རྒྱ་ནག་གཞུང་གིས་བོད་ཀྱི་ས་ཁུལ་གང་སར་རྒྱལ་བ་ཀརྨ་པ་མཆོག་གི་སྐུ་པར་བཤམས་མི་ཆོག་པའི་དམ་དྲག་བྱེད་ཀྱིན་པར་མ་ཟད། ཁོང་གི་ཡབ་ཡུམ་གཉིས་ལའང་ལྟ་རྟོག་ནན་མོ་བྱེད་ཀྱིན་འདུག་ཟེར།
ནོར་ཝེ་བོད་ཀྱི་རླུང་འཕྲིན་ཁང་ལ་བོད་ནས་གསར་དུ་འབྱོར་བའི་བོད་མི་ཞིག་གིས་གནས་ཚུལ་མཁོ་སྤྲོད་བྱས་པ་ལྟར་ན། ཉེ་བའི་དུས་ནས་བཟུང་རྒྱ་ནག་གཞུང་གིས་ལྷ་སར་གནས་བཞུགས་བོད་མི་ཚོར་རྒྱལ་བ་ཀརྨ་པའི་སྐུ་པར་གང་སར་བཤམ་མི་ཆོག་པའི་བཀའ་ཁྱབ་བཏང་ཡོད་པར་མ་ཟད། གཙུག་ལག་ཁང་ཉེ་འགྲམ་གྱི་ཀླུ་སྦུག་སྲང་ལམ་དུ་འགྲོ་བཞིན་པའི་དགེ་འདུན་པ་ཁག་ཅིག་གི་སྐེ་རུ་བཏགས་ཡོད་པའི་རྒྱལ་བ་ཀརྨ་པའི་སྐུ་པར་ཅན་གྱི་མཚོན་སྲུང་བཙན་འཕྲོག་བྱས་ཡོད་པའི་གནས་ཚུལ་བྱུང་འདུག གནས་ཚུལ་འགྲེལ་བརྗོད་པས་བཤད་པ་ལྟར་ན། གནས་སྟངས་འདི་ནི་ཉེ་བའི་དུས་ཀྱི་ལྷ་ས་ཁོ་ནར་བྱུང་བ་ཞིག་མིན་པར་འདས་པའི་ལོ་གཅིག་དང་གཉིས་ཀྱི་ཡར་སྔོན་ནས་བཟུང་ཆབ་མདོ་ས་ཁུལ་གྱི་བོད་པའི་ཁྱིམ་ཚང་ཁག་ཏུ་དམ་དྲག་བྱས་ཏེ་སྐུ་པར་གཅིག་ཀྱང་བཤམ་ཐུབ་ཀྱི་མེད་སྐོར་བརྗོད་འདུག་ལ། དེ་བཞིན་རྒྱལ་བ་ཀརྨ་པའི་ཡབ་ཡུམ་གཉིས་ཀྱང་ལྟ་རྟོག་གི་འོག་གནས་ཡོད་ཚུལ་འགྲེལ་བརྗོད་གནང་ཡོད་པར་མ་ཟད། ཁོང་གི་སྤུན་མཆེད་བླ་མ་ཞིག་ཡོད་པ་དེར་ཡང་ཉེན་རྟོག་མི་སྣ་བཞི་དང་ལྔའི་བལྟ་རྟོག་འོག་ཡོད་ཚུལ་འགྲེལ་བརྗོད་གནང་འདུག ཡིན་ནའང་། ས་གནས་མི་མང་ཚོས་རྒྱ་ནག་གཞུང་གིས་འདི་ལྟར་བོད་མི་ཚོར་རང་གི་རྩ་བའི་བླ་མའི་སྐུ་པར་བཤམ་པའི་ཐད་ལའང་དམ་དྲག་བྱེད་དོན་དེ་གཞིས་སྡོད་མི་མང་གིས་རྒྱལ་བ་ཀརྨ་པ་མཆོག་ལ་བཅངས་བའི་རྣམ་དག་དྭངས་གཙང་གི་དད་སེམས་དང་ཡིད་ཆེས་ལ་གཏོར་བརླག་གཏོང་བཞིན་པ་ཞིག་ལ་ངོས་འཛིན་བྱེད་ཀྱིན་ཡོད་ཚུལ་ཡང་འགྲེལ་བརྗོད་གནང་ཡོད་པ་རེད།
