མི་སུ་ཡིན་ནའང་༧གོང་ས་མཆོག་གི་ཞབས་ཞུ་ཚད་ལྡན་ཞིག་བྱེད་ཐུབ་པ་ཁག་པོ་རེད། ངས་ཀྱང་ཞབས་ཞུ་ཚད་ལྡན་ཞིག་ཞུ་ཐུབ་རྒྱུ་རེད་ཅེས་ཞུ་མི་ནུས། ོན་ཀྱང་རང་གི་གང་ནུས་ཀྱིས་འབད་དགོས་པ་དེ་གཡོལ་ཏུ་མེད་པ་ཞིག་རེད་ཟེར།
ཟླ་འདིའི་ཚེས་བརྒྱད་དེ་གཟའ་ཉི་མའི་ཉིན། ཨ་རིའི་བྱང་ཁ་ལས་ཧྥོ་ནས་ཡིའི་ Stanford for Tibet ཟེར་བའི་དང་བླང་བོད་མི་གཞོན་སྐྱེས་ཚོགས་པ་ཞིག་གི་གོ་སྒྲིག་འོག་ཚོགས་ཁང་ཆུང་ཆུང་ཞིག་ཏུ་མ་འོངས་པའི་བཀའ་ཁྲིའི་སྐོར་ལ་བཀའ་བློན་ཁྲི་ཟུར་བཀྲས་མཐོང་བསྟན་འཛིན་རྣམ་རྒྱལ་ལགས་གདན་ཞུས་ཀྱིས་གསུང་བཤད་དང་འདྲི་བ་དྲིས་ལན་གྱི་ལས་རིམ་ཞིག་གནང་སོང་ལ། སྐབས་དེར་ཉེ་འཁོར་གྱི་བོད་མི་དོན་གཉེར་ཅན་མི་༡༠༠མ་ཟིན་ཙམ་ཕེབས་འདུག
བཀྲས་མཐོང་བསྟན་འཛིན་རྣམ་རྒྱལ་གྱིས་བཀའ་ཁྲིའི་འོས་མིར་ལངས་པའི་སྐོར་གསུང་དོན།ལོ་ངོ་དུ་མའི་རིང་བོད་གཞུང་དང་ཚོགས་པ་འདྲ་མིན་ནང་ལས་ཀ་བྱས་པ་ཡིན་ལ།གང་ནུས་ཀྱིས་འབད་བརྩོན་ཞུས་ཡོད།བཀའ་ཁྲི་ལ་འདུག་དགོས་པའི་བོད་མི་དམངས་ཀྱིས་ཐུགས་འདོད་ཆེན་པོ་གནང་བ་ཡིན་ན་གུས་བཀུར་ཞུ་ངེས་ཡིན།དེ་བཞིན་བཀའ་ཁྲིའི་སྐོར་གྱི་བགྲོ་གླེང་ཚོགས་འདུ་ལྟ་བུར་ང་འགྲོ་བཞིན་ཡོད།དེ་ནི་མི་དམངས་ལ་དམངས་གཙོའི་སྐོར་གོ་རྟོགས་ཡག་ཏུ་འགྲོ་བ་དང་བཀའ་ཁྲི་གལ་ཆེ་ཡིན་པའི་ངོས་འཛིན་ཐོབ་པར་ཕན་གྱི་རེད་བསམ་ཡོད་ཟེར།
ཁོང་གིས་ཕྱག་ལས་གནང་སྟངས་སྐོར་གསུང་དོན།མི་སུ་འདྲ་ཞིག་ཡིན་རུང་༧གོང་ས་མཆོག་ལ་ཞབས་ཞུ་ཚད་ལྡན་ཞིག་ཞུ་ཐུབ་པ་ཁག་པོ་རེད་བསམ།ངས་ཀྱང་ཞབས་ཞུ་ཚད་ལྡན་ཞིག་ཞུ་ཐུབ་ཅེས་ཞུ་མི་ནུས།འོན་ཀྱང་རང་གི་གང་ནུས་ཀྱིས་འབད་དགོས་པ་དེ་གཡོལ་ཏུ་མེད་པ་ཞིག་རེད།མི་སུ་ཞིག་བཀའ་ཁྲི་ལ་ཕེབས་ཀྱང་༧གོང་