ཆོལ་ཁ་དབྱེར་མེད་ཀྱི་འོས་མི་ ༣༠།

སྨར་ཁམས་བུ་ལགས། དམིགས་ཡུལ་ངན་པ་བཅངས་པའི་ཚོགས་པ་འདིའི་བྱུང་རིམ་ཁ་གསལ་གསུངས་པར་བཀའ་དྲན་ཆེ་ཞུ་འདོད་བྱུང་། ད་དུང་བྱུང་ན་འཇམས་དབྱངས་དང་ཚེ་རིང་བློ་བསལ་ཟེར་བའི་མི་ངན་འདི་གཉིས་ཀྱི་འདྲ་པར་འཁོད་པའི་ལོ་རྒྱུས་ཞིབ་ཁྲ་སྐོད་རོགས་ཞུ། དུས་རྒྱུན་དུ་བོད་རིགས་སྤུན་ཟླ་རྣམས་ནས་མི་ངན་འདིའི་རིགས་ལ་དོ་སྣང་དགོས་རྒྱུ་ཧ་ཅང་གལ་ཆེ་པོ་རེད། ང་རང་ཚོ་སང་ཉིད་བོད་ལ་ལོག་མཁན་ཡིན་ན་མ་རྟོགས་བཙན་བྱོལ་བོད་པའི་སྒྲིག་འཛུག་སྲ་བརྟན་དགོས་པ་རེད་ དེ་ཡང་བོད་རིགས་མི་མང་ལ་ཅིག་སྒྲིགས་བཟོ་རྒྱུ་ཨང་དང་པོ་རེད། འདི་རྒྱ་ནག་གི་ཤེས་ཀྱི་ཡོད་ལ་འདིའི་ཐད་འགྲོ་སོང་ག་ཚོད་འགྲོ་ནའང་ཕང་སེམས་མེད་པ་བཏང་ཀྱི་རེད།

སྤྱིར་བཏང་འོས་མི་ཁ་ཤས་ལེགས་འདེམས་བྱས་ཏེ་ཁྱབ་བསྒྲགས་བྱས་པར་སྐྱོན་ཆེན་པོ་མཐོང་གི་མི་འདུག  ཡིན་ན་ཡང་བོད་སྐད་ཁྱར་ཁྱོར་ཞིག་དང་།   ནང་འགལ་དང་།  དོན་སྐྱོན།  ཚིག་སྐྱོན།  ཡིག་སྐྱོན་འབའ་ཞིག་གིས་སྦགས་པའི་རྩོམ་ཡིག་ཐར་ཐོར་འབྲི་རྒྱུ་ཙམ་ལས་སྐད་རིགས་གཞན་པ་གཅིག་ཀྱང་མི་ཤེས་པ་མ་ཟད།   ལྷག་ཤེས་ཁབ་རྩེ་ཙམ་ཡང་མེད་པའི་མི་རྒན་དེ་ཚོ་བོད་མིའི་སྤྱི་འཐུས་སུ་འདམས་ན་ངོ་ཚ་རེད།   དཔེར་ན་ན་ནིང་ཆོལ་གསུམ་ལོ་རྒྱུས་འབྲི་མཚམས་བཞག་དགོས་བྱུང་བ་ཡང་དེ་དང་འབྲེལ་བ་ཆགས་ཡོད་པ་རེད།   
དེ་མིན་གྲྭ་བ་ཡིན་མིན་གྱི་ཁྱད་པར་དེ་ཙམ་མི་འདུག་སྙམ།
འོན་ཀྱང་ཚོགས་པ་འདིས་ཇི་ཞིག་གི་ཆེད་དུ་འདི་ལྟར་བྱས་པ་དང་།   སུ་ཞིག་གི་ཆེད་དུ་འདི་ལྟར་འབད་ཀྱིན་ཡོད་པ།    ད་དུང་ཚོགས་པ་འདི་ནམ་ཞིག་ལ་བཙུགས་པ་དང་།   ལས་ཀ་ག་རེ་བྱེད་ཀྱིན་ཡོད་པ་ད་དུང་ཤེས་མ་སོང་།