གསར་འགོད་པ་དོན་གོ།
དེ་རིང་གི་གནས་ཚུལ་དེས་དངོས་གནས་བྱས་ན་བོད་མི་དང་རྒྱལ་སྤྱིའི་ཐོག་གི་བོད་དོན་ཉམས་ཞིབ་པ་ཡོངས་ལ་ངེས་ཤེས་གསར་པ་ཞིག་དང་སྤོབས་པ་གསར་པ་ཞིག་བྱིན་པ་རེད་བསམ་གྱི་ཡོད། གུང་ཁྲན་གྱིས་རྒྱུན་དུ་ཏཱ་ལའི་བླ་མ་རྫོགས་ན་བོད་དོན་རྫོགས་འགྲོ་བའི་རྩིས་རྒྱག་སྟངས་དེ། ད་བཟོད་ཁོང་ཚོས་ནོར་བ་ཞིག་ཏུ་ངོས་འཛིན་བྱེད་ཀྱི་ཡོད་པའི་དཔང་རྟགས་གསལ་པོ་བསྟན་པ་དང་། དེ་འབྲེལ་གྱི་ཕུགས་རྒྱང་རིང་པོའི་བོད་པའི་དམིགས་ཡུལ་ལ་ཟུངས་ཤུགས་སྣོན་མ་ཞིག་རག་ཡོད། གང་ལྟར་གནས་ཚུལ་དེ་འགྲིག་པ་ཞིག་རེད་ལ། འདི་ཕྱོགས་ཀྱི་ཁ་ཚ་དགོས་བསྟུག་གི་ལས་འགན་དེ་དཔལ་རྒྱལ་བ་རིན་པོ་ཆེའི་སྐུའི་སྲུང་བྱར་ཡིད་གཟབ་བྱ་རྒྱུ་དེ་ཤིན་ཏུ་ནས་གལ་ཆེན་གྱི་ལས་བྱ་ཞིག་ཆགས་ཡོད།
དཔལ་རྒྱལ་བ་ཀརྨ་པར་རྒྱ་གཞུང་གིས་ག་ཚད་དོ་སྣང་དང་ཁོང་གི་རྣམ་ཐར་གཞིས་ལུས་བོད་མིས་ཤེས་པར་དམ་དྲག་ག་ཚད་བྱས་པ་དེ་ཚོད་ཀྱིས་བཙན་བྱོལ་གྱིས་ཁོང་བོད་མི་རིགས་དབུ་ཁྲིད་ཅིག་ཏུ་གསོ་སྐྱོང་བྱས་པའི་གྲུབ་འབྲས་མངོན་འགྱུར་ཡོང་བཞིན་པའི་གནས་སྟངས་གསལ་བོར་བསྟན་པ་ཞིག་མ་ཡིན་ནམ།
ཀརྨ་པ་ནི་བོད་མི་རིགས་ཀྱིས་རེ་བ་བྱེད་ཡུལ་ཞིག་ཡིན་སྟབས་རྒྱ་རྒོག་ཚང་གིས་དོགས་ཟོན་ལོས་བྱེད
ད་ཡང་རྒྱ་ནག་གིས་གསར་པ་ཞིག་འཁྲབ་ཀྱིན་འདུག་ག་
ཡིན་ཡང་ཡག་པོ་འདུག་ཁོང་ཚོས་དེ་འདྲ་བྱེད་ན་རིན་པོ་ཆེན་ཁོང་ནུས་པ་ཆེ་རུ་འགྲོ་གྱིན་འདུག
ཏང་རིགས་ལས་ངན་ཁྱེད་ཚོ་ཀྱེ་མ་ཧུད།
བོད་ཀྱི་བླ་སྤྲུལ་རྣམས་ཀྱི་སྐུ་པར་ཞིག་ལ། རྒྱ་ནག་ལྟ་བུའི་སྲིད་གཞུང་ཆེན་པོ་ཞིག་འདི་འདྲ་སྐྲག་དགོས་དོན་ཅི་ཞིག་ཡིན་ན།
ད་ཡང་ཀླ་ཀློ་ཚང་གི་ཀླད་རྩ་འཁྲུག་ཟིན་པ་འདྲ་་་
སྙིང་རྩ་འདར་གྱིན་པ་འདྲ་་་་