འབྲེལ་ཡོད་ཀྱིས་འདི་གར་ཁུངས་ལྡན་གནས་ཚུལ་མཁོ་སྤྲོད་གནང་དོན། ཟླ་འདིའི་ཚེས་ ༢༡ ཉིན་ཁམས་ནག་ཆུ་རྫོང་ཤག་རོང་པོ་དགོན་པའི་གྲྭ་མཁྱེན་རབ་ཐོགས་མེད་དང་། གྲྭ་ངག་དབང་ནོར་བུ་གཉིས་འཛིན་བཟུང་བྱས་འདུག་ཀྱང་ད་སྐབས་གྲྭ་ངག་དབང་ནོར་བུ་གློད་གྲོལ་བཏང་ཡོད་པ་དང། མཁྱེན་རབ་ཐོགས་མེད་གར་ཡོད་ཤེས་རྟོགས་མེད་པ་རེད།
མཁྱེན་རབ་ཐོགས་མེད་ནི་ནག་ཆུ་རྫོང་རྟར་ཆེན་ཤང་གྲོང་ཚོ་དགུ་པའི་ཕ་སྟག་ རྒྱལ་གྱི་བུ་ཡིན་པ་དང་། ད་ལོ་རང་ལོ་ ༣༥ རེད་འདུག ཁོང་འཛིན་བཟུང་བྱེད་དོན་ནི། རྒྱ་གཞུང་གི་མི་སྣས་ཤག་རོང་པོ་དགོན་པ་དང་དགོན་པ་དེའི་བླ་མ་ཟླ་བ་རིན་པོ་ཆེ་ དང་འབྲེལ་བ་བྱེད་མི་ཆོག་པ་དང་། ཏཱ་ལའི་རུ་ཚོགས་ལ་ངོ་རྒོལ་དགག་རྒྱག་གི་ཚོགས་འདུ་ཞེས་པ་ཞིག་འཚོགས་པའི་སྐབས་སུ། གྲྭ་མཁྱེན་རབ་ཐོགས་མེད་ཀྱིས་དགོན་པ་དང་བླ་མའི་དབར་འབྲེལ་བ་བྱེད་མི་ཆོག་ན་དགོན་པར་བསྡད་ཀྱང་ཅི་ཕན། དེ་ལས་ལྡེ་མིག་འདི་ཁྱོད་ཚོས་བདག་པོ་རྒྱོབ་ཅེས་དགོན་པའི་འདུ་ཁང་གི་ལྡེ་མིག་ཕྱིར་འཕང་སྟེ་ཚོགས་ནས་ལངས་ཏེ་ཕྱིན་ཡོད་འདུག དེ་རྗེས་ཁོང་འཛིན་བཟུང་བྱས་ནས་ད་དུང་གློད་གྲོལ་བྱས་མེད་པར་མ་ཟད། ད་ལྟ་གང་དུ་བཀག་ཉར་བྱས་ཡོད་མེད་སོགས་ཀྱི་གནས་སྟངས་གང་ཡང་ཤེས་རྟོགས་བྱུང་མི་འདུག
གྲྭ་ངག་དབང་ནོར་བུ་འཛིན་བཟུང་བྱེད་དོན་ནི། ངོ་རྒོལ་དགག་རྒྱག་གི་ཚོགས་འདུའི་སྐབས་སུ་ཁོང་གི་ཚ་བོ་གྲྭ་བྱམས་པ་ཟེར་བ་སེམས་མ་བདེ་བ་བྱུང་བའི་རྐྱེན་གྱིས་ས་ཐོག་ཏུ་འགྱེལ་བའི་སྐབས། གྲྭ་ངག་དབང་ནོར་བུས་རྒྱ་གཞུང་གི་མི་སྣ་ཞིག་ལ་འབུད་རྒྱག་ཏོག་ཙམ་བཏང་སོང་ཟེར་ནས་འཛིན་བཟུང་བྱས་པ་རེད་འདུག ད་ལྟའི་ཆར་གྲྭ་ངག་དབང་ནོར་བུ་གློད་གྲོལ་བཏང་ཚར་ཡོད་འདུག
གནས་ཚུལ་མཁོ་སྤྲོད་པ། ངག་དབང་ཐར་པ། གསར་འགྱུར་སྤེལ་མཁན། ལུང་རིགས་རྒྱལ།
གསོལ་བ་ཐོབས།
