དེ་རིང་མེག་གྷན་དུ་ཕྱིན། གཙུག་ལག་ཁང་གི་འགྲམ་དུ་འབྱོར་མཚམས་རྒྱ་གར་གྱི་རླངས་འཁོར་ཚོས་ཛ་དྲག་གི་དུང་སྒྲ་བསྒྲགས། སོ་སོའི་མོ་ཊའི་སྒང་གི་གློག་དམར་ཆུང་ཆུང་དེ་འཁྱུག་ནས་ཕོ་བྲང་དུ་བསླེབས། ང་རང་མགོ་འཐོོམ། སྐབས་དེར་པར་པ་བློ་བཟང་དབང་རྒྱལ་དེ་རུ་འདུག གནོང་འགྱོད་དང་བཅས་འདུག པར་ཡག་པོ་ཞིག་ཀྱང་བརྒྱབ་ཐུབ་མ་སོང་ཟེར། ཁོང་ལ་ཡང་ཁག་མེད།
དེ་རིང་གི་སྐུ་མགྲོན་ནི་རྒྱ་གར་གྱི་ཕྱི་སྲིད་དྲུང་ཆེ་ ར་ཝོ་མཆོག་རེད། སྤྱིར་བཏང་རྒྱ་གར་གྱི་དཔོན་པོ་རྣམ་པ་ཚོ་འདིར་ཕེབས་དུས་གསར་འགོད་བརྒྱུད་ལམ་ལ་གསང་བ་རེད། དེ་རིང་གི་དོན་དག་འདི་ཡང་གཅིག་མཚུངས་རེད།
དཔེར་ན། མཇལ་འཕྲད་འདིའི་ཕྱོགས་ལ་འབྲེལ་ཡོད་གཞུང་འབྲེལ་གྱིས་གསུངས་དོན། ཏཱ་ལའི་བླ་མ་མཆོག་དང་རྒྱ་གར་ཕྱི་སྲིད་ལྷན་ཁང་བར་གྱི་བཀའ་མོལ་འདི་ནི་དུས་ཚོད་ ༤་༡༥ སྟེང་དབུ་བཙུགས་པ་རེད། དེ་ཡང་ནང་མོལ་གྱི་ཚུལ་དུ་རེད། དེའི་ནང་དུ་བཙན་བྱོལ་བོད་མིའི་མི་སྣ་གལ་ཆེན་ནི་དཔེེར་ན་བཀའ་ཁྲི་ཟམ་གདོང་རིན་པོ་ཆེ་མཆོག་ལྟ་བུ་བཞུགས་ཡོད་པ་རེད་ཅེས་བཀོད་འདུག
རྒྱ་གར་གྱི་ཕྱི་སྲིད་བློན་ཆེན་མཆོག་གིས་ཏཱ་ལའི་བླ་མ་མཆོག་དང་མཇལ་འཕྲད་གནང་བའི་ཐད། སྐུ་སྒེར་དྲུང་ཆེ་བསྟན་འཛིན་སྟག་ལྷ་ལགས་ཀྱིས། ད་ལྟའི་ཆར་ང་ཚོས་བརྒྱུད་ལམ་ཁག་ལ་འདིི་ཐད་ནས་གསལ་བཤད་ཞུ་གི་མེད་ཅེས་གསུངས་འདུག
གསར་འགྱུར་སྤེལ་མཁན། ལུང་རིགས།
ཕྱི་སྲིད་བློན་ཆེན་རེད་དམ་ཕྱི་སྲིད་དྲུང་ཆེ་རེད
གསལ་པོ་བཟོ་རོགས་གནང
རྒྱ་གར་གྱི་དཔོན་རིགས་རྣམ་ཚང་༧གོང་སར་མཆོག་དང་མཇལ་འཕྲད་གནང་སྐབས་དེ་འདྲའི་གནད་དོན་སྦ་གསང་བྱེད་དགོས་དོན་དེ་ནི་ཕྱི་ཕྱོགས་སུ་སྒྲགས་གཏམ་སྣ་ཚོགས་ཁྱབ་སྤེལ་མི་ཡོང་བ་ཆེད་ཡིན་ཙང་དེ་ནི་སྲིད་དོོན་གསང་ཉུལ་བ་དག་གིས་མ་གཏོགས་བདག་རྣམས་ཀྱིས་རྟོགས་དཀའ།
གསར་འགོད་པས་གནས་ཚུལ་དུས་ཐོག་ཏུ་སྤེལ་བར་ཐུགས་རྗེ་ཆེ། ཡིན་ཡང་ང་ལ་རེ་བ་ཞིག་དང་ཞུ་བ་བྱ་རྒྱུ་ཞིག་ཡོད་པ་ནི་ཁྱེད་དུས་བབ་གསར་འགོད་པས་ཡིག་ནོར་མི་འབྲི་བར་མཁྱེན།