རྒྱ་ནག་གིས་ནུབ་རྒྱུད་གསར་སྤེལ་བྱས་ནས་ལོ་འཁོར་ ༡༠ ལོན་པའི་ཚུན་ལ། བོད་ལྗོངས་ཀྱིས་རྒྱལ་ཁབ་ཕྱི་ནང་གི་ཡུལ་སྐོར་བ་སྣེ་ལེན་བྱས་པའི་མི་གྲངས་ཁྲི་ ༢༦༤༠ ལ་སླེབས་ཡོད་པ་དང་། ཡུལ་སྐོར་སྤྱིའི་ཡོང་འབབ་སྒོར་དུང་ཕྱུར་ ༢༨༢ མངོན་འགྱུར་བྱུང་ཡོད་ཟེར།
གྲངས་ཀ་འདི་དང་ནུབ་རྒྱུད་གསར་སྤེལ་མ་བྱས་སྔོན་གྱི་མི་ལོ་ ༢༠ རིང་དང་བསྡུར་ན། ཡུལ་སྐོར་བ་སྣེ་ལེན་བྱས་པའི་མི་གྲངས་ལྡབ་ ༦.༤ ལ་ཉེ་བ་ཞིག་གིས་འཕར་སྣོན་བྱུང་ཡོད་པ་དང་། འཕར་སྣོན་མགྱོགས་ཚད་དེ་ནུབ་རྒྱུད་ཀྱི་ཞིང་ཆེན་གཞན་དག་ལས་ཡོངས་སུ་བརྒལ་ཡོད་ཅེས་དང་། ཡང་མཚོ་བོད་ལྕགས་ལམ་དང་མཁའ་ལམ་མུ་མཐུད་དུ་རྒྱུན་བསྲིངས་པ་དེས་བོད་ལྗོངས་ཀྱི་ཡུལ་སྐོར་ལས་དོན་དེ་རྒྱལ་ཁབ་ཀྱི་འཐབ་ཇུས་ཤིག་ཏུ་འཕར་ཡོད་པ་དང་། མི་འགྱང་བའི་དུས་ན་ཇོ་མོ་གླང་མའི་རི་འདབས་དང་། ཡར་ཀླུང་གཙང་བོའི་མཐའ་ཁུལ་དུ་རྒྱལ་ཁབ་རིམ་པའི་སྤྱི་གླིང་འཛུགས་སྐྲུན་བྱེད་མགོ་ཚུགས་གྲབས་ཡོད་པ་རེད་ཅེས་ཟེར།
དེ་བཞིན་ཚེས་ ༡༠ ཉིན་ཁྲུང་ཆིང་གནམ་གྲུ་ཅི་ཐོན་བཟོ་གྲྭས་བསྒྲགས་པ་ལྟར་ན། ཟླ་འདིའི་ཚེས་ ༡༥ ཉིན་ནས་བཟུང་ཁྲུང་ཆིང་གནམ་གྲུ་སྡེ་ཁག་གིས་ཉིན་རེར་ཁྲུང་ཆིང་ནས་ལྷ་སར་འཕུར་བའི་གནམ་གྲུའི་ལན་གྲངས་གཅིག་གསར་དུ་བསྣན་ཡོད་པ་དང་། མི་འགྱང་བར་ཁྲུང་ཆིང་ནས་ལྷ་སར་གནམ་གྲུ་ཐེངས་བདུན་རེར་འཕུར་རྒྱུ་ཡིན་ཞིང་། སྐབས་དེར་ཁྲུང་ཆིང་ནས་ཤར་གཏོང་བྱུང་བའི་བོད་བསྐྱོད་གནམ་གྲུའི་འཕུར་ཐེངས་དེ་ལྷ་སའི་གནམ་གྲུ་ཐང་གི་གནམ་གྲུའི་འཕུར་གྲངས་ཀྱི་བཞི་ཆའི་གཅིག་ལས་བརྒལ་རྒྱུ་རེད་ཟེར།
གསར་འགྱུར་ཡོང་ཁུངས། ཀྲུང་གོའི་བོད་ལྗོངས་དྲ་བ།
བསྐྱར་འགོད་པ། ཨ་རིག་འགྱུར་མེད།
![A large crowd walks in a market area outside Dadar station in Mumbai, India, Friday, March 17, 2023. [AP Photo/Rajanish Kakade]](https://tibettimes.net/wp-content/uploads/2026/04/Screen-Shot-2026-04-02-at-5.36.58-PM-360x180.png)
རྒྱ་ནག་གི་དཔལ་འབྱོར་ཡར་རྒྱས་དང་གོང་འཕེལ་འགྲོ་བཞིན་པ་འདི་ལ་བརྟེན་ནས་སྟོབས་ཤུགས་ཀྱང་གོང་འཕེལ་འགྲོ་བཞིན་པ་རེད། རྒྱ་ནག་ཡར་རྒྱས་དང་མཉམ་དུ་བོད་ཀྱི་དཔལ་འབྱོར་ལངའ་ཁེ་ཕན་གང་མང་ཞིག་ཡོད་པ་མངོན་གསལ་རེད།
