རྒྱ་ནག་གཞུང་གིས་མལ་གྲོ་གུང་དཀར་རྫོང་རྒྱ་མ་ཞང་ནང་ལྕགས་རིགས་ཀྱི་གཏེར་ཁ་སྔོག་འདོན་གྱི་ལས་གཞི་ཆེན་པོ་ཞིག་ལག་བསྟར་བྱེད་མགོ་བཙུགས་ཡོད་འདུག
ཟླ་འདིའི་ཕྱི་ཚེས་ ༢༠ ཉིན་གསར་ལམ་ཁག་ཏུ་གནས་ཚུལ་སྤེལ་བ་ལྟར་ན། རྒྱ་ནག་གིས་ལོ་དུ་མའི་རིང་བོད་ཀྱི་ས་ཁུལ་གང་སར་གཏེར་ཁ་སྔོག་འདོན་གྱི་ལས་གཞི་མང་པོ་ཞིག་མགོ་འཛུགས་བྱས་དང་བྱེད་ཀྱིན་ཡོད་པ་ལྟར། ཉེ་ཆར་བོད་རང་སྐྱོང་ལྗོངས་ལྷ་ས་གྲོང་ཁྱེར་གྱི་མལ་གྲོ་གུང་དཀར་རྫོང་རྒྱ་མ་ཞང་ནང་བོད་མི་ཚོའི་མ་འོངས་པའི་འཚོ་བར་དཀའ་ངལ་ཅི་འཕྲད་ལ་མ་ལྟོས་པར་ལྕགས་རིགས་ཀྱི་ཐོན་ཁུངས་གསར་བ་ཞིག་སྔོག་འདོན་བྱེད་ཀྱིན་ཡོད་འདུག ལས་གཞི་འདི་རྒྱ་ནག་གི་གསེར་རིགས་ཐོན་སྐྱེད་ཀྱི་ལས་ཁུངས་ཆེ་ཤོས་ཤིག་གིས་བསྒྲུབ་ཀྱིན་ཡོད་ཅིང་། རྒྱ་ནག་གཞུང་ཕྱོགས་ཀྱིས་བོད་ཁུལ་ཏུ་ལག་བསྟར་བྱེད་ཀྱིན་པའི་གཏེར་ཁ་སྔོག་འདོན་གྱི་ལས་འཆར་ཆེན་པོ་བརྒྱད་ཀྱི་གྲས་སུ་ཡོད་འདུག ཉེ་བའི་དུས་ནས་བཟུང་ལས་གཞི་དངོས་སུ་མགོ་བཙུགས་ཏེ། ད་ལྟའི་ཆར་ཉིན་རེེར་གཏེར་ཁ་ཊོན་ ༦༠༠༠ ལྷག་བསྔོག་འདོན་དང་། རྒྱ་སྒོར་དུང་ཕྱུར་ ༨ ལྷག་གི་ཡོང་སྒོ་ཡོད་ཚུལ་བརྗོད་ཀྱིན་ཡོད་པར་མ་ཟད། བོད་རང་སྐྱོང་ལྗོངས་དམར་ཕྱོགས་ཚོགས་པའི་དྲུང་ཆེ་གཞོན་པ་ཧཱའོ་ཕང་གིས་ཀྱང་། གཏེར་ཁ་སྔོག་འདོན་གྱི་ལས་གཞི་འདིས་མ་འོངས་པར་བཟོ་གྲྭ་ཁག་དང་ཚོང་ལས་སྡེ་ཚན་སོགས་ལ་མ་རྩའི་ཐོག་ནས་རོགས་སྐྱོར་གྱི་ནུས་པ་འདོན་ཐུབ་པ་དང་། གཞུང་གི་ལས་དོན་གྱི་ཐད་ལའང་ཕན་ཐོགས་ཆེན་པོ་ཡོད་སྐོར་རྒྱ་ནག་གི་གསར་ལམ་དུ་འགྲེལ་བརྗོད་གནང་ཡོད་འདུག