ཆབ་སྲིད་བཙོན་ཟུར་ཚོགས་པ་ལ་ཁོ་རང་ཚོའི་ཕྱི་རྒྱལ་འགྲོ་བའི་ཐོབ་ཐང་དེར་འཕྲོག་མཁན་ཞིག་དགོས་ཀྱི་ཡོད་པ་འདྲ།
མ་རེད་དམ། རྡ་ས་རི་བོའི་སྟེང་དུ་ཆབ་སྲིད་བཙོན་ཟུར་ཡིན་མདོག་བྱས་ནས་བསྡད་ཡོད་མཁན་ཚོ། ཁྱེད་རང་ཁྱེད་རང་ཚོའི་ཐོབ་ཐང་རྩོད་ཐུབ་པ་བྱེད་རོགས།

ཚོགས་པ་འདིས་དཀྲུགས་གཏམ་ལ་བོད་སྤྱི་དང་ལྷག་པར་ཆོལ་ཁ་སོ་སོའི་མི་དམངས་ནས་ངོས་ལེན་གཏན་ནས་གནང་མི་སྲིད། འདི་དང་འདི་ཞེས་བྱ་བའི་ཚོགས་པའི་མིང་འཁྱེར་མཁན་རྣམས་ལ་ངེས་པར་དོགས་ཟོན་གནང་རྒྱུར་གལ་ཆེའོ།

ཆབ་སྲིད་བཙོན་ཟུར་ཚོགས་པ་ལ་ཁོ་རང་ཚོའི་ཕྱི་རྒྱལ་འགྲོ་བའི་ཐོབ་ཐང་དེར་འཕྲོག་མཁན་ཞིག་དགོས་ཀྱི་ཡོད་པ་འདྲ།
མ་རེད་དམ། རྡ་ས་རི་བོའི་སྟེང་དུ་ཆབ་སྲིད་བཙོན་ཟུར་ཡིན་མདོག་བྱས་ནས་བསྡད་ཡོད་མཁན་ཚོ། ཁྱེད་རང་ཁྱེད་རང་ཚོའི་ཐོབ་ཐང་རྩོད་ཐུབ་པ་བྱེད་རོགས།

དཀའ་ལས་རང་གི་རྒྱག་འབྲས་བུ་གཞན་གྱིས་ཁྱེར་དུས་ཁྱེད་རྣམ་པ་ལ་བསམ་བློ་འདྲ་འཁོར་ཡ་མི་འདུག་གམ།

དབུས་མདོ་གཉིས་ཀྱི་སྤྱི་འཐུས་འོས་དམིགས་རྣམས་ཆ་ཐམས་ཅད་ནས་ལེགས་པ་རང་མི་འདུག་མོད། སྤྱི་ཡོངས་ནས་གང་ཡག་ཡག་འདྲ་ཞིག་མིག་བཏོན་བྱས་འདུག་སྙམ། འོན་ཀྱང་མདོ་ཁམས་སྟོད་ཀྱི་འོས་དམིགས་འདོན་སྟངས་ལ་དེ་མུར་བསམ་བློ་ཞིག་འཁོར་འོང་བ་ནི། ཉེ་སྔོན་གྲོས་ཚོགས་སྐབས་བརྒྱད་པའི་སྐབས་གྲོས་ཚོགས་ར྄་བ་ནས་ཕྱིར་ཐོན་ཕྱིན་པའི་མདོ་སྟོད་སྤྱི་འཐུས་གཅིག་ཀྱང་རྒྱལ་ཡོངས་ཆབ་སྲིད་བཙན་ཟུར་ཚོགས་པའི་མིག་འོག་ཏུ་མ་འཆུད་པ་ནི་ཡ་མཚན་ཆེ་བ་ཞིག་རེད་སྙམ།

ཁྱེད་ཅག་གིས་རྐང་བཙུགས་ནས་རྦས་བསྐུང་བྱས་པའི་མདོ་སྟོད་སྤྱི་འཐུས་ལས་ཐོག་ཁྲོད་ནས་ཤེས་འཇོན་ལྷག་བསམ་ཅན་རེ་གཉིས་ཤིག་འོས་དམིགས་སུ་མ་བཏོན་པ་དེ་བས་ཀྱང་ཡ་མཚན་ཆེ་བ་ཞིག་ཅི་ལ་མིན། དེ་ལས་ལྡོག་སྟེ་ཁྱེད་ཅག་གིས་བཏོན་པའི་འོས་དམིག་ཕལ་ཆེར་བ་རྡ་སའི་ཆུ་སྒང་གི་ཕྱོགས་གཏོགས་རྐྱང་རྐྱང་རེད་ཅེས་ལབ་ན་མི་འགྲིག་ཨེ་ཡོད། གསལ་བསྒྲགས་ནང་དབུས་རྒྱུན་དབུས་རྒྱུན་ཟེར་ནས་གསལ་ཁ་བཏོན་མེད་པ་དེ་ཚོ་ཡང་རྡ་སའི་ཆུ་སྒང་གི་དབུས་རྒྱུན་ལ་གོ་དགོས་པ་མ་རེད་དམ།