ས་མཆོག་གི་ལམ་སྟོན་དང་གྲོས་ཚོགས་ཀྱིས་ཐག་གཅོད་ལ་གུས་བཀུར་ཞུ་དགོས་པ་རེད། ད་ལྟའི་དབུ་མའི་ལམ་གྱི་སྲིད་ཇུས་རང་ལ་གྲོས་ཚོགས་ནས་བགྲོ་གླེང་གནང་སྐབས་གྲོས་ཚོགས་ནས་ཐག་མ་ཆོད་པར་༧གོང་ས་མཆོག་གིས་གང་བཀའ་གནང་བ་དེ་ལ་རྒྱབ་སྐྱོར་ཞུ་རྒྱུ་ཡིན་ཞེས་སྙན་ཞུ་ཕུལ་བ་ཞིག་རེད་ལ།ངས་བསམས་?་རྩ་བའི་བོད་དོན་འདི་ཐ་མའི་ཐག་གཅོད་གནང་མཁན་བོད་མི་དམངས་རང་ཡིན་དགོས་པ་རེད་བསམ་ཡོད་ཟེར།
ཁོང་གིས་དེ་སྔོན་བཀའ་བློན་གནང་སྐབས་ཀྱི་རྩིས་ཀྱི་སྐོར་གསུང་དོན། ངས་དཔལ་འབྱོར་བཀའ་བློན་གནང་སྐབས་སྔོན་རྩིས་དང་འགྲོ་སོང་གཉིས་ཏག་ཏག་མ་བསྡད་པར་འགྲོ་སོང་མང་བ་བྱུང་བ་རེད། སྐབས་དེར་དམངས་གཙོའི་ཚགས་པར་ཟེར་བ་ཡོད་པ་རེད། དེའི་སྟེང་དུ་ངས་འབུམ་མང་པོ་ཟོས་འདུག་ཅེས་གནས་ཚུལ་སྤེལ་བ་རེད། དེ་ནི་གནས་ཚུལ་ཡག་པོ་མ་ཤེས་པར་སྤེལ་བ་ཞིག་ཡིན་མིན་མི་ཤེས། གནས་ཚུལ་སྤེལ་མཁན་འཇམ་དབྱངས་ནོར་བུ་དང་ལྷ་བཟང་ཚེ་རིང་། པད་མ་འབུམ་སོགས་རེད། ཁོང་ཚོ་ད་ལྟ་བསྡད་ཡོད་པ་རེད་ལ་སྐད་ཆའང་འདྲི་ཆོག་གི་རེད། སྐབས་དེར་སྤྱི་འཐུས་ཀྱིས་སྔོན་རྩིས་དང་འགྲོ་སོང་ཁ་མ་འདུམ་པའི་གནད་དོན་ལས་?ར་ནས་ཟོས་སོང་བ་ཞིག་མ་རེད་ཅེས་གསལ་བཤད་ཀྱང་གནང་སོང་ཟེར།
ཁོང་གིས་རྣམ་འགྱུར་སྟོན་ཐེངས་ལ་བལྟས་ན། ཁོང་བཀའ་ཁྲི་ལ་བཞུགས་རྒྱུར་དང་འདོད་དེ་ཙམ་མེད་པ་འདྲ་། ཁོང་ལ་འོས་ཐོབ་ཆེད་ཁོང་དང་ཁོང་གི་གཉེན་ཉེ་དུ་དང་འབྲེལ་ཡོད་མི་སྣ་སོགས་བསྐུལ་སློང་བྱེད་རྩིས་མེད་པ་འདྲ། ཁོ ང་ཁུ་སིམ་པོར་བསྡད་དེ་འོས་ཐོབ་སོང་ན་ནི་མི་དམངས་ཀྱི་ཐུགས་འདོད་ལྟར་བཀའ་ཁྲི་ལ་བཞུགས་རྒྱུའི་ཐག་གཅོད་ཅིག་གནང་འདུག་སྙམ།
ཟླ་བ་ཆོས་འཛོམས་ཀྱིས།