མི་ཆུང་ལཊ་ཀྱི་གསུངས་པ་དེ་བདེན་དོན་ཆེའང་། ད་སྐབས་ཀྱི་གནས་ཚུལ་འདི་འདྲ་ཞིག་ལའང་ཇ་ལན་ཆུ་འཇལ་གྱིས། རིཊ་འགས་ང་ཚོའི་བོད་མི་ཟེར་བའི་ཚབ་ཏུ་༼ ཀ་ཅ ༽ དང་ཡང་བོད་མི་ཁ་ཤས་ཀྱིས་བོད་མི་ནང་ཚགས་ལ་ཁྱོད་འབྲོག་པ་ཁོ་ཨ་ཕོ་ཧོར་སོཊ་ཀྱིས་འཕྱ་རྨོད་བྱེད་པ་དེ་དག་གི་ཉེར་ལེན་གྱིས། མི་ཁ་ཤས་ཀྱིས་བོད་པ་ཡིན་མོད། བོད་མི་མིན་ཚུལ་སོཊ་རང་གི་ཕ་ཡུལ་དང་རང་གི་སྐྱེ་ཡུལ་སོཊ་སྦ་གསང་གི་ལས་ལ་བརྩོན་ཞིང་། ལ་ལ་ནི་དེ་དག་གིས་རྐྱེན་པས་བོད་སྤྱི་པའི་ལས་དོན་ལ་ལྷོད་གཡེང་ཤོར་བ་སོགས་ཀྱི་བྱ་བཞག་ནི་ཡར་ངོའི་ཟླ་དང་མཚུངས་པར་ཐུཊ་བཞེད་གནང་གལ་མཐོངས།
ཁ་དྲོ།
རྩོམ་སྒྶིག་པ་ལགས་གསར་འགྱུར་ཚང་མ་དུས་ཐོག་གི་ཆར་པ་ངོ་མ་རེད། དགའ་འོས་པར་མི་འགྱུར་བ་ཅི་ལ་སྲིད། ང་ཚོ་མི་རབས་གསར་པ་ཚོར་ཆོལ་ཁ་དང་ཆོས་ལུགས། ལུང་ཚན་དབར་འཐེན་ཁྱེར་དང་དེའི་དྲི་མ་ཡང་མི་གོས་པར་བྱེད་རྒྱུ་དེ་གལ་འགངས་ཧ་ཅང་ཆེ་ཡང་།
འོན་ཀྱང་མཚམས་ལ་ལར། ང་ཚོས་ལྷོད་ཡངས་དང་ཡང་ན་ལྟ་བ་འཁྲིགས་འཛིན་ཅན་ལ་ལའི་ཁ་དབང་དུ་ཤོར་ནས། བརྗོད་ཚིག་གསར་པ་གསར་པ་དེ་འདྲ་འབྱུང་གིན་འདུག དེའི་རིགས་ཀྱིས་གསར་སྐྱེས་གཞོན་ནུ་ཚོར་གོ་ལྟ་ལོག་པ་ཞིག་སྤྲོད་སྲིད་ན། གཟབ་པར་མཛོད་ཅིག་ཅེས་འབོད་སྐུལ་ཡིན།
དཔེར་ན། སྐབས་ཐོག་གི་གསར་འགྱུར་ཚན་པ་འདིའི་འགོ་ཐོད་དུ། ཁམས་ནག་ཆུ། ཞེས་པའི་བརྗོད་ཚིག་གསར་པ་གསར་རྐྱང་ཞིག་བེད་སྤྱོད་གནང་འདུག འདི་བཞིན་ཨེ་ཤ་ཡའི་ཁམས་སྐད་ཀྱི་སྡེ་ཚན་ནས་ཀྱང་། དེ་ལྟར་བེད་སྤྱོད་ཀྱིན་འདུག་ན། རེ་ཞིག་བརྗོད་ཚིག་གསར་པ་དེ་ཚོ་མཉམ་པར་འཇོག་གནང་ན་ལེགས།
ཀྲུང་གོའི་བོད། ཀྲུའི་མཚོ་སྔོན། ཀྲུའི་གོའི་བོད་དམག་སོགས་ཀྱི་ཚིག་དེ་ཚོར་ང་ཚོས་རྒྱ་མིར་བཤེ་གིན་ཡོད། དེ་བཞིན་ང་ཚོས་ཀྱང་རང་ཉིད་ལ་བདག་གིར་དབང་ཐུབ་པའི་ས་ཆ་ཏིལ་འབྲུ་ཙམ་མེད་ཀྱང་། ད་དུང་སྐབས་འཚོལ་བ་ལ་ལས། ཁམས་ནག་ཆུ་དང་ཁམས་ཀོང་པོ་ཟེར་བ་སོགས། འདི་ཚོ་ང་ཚོའི་དུས་རབས་དང་ང་ཚོའི་མི་རབས་འདི་ཚོར་ཡེ་ནས་མི་དགོས།
ཨོ་ ཡང་རྒྱ་སྐྱག་ཚང་གི་ཁ་ལ་ཁྲོ་ཆུ་ཁོལ་མ་རྒྱོབ། ད་ནི་དངོས་གནས་དྲངས་གནས་བོད་ནང་གི་བོད་མི་ལྷག་བསམ་ཅན་ཐམས་ཅད་རྩ་རྫོགས་བྱེད་ངེས་རེད།
བསྟན་དང་དེ་འཛིན་ཆབ་སྲིད་རང་རིགས་སླད།། གཅེས་པའི་ལུས་སྲོག་ལོངས་སྤྱོད་ཡོངས་བཏང་བའི།། དཀའ་བ་བརྒྱ་ཕྲག་བསྒྲུབས་པའི་སྐྱེ་བོ་རྣམས།། གྲུ་འཛིན་མགོན་དེའི་ཐུགས་རྗེས་སྐྱོང་བར་མཛོད།།