༧གོང་ས་མཆོག་གི་ཆིབས་སྒྱུར།

འབྱུང་འགྱུར་ཕྱི་ཟླ་ ༡༠ པའི་ཚེས་ ༢༢ ཉིན་ནས་བཟུང་༧གོང་ས་མཆོག་གིས་ཁ་ན་ཌའི་ཡུལ་དུ་མཛད་འཕྲིན་རྒྱ་ཆེར་བསྐྱང་རྒྱུ་ཡིན་འདུག

ཁེ་ཎ་ཌར་རྟེན་གཞི་བྱས་པའི་གངས་ལྗོངས་ཆོས་ལྡན་གླིང་བོད་ཀྱི་རིག་གཞུང་བསྟི་གནས་ཁང་གིས་ཇི་ལྟར་གསོལ་བ་བཏབ་པ་བཞིན། འདི་ལོའི་ཕྱི་ཟླ་ ༡༠ པའི་ཚེས་ ༢༢ ཉིན་ནས་ཚེས་ ༢༥ བར་༧གོང་ས་མཆོག་ཁེ་ཎ་ཌར་ཆིབས་སྒྱུར་བསྐྱང་འཆར་ཡོད་པ་དང་། ཕྱི་ཚེས་ ༢༢ ཉིན་ཡུལ་དེའི་རོ་ཅི་སུ་སིན་ཊར་ Rogers Centre ཞེས་པའི་ཚོགས་ཁང་དུ་མང་ཚོཊ་ལ་འཛམ་གླིང་ཞི་བདེ་བསྐྲུན་རྒྱུར་འགྲོ་བ་མིའི་ལངས་ཕྱོགས་ཞེས་པའི་བརྗོད་གཞིའི་ཐོག་བཀའ་སློབ་གནང་རྒྱུ་དང་། ཚེས་ ༢༣ ཉིན་གངས་ལྗོངས་ཆོས་ལྡན་གླིང་བོད་ཀྱི་རིགགཞུང་བསྟི་གནས་ཁང་ཞེས་པའི་ཚོགས་ཁང་གསར་པ་དེ་དབུ་འབྱེད་རབ་གནས་དང་ས་གནས་བོད་རིགས་མང་ཚོཊ་ལ་མཇལ་ཁ་གནང་རྒྱུ་ཡིན་འདུག ཚེས་ ༢༤ ཉིན་ཆོས་ཚོཊ་དེའི་གོ་སྒྲིག་འོག་༧གོང་ས་མཆོག་གིས་དགེ་བཤེས་གླང་རི་ཐང་པས་མཛད་པའི་བློ་སྦྱོང་ཚིགས་བརྒྱད་མའི་བཀའ་ཆོས་དང་ཚེ་དབང་བཅས་གནང་འཆར་ཡོད་པ་དང་། མཇུག་ཏུ་ཨིན་ཌེ་རོ་ནང་རྟེན་གཞི་བྱས་པའི་བོད་དང་ཁ་ན་ཌའི་མཐུན་ཚོཊ་དང་ཝན་ཁོ་ཨར་རྟེན་གཞི་བྱས་པའི་དགོན་པ་གཉིས་ཐུན་མོང་ཐོག་རྟེན་བཞུགས་རྒྱས་པ་ཞིག་ཀྱང་འབུལ་རྒྱུ་ཡིན་འདུག   

གསར་འགོད་པ། དཔལ་ལྡན་རྒྱ་མཚོ།