ཕྱི་ཚེས་ ༡༢ ཉིན་ཀན་སུའུ་ཞིང་ཆེན་སྲིད་གཞུང་གསར་འགྱུར་གཞུང་སྒྲུབ་ཁང་གིས། འབྲུག་ཆུ་རྫོང་དུ་ཆུ་ལོག་གི་གནོད་སྐྱོན་ཕོག་པའི་སྐོར་ལ་གནས་ཚུལ་ཕྱིར་བསྒྲགས་བྱས་པ་ལྟར་ན། ཐེངས་འདིའི་འབྲུག་ཆུའི་ཆུ་ལོག་ཆེན་པོའི་གནོད་འཚེ་ཁྲོད། རྐྱེན་ལམ་དུ་ཤོར་བའི་མི་ཆིག་སྟོང་ཆིག་བརྒྱ་བཅུ་བདུན་ལ་བུད་འདུག་ཟེར།
ཚེས་བཅུ་གཅིག་ཉིན་གྱི་དུས་ཚོད་བཅུ་བདུན་དང་སྐར་མ་ཉི་ཤུ་བར་དུ། ཀན་སུའུ་ཞིང་ཆེན་ཀན་ལྷོ་ཁུལ་འབྲུག་ཆུ་རྫོང་དུ་ཆུ་ལོག་གི་གནོད་འཚེ་ཆེན་པོ་ཐེབས་པའི་ཁྲོད་ནས་རྐྱེན་ལམ་དུ་ཤོར་བའི་མི་སྟོང་གཅིག་དང་བརྒྱ་དང་བཅུ་བདུན་ལ་བུད་པ་དང་། རྨས་མ་ལྗིད་མོ་དྲུག་ཅུ་རེ་བཞི་སྨན་ཁང་དུ་བསྡད་པའི་ཁྲོད་ནས་རྨས་མ་ལྔ་བཅུ་ང་བརྒྱད་ས་གཞན་ལ་སྨན་བཅོས་བྱེད་པར་བསྐྱལ་ཞིང་། མི་ལྔ་སྨན་ཁང་ལས་བུད། མི་ལྔ་བརྒྱ་དང་རེ་བདུན་གྱིས་སྒོ་བསྟེན་སྨན་ཁང་ནས་སྨན་བཅོས་བྱས་པར་མ་ཟད། མི་སྟོང་གཅིག་དང་ཉིས་བརྒྱ་ཞེ་གསུམ་བདེ་བླག་ངང་བསྐྱབས་པ་དང་། ད་དུང་མི་དྲུག་བརྒྱ་དང་ཉེར་བདུན་གར་སོང་མ་ཤེས་པར་ལྷག་ཡོད་ཅེས་གནས་ཚུལ་བཀོད་འདུག
ད་ལྟའི་ཆར་གར་སོང་མི་ཤེས་པའི་མི་ད་དུང་དྲུག་བརྒྱ་ལས་བརྒལ་ཡོད་ལ། མི་ཤི་བའི་གྲངས་འབོར་ཡང་དེ་ལྟར་འཕར་བཞིན་ཡོད་འདུག
བསྐྱར་འགོད་པ། ཨ་རིག་འགྱུར་མེད།
ཆུ་ལོག་གིས་བསད་ཟིན་པ་རྣམས་ལ་སྨོན་ལམ་དང་ཤུལ་ལུས་རྣམས་ལ་སེམས་གསོ་དང་གདུང་སེམས་མཉམ་སྐྱེད་ཡོད།
དགྱ་དམར་ཀླ་ཀློས་ཉི་སྟོང་བརྒྱད་ལོར་རང་རིགས་སྤུན་ཟླ་བརྒྱ་ཕྲག་མང་པོ་དམར་གསོད་བཏང་། འདི་ལོའི་ལོ་སྟོད་ལ་ས་ཡོམ་བརྒྱབ་ནས་སྤུན་ཟླ་སྟོང་ཕྲག་མང་པོའི་ཚེ་སྲོག་བཀུམ། ཟླ་འདིར་ཆུ་ལོག་གིས་སྤུན་ཟླ་བརྒྱ་ཕྲག་མང་ཁ་ཤས་ཚེ་སྲོག་བཅོམ། ངོ་མ་ང་ཚོའི་བོད་བའི་ལས་འདི་ཡ་ང་བ་ལ། ཨོཾ་མ་ཎི་དཝཔདྨེ་ཧུཾ། ཨོཾ་མ་ཎི་དཝཔདྨེ་ཧུཾ། ཨོཾ་མ་ཎི་དཝཔདྨེ་ཧུཾ། ཨོཾ་མ་ཎི་དཝཔདྨེ་ཧུཾ། ཨོཾ་མ་ཎི་དཝཔདྨེ་ཧུཾ། ཨོཾ་མ་ཎི་དཝཔདྨེ་ཧུཾ།
