་ནའང་༸གོང་ས་མཆོག་གི་བཀའ་སློབཀྱི་ཚབ་ཆ་ཚང་བ་ཞིག་དུས་ནམ་ཡང་བྱེད་ཐུབ་ཀི་མ་རེད། ཁོང་གི་བཀའ་སློབ་ལ་སྐད་ཚིག་གཅིག་མི་གོ་བའི་དད་ལྡན་གྱི་རྒྱ་རིགས་མི་དམངས་ཀྱིས་གསུངས་གི་གདངས་ཙམ་ལ་ཉན་ནའང་སེམས་ལ་བརྗོད་མི་ཤེས་པའི་ཞི་བདེ་སྤྲད་ཀྱིན་ཡོད་པ་རེད། དོ་སྣང་ཅུང་ཟད་བྱས་ན་གོ་ཐུབ་པའི་ལས་ཀ་འདི་རིགས་སྣང་མེད་དུ་འཇོག་པ་ནི་ཨ་མདོ་བ་ཚོས་ཞན་ཆ་ཞིག་རེད། དེའི་ཕྱིར་རང་གི་གསུང་གི་བདུད་རྩི་དངོས་ལ་ལོངས་སྤྱོད་རྒྱུ་ཡོང་ཐབས་ལ་ངེས་པར་དུ་འབད་དགོས་པ་གལ་ཆེན་པོ་རེད།

ལས་ཀ་འདི་བརྒྱ་ཆ་བརྒྱ་རྒྱབ་སྐྱོར་ཡོད།མི་ཁ་ཤས་ཀྱིས་སྐད་བསྒྱུར་འདི་རང་ཆོལ་ཁའི་དཀྲུག་ཤིང་དུའཁྱེར་བར་དོགས་པ་བྱེད་ཀྱིན་པ་ནི་བློ་ཕུགས་དོག་ཅིང་སྐྱོན་དུ་མཐོང་གི
སྤྱིར་མདོ་སྨད་དང་མདོ་སྟོད་སོགས་ལ་ཁ་སྐད་ཀྱི་བར་ཁྱད་ཆེན་པོ་ཡོད་པ་དང་།བར་ཁྱད་དེ་དག་གིས་ཕན་ཚུན་གོ་བརྡ་འཕྲོད་ཀྱིན་མེད་པ་ནི་ངོམ་སུམ་ཡིན་པས་འདི་ལ་ཆོལ་ཁའི་འཐེན་འཁྱེར་གྱི་སྐད་དུ་འཁྱེར་བར་དོགས་པ་ནི་ཅང་འབྲེལ་མེད་དོན་གཞན་ཞིག་གོ

100 ་ངོ་མ་ཕན་ཐོགས་ཐག་ཆོད་རེད་འདུག
བཀའ་དྲིན་ཆེ།
སྐོག་ཀླད་ནས་སྐད་གདེངས་ལ་ཅུང་འགྱུར་བ་བཏང་ན་མི་ལེགས་སམ
སྙན་འཁོར་འདིའི་གཟུགས་བརྙན་ཕྱིར་ལོག་འདུག་པ་ཅི་རེད

ཀློག་པ་པོ་ཡོངས་ལ་སྙིང་ཐག་པ་ནས་དགོངས་སེལ་ཞུ་རྒྱུ་དང་ཆབས་གཅིག ཁ་སང་ཕྱི་དྲོའི་ཆུ་ཚོད་ ༤ ནས་བཟུང་གོང་གི་གསར་འགྱུར་དེ་དང་མཉམ་དུ་བརྙན་ཐུང་འཇོག་ཐབས་ལ་ཚོད་ལྟ་བྱས་པ་ཡིན། འོན་ཀྱང་བརྙན་འཁོར་དེ་ཐོག་མར་ཕབ་ལེན་བྱེད་སྟངས་དང་། ང་ཚོར་བརྙན་འཕྲིན་གཅོད་གཏུབ་ཀྱི་མཉེན་ཆས་མ་ལག་མ་རག་པ། ཡུའུ་ཁྲུའུ་བྷེ་ youtube ཡི་སྤྱི་སྤྱོད་ཨང་རྟགས་དང་དུས་བབ་དྲ་བའི་བརྙན་མཛོད་ལྟེ་བ་གཉིས་ཀྱི་སྒྲིག་སྦྱོར་ཚད་མཐུན་མ་ཡོང་བ་བཅས་ཀྱི་དབང་གིས་ཚོད་ལྟ་ལེགས་འགྲུབ་མ་བྱུང་བར་ད་ནངས་ཞོགས་པའི་བར་ལྷག་སོང་བ་རེད།
ད་ཆར་བརྙན་ཐུང་དེ་བསྐྱར་སྒྲིག་ལེགས་འགྲུབ་བྱུང་ཡོད་སྟབས། དྲ་གྲོགས་ཡོངས་ཀྱིས་བསྐྱར་དུ་མིག་གི་ལོངས་སྤྱོད་དུ་བསུས་ཏེ། ལེགས་ཉེས་དང་དགེ་སྐྱོན་དང་དགོངས་འཆར་ལྷུག་པར་བརྗོད་པའི་རེ་འདུན་ཞུ།