མལ་གྲོ་གུང་དཀར་རྫོང་རྒྱ་མ་ས་ཞང་ནི་བཤད་སྲོལ་ལ་ཆོས་རྒྱལ་སྲོང་བཙན་སྒམ་པོའི་འཁྲུངས་ཡུལ་ཡིན་པ་དང་། ད་ལྟའི་ཆར་ཡུལ་དེའི་ནང་གྲོང་ཚོ་ ༡༥ ལྷག་ཡོད་འདུག སྔར་ལོ་ཡུལ་འདིའི་ཡུལ་མི་ཚོས་རྒྱ་ནག་གཞུང་གིས་གཏེར་ཁ་སྔོག་འདོན་གྱི་ལས་གཞི་མཚམས་འཇོག་བྱེད་དགོས་པའི་ཐད་གོང་རིམ་ལ་ཞུ་གཏུག་བྱས་ཀྱང་། གཞུང་ཕྱོགས་ནས་མི་མང་ལ་གུན་གསབ་སྤྲོད་རྒྱུ་ལས། མཚམས་འཇོག་བྱ་རྒྱུ་མིན་སྐོར་བརྗོད་མཐར་གཏེར་ཁ་བསྔོག་འདོན་པ་དང་མི་མང་གི་བར་ལ་འཁྲུག་འཛིང་ཤོར་ཏེ། བོད་མི་ ༣ ལ་རྨས་སྐྱོན་ཚབས་ཆེན་ཕོག་ཡོད། དེ་ལྟ་ནའང་། རྒྱ་ནག་གཞུང་གིས་སྐབས་དེ་ནས་དམག་མི་འབོར་ཆེན་བཞག་སྟེ། གནད་དོན་དེ་དང་འབྲེལ་བའི་ཐོག་ཕྱི་ཕྱོགས་སུ་འབྲེལ་བ་བྱེད་མི་ཆོག་པའི་བཀའ་རྒྱ་བཏང་བར་མ་ཟད། ས་གནས་མི་མང་ལ་གཞུང་གི་ཆོག་མཆན་མེད་པར་ས་ཁུལ་གཞན་ལ་འགྲོ་མི་ཆོག་པའི་དམ་དྲག་བྱས་ཡོད་འདུག
གསར་འགོད་པ། དོན་གོ།
བོད་དོན་བདེན་མཐའ་ཞིག་མ་གསལ་བར་དུ་རྒྱ་ནག་གཞུང་གིས་བོད་ཀྱི་ས་ཆ་དང་གཏེར་རིག་ལ་གཏོར་གཤིགས་ཚད་མེད་མེད་བཟོ་ངེས་རེད།ང་ཚོས་ངེས་པར་དུ་བོད་དོན་བདེན་མཐའ་གསལ་ཐབས་ཀྱི་ལས་ལ་བརྩོན་དགོས་པ་གལ་གནད་ཆེ་བ་མཐོང།
ད་ཡབ་མེས་ཀྱི་པུར་ཁང་ཡང་སྔོག་འདོན་བྱས་ཏེ་ང་ཚོ་མཐོང་ཆུང་བྱེད་པ་འདི་དངོས་གནས་ཡིད་སྐྱོ་དགོས་པ་ཞིག་ཡིན་མོད། འོན་ཀྱང་། བོད་རང་ཉིད་ལ་འབྱོན་ཐང་མེད་ན་ལྟད་མོ་བལྟས་ནས་འདུག་པ་ལས་ཐབས་གང་ཡོད་དམ།
སྤྱང་དར་མ་ལུག་གི་ཤ་ལ་ངོམས། རྒྱ་ནག་པོ་བོད་མིའི་རྒྱུ་ལ་ངོམས།
ལུག་བཞག་འདོད་མ་རེད་ཟ་འདོད་རེད། ལུག་མ་མོའི་ཞི་བདེ་སྒོམ་རོགས་བྱོས།
བསྔོག་ཤེས་ན་ཕྲལ་ཕུག་ཀུན་ལ་ཕན །
བསྔོག་མི་ཤེས་རང་གཞན་ཕུང་པའི་གཞི། །
རྒྱ་སྤྲང་རྒན་མང་པོར་ཕན་སྲིད་ཀྱང་། །
བོད་གྲངས་ཉུང་མི་རིགས་ལའང་སོམས་དགོས། །
གཏེར་ཁ་སྔོག་འདོན་་བྱོས།་ས་ཟད་ནས་རྡོ་ལ་མ་ཐུག་བར་དུ་སྔོག་རོགས
དེ་ལྟར་བྱས་ན་གཞི་བདག་ཚོ་ཡང་སྡོད་མི་ཚིག་པར་གཞན་ཡུལ་ཞིག་ལ་ལོག་འགྲོ་ངེས་རེད