བཀྲས་མཐོང་དང་རྒྱ་སྒྲོལ་སོགས་ཡང་བསྐྱར་སྤྱི་ཚོགས་ནང་ལ་འོང་བ་ཡིན་སྤྱི་ཚོགས་ལ་འདར་བསིགས་ཆེན་པོ་ཞིག་གཏོང་ངེས་ཡིན། བོད་མི་ཚོས་བསམ་གཞིགས་གཏོང་རྒྱུ་གལ་ཆེ།
མང་གཙོ་ཚོགས་པ་ཟེར་བ་དེའི་ལས་ཀ་ག་དུས་ཡིན་ནའང་དེ་འདྲ་རེད།
དགོད་རྒྱུ་ཡོང་ནས་མི་བབས་གི
བཀའ་ཁྲི་ཟེར་བ་དེ་དོན་ངོ་མར་གོང་ས་མཆོག་ལ་ཞབས་ཞུ་གནང་མཁན་ཡིན་ནམ། མི་དམངས་ལ་ཞབས་ཞུ་སྒྲུབ་མཁན་ཡིན།
བཀའ་ཁྲི་ལ་འདུག་འདོད་མེད་པ་ཞིག་ལ་རེ་བ་བྱེད་དགོས་དོན་མི་འདུག་སྙམ།
ཡ་དེ་རིང་ད་རྡ་ས་ན་ཡོད་པའི་བོད་དོན་པ་དང་ཆབ་སྲིད་པ་ཡང་ན་བོད་ཀྱི་དུས་བབ་ཁང་དང་བང་ཆེན་སོགས་བཙན་བྱོལ་བོད་ཀྱི་གསར་འགོད་པ་དང་གསར་ཤོག་ལས་བཟོ་བ་རྣམ་པ་ཕེབས་ཡ། འབུམ་དགུ་བ་ལ་ཕྱག་འཚལ་ལོ་ཞེས་པའི་སྒྲོལ་མའི་བསྟོད་པ་འདི་བདེན་མིན་ཆབ་སྲིད་པ་དང་རྩོམ་པ་པོ་འཇམ་དབྱངས་ནོར་བུ་དང་ལྷ་བཟང་ཚེ་རིང་ཡང་ན་པད་མ་འབུམ་སོགས་ལ་འདྲི་རུ་འགྲོ་དགོས་ངེས་རེད།བཀྲས་མཐོང་པ་ཁོས་བཤད་པ་དེ་བདེན་པ་ཡིན་ན་སྐབས་དེའི་གནས་ཚུལ་སྤེལ་མཁན་དང་སྒྲོལ་མའི་བསྟོད་པ་སྐྱོར་མཁན་མི་མང་ཚང་མས་ཁོང་ལ་དགོངས་དག་ཞུ་དགོས་ངེས་རེད་ད། དེ་མིན་སྒྲོལ་མའི་བསྟོད་པ་ཁོང་ལ་དག་དག་ཁེལ་ཡོད་ན་མ་འོངས་པའི་གནས་ཚུལ་ལ་ང་ཚོས་ཁ་ཕྱོགས་ཅི་ཞིག་འཛིན་དགོས་མིན་ཁྱེད་ཚོས་མཁྱེན་དགོས་ངེས་རེད།
བཀའ་ཟུར་བཀྲས་མཐོང་ལགས་ཀྱིས་གསུང་ལ་གཞིག་ན་ཚོར་སྣང་གསར་པ་ཞིག་དང་དོགས་འཆར་གསར་པ་ཞིག་ཡོང་བ་ནི་ཕྲན་ཙམ་ག་ལ་ཡིན།
ཁོང་གིས་གོང་ས་མཆོག་གི་ཞབས་ཞུ་ཚད་ལྡན་ཞིག་བྱེད་ཐུབ་ཁག་པོ་རེད་ཅེས་དང་ཡང་ངས་ཀྱང་ཞབས་ཞུ་ཚད་ལྡན་ཞིག་ཞུ་ཐུབ་རྒྱུ་རེད་ཞུ་མི་ནུས་གསུངས་པ་ལ་བརྟེན་ནས་ཚོར་སྣང་སྐྱུར་མོ་ཞིག་དབང་མེད་དུ་བྱུང་།