བརྙན་འཕྲིན་འདི་སྐད་བསྒྱུར་གནང་མཁན་སྤྲ་ནག་བརྩོན་འགྲུས་ལགས་ལ་ཐུགས་རྗེ་བླ་མེད་དུ་ཆེ་ཞུ་རྒྱུ་མ་ཟད། འབྲེལ་ཡོད་ཚང་མར་ཐུགས་རྗེ་ཆེ་ཞུ་འདོད་བྱུང་།
འདི་ལྟར། ༸གོང་ས་མཆོག་བཀའ་སློབ་དང་གསུང་ཆོས་མང་པོ་ཞིག་ཨམ་སྐད་ཐོག་གཞིས་ལུས་མདོ་སྨད་པ་རྣམས་ལ་མཁོ་སྤྲོད་གནང་ཐུབ་ཚེ་དགེ་མཚན་ཆེན་པོ་ཡོད་ཀྱི་རེད་བསམ། མ་འོངས་པར་ཨམ་སྐད་ཁོ་ནར་མིན་པར་ཁམས་སྐད་ཐོག་བསྒྱུར་མཁན་གྱི་མི་སྣ་མཆིས་ཚེ་གཞིས་བཞུགས་ཁམས་ཕྱོགས་མི་མང་ལའང་ཕན་ཐོག་ཆེན་པོ་ཡོད་ཀྱི་རེད།

ངས་བརྙན་ཐུང་འདིར་སྔ་ཕྱི་ཐེངས་གསུམ་ལ་ཞིབ་བལྟ་བྱས་པ་ཡིན། ང་རང་གི་མཐོང་བའི་སྐྱོན་ཆའི་ཆ་ནི། འདིའི་ནང་ཨམ་སྐད་གཙང་མ་མིན་པའི་རིགས་མང་པོ་ཞིག་ཡོད་པར་མ་ཟད། དབྱིན་ཡིག་གི་ཐ་སྙད་ཁག་ཅིག་བསྒྱུར་མེད་པར་དབྱིན་སྐད་ཐོག་རང་སོར་བཞག་ཡོད་སྟབས། དེའི་རིགས་མ་འོངས་སྐད་བསྒྱུར་ཁྲོད་བཅོས་བསྒྱུར་གནང་རྒྱུ་དང་བཅས་ཐུགས་རྗེ་ཆེ་ཞུ་བ་ཡིན།
བཀྲ་ཤིས་བདེ་ལེགས།།

སྐད་གདངས་ཡག་པོ་ཞིག་འདུག་མོད། ཨམ་སྐད་རང་མིན་པ་འདྲ། ལོ་ལོན་རྒན་པ་ཚོ་ཕར་ཞོག་ངས་ཀྱང་ཡག་པོ་གོ་ཡི་མི་འདུག གང་ལྟར་ལས་གཞི་འདིར་བསྔགས་བརྗོད་དང་མཐར་འཁྱོལ་ཡོང་བའི་རེ་བ་ཡོད།

སྐད་བསྒྱུར་གནང་བ་ལ་སྙིང་ནས་མོས་གུས་ཡོད། ལྷག་པར་སྐད་གདངས་ཐད་ནས་རྫིག་ཉམས་ཀྱིས་འདང་ཡོད་པ་ལྟ་བུ་ཞིག་རེད། ལས་གཞི་འདི་ལ་གུས་བརྩི་ཡོད།