ས་གནས་མང་ཚོགས་ཀྱིས་བརྗོད་པ་ལྟར་ན་མི་ཤི་གྲངས་ ༤༠༠༠ ལྷག་བརྒལ་ཡོད་པ་དང་། ཐེངས་འདིའི་གནོད་འཚེ་ཁྲོད་འབྲུག་ཆུ་རྫོང་མཁར་གྲོང་སློབ་ཆུང་དང་པོར་གནོད་སྐྱོད་ཐེབས་ཡོད་འདུག ཡུལ་འདིར་སྔོན་ཆད་ཤིང་ནགས་ཀྱིས་ཁེབས་ཡོད་ལ། རྗེས་སུ་རྒྱ་གཞུང་གིས་གྲོང་སྒྱུར་འཛུགས་བསྐྲུན་གྱི་ལས་གཞི་སྣ་ཚོགས་པའི་རྐྱེན་གྱིས་ཤིང་ནགས་ཕོན་ཆེན་པོ་གཏུབ་འབྲེགས་བྱས་སོང་སྐད། རང་བྱུང་ས་རྒྱུ་ལ་གནོད་སྐྱོན་ཚབ་ཆེན་ཐེབས་ཏེ་ཆུ་ལོག་ས་རུད་ཀྱི་གནོད་འཚེ་འབྱུང་ཉེན་ཁར་བཅར་ཡོད་པ་དང་། དེ་བཞིན་ཕྱི་ལོ་ ༢༠༠༢ ལོར་རྒྱ་ནག་གི་ས་གཤིས་ཞིབ་འཇུག་པས་རྟོག་ཞིབ་བརྒྱུད་ཡུལ་དེ་ས་གཤིས་ཉམས་ཆགས་སུ་གྱུར་བའི་རྐྱེན་གྱིས་ཡུལ་གཞན་དུ་གནས་སྤོ་དགོས་ཚུལ་ཞིབ་འཇུག་སྙན་ཐོའི་ནང་བཏོན་ཡོད་འདུག གཞན་ཡང་། ད་དུང་ཡུལ་ཕྱོགས་དེར་མུ་མཐུད་ནས་ཆར་ཞོད་ཆེན་པོ་བརྒྱག་རྒྱུ་ཡིན་པ་དང་། མུ་མཐུད་ས་རུད་འབྱུང་ཉེན་ཡོད་སྐོར་དཔྱད་བརྗོད་པ་དག་གིས་བརྗོད་འདུག
གནས་ཚུལ་འདི་རྫོང་ཐོག་རང་ལ་བྱུང་ཡོད་སྟབས་འདས་གྲོངས་སུ་སོང་བའི་མི་གྲངས་གསར་འགྱུར་བརྒྱུད་དུ་ཐོན་པ་ལས་མང་བ་སྨྲོས་མེད་ཀྱང་གནས་ཚུལ་དྲང་བདེན་དུ་མི་བཀོད་པ་འདི་གོང་ཁྲན་ཏང་གི་སྲིད་ཇུས་ཤིག་རེད་ཟེར།
འབྲུག་ཆུ་རྫོང་ཐོག་རང་མི་འབོར་ཁྲི་བཞི་ལྷག་ཡོད་པའི་གནས་ཚུལ་འདུག་ལ་དེའི་ནང་ནས་མི་ཁྲི་གཉིས་ཙམ་ལ་གནོད་སྐྱོན་ཐེབས་འདུག་པའི་ཚོད་དཔག་བོད་ནང་དུ་བྱེད་བཞིན་འདུག
ཨོ་ཨོ་ ཀན་ལྷོ་འབྲུག་ཆུ་རྫོང་དུ་ཆུ་ལོག་གིས་མི་མང་བསད་གྲངས་སྟོང་གཅིག་དང་བརྒྱ་དང་བཅུ་བདུན་ཡོད་ཟེར་བ་འདི་བདེན་པ་ཡིན་ན་མི་བསད་གྲངས་ཧ་ཅིང་མང་པོ་རེད། ཅི་འདྲའི་སེམས་སྐྱོ་བ་ལ། ལོ་ཁ་ཤས་སྔོན་དུ་འབྲུག་ཆུ་རྫོང་ལ་སོང་པ་ཡིན། འབྲུག་ཆུ་རྫོང་ཐོག་གི་མི་ཕར་ཆེར་བོད་པ་རེད་འོན་ཀྱང་རྒྱ་རིགས་དང་ཧུ་རིགས་ཀྱང་ཧ་ཅིང་མང་པོ་དེར་བསྡད་ཡོད།