གོང་ས་མཆོག་གི་ཞབས་ཞུ་ཚད་ལྡན་བྱེད་ཐུབ་ཁག་པོ་ཡིན་པའི་རྒྱུ་མཚན་གང་ཡིན།གོང་ས་མཆོག་གི་ཞབས་ཞུ་ཚད་ལྡན་ཞུ་མཁན་རང་གི་མི་རིགས་དང་ཕྱིའི་མི་རིགས་སོགས་བརྗོད་མི་ལངས་པ་ཡོད་པ་
ནི་ཀུན་གྱིས་མཁྱེན་གསལ་རེད་ཁོང་གིས་དེ་འདྲ་ཞིག་གསུངས་དོན་གང་ཡིན།ཁོང་རང་གི་ཤེས་ཡོན་དང་འཇོན་ཐང་བཀའ་ཁྲི་བྱས་པའི་མྱོང་བས་ཐོག་བཤད་པ་ཡིན་ནམ། ཡང་ན་གོང་ས་མཆོག་གི་གནང་སྟང་དང་གོང་ས་མཆོག་གི་ལངས་ཕྱོགས་གོང་ས་མཆོག་གི་དགོངས་ཞིག་དང་མཐུན་པ་ཞིག་བྱ་ཐབས་མེད་པ་ཞིག་མཐོང་གི་ཡོད་པ་ཡིན་ནམ་གང་ཡིན། ཡང་ཁོང་གིས་བརྗོད་དོན་ངས་ཀྱང་ཞབས་ཞུ་ཚད་ལྡན་ཞིག་ཞུ་ཐུབ་རྒྱུ་རེད་ཅེས་མི་ནུས་ཅེས་གསུངས་ན་བཀའ་ཁྲིའི་འོས་མིར་ཕེབས་མཁན་ཞིག་གིས་སེམས་ཤུགས་མེད་པའི་རྣམ་འགྱུར་དེ་འདྲ་ཞིག་བོད་མི་དམངས་ལ་གསལ་བཤད་བྱས་དགོས་དོན་གང་ཡིན། གལ་སྲིད་འོས་ཐོབ་ན་བཀའ་ཁྲི་གནང་འདོད་ཡོད་ཚེ་གོང་ས་མཆོག་གི་ཞབསཞུ་ཚ་ལྡན་ཞིག་ཞུ་ཐུབ་པའི་སྤོབས་པ་དང་སེམས་ཤུགས་ཡོད་པ་དེ་བོད་མི་དམངས་ཀྱི་རེ་བ་དང་མངོན་འདོད་ཡིན་ལ་བོད་ཀྱི་རྩ་དོན་ཡང་ཆགས་ཡོད།
རྒྱ་སྒྲོལ་དང་བཀྲིས་མཐོང་བ་སོགས་ཁ་གཅིག་གྲགས་ཀྱིས་༧གོང་ས་མཆོག་གི་ཞབས་ཞུ་ཚད་ལྡན་ཞིག་ཞུ་ཐུབ་དཀའ་ཚུལ་བཤད། བོད་མི་རྣམས་ཀྱིས་བཀའ་ཁྲི་འཚོལ་བ་ནི་བོད་ཀྱི་གནས་བབ་ཀྱི་འགན་ལེན་མཁན་ཞིག་འཚོལ་བཞིན་པ་ལས་༧གོང་ས་མཆོག་གི་ཞབས་ཞུ་ཙམ་གྱི་ཆེད་དུ་མ་རེད། བཀྲིས་མཐོང་བ་ལ་མཚོན་ན་དམངས་གཙོའི་ཚགས་པར་སྟེང་བཀོད་པའི་གནས་ཚུལ་དེས་མི་མང་ལ་དྭོགས་འདྲོགས་ངེས་ཅན་ཞིག་བསླངས་ཡོད་ཀྱང་། ལྕགས་ལ་ཟད་རྒྱུ་དང་མི་ལ་འགྱུར་རྒྱུ་ཡོད་པའི་ཡིད་ཆེས་ཡོད།