ཡིན་ནའང་། བརྙན་འཕྲིན་ཐུང་ཐུང་དེ་ཕྱིར་སློག་ནས་བཞག་ཡོད་པ་དེ་བརྗེ་བསྒྱུར་གནང་ཐུབ་ན་ཡག་པོ་འདུག ལྷག་པར་འགོ་བརྩམས་པ་ཙམ་ཞིག་བྱས་ནས་མི་འཇོག་པར་མཐིལ་ཕྱིནན་པ་ཞིག་ཕོན་ཆེན་པོ་ཞིག་བསྒྱུར་རོགས་ཞེས་འབོད་སྐུལ་ཞིག་ཀྱང་ཞུ་འདོད་བྱུང་སོང་།

༧གོང་ས་མཆོག་གི་སྙན་པར་དེ་སྒྲིགས་གཏང་ཡག་པོ་མ་བྱུང་བའི་བཟོ་འདྲ་འདུག་གང་ཡིན་ཞེ་ན་ནམ་རྒྱུན་༧གོང་ས་མཆོག་གིས་ཕྱག་ལག་གཡས་པའི་ཐོག་ནས་ར་སྤྲོད་བྱེད་ཀྱི་ཡོད་ཀྱང་ཐེང་འདི་དེ་ལས་ལྡོག་སྟེ་གཡོན་དེས་ར་སྤྲོད་བྱེད་ཀྱི་འདུག། སྤྱི་གཏང་སངས་རྒྱས་ཀྱི་མཛད་པ་ལ་ང་ལྟ་བུ་དག་གིས་ཚད་ག་ལ་ནུས་ཀྱང་ཐ་མ་པའི་སྣང་ངོ་ལ་དེ་ལྟར་ཞིག་འཆར་བཞིན་འདུག་པས་དེ་བཞིན་བརྗོད་པ་ཡིན་ནོ།

ལས་གཞི་འདི་ཡག་པོ་འདུག་ཐུགས་རྗེ་ཆེ་སྐུ་མདུན་གྱིས་གཟན་མནབ་སྟངས་འདི་བཟོ་མཁན་གྱིས་ཕྱིན་ཅི་ལོག་ཏུ་བཟོ་བ་མིན་ནམ། ཡིན་ན་གཟབ་གཟབ་ཞིག་བྱས་ན་མི་ཆོག་གམ།

བརྙན་འཕྲིན་ཕྱིར་ལོག་བྱེད་དོན་ཅི་ཡིན། གཞན་ཨམ་སྐད་ལ་བསྒྱུར་བ་དགོས་ངེས་ཡིན་པས་དགའ་བསུ་ཞུ། འོན་ཀྱང་སྐད་གདང་གི་དངོས་ནས་བྱམས་བརྩེ་མཚོན་ཐབས་ཤིག་ངེས་པར་དགོས་པ་འདྲ་བས་ཡིད་འཇགས་ཞུ། དེ་མིན་ཁམས་པ་གཞིས་ལུས་རྒྱ་ཆེའི་མི་མང་ལའང་ཨ་མདོ་བ་ཅི་བཞིན་༧གོང་ས་མཆོག་གི་བཀའ་སློབ་ལ་ཉན་འདོད་ཡོད་ངེས་པས་སྐུ་སྒེར་ཡིག་ཚང་དང་ངྷ་ས་རིགས་ལམ་སློབ་གཉེར་ཁང་གིས་དགོངས་པ་རྒྱ་ཆེ་གནང་གལ།

གོང་གི་༧གོང་ས་མཆོག་གི་གསུང་བཤད་ཨམ་སྐད་དུ་སྒྱུར་བ་དེ་ཡག་པོ་ཞིག་འདུག་ཀྱང་སྐུར་པར་གྱི་སྤྱིན་ཤོག་ཕྱི་ནང་ལོག་ཏེ་སྐུ་ཟན་གཡོན་ནས་གཡས་ལ་རྣམ་པ་ལྟ་བུར་ཐུགས་སྣང་མ་བྱུང་བ་འདི་སྐྱོན་ཆེན་པོ་ཞིག་ཤོར་འདུག དེ་ལ་འབྲེལ་ཡོད་ནས་ཐུགས་སྣང་དང་འབྲེལ་བཟོ་བཅོས་ངེས་པར་གནང་རོགས།