གང་ལྟར་ཡང་ཨ་མདོ་འབྲུག་ཆུ་རྫོང་གི་བོད་རིགས་མི་དམང་རྣམས་ལ་གདུང་སེམས་མཉམ་སྐྱེད་ཞུ།
གསར་འགོད་པ་ལགས། གནས་ཚུལ་འདིའི་ཐད་ལ་ཁྱེད་ཀྱིས་འདི་ལྟར་བཀོད་ཡོད་ལ། ༼ད་དུང་མི་དྲུག་བརྒྱ་དང་ཉེར་བདུན་གར་སོང་མ་ཤེས་པར་ལྷག་ཡོད་ཅེས་གནས་ཚུལ་བཀོད་འདུག༽ འདི་ལ་བལྟས་ན་གནས་ཚུལ་འདི་བརྒྱུར་གཏོངས་བྱས་པ་ཤེས་ཐུབ། འོན་ཀྱང་གང་དུ་བཀོད་ཡོད་དང་། བདེན་དཔང་ཅི་འདྲ་ཡོད་མེད་སོགས་གསལ་པོ་འགོད་རོགས།
མངོན་པར་དགའ་བའི་ཞིང་ཁམས་སུ། །རྫོགས་པའི་སངས་རྒྱས་མི་འཁྲུགས་བཞུགས། །ངན་སོང་སྦྱངས་བའི་འཁྲུངས་ས་ཡི། །ཞིང་མཆོག་དེ་ན་སྐྱེ་བར་ཤོག །
གཡ་ལོ་བཀོད་པའི་ཞིང་ཁམས་སུ། །རྗེགབཙུན་འཕགས་མ་སྒྲོལ་མ་བཞུགས། །ཆགས་སྡང་སྤངས་པའི་འཁྲུངས་ས་ཡི། །ཞིང་མཆོག་དེ་ན་སྐྱེ་བར་ཤོག །
ཤངས་མདོགས་དཔལ་གྱི་རི་བོ་ལ། །གུ་རུ་པདྨ་འབྱང་གནས་བཞུགས། །སྐྱེ་འཆི་སྤངས་པའི་འཁྲུངས་ས་ཡི། །ཞིང་མཆོག་དེ་ན་སྐྱེ་བར་ཤོག །
པདྨ་འདམ་གྱིས་མའགོས་པར། །སྲིད་གསུམ་དྲི་མས་མ་འགོས་ཤིང་། །སྲིད་པའི་པདྨོ་ལས་སྒྲོལ་མ། །བདེ་བ་ཅན་དུ་སྐྱེ་བར་ཤོག །
བདེ་བ་ཅན་གྱི་ཞིང་ཁམས་སུ། །སངས་རྒྱས་འོད་དཔག་མེད་པ་བཞུགས། །སྣང་བ་མཐའ་ཡས་འཁྲུངས་ས་ཡ། །ཞིང་མཆོག་དེ་ན་སྐྱེ་བར་ཤོག །
རི་བོ་ཏྭ་ལའི་ཞིང་ཁམས་སུ། །ཡི་དམ་ཐུགས་རྗེ་ཆེན་པོ་བཞུགས། །སྙིང་རྗེ་ཅན་གྱི་འཁྲུངས་ས་ཡི། །ཞིང་མཆོག་དེ་ན་སྐྱེ་བར་ཤོག །ཨོཾ་མ་ཎི་དཝཔདྨེ་ཧུཾ།
དགེ་བ་འདི་ཡིས་ཚེ་འདས་དག །སྤྱན་རས་གཟིགས་དབང་འགྲུབ་གྱུར་ཅིག །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །
བོད་པ་ཚོའི་ལས་དབང་འདི་བཙོག་གི་ཡ།
མི་ཡུལ་དམྱལ་ཡུལ་རེད་ལ། བོད་པ་ལས་ངན་ཡང་རེད། མ་ཎྀ་རེད་་་་་་