སྔོན་རྩིས་དང་འགྲོ་སོང་ཁ་མ་འདུམ་པ་དེ་འདྲ་ཕྱོགས་མང་པོར་ཡོང་གི་ཡོད། གཙོ་བོ་མི་སྒེར་སོ་སོའི་སྐབས་དེ་དུས་ཀྱི་བྱས་རྗེས་དང་ལྷག་བསམ། འབྱུང་འགྱུར་གྱི་འཆར་གཞི། གསར་གཏོད་དང་བཅོས་སྒྱུར་གྱི་ནུས་པ་གང་འདྲ་ཡོད་མེད་དེ་གཙོ་བོ་རེད། ཁོང་གི་འབུམ་དགུའི་སྐོར་དེ་རྩོད་མེད་ཡོངས་གྲགས་ཀྱིས་གཙང་མ་ཆགས་ཡོད་པ་རེད། ཕལ་ཆེར་དེའི་སྐོར་གླེང་མཁན་ཚོ། རྒྱུན་གཏན་ནས་རང་རེའི་སྤྱི་ཚོགས་དང་གསར་འགྱུར་སོགས་ལ་དོན་སྣང་མེད་པའི་སྐྱོན་ཡིན་པར་ངེས།
བཀའ་ཁྲི་ལ་འདུག་རྒྱུ་བོད་མི་དམངས་ཀྱིས་ཐུགས་འདོད་ཆེན་པོ་གནང་བ་ཡིན་ན་གུས་བཀུར་ཞུ་ངེས་ཡིན་ཟེར་བ་དང་༸་གོང་ས་མཆོག་ལ་ངས་ཀྱང་ཞབས་ཞུ་ཚད་ལྡན་ཞིག་ཞུ་ཐུབ་རྒྱུ་རེད་ཅེས་ཞུ་མི་ནུས་ཟེར་ཚུལ་ལ་བལྟས་བཀྲས་མཐོང་ཁོ་ད་ལྟའི་བོད་མི་ཚོའི་སེམས་ནང་གི་བཀའ་ཁྲི་དེ་ཡོང་རྒྱུ་མིན་ཁོ་ཐག་རེད། དེ་ལས་བློ་བཟང་སེང་གེ་ལ་བཏོན་པའི་དྲི་བ་བཅུ་ཟེར་བ་དེར་དྲོ་བ་དང་རེ་བ་འདུག།
བྱས་ནས་བཀྲས་མཐོང་ཁྱེད་རང་དང་ཐོག་འཇམ་དབྱངས་ནོར་བུ་དང་ལྷག་བཟང་ཚེ་རིང་སོགས་ཀྱི་མཉམ་དུ་བགྲོ་གླེང་ཞིག་གནང་དགོས་དེ་ནས་རིམ་པ་མི་མང་གི་མདུན་ལ་མཐོན་ན་ཡག་པོ་འདུག
དམངས་གཙོ་ཚོགས་པས་དེའི་སྐོར་གསལ་བཤད་ཅིག་ཀྱང་གནང་མ་སོང་དངོས་ཉིད་བློ་ཕམ་ཡོད།
ཆོས་འཛོམས་ལགས་ཀྱིས་བཀྲས་མཐོང་ལགས་ཀྱི་གདོངས་ཚུལ་རྡོག་བསྒྲིལ་ཡག་པོ་གནང་བྱས་འདུག་པས་བཀའ་དྲིན་ཆེ་ཞུ། བཀྲས་མཐོང་ཚང་ལ་བཀའ་ཁྲིར་བཞེང་རྒྱུ་དགོངས་པ་ཡོད་ཚེ་མི་དམངས་ཀྱིས་ཀྱང་དོ་སྣང་སྤྲད་དང་སྤྲོད་བཞིན་འདུག་གཱ ཡག་པོ་འདུག
ཆོས་འཛོམས་ལགས་ཀྱིས་བཀྲས་མཐོང་ལགས་ཀྱི་གདོངས་ཚུལ་རྡོག་བསྒྲིལ་ཡག་པོ་གནང་བྱས་འདུག་པས་བཀའ་དྲིན་ཆེ་ཞུ། བཀྲས་མཐོང་ཚང་ལ་བཀའ་ཁྲིར་བཞེང་རྒྱུ་དགོངས་པ་ཡོད་ཚེ་མི་དམངས་ཀྱིས་ཀྱང་དོ་སྣང་སྤྲད་དང་སྤྲོད་བཞིན་འདུག་གཱ ཡག་པོ་འདུག