གནས་སྐབས་གོ་བདེའི་ཁེ་ཕན་ཆུང་ཚག་གི་ཆེད་དུ། སྒྲ་འཛིན་འཁོར་ཐག་ནང་བསྒྱུར་ཕབ་བྱས་ན་གྲོང་སྲིབ་པ་རྣམས་ལ་ཕན་ངེས་རེད། འོན་ཀྱང་བོད་རིགས་ཡོང་ལ་སྐད་ཡིག་གཅིག་གྱུར་བྱེད་པར་འདོད་ན། ལུང་ཚན་གྱི་ཁ་སྐད་ཐོག་ཏུ་ཤ་ཞེན་གྱིས་བསྒྱུར་ཕབ་བྱེད་པ་འདིས་ཕན་པ་ལས་ཀྱང་གནོད་པ་ཆེ་ཡི་འདུག

གསུང་བསྒྱུར་ཡག་པོ་བྱུང་ཡོད་ས་རེད་དེ། སྐུ་བརྙན་དེ་ཡང་གཡས་གཡོན་བསྒྱུར་བཞག་པ་དེ་ག་རེ་ཡིན་ནམ། ༸གོང་ས་༸སྐྱབས་མགོན་ཆེན་པོ་མཆོག་ལ་སྤྱན་འབུལ་ཞུས་པ་དེ་ཡང་དེ་ལྟར་གནང་བཞག་ཡོད་པ་རེད་དམ། ཡང་ན་དུས་བབ་ཚང་གིས་ནོར་བ་རེད། མདོར་ན་སྐུ་བརྙན་དེ་བསྒྱུར་བཞག་པ་དེ་འགྲིག་མི་འདུག

ལས་གཞི་འདི་ཧ་ཅང་ཡག་པོ་འདུག་པས་རྗེས་སུ་ཡི་རངས་ཞུ། འོན་ཀྱང་གོང་བརྙན་པར་འདི་རྒྱབ་མདུན་རྗེས་ཡོད་པ་འདྲ།

ལས་གཞི་དོན་སྙིང་ཅན་ཞིག་རེད་སྙམ།
ཡིན་ཡང་ལས་གཞི་འདི་ལ་དགེ་སྐྱོན་གཉིས་ག་ལྡན་པའི་ཚོར་བ་ཞིག་ཀྱང་ཡོད་དེ།
དགེ་བའི་ཆ་ནི་ཨ་མདོ་བ་དག་གིས་གོང་ས་མཆོག་གི་ཅི་གསུང་ཧ་གོ་བ་དེ་རེད།
གནས་སྐབས་ཙམ་ལ་བསམ་བློ་བཏང་ན་ཕན་ཐོགས་ཆེན་པོ་ཡོད་རྒྱུ་རེད་བསམ།
སྐྱོན་ཟེར་བ་མིན་མོད། བོད་མི་རིགས་ཀྱི་སྐད་བརྡ་གཅིག་གྱུར་དང་ཆོལ་གསུམ་སྤྱི་སྐད་ཞིག་ལ་བསམ་བློ་བཏང་ན་དགེ་བ་རྐྱང་རྐྱང་ཞིག་མིན་པ་འདྲ།
ང་ནི་ཨ་མདོ་བ་ཞིག་ཡིན་པས། གོང་ས་མཆོག་གི་གསུང་ཚིག་བརྒྱ་ཆའི་བརྒྱ་བོ་གོ་དཀའ་མོད། དྲ་རྒྱ་སོགས་སུ་གོང་ས་མཆོག་གི་གསུང་བཤད་ལ་ཐེངས་མང་པོར་ཉན་མྱོངས་པས། ད་ལྟ་གང་ལ་གང་མཚམས་ཞིག་གོ་གིན་འདུག
ངས་བསམ་ན་རང་གི་རྩ་བའི་བླ་མའི་གསུང་བཤད་ཀྱང་གོ་ཐུབ་པར་འབད་བརྩོན་མི་བྱེད་པ་ནི་དད་ལྡན་མི་རིགས་ཞིག་གིས་དད་པ་བྱེད་སྟངས་ཅིག་མ་རེད་བསམ།

གང་ལྟར་གོང་གི་སྒྲ་བསྒྱུར་བ་ཡག་པོ་འདུག
གལ་ཏེ་མུ་མཐུད་དུ་ལས་གཞི་འདི་མཇུག་སྐྱོང་རྒྱུ་ཡིན་ན་སྐད་བསྒྱུར་བ་མི་གཅིག་གིས་འགན་འཁུར་ན་ལེགས་བསམ།
བསམ་ཚུལ་ཙམ་གྱི་ཚུལ་དུ།