ཨི་ཊ་ལིའི་གྲོང་ཁྱེར་རྗེལ་སི་ཞེས་པའི་ལོ་འཁོར་རྒྱལ་སྤྱིའི་གཟེངས་རྟགས་ཏེ་༸གོང་ས་མཆོག་ལ་འབུལ་བཞེས་གནང་ཡོད་འདུག
བོད་གཞུང་དྲ་རྒྱའི་སྟེང་གནས་ཚུལ་སྤེལ་བ་ལྟར་ན། ཟླ་འདིའི་ཕྱི་ཚེས་ ༢༧ ཉིན་ཨི་ཊ་ལིའི་གྲོང་ཁྱེར་རྗེལ་སི་ (Jelsi) ཞེས་པས་འདི་ལོའི་ལོ་འཁོར་རྒྱལ་སྤྱིའི་གཟེངས་རྟགས་ཁྲིར་གྷི་ལེ་ཡ་ (Traglia) ཞེས་པ་དེ་༸གོང་ས་མཆོག་ལ་ཕུལ་ཡོད་འདུག་ལ། དེ་ནི་༸གོང་ས་མཆོག་གིས་བྱམས་པ་དང་བརྩེ་བ། བཟོད་བསྲན་བཅས་བཟང་པོའི་བསླབ་བྱ་དེ་དག་གོང་འཕེལ་བཏང་བའི་མཛད་རྗེས་ལ་ངོས་ལེན་དང་རྒྱབ་སྐྱོར་མཚོན་ཆེད་དུ་ཕུལ་བ་ཞིག་ཡིན་འདུག
ཐེངས་འདིའི་གཟེངས་རྟགས་འབུལ་བཞེས་ཀྱི་མཛད་སྒོ་དེ་ཡུལ་དེའི་དུས་སྟོོན་ Festa del Grano ཞེས་པའི་མི་མང་འདུ་འཛོམས་ཀྱི་སྐབས་དང་བསྟུན་ཏེ་གོ་སྒྲིག་ཞུས་ཡོད་ཅིང་། བོད་གཞུང་སྐུ་ཚབ་དོན་གཅོད་ཆོས་སྐྱབས་པ་ཚེ་བརྟན་བསམ་གྲུབ་ལགས་ཀྱིས་༸གོང་ས་མཆོག་གི་ཚབ་ཞུས་ཏེ་གཟེངས་རྟགས་བཞེས་གནང་ཡོད་པར་མ་ཟད། སྐུ་ཚབ་དོན་གཅོད་ལགས་ཀྱིས་གྲོང་ཁྱེར་དེ་ཉིད་ཀྱིས་༸གོང་ས་མཆོག་གི་མཛད་རྗེས་ལ་རྗེས་སུ་ཡི་རང་དང་རྒྱབ་སྐྱོར། དེ་བཞིན་བོད་མིའི་དཀའ་ངལ་ལ་གདུང་སེམས་མཉམ་སྐྱེད་བྱས་པར་དགའ་ཚོར་དང་བློ་སྤོབས་སྐྱེ་ཐུབ་པ་བྱུང་ཡོད་ཅེས་གཏམ་བཤད་ཀྱང་གནང་ཡོད་འདུག
གསར་འགོད་པ། དོན་གོ།
གཟེངས་རྟགས་ཕུལ་བར་ཐུགས་ཆེ་ཞུ་རྒྱུ་དང་༧གོང་ས་མཆོག་ལ་བཀྲ་ཤིས་བདེ་ལེགས་ཞུ་རྒྱུ།
༧གོང་ས་མཆོག་ཁྱེད་ནི་དུས་རབས་ཉེར་གཅིག་པའི་བོད་མི་རྣམས་ཀྱི་སྤོབས་པ་དང་་གཟི་བརྗིད་མ་ཟད།བོད་མི་རྣམས་ཀྱི་ཉི་མ་སོགས་ཡིན་པའི་རྒྱལ་དབང་ཁྱེད་སྐུ་ཚེ་རིང་དུ་བཞུགས་པའི་བཀྲ་ཤིས་སྨོན་ལམ་གྲངས་མེད་ཞུ།།
འཛམ་གླིང་མི་མང་གི་རྒྱབ་སྐྱོར་ལ་ཐུགས་རྗེ་ཞུ།
ཐེངས་འདིའི་གཟེངས་རྟགས་ཕུལ་བར་དགའ་བསུ་ཞུ།
༧གོང་ས་མཆོག་ལ་ཨི་ཊ་ལའི་གྲོང་ཁྱེར་རྗེལ་སི་ཞེས་པའི་ལོ་འཁོར་རྒྱལ་སྤྱིའི་གཟེངས་རྟགས་ཕུལ་བཞེས་གནང་གཏན་ཁེལ་བར་འཚམས་འདྲི་བཀྲ་ཤིས་བདེ་ལེགས་གྲངས་མེད་ཞུ། བོད་རིགས་ཀྱི་ལོ་རྒྱུས་ཀྱི་ཟིན་ལོ་གལ་ཆེ་ཞིག་ཡིན་པ་སྨྲོས་མ་དགོས་ཤིག་རེད།