འོ་རེད། དཱ་ཡིན་ན། རྡ་ས་ཆུ་སྒང་གིས་རང་གི་དབུས་རྒྱུན་མི་དྲུག་སྤྱི་འཐུས་འོས་དམིགས་ནང་བཅུགས་ཏེ་སྐད་གསེང་མཐོན་པོས་རྒྱང་སྒྲོག་བྱས།
དབུས་ཆུ་སྒང་ངམ་ལྡི་ལི་ཆུ་སྒང་ནས་དེ་མཚུངས་དབུས་རྒྱུན་ཚོགས་གཅོ་༡ ཚོགས་གཞོན་ ༢ དྲུང་ཡིག ༢ རྒྱུན་ལས་ ༣ བཅས་བསྡོམས་དབུས་རྒྱུན་དགུ་ཙམ་འོས་དམིགས་བཏོན་ཏེ་རྒྱ་བསྒྲགས་བོད་བསྒྲགས་ཀྱིས་ཁྱབ་བསྒྲགས་བྱས་པ་འདི་དག་བལྟས་ན་ངོ་མ་ལྟད་མོ་ཆེ་གེ་ཡཱ། ངས་ཀྱང་སང་གནངས་ནས་ངའི་ནང་མི་ཕ་རྒན་ཞ་ར་དང་མ་རྒན་རྐང་རྐྱོག་གཙོས་པའི་ནང་མི་བཅུ་པོ་ཡང་འོས་གཞི་རུ་གསལ་བསྒྲགས་སྤེལ་ཐག་ཆོད་ཡིན། མི་དམངས་ཀྱིས་རྒྱབ་སྐྱོར་གནང་རོགས།

ད་དུང་ཚིག་ཁ་ཤས་བཤད་འདོད་ཡོད་མོད། མཛུབ་མོ་ནོར་ནས་ཡར་འཇུག་ཤོར་སོང། མུ་མཐུད་བཤད་རྒྱུ་ཡིན། གྲོས་ཚོགས་ནང་ཕྱོགས་ཁག་གཉིས་ཡོད་པའི་ནང་ནས། ཤོག་ཁག་གཅིག་གི་མི་རྐྱང་རྐྱང་བདམས་འདུག དེ་ཡང་ཡ་མཚན། ཚོགས་པ་དེ་གྲོས་ཚོགས་ནང་གི་ཕྱོགས་ཁག་སུའི་རྒྱབ་རྩར་ཡོད་པ་ཡང་གསལ་པོ་རེད།
ཆབ་སྲིད་ལྟ་གྲུབ་ཀྱི་ལངས་ཕྱོགས་ཤིག་ཡིན་ན། སོ་སོའི་ལངས་ཕྱོགས་དང་མཐུན་པའི་མི་བདམས་ན་འགྲིག་མོད། ཆབ་སྲིད་ལྟ་གྲུབ་ཀྱི་ལངས་ཕྱོགས་ཤིག་མིན་པར། དགྲ་དགའ་གཉེན་སྡུག་གི་ལངས་ཕྱོགས་ཤིག་ཡིན་པས། བོད་རྒྱལ་ཡོངས་ཆབ་སྲིད་བཙོན་ཟུར་ཚོགས་པ་དེ་ག་འདྲ་ཞིག་ཡིན་ན་བསམ་དགོས་པ་ཞིག
ཚོགས་པ་དེ་སྔོན་མ་དགུ་བཅུ་གསུམ་ཚོགས་པའི་ནང་མ་འགྲིག་པར། ཟུར་དུ་བཙུགས་པ་ཞིག་རེད། བཤད་ཚུལ་ལྟར་ན། དགུ་བཅུ་གསུམ་ཚོགས་པའི་ནང་དབང་ཆ་ཇི་ཡང་མ་ཐོབ་པ་དང། ནུས་ཤུགས་འདོན་མ་ཐུབ་པས། མི་ཁག་ཅིག་ཟུར་འདོན་བྱས་པ་ཡིན་སྐོར་འདུག གང་ལྟར་ཚོགས་པ་དེ་འདྲ་ཞིག་བཙུགས་ཀྱི་ཡོད་པ་༧གོང་ས་མཆོག་ལ་ཡང་ཞུས་འདུག རྗེས་སུ་ཕྱི་རྒྱལ་རོགས་རམ་བྱེད་མཁན་ཞིག་གིས་མཆོད་རྟེན་ཞིག་བཞེངས་རྒྱུར་དངུལ་སྤྲད་པ་རེད། དེའི་དངུལ་རྩིས་ཀྱི་དོན་དུ་ཡང་སྐབས་དེའི་ཚོགས་གཙོ་དང་རྒྱུན་ལས་ནང་ཁུལ་དུ་རྙོག་གྲ་ལངས་ཡོད་འདུག གང་ལྟར་དེའི་སྐབས་ཀྱི་ཚོགས་གཙོ་ལ་བདེན་པ་ཆེན་པོ་མེད་ཚུལ་འདུག་ཀྱང། རྒྱལ་ཁ་ཚོགས་གཙོར་ཐོབ་ཡོད་འདུག ཡ་ཡཡ༌༌༌༌དེ་ཚོ་བཤད་ན་དཀའ་ལས་འདུག དྷ་སའི་སྤྱི་ཚོགས་ཆུང་ཆུང་འདིའི་ནང་འཁྲུག་ཆ་དོད་པོ་ཡོད་པ་རེད།