དེར་བརྟེན་བཙན་བཤོལ་བོད་མི་ཚོའི་མི་ཚེའི་སྐོར་ལ་སེམས་ཁྲེལ་ཆེ་རུ་འགྲོ་བཞིན་ཡོད། རྒྱ་གར་གྱི་འཚོ་བ་ཅུང་ཡར་རྒྱས་སོང་ནའང་བཙན་བཤོལ་བོད་པར་ཕན་ཐོག་གང་ཡང་མེད་ལ། མ་ཟད་དངོས་གནས་བཤད་ན་ནམ་རྒྱུན་རྒྱ་གར་བས་བརྙས་བཅོས་འོགས་མེ་ཚེ་བསྐྱལ་རྒྱུ་ཤིན་ཏུ་དཀའ་པའི་གནས་ཚུལ་ཞིག་ཆགས་ཡོད། རྒྱ་གར་བོད་མི་གཞི་ཆགས་རྣམས་ཀྱིས་ནི་བུ་ཚ་སོགས་ཕྱིའི་རྒྱལ་ཁབ་གང་རུང་ལ་བཏངས་ནས་མི་ཚེའི་མདུན་ལམ་བཙལ་གྱིན་ཡོད་ལ། གསར་འབྱོར་བ་ཚོ་ནི་མར་བོད་ལ་ལོག་ཀྱིན་ཡོད། ན་ནིང་དང་ལོར་མཚོན་ན་དྷི་ལི་རྒྱ་ནག་གཞུང་ཚབ་ཁང་ནས་ཡི་གེ་བླངས་དེ་བོད་ལ་ལོག་འགྲོ་མཁན་གྱི་བོད་མའི་གྲངས་འབོར་ཧ་ཅིང་མང་རུ་ཕྱིན་ཡོད་པ་མངོན་གསལ་རེད། འདི་ལ་བལྟས་ན་རྒྱ་གར་ནང་མི་ཚེ་བསྐྱལ་མི་ཐུབ་གནས་ཚུལ་ཡོད་པ་མངོན་གསལ་རེད།
བྱ་བ་མེད་མཁན་ཚོའི་བོད་སྤྱི་དོན་ཁ་ལ་ཁྱེར་དེ་ལས་ག་དང་ཚོགས་པ་བཙུགས་ནས་བོད་དོན་སྒྲུབ་མདོག་བྱེད་ནའང་། དེ་ནི་དངོས་གནས་བཤད་ན་བསམ་བློ་ %95 རང་དོན་ཆགས་ཡོད་རྗེས་དཔག་པའི་ཚད་མས་ངེས་ནུས་ལ།
གནས་དོན་འདི་རིགས་རྣམས་ལ་ཞིབ་དུ་བལྟས་ན་བཙན་བཤོལ་བོད་གཞུང་གི་དགོང་པ་རྫོགས་ལ་ཉེ་བའི་རྟགས་ཞིག་རེད་འདུག
ཨ་གངས་ཅན་པ།
བོད་ནང་ཡུལ་སྐོར་ལས་རིགས་ལྡབ་གྱུར་གྱིས་སྔོན་ཐོན་བྱུང་ཡོད་རུང་འདི་ནི་ཕྱི་ཕྱོགས་སུ་ཁྱབ་བསྒྲགས་ཙམ་རེད།མ་ཟད་མཚོ་བོད་ལྕགས་ལམ་གསར་སྐྲུན་བྱས་ནས་བོད་ནང་གནས་སྤོར་བྱེད་མཁན་གྱི་རྒྱ་རིགས་མི་མང་ཚོར་རྒྱ་གཞུང་གིས་རྔན་པ་སྤྲད་དེ་གནས་སྤོར་བྱེད་དུ་འཇུག་དགོས་དོན་གང་ཡིན།དོན་ངོ་མ་གཞེས་ལུས་འབངས་མི་རྣམས་ལ་ཁེ་ཕན་དང་འཚོ་བར་འགྱུར་ལྡོག་ག་རེ་བྱུང་ཡོད་དམ།མཐའ་མའི་འབྲས་བུ་ནི་བོད་ནང་གི་ཁོར་ཡུག་སྤག་བཙོག་ཤུགས་ཆེན་ཐེབས་རྐྱེན་རང་བྱུང་གི་གོད་ཆག་འདི་འདྲ་འབྱུང་གི་ཡོད་པ་མཁྱེནན་གསལ་རེད།
ནུབ་རྒྱུད་གསར་སྤེལ་དེ་རྒྱ་ནག་གིས་བཤད་པའི་བོད་ལྗོངས་ཀྱི་ཆེད་དུ་ཡིན་པ་ལས་བོད་ཀྱི་ཆེད་དུ་མིན་པ་ཧ་ཅང་གསལ་པོ་རེད། ཡར་རྒྱས་དེ་ཡང་དཔལ་འབྱོར་ཁོ་ནའི་ཆེད་དུ་དང་རྒྱ་ཡི་ཁེ་ཕན་འབའ་ཞིག་གི་ཆེད་དུ་ཡིན་ན། བོད་པ་དང་བོད་དོན་རྒྱབ་སྐྱོར་བ་ཡོངས་ཀྱིས་ཕྱོགས་ཚང་མར་ཞིབ་དཔྱོད་དང་གཟབ་གཟབ་བྱེད་དགོས་ལ། གྲུང་རིས་རིས་ཀྱིས་གྱོང་ཁ་ནས་ཐར་དགོས་པ་བྱ་གལ་ཆེ།