ཚོགས་པ་འདིས་འོས་མི་འདྲ་ཆགས་པོ་ཞིག་བཏོན་འདུག་པས་ཚོགས་པ་སུ་ཡིན་མ་ལྟོས་པར་རྒྱབ་སྐྱོར་ཡོད། དེར་མ་ཟད་ཕལ་ཆེར་འདེམས་ཐོན་ལ་རེ་བ་དང་ཚོད་དཔག་ཐུབ་མཁན་ཤ་སྟག་རེད་འདུག མི་དགའ་མཁན་དང་རང་གིས་མི་འཇོན་མཁན་གཞན་གྱི་ཡག་ཉེས་གང་ཞིག་བྱས་རུང་སྐྱོན་ལས་དགེ་མི་མཐོང་མཁན་དེ་རིགས་ནས་སྐྱོན་བརྗོད་ཡོང་བ་ཆོས་ཉིད་ཡིན། མདོ་དོན་ཁྱེད་ཚོ་ལ་ཐུགས་རྗེ་ཆེ་ཞེས་ཞུ་འདོད་བྱུང།

བསྐྱར་དུ་འགོད་རྒྱུར། ཚོགས་པ་དེས་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་བཀའ་ཁྲིའི་འོས་གཞིར་བཞག་པ་དེ་ཡང་ན་ནིང་ཁོང་གིས་ཟློས་གར་ཚོགས་ཁང་ནང་ང་ལ་བཀའ་ཁྲི་བྱེད་འདོད་རྨི་ལམ་ཙམ་ཡང་བཏང་མ་མྱོང་བས་ངས་བཀའ་ཁྲི་བྱས་ན་ལས་དོན་ག་འདྲ་བྱེད་ཀྱི་ཡིན་མིན་གྱི་འབྲེལ་བ་ཆགས་ཀྱི་མི་འདུག་ཅེས་པ་ལས་རྒྱུ་མཚན་ངོ་མར་ཨ་མདོའི་བུ་མོ་དེར་ལན་བཏབ་མེད་པ་དེ་ཚོགས་པ་དེས་ཚོགས་མི་ཚོས་གོ་མ་མྱོང་བ་འདྲ། ད་དུང་ཚོགས་གཞོན་རྒྱ་རི་སྒྲོན་མས་ཁ་སང་དེ་རིང་བློ་བཟང་སེང་གེ་ཁོས་བཀའ་ཁྲི་བྱེད་ཐུབ་ན་ངས་མི་ཐུབ་རྒྱུ་གང་ཡང་མི་འདུག་ཟེར་ནས་བཀའ་ཁྲི་ལོང་འཆར་ཡོད་སྐད་འདུག་པ་དེ་ཚོགས་པ་དེས་ཚོགས་མི་ཚོས་མ་ཤེས་པ་ཡིན་པ་འདྲ། མདོར་ན་ཚོགས་པ་དེས་འོས་ཤོག་འདོན་སྟངས་དེ་ས་གནས་ཁག་ནས་བསྡུས་པ་ཡིན་ནམ། མི་རེ་གཉིས་ཤིག་ནས་བཟོས་པ་ཡིན་མིན་ཤེས་ཀྱི་མི